Фосфоглив® форте капсулы 300 мг + 65 мг

Бір капсуланың құрамында белсенді заттар: фосфолипидтер 400.0 мг (100% затқа шаққанда) (негізгі компонент фосфатидилхолин) 300,0 мг, натрий глицирризинаты (глицирризин қышқылы тринатрий тұзы) 65,0 мг, қосымша заттар: бутилгидрокситолуол 0,1 мг, этанол (этил спирті) 95% 12 мг, күнбағыс майы 22,9 мг. Капсула қабығының құрамы: Қатты желатинді капсулалар № 0 корпусы және қақпағы: титанның қостотығы (Е 171), темірдің қызыл тотығы бояғышы (Е 172), темірдің қара тотығы бояғышы (Е 172), темірдің сары тотығы бояғышы (Е 172), желатин. Сыртқы түрінің, иісінің, дәмінің сипаттамасы Қатты желатинді капсулалар №0; капсуланың корпусы және қақпағы – қоңыр түсті. Капсуланың ішіндегісі – өзіне тән әлсіз иісі бар ақшыл сарыдан қызғылт сары-қоңыр түске дейінгі майлы паста тәрізді масса.

- бауырдың майлы дистрофиясында (майлы гепатоз), бауырдың алкогольдік, уытты, оның ішінде дәрілік зақымдануында - вирустық гепатиттер, бауыр циррозы, псориаз кешенді емі құрамында.

Ас қорыту жолы және зат алмасу. Бауыр және өт шығару жолдарының ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар. АТХ коды А05ВА Біріктірілген дәрі. Жарғақша тұрақтандыратын, гепатопротекторлы және вирусқа қарсы әсер етеді. Фосфатидилхолин (фосфолипидтердің әсер етуші заты) жасушалық және жасушаішілік жарғақшалардың негізгі құрылымдық элементі болып табылады, зақымданған кезде цитопротекторлы әсер ете отырып, олардың құрылымы мен қызметін қалпына келтіруге қабілетті. Ақуыздық және липидтік алмасуларды қалыпқа түсіреді, ферменттердің және басқа да белсенді заттардың гепатоциттер арқылы жойылуына жол бермейді, бауырдың уытсыздандыру қызметін қалпына келтіреді, бауыр фиброзы мен циррозының пайда болу қаупін төмендете отырып, дәнекер тіннің түзілуін тежейді. Глицираттың (глицирризин қышқылы және тұздар) қабынуға қарсы әсері бар, бауырда және басқа да ағзаларда интерферондардың өндірілуін стимуляциялау, фагоцитозды жоғарылату, табиғи киллер-жасушалар белсенділігін арттыру есебінен вирустар репродукциясын бәсеңдетеді. Антиоксиданттық және жарғақша тұрақтандыру белсенділігінің арқасында гепатопротекторлы әсер көрсетеді. Бауырдың инфекциялық емес зақымдануларында қабынуға қарсы және аллергияға қарсы әсер етумен эндогенді глюкокортикостероидтар әсерін қуаттандырады. Тері зақымданған кезде компоненттерінің жарғақша тұрақтандыратын және қабынуға қарсы әсер етуінің есебінен ауру үдерісінің таралуын шектейді және оның кері дамуына ықпал етеді.

Дозалау режимі Ересектерге 1-2 капсуладан тәулігіне 3 рет, 12 жастан асқан балаларға 1 капсуладан тәулігіне 3 рет. Емдеу курсының ұзақтығын дәрігер белгілейді. Енгізу әдісі және жолы Тамақтанған кезде аздаған сұйықтық мөлшерімен іше отырып, ішке қабылдайды. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қолданбас бұрын дәрігердің кеңесіне жүгініңіз.

- антифосфолипидті синдром - препарат компоненттеріне аса жоғары сезімталдық - жүктілік, бала емізу кезеңі - 12 жасқа дейінгі балалар Айрықша нұсқаулар және қолдану кезіндегі сақтандыру шаралары Портальді гипертензиясы, артериялық гипертензиясы бар науқастарда сақтықпен қолдану керек.

Жиілігі белгісіз: - тері бөртпесі - мұрынмен тыныс алудың қиындауы - конъюнктивит - жөтел - артериялық қысымның транзиторлық (өтпелі) жоғарылауы - шеткері ісінулер - диспепсиялық құбылыстар (кекіру, жүрек айну, іштің кебуі) - іштегі жайсыздықты сезіну Егер нұсқаулықта көрсетілген жағымсыз әсерлердің кез-келгені нашарласа немесе нұсқаулықта көрсетілмеген басқа жағымсыз әсерлерді байқасаңыз, дәрігерге хабарлаңыз. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: организмде натрий мен сұйықтықтың іркілуі, ол шеткері ісінулермен және артериялық қысымның жоғарылауымен байқалады; гипонатриемия. Емі: артық дозалану симптомдарының айқындығына байланысты, препараттың дозасын азайту және/немесе тәулігіне 50-100 мг спиронолактон тағайындау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолдану көлік құралдарын басқару қабілетіне және жоғары зейін қою психомоторлық реакциялар жылдамдығын қажет ететін қауіптілігі зор басқа қызмет түрлерімен айналысуға әсер етпейді. Педиатрияда қолдану 12 жасқа дейінгі балаларда қолдануға болмайды. Қосымша заттар Препараттың құрамында бір дозаға 1 ммоль (23 мг) аз натрий бар, яғни іс жүзінде құрамында натрий жоқ. Препараттың бір реттік дозасындағы этанол мөлшері 100 мг-нан аз.

Препаратты жүктілік және бала емізу кезеңінде қолдануға болмайды (тиімділігі мен қауіпсіздігі жөнінде деректер жеткіліксіз).

Глицирризин қышқылы кортикостероидты гормондарға синергист болып табылады, олардың әсерін күшейтеді және ұзартады.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!