Флюкол-С таблетки

Бір таблетканың құрамында Белсенді заттар: парацетамол 500 мг кофеин 25 мг фенилэфрин гидрохлориді 5 мг терпингидрат 20 мг аскорбин қышқылы 30 мг қосымша заттар: жүгері крахмалы, тазартылған тальк, магний стеараты, натрий крахмал гликоляты, динатрий эдетаты, тазартылған су қабықтың құрамы: күн батар түстес сары бояғыштың дайын қоспасы (Е 110), поливинилпирролидон К 30, күн батар түстес сары бояғыш (Е 110), этилцеллюлоза, метиленхлорид, изопропил спирті Сыртқы түрінің иісінің, дәмінің сипаттамасы Мәрмәрланған қызғылт-сары түсті үлбірлі қабықпен қапталған дөңгелек, екі беті дөңес таблеткалар, ядросы қызғылт-сары және ақ түсті теңбілдері бар ашық қызғылт-сары түсті.

• бас ауыруымен, миалгиямен, мұрынның бітелуімен және құрғақ жөтелмен қатар жүретін инфекциялы-қабыну аурулары кезіндегі қызба синдромында

Парацетамол гематоэнцефалдық бөгет арқылы жақсы өтеді. Бұл оның осы үдеріс шегі деңгейінің азаюы арқылы ауыруды орталық арқылы басуымен және ыстықты түсіруімен, гипоталамустағы ауыруды және жылуды реттеу орталығына простагландинсинтетаза энзимін бөгеу арқылы әсер етуімен байланысты. Бұл олардың дене температурасын түсіретін жылуды реттеу орталығына әсерін жояды. Дененің жылуын жоғалтуы қызба жағдайларында қан тамырларының кеңеюі және шеткері қан ағымы кернеуінің артуы нәтижесінде артады. Бұдан басқа, парацетамолдың ауыруды басатын әсері ауырудың пайда болуына жауапты брадикининсезімтал хеморецепторлардағы импульстардың шеткері бөгелуімен байланысты. Қатты қабыну салдарынан микроайналым, әсіресе капиллярлардағы қан айналымы бұзылады. Бұл қан таситын тамырларда орналасқан ауыру рецепторлары сезімталдығының өзгеруіне әкеп соғады. Парацетамолдың ыстықты түсіру әсері, қабынуға қарсы стероидты емес басқа дәрілердегі сияқты, дененің қалыпты температурасын емес, қызбаны төмендету болып табылады. Қабынған тіндерде жасушалық пероксидазалар парацетамолдың циклооксигеназаға ықпалын бейтараптандырады, ол қабынуға қарсы әсерінің мүлдем жоқ дерлік екендігімен түсіндіріледі. Кофеин – психостимулятор және аналептик. Мидың тыныс алу және қан тамырларын қимылдату орталықтарын ынталандырады, орталық жүйке жүйесін (ОЖЖ) бәсеңдететін заттардың әсерін әлсіретеді, дене мен ой еңбегіне қабілетін арттырады, ұйқышылдық пен шаршау сезімін азайтады, антигистаминдік препараттарды қабылдауға байланысты болатын бас айналудың пайда болуына жол бермейді. Кофеин артериялық гипотензияда артериялық қысымды арттырады, жүректің жиырылу жиілігін ұлғайтады. Диурезді аздаған дәрежеде арттырады. Терпингидрат қақырықты түсіретін әсері бар, тыныс алу жолдарының эпителий бездерінің секреторлық функциясын жоғарлатады, секреция көлемін арттырады және бөлінетін секрет тұтқырлығын төмендетеді. Фенилэфрин гидрохлориді. Адреномиметик. Негізінен α-адренорецепторларға тура көтермелеуші әсер етеді. Жүйелі түрде қолданғанда артериолдардың тарылуын туындатады, артериялық қысымды (АҚ) жоғарлатады. Жүрек лықсытуы өзгермейді немесе азаймайды, артериялық гипертензияға жауап ретінде рефлекторлы брадикардияға (кезбе жүйке тонусының артуына) байланысты. Орташа емдік дозаларда ОЖЖ мүлдем әсер етпейді. Аскорбин қышқылы (С дәрумені) организмдегі тотығу-тотықсыздану реакцияларының көптеген түрлеріне қатысады. L-аскорбин қышқылы маңызды өкілі болып табылады және оның тотыққан түрі дегидроаскорбин қышқылы. Көрсетілген бірігулердің негізгі қасиеті – антиоксидантты. Аскорбин қышқылы липидтер, ақуыздар және жасушалардың басқа компоненттерінің асқын тотығу үдерісін тежейді, осылайша оны зақымданудан қорғайды. С дәрумені қандағы интерферон концентрациясын арттырады. С дәруменінің жарғақшаны тұрақтандыратын әсері және иммунитет көтермелейтін әсері бар. С дәрумені фагоцитарлы белсенділікті арттыра отырып, лейкоциттерге жинақталады, ол микробтарға және вирустарға қарсы қорғанысты артырады. Аскорбин қышқылы бүйрек үсті безінің қыртыстарындағы гормондар биосинтезін көтермелейді, осылайша стрестер кезінде организмнің бейімделгіш процестерін көтермелейді. С дәрумені тапшылығында суық тию аурулары даму қаупі артады, қандағы холестерин деңгейі жоғарылап, қызыл иектің қанағыштығы, қатты шаршағыштық және т.б. дамиды. Белсенді заттардың тыныштандыратын әсері туралы деректер жоқ.

Дозалау режимі 18 жастан асқан ересектер үшін 1-2 таблеткадан күніне 4 реттен көп емес. 24 сағат ішінде 8 таблеткадан артық қабылдауға болмайды. 4 сағаттан жиі қабылдауға болмайды. Емдеу ұзақтығы Дәрігердің тағайындауынсыз 7 күннен артық қолдану ұсынылмайды. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препаратты қолданар алдында қосымша парақты мұқият оқып шығыңыз. Егер сізде қосымша сұрақтар туындаса, емдеуші дәрігерге жүгініңіз.

-препараттың белсенді заттарына және қосымша заттарына аса жоғары сезімталдық -бүйрек функциясының ауыр бұзылулары -бауыр функциясының ауыр бұзылулары (Чайлд-Пью шкаласы бойынша > 9 балл) -тұқым қуалайтын галактоза жақпаушылығы, Лапп лактаза тапшылығы, глюкоза мен галактозаның мальабсорбциясы -18 жасқа дейінгі балалар мен жасөспірімдер -жүктілік және лактация кезеңі

Жағымсыз дәрілік реакциялардың туындау жиілігі ДДҰ жіктемесіне сәйкес анықталған: өте жиі (>1/10), жиі (>1/100, ≤1/10), жиі емес (>1/1000, ≤1/100), сирек (>1/10000, ≤1/1000), өте сирек (1/10000 төмен), жиілігі белгісіз (қолда бар деректер бойынша анықталуы мүмкін емес). Жиі (≥1/100 - <1/10) • ауыздың құрғауы Жиі емес (≥1/1000 - <1/100) • терінің аллергиялық реакциялары (эритематозды немесе уртикарлық бөрту) • дене температурасының көтерілуі (дәрілік қызба) • шырышты қабықтардың зақымдануы Сирек (≥1/10000 - <1/1000) • бауыр трансаминазалары деңгейінің жоғарылауы Өте сирек (<1/10000) • қан көрінісінің өзгерістері: лейкопения, нейтропения, агранулоцитоз, тромбоцитопения, тромбоцитопениялық пурпура, панцитопения, аплазиялық анемия, препаратты үлкен дозаларда қабылдағанда – метгемоглобинемия • дискинезия (қозғалыс бұзылыстары) • глаукоманың дамуы (жабық бұрышты глаукома), көрудің нашарлауы • тыныс алу жолдарының аса жоғары сезімталдығы, бейімділігі бар пациенттердегі бронх түйілуі (анальгетикалық демікпе) • асқазан-ішек жолы тарапынан болатын реакциялар: жүрек айнуы, құсу эпигастрийдегі ауырсыну • несеп шығарудың бұзылуы, бүйректің зақымдануы (жоғары дозада ұзақ қолданудан кейін) • тәбеттің артуы • тамыр ісінуі, ентігу, қатты терлеу, жүрек айнуы, артериялық қысымның қан айналымы бұзылуына және анафилаксиялық шокқа дейін төмендеп кетуі сияқты парацетамолға аса жоғары сезімталдықтың ауыр реакциялары • психоздық реакциялар • жоғары дозаларды ұзақ қолданғаннан кейін немесе артық дозаланғаннан кейін бауыр зақымдануы байқалуы мүмкін Жиілігі белгісіз • парацетамол қабылдау фосфор-вольфрам қышқылының көмегімен қандағы несеп қышқылын анықтау және глюкоза-оксидаза-пероксидаза әдісімен қандағы глюкоза деңгейін анықтау нәтижелеріне ықпал етуі мүмкін • аскорбин қышқылын 1 г дозада қабылдағаннан кейін несептегі аскорбин қышқылының концентрациясы әртүрлі клиникалық-химиялық параметрлерді (глюкоза, несеп қышқылы, креатинин және органикалық емес фосфаттар) бағалауды қиындататын сипатта көтеріледі, сондай-ақ нәжістегі қанды анықтауға жасалған талдау тұсында сенімсіз теріс нәтиже беруі мүмкін. Жалпы, аскорбин қышқылын қабылдағаннан кейін түсті реакцияларға негізделген химиялық әдістердің нәтижелеріне баға беру қиындай түседі; • жүрек ырғағының бұзылуы (тахикардия) • тыныштандыру әсері, ұйқышылдық • іштей мазасыздық, ұйқысыздық • жекелеген жағдайларда препарат қабылдау және Стивенс-Джонсон синдромы мен уытты эпидермалық некролиз (Лайелл синдромы) сияқты буллёзді тері реакцияларының дамуы арасында уақытша өзара байланыс бары байқалды • парацетамол қабылдаған ауыр аурулары бар науқастарда қанның қышқылдығының жоғарылауына әкелуі мүмкін ауыр жағдай (метаболизмдік ацидоз деп аталады) Егер нұсқаулықта көрсетілген жағымсыз реакциялардың кез келгені ауырласа немесе нұсқаулықта көрсетілмеген кез келген басқа реакциялар байқалса, бұл туралы дереу дәрігерге хабарлау керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Парацетамолды 5 г және одан көп мөлшерде қабылдағанда келесі қауіп факторлары бар ересек пациенттерде бауыр функциясының бұзылулары туындауы мүмкін: - карбамазепинмен, фенобарбиталмен, фенитоинмен, примидонмен, рифампицинмен, шайқураймен немесе бауыр ферменттерін индукциялайтын басқа препараттармен ұзақ уақыт бойы ем қабылдап жүрген пациенттер. - ұсынылған мөлшерінен артық мөлшерде алкогольдік ішімдіктерді жүйелі қолдану. - глутатион тапшылығы, яғни, ас қорыту бұзылысы, кисталық фиброзы, АИТВ бар, тойып тамақтанбайтын, кахексиясы бар пациенттер. Парацетамолдың артық дозалануының алғашқы 24 сағат ішіндегі симптомдары: тері жабындарының бозаруы, жүрек айнуы, құсу, анорексия және іштің ауыруы. Бауыр зақымдануының белгілері препаратты қабылдағаннан кейін 12-48 сағаттан соң пайда болуы мүмкін. Глюкоза метаболизмінің аномалиялары және метаболизмдік ацидоз туындауы мүмкін. Ауыр улану кезінде бауыр жеткіліксіздігі энцефалопатияға, қан құйылуға, гипогликемияға, мидың ісінуіне және өлімге дейін үдеуі мүмкін. Жедел тубулярлық некрозбен, белдегі айқын ауырумен, гематуриямен және протеинуриямен жүретін бүйректің жедел жеткіліксіздігі, тіпті бауырдың елеулі зақымдануы болмаған жағдайда да, дами беруі мүмкін. Сонымен қатар, жүрек аритмиясы жағдайлары мен панкреатит туралы хабарланды. Емі: парацетамол артық дозаланған жағдайда тез арада емдеу қажет. Бастапқы айқын симптомдарының жоқтығына қарамастан, пациент медициналық көмекке жүгінуі керек. Симптомдары жүрек айнуымен және құсумен шектелуі, ауыр артық дозалануының белгілері мен ағзалардың зақымдану қаупі білінбеуі мүмкін. Емдеу белгіленген ережелерге сәйкес жүргізіледі (БНФ "артық дозалануы" бөлімін қараңыз). Белсендірілген көмірмен емдеуді артық дозалануынан кейінгі 1 сағат ішінде жүргізу керек. Парацетамолдың қан плазмасындағы концентрациясын қабылдағаннан кейін 4 сағаттан соң немесе одан да кейінірек өлшеу керек (бастапқы концентрациялары ескерілмейді). N-ацетилцистеинмен емдеу парацетамолды қабылдағаннан кейін 24 сағат ішінде қолданылады, бірақ, ең жоғарғы әсеріне қолданғаннан кейін 8 сағат ішінде қол жеткізіледі, содан кейін антидоттың тиімділігі азаяды. Қажет болған жағдайда, пациентке белгіленген дозалау кестесіне сәйкес, вена ішіне N-ацетилцистеин енгізіледі. Ауруханадан тыс, алыс аудандарда тұратын пациенттерде құсу болмаған жағдайда, қолайлы баламасы ретінде метионинді ішу арқылы қабылдауға болады. Бауырдың ауыр бұзылуы бар пациенттерді емдеу әдісі туралы шешімді, препарат қабылданғаннан кейін 24 сағат өткен соң токсикология бөлімінің мамандарымен бірге қабылдау керек. Кофеиннің артық дозалануының симптомдары: күйгелектік, мазасыздық, ұйқышылдық, үрейлену, диурез жоғарылауы, беттің терлеуі, тремор, асқазан-ішек жолының бұзылыстары, тахикардия, аритмия, ойлау мен сөйлеудің байланыссыздығы, психомоторлық қозу немесе қажымаушылық кезеңдері. Препаратты қабылдағанда туындаған кофеиннің артық дозалануының клиникалық маңызды симптомдары үшін, қабылданған препарат мөлшері парацетамолды қабылдаудан туындаған бауырға уыттылығының ауырлығына тәуелді екендігін ескеру қажет. Емі: клиникалық симптомдарына сәйкес. Артық дозаланғаннан кейін 1-ден 4 сағатқа дейін белсендірілген көмірді қабылдауға болады. Тыныштандыратын препараттарды вена ішіне енгізу қажет болуы мүмкін. Фенилэфриннің артық дозалану симптомдары: Симптомдар жағымсыз реакциялар бөлімінде көрсетілгендерге ұқсас. Сонымен қатар, ашушаңдық, мазасыздық, артериялық қысымның жоғарылауы және брадикардия пайда болуы мүмкін. Ауыр жағдайларда сананың шатасуы, елестеулер, құрысулар және жүрек ырғағының бұзылуы мүмкін. Жоғарыда аталған симптомдардың пайда болуы үшін парацетамолдың артық дозалануынан туындаған симптомдардың пайда болуына қарағанда фенилэфриннің едәуір көп мөлшерін қажет ететінін есте ұстаған жөн. Емі: симптоматикалық. Айқын гипертензия фентоламин сияқты адреноблокаторларды қолдануды қажет етуі мүмкін. Аскорбин қышқылы Симптомдары: аскорбин қышқылының (>3000 мг) артық дозалануы кезінде уақытша осмостық диарея және асқазан-ішек жолы тарапынан жүрек айнуы, құсу және іштегі жайсыздық сияқты реакциялар туындауы мүмкін. Аскорбин қышқылының артық дозалануының әсері парацетамолдың артық дозалануынан туындаған бауыр үшін ауыр уыттылығымен байланысты болуы мүмкін. Терпингидрат Симптомдары: артық дозалануы асқазан-ішек жолы тарапынан жүрек айнуы, құсу және іштің ауыруы сияқты реакцияларды туындатуы мүмкін. Емі: симптоматикалық.

Төмендегілер болған жағдайда, Флюкол-С препаратын қабылдар алдында дәрігердің кеңесі қажет: - жүрек-қантамыр аурулары; - қуықасты безінің ұлғаюы; - тамырдың окклюзиялық ауруы (яғни, Рейно феномені). Егер сізде Флюкол-С препаратымен емдеу кезінде күрделі аурулар, соның ішінде ауыр бүйрек жеткіліксіздігі немесе сепсис (бактериялар мен олардың токсиндері қанда айналып, ағзалардың зақымдалуына әкеліп соқтырса) немесе дұрыс тамақтанбау, созылмалы алкоголизм немесе флуклоксациллин (антибиотик) қабылдаған болсаңыз, дереу дәрігерге хабарлаңыз. Мұндай жағдайларда пациенттерде парацетамолды әдеттегі дозада ұзақ уақыт қолданғанда немесе парацетамолды флуклоксациллинмен бір мезгілде қабылдағанда метаболизмдік ацидоз (қан мен сұйықтықтың бұзылуы) деп аталатын ауыр жағдайдың даму жағдайлары тіркелді. Метаболизмдік ацидоздың симптомдары мыналарды қамтуы мүмкін: терең, жылдам тыныс алумен тыныс алудың күрделі қиындықтары, ұйқышылдық, жүрек айну және құсу. Тұзсыз диетаны ұстанатын адамдарға тағайындау кезінде сақтықпен қабылдау керек. Пироглутаминдік ацидоз салдарынан туындаған жоғары аниондық айырмашылықтан метаболизмдік ацидоз (HAGMA) жағдайлары туралы хабарланды. Бұл жағдайлар бүйректің ауыр жеткіліксіздігі және сепсис сияқты ауыр аурулары бар немесе тойып тамақтанбайтын немесе глютатион тапшылығының басқа көздері (мысалы, созылмалы алкоголизм) бар пациенттерде, парацетамолдың емдік дозаларымен немесе парацетамол мен флуклоксациллин біріктірілімімен ұзақ уақыт емделгенде байқалған. Егер пироглутаминдік ацидоздан туындаған HAGMA-ға күдік болса, парацетамолды қабылдауды дереу тоқтатып, мұқият бақылау жүргізу ұсынылады. Несептегі 5-оксопролин деңгейін өлшеу көптеген қауіп факторлары бар пациенттерде HAGMA негізгі себебі ретінде пироглутаминдік ацидозды анықтау үшін пайдалы болуы мүмкін. Арнайы ескертулер Бұл препарат пациенттерге басқа симпатомиметиктермен (деконгестанттар, тәбетті бәсеңдететін препараттар мен амфетамин тәрізді психостимуляторлар сияқты), сондай-ақ гипотензиялық препараттармен біріктіріп қолданбаған дұрыс. Егер сіз төмендегілерді қабылдасаңыз, дәрігерге немесе фармацевтке хабарлаңыз: - флуклоксациллин (антибиотик), жедел емдеуді қажет ететін қан мен сұйықтықтың (метаболизмдік ацидоз деп аталатын) бұзылу қаупіне байланысты. Балаларда қолдану 18 жасқа дейінгі балалар мен жасөспірімдерге қарсы көрсетілімде. «Күн батар түстес» сары бояғыш (Е110) аллергиялық реакциялар тудыруы мүмкін. Тұмауды, суық тиюді емдеуге арналған басқа препараттардың немесе деконгестанттардың, немесе құрамында парацетамол бар басқа препараттардың бірге қолданылуын болдырмау керек. Парацетамолды бүйрек немесе бауырдың елеулі жеткіліксіздігі бар пациенттерге сақтықпен қолдану керек. Артық дозалануы бауырдың цирроздық емес алкогольдік ауруы бар пациенттерге зиянын көбірек тигізеді. Препаратты қабылдау кезінде шай немесе кофені шамадан тыс мөлшерде қолдануға болмайды. Симптомдары нашарлаған жағдайда, дәрігерге хабарласыңыз. Ұсынылған дозасын арттыруға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін (бас ауыруы, зейін қоюдың әлсіреуі, уақыт және кеңістіктегі бағдарсыздық) ескере отырып, көлік құралдары мен қауіптілігі зор механизмдерді басқаруды тоқтата тұру керек.

Препаратты құрамында кофеиннің болуына байланысты түсік тастау қаупі жоғары болғандықтан, жүктілік кезінде қабылдау ұсынылмайды. Лактация кезінде препаратты қабылдар алдында дәрігермен кеңесу керек. Фенилэфрин емшек сүтімен бөлініп шығады. Кофеин емшек сүтінде емшек еметін балаға стимуляциялайтын әсер беруі мүмкін, бірақ елеулі уытты әсер байқалмаған.

Парацетамол. Метоклопрамид пен домперидон парацетамолдың асқазан-ішек жолынан сіңірілу жылдамдығын арттырады, ал колестирамин азайтады. Варфарин мен басқа кумариндердің коагуляцияға қарсы әсері парацетамолды күн сайын қабылдаған кезде күшеюі және қан кетулер қаупін арттыруы мүмкін. Препаратты жүйелі түрде қабылдамау аталған әсерді көрсетпейді. Фенилэфрин. Фенилэфринді моноаминоксидаза тежегіштерімен және үшциклдық антидепрессанттарды біріктіріп қабылдау гипертензияны туғызуы мүмкін. Жүрек-қантамыр жүйесімен байланысты жағымсыз әсерлердің туындау қаупі, фенилэфринді басқа симпатомиметикалық аминдермен бір мезгілде қабылдағанда артуы мүмкін. Фенилэфрин β-блокаторлар мен гипотензиялық препараттардың (соның ішінде дебризохин, гуанетидин, резерпин, метилдопа) тиімділігін азайтуы мүмкін. Гипертензияның және жүрек-қантамыр жүйесімен байланысты басқа жағымсыз әсерлердің туындау қаупі жоғарылайды. Фенилэфринді үшциклді антидепрессанттармен (мысалы, амитриптилин) біріктіріп қабылдау жүрек-қантамыр жағымсыз әсерлерінің даму қаупін арттыруы мүмкін. Қастауыш алкалоидтарымен (эрготамин және метилсергид) біріктірілгенде эрготизм қаупі артады. Дигоксин мен жүрек гликозидтерін фенилэфринмен бірге қабылдағанда, аритмия немесе жүрек ұстамасының қаупі жоғарылайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды Сақтау шарттары Жарықтан қорғалған жерде, 25°С-ден аспайтын температурада сақтау керек Балалардың қолы жетпейтін жерде сақтау керек!