Фотил® глазные

1 мл құрамында белсенді заттар: 20 мг пилокарпин гидрохлориді; 6,84 мг тимолол малеаты (5 мг тимололға баламалы). қосымша заттар: бензалконий хлориді, лимон қышқылы моногидраты, натрий цитраты, гипромеллоза, инъекцияға арналған су. Сыртқы түрінің, иісінің, дәмінің сипаттамасы Мөлдір, түссіз ерітінді

Глаукома немесе көзішілік жоғары қысымда, тимололдың және пилокарпиннің біріктірілімі қажет болғанда: • ашық бұрышты және жабық бұрышты глаукомада • афакиялық глаукомада • салдарлық глаукомада • ауыр офтальмогипертензияда глаукоманың басқа емімен біріктіріп • офтальмологиялық операциядан кейін көзішілік қысымның жоғарылауында Офтальмолог дәрігердің тағайындауымен ғана пайдалану ұсынылады.

ATХ коды S01ЕВ51 Көзге тамызатын Фотил дәрісінің құрамында белсенді екі зат бар. Парасимпатомиметик болып табылатын пилокарпин м-холинергиялық рецепторларды стимуляциялайды. Көзге тамызған кезде пилокарпин миозды, аккомодация спазмын туындатады және көзішілік қысымды төмендетеді. Көзішілік қысымның төмендеуі цилиарлы бұлшықеттің және көздің нұрлы қабығы бұлшықеттерінің жиырылуынан болады, ол көздің алдыңғы камерасы бұрышының кеңеюіне әкеледі және трабекулярлы тордың физикалық құрылымын өзгертіп, сулы ылғалдың ағып шығуын жеңілдетеді. Бета-адреноблокатор болып табылатын тимолол симпатомиметикалық нейромедиаторлардың бета1- және бета2-адренорецепторлармен байланысуына жол бермейді. Ол сулы ылғалдың өндірілуін азайта отырып, көзішілік қысымды төмендетеді. Тимололдың әсер ету нысаны – цилиарлы денедегі бета2-адренергиялық рецепторлар. Көзге тамызатын Фотил дәрісінің бір реттік дозасынан кейін 1 сағат ішінде көзішілік қысымның едәуір төмендеуіне қол жеткізіледі. Ең жоғары әсері әдетте 3 сағат ішінде байқалады.

Дозалау режимі Әдеттегі дозасы – зақымданған көзге тәулігіне 2 рет 1 тамшыдан. Кейбір пациенттерде Фотил® препаратының әсерінен көзішілік қысымның тұрақты төмендеуіне бірнеше аптадан кейін жетеді, сондықтан емдеуге баға беру емдеуді бастағаннан кейін шамамен 4 аптадан соң көзішілік қысымды өлшеуді қамтуы тиіс. Егер пациенттің көзішілік қысымы көзге тамызатын Фотил® дәрісімен емдегенде жоғары күйінде қалса, көзге тамызатын Фотил® форте дәрілерімен тәулігіне 2 рет 1 тамшыдан емдеуді жалғастыру ұсынылады. Дозаны әрі қарай жоғарылату әдетте көзішілік қысымды енді төмендетпейді. Егер көзішілік қысым дәрілік заттың көрсетілген дозасын қолданғанда қанағаттанарлық деңгейде сақталмаса, дәрігер емдеу сызбасын қайта қарауы керек. Мұрын-көзжасы жолының окклюзиясын немесе қабақты 2 минутқа жабуды пайдаланған кезде дәрілік заттың сіңуі төмендейді. Нәтижесінде жүйелік жағымсыз реакциялардың даму қаупі азаяды, және жергілікті әсері күшейеді. Қолдану тәсілі Офтальмологиялық пайдалануға арналған. Егер ерітінді бұлыңғыр болса, бұл дәрілік затты пайдаланбаңыз. Көзге тамызатын дәріні тамызар алдында: • Қолды мұқият жуыңыз. • Өзіңізді ыңғайлы күйге келтіріңіз (отырыңыз, шалқаңыздан жатыңыз, айна алдына отырыңыз). Көзге тамызатын дәріні қолдану: • Құтыны ашыңыз. Құтының ішіндегінің ластануына жол бермеу үшін – тамшылатқыштың ұшын Өзіңіздің көзіңізге, көздің айналасындағы теріге немес Өз саусақтарыңыздың терісіне тигізіп алмаңыз. • Басыңызды артқа қарай шалқайтыңыз. Құтыны көздің үстіне ұстаңыз (1-сурет). • Төменгі қабағыңызды төмен қарай тартыңыз, жоғарыға қараңыз және құтыны ақырын қыса отырып, көзге тамызатын дәріні көзге тамызыңыз (2-сурет). • Көзіңізді жұмыңыз, оның ішкі бұрышын 2 минут ақырын басыңыз.Бұл көзге тамызатын дәрінің мұрын-жас арнасына түсуін болдырмауға, олардың тиімділігін арттыруға және жағымсыз жүйелік әсерлердің туындау қаупін азайтуға жәрдемдеседі (3-сурет). Құтыны нығыздап жабыңыз. Егер сіз сол бір көзге бірнеше офтальмологиялық препараттарды қолданатын болсаңыз, оларды қолдану арасында кем дегенде 5 минут аралықты сақтаңыз.

• белсенді заттарға немесе қосымша заттардың кез келгеніне аса жоғары сезімталдық • аллергиялық ринит • кардиостимулятордың жәрдемімен бақыланбайтын ІІ-ІІІ дәрежедегі атриовентрикулярлық блокада • бронхиальді аса жоғары реактивтілік • жүрек функциясының айқын жеткіліксіздігі • 18 жасқа дейінгі балаларға (18 жасқа дейінгі балалар мен жасөспірімдерде препараттың тиімділігі және қауіпсіздігі жөнінде деректердің жоқ болуымен байланысты) • мөлдір қабықтың дистрофиялық аурулары • кардиогенді шок • папиллярлық блок әсерінен туындаған салдарлық глаукома/глаукоманың кейбір түрлері • алдыңғы увеит • бронх демікпесін немесе анамнездегі бронх демікпесін қоса, тыныс алу жолдарының реактивті аурулары • синустық түйін әлсіздігінің синдромы • жүректің синоаурикулярлық блокадасы • синустық брадикардия • тікелей офтальмологиялық операциялардан кейінгі жағдай және миозды болдырмау қажет көздің басқа да аурулары • өкпенің ауыр созылмалы обструкциялық аурулары • холинергиялық қосылыстарды (пилокарпин) нұрлы қабықтың жедел қабынуында қолдануға болмайды • мөлдір қабықтың эрозиясы.

Көзге тамызатын Фотил® дәрісінің жағымдылығы әдетте жақсы. Көзге тамызатын Фотил® дәрісінің күтілетін жергілікті жағымсыз әсерлерінің көбісін оның фармакологиялық әсерінің негізінде түсіндіруге болады. Көзге тамызатын Фотил® дәрісінің өте кеңірек таралған жағымсыз әсерлері дәріні қолданған кезде көздің ашып ауыруы және шаншуы болып табылады. Тимолол малеаты Жергілікті қолданған кезде офтальмологиялық бета-адреноблокаторлар жүйелік қан ағымына сіңеді, бұл оларды жүйелік қолдану кезінде байқалғандардағыға ұқсас жағымсыз жанама әсерлердің дамуына әкелуі мүмкін. Жергілікті офтальмологиялық қолданған кездегі жүйелік жағымсыз әсерлердің даму қаупі, жүйелік қолданған кездегіге қарағанда, төмен. Төменде берілген жағымсыз әсерлер офтальмологиялық қолдануға арналған бета-адреноблокаторлардың барлық тобына тән. Иммундық жүйе: ангионевроздық ісінуді, есекжемді, жергілікті және жайылған бөртпені, қышынуды қоса, жүйелік аллергиялық реакциялар, анафилаксиялық реакциялар. Метаболизмдік бұзылулар: гипогликемия. Психиатриялық бұзылулар: ұйқысыздық, депрессия, шым-шытырық түстер, жадының жоғалуы. Жүйке жүйесінің бұзылыстары: естен тану, ми қан айналымының бұзылуы, церебральді ишемия, гравис миастения белгілері мен симптомдарының көрініс беруінің күшеюі, бас айналу, парестезия, бас ауыру. Көздің бұзылулары: көздің тітіркену белгілері мен симптомдары (мысалы, ашып ауыру, шаншу, қышу, көзден жас ағу, қызару), блефарит, кератит, көрудің бұлыңғырлануы, фильтрациялық шаралары хирургиядан кейін көз қантамырларының ажырауы («Сақтық» бөлімін қараңыз), мөлдір қабық сезімталдығының төмендеуі, көздің құрғауы, мөлдір қабықтың эрозиясы, птоз, диплопия. Жүректің бұзылулары: брадикардия, кеуденің ауыруы, жүрек соғысының жиілеуі, ісінулер, аритмиялар, жүрек функциясының іркілген жеткіліксіздігі, атриовентрикулярлық блокада, жүректің тоқтап қалуы, жүрек функциясының жеткіліксіздігі. Қантамырлық бұзылулар: гипотония, Рейно синдромы, аяқ пен қолдың салқындауы. Тыныс алудың бұзылулары: бронхтың түйілуі, (көбіне анамнезінде бронхтың түйілу ауруы бар пациенттерде), ентігу, жөтел. Асқазан-ішектік бұзылыстар: дәмнің бұзылуы, жүрек айнуы, диспепсия, диарея, ауыздың құрғауы, іштің ауыруы, құсу. Тері және теріасты шелі: алопеция, псориаз тәріздес бөртпе, псориаздың өршуі, терінің бөртпесі. Сүйек-бұлшықет жүйесі: миалгия. Ұрпақ өрбіту жүйесі: сексуальді дисфункциялар, либидоның төмендеуі. Жалпы бұзылулар: астения/әлсіздік. Жоғарыда берілгендерге қосымша келесі жағымсыз әсерлер офтальмологиялық бета-блокаторларды қолданған кезде сипатталды, олар да көзге тамызатын Фотил® дәрісін пайдаланған кезде туындауы мүмкін: Көз тарапынан: Жиі емес: мөлдір қабық сезімталдығының төмендеуі, беткейлік нүктелі кератит. Сирек: «құрғақ көз» синдромы, блефароконъюнктивит, көрудің бұзылулары, диплопия, птоз. Жүрек жүйесі тарапынан Жиі емес: брадикардия. Сирек: жүрек функциясының іркілген жеткіліксіздігі, аритмиялар. Қантамыр жүйесі тарапынан Сирек: гипотензия, шеткері және церебральді қан ағымының төмендеуі. Жүйке жүйесінің бұзылыстары Жиі: бас ауыру. Сирек: бас айналу. Респираторлық, торакальді және медиастинальді бұзылулар Жиі емес: диспноэ. Сирек: бронхтың түйілуі (көбіне анамнезінде демікпе немесе жүрек функциясының жеткіліксіздігі сияқты бронхтың түйілу аурулары бар пациенттерде), мұрынның бітелуі. Психиатриялық бұзылулар: Жиі емес: депрессия. Сирек: үрейлену, түнгі шым-шытырық қорқыныштар, сананың шатасуы. Белгісіз (қолда бар деректер негізінде баға беру мүмкін емес): елестеулер. Тері және теріасты шелі: Сирек: аса жоғары сезімталдық реакциялары: бөртпе, есекжем, алопеция. Жалпы бұзылулар Жиі емес: әлсіздік. Сирек: астения. Пилокарпин гидрохлориді Көз тарапынан: Жиі: қысқа мерзімдік шаншу немесе ашып ауыру, көрудің бұлыңғырлануы, көзден жас ағудың ұлғаюы, цилиарлы бұлшықеттің спазмы, торқабық қантамырларындағы іркіліс, конъюнктива гиперемиясы, көздің ауыруы, қышуы, тітіркенуі, бастың самай және супраорбитальді аймақтарының ауыруы, жарық нашар болған кезде көру жітілігінің төмендеуі (миозға байланысты, әсіресе катарактасы бар пациенттерде), миопия немес аккомодацияның бұзылуы. Сирек: торқабықтың ажырауы, шыны тәріздес денеге қан құйылу, нұрлы қабықтың қатаюы, нұрлы қабық кистасы, нұрлы қабық қантамырларының кеңеюі, қабықтың жиырылуы, алдыңғы камераның тарылуы, көз бұршағының қайтымды көмескіленуі (пилокарпинді ұзақ қолданғанда). Жүрек-қантамыр жүйесі: Жиі емес: артериялық қысымның төмендеуі. Асқазан-ішек жолы: Жиі емес: жүрек айнуы. Сирек: құсу, сілекейдің көп бөлінуі, диарея. Жалпы бұзылулар: Сирек: қатты терлеу. Жағымсыз реакциялар, соның ішінде осы нұсқаулықта көрсетілмегендері, туындаған жағдайда дәрігерге бару қажет. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Қосымша мәліметттер

Жағымсыз әсерлерді туындататын препарат дозасы өте жекелей болады. Фотил® препаратына салыстырмалы қарсы көрсетілімдері жоқ, глаукомасы бар егде жастағы пациент үшін көзге тамызатын Фотил® дәрісінің артық дозалану деңгейін бір мезгілде енгізілетін көзге тамызатын дәрінің шамамен 10 тамшысына тең деп санауға болады. «Жағымсыз әсері» бөлімінде сипатталған жергіліктіге тән жағымсыз әсерлер Фотил® артық дозаланғанда байқалуы мүмкін. Бета-адренергиялық рецепторлардың жүйелік блокаторы артық дозаланғанда, және парасимпатомиметикте күту керек өте кең таралған белгілер мен симптомдар бас ауыру, тершеңдік, сілекейдің бөлінуі, жүректің айнуы, көзден жас ағу, гиперемия, брадикардия, гипотензия, бас айналу, сананың шатасуы, ентігу, бронхтың түйілуі, жайылған құрысулар және жүрек функциясының жедел жеткіліксіздігі болып табылады. Артық дозаланған жағдайда дереу дәрігерге қаралу қажет. Артық дозалануды емдеу симптоматикалық және демеуші болуы тиіс. Артық дозаланудан кейін бірден көзді жуу немесе шаю пайдалы болуы мүмкін.

Көзге тамызатын басқа дәрілерді пайдалану Фотил препаратымен емдеуді бастаудан бұрын тоқтатылуы тиіс: глаукомаға қарсы мұның алдындағы дәріні пайдалану тоқтатылуы тиіс, ал көзге тамызатын Фотил дәрісімен емдеу келесі күні басталуы тиіс. Әсер ету тиімділігіне баға беруді көзішілік қысымды ұдайы бақылаған кезде емдеуді бастағаннан кейін 4 аптадан соң жүргізу керек. Әрі қарай емдеуді көзішілік қысымды ұдайы бақылай отырып, жүргізген жөн. Жергілікті қолдануға арналған басқа да офтальмологиялық препараттар сияқты, тимолол малеаты және пилокарпин гидрохлориді жүйелік түрде сіңіріледі. Жергілікті қолдануға арналған тимолол сияқты бета-блокаторлар, жүйелік бета-блокаторларды қолдану кезіндегі тәрізді, жүрек-қантамыр, өкпе және басқа да жүйелер тарапынан жағымсыз жанама реакциялардың дамуын туындатуы мүмкін. Дегенмен, көзге тамызатын дәрілерді бета-блокаторлармен бірге қолданудан кейін жүйелік жағымсыз әсерлердің даму жиілігі, оларды жүйелі пайдалануға қарағанда, төмен. Жүйелік сіңуін азайту үшін «Қолдану тәсілі және дозалары» бөлімін қараңыз. Фотил препаратын асқазан-ішек жолының немесе несеп шығару жолдарының ойық жарасы, стенозы, сондай-ақ цереброваскулярлық жеткіліксіздігі бар пациенттерге сақтықпен пайдалану керек. Егер Фотил препаратымен емдеуді бастағаннан кейін мидағы қан ағымының төмендегенін айғақтайтын белгілер немесе симптомдар дамыса, баламалы емдеуді қарастыру керек. Бета-адренергиялық блокада тиісті миастениялық симптомдармен (мысалы, диплопиямен, птозбен және жалпы әлсіздікпен) қоса жүретін бұлшықет әлсіздігін күшейтетіні туралы анда-санда мәлімделді. Глаукомаға қарсы басқа препараттарды пайдаланған жағдайдағы сияқты, ұзақ емделуден (жылдар) кейін көзге тамызатын Фотил дәрісіне сезімталдықтың төмендейтіндігін күтуге болады. Емделмеген феохромоцитомасы және метаболизмдік ацидозы бар пациенттерде Фотил препаратын аса сақтықпен пайдалану керек. Жүрек аурулары: жүрек-қантамырлық аурулары (мысалы, жүректің ишемиялық ауруы, Принцметал стенокардиясы, жүрек функциясының жеткіліксіздігі) және артериялық гипотензиясы бар пациенттерді бета-блокаторлармен емдеуге сыни тұрғыдан баға берілуі тиіс, өзге белсенді заттары бар басқа дәрілік препараттармен емдеу қарастырылуы тиіс. Симпатикалық жүйке жүйесінің стимуляциясы миокардтың жиырылу қабілеті төмендеген пациенттерде қан айналымды демеуде маңызды рөл атқаруы мүмкін, және оның бета-блокаторлармен тежелуі жүрек функциясы жеткіліксіздігінің декомпенсациясын туындатуы мүмкін. Бірінші дәрежелі бета-блокаторлардың атриовентрикулярлық блокадасы бар пациенттерге қозудың жүру уақытына олардың жағымсыз ықпалына байланысты сақтықпен тағайындау керек. Жүрек-қантамыр аурулары бар пациенттерде осы аурулар симптомдарының нашарлағанын-нашарламағанын және жағымсыз реакциялардың бар-жоқтығын бақылау қажет. Қантамырлық аурулар: шеткері циркуляторлық бұзылулары/аурулары (Рейно ауруының ауыр түрі немесе Рейно синдромы) бар пациенттерді сақтықпен емдеу керек. Тыныс алу функциясының бұзылуы: құрамында бета-блокаторлары бар көзге тамызатын дәрілерді қолданған кезде, бронх демікпесі бар пациенттерде бронхтың түйілуі салдарынан өлімді қоса, респираторлық реакциялардың дамығаны туралы мәлімделді. Фотил препаратын өкпенің жеңіл және орташа дәрежедегі созылмалы обструкциялық ауруы бар пациенттерге абайлап қолдану қажет, тек потенциалды пайдасы қаупінен басым болса ғана. Тимолол эндогендік және экзогендік катехоламиндердің әсерінен туындаған бронх кеңеюін басуы мүмкін. Гипогликемия/диабет: бета-блокаторларды кездейсоқ гипогликемияның дамуы айғақталған пациенттерде немесе тұрақсыз диабеті бар пациенттерде сақтықпен қолдану керек, өйткені бета-блокаторлар жедел гипогликемияның белгілері мен симптомдарын бүркемелеуі мүмкін. Гипертироидизм: бета-блокаторлар гипертиреоздың симптомдарын бүркемелеуі мүмкін. Мөлдір қабықтың аурулары: офтальмологиялық бета-блокаторлар көздің құрғауын туындатуы мүмкін. Мөлдір қабық аурулары бар пациенттерді абайлап емдеу керек. Басқа бета-блокаторлар: пациент бета-блокаторларды қабылдаған кезде-ақ көзішілік қысымға ықпалы немесе бета-блокаторлардың белгілі жүйелік әсері күшеюі мүмкін. Осы дәрілік заттарға жауапты мұқият бақылау керек. Жергілікті екі бета-адреноблокаторды бір мезгілде қолдану ұсынылмайды («Басқа дәрілік заттармен өзара әрекеттесуі және өзара әрекеттесудің басқа да түрлері» бөлімін қараңыз). Анафилаксиялық реакциялар: анамнезінде әртүрлі аллергендерге аллергиялық немесе ауыр анафилаксиялық реакциялар білінген, жергілікті бета-блокаторларды қабылдап жүрген пациенттер аллергендерді қайталап енгізуге белсенді түрде реакция беруі және анафилаксиялық реакцияларды емдеген кезде адреналиннің әдеттегі дозасына жауап бермеуі мүмкін. Көздің қантамырлық қабығының ажырауы: фильтрациялық хирургиядан кейін көзішілік сұйықтықтың түзілуіне кедергі жасайтын дәрілік заттарды (мысалы, тимолол, ацетазоламид) қолданған кезде көздің қантамырлық қабатының ажырау жағдайлары сипатталған. Көз түбін мұқият тексеру торқабықтың бұрыннан бар ауруларының немесе торқабық ажырауының қауіп факторларының бар-жоқтығын анықтау үшін көзге тамызатын Фотил дәрісімен емдеуді бастамас бұрын жасалуы тиіс. Анамнезінде торқабықтың ажырауы бар пациенттерде және миопатиясы бар жас пациенттерде көзге тамызатын Фотил дәрісін қолданғанда аса сақтық таныту керек. Хирургиялық анестезия: офтальмологиялық бета-блокаторлар бета-агонистердің, мысалы, адреналиннің жүйелік әсерін блокадалауы мүмкін. Егер пациент Фотил қабылдап жүрсе, анестезиолог бұдан хабардар болуы тиіс. Құрамында бета-блокатор бар дәрілік затты жалпы анестезиямен операция жүргізу жоспарланған пациенттерге сақтықпен қолдану керек. Операция алдында бета-адренергиялық рецепторлық блокадасымен байланысты жүрек-қантамыр жүйесі тарапынан әсерлерді болдырмау үшін препаратты қолдануды тоқтату, гипотензия және анестезия кезінде жүректің тоқтап қалу қаупін азайту ұсынылады. Гравис миастения: анамнезінде гравис миастениясы бар пациенттерге құрамында тимолол бар препараттарды абайлап тағайындау керек. Жүйелік сіңуді азайту тәсілін «Қолдану тәсілі және дозалары» бөлімінен қараңыз. Көзге тамызатын Фотил дәрісінің құрамында консервант ретінде бензалконий хлориді бар, ол көздің тітіркенуін туындатуы мүмкін. Бензалконий хлориді жұмсақ жанаспалы линзалардың түсін өзгертуі мүмкін болғандықтан, препараттың жұмсақ жанаспалы линзалармен жанасуына жол бермеу керек. Егер емдеу кезінде жанаспалы линзаны пайдалану қажет болса, препаратты қолдану алдында жанаспалы линзаны алып қою және оны кем дегенде 15 минуттан соң қайтадан орналастыру керек.

Жүктілік Жүкті әйелдерде тимололды немесе пилокарпинді қолдану туралы жеткілікті деректер жоқ. Көзге тамызатын Фотил® дәрісін, ол шынымен де қажет болған жағдайдан басқасында, жүктілік кезінде қолданбау керек. Жүйелік сіңуін азайту тәсілін «Қолдану тәсілі және дозасы» бөлімінен қараңыз. Тимололдың және пилокарпиннің бір бөлігі көзге тамызатын Фотил® дәрісімен инстилляциядан кейін жүйелік түрде сіңеді. Егер Фотил® тура босанар алдында қолданылса, онда жаңа туған балалар туғаннан кейін бірнеше күн бойы мұқият бақылауда болуы тиіс. Емшек емізу Бета-блокаторлар емшек сүтіне экскрецияланады. Алайда жаңа туған нәрестелерде бета-адренорецепторлар блокадасының клиникалық симптомдарының дамуын туындатуы үшін емшек сүтінде тимололдың жеткілікті мөлшерде болуы екіталай. Жүйелік сіңудің азаю тәсілін «Қолдану тәсілі және дозалары» бөлімінен қараңыз. Көлік құралын немесе қауіптілігі зор механизмдерді басқару қабілетіне препараттың ықпал ету ерекшеліктері Көзге тамызатын Фотил® дәрісі автомобильді басқару және механикалық құрылымдарды пайдалану қабілетіне ықпалын тигізуі мүмкін. Миоз әдетте қараңғыға бейімделуде қиындық туындатады. Пациентке қараңғыда көлік жүргізгенде және жарық нашар кезде басқа да қауіпті тапсырмаларды орындағанда сақ болуға кеңес беру керек. Көрудің қысқа мерзімдік бұлыңғырлануы көзге тамызатын Фотил® дәрісін тамызғаннан кейін де болуы мүмкін.

Көзге тамызатын Фотил® дәрісінің басқа дәрілік заттармен өзара әрекеттесуіне ешқандай спецификалық зерттеулер жүргізілген жоқ. Көзге тамызатын Фотил® дәрісін пайдаланғанда катехоламиндердің жиналып қалуын тежейтін, мысалы, резерпин сияқты препараттарды қабылдап жүрген пациенттерді, ықтимал аддитивтік әсерлерге және гипотонияның және/немесе бас айналуды, естен тануды немесе ортостаздық гипотензияны туындатуы мүмкін айқын брадикардияның пайда болуына байланысты, мұқият бақылау ұсынылады. Бета-адреноблокаторларды, жүйелік әсер ететін «баяу» кальций өзекшелерінің блокаторларын, аритмияларға қарсы дәрілік заттарды (амиодаронды, пропафенонды және Ia класының агенттерін қоса), оймақгүл гликозидтерін, парасимпатомиметиктерді, гуанетидинді және галоидталған ұшқыш анестетиктерді бір мезгілде қолдану олардың фармакологиялық әсерінің күшеюіне әкеледі, және айқын брадикардияның және артериялық гипотензияның даму қаупін арттырады. Тимололды CYP2D6 тежегіштерімен (мысалы, хинидин, флуоксетин, пароксетин) бір мезгілде пайдаланғанда жүйелік жағымсыз реакциялардың (жүректің жиырылу жиілігінің төмендеуі, депрессиялар) даму қаупінің артқаны туралы мәлімделді, өйткені CYP2D6 тежегіштері плазмада тимололдың концентрациясын арттыруы мүмкін. Препараттың орталық жүйке жүйесіне жағымсыз әсері барбитураттарды, ауыруды сездірмейтін дәрілерді немесе қастауыш алкалоидтарын бір мезгілде қолданғанда күшеюі мүмкін. Көзге тамызатын Фотил® дәрісін: инсулин сияқты препараттармен, диабетке қарсы пероральді препараттармен («Сақтық шаралары» бөлімін қараңыз), йодталған контрастты заттармен, ҚҚСП (қабынуға қарсы стероидты емес препараттармен), антидепрессанттармен, кортикостероидтармен, мефлохинмен, деполяризациялайтын миорелаксанттармен, антигистаминдік препараттармен, петидинмен, жүйелік антихолинергиялық заттармен, гликозидтермен және раувольфия алкалоидтарымен бір мезгілде пайдаланғанда сақ болу керек. Фотил® симпатомиметиктердің және кураре тәріздес препараттардың тиімділігін басуы мүмкін. Офтальмологиялық бета-адреноблокаторларды және адреналинді (эпинефринді) бір мезгілде қолданудан туындаған мидриаз туралы анда-санда мәлімделді.

Сақтау мерзімі 3 жыл. Құтыны ашқаннан кейін – 28 күн. Жарамдылық мерзімі өткеннен кейін қолдануға болмайды! Сақтау шарттары 2-ден 8ºC-ге дейінгі температурада сақтау керек. Ашық құтыны 25 ºС-ден аспайтын температурада сақтау керек. Құтыны жарықтан қорғалған жерде, картон қорапшада сақтау керек. Балалардың қолы жетпейтін жерде сақтау керек!