Фосфоглив® лиофилизат 2.5 г

Бір құтының құрамында: белсенді заттар: 0,50 г фосфолипидтер (Липоид С 100) (100 % затқа шаққанда), 0,20 г натрий глицирризинаты (глицирризин қышқылының тринатрий тұзы), қосымша зат – мальтоза – 1,80 г. бір ампуладағы еріткіш құрамы - инъекцияға арналған су. Сыртқы түрінің, иісінің, дәмінің сипаттамасы Ақ түстен ашық-сары түске дейінгі лиофилизацияланған масса. Еріткіш – иісі және дәмі жоқ түссіз мөлдір сұйықтық.

Кешенді ем құрамында - вирусты гепатитте (жедел және созылмалы) - бауырдың майлы дегенерациясында (гепатоз) - бауырдың басқа да зақымдануларында (дәрілік, алкогольдік, уыттық) - бауыр циррозында - псориазда

Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар. АТХ коды А05ВА Әсер ету механизмі және фармакодинамикалық әсерлері Фосфатидилхолин (фосфолипидтердің негізгі компоненті) жасушалық және жасушаішілік жарғақшалардың негізгі құрылымдық элементі болып табылады, зақымданған кезде цитопротекторлы әсер ете отырып, олардың құрылымын және функциясын қалпына келтіруге қабілетті. Ақуыздық және липидтік алмасуды қалыпты етеді, ферменттердің және басқа да белсенді заттардың гепатоциттер арқылы жоғалуына жол бермейді, бауыр функциясын қалпына келтіреді, дәнекер тіннің түзілуін тежейді, бауыр фиброзының және циррозының пайда болу қаупін төмендетеді. Глицирризин қышқылының қабынуға қарсы әсері бар, бауырда және басқа да ағзаларда интерферондардың өндірілуін көтермелеумен, фагоцитоздың жоғарылауы, табиғи киллер-жасушалар белсенділігінің артуы есебінен вирустардың репродукциясын басады. Антиоксидантты және жарғақшаны тұрақтандыру белсенділігінің арқасында гепатопротекторлы әсер етеді. Глицирризин қышқылы эндогендік глюкокортикостероидтардың әсерін үдетіп, бауырдың инфекциялық емес зақымдануларында қабынуға қарсы және аллергияға қарсы әсер етеді. Тері зақымдарында жарғақшаны тұрақтандыратын және қабынуға қарсы әсерлер есебінен ауру үдерісінің таралуын шектейді және аурудың кері дамуына ықпал етеді.

Дозалану режимі Ересектер мен 12 жастан асқан балалар. 10 мл күн сайын күніне 2 рет таңертең және кешке енгізіледі, содан кейін препаратты капсула түрінде ішке қабылдауға көшеді. Енгізу әдісі және жолы Вена ішіне, ұнтақты инъекцияға арналған 10 мл суда алдын-ала ерітіп алады. Вена ішіне енгізуді баяу жүргізу керек. Емдеу ұзақтығы Емдеу курсы - 10 күннен артық емес. Курс ұзақтығы дәрігердің нұсқауымен арттырылуы мүмкін. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

- препарат компоненттеріне аса жоғары сезімталдық - жүктілік және лактация кезеңі - 12 жасқа дейінгі балаларға Айрықша нұсқаулар және қолдану кезіндегі сақтандыру шаралары 20 мл препаратты бір сәтте енгізуге болмайды. Препараттың тәуліктік дозасын енгізу екі қабылдау арқылы ғана, таңертең және кешкісін жүзеге асырылады.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Иммундық жүйенің бұзылуы Жиілігі белгісіз: препаратты тоқтатқаннан кейін жоғалып кететін тері бөртпесі (жеке сезімталдықтың жоғарылауымен). Жүрек-тамыр жүйесі тарапынан бұзылулар Жиілігі белгісіз: қан қысымының жоғарылауы. Зертханалық және аспаптық деректер Жиілігі белгісіз: натрий мен сұйықтықтың іркілуі (тәуліктік дозадан асқан кезде); гипокалиемия. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозадан және қолдану ұзақтығынан аспау керек! Препараттың артық дозалану жағдайлары байқалмаған. Симптомдары: Препараттың құрамына кіретін глицирризин қышқылы үлкен дозаларында қанда глюкокортикостероидтар мен минералокортикоидтар деңгейлерінің жоғарылауы болып табылатын жалған кортикостероидты әсерді тудыруы мүмкін. Бұл организмде натрийдің іркілуіне және калийдің азаюына әкеліп, оның салдарынан артериялық қысымның артуына, организмде судың іркілуіне әкеп соқтырады. Емдеу: Көрсетілген симптомдар пайда болған кезде олардың айқындылығына байланысты препараттың дозасын азайтып және/немесе тәулігіне 50-100 мг спиронолактон тағайындау керек.

Арнайы сақтандырулар Педиатрияда қолданылуы Бұл препаратты 12 жасқа дейінгі балаларға тағайындамаңыз.

Жүктілік кезінде және лактация кезінде қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сипатталмаған.

Құтының ішіндегісін басқа ерітінділермен араластыруға болмайды. Еріту үшін тек инъекцияға арналған суды ғана пайдалану керек. Препаратты еріту үшін натрий хлоридінің немесе глюкозаның физиологиялық ерітінділерін қолдануға тыйым салынады.

Сақтау мерзімі 2 жыл (препарат) 4 жыл (еріткіш) Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 ºС-ден аспайтын температурада (препарат) сақтау керек. 0°С-ден 25°С-ге дейінгі температурада. Мұздатып қатыруға болмайды (еріткіш). Балалардың қолы жетпейтін жерде сақтау керек!