ФЛЮТ® Адванс суппозитории

Бір суппозиторийдің құрамында: белсенді зат: 206 мг бензокаин, қосымша заттар: метилпарагидроксибензоат, пропилпарагидроксибензоат, жүгері крахмалы, какао майы. Сыртқы түрінің, иісінің, дәмінің сипаттамасы Пішіні торпеда тәрізді, ақтан ақшыл-сары түске дейінгі суппозиторийлер.

– сыртқы және ішкі геморройда – айқын ауыру синдромымен қатар жүретін артқы өтіс жолының сызатында, эрозиясында және микрожарақаттарында, анальді қышынуда – проктологиялық операциялардан соң операциядан кейінгі кезеңде

Әсер ету механизмі Белгісіз Фармакодинамикалық әсерлері Бензокаин – беткейлік белсенді жергілікті жансыздандыратын дәрі, резорбциялық әсер етпейді, натрий иондары үшін жасуша жарғақшасының өткізгіштігін азайтады, жарғақшалардың ішкі беткейінде орналасқан рецепторлардан кальций иондарын ығыстырады, жүйке импульстарының өткізілуін бөгейді. Бензокаин айқын ауыруды басатын әсер етеді. Клиникалық тиімділігі және қауіпсіздігі Деректер жоқ Балалар 4.3 бөлімін қараңыз.

Дозалану режимі Препаратты гигиеналық шаралардан кейін қолдану керек. 1 суппозиторийден тік ішекке тәулігіне 4 ретке дейін (таңертең, түнге қарай және ішекті әр босатқаннан кейін) енгізу керек. Ең жоғары тәуліктік дозасы – 4 суппозиторий. Емдеу курсының ұзақтығы – 7 күн. Қажет болғанда дәрігердің ұсынымы бойынша қабылдау ұзақтығын 3 аптаға дейін ұзартуға болады.

– препарат компоненттерінің кез келгеніне жоғары сезімталдық – тромбоэмболиялық ауру – гранулоцитопения – 12 жасқа дейінгі балалар - жүктілік және лактация кезеңі

Сирек - жанаспалы дерматит - терінің аллергиялық реакциялары (гиперемия, бөртпе, қышыну) - баяу типті аллергиялық реакциялар, бронх түйілуі - енгізген орындағы жергілікті реакциялар - тері, ерін және тырнақ пластинасы цианозымен, бас ауыруы, бас айналу, ентігу, қажығыштық және тахикардиямен қатар жүретін метгемоглобинемия. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланған жағдайда бензокаинның жүйелі сіңуі ұйқышылдық, үрейлену сезімі, қозу және ауыр жағдайларда құрысулар түрінде білінуі мүмкін. Метгемоглобинемия жағдайлары сипатталған. Цианоз сияқты симптомдар (түсі бозғылт, сұрғылт немесе көкшілденген тері, еріндер мен саусақтардың ұштары), бас ауыруы, бас айналу, ентігу, әлсіздік және бензокаинмен емдеуде пайда болатын тахикардия өлімге әкеліп соқтыруы ықтимал метгемоглобинемияны білдіруі мүмкін және шұғыл медициналық араласымды қажет етеді. Метгемоглобинемия дамыған жағдайда емдеу метилен көк ерітіндісін вена ішіне енгізуді қамтиды. Емі: препаратты тоқтату және симптоматикалық ем. Дәрілік препаратты қабылдамай тұрып кеңес алу үшін дәрігерге немесе фармацевтке жүгініңіз.

Артқы өтістен көп мөлшерде қанды бөліністер болған жағдайда немесе ауыру симптомдары 7 күннен астам сақталғанда, проктологтан қосымша кеңес алу қажет. Егер аппликаторды тік ішекке енгізгенде ауыртатын болса, оны пайдаланбау керек. Емдеу курсының жиілігі (4 ретке дейін) мен ұзақтығын арттыруға болмайды. Құрамында бензокаин бар өнімдерді тағайындау метгемоглобинемияға әкелетінін көрсететін зерттеулер бар. Препарат қолдану аясындағы цианоз (бозару, тері, ерін және тырнақ оймасы түсінің сұрлануы немесе көгеруі), бас ауыруы, бас айналуы, диспноэ (ентігу), шаршау, тахикардия сияқты симптомдар өмірге ықтимал қауіпті көрсетуі мүмкін және тікелей медициналық қадағалауды қажет етеді. ФЛЮТ® Адванс дәрілік затын 12 жастан асқан балаларға қолданар алдында дәрігерден кеңес алған жөн. Препарат құрамында пропилпарагидроксибензоат және метилпарагидроксибензоат бар, ол аллергиялық реакцияны туындата алады (баяулаған болуы мүмкін). Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік және лактация кезеңінде ФЛЮТ® Адванс препаратын қолдану ана мен шарананың немесе баланың пайда/қауіп арақатынасын мұқият бағалағаннан кейін ғана мүмкін болады.

ФЛЮТ® Адванс құрамына кіретін бензокаин аминосалицил қышқылы препараттарына антагонист болуы мүмкін. Бензокаин ұсынылған дозалардан және қабылдау ұзақтығынан едәуір асып кеткен жағдайларда моноаминооксидаза (МАО) тежегіштерінің, антидепрессанттар және гипотензивті дәрілердің әсерлерін күшейтуі мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25ºС-ден аспайтын температурада сақтау керек. Балалардың қолы жетпейтін жерде сақтау керек!