Форцип таблетки 500 мг

Бір таблетканың құрамында белсенді зат - 583,00 мг ципрофлоксацин гидрохлориді (500,00 мг ципрофлоксацинге баламалы), қосымша заттар: жүгері крахмалы, микрокристалды целлюлоза, повидон, кросповидон, сусыз коллоидты кремний, тальк, магний стеараты. үлбірлі қабық құрамы: гипромеллоза 6 сР (НРМС 2910), макрогол 6000, титанның қостотығы (Е 171), тальк, диметикон. Сыртқы түрінің, иісінің, дәмінің сипаттамасы Біркелкі, сопақша, екі беті дөңес, бір жағында сызығы бар ақ немесе ақ дерлік түсті үлбірлі қабықпен қапталған таблеткалар. Сындыру кезінде таблетканың ақ немесе ақ дерлік өзекшесі және жұқа ақ үлбірлі жабыны байқалады.

Ересектер Грам-теріс бактериялар тудырған төменгі тыныс жолдарының аурулары: • өкпенің созылмалы обструкциялық ауруының өршуі (әдетте, осы инфекцияларды емдеуге ұсынылатын басқа антибиотиктер қолдануға келмейді деп саналатын жағдайларда ғана) • муковисцидоз немесе бронхоэктаздар кезіндегі бронх-өкпе инфекциялары • пневмония. Созылмалы іріңді ортаңғы отит, созылмалы синусит өршуі (әсіресе, егер оны грам-теріс бактериялар тудырған болса) Несеп шығару жолдарының инфекциялары: • асқынбаған жедел цистит (әдетте, осы инфекцияларды емдеуге ұсынылатын басқа антибиотиктер қолдануға келмейді деп саналатын жағдайларда ғана) • жедел пиелонефрит • несеп шығару жолдарының асқынған инфекциялары • бактериялық простатит. Жыныс жолдарының инфекциялары • гонококк уретриті және цервициті (сезімтал Neisseria gonorrhoeae тудырған) • эпидидимоорхит, кіші жамбас ағзаларының қабыну аурулары (оның ішінде сезімтал Neisseria gonorrhoeae тудырған). Асқазан-ішек жолының инфекциялары (мысалы, саяхатшылар диареясы). Құрсақішілік инфекциялар. Грам-теріс бактериялар тудырған терінің және жұмсақ тіндердің инфекциялары. Қатерлі сыртқы отит. Сүйектер мен буындар инфекциялары. Менингококк инфекциясы туғызған инвазиялық аурулар профилактикасы. Сібір ойық жарасының өкпедегі түрі (жанасудан кейінгі профилактика және түбегейлі емдеу). Нейтропения мен қызба бар пациенттерді емдеу (қызбаға бактериялық инфекция түрткі болды деген күмән болғанда). Балалар және жасөспірімдер Муковисцидоз аясындағы Pseudomonas aeruginosa тудырған бронх-өкпе инфекциялары. Несеп шығару жолдарының асқынған инфекциялары және жедел пиелонефрит. Сібір ойық жарасының өкпедегі түрі (жанасудан кейінгі профилактика және түбегейлі емдеу). Балалар мен жасөспірімдерде, қажет болса, Форцип препаратын ауыр инфекцияларды емдеу үшін де қолдануға болады.

Әсер ету механизмі Ципрофлоксацин, фторхинолондар тобына жататын антибиотик бола отырып, топоизомераза II (ДНҚ-гираза) және топоизомераза IV бәсеңдеуінен болатын бактерицидті әсерін көрсетеді. Екі фермент те бактериялардың ДНҚ репликациясы, транскрипциясы, рекомбинациясы мен репарациясы үшін қажет. Фармакокинетикалық/фармакодинамикалық өзара әрекеттесуі Препарат тиімділігі көбінесе әр бактериялық қоздырғыш үшін ципрофлоксациннің сарысудағы ең жоғары концентрациясы (Cmax) мен ең төмен тежегіш концентрациясының (ЕТК) арасындағы арақатынасқа, сондай-ақ қисық астындағы аумақ (AUC) пен ЕТК арасындағы арақатынасқа байланысты. Төзімділік механизмі Ципрофлоксацинге in vitro төзімділігі ДНҚ-гиразада және IV топоизомеразада нысана-бөлік мутацияларының сатылы үдерісінде дамуы мүмкін. Ципрофлоксацин мен басқа фторхинолондар арасындағы айқаспалы төзімділік дәрежесі түрленіп отырады. Жеке дара мутациялар, әдетте, клиникалық төзімділік дамуына алып келмейді, ал көп түрлі мутациялар, әдетте, осы кластың көп немесе барлық әсер етуші заттарына клиникалық төзімділікке әкеледі. Бактериялық жасушалық жақтаудың өткізбеуі және/немесе ағыс сорғыларының белсенділігіне негізделген төзімділігі хинолондарға сезіталдық дәрежесіне түрліше ықпал етеді. Бұл осы класс ішіндегі әртүрлі әсер етуші заттардың физикалық-химиялық қасиеттеріне және тасымалдау жүйелерінің әр әсер етуші затпен тектестігіне байланысты. Клиникалық изоляттарда in vitro байқалатын кластың төзімділік механизмдерінің бәрі ортақ болып табылады. Өтуге бөгет жасайтындар сияқты (Pseudomonas aeruginosa-да жиі кездеседі) басқа антибиотиктерді белсенділігінен айыратын төзімділік механизмдері және ағыс механизмдері ципрофлоксацинге сезімталдыққа ықпал етуі мүмкін. Плазмид арқылы qnr-гендермен кодталған төзімділік туралы мәлімделді. Бактерияға қарсы белсенділік ауқымы Бақылау нүктелері сезімтал штаммдарды аралық сезімталдығы бар штаммдардан, ал соңғыларын төзімді штаммдардан ерекшелейді. ЕСКАСТ ұсынымдары. Микроорганизмдер — Сезімтал — Төзімді Enterobacteriaceae — S ≤ 0,25 mg/l — R > 0,5 mg/l Salmonella spp. — S ≤ 0,06 mg/l — R > 0,06 mg/l Pseudomonas spp. — S ≤ 0,5 mg/l — R > 0,5 mg/l Acinetobacter spp. — S ≤ 1 mg/l — R > 1 mg/l Staphylococcus spp.1 — S ≤ 1 mg/l — R > 1 mg/l Haemophilus influenzae — S ≤ 0,06 mg/l — R > 0,06 mg/l Moraxella catarrhalis — S ≤ 0,125 mg/l — R > 0,125 mg/l Neisseria gonorrhoeae — S ≤ 0,03 mg/l — R > 0,06 mg/l Neisseria meningitidis — S ≤ 0,03 mg/l — R > 0,03 mg/l Бір түріне де тиісті болмайтын шектес мәндер* — S ≤ 0,25 mg/l — R > 0,5 mg/l 1 Staphylococcus spp. – жоғары дозалармен емге қатысты ципрофлоксацинге арналған бақылау нүктелері. * Түрлермен байланыссыз шектес мәндер. Көбінесе ФК/ФД деректері негізінде анықталды және нақты түрлерінің ЕТК таралуына байланысты болмады. Олар сезімталдығына тест өткізу ұсынылмайтын түрлер үшін емес, түр-ерекшеліктік бақылау нүктесі берілмеген түрлер үшін ғана пайдалануға арналған. Төзімділік. Жекелеген түрлердің жүре пайда болған төзімділігінің таралуы географиялық жағынан ауысуы және уақыт өте келе өзгеруі мүмкін. Ауыр инфекцияларды емдеу кезінде, әсіресе, төзімділігі туралы жергілікті ақпарат болғаны дұрыс. Егер төзімділігінің жергілікті таралуы инфекциялардың, ең болмаса, кейбір түрлерінде препараттың пайдалы болуы күмән тудыратындай сипатта болса,, сарапшы кеңесіне жүгінген жөн. Ципрофлоксацинге сезімталдығына қарай тиісті қоздырғыш түрлерінің тобы ( Streptococcus түрлері туралы 4.4 бөлімінен қараңыз) ӘДЕТТЕ СЕЗІМТАЛ ТҮРЛЕРІ Аэробты грам-оң микроорганизмдер Bacillus anthracis (1) Аэробты грам-теріс микроорганизмдер Aeromonas spp. Brucella spp.Citrobacter koseriFrancisella tularensisHaemophilus ducreyiHaemophilus influenzae*Legionella spp.Moraxella catarrhalis*Neisseria meningitidisPasteurella spp.Salmonella spp.*Shigella spp.*Vibrio spp.Yersinia pestis Анаэробты микроорганизмдер Mobiluncus Басқа микроорганизмдерChlamydia trachomatis ($)Chlamydia pneumoniae ($)Mycoplasma hominis ($)Mycoplasma pneumoniae ($) ЖҮРЕ ПАЙДА БОЛҒАН ТӨЗІМДІЛІГІ ҚИЫНДЫҚ ТУДЫРУЫ МҮМКІН ТҮРЛЕР Аэробты грам-оң микроорганизмдер Enterococcus faecalis ($)Staphylococcus spp.*(2) Аэробты грам-теріс микроорганизмдер Acinetobacter baumannii+Burkholderia cepacia+*Campylobacter spp. +*Citrobacter freundii*Enterobacter aerogenesEnterobacter cloacae*Escherichia coli*Klebsiella oxytocaKlebsiella pneumoniae*Morganella morganii*Neisseria gonorrhoeae*Proteus mirabilis*Proteus vulgaris*Providencia spp.Pseudomonas aeruginosa*Pseudomonas fluorescensSerratia marcescens* Анаэробты микроорганизмдер Peptostreptococcus spp.Propionibacterium acnes ТӨЗІМДІ ТҮРЛЕР Аэробты грам-оң микроорганизмдер ActinomycesEnterococcus faeciumListeria monocytogenes Аэробты грам-теріс микроорганизмдер Stenotrophomonas maltophilia Анаэробты микроорганизмдер Жоғарыда тізбеленгендерінен басқа, өзгелері Басқа микроорганизмдер Mycoplasma genitaliumUreaplasma urealitycum * Сезімтал изоляттардың клиникалық тиімділігі бекітілген клиникалық көрсетілімдер бойынша көріністелді. + Бір немесе бірнеше ЕО мүше-мемлекетіндегі төзімділік деңгейі ≥ 50% ($) Жүре пайда болған төзімділік механизмі болмаған кездегі табиғи аралық сезімталдық (1) Bacillus anthracis спораларын ішке тартатын жануарлардағы тәжірибелік инфекцияларға зерттеулер жүргізілді. Бұл зерттеулер ауру жұқтырудан кейін ерте басталған антибиотиктер қолданудың, егер емдеу инфекция жұқтыратын дозаны енгізуден кейін организмдегі споралар санын азайтуға бағытталса, аурудың дамуын болдырмауға мүмкіндік береді. Адамдарда ұсынылатын қолдану, ең алдымен, in vitro сезімталдығына тест өткізуге, жануарлардағы тәжірибелік деректерге және адамдардағы шектеулі деректерге негізделген. Күніне екі рет 500 мг дозадағы ципрофлоксацинді пероральді қабылдау кезінде ересектердегі екі айлық емдеу ұзақтығы адамдардағы сібір ойық жарасын жұқтыруды болдырмау үшін тиімді болып саналады. Емдеуші дәрігер сібір ойық жарасын емдеу жөніндегі ұлттық және/немесе халықаралық нұсқауларды жетекшілікке алуы тиіс. (2) Метициллинге төзімді S. Aureus, әдетте, фторхинолондарға да төзімді. Метициллинге төзімділік деңгейі стафилококк түрлерінің бәрінің арасында шамамен 20-дан 50% дейін құрайды және, әдетте, нозокомиальді изоляттарда жоғары.

Дозалау режимі Препаратты қабылдау режимін дәрігер қолдану көрсетілімдеріне, инфекцияның ауырлығына және орналасуына қарай әркімге жеке белгілейді. Балалар мен жасөспірімдерде қоздырғыштың препаратқа сезімталдығын, бүйрек функциясын, пациенттің дене салмағын анықтап алады. Белгілі бір қоздырғыштар тудырған ауруларды, сондай-ақ кіші жамбас ағзаларының қабыну аурулары, құрсақішілік инфекциялар, нейтрофилдер саны төмен пациенттердегі инфекциялар, сүйектер мен буындар инфекциялары сияқты ауруларды емдеу үшін, қоздырғыш түріне қарай, Форцип препаратының өте жоғары дозаларын және/немесе бактерияға қарсы басқа препараттарды бір мезгілде тағайындау керек болуы мүмкін. Ересектер Төменгі тыныс жолдарының инфекциялары: 500-750 мг, күніне 2 рет, 7-14 күн. Жоғарғы тыныс жолдарының инфекциялары Созылмалы синусит өршуі: 500-750 мг, күніне 2 рет, 7-14 күн. Созылмалы іріңді ортаңғы отит: 500-750 мг, күніне 2 рет, 7-14 күн. Қатерлі сыртқы отит: 750 мг, күніне 2 рет, 28 күннен 3 айға дейін. Несеп шығару жолдарының инфекциялары Қуықтың асқынбаған жедел қабынуы: 250-500 мг, күніне 2 рет, 3 күн. Қуықтың асқынған қабынуы, жедел пиелонефрит: 500 мг, күніне 2 рет, 7 күн. Асқынған пиелонефрит: 500-750 мг, күніне 2 рет, кемінде 10 күн, айрықша жағдайларда емдеу ұзақтығы 21 күннен артық (мысалы, абсцесс кезінде) созылуы мүмкін. Бактериялық простатит: 500-750 мг, күніне 2 рет, 2-ден 4 аптаға дейін (жедел түрінде) және 4-6 апта (созылмалы түрінде). Жыныс жолдарының инфекциялары Сезімтал гонокококк инфекциясы тудырған несеп шығару өзегінің және жатыр мойнының қабынуы: 500 мг бір реттік доза (1 күн). Аталық бездің және оның қосалқысының қабынуы, сезімтал гонокококк инфекциясы тудырған кіші жамбас ағзаларының қабыну аурулары: 500-750 мг, күніне 2 рет, кемінде 14 күн. Асқазан-ішек жолының инфекциялары және құрсақішілік инфекциялар Бактериялар тудырған сұйық нәжістің жиілеуі (1 типті дизентерияны тудыратын ішек таяқшасынан және саяхатшылардың ауыр диареясының белгісіз қоздырғышынан басқа): 500 мг, күніне екі рет, 1 күн. Инфекциялық диарея (оның ішінде 1 типті дизентерия қоздырғышы тудырған): 500 мг, күніне екі рет, 5 күн. Тырысқақ қоздырғышы тудырған диарея: 500 мг, күніне екі рет, 3 күн. Іш сүзегі: 500 мг, күніне екі рет, 7 күн. Құрсақішілік инфекциялар: 500-750 мг, күніне 2 рет, 5-тен 14 күнге дейін. Терінің және жұмсақ тіндердің инфекциялары: 500-750 мг, күніне екі рет, 7-14 күн. Сүйектер мен буындар инфекциялары: 500-750 мг, күніне екі рет, көп дегенде, 3 айға дейін. Қан құрамында нейтрофилдік лейкоциттер төмен және қызбасы бар пациенттерде инфекциялық ауруларды емдеу немесе профилактикасы: (әдетте, басқа антибиотикпен (-термен) біріктірілімде): қанда нейтрофилдік лейкоциттер мөлшері төмен болатын бүкіл кезең бойына 500-750 мг күніне екі рет. Менингококк инфекциясы тудырған аурулар профилактикасы: 500 мг, бір рет, 1 күн. Сібір ойық жарасының өкпедегі түрінің жанасудан кейінгі профилактикасы және емдеу препараттардың пероральді дәрілік түрлерін қабылдауға қабілетті пациенттерде (болжанған немесе расталған әсерінен кейін мүмкіндігінше тезірек бастау керек): 500 мг күніне екі рет, сібір ойық жарасы қоздырғышының әсері расталған сәттен бастап 60 күн, емдеуді болжанған немесе расталған әсерінен кейін мүмкіндігінше тезірек бастау керек. Балалар және жасөпірімдер Басқа қолайлы дәрілік препараттар болмаса, балалар мен жасөспірімдерді Форцип препаратымен емдеулі келесі аурулар кезінде жүргізуге болады. Кистозды фиброз (муковисцидоз): 20 мг/кг дене салмағына, күніне 2 рет, 10-14 күн. Несеп шығару жолдарының асқынған инфекциялары және пиелонефрит: дене салмағына 10 мг/кг-ден дене салмағына 20 мг/кг дейін (бір қабылдауға ең жоғары доза 750 мг), күніне 2 рет, 10-21 күн. Сібір ойық жарасының өкпедегі түрінің жанасудан кейінгі профилактикасы және емдеу препараттың пероральді түрін қабылдауға қабілетті пациенттерде: дене салмағына 10-15 мг/кг (бір қабылдауға ең жоғары доза 750 мг), күніне 2 рет, қоздырғыш әсері расталған сәттен бастап 60 күн, емдеуді болжанған немесе расталған әсерінен кейін мүмкіндігінше тезірек бастау керек. Басқа ауыр инфекциялар: 20 мг/кг дене салмағына (бір қабылдауға ең жоғары доза 750 мг), күніне 2 рет, қоздырғыш түріне сәйкес. Бүйрек және/немесе бауыр аурулары бар балаларда препарат әсері зерттелмеген. Егде жастағы пациенттер: аурудың ауырлығына сәйкес және бүйрек жағдайы ескерілетін доза тағайындалады. Бауыр және бүйрек функциясының бұзылуы бар пациенттер: бүйрек аурулары бар пациенттер үшін препарат дозасын дәрігер әркімге жеке таңдап алады, емдеу оның қатаң бақылауымен жүргізіледі. Қалыпты бүйрек функциясында: әдеттегі доза тағайындалады. Орташа білінетін бұзылуларда: әр 12 сағат сайын 250-500 мг; Ауыр бұзылуларда: әр 24 сағат сайын 250-500 мг; Гемодиализде жүрген пациенттерге: әр 24 сағат сайын 250-500 мг (диализден кейін); Перитонеальді диализдегі пациенттерге: әр 24 сағат сайын 250-500 мг. Бауыр функциясы бұзылуы бар пациенттерге: дозаны түзету қажет емес. Енгізу әдісі және жолы Таблеткаларды шайнамай, сұйықтықпен іше отырып, тұтастай жұту керек. Таблеткаларды ас ішу уақытына байланыссыз қабылдауға болады, тамақтану кезінде де қабылдауға болады. Аш қарынға қабылдағанда әсер етуші зат тезірек сіңеді. Пациенттерге құрамында минералдар бар сусындар ішу қажет. Препаратты минералдармен байытылған сүт өнімдерімен (мысалы, сүт, йогурт) немесе сусындармен бір мезгілде қабылдауға болмайды. Егер дәрігер байытылған сусындар (мысалы, кальциймен байытылған апельсин шырыны) мен өнімдерді тағайындаса, оларды препаратты қабылдаудан бөлек және тамақтан бөлек қабылдау керек. Препаратты минералдармен байытылған сүт өнімдерін және сусындарды ішуге дейін 1-2 сағат бұрын немесе одан кейін, кем дегенде, 4 сағаттан соң қабылдау керек. Жоғары концентрацияланған несеп түзілуінің алдын алу үшін жеткілікті сұйықтық мөлшерін ішу керек. Ауыр жағдайларда немесе пациент таблеткалар қабылдауға қабілетсіз болса (мысалы, егер ол энтеральді қоректенуде жүрсе), Форцип препаратын пероральді қабылдауға ауысу мүмкін болатын сәтке дейін емдеуді вена ішіне жүргізіледі. Препарат таблеткаларын ұсақтауға болмайды, сондықтан олар таблеткаларды жұтуға қабілетсіз ересектер мен балаларды емдеуге арналмаған. Жұтынуға қиналатын пациенттерде, сондай-ақ балаларда ципрофлоксациннің басқа дәрілік түрін пайдалануға болады. Дозаны өткізіп алғанда оны кез келген уақытта, бірақ келесі қабылдауға дейін 6 сағаттан кеш емес қабылдау керек. Егер келесі дозаны қабылдауға дейін 6 сағаттан аз уақыт қалса, өткізіп алған дозаны қабылдауға болмайды және емдеуді препараттың әдеттегі дозасын қабылдау арқылы дәрігер нұсқауларымен сәйкестікте жалғастыру қажет. Өткізіп алғанының орнын толтыру үшін қосарлы дозаны қабылдауға болмайды. Емдеу ұзақтығы Препаратпен емдеу ұзақтығы аурудың ауырлығына, сондай-ақ дәрігер тағайындаған емдеу курсына байланысты.

– әсер етуші затқа және хинолондар тобының бактерияға қарсы препараттарына немесе 6.1 бөлімінде тізбеленген қосымша заттардың кез келгеніне аса жоғары сезімталдық – тизанидинмен бір мезгілде қолдану.

Жиі: - жүрек айну, сұйық нәжіс. Жиі емес: - зеңді суперинфекциялар, - эозинофилия, - психомоторлық аса жоғары белсенділік/қозу, бас ауыру, бас айналу, ұйқының бұзылуы, дәм сезудің бұзылуы, - тәбет төмендеуі, құсу, асқазан-ішектік және абдоминальді ауырулар, диспепсия, метеоризм, - қанда трансаминазалар жоғарылауы, билирубин жоғарылауы, сілтілі фосфатаза жоғарылауы, - тері бөртпесі, қышыну, есекжем, - қаңқа-бұлшықет ауыруы (мысалы, аяқ-қолдың, арқаның, кеуденің ауыруы), буындар ауыруы, - бүйрек жұмысының бұзылуы, - астения, жоғары температура. Сирек: - лейкопения, анемия, нейтропения, лейкоцитоз, тромбоцитопения, тромбоцитемия, - аллергиялық реакция, аллергиялық ісіну, ангионевроздық ісіну, - гипергликемия, гипогликемия, - сананың шатасуы/бағдардан жаңылу, үрей, аномалиялық түстер, депрессия (суицидтік идеялар/ойлармен, өзін-өзі өлтіру әрекеттерімен немесе өзін-өзі өлтірумен аяқталуы мүмкін), елестеулер, - парестезия, дизестезия, гипестезия, тремор, құрысулар (эпилепсия статусын қоса), бас айналу, - көру бұзылулары (мысалы, диплопия), - құлақтағы шыңыл, естімей қалу/есту қабілетінің бұзылуы, - тахикардия, - тамырлар кеңеюі, гипотония, естен тану, - ентігу (демікпе статусын қоса), - антибиотикпен астасқан колит (өте сирек өліммен аяқталатын), - бауыр жеткіліксіздігі, холестаздық сарғаю, гепатит, - фотосезімталдық реакциялары, - миалгия, артрит, бұлшықет тонусының көтерілуі және бұлшықет түйілуі, - бүйрек жеткіліксіздігі, гематурия, кристаллурия, тубулоинтерстициальді нефрит, - ісіну, тершеңдік (гипергидроз), - амилаза жоғарылауы. Өте сирек: - гемолиздік анемия, агранулоцитоз, панцитопения (өмірге қауіпті), сүйек кемігінің бәсеңдеуі (өмірге қауіпті), - анафилаксиялық реакция, анафилаксиялық шок (өмірге қауіпті), сарысу құю ауруы тәрізді реакция, - психоздық реакциялар (аяқталу ықтималдығы зор суицидтік идеялармен/ойлармен, өзін-өзі өлтіру әрекеттерімен немесе өзін-өзі өлтірумен аяқталған), - бас сақинасы, қозғалыс үйлесімінің бұзылуы, жүріс-тұрыс бұзылуы, иіс сезу жүйкесінің бұзылулары, бассүйекішілік гипертензия, жалған ми ісігі, - түсті ажыратудың бұрмалануы, - васкулит, - панкреатит, бауыр некрозы (өмірге қауіпті бауыр жеткіліксіздігіне дейін өте сирек үдейтін), - петехиялар, көп пішінді эритема, түйінді эритема, Стивенс-Джонсон синдромы (өмірге зор қауіпті), уытты эпидермалық некролиз (өмірге зор қауіпті), - миастения, тенденит, сіңірлердің (көбінесе ахилл сіңірінің) үзілуі, гравис миастения симптомдарының өршуі. Белгісіз: - диурезге қарсы гормонның талапқа сай емес секрециялану синдромы, - гипогликемиялық кома, - мания, гипоманияны қоса, - шеткері нейропатия және полинейропатия, - қарыншалық аритмия және torsades de pointes (көбінесе QT аралығын ұзартатын қауіп факторлары бар пациенттерде білінеді), ЭКГ-да QT аралығының ұзаруы, - жедел жайылған экзантематозды пустулез, эозинофилиямен және жүйелі симптомдармен болатын дәрілік реакция (DRESS-синдром), - халықаралық қалыптасқан қатынастың артуы (К дәруменінің антагонистерін қабылдаған пациенттерде). Өте сирек жағдайларда өмір сүру сапасының тұрақты нашарлауы (айлар немесе жылдар бойы жалғасатын), сондай-ақ ағзалардың және сезім ағзаларының әртүрлі, ал кейде бірнеше жүйесін зақымдайтын ауыр және қайтымсыз болу ықтималдығы зор күрделі жағымсыз әсерлері (оның ішінде, тендинит, сіңір үзілуі, артралгия, аяқ-қол ауыруы, жүріс-тұрыс бұзылуы, қатарлас парестезиялармен нейропатиялар, депрессия, қажу, жадының, ұйқының шектеулері мен бұзылыстары, естудің, көрудің, дәм сезудің және иіс сезудің бұзылулары) дамуы мүмкін. Кейде олар қауіп факторларының болуына қарамастан дамыды. Фторхинолондар тобының препараттарын қолдану кезінде қолқа жақтауының кейде оның жарылуымен асқынатын кеңею және қатпарлану жағдайлары (оның ішінде өліммен аяқталатын), сондай-ақ жүрек клапандары арқылы қанның кері қайтара ағуы (жүрек клапандары жұмысы жеткіліксіздігінің көрінісі ретінде) болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу (жағымсыз реакциялар бойынша ақпараттық дерекқорды көрсету) керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

12 г мөлшерімен артық дозалану уыттылық әсерінің жеңіл симптомдарымен көрініс берді. 16 г мөлшерімен жедел артық дозалану бүйректің жедел жеткіліксіздігін тудырды. Симптомдары: ұйқышылдық, тремор, бас ауыру, шаршау, құрысулар, елестеулер, сананың шатасуы, іштің жайсыздануы, бауыр мен бүйрек функциясының бұзылуы, сондай-ақ несепте кристалдар түзілуі және несепте қанның пайда болуы. Бүйрекке уытты әсері қайтымды болуы мүмкін. Емдеу: белсендірілген көмір енгізуге жалғасатын асқазанды шаю сияқты дағдылы шұғыл шараларға қосымша, несептегі реакциясын анықтауды қоса, бүйрек функциясына бақылау жүргізу, ал қажет болса, кристалдар түзілуінің алдын алу үшін несепті қышқылдандыру ұсынылады. Жеткілікті сұйықтық мөлшерін ішу керек. Асқазан сөлінің қышқылдығын азайтатын құрамында кальций немесе магний бар препараттар (антацидтер) артық дозалану кезінде препараттың сіңуін теория жүзінде төмендетуі мүмкін. Ципрофлоксациннің аздаған мөлшері ғана (< 10%) гемодиализ немесе перитонеальді диализ кезінде шығарылады. Артық дозалану жағдайында симптоматикалық емдеу жүргізген жөн. Жүрек ырғағының бұзылуы мүмкін екендіктен, ЭКГ бақылауын жасау қажет.

Арнайы сақтандырулар Бұрын құрамында хинолон немесе фторхинолондар бар препараттарды қолдану кезінде күрделі жағымсыз реакциялар болған пациенттерге препарат қолданылмау керек. Форцип препаратын емдеудің басқа болжамды нұсқалары болмаса ғана тағайындауға болады. Ауыр және аралас инфекциялар: ауыр инфекцияларды тек бір Форцип препаратымен емдеу ұсынылмайды, ондай жағдайларда жақсырақ әсер ету үшін оны бактерияға қарсы басқа препараттармен біріктірілімде қолданады. Стрептококк инфекциялары: стрептококк инфекциясында тиімділігінің жеткіліксіз болуына орай, препаратты қолдану ұсынылмайды. Жыныс жолымен берілетін инфекциялар: жыныс жолдарының және кіші жамбас ағзаларының қабыну аурулары фторхинолонға төзімді соз қоздырғыштарын тудыруы мүмкін, сондықтан емдеуді бастар алдында ауру қоздырғышының препаратқа сезімталдығын анықтау қажеттілігі туындауы мүмкін. Егер бұл мүмкін болмаса, Форцип препаратын бактерияға қарсы басқа препараттармен біріктірілімде қолдануға болады. Егер 3 күн емделуден кейін жақсару басталмаса, емдеуші дәрігерге қаралу қажет, себебі емдеуді түзету талап етілуі мүмкін. Несеп шығару жолдарының инфекциялары: несеп шығару жолдарының ең көп жиі кездесетін қоздырғышы - ішек таяқшасы. Ол Форцип препаратының әсеріне сезімтал болмауы мүмкін, сондықтан менопаузаның алдындағы кезеңде асқынбаған циститті емдеу ұзақтығы әдеттегі жағдайларда ұсынылуынан ұзағырақ болуы мүмкін. Құрсақішілік инфекциялар: препараттың операциядан кейінгі құрсақішілік инфекцияларды емдеу тиімділігі туралы деректер өте аз. Саяхатшылар диареясы: препаратты таңдау сапарлап барған елдердегі қоздырғыш сезімталдығы жөніндегі ақпарат негізінде жүргізіледі. Сүйектер мен буындар аурулары: ауру қоздырғышының сезімталдық нәтижелеріне қарай, препаратты бактерияға қарсы басқа препараттармен біріктіріп қолдануға болады. Сібір ойық жарасының өкпедегі түрі: адамдарда қолдану тәжірибесі шектеулі. Балалар және жасөспірімдер: жануарларға жасалған тәжірибелер ципрофлоксациннің жыныстық жетілмеген жануарларда жүктеме түсетін буындарға әсер ететінін және буындардың зақымдануын тудыратынын көрсетті, сондықтан балалар мен жасөспірімдерді препаратпен емдеу кезінде сақ болу және дәрігер нұсқауларын қатаң қадағалау қажет. Муковисцидоз аясындағы бронх-өкпе аурулары: 5 жасқа толмаған балаларда қолдану тәжірибесі шектеулі. Несеп шығару жолдарының асқынған инфекциялары және пиелонефрит: несеп шығару жолдарының инфекцияларын Форцип препаратымен емдеу тек басқа емдеу әдістерін қолдану мүмкіндігі болмаған жағдайларда және микробиологиялық зерттеу нәтижесін алған соң ғана жүргізіледі. Баcқа cпецификалық ауыр инфекциялар: препарат тек басқа емдеу әдістерін қолдану мүмкін болмаса және ауру қоздырғышының сезімталдығы жақсы болса ғана (микробиологиялық зерттеу нәтижелері бойынша) қолданылады. Күрделі инфекцияларды емдеу тәжірибесі шектеулі. Аса жоғары сезімталдық: жоғары сезімталдық және анафилаксиялық шок пен анафилактоидты реакцияларды қоса, аллергиялық реакциялар өмірге қауіпті болуы және тіпті бір рет қабылдаудан кейін де дамуы мүмкін. Ондай реакция дамыған жағдайда препаратты қабылдауды тоқтатып, дәрігерге шұғыл қаралу керек. Ұзақ уақыт емдеу қажеттілігі: өте сирек жағдайларда орныққан, өмір сапасын нашарлататын және қайтымсыз болуы ықтимал, күрделі жағымсыз әсерлері (айлар немесе жылдар бойы жалғасатын) дамуы мүмкін. Олар организмнің кейбір жүйелеріне (сүйек-бұлшықет жүйесі, жүйке жүйесі, психика және сезім мүшелері) қатысты болуы мүмкін және жас шамасына әрі бұрыннан бар қауіп факторларына байланысты емес. Күрделі жағымсыз реакцияның кез келген белгілері немесе симптомдарында препаратты қабылдауды дереу тоқтатып, емдеуші дәрігерге қаралу керек. Сіңірлердің қабынуы және үзілуі: егер бұрын хинолондар қабылдаудан кейін дамыған сіңір аурулары болса, Форцип препаратын қолдануды бастар алдында бұл жөнінде емдеуші дәрігерге мәлімдеу қажет. Ондай жағдайларда, өте сирек, емдеу бәрібір тағайындалуы мүмкін, бірақ тек қоздырғыш сезімталдығы микробиологиялық расталған соң және ерекше ауыр инфекцияларда, стандартты емдеу тиімсіз және қоздырғыш басқа препараттарға сезімтал емес болған жағдайда. Препаратты қолдану кезінде емдеудің алғашқы 48 сағатында және тіпті ол аяқталғаннан кейін бірнеше ай ішінде сіңірлердің (көбінесе ахилл) кейде екі жақты қабынуы мен үзілуі дамуы мүмкін. Бұл қауіп егде жастағы пациенттерде бүйрек, жүрек немесе өкпені ауыстырып салатын операциялардан кейін гормондармен (кортикостероидтармен) бір мезгілде қабылдау кезінде жоғары. Кортикостероидтармен бір мезгілде қолданылмау керек. Сіңірлер қабынуының алғашқы белгілерінде (мысалы, ауырсынулы ісіну, қабыну кезінде) Форцип препаратын қабылдауды тоқтату, аяқ-қолды тыныштықта ұстау және дәрігерге қаралу қажет. Гравис миастения өршуі: гравис миастениясы бар пациенттерде препаратты сақтықпен қолдану керек, себебі гравис миастения симптомдары өршуі мүмкін. Аневризма, қолқа қатпарлануы және жүрек клапандарының жеткіліксіздігі: фторхинолондарды қолданудан кейін аневризманың және қолқа қатпарлануының даму қаупі жоғары, сондай-ақ егде жастағыларда жүректің қолқа және митральді клапандары арқылы қанның кері қайтара ағуы болуы мүмкін, жүрек клапандарының туа біткен ақауында, бұрын өзінде немесе жақын туыстарының біреуінде болған аневризмада, Марфан синдромы, Элерс-Данлос синдромы, Тернер синдромы, Бехчет ауруы, қан қысымының көтерілуі, ревматоидты артрит сияқты аневризма дамуына және қолқаның қатпарлануына бейімдейтін жай-күйлерде, сондай-ақ аневризма және қолқа қатпарлануында (мысалы, Такаясу артерииті немесе алып жасушалы артериит, атеросклероз немесе Шегрен синдромы сияқты тамыр ауруларында), сондай-ақ қанның кері қайтара ағуы/жүрек клапандарының жеткіліксіздігінде (мысалы, инфекциялық эндокардитте). Жалпы әсер ететін кортикостероидтармен бір мезгілде ем қабылдап жүрген пациенттерде аневризма және қолқаның қатпарлануы мен жарылу қаупі де жоғары. Іштің, кеуденің немесе арқаның күрт ауыруы пайда болған жағдайда жедел жәрдем көрсету үшін дереу дәрігерге қаралу қажет. Алғаш пайда болған ентігу, жүректің жиі соғуы немесе іш аумағында немесе аяқ-қолда ісіну дамыған жағдайда да дереу дәрігерге қаралуға кеңес беріледі. Көру бұзылулары: көру қабілетінің бұзылулары немесе көздегі басқа бұзылулар пайда болғанда окулистпен шұғыл кеңесу қажет. Терінің күн сәулесіне реакциясы: емдеу кезеңінде фотосезімталдық реакциялары дамуы мүмкін, сондықтан тіке түсетін күн сәулесінің немесе ультракүлгінді сәулеленудің әсерінен сақтану қажет. Құрысулар: ципрофлоксациннің құрысуға дайындық шегін төмендетуі және құрысуларды туындатуы мүмкін екені белгілі. Құрысусыз эпилепсия ұстамасы дамыған жағдайлар болды, сондықтан егер құрысулар дамуына бейімдейтін орталық жүйке жүйесінің бұзылулары болса, сақ болу қажет. Егер құрысулар дамыса, Форцип препаратын қолдануды тоқтату және дереу дәрігерге қаралу керек. Шеткері нейропатия: фторхинолондар қолдану кезінде сезімталдықтың әртүрлі бұзылулары білінді. Егер Форцип препаратымен емдеу кезеңінде ауыру, ашыту, шаншу, ұйып қалу немесе әлсіздік сияқты симптомдар пайда болса, емдеуді жалғастырмас бұрын және болуы мүмкін қайтымсыз зардаптардан сақтану үшін бұл жөнінде дәрігерге мәлімдеу керек. Психикалық реакциялар: олар тіпті ципрофлоксацинді алғаш қабылдаудан кейін де пайда болуы және депрессия, психоз, суицидтік идеялар немесе ойлар, өзін-өзі өлтіру әрекеттерімен және тіпті өзін-өзі өлтірумен аяқталатын көрініс беруі мүмкін. Осы жай-күйлердің алғашқы белгілерінде Форцип препаратын қолдануды тоқтатып, шұғыл дәрігерге қаралу керек. Жүрек тарапынан бұзылулар: Форцип препаратын қолдану кезінде жүрек ырғағының бұзылу қаупі жоғары: • ЭКГ-дағы туа біткен бұзылуларда (QT аралығының ұзару синдромы) • QT аралығын ұзартатын кейбір препараттарды бір мезгілде қолданғанда (мысалы, аритмияға қарсы IA және III класс препараттары, трициклды антидепрессанттар, макролидтер, психикалық бұзылыстарды емдеу үшін қолданылатын препараттар) • қанның тұз құрамының бұзылуларында (мысалы, калий немесе магний төмендеуінде) • жүрек ауруларында (мысалы, жүрек жеткіліксіздігі, миокард инфарктісі, жүректің сирек соғуы). Егде жастағы пациенттер мен ЭКГ-да патологиялық ауытқулар тудыратын препараттарға өте сезімтал әйелдер: Осылайша, егер жоғарыда аталған қауіп факторлары болса, Форцип препаратын қолдану кезінде сақтық таныту керек. Қандағы глюкоза деңгейінің бұзылуы: барлық хинолондарды қолдану кезінде қандағы глюкоза деңгейі төмендеуі де, жоғарылауы да мүмкін. Бұл диабет, қандағы глюкоза (мысалы, глибенкламид) немесе инсулин деңгейін төмендететін пероральді препараттарды бір мезгілде қолдану кезінде жиірек болады. Қандағы глюкоза деңгейінің айқын төмендеуі салдарынан естен тану жағдайлары білінді, сондықтан қант диабетінде қандағы глюкоза деңгейін мұқият бақылау қажет. Қандағы глюкоза деңгейінің елеулі ауытқуларында препаратты қабылдауды тоқтату және дәрігерге шұғыл қаралу керек. Асқазан-ішек жолы: ципрофлоксацинмен емделу кезеңінде немесе ол аяқталғаннан кейін (оның ішінде тіпті бірнеше апта өткен соң) антибиотик қолданудан болатын ауыр және ұзақ диареяның, әрі жуан ішектің шырышты қабығының қабынуы дамуы мүмкін. Кейде, бұл жай-күйлер өмірге қауіпті болуы мүмкін, тіпті өліммен аяқталуы мүмкін. Ондай жағдайларда препаратты қабылдауды дереу тоқтатып, дәрігерге қаралу керек. Бұл жағдайларда ішектің қозғалыс белсенділігін азайтатын препараттар қарсы көрсетілімді. Несепте кристалдар түзілуі: ципрофлоксацин қабылдау кезінде несептің айқын сілтілік реакциясының пайда болуына орай, онда кристалдар түзілуі мүмкін, сондықтан пациенттер жеткілікті сұйықтық мөлшерін қабылдауы тиіс. Бүйрек аурулары: препарат организмнен бүйрек арқылы шығарылатындықтан, организмде ципрофлоксацин жиналуымен байланысты жағымсыз реакциялар дамуынан сақтану үшін бүйрек аурулары кезінде препарат дозасын түзету талап етіледі. Бауыр және өт шығару жолдары: ципрофлоксацин қолдану кезінде бауырдың ауыр қабынуы дамыған өмірге қауіпті жағдайлар болды, сондықтан тәбет болмауын, сарғаю, күңгірт несеп, қышыну немесе іштің ауыруын қоса, бауыр ауруының кез келген симптомдары пайда болғанда препаратты қабылдауды тоқтатып, дәрігерге шұғыл қаралу қажет. Организмде глюкоза-6-фосфатдегидрогеназа ферментінің тапшылығы: ципрофлоксацин қолдану кезінде глюкоза-6-фосфатдегидрогеназа тапшылығы бар пациенттерде қызыл қан жасушаларының мерзімінен бұрын ыдырауы (гемолиздік реакция) салдарынан қаны аздық дамуы мүмкін. Препарат әсеріне төзімділік: ципрофлоксацинмен емделу кезеңінде немесе ол аяқталған соң, әсіресе, ұзақ уақыт қолдану және/немесе ауруханаішілік инфекцияларды емдеу кезінде қоздырғыштың препаратқа сезімталдығының төмендеуі немесе ауру ағымының нашарлауы немесе басқа инфекция қосылуы мүмкін. Болжамды дәрілік өзара әрекеттесулер: ципрофлоксацинмен бір мезгілде қолдану кезінде теофиллин, клозапин, оланзапин, ропинирол, тизанидин, дулоксетин, агомелатин сияқты препараттар әсері күшеюі мүмкін, сондықтан болжамды қолайсыз жанама әсерлері туралы есте сақтау қажет. Дәрігер қандағы осы заттардың концентрациясын бақылауы мүмкін. Форцип препаратын метотрексатпен бір мезгілде қолдану ұсынылмайды, ал тизанидинмен қарсы көрсетілімді. Клиникалық тексеру нәтижелеріне әсері: Форцип препаратының әсері туберкулез қоздырғышын анықтау үшін жүргізілетін бактериологиялық зерттеудің жалған-теріс нәтижесіне әкелуі мүмкін. Егде жастағы пациенттер: дәрігер аурудың ауырлығына және бүйрек жағдайына сәйкес келетін дозаны тағайындайды. Педиатрияда қолдану Таблетканы ұсақтауға болмайды, ол жұтуға қабілетсіз балаларды емдеуге арналмаған. Жұтуға қиналатын пациенттерде, сондай-ақ балаларда ципрофлоксациннің басқа дәрілік түрін пайдалануға болады. Қолда бар деректерге сүйенсек, балалар мен жасөспірімдерде буын шеміршектерінің зақымдану қаупі болады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ципрофлоксациннің жүйке жүйесі тарапынан жағымсыз әсерлері реакция шапшаңдығына ықпал етуі мүмкін, сондықтан автокөлікті басқару немесе механизмдермен жұмыс істеу қабілетіне нұқсан келуі мүмкін.

Жүктілік Шарананың немесе жаңа туған нәрестенің құрсақішілік даму бұзылуын көрсететін деректер жоқ, бірақ жануарларға жүргізілген зерттеулер деректерін ескере отырып, адам шаранасында/балалар немесе жасөспірімдерде буын шеміршектерінің зақымдануын жоққа шығару мүмкін емес. Алдын ала сақтану шарасы ретінде, жүктілік кезеңінде Форцип препараты қолданылмау керек. Бала емізу Ципрофлоксацин ана сүтіне өтеді. Сәби буындарының болжамды зақымдану қаупіне орай, Форцип препаратын бала емізу кезеңінде қолдануға болмайды.

Жүректің жиырылу қабілетіне әсер ететін дәрілік препараттар: Форцип ЭКГ-да QT аралығын ұзартатын препараттармен (мысалы, аритмияға қарсы IA ​​және III класс препараттары, трициклды антидепрессанттар, макролидтер, нейролептиктер) бір мезгілде сақтықпен қолданылу керек. Макро және микроэлементтер кешендерінің түзілуі: құрамында минералды қоспалар (кальций, магний, алюминий, темір) және буферлік жүйелер бар дәрілік препараттармен бір мезгілде қабылдаудан кейін кешендер түзілуі және ципрофлоксацин сіңуі азаюы мүмкін. Ондай препараттарға, мысалы, фосфаттарды байланыстыратын препараттар (севеламер және лантан карбонаты), асқазан сөлінің қышқылдылығын төмендететін препараттар (сукральфат), вирусқа қарсы кейбір препараттар (диданозин) және т.б. жатады. Осындай біріктірілімдерді қолданғанда Форцип препаратын оларды қабылдауға дейін 2 сағат бұрын немесе одан кейін 4 сағаттан соң қабылдау керек. Осындай шектеу асқазандағы қышқылдылықты төмендететін және Н2-рецепторларының блокаторларына жататын препараттарға қойылмайды. Тағам өнімдері және сүт өнімдері: Форцип препаратының әсерін әлсіретуі мүмкін, сондықтан сүтпен немесе минералдармен байытылған өнімдермен (мысалы, сүт, йогурт, құрамында кальций мөлшері көп апельсин шырыны) бір мезгілде қолданылмау керек. Осы өнімдер мен сусындарды препараттан бөлек және тамақтан бөлек қабылдау керек. Форцип препаратын сүт өнімдерін немесе минералдармен байытылған сусындарды тұтынуға дейін 2 сағат бұрын немесе одан кейін 4 сағаттан соң қабылдау қажет. Пробенецид: Форцип препаратының әсерін күшейтуі мүмкін. Метоклопрамид: Форцип препараты әсерінің басталуын жеделдетуі мүмкін. Омепразол: Форцип препаратының әсерін мардымсыз әлсіретуі мүмкін. Ципрофлоксациннің басқа дәрілік заттарға әсері Тизанидин: тизанидин әсері едәуір күшеюі мүмкін, бұл қан қысымының төмендеуімен және тыныштандыратын әсерімен (ашушаңдықтың азаюымен және ұйықтататын әсерімен) көрініс беруі мүмкін. Метотрексат: метотрексат әсері күшеюі және жағымсыз реакциялар дамуы мүмкін, бір мезгілде қолдану ұсынылмайды. Теофиллин: теофиллин әсерінің күшеюі және жағымсыз реакциялар дамуы мүмкін (жекелеген жағдайларда өмірге қатер төндіретін және тіпті өліммен аяқталатын). Егер оларды бір мезгілде қолдану қажет болса, дәрігер қандағы теофиллин концентрациясын бақылауға алуы және қажет болса, оның дозасын төмендетуі мүмкін. Басқа ксантин туындылары, кофеин: Форцип препаратын және құрамында кофеин немесе пентоксифиллин (окспентифиллин) бар дәрілерді бір мезгілде қолданғанда олардың әсерлері күшеюі мүмкін. Фенитоин: фениотоин әсері күшеюі немесе төмендеуі мүмкін, қандағы препарат деңгейін бақылауға кеңес беріледі. Циклоспорин: Форциппен бір мезгілде қолданғанда бүйрек жұмысы бұзылуы мүмкін, сондықтан аптасына екі рет қандағы креатинин деңгейін бақылап отыруға кеңес беріледі. К дәруменінің антагонистері: қанның ұюы төмендеуі мүмкін. Қан кету қаупі инфекцияға, пациенттің жасына, жалпы жай-күйіне және ауру ағымына қарай өзгеруі мүмкін. Варфарин, аценокумарол, фенпрокумонмен немесе флуиндионмен бір мезгілде қолдану кезеңінде және Форцип препаратымен емдеуді тоқтатудан кейін тез арада қанның ұю көрсеткіштерін жүйелі бақылау қажет. Дулоксетин: оның әсері күшеюі мүмкін. Ропинирол: ропинирол әсері күшеюі және жағымсыз реакциялары пайда болуы мүмкін, оның дозасын түзету қажет болуы мүмкін. Лидокаин: бір мезгілде қолданғанда лидокаин әсері төмендейді және жағымсыз реакцияларды байқауға болады. Клозапин: клозапин әсері күшеюі мүмкін, сондықтан емдеу кезеңінде және Форцип препаратымен бір мезгілде қолданудан кейін бірден дәрігердің бақылауы және клозапин дозасын тиісінше түзету қажет. Силденафил: бір мезгілде қолданғанда силденафил әсері шамамен екі есе күшейді, Форциппен бір мезгілде қолданғанда сақ болу қажет. Агомелатин: оның әсері едәуір күшеюі және жағымсыз реакциялар дамуы мүмкін. Золпидем: оның әсері күшеюі мүмкін. Форцип препаратымен бір мезгілде қолдану ұсынылмайды.

Сақтау мерзімі 4 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!