Фолий қышқылы таблетки 1 мг

Бір таблетканың құрамында белсенді зат – 1 мг немесе 5 мг фолий қышқылы; қосымша заттар: лактоза моногидраты, микрокристалды целлюлоза, желатинделген крахмал, магний стеараты. Сыртқы түрінің, иісінің, дәмінің сипаттамасы Дөңгелек пішінді, жоғарғы және төменгі беткейі тегіс, шеттері қиғашталған, ашық сарыдан сары түске дейінгі бір қабатты таблеткалар. Таблеткалардың бетінде аздаған теңбілдердің болуына жол беріледі. Үлкейткіш шынымен сынатын жерінде салыстырмалы біркелкі құрылымы көрінеді (1 мг доза үшін). Дөңгелек пішінді, жоғарғы және төменгі беткейі тегіс, шеттері қиғашталған, сарыдан күңгірт-сары түске дейінгі бір қабатты таблеткалар. Таблеткалардың бетінде аздаған теңбілдердің болуына жол беріледі. Үлкейткіш шынымен сынатын жерінде салыстырмалы біркелкі құрылымы көрінеді (5 мг доза үшін).

Дәрілік препарат ересектерде қолдануға арналған Емдеу үшін: - фолий қышқылының тапшылығынан туындаған мегалобласттық анемияда Профилактика үшін: - созылмалы гемолиздік жай-күйлер немесе гемодиализ кезінде фолий қышқылының тапшылығында - дәрілік заттарды қабылдаудан туындаған фолий қышқылы тапшылығында - жүктілікті жоспарлап жүрген және қауіп тобындағы әйелдерде шарананың жүйке түтігі ақаулары дамуында.

Он екі елі ішектің шырышты қабығы мен аш ішектің жоғарғы бөлігі дигидрофолатредуктазаға бай, онда фолаттар мен фолий қышқылы сіңеді. Қабылдағаннан кейін фолий қышқылы жылдам қалпына келеді, содан соң тетрагидрофолий қышқылы туындыларын түзе отырып метилденеді, олар тіндерге жылдам тасымалданады.

Дозалау режимі Ересектер Фолий қышқылының тапшылығынан туындаған мегалобласттық анемияны емдеу үшін қолдану ұсынылады 4 ай бойы тәулігіне 5 мг; мальабсорбция кезінде тәулігіне 15 мг дейін қажет болуы мүмкін. Созылмалы гемолиздік жай-күйлер немесе гемодиализ кезінде фолий қышқылы тапшылығының профилактикасы үшін: негізгі ауруға және ас ішуге байланысты әр 1-7 күн сайын 5 мг. Дәрілік заттарды қабылдаудан туындаған фолий қышқылы тапшылығының профилактикасы үшін: тәулігіне 5 мг. Жүктілікті жоспарлап жүрген және қауіп тобындағы әйелдерде шарананың жүйке түтігі ақаулары дамуының профилактикасы үшін: ұрықтану алдында кемінде 4 апта тәулігіне 5 мг және қабылдауды жүктіліктің бірінші триместрі бойына жалғастыру керек. Енгізу әдісі және жолы Пероральді қолдануға арналған. Таблеткаларды сумен ішіп, жұту керек. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Осы препаратты қолдану туралы қандай да бір қосымша сұрақтар туындаса, емдеуші дәрігерден кеңес алыңыз.

- әсер етуші затына немесе қосымша заттардың кез келгеніне аса жоғары сезімталдық - фолий қышқылының тапшылығы салдарынан болған мегалобластты анемиямен байланысты асқынулар жағдайларын қоспағанда, қатерлі жаңа түзілімдер - балалар мен 18 жасқа дейінгі жасөспірімдер - тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы.

Сирек - эритеманы, тері бөртпесін, қышынуды, есекжемді, диспноэні қоса аллергиялық реакциялар және анафилаксиялық реакциялар (шокты қоса) - іштің кебуі, метеоризм, анорексия, жүрек айнуы Белгісіз - B12 дәруменінің қатарлас тапшылығы симптомдарының нашарлауы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары туралы хабарланбаған. Өте үлкен дозаларда қолдану пациентке зиян тигізбеуі тиіс.

Фолий қышқылын пернициоздық анемияны немесе диагнозы анықталмаған мегалобласттық анемияны емдеу үшін цианокобаламинді (В12 дәруменін) бір мезгілде қолданусыз тағайындамау керек, өйткені ол жұлынның жеделге жуық дегенерациялық өзгерістерінің дамуын жеделдетуі мүмкін. Соған байланысты, емдеуді бастар алдында пациентке толық клиникалық диагноз қою қажет. Коронарлық стенттері бар пациенттер фолий қышқылын жүйелі түрде қолданбауы тиіс. Фолий қышқылын фолатқа тәуелді ісіктері болуы мүмкін пациенттерге тағайындаған кезде сақтық таныту керек. Гемодиализ жүргізілетін пациенттерге фолий қышқылы жоғары мөлшерлерде қажет болатынын ескеру керек. Арнайы сақтандырулар Қосымша заттар туралы ақпарат Препараттың құрамында лактоза бар. Сирек тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбцияясы аурулары бар пациенттерге бұл препаратты қабылдау ұсынылмайды. Педиатрияда қолдану 18 жасқа дейінгі балалар мен жасөспірімдерде қолданылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Фолий қышқылы көлік құралдары мен механизмдерді басқару қабілетіне әсер етпейді.

Жүктілік кезінде фолий қышқылының жетіспеушілігі шаранада туа біткен даму ақауларының пайда болуына алып келуі мүмкін. Сондай-ақ трофобласт жасушалары үшін қажетті фолий қышқылының теңгерімсіздігі плацентаның ажырауына әкеп соқтыруы мүмкін. Фолий қышқылы емшек сүтімен бөлініп шығады. Аналары фолий қышқылын қабылдаған, емшектегі сәбилерде жағымсыз реакциялар байқалмаған.

Сульфасалазин фолий қышқылының сіңірілуін төмендетеді. Холестираминмен бір мезгілде қабылдау фолий қышқылының сіңірілуін бұзуы мүмкін. Холестираминмен ұзақ уақыт емделіп жүрген пациенттер, фолий қышқылын холестираминді қабылдағанға дейін 1 сағат бұрын немесе қабылдағаннан кейін 4-6 ағаттан соң қабылдауы тиіс. Антибиотиктер плазма мен эритроциттердегі фолий қышқылы концентрациясын микробиологиялық жолмен бағалаудың нәтижелерін бұрмалауы (жалған төмен көрсеткіштер беруі) мүмкін. Триметоприм мен сульфаниламидтер, жеке-дара немесе котримоксазолмен біріктірілгенде, фолий қышқылын қабылдаудың әсерін төмендетеді, бұл мегалобласттық анемиясы бар пациенттерде күрделі салдарларға алып келіп келуі мүмкін. Фолий қышқылын қабылдау аясында эпилепсияға қарсы кейбір препараттардың (фенитоиннің, фенобарбиталдың, примидонның) қан плазмасындағы концентрациясы төмендейді, сондықтан дәрігер пациенттің жай-күйін мұқият бақылауы және қажет болған жағдайда эпилепсияға қарсы дәрілердің дозасын түзетуі тиіс. Фторурацилмен біріктірілген фолий қышқылы фторурацилдің уыттылығын арттыруы мүмкін, сондықтан препараттардың мұндай біріктіріліміне жол бермеу керек. Құрамында алюминий немесе магний бар антацидтік препараттар фолий қышқылының сіңірілуін төмендетеді, сондықтан пациенттерге антацидтерді фолий қышқылын қолданғаннан кейін 2 сағаттан соң қабылдауға ұсынылу керек. Фолий қышқылы ішекте мырыштың сіңуін азайтуы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25 0С-ден аспайтын температурада сақтау керек. Балалардың қолы жетпейтін жерде сақтау керек!