Флунол® сироп 25 мг/5 мл

Бір құтының ішінде белсенді зат – флуконазол, 350 мг, қосымша заттар: сахароза, лимон қышқылы моногидраты, натрий цитраты дигидраты, глицерин, метилпарабен, пропилпарабен, апельсин хош иістендіргіші, тазартылған су. Сыртқы түрінің, иісінің, дәмінің сипаттамасы Апельсин дәмі бар мөлдір, түссіз шәрбат

Флунол® препаратын қолдану төменде көрсетілген зең инфекцияларында көрсетілген. Флуконазол ересектерде келесі ауруларды емдеуге арналған: • криптококкты менингит; • кокцидиоидомикоз; • инвазивті кандидоз; • шырышты қабықтың кандидозы, соның ішінде орофарингеальды кандидоз, өңеш кандидозы, кандидурия және тері мен шырышты қабықтың созылмалы кандидозы; • ауыз қуысы гигиенасын сақтау немесе жергілікті емдеу жеткіліксіз болған кезде ауыз қуысының созылмалы атрофиялық кандидозы (тіс протездерін киюге байланысты); • жедел немесе қайталанған қынаптық кандидоз; жергілікті емдеу жарамсыз болғанда; • кандидоздық баланит, жергілікті емдеу жарамсыз болғанда; • дерматомикоздар, соның ішінде табан дерматофитиясы, дене дерматофитиясы, шап дерматофитиясы, түрлі-түсті теміреткі мен терінің кандидоздық инфекциялар, жүйелі ем қолдану көрсетілген кезде; • тырнақ дерматофитиясы (онихомикоз) (басқа препараттармен емдеу қолайсыз болған кезде). Флуконазол ересектерде келесі аурулардың профилактикасы үшін көрсетілген: • қайталану қаупі жоғары пациенттерде криптококкты менингиттің қайталануы; • қайталану қаупі жоғары АИТВ-инфекцияланған пациенттерде орофарингеальды кандидоздың және өңеш кандидозының қайталануы; • қынаптық кандидоздың қайталану жиілігін (жылына 4 немесе одан көп эпизодтар) азайту үшін; • ұзаққа созылған нейтропениясы бар пациенттерде кандидоз инфекцияларының профилактикасы үшін (химиотерапиядан өтіп жатқан гемобластозы бар пациенттер немесе гемопоэздік дің жасушаларын трансплантациялайтын пациенттер. Флунол® препаратын мерзімі жетіліп туған нәрестелерді, сәбилерді, мектепке дейінгі және бастауыш мектеп жасындағы балаларды, сондай-ақ туғаннан бастап 18 жас аралығындағы жасөспірімдерді емдеу үшін қолдану. Флуконазол шырышты қабықтың кандидозын (орофарингеальды кандидоз бен өңеш кандидозын), инвазивті кандидозды, криптококкты менингитті емдеу және иммундық жүйесі әлсіреген пациенттерде кандидоз инфекцияларының профилактикасы үшін қолданылады. Флуконазолды қайталану қаупі жоғары балаларда криптококкты менингиттің қайталануын болдырмау үшін демеуші ем ретінде қолдануға болады. Емдеуді өсірінділік әдіс пен басқа зертханалық зерттеу әдістерінің нәтижелері белгілі болғанға дейін бастауға болады. Алайда, осы нәтижелер белгілі болғаннан кейін, зеңге қарсы емдеуге тиісті түзетуді енгізу керек. Зеңге қарсы препараттарды тиісті түрде қолдану жөніндегі ресми нұсқаулықтарды ескеру қажет.

Әсер ету механизмі Флуконазол - триазол тобының зеңге қарсы дәрісі. Оның әсер етуінің негізгі механизмі зеңдегі эргостерол биосинтезіндегі негізгі кезеңі болып табылатын 14 - альфа-ланостеролдың зең цитохромы арқылы жүретін Р - 450 деметилдену реакциясын басу болып табылады. 14 - альфа-метилстеролдардың жинақталуы зеңдердің жасуша жарғақшасының бөлігі болып табылатын эргостеролдың кейінгі жоғалуымен байланысты; бұл процесс флуконазолдың зеңге қарсы әсерінің негізінде жатыр. Флуконазол Р-450 цитохромына тәуелді зең ферменттеріне қатысты жоғары спецификаға ие. Флуконазолдың сүтқоректілердің P-450 цитохром жүйесінің әртүрлі изоферменттеріне қарағанда Р-450 зең цитохромы жүйесінің изоферменттеріне қатысты селективті екендігі анықталды. Флуконазолмен тәулігіне 50 мг емдеу 28 тәулікке дейін еркектер плазмадағы тестостерон концентрациясына немесе бала туу жасындағы әйелдердің стероидтарының концентрациясына әсер етпеді. Флуконазол тәулігіне 200 - 400 мг дозада эндогендік стероидтер деңгейіне және дені сау ер адамдарда АКТГ стимуляцияланатын реакцияға клиникалық маңызды әсер етпейді. Антипиринмен өзара әрекеттесу зерттеулері флуконазолдың 50 мг дозасын бір рет қабылдауда да немесе бірнеше рет қабылдауда да оның метаболизміне әсер етпейтінін көрсетті. In vitro сезімталдық In vitro зерттеулерде флуконазол клиникалық тәжірибеде кең таралған Candida зең түрлеріне (соның ішінде C. albicans, C. parapsilosis, C. tropicalis) қарсы зең белсенділігін көрсетеді. C. glabrata флуконазолға сезімталдықтың төмендеуін көрсетеді, ал C. krusei және C. auris флуконазолға төзімді. C. guilliermondii үшін флуконазолдың ең төмен тежегіштік концентрациясы (ЕТТК) және эпидемиологиялық кесу мәні (ECOFF) C. albicans-қа қарағанда жоғары. Флуконазол сонымен қатар in vitro Cryptococcus neoformans және Cryptococcus gattii, сондай-ақ Вlastomyces dermatiditis, Coccidioides immitis, Histoplasma capsulatum және paracoccidioides brasiliensis эндемикалық зеңдерге қарсы белсенділік көрсетті. Фармакокинетикалық-фармакодинамикалық тәуелділік Жануарларға жүргізілген зерттеулерде Candida тектес зеңдерден туындаған эксперименттік микоздарға қатысты ЕТТК мәндері мен тиімділік арасындағы байланыс анықталды. Клиникалық зерттеулерде AUC мен флуконазол дозасы арасындағы 1:1 дозаға тәуелді қатынас болды. AUC көрсеткіші немесе дозасы мен ауыз қуысының кандидозының сәтті клиникалық жауабында және аз дәрежеде кандидемияны емдеуде тікелей болмағанмен, толық емес байланыс бар. Ұқсас емдеу әдісі флуконазолдың жоғары ЕТТК штаммдарынан туындаған инфекцияларды емдеу үшін аз дәрежеде қолайлы. Резистенттілікті дамыту механизмі Candida тұқымдасының зеңдерінде азол тобының антимикотиктерінің әсеріне қарсы бірқатар қорғаныс механизмдері табылды. Осындай резистенттілік механизмдерінің біреуін немесе бірнешеуін жасаған зең штамдары үшін флуконазол ЕТТК препараттың in vivo зерттеулерде және клиникалық жағдайларда тиімділігіне теріс әсер ететіндей жоғарылаған. Әдетте флуконазолға сезімтал Candida түрлерінде резистентілікті қалыптастырудың ең көп таралған механизмі эргостерол биосинтезіне жауап беретін азол қосылыстарына әсер ететін мақсатты ферменттер болып табылады. Резистенттілік мутация, фермент өндірісінің жоғарылауы, дәрілік заттың эффлюкс механизмдері немесе метаболизмдік жолдардың қалыптасуы нәтижесінде дамуы мүмкін. C. albicans-тен басқа көбінесе бастапқыда төмен сезімталдыққа (C. glabrata) немесе флуконазолға төзімділікке (мысалы, C. krusei, C. auris) ие Candida түрлерімен суперинфекция туралы хабарламалар болды Мұндай инфекциялар балама зеңге қарсы емдеуді қажет етуі мүмкін. C. krusei сияқты табиғи флуконазолға резистентілігі бар немесе C. auris сияқты жақында пайда болған кейбір Candida түрлері үшін резистенттілік механизмдері толық анық емес. EUCAST шектік сезімталдық мәндері Фармакокинетикалық/фармакодинамикалық (ФК/ФД) деректерді, in vitro сезімталдықты және клиникалық жауапты талдау негізінде EUCAST-AFST (Микроорганизмдердің бактерияға қарсы агенттерге сезімталдығын анықтау жөніндегі еуропалық комитет - зеңдердің зеңге қарсы препараттарға сезімталдығын анықтау жөніндегі қосалқы комитет) Сandida тұқымдасының түрлері үшін флуконазолға сезімталдық шектерін анықтады (««EUCAST Fluconazole rational document (2020)» құжаты 3 редакция; Микроорганизмдердің бактерияға қарсы агенттерге сезімталдығын анықтау жөніндегі Еуропалық комитет, зеңге қарсы препараттар, ЕТТК талдауы үшін шектік мәндері бар кестелер, 10.0-редакция, 04.02.2020 жылдан бастап жарамды). Шектік мәндер негізінен ФК/ФД деректері негізінде анықталған және белгілі бір түрлер үшін ЕТТК таралуына тәуелді емес және адамдарда инфекцияны жиі тудыратын түрлерге байланысты емес түрлерге бөлінді. Бұл шектік мәндер төмендегі кестеде келтірілген. Зеңге қарсы препараттар — Қоздырғыштың түріне байланысты сезімталдық шектері (С≤ / Р>) — Түрлерге байланысты емес сезіталдық шектеріА С</Р> в мг/л Candida albicans — Candidadubliniensis — Candida glabrata — Candida krusei — Candida parapsilosis — Candida tropicalis Флуконазол — 2/4 — 2/4 — 0,001*/16 — — — 2/4 — 2/4 С-сезімтал; Р -резистенттілік. А-қоздырғыштың түріне тәуелді емес сезімталдық шектері негізінен ФК/ФД деректері негізінде анықталды және нақты түрлердің ЕТТК таралуына тәуелді емес. Олар тек нақты шектік мәні жоқ организм үшін қолдануға арналған. Сызықша- бұл түрдің аталған препаратпен терапияға нашар жауап беруіне байланысты сезімталдыққа тест жүргізу ұсынылмайды, * - Барлық C. glabrata штамдары «П» санатына жатады. C. glabrata үшін 16 мг/л-ден жоғары ЕТТК мәндерін резистенттілік мәндері ретінде талдау керек. Сезімталдық санаты (≤0,001 мг/л) тек «П» штаммдарының «С» штаммдарына қате қатынастылығын болдырмау үшін ұсынылған. «П» - сезімтал, жоғары әсер: микроорганизм заттың әсер етуі оның дозалау режимін немесе инфекция орнындағы концентрациясын түзету нәтижесінде жоғары болуына байланысты емдеудің сәтті болу ықтималдығы жоғары болған кезде «сезімтал, жоғары әсер» ретінде жіктеледі.

Дозалау режимі Флуконазол дозасы зең инфекциясының сипаты мен ауырлығына байланысты. Зеңге қарсы препаратты қайта қабылдауды қажет ететін инфекциялар кезінде емдеуді белсенді зең инфекциясының клиникалық немесе зертханалық белгілері жойылғанға дейін жалғастыру керек. Емдеудің жеткіліксіз ұзақтығы зең инфекциясының қайталануына әкелуі мүмкін. Ересек пациенттер: Қолданылуы — Доза — Емдеу ұзақтығы Криптококкоз — Криптококкты менингитті емдеу. — Жүктеме дозасы: бірінші күні 400 мг; бұдан әрі тәулігіне 1 рет 200-400 мг — Әдетте, кем дегенде 6-8 апта. Өмірге қауіп төндіретін инфекциялар кезінде тәуліктік дозаны 800 мг дейін арттыруға болады Қайталану қаупі жоғары пациенттерде криптококкты менингиттің қайталануын болдырмау үшін демеуші емдеу. — Тәулігіне 1 рет 200 мг — Тәулігіне 200 мг дозада белгісіз уақыт кезеңі ішінде Кокцидиоидомикоз — Тәулігіне бір рет 200-400 мг — Пациенттің жай-күйіне қарай 11 айдан 24 айға дейін немесе одан да көп. Кейбір жағдайларда, әсіресе ми қабығының зақымдануы кезінде, 800 мг тәуліктік дозада қолдануға болады Инвазивті кандидоз — Жүктеме дозасы: бірінші күні 800 мг; бұдан әрі тәулігіне бір рет 400 мг — Жалпы алғанда, кандидемияны емдеудің ұсынылатын ұзақтығы қан сеппесінің алғашқы теріс нәтижесін алғаннан кейін және кандидемия белгілері мен симптомдары жойылғаннан кейін 2 аптаны құрайды Шырышты қабықтың кандидозын емдеу — Орофарингеальды кандидоз — Жүктеме дозасы: бірінші күні 200-400 мг; бұдан әрі тәулігіне 1 рет 100-200 мг — 7-ден 21 күнге дейін (орофарингеальды кандидоздың ремиссиясы басталғанға дейін). Иммундық жүйенің функциясы қатты бұзылған пациенттерде ұзақ мерзімді ем жүргізілуі мүмкін. Өңеш кандидозы — Жүктеме дозасы: бірінші күні 200-400 мг; бұдан әрі тәулігіне 1 рет 100-200 мг — 14-тен 30 күнге дейін (өңеш кандидозының ремиссиясы басталғанға дейін). Иммундық жүйенің функциясы қатты бұзылған пациенттерде ұзақ мерзімді емдеу жүргізілуі мүмкін. Кандидурия — Тәулігіне 1 рет 200-400 мг — 7-ден 21 күнге дейін. Иммундық жүйенің функциясы қатты бұзылған пациенттерде ұзақ мерзімді емдеу жүргізілуі мүмкін. Созылмалы атрофиялық кандидоз — Тәулігіне 1 рет 50 мг — 14 күн Созылмалы тері-шырышты қабықтың кандидозы — Тәулігіне 1 рет 50-100 мг — 28 күнге дейін. Инфекцияның ауырлығына және иммундық жүйенің функциясының бұзылуына байланысты емдеудің ұзақ кезеңдері мүмкін Қайталану қаупі жоғары АИТВ-инфекцияланған пациенттерде шырышты қабықтың кандидозының қайталануының профилактикасы — Орофарингеальный кандидоз — 100-200 мг тәулігіне 1 рет немесе 200 мг аптасына 3 рет — Созылмалы иммунитет тапшылығы бар пациенттерде препаратты белгісіз ұзақ уақыт бойы қолдануға болады Өңеш кандидозы — 100-200 мг тәулігіне 1 рет немесе 200 мг аптасына 3 рет — Созылмалы иммунитет тапшылығы бар пациенттерде препаратты белгісіз ұзақ уақыт бойы қолдануға болады Жыныс ағзаларының кандидозы — Жедел вагинальды кандидоз Кандидозды баланит — 150 мг — Бір рет Қынаптық кандидоздың қайталануын емдеу және профилктикасы (жылына 4 немесе одан да көп эпизод). — 150 мг 3 күнде 1 рет (барлығы үш доза 150 мг-1, 4 және 7 күндерде), содан кейін аптасына 1 рет 150 мг демеуші доза — Демеуші дозада емдеу ұзақтығы – 6 ай. Дерматомикоз — табан дерматофитиясы, дененің дерматофитиясы, шап дерматофитиясы, кандидоз инфекциясы — 150 мг аптасына 1 рет немесе 50 мг тәулігіне 1 рет — 2-4 апта, табан дерматофитиясын 6 аптаға дейін емдеу қажет болуы мүмкін түрлі-түсті теміреткі — Аптасына бір рет 300-400 мг — 1-3 апта 50 мг тәулігіне 1 рет — 2-4 апта тырнақ дерматофитиясы (онихомикоз) — Аптасына бір рет 150 мг — Емдеуді инфекция жұққан тырнақ алмасқанға (сау тырнақтың толық өскенге) дейін жалғастыру керек. Аяқ-қол тырнақтарының өсуі үшін әдетте 3-6 және 6-12 ай қажет Алайда, өсу қарқыны әртүрлі адамдарда, сондай-ақ жасына байланысты кең ауқымда өзгеруі мүмкін. Ұзақ мерзімді созылмалы инфекцияларды сәтті емдегеннен кейін, сирек жағдайларда тырнақтың деформациясы сақталуы мүмкін. Ұзақ нейтропениясы бар пациенттерде кандидоз инфекцияларының профилактикасы — Тәулігіне бір рет 200-400 мг — Емдеуді нейтропенияның күтілетін дамуынан бірнеше күн бұрын бастау керек және 1 мм3 –да нейтрофилдер саны 1000 жасушадан асқаннан кейін 7 күн бойы жалғастыру керек. Пациенттердің арнайы топтары Егде жастағы пациенттер Дозаны бүйрек функциясының жағдайына қарай таңдау керек (төменде қараңыз). Бүйрек функциясы бұзылған пациенттер Флуконазол организмнен негізінен несеппен өзгеріссіз шығарылады. Препаратты бір рет қабылдаған кезде дозаны түзету қажет емес. Бүйрек функциясы бұзылған пациенттерде (балаларды қоса алғанда) флуконазолды бірнеше рет қолдану қажет болған кезде бастапқы доза осы көрсеткіш бойынша ұсынылатын тәуліктік дозаға байланысты 50 мг-ден 400 мг-ге дейін болуы тиіс. Осыдан кейін препараттың тәуліктік дозасы (көрсеткіштерге қарай) төмендегі кестеге сәйкес анықталады: Креатинин клиренсі (мл/мин) — Ұсынылған дозаның пайызы > 50 — 100 % ≤ 50 (диализсіз) — 50 % Тұрақты диализ — 100 % әрбір гемодиализ сеансынан кейін Гемодиализдегі пациенттер әр сеанстан кейін препараттың ұсынылған дозасының 100% қабылдауы керек. Гемодиализ салынбайтын күндерде пациенттер креатинин клиренсінің мөлшеріне байланысты препараттың аз дозасын қабылдауы керек. Бауыр жеткіліксіздігі бар пациенттер Бауыр функциясы бұзылған пациенттерде флуконазолды қолдану туралы ақпарат жеткіліксіз болғандықтан, пациенттердің осы санатында флуконазолды сақтықпен қолдану керек. Балалар Ең жоғары тәуліктік доза 400 мг-ден аспауы керек. Ересектерде тиісті инфекцияларды емдеу сияқты, емдеу ұзақтығы клиникалық әсерге және микологиялық зерттеулердің нәтижелеріне байланысты. Флунол® тәулігіне 1 рет қолданылады. Бүйрек функциясы бұзылған балаларға қатысты ақпарат «Бүйрек функциясы бұзылған пациенттер» қосалқы бөлімінде келтірілген. Бүйрек жеткіліксіздігі бар балаларда флуконазолдың фармакокинетикасы бойынша зерттеулер жүргізілмеген (көбінесе бүйрек жетілмеуі анықталатын мерзімі жетіліп туған нәрестелерге қатысты ақпаратты төменнен қараңыз). Сәбилер, мектепке дейінгі және бастауыш мектеп жасындағы балалар (туғаннан бастап 28 күннен 11 жасқа дейін) Қолданылуы — Дозалау режимі — Ұсыныстар - Шырышты қабықтың кандидозы — Бастапқы доза: 6 мг / кг. Демеуші доза: тәулігіне бір рет 3 мг/кг — Бірінші күні препараттың тепе теңдік концентрациясына тезірек жету үшін бастапқы дозаны қолдануға болады - Инвазивті кандидоз - Криптококкты менингит — Доза: тәулігіне бір рет 6-12 мг/кг — Аурудың күрделігіне байланысты - Қайталану қаупі жоғары балаларда криптококкты менингиттің қайталануының профилактикасы мақсатында демеуші емдеу — Доза: тәулігіне бір рет 6 мг/кг — Аурудың күрделігіне байланысты - Иммунитеті әлсіреген пациенттерде кандидоз инфекцияларының профилактикасы — Доза: тәулігіне бір рет 3 – 12 мг/кг — Индукцияланған нейтропенияның ауырлығы мен ұзақтығына байланысты («Ересек пациенттер» бөліміндегі дозалау бойынша ұсыныстарды қараңыз) Жасөспірімдер (12 жастан 18 жасқа дейін) Дене салмағына және жыныстық даму кезеңіне қарай дәрігерге пациент үшін (ересектер немесе балалар үшін) қандай дозаның ең қолайлы болатынын бағалау керек. Клиникалық деректер балаларда флуконазол клиренсі ересектермен салыстырғанда жоғары екенін көрсетеді. Ересектерде 100, 200 және 400 мг дозаларды және балаларда 3, 6 және 12 мг/кг дозаларды қолдану салыстырмалы жүйелік экспозицияға қол жеткізуге әкеледі. Препараттың балаларда генитальді кандидозды емдеу үшін қауіпсіздігі мен тиімділігі анықталмаған. Балалар мен жасөспірімдердегі басқа көрсеткіштер бойынша ағымдағы деректер 4.8-бөлімде сипатталған. Жасөспірімдерде (12-ден 18 жасқа дейін) генитальді кандидозды емдеу қажет болған жағдайда, препаратты ересек пациенттерде пайдаланылатын дозалау режиміне сәйкес тағайындау керек. Мерзімі жетіліп туылған нәрестелер (туғаннан бастап 27 күнге дейін) Жаңа туған нәрестелердегі флуконазолдың шығарылуы баяу жүреді. Мерзімі жетіліп туылған нәрестелерге арналған дозалау бойынша фармакокинетикалық деректер өте аз. Жас тобы — Дозалау режимі — Ұсыныстар Мерзімі жетіліп туылған нәрестелер (0-ден 14 күнге дейін) — Әр 72 сағат сайын нәрестелер, мектеп жасына дейінгі және мектеп жасындағы балалар сияқты мг/кг доза қолданылады — Әр 72 сағат сайын 12 мг / кг құрайтын ең жоғары дозадан асырмау керек Мерзімі жетіліп туылған нәрестелер (15-тен 27 күн) — Әр 48 сағат сайын нәрестелер, мектеп жасына дейінгі және мектеп жасындағы балалар сияқты мг/кг доза қолданылады — Әр 48 сағат сайын 12 мг / кг құрайтын ең жоғары дозадан асырмаукерек Енгізу әдісі мен жолы Флунол® шәрбаты препараты ішке қабылдауға арналған. Дәрігер жасына, салмағына және дозасына байланысты ең қолайлы дәрілік түрді таңдауы тиіс. Капсула түріндегі шығарылу түрі сәбилер мен жас балаларға қолдануға жарамайды. Халықтың осы тобында қолдану үшін флуконазолдың пероральді сұйық дәрілік түрлері бар. Флунол® тамақтануға қарамастан қабылдауға болады. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар Егер Сізде осы препаратты қолдану туралы қосымша сұрақтар туындаса, дәрігермен кеңесіңіз.

- әсер етуші затқа, флуконазолға ұқсас құрылымы бар азол заттарына немесе кез келген қосымша заттарға аса жоғары сезімталдық • тәулігіне 400 мг және одан көбірек дозада ұзақ қолдану аясында терфенадинді бір мезгілде қабылдау • QT аралығын ұзартатын немесе Р450 цитохромының (CYP3A4 изоферменті) қатысуымен метаболизденетін цизаприд, астемизол, эритромицин, пимозид, амиодарон, хинин сияқты дәрілік препараттарды бір мезгілде қабылдау • тұқым қуалайтын галактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы • жүктілік және лактация кезеңі

Жиі - Бас ауыруы - Іштің ауыруы, құсу, диарея, жүректің айнуы - Аланинаминотрансфераза деңгейінің жоғарылауы, аспартатаминотрансфераза деңгейінің жоғарылауы, қанның сілтілі фосфатазасының жоғарылауы - Бөртпе Жиі емес - Анемия - Тәбеттің төмендеуі - Ұйқышылдық, ұйқысыздық - Құрысулар, парестезия, бас айналуы, дәмнің бұзылуы - Бас айналу - Іш қату, диспепсия, метеоризм, ауыздың құрғауы - Холестаз, сарғаю, билирубиннің жоғарылауы - Дәрілік бөртпе (тіркелген дәрілік бөртпелерді қоса), есекжем, терінің қышуы, қатты терлеу - Миалгия - Қажу, дімкәстік, астения, қызба Сирек - Агранулоцитоз, лейкопения, тромбоцитопения, нейтропения - Анафилаксия - Гиперхолестеринемия, гипертриглицеридемия, гипокалиемия - Тремор - «Пируэт» типті полиморфты қарыншалық тахикардия, QT аралығының ұзаруы - Бауыр жеткіліксіздігі, гепатоцеллюлярлық некроз, гепатит, гепатоцеллюлярлық зақымдану - Уытты эпидермалық некролиз, Стивенс-Джонсон синдромы, жедел жайылған экзантематозды пустулез, эксфолиативтік дерматит, ангионевроздық ісіну, беттің ісінуі, алопеция Белгісіз - бөртпе, дененің жоғары температурасы және ұлғайған лимфа түйіндері (DRESS синдромы немесе дәрілік аса жоғары сезімталдық синдромы). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік препараттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: елестеулермен және параноидтық мінез-құлықпен қатар жүретін флуконазолмен артық дозалану туралы хабарламалар бар. Емдеу: Артық дозаланған жағдайда симптоматикалық емді жүргізу жеткілікті болуы мүмкін (қажет болған жағдайда демеуші шаралар мен асқазанды шаюды қоса). Флуконазол негізінен бүйрек арқылы шығарылады, сондықтан қарқынды диурез оның шығарылуын тездетуі мүмкін. 3 сағатқа созылатын гемодиализ сеансы қан плазмасындағы флуконазол концентрациясын шамамен 50 % төмендетеді.

Бас терісінің түкті бөлігінің дерматофитиясы Балалар басы терісінің түкті бөлігінің дерматофитиясын емдеу үшін флуконазолды қолдану жөніндегі зерттеу деректері бойынша соңғысының тиімділігі гризеофульвин тиімділігінен аспады және емдеу тиімділігінің жалпы көрсеткіші <20% құрады. Сондықтан флуконазолды бас терісінің түкті бөлігінің дерматофитиясын емдеу үшін қолдануға болмайды. Криптококкоз Флуконазолды криптококкоздың басқа жерлерін емдеудегі тиімділігі туралы дәлелдер жеткіліксіз (мысалы, өкпе криптококкозы және тері криптококкозы), сондықтан мұндай ауруларды емдеуге арналған дозалау бойынша ұсыныстар жоқ. Терең эндемиялық микоздар Флуконазолдың паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеуде тиімділігінің дәлелі жеткіліксіз, сондықтан мұндай ауруларды емдеуге арналған дозалау бойынша ұсыныстар жоқ. Бүйрек жеткіліксіздігі Бүйрек функциясы бұзылған пациенттерде флуконазолды сақтықпен қолдану керек. Бүйрек үсті безінің жеткіліксіздігі Кетоконазолдың сирек жағдайларда флуконазолға да қатысты болуы мүмкін бүйрек үсті безінің жеткіліксіздігін тудыратыны анықталды. Бүйрек үсті безінің жеткіліксіздігі преднизонмен қатар емдеумен байланысты. Бауыр және өт жолдары. Бауыр функциясы бұзылған пациенттер флуконазолды сақтықпен қолдануы керек. Сирек жағдайларда флуконазолды қолдану негізінен қатар жүретін күрделі аурулары бар пациенттерде де өліммен аяқталуы мүмкін бауырдың уытты өзгерістерімен қатар жүрді. Флуконазолды қолдануға байланысты гепауытты әсерлер жағдайында олардың препараттың жалпы тәуліктік дозасына, емдеу ұзақтығына, пациенттің жынысы мен жасына айқын тәуелділігі байқалмайды. Препараттың гепоуыттылық әсері әдетте қайтымды болды; оның белгілері емдеуді тоқтатқаннан кейін жоғалып кетті. Бауырдың неғұрлым ауыр зақымдану белгілерін анықтау мақсатында флуконазолмен емдеу кезінде бауыр функциясының көрсеткіштері бұзылған пациенттер жағдайын бақылау қажет. Пациенттерге бауырдың ауыр зақымдануын (ауыр әлсіздік, анорексия, үнемі жүрек айнуы, құсу және сарғаю) білдіретін симптомдар туралы хабарлау керек. Жоғарыда аталған симптомдар пайда болған кезде флуконазолды қолдануды дереу тоқтатып, дәрігермен кеңесу керек Жүрек-тамыр жүйесі Кейбір азолдарды, соның ішінде флуконазолды қабылдау электрокардиограммадағы QT аралығының ұзаруымен астасты. Флуконазол ішкі түзелетін калий өзекшелерінің (Ikr) ағынын тежеу арқылы QT аралығының ұзаруына әкелуі мүмкін. Басқа дәрілік препараттардан (амиодарон сияқты) туындаған QT аралығының ұзаруы P450 цитохромының СҮР3A4 изоферментінің тежелуімен күшеюі мүмкін. Тіркеуден кейінгі бақылау кезеңінде флуконазол қолданған пациенттерде QT аралығының ұзаруы және «пируэт» (torsades de pointes) типті полиморфты қарыншалық тахикардияның дамуы өте сирек кездеседі. Бұл жағдайлар жүректің құрылымдық аурулары, электролит теңгерімінің бұзылуы сияқты көптеген қауіп факторлар жиынтығымен күрделі аурулары бар пациенттерде, сондай-ақ осы асқынуларды тудыруы мүмкін басқа препараттарды бір мезгілде қолдану кезінде тіркелді. Гипокалиемиясы мен ауыр жүрек жеткіліксіздігі бар пациенттерде өмірге қауіп төндіретін қарыншалық аритмия мен «пируэт» типті полиморфты қарыншалық тахикардия (torsade de pointes) қаупі жоғары. Флуконазолды проаритмогендік жағдайлары бар пациенттерде сақтықпен қолдану керек. Флуконазолмен QT аралығын ұзартатын және СҮР3A4 цитохром Р450 изоферментінің көмегімен метаболизденетін басқа дәрілік препараттарды бір мезгілде қолдануға болмайды. Галофантрин Галофантриннің СҮР3A4 изоферментінің субстраты болып табылатыны және ұсынылған емдік дозаларда қолданғанда QTс аралығын ұзартатыны анықталды. Осыған байланысты флуконазол мен галофантринді бір мезгілде қолдану ұсынылмайды. Дерматологиялық реакциялар Сирек жағдайларда флуконазолды қолданғанда пациенттерде Стивенс-Джонсон синдромы және уытты эпидермалық некролиз сияқты терінің эксфолиативті зақымдану дамыды. ЖИТС-мен ауыратын пациенттер көптеген дәрілік препараттарды қолданған кезде терінің ауыр реакцияларының дамуына бейім болады. Егер беткейлік зең инфекциясы бар пациентте флуконазолды қабылдаған кезде тері бөртпесі пайда болса, препаратты одан әрі қолдануды тоқтату керек. Егер инвазивті немесе жүйелі зең инфекциясы бар пациентте тері бөртпесі пайда болса, оның жағдайын мұқият бақылау керек, ал егер буллезді элементтері немесе көпморфты экссудативті эритема дамитын болса флуконазолды қолдануды тоқтату керек. Флуконазолды қолдану кезінде эозинофилиямен және жүйелік көріністеулермен (DRESS) дәрілік реакцияның дамуы туралы хабарланды. Аса жоғары сезімталдық Сирек жағдайларда анафилаксиялық реакциялардың дамуы туралы хабарланды. P450 цитохромы Флуконазол CYP2C9 және CYP3A4 изоферменттерінің орташа тежегіші болып табылады. Бұдан басқа, флуконазол CYP2C19 изоферментінің күшті тежегіші болып табылады. Осыған байланысты флуконазолды және CYP2C9, CYP2C19 және CYP3A4 изоферменттерінің қатысуымен метаболизденетін тар емдік шеңбердегі препараттарды бір мезгілде қабылдайтын пациенттердің жағдайын мұқият бақылау керек. Терфенадин Флуконазолды тәулігіне < 400 мг дозада және терфенадинді бір мезгілде қолданған кезде пациенттің жағдайын мұқият бақылау керек. Кандидоз Зерттеулер Candida штаммдары инфекцияларының C.albicans-тен ерекшеленетінін көрсетті. Олар көбінесе төзімділікті (мысалы, C. krusei және C. auris) немесе флуконазолға сезімталдықтың төмендеуін (C. glabrata) көрсетеді. Мұндай инфекциялар флуконазолмен тиімсіз емдеу кезінде балама зеңге қарсы емдеуді қажет етуі мүмкін. Дәрігерлерге әртүрлі Сandida түрлерінің флуконазолға резистенттілігінің қатыстылығын ескеру ұсынылады. Қосымша заттар Флунол® құрамында сахароза бар. Тұқым қуалайтын фруктоза жақпаушылығы, глюкоза-галактозаның мальабсорбциясы, сукраза-изомальтаза ферментінің тапшылығы бар адамдарға қолдануға болмайды. Флунол құрамында глицерин бар. Глицерин бас ауыруын, асқазанның бұзылуын және диареяны тудыруы мүмкін. Флунол құрамында дозада 1 ммоль натрий (23 мг) бар, яғни дерлік «құрамында натрий жоқ». Арнайы ескертулер Педиатрияда қолдану 6 жасқа дейінгі балалар флуконазолды қолайлы дәрілік түрде қолданады. Балаларда флуконазолды қолдану бойынша деректердің болуына қарамастан, балаларда генитальді кандидоздарды емдеу үшін препаратты қолданудың тиімділігі мен қауіпсіздігі анықталмаған. Жүктілік, емізу және фертильділік Егер сіз жүкті болсаңыз немесе бала емізетін болсаңыз, жүкті болуым мүмкін деп ойласаңыз немесе балалы болуды жоспарласаңыз, осы дәріні қабылдамас бұрын дәрігеріңізбен немесе фармацевтпен кеңесіңіз. Егер сіз жүкті болуды жоспарласаңыз, жүкті болмас бұрын флуконазолды бір рет қабылдағаннан кейін бір апта күту ұсынылады. Флуконазолмен емдеудің ұзақ курстарын жүргізу кезінде дәрігерден ем кезінде соңғы дозаны қабылдағаннан кейін бір апта бойы жалғасуы керек тиісті контрацепцияның қажеттілігі туралы кеңес алыңыз. Жүкті болсаңыз, жүкті болуым мүмкін деп ойласаңыз, жүкті болуға тырыссаңыз, дәрігеріңіз қажет деп санаған жағдайдан басқа флуконазолды қабылдауға болмайды. Егер сіз осы дәріні қабылдау кезінде немесе соңғы дозаны қабылдағаннан кейін 1 апта ішінде жүкті болып қалсаңыз, дәрігерге жүгініңіз. Жүктіліктің бірінші немесе екінші триместрінде қабылданған флуконазол түсік тастау қаупін арттыруы мүмкін. Бірінші триместрде қабылданған Флуконазол туа біткен жүрек, сүйек және/немесе бұлшықет ақаулары бар баланың туылу қаупін аздап арттыруы мүмкін. Үш немесе одан да көп ай бойы кокцидиоидомикоздан флуконазолдың жоғары дозаларын (күнделікті 400-800 мг) қабылдаған әйелдерде бас сүйегінің, құлақтың және жамбас пен шынтақ сүйектерінің туа біткен ақауларымен туылған нәрестелер туралы хабарламалар болды. Флуконазол мен осы жағдайлардың арасындағы байланыс түсініксіз. Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Флунол® препаратын қабылдау кезінде бас айналу немесе құрысулар пайда болуы мүмкін. Осындай симптомдардың кез келгені туындағанда машина жүргізбеу және қауіптілігі зор механизмдермен жұмыс істемеу ұсынылады.

Нұсқаулықта көрсетілмеген.

Флуконазолды келесі препараттармен бір мезгілде қолдануға болмайды: Цизаприд: флуконазол мен цизапридті бір мезгілде қабылдаған пациенттерде жүрек тарапынан жағымсыз реакциялардың дамуы, соның ішінде «пируэт» типті полиморфты қарыншалық тахикардия (torsade de pointes) байқалды. Бақыланатын зерттеу барысында флуконазолды тәулігіне 1 рет 200 мг дозада және цизапридті тәулігіне 4 рет 20 мг дозада бір мезгілде қолдану қан плазмасындағы цизаприд концентрациясының едәуір жоғарылауына және QTc аралығының ұзаруына әкелді. Флуконазол мен цизапридті бір мезгілде қолдануға болмайды. Терфенадин: QTc аралығының ұзаруынан туындаған ауыр жүрек аритмиясының дамуына байланысты терфенадинмен бір мезгілде азолдар тобынан зеңге қарсы препараттарды қолданған пациенттерде осы препараттардың өзара әрекеттесуіне зерттеулер жүргізілді. Бір зерттеуде флуконазолды тәулігіне 200 мг дозада қолданғанда QTc аралығының ұзаруы анықталған жоқ. Флуконазолды тәулігіне 400 мг және тәулігіне 800 мг дозада қолданатын тағы бір зерттеуде флуконазолдың тәулігіне 400 мг немесе одан жоғары дозада осы препараттарды бір мезгілде қолданғанда қан плазмасындағы терфенадин концентрациясын едәуір арттатыны көрсетілген. Флуконазолды тәулігіне 400 мг немесе одан да көп дозада терфенадинмен бір мезгілде қолдануға болмайды. Флуконазолды тәулігіне 400 мг-ден аз дозада терфенадинмен бір мезгілде қолданған кезде пациенттің жай-күйіне мұқият мониторинг жүргізу керек. Астемизол: флуконазол мен астемизолды бірге қолдану астемизол клиренсінің төмендеуіне әкелуі мүмкін. Нәтижесінде, қан плазмасындағы астемизол концентрациясының жоғарылауы өз кезегінде QT аралығының ұзаруына және сирек жағдайларда «пируэт» типті полиморфты қарыншалық тахикардияның дамуына әкелуі мүмкін (torsades de pointes). Флуконазол мен астемизолды бір мезгілде қолдануға болмайды. Пимозид: тиісті in vitro және in vivo зерттеулер жүргізілмегеніне қарамастан, флуконазол мен пимозидті бірге қолдану пимозид метаболизмінің тежелуіне әкелуі мүмкін деп есептеледі. Өз кезегінде, қан плазмасындағы пимозид концентрациясының жоғарылауы QT аралығының ұзаруына және сирек жағдайларда «пируэт» типті полиморфты қарыншалық тахикардияның дамуына әкелуі мүмкін (torsades de pointes). Флуконазол мен пимозидті бір мезгілде қолдануға болмайды. Хинидин: тиісті in vitro және in vivo зерттеулер жүргізілмегеніне қарамастан, флуконазол мен хинидинді бірге қолдану соңғысының метаболизмінің тежелуіне әкелуі мүмкін деп есептеледі. Хинидинді қолдану QT аралығының ұзаруымен және сирек жағдайларда «пируэт» типті полиморфты қарыншалық тахикардияның дамуымен қатар жүрді (torsades de pointes). Флуконазол мен хинидинді бір мезгілде қолдануға болмайды. Эритромицин: флуконазол мен эритромицинді бір мезгілде қолдану кардиоуыттылықтың даму қаупін арттырады (QT аралығының ұзаруы, «пируэт» типті полиморфты қарыншалық тахикардия (torsades de pointes)) және соның салдарынан кенеттен коронарлық өлім. Флуконазол мен эритромицинді бір мезгілде қолдануға болмайды. Флуконазолды және келесі дәрілік препараттарды бір мезгілде қолдану ұсынылмайды: Галофантрин: флуконазол CYP3A4 изоферментінің тежелуіне байланысты қан плазмасындағы галофантрин концентрациясын жоғарылатуы мүмкін. Флуконазол мен галофантринді бір мезгілде қолдану кардиоуыттылықтың даму қаупін арттыруы мүмкін (QT аралығының ұзаруы, «пируэт» типті полиморфты қарыншалық тахикардия (torsades de pointes)) және соның салдарынан кенеттен коронарлық өлім. Осы дәрілік препараттардың біріктірілімін қолданудан аулақ болу керек. Келесі дәрілік препараттармен бір мезгілде қолдану сақтықты қажет етеді: Амиодарон: флуконазолды амиодаронмен бірге бір мезгілде қолдану QT аралығының ұзаруына әкелуі мүмкін. Флуконазол мен амиодаронды бір мезгілде қолдану қажет болған жағдайда, әсіресе флуконазолды жоғары дозада (800 мг) қолданған кезде сақ болу керек. Келесі препараттармен бір мезгілде қолдану сақтық пен дозаны түзетуді қажет етеді: Флуконазолға әсер ететін дәрілік препараттар: Рифампицин: флуконазол мен рифампицинді бір мезгілде қолдану «концентрация-уақыт» қисығы (AUC) астындағы аймақтың 25% төмендеуіне және флуконазолдың жартылай шығарылу кезеңінің 20% қысқаруына әкелді. Рифампицин қабылдаған пациенттерде флуконазол дозасын арттырудың орындылығын ескеру қажет. Дәрілік өзара әрекеттесулердің зерттеулері флуконазолды тамақтану кезінде циметидинмен, антацидтермен бірге немесе бүкіл денеге толық сәулелену жүргізілгеннен кейін (сүйек кемігін трансплантациялауға дайындық кезінде) пероральді қолдану флуконазолдың сіңуіне клиникалық маңызды әсер етпейтінін көрсетті. Гидрохлоротиазид: дәрілік өзара әрекеттесулердің фармакокинетикалық зерттеуінде флуконазолмен емделген дені сау еріктілердің гидрохлортиазидті бірнеше рет қабылдауы қан плазмасындағы флуконазол концентрациясының 40% - ға арттырғаны анықталды. Осындай әсер ету айқындылығы кезінде диуретиктерді бір мезгілде қабылдайтын пациенттерде флуконазолдың дозасын өзгерту қажет емес. Флуконазол әсер ететін дәрілік препараттар: Флуконазол-P450 цитохромының (CYP) 2C9 және 3A4 изоферменттерінің орташа тежегіші болып табылады. Флуконазол сонымен қатар CYP2C19 изоферментінің күшті тежегіші болып табылады. Анықталған / айқындалған өзара әрекеттесулерден басқа (бұдан әрі), флуконазолмен бір мезгілде қолданғанда CYP2C9, CYP2C19 және CYP3A4 арқылы метаболизденетін басқа препараттардың қан плазмасындағы концентрациясының жоғарылау қаупі бар. Осыған байланысты препараттардың мұндай біріктірілімін сақтықпен қолдану және пациенттердің жағдайын мұқият бақылау керек. Флуконазолдың жартылай шығарылуының ұзақ кезеңіне байланысты оның ферменттерге тежегіш әсері емдеу тоқтатылғаннан кейін 4-5 тәулік бойы сақталады. Аброцитиниб: флуконазол (CYP2C19, 2C9, 3A4 тежегіші) аброцитинибтің белсенді бөлігінің экспозициясын 155% - ға арттырды. Флуконазолмен бір мезгілде қолданғанда аброцитинибтің дозасын аброцитинибті медициналық қолдану жөніндегі нұсқаулыққа сәйкес түзету қажет. Алфентанил: дені сау еріктілерде флуконазолды (400 мг дозада) және алфентанилді (вена ішіне 20 мкг/кг дозада) бір мезгілде қолдану AUC10 алфентанилдің екі есе өсуіне әкелді (бұл CYP3A4 изоферментін тежеу арқылы болуы ықтимал). Алфентанил дозасын түзету қажет болуы мүмкін. Амитриптилин, нортриптилин: флуконазол амитриптилин мен нортриптилиннің әсерін күшейтеді. 5-нортриптилин және/немесе S-амитриптилин концентрациясын біріктіріп емдеудің басында және емдеудің бірінші аптасынан кейін өлшеу ұсынылады. Қажет болған жағдайда амитриптилин/нортриптилин дозасын түзету керек. Амфотерицин В: қалыпты және иммунитеті төмендеген инфекцияланған тышқандарда флуконазол мен амфотерицин В бір мезгілде қолданғанда келесі нәтижелер алынды: C. Albicans тудырған жүйелік инфекциядағы зеңге қарсы шағын аддитивті әсер; Cryptococcus neoformans тудырған бас сүйек ішіндегі инфекцияда өзара әрекеттесудің болмауы; және Aspergillus fumigatus тудырған жүйелік инфекциядағы екі препараттың антагонизмі. Осы зерттеулерде алынған нәтижелердің клиникалық маңыздылығы белгісіз. Антикоагулянттар: тіркеуден кейінгі бақылау кезеңінде, басқа зеңдерге қарсы препараттарға (азол туындылары) қатысты және варфарин мен флуконазолды бір мезгілде қолдану кезінде протромбин уақытының ұзаруына байланысты қан кетулердің (гематомалар, мұрыннан және асқазан-ішек жолынан қан кетулер, гематурия, мелена) дамуы туралы хабарламалар келіп түсті. Флуконазол мен варфаринді бір мезгілде қолданғанда протромбин уақытының екі есе ұлғаюы байқалды, бұл, CYP2С9 изоферменті арқылы варфарин метаболизмінің тежелуіне байланысты болуы мүмкін. Флуконазолмен бірге кумарин немесе индандион қатарындағы антикоагулянттарды қабылдайтын пациенттерде протромбин уақытын мұқият бақылау ұсынылады. Сондай-ақ, антикоагулянттардың дозасын түзетудің орындылығын бағалау керек. Бензодиазепиндер (қысқа әсер ететін), мысалы, мидазолам және триазолам: Мидазолам мен флуконазолды пероральді қолданғаннан кейін қан сарысуындағы мидазолам концентрациясының айтарлықтай жоғарылауы және психомоторлық әсерлердің жоғарылауы байқалды. Флуконазолды 200 мг дозада және мидазоламды ішке 7,5 мг дозада бір мезгілде қолдану AUC жоғарылауына және мидазоламның жартылай шығарылу кезеңінің сәйкесінше 3,7 және 2,2 есе ұзаруына әкелді. Флуконазолды тәулігіне 200 мг дозада және триазоламды ішке 0,25 мг дозада бір мезгілде қолдану AUC жоғарылауына және триазоламның жартылай шығарылу кезеңінің сәйкесінше 4,4 және 2,3 есе ұзаруына әкелді. Флуконазол мен триазоламды бір мезгілде қолданғанда триазолам әсерінің күшеюі мен ұзаруы байқалды. Егер флуконазол қабылдаған пациенттерге бензодиазепинмен бір мезгілде ем жүргізу қажет болса, бензодиазепин дозасын төмендетудің орындылығын бағалап, пациенттердің жағдайын тиісті бақылауды тағайындау керек. Карбамазепин: флуконазол карбамазепиннің метаболизмін тежейді және қан плазмасындағы карбамазепин концентрациясының 30% жоғарылауына ықпал етеді. Карбамазепин уыттылығының даму қаупін ескеру қажет. Концентрацияға/әсерге қарай карбамазепин дозасын түзету қажеттілігін бағалау керек. Кальций өзекшелерінің блокаторлары: кейбір кальций өзекшелерінің антагонистері (нифедипин, исрадипин, амлодипин, верапамил және фелодипин) CYP3A4 изоферментімен метаболизденеді. Флуконазол кальций өзекшелері антагонистерінің жүйелік экспозициясын арттыруға қабілетті. Жағымсыз реакцияларды анықтау үшін мұқият мониторинг жүргізу ұсынылады. Целекоксиб: флуконазолды (тәулігіне 200 мг дозада) және целекоксибті (200 мг дозада) бір мезгілде қолданғанда целекоксибтің ең жоғары концентрациясының (Cmax) және AUC сәйкесінше 68% және 134% жоғарылауы байқалды. Целекоксиб пен флуконазолды бір мезгілде қолданғанда целекоксиб дозасын екі есе азайту қажет болуы мүмкін. Циклофосфамид: Циклофосфамид пен флуконазолды бір мезгілде қолдану қан сарысуындағы билирубин мен креатинин концентрациясының жоғарылауына әкелді. Бұл біріктірілімге билирубин мен сарысу креатининінің концентрациясының жоғарылау қаупін ескере отырып, жол беруге болады. Фентанил: фентанил мен флуконазолдың өзара әрекеттесуіне байланысты өлімге әкелетін фентанилмен уланудың бір жағдайы туралы хабарланды. Сонымен қатар, дені сау еріктілерге жүргізілген зерттеу флуконазолдың фентанилдің шығарылуын айтарлықтай баяулатқанын көрсетті. Фентанил концентрациясының жоғарылауы тыныс алудың бәсеңдеуіне әкелуі мүмкін. Тыныс алу функциясының бәсеңдеуінің ықтимал қаупін анықтау үшін пациенттердің жағдайын мұқият бақылау керек. Фентанил дозасын түзету қажет болуы мүмкін. ГМГ-КоА-редуктаза тежегіштері: флуконазолды және CYP3A4 изоферментімен метаболизденетін ГМГ-КоА-редуктаза тежегіштерін (аторвастатин және симвастатин сияқты) немесе CYP2C9 изоферментімен метаболизденетін ГМГ-КоА-редуктаза тежегіштерін (флувастатин сияқты) бір мезгілде қолдану миопатия мен рабдомиолиздің даму қаупін арттырады. Аталған препараттармен бір мезгілде емдеу қажет болған жағдайда миопатия мен рабдомиолиз симптомдарын анықтау және креатинкиназа концентрациясын бақылау мақсатында пациенттің жағдайын мұқият бақылау қажет. Креатинкиназа концентрациясының едәуір жоғарылауы жағдайында, сондай-ақ миопатия/рабдомиолизге күдік болған немесе олар анықталған жағдайда ГМГ-КоА-редуктаза тежегіштерімен емдеуді тоқтату керек. Ибрутиниб: флуконазол сияқты CYP3A4 изоферментінің орташа тежегіштері плазмадағы ибрутиниб концентрациясын арттырады және уыттылық қаупін арттыруы мүмкін. Егер препараттарды біріктіріп қолданбау мүмкін болмаса, тежегішті қолдану кезінде Ибрутиниб дозасын тәулігіне бір рет (2 капсула) 280 мг-ге дейін азайту және мұқият клиникалық бақылауды қамтамасыз ету қажет. Ивакафтор: ивакафтормен, муковисцидоздың трансжарғақшалық өткізгіштік реттегішінің (CFTR) стимуляторымен бір мезгілде қолдану ивакафтор экспозициясын 3 есеге, гидроксиметил ивакафтор (M1) экспозициясын 1,9 есе арттырды. Флуконазол және эритромицин сияқты орташа CYP3A изоферментінің тежегіштерін бір мезгілде қабылдайтын пациенттерге ивакафторды тәулігіне бір рет 150 мг-ге дейін төмендету ұсынылады. Олапариб: флуконазол сияқты CYP3A4 изоферментінің орташа тежегіштері қан плазмасындағы олапариб концентрациясын арттырады. Оларды бір уақытта қолдану ұсынылмайды. Егер бір мезгілде қолдануды болдырмау мүмкін болмаса, олапариб дозасын тәулігіне екі рет 200 мг-ге дейін азайту керек. Иммунодепрессанттар (мысалы, циклоспорин, эверолимус, сиролимус және такролимус): Циклоспорин: флуконазол циклоспориннің концентрациясын және AUC айтарлықтай арттырады. Флуконазолды тәулігіне 200 мг дозада және циклоспоринді (тәулігіне 2,7 мг/кг дозада) бір мезгілде қолданғанда циклоспориннің AUC 1,8 есе жоғарылауы байқалды. Бұл препараттарды концентрациясына қарай циклоспорин дозасы төмендету арқылы бір мезгілде қолдануға болады. Эверолимус: тиісті in vivo және in vitro зерттеулері жүргізілмегеніне қарамастан, флуконазол CYP3A4 изоферментінің тежелуі арқылы қан сарысуындағы эверолимус концентрациясын арттыруға қабілетті деп саналады. Сиролимус: флуконазол CYP3A4 изоферменті мен Р-гликопротеиннің бәсеңдеуі арқылы сиролимус метаболизмінің тежелуіне байланысты қан плазмасындағы сиролимус концентрациясын жоғарылатады. Бұл біріктірілім емдік әсердің концентрациясы мен айқындылығына байланысты сиролимус дозасын түзету жағдайында қолданылуы мүмкін. Такролимус: флуконазол қан сарысуындағы такролимус концентрациясын ішекте CYP3A4 ферментімен такролимус алмасуын тежеу арқылы пероральді қолданғанда 5 есе арттыруға қабілетті. Такролимусты вена ішіне қолданғанда фармакокинетикада айтарлықтай өзгерістер байқалмады. Қан сарысуындағы такролимус концентрациясының жоғарылауы нефроуыттылықтың дамуымен байланысты болды. Такролимустың дозасын ішке қабылдаған кезде оның қандағы концентрациясына байланысты азайту керек. Лозартан: флуконазол лозартанның метаболизмін лозартан қабылдаған кезде ангиотензин-II рецепторларының антагонизміне байланысты әсерлердің көпшілігіне жауап беретін оның белсенді метаболитіне (E-3174) дейін тежейді. Емдеудің барлық кезеңінде пациенттерде артериялық қысымды тұрақты бақылау ұсынылады. Луразидон: флуконазол сияқты CYP3A4 орташа тежегіштері қан плазмасындағы луразидон концентрациясын жоғарылатуы мүмкін. Егер бір мезгілде қолдануды болдырмау мүмкін болмаса, луразидонды медициналық қолдану жөніндегі нұсқаулықта көрсетілгендей луразидон дозасын азайту керек. Метадон: флуконазол қан сарысуындағы метадон концентрациясын арттыруға қабілетті. Метадон дозасын түзету қажет болуы мүмкін. Қабынуға қарсы стероидты емес препараттар (ҚҚСП): Флуконазолмен бір мезгілде қолданғанда флурбипрофеннің Cmax және AUC, тек флурбипрофенді қолданудағы ұқсас көрсеткіштермен салыстырғанда тиісінше 23% және 81% - ға жоғарылады. Осыған ұқсас, флуконазол мен рацемиялық ибупрофенді (400 мг дозада) бір мезгілде қолданғанда, фармакологиялық белсенді изомер [S-(+)-ибупрофен] Cmax және AUC тек рацемиялық ибупрофенді қолданудағы ұқсас көрсеткіштермен салыстырғанда сәйкесінше 15% және 82% - ға артты. Мақсатты зерттеулердің болмағанына қарамастан, флуконазол CYP2C9 изоферментімен (мысалы, напроксен, лорноксикам, мелоксикам, диклофенак) метаболизденетін басқа ҚҚСП-дың жүйелік экспозициясын арттыруға қабілетті екені белгілі. Осы препараттарды бірлесіп қолданған жағдайда ҚҚСД қабылдаумен байланысты жағымсыз реакциялар мен уытты көріністеулерді анықтау мақсатында жиі мониторинг жүргізу ұсынылады. ҚҚСП дозасын түзету қажет болуы мүмкін. Фенитоин: флуконазол бауырдағы фенитоин метаболизмін тежейді. Флуконазолды 200 мг дозада және фенитоинді 250 мг вена ішіне бір мезгілде бірнеше рет қолдану фенитоин AUC24 және Cmin сәйкесінше 75% және 128%-ға өсуіне әкелді. Осы дәрілік препараттарды бір мезгілде қолданғанда фенитоиннің уытты әсерінің дамуын болдырмау үшін қан плазмасындағы фенитоин концентрациясын бақылау қажет. Преднизон: үш айлық емдеу курсынан кейін флуконазолды қабылдауды тоқтату аясында бауыр трансплантациясынан кейін пациентте бүйрек үсті безі қыртысының жедел жеткіліксіздігінің дамуы туралы хабарлама бар. Флуконазолмен емдеуді тоқтату преднизон метаболизмінің жоғарылауына әкеліп, CYP3A4 изоферментінің белсенділігін арттыруы мүмкін. Преднизон мен флуконазолмен ұзақ уақыт біріктірілген ем қабылдайтын пациенттер бүйрек үсті безі қыртысының жеткіліксіздігін анықтау мақсатында флуконазолды қабылдауды тоқтатқан кезде мұқият медициналық бақылауда болуы тиіс. Рифабутин: флуконазол нәтижесінде рифабутин AUC 80% дейін артатын қан сарысуындағы рифабутин концентрациясын жоғарылатады. Флуконазол мен рифабутинді бір мезгілде қолданғанда увеит жағдайлары сипатталған. Дәрілік препараттардың осы біріктірілімін қолданған кезде рифабутин уытты әсерінің симптомдарын ескеру қажет. Саквинавир: флуконазол бауырдағы саквинавир метаболизмін CYP3A4 изоферментімен тежеу және P-гликопротеинді тежеу арқылы саквинавирдің AUC және Cmax деңгейін сәйкесінше шамамен 50% және 55% арттырады. Флуконазол мен саквинавир/ритонавирдің өзара әрекеттесуі зерттелмеген, ол анағұрлым айқын сипатқа ие болуы мүмкін. Саквинавир дозасын түзету қажет болуы мүмкін. Сульфонилмочевина препараттары: дені сау еріктілерді қамтитын зерттеулер флуконазолды сульфонилмочевинаның пероральді туындыларымен (мысалы, хлорпропамид, глибенкламид, глипизид, толбутамид) бір мезгілде қолдану олардың жартылай шығарылу кезеңінің ұзаруына әкелетінін көрсетті. Флуконазолмен бір мезгілде қолданғанда қандағы глюкоза деңгейін үнемі бақылау және қажет болған жағдайда сульфонилмочевина препараттарының дозасын уақтылы төмендету қажет. Теофиллин: 14 күн ішінде флуконазолды 200 мг дозада қабылдағанда дәрілік өзара әрекеттесудің плацебо-бақыланатын зерттеуінде теофиллиннің плазмалық клиренсінің орташа жылдамдығы 18% - ға төмендеді. Теофиллинді жоғары дозада қолданатын немесе теофиллиннің уытты әсерінің даму қаупі жоғары пациенттерге флуконазол тағайындаған кезде теофиллиннің артық дозалану симптомдарының пайда болуын бақылау қажет. Уыттылық белгілері пайда болған кезде, емдеуді түзету керек. Тофацитиниб: тофацитиниб экспозициясы CYP3A4 изоферментінің орташа тежегіштері және CYP2C19 изоферментінің күшті тежегіштері (мысалы, флуконазол) болып табылатын дәрілік препараттармен бір мезгілде қолданғанда артады. Сондықтан осы препараттармен бірге қолданған кезде тофацитиниб дозасын тәулігіне бір рет 5 мг дейін төмендету ұсынылады. Толваптан: Толваптан экспозициясы толваптанды, CYP3A4 субстратын және флуконазолды, CYP3A4 орташа тежегішін бірге қолданғанда айтарлықтай (AUC 200% - ға; Cmax 80% - ға) артады. Бұл ретте диурездің жоғарылауы, дегидратация және жедел бүйрек жеткіліксіздігі сияқты жағымсыз құбылыстардың даму жиілігінің айтарлықтай жоғарылау қаупі болады. Осы препараттарды бір мезгілде қолдану кезінде толваптанды медициналық қолдану жөніндегі нұсқаулықтағы ұсынымдарға сәйкес толваптан дозасын азайту керек және толвапанды қабылдауға байланысты кез келген ұқсас реакциялардың бар-жоғын анықтау үшін пациент жағдайын мұқият бақылау қажет. Қабіршөп алкалоидтары: мақсатты зерттеулердің болмауына қарамастан, флуконазол қан плазмасындағы қабіршөп алкалоидтарының концентрациясын жоғарылатуға қабілетті (мысалы, винкристиннің және винбластиннің) және осылайша CYP3A4 изоферментінің тежелуіне байланысты болуы мүмкін нейроуыттылықтың дамуына әкеледі деп саналады А дәрумені: орталық жүйке жүйесі (ОЖЖ) тарапынан трансретиной қышқылы (А дәруменінің қышқыл түрі) мен флуконазолды тоқтатқаннан кейін әсері жоғалып кеткен флуконазолды бір мезгілде қолданған кезде мидың жалған ісіктері түрінде жағымсыз реакциялардың дамуының бір жағдайы туралы хабарлама бар. Бұл біріктірілімді қолдануға болады, бірақ ОЖЖ тарапынан жағымсыз реакциялардың пайда болу мүмкіндігін ескеру қажет. Вориконазол (CYP2C9, CYP2C19 және CYP3A4 тежегіші): вориконазолды (бірінші күні әр 12 сағат сайын 400 мг, содан кейін 2,5 күн ішінде әр 12 сағат сайын 200 мг) және флуконазолды (бірінші күні 400 мг, содан кейін 4 күн ішінде әр 24 сағат сайын 200 мг) бір мезгілде пероральді қолдану ер жынысты 8 дені сау еріктілерде вориконазол Смах және AUC орташа есеппен 57% (90% сенімділік аралығы (СА): 20%, 107%) және 79%-ға (90% СА: 40%, 128%) жоғарылауына әкелді. Вориконазол мен флуконазолды қолдану дозасы және/немесе жиілігін төмендету осы әсерді жоюға әкеліп-әкелмейтіні анықталған жоқ. Вориконазолды флуконазолмен бірге қолданған кезде вориконазолды қолданумен байланысты жағымсыз реакциялардың пайда болуын анықтау үшін пациенттердің жағдайын бақылау ұсынылады. Зидовудин: пероральді қолданғанда флуконазол зидовудин клиренсін шамамен 45% төмендетеді және зидовудиннің Смах және AUC деңгейін сәйкесінше 84% және 74% жоғарылатады. Сонымен қатар, флуконазолмен бір мезгілде қолданғанда зидовудиннің жартылай шығарылу кезеңінің шамамен 128% - ға ұзаруы байқалды. Дәрілік препараттардың осындай біріктірілімін қабылдайтын пациенттер зидовудинді қолданумен байланысты жағымсыз реакцияларды анықтау мақсатында бақылауда болуы тиіс. Қажет болған кездне зидовудин дозасын төмендетуге болады. Азитромицин: азитромицинді 1200 мг дозада бір рет қабылдаудың 800 мг дозадағы флуконазолды бір рет қолдану кезіндегі оның фармакокинетикасына әсерін, сондай-ақ флуконазолдың азитромицин фармакокинетикасына әсерін анықтау үшін 18 дені сау еріктілердің қатысуымен ашық, рандомизацияланған, үш жақты айқаспалы-зерттеу жүргізілді. Флуконазол мен азитромицин арасында маңызды фармакокинетикалық өзара әрекеттесу анықталған жоқ. Пероральді контрацептивтер: флуконазолды бірнеше рет қолдану аясында біріктірілген пероральді контрацептивті қолданудың екі фармакокинетикалық зерттеуі жүргізілді. Флуконазолды 50 мг дозада қолданғанда гормондар деңгейіне айтарлықтай әсер болмады, бірақ флуконазолды күнделікті 200 мг дозада қолданғанда этинилэстрадиол және левоноргестрел AUC тиісінше 40% және 24% - ға өсті. Осылайша, флуконазолды көрсетілген дозаларда бірнеше рет қолдану біріктірілген пероральді контрацептивті препараттардың тиімділігіне әсер етуі екіталай.

Сақтау мерзімі 3 жыл Алғаш ашқаннан кейінгі қолдану кезеңі 14 күннен аспауы керек. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!