ФЛЮТ® Прокто суппозитории 5 мг

Бір суппозиторий құрамында белсенді зат - 5.00 мг фенилэфрин гидрохлориді, қосымша заттар: акула бауырының майы, метилпарабен, пропилпарабен, жүгері крахмалы, какао майы Сыртқы түрінің, иісінің, дәмінің сипаттамасы Ақтан қою сары түске дейінгі, торпедо тәрізді суппозиторийлер.

- сыртқы және ішкі геморрой - артқы өтістің сызаттары, эрозиясы және микрожарақаттары - қышудың, ашудың және анустық жайсыздықтың симптоматикалық емі

Фенилэфрин гидрохлориді альфа-адреномиметик болып табылады, жергілікті тамыр тарылтқыш әсер етеді, ол тіндердің экссудациясы мен ісінуін, геморраидальді веналардан қан кетуін және қан толуын, қышынуды, анус айнала аймақтың геморрой және басқа аурулары кезінде серозды бөлінділерді азайтуына ықпал етеді. ФЛЮТ Прокто геморроймен байланысты қышыну, ашыту, жайсыздық кезінде тыныштандыратын әсерге ие.

Дозалау режимі Препарат гигиеналық емшаралардан кейін қолданылады. Тік ішекке күніне 4 ретке дейін 1 суппозиторийден енгізіңіз (таңертең, түнде және әрбір ішекті босатудан кейін). Ең жоғары тәуліктік доза – 4 суппозиторий. Емдеу курсының ұзақтығы – 7-14 күн. Енгізу жолы және тәсілі Ректальді.

- әсер етуші затқа немесе қосымша заттардың кез келгеніне аса жоғары сезімталдық - тромбоэмболиялық ауру - гранулоцитопения - 12 жасқа дейінгі балалар - жүктілік және лактация кезеңі

- аллергиялық реакциялар болуы мүмкін - қолдану орнындағы жанаспалы дерматит түріндегі тітіркену - аритмия, артериялық қысымның жоғарылауы - гипертиреоздың өршуі -тремор, ұйқысыздық, күйгелектік Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұсынылған дозалардан шамадан тыс арттырған жағдайда мазасыздық, күйгелектік байқалуы мүмкін. Емі: симптоматикалық.

Жүрек-қантамыр және цереброваскулярлық аурулары бар, қалқанша без аурулары бар (гипертиреоз) пациенттерде, жабық бұрышты глаукома кезінде сақтықпен қолданыңыз. Бұл пациенттерде фенилэфрин жүрек қағуын, тахикардияны, артериялық қысымның жоғарылауын, күйгелектікті, мазасыздықты тудыруы мүмкін. Қант диабеті бар пациенттерде сақтықпен қолдану керек, фенилэфрин қандағы глюкоза концентрациясын арттыруы мүмкін. Бұл құбылыстар әдетте өтпелі және елеусіз болады, сондықтан қабылдаудың ұсынылған тәуліктік дозасынан асырмау керек. Гипертрофияға немесе қуық асты безінің ісігіне байланысты несеп шығару қиынға соғатын адамдарда сақтықпен қолдану керек: фенилэфрин альфа-1-адренорецепторлардың тітіркенуі арқылы қуық мойнының тегіс бұлшықеттерінің жиырылуы есебінен қуық асты безінің ұлғаюы бар науқастарда несеп шығару қиындығын тудыруы мүмкін. Арнайы ескертулер Фенилэфринді жергілікті қолдану альфа-1-адренорецепторлар стимуляциясы арқылы кейбір адамдарда артериялық гипертензияға әкелуі мүмкін, бұл препаратты гипотензиялық дәрілермен бір мезгілде пайдалану кезінде ескеру керек. Препаратты МАО тежегіштерімен бір мезгілде тағайындамаған жөн, бұл артериялық қысымның жоғарылауына әкелуі мүмкін. Жүйелі жағымсыз әсерлерді барынша азайту үшін, егер дәрігер тағайындамаса, ұсынылатын тәуліктік дозадан асырылмауы тиіс. Егер препаратты қолданғаннан кейін 7 күн ішінде жағдай нашарласа немесе жақсару болмаса, пациенттерге дәрігерге қаралу ұсынылады. Анустан қан кеткен жағдайда пациент дер кезінде дәрігерге қаралу керек. Препарат құрамында пропилпарагидроксибензоат және метилпарагидроксибензоат бар, олар аллергиялық реакциялар (мүмкін баяу) тудыруы мүмкін Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүкті және бала емізетін әйелдерде препаратты қолдану қауіпсіздігі анықталмағандықтан, бұл өнімді жүктілік кезінде, егер пайдасының ықтималдығы шарана үшін зор қауіпті ақтайтын болса ғана пайдалану керек. Жүктілік кезінде және лактация кезінде препаратты қатаң түрде дәрігердің нұсқауы бойынша қолдану керек.

Фенилэфрин кейбір жағдайларда ауыр гипертензияға әкелуі мүмкін (альфа-адренорецепторлар стимуляциясы арқылы). Бұл препаратты гипертензияға қарсы дәрілермен бір мезгілде қолдану ұсынылмайды. Препаратты МАО тежегіштерімен, трициклді антидепрессанттармен бір мезгілде тағайындауға болмайды. Фенилэфриннің фармакологиялық әсері МАО тежегіштерін бір мезгілде қолданғанда күшеюі мүмкін, өйткені фенилэфриннің метаболизмі өзгереді. Калий экскрециясын тудыратын дәрілік заттармен, мысалы, фуросемид сияқты кейбір диуретиктермен бір мезгілде қолданғанда гипокалиемияның жоғарылауы және фенилэфрин сияқты вазопрессорларға артериялық сезімталдықтың төмендеуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары Түпнұсқалық қаптамасында 25°С-ден аспайтын температурада сақтау керек. Мұздатып қатыруға болмайды! Балалардың қолы жетпейтін жерде сақтау керек!