Фолиспей таблетки 5 мг

Бір таблетканың құрамында белсенді зат - фолий қышқылы 5 мг 10% артығымен (5.50 мг); қосымша заттар: микрокристалды целлюлоза, натрий кроскармеллозасы, повидон, сусыз коллоидты кремнийдің қостотығы, натрий лаурилсульфаты, магний стеараты. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, түрлі қарқындылықтағы сары-қызғылт түсті таблеткалар.

- фолий тапшылығының мегалобласттық анемиясын емдеу үшін - созылмалы гемолитикалық жағдайларда немесе бүйрек диализінде фолий қышқылының жетіспеушілігінің профилактикасы үшін

Әсер ету механизмі Фолий қышқылы В тобының дәрумені болып табылады (В9 дәрумені) және эритроциттердің қалыпты түзілуі мен жетілуі үшін қажет. Организмде бірнеше метаболизмдік процестерде белсенді және алиментарлы мегалобластты анемияда қан түзу реакциясын тудыратын кофермент ретінде тетрагидрофолий қышқылына айналады, (бірақ гидроксикобаламинді бір мезгілде қолдану қажеттілігі туралы 4.4-бөлімдегі ескертуді қараңыз). Фолий қышқылы тез сіңеді және организм тіндеріне кеңінен таралады. Балалар 6 жасқа дейінгі балаларға қолданылмайды (4.3 бөлімді қараңыз)

Дозалау режимі Фолий тапшылығының мегалобласттық анемиясы кезінде Ересектер, 6 жастан асқан балалар және қарт адамдар. Бастапқыда 4 ай ішінде немесе қан түзетін жауап алынғанға дейін күніне 5 мг. Мальабсорбция кезінде күніне 15 мг-ға дейін қажет болуы мүмкін. Демеуші ем: ауруға байланысты әр 1-7 күн сайын 5 мг. Созылмалы гемолитикалық жағдайлардың немесе бүйрек диализінің профилактикасы үшін. Диета мен гемолиз жылдамдығына байланысты күнделікті немесе тіпті апта сайын 5 мг. Енгізу әдісі мен жолы Ішке қабылдауға арналған. Қабылдау уақыты көрсетілген қолдану жиілігі Фолиспей 5 мг дозада тәулігіне бір рет қабылданады. Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар Препаратты үнемі емдеуші дәрігердің ұсыныстарына сәйкес қолданыңыз. Егер Сізде осы дәріні қолдану туралы қосымша сұрақтарыңыз болса, дәрігерге хабарласыңыз.

- фолий қышқылына немесе қосымша заттардың кез келгеніне аса жоғары сезімталдық - фолий қышқылы В12 дәруменімен бір мезгілде енгізілмесе, диагностикаланбаған мегалобласттық анемия (мысалы, балаларда, пернициозды анемия немесе шығу тегі белгісіз макроциттік анемия жағдайында) - фолий қышқылын аддисонды пернициозды анемияны және В 12 дәрумені жеткіліксіздігінің басқа жағдайларын емдеуде ешқашан бөлек тағайындауға болмайды, өйткені ол жұлынның жеделге жуық біріктірілген дегенерациясының басталуын тездетуі мүмкін - фолий қышқылының тапшылығы салдарынан мегалобласттық анемиямен байланысты асқынулар жағдайларын қоспағанда, қатерлі ісіктер - 6 жасқа дейінгі балалар

Сирек - анорексия, жүрек айну, іштің кебуі, газ түзілуі - эритеманы (терінің немесе шырышты қабықтың спецификалық қызаруы), тері бөртпесін, қышынуды, есекжемді, ентігуді және анафилаксиялық реакцияларды (шокты қоса) қоса, аллергиялық реакциялар. - фолий қышқылы В12 витаминінің жетіспеушілігі болған кезде симптомдарды нашарлатуы мүмкін. Себебін толық зерттемей анемияны емдеу үшін фолий қышқылын ешқашан қолдануға болмайды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: аллергиялық реакциялар болуы мүмкін. Ұзақ уақыт қолданғанда В 12 гиповитаминоз дамуы мүмкін. Емі: препаратты тоқтату. Гемодиализ көмегімен шығарылады.

Емдеуді бастамас бұрын, қандай тапшылықтың бар екенін және негізгі себебін анықтау керек. Фолий қышқылы диагностикаланбаған мегалобласттық анемияда, оның ішінде жаңа туған нәрестелерде, қатерлі анемия немесе этиологиясы белгісіз макроциттік анемияда, егер гидроксикобаламиннің жеткілікті мөлшерімен қолданылмаса, өз бетінше қолданылатын дәрі ретінде пайдаланылмауы тиіс. - фолий қышқылымен ұзақ емдеуді кобаламиннің асқынған жеткіліксіздігі бар пациенттерге қолдануға болмайды. Бұл асқынған қатерлі анемия немесе егде жастағы вегетарианшыларда кездесетін кобаламин жеткіліксіздігінің басқа себебі болуы мүмкін. - фолатқа тәуелді ісіктері болуы мүмкін пациенттерге фолий қышқылын тағайындау кезінде сақ болу керек - препарат барынша төмен дозалар ұсынылатын дені сау жүкті әйелдерге арналмаған, бірақ фолий қышқылының тапшылығы бар жүкті әйелдерге немесе жүйке түтігінің ақауларының қайта туындау қаупі бар әйелдерге арналған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Жағдайлар байқалмады. Концентрация мен үйлестіруге әсер етпейді.

Эмбрионға немесе шаранаға зиянды әсер туралы мәліметтер жоқ. Жүктілік кезінде фолий қышқылын қолдануға белгілі қарсы көрсетілімдер жоқ, фолий қышқылын қабылдау жүкті әйелдер үшін пайдалы. Фолий қышқылын қолдану шаранада нейрондық түтік ақауларының даму қаупін азайтады. Фолий қышқылының дәрі-дәрмектік емес тапшылығы немесе фолий қышқылының қалыптан тыс метаболизмі туа біткен ақаулардың пайда болуымен және невральді түтіктің кейбір ақауларымен байланысты. Фолий қышқылының метаболизміне араласулар немесе құрысуға қарсы препараттар және кейбір ісікке қарсы препараттар сияқты препараттардан туындаған фолий қышқылының тапшылығы жүктіліктің ерте сатысында туа біткен ауытқуларға әкеледі. Дәруменнің немесе оның метаболиттерінің болмауы өздігінен болатын түсік тастаудың кейбір жағдайларына және жатырішілік дамудың кешеуілдеуіне себеп болуы мүмкін. Фолий қышқылы организмнен емшек сүтімен белсенді түрде шығарылады. Сүттегі фолий қышқылының жинақталуы анада фолий қышқылына деген қажеттіліктен басым болады. Фолий қышқылының деңгейі ақ уызда салыстырмалы түрде төмен, бірақ лактация шамасына қарай дәрумен концентрациясының жоғарылауы байқалады. Аналары фолий қышқылын қабылдаған нәрестелерде ешқандай жағымсыз әсерлер байқалмады.

Құрысуға қарсы дәрілермен: егер фолий қышқылын фолий қышқылының тапшылығын емдеу кезінде тағайындаса, бұл эпилепсияға қарсы дәрілерді (фенитоин, натрий вальпроаты, карбамазепин, фенобарбитал және примидон) қолдану нәтижесінде туындауы мүмкін, эпилепсияға қарсы сарысулардың деңгейі төмендеуі мүмкін, бұл кейбір пациенттерде құрысуды бақылаудың төмендеуіне әкеледі. Бактерияға қарсы препараттар: хлорамфеникол және ко-тримоксазол фолий қышқылының метаболизміне әсер етуі мүмкін. Сульфасалазин, триамтерен: фолий қышқылының сіңуін төмендетуі мүмкін. Литий: фолий қышқылы литиймен емдеу тиімділігін арттырады. Метотрексат және триметоприм спецификалық антифолаттар болып табылады, сондықтан оларды ұзақ қолданудан туындаған фолий қышқылының тапшылығын фолий қышқылымен емдеуге болмайды. Метотрексат: фолий қышқылы метотрексаттың уытты және емдік әсеріне әсер етуі мүмкін. Азоттың шала тотығы: азоттың шала тотығымен анестезия фолий қышқылының жедел тапшылығын тудыруы мүмкін. Этанол, аспирин: фолий қышқылының элиминациясын арттырады.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек!