ФУЦИС® гель 5 мг/г

Бір грамм гельдің құрамында белсенді зат: 5 мг флуконазол, қосымша заттар: карбомер 940 (карбопол 940), бензил спирті, полисорбат 80, пропиленгликоль, 2 - октилдодеканол, натрий гидроксиді, De - Lite хош иістендіргіші, тазартылған су. Сыртқы түрінің, иісінің, дәмінің сипаттамасы Жартылай мөлдір, біркелкі, өзіне тән иісі бар тұтқыр гель.

Ашытқылар мен дерматофиттер туындатқан дерматомикоздарды емдеу үшін: - табан эпидермофитиясында - тегіс тері трихофитиясында - шап эпидермофитиясында - түрлі-түсті теміреткіде - Candida spp. туындатқан инфекцияларда

Фармакодинамикалық әсерлері Флуконазол – зеңге қарсы дәрі, Р-450 цитохромына тәуелді зеңдік ферменттер белсенділігін тежейді. Флуконазол зеңдердің Р-450 цитохромына іріктемелі әсер ету есебінен зең жасушаларындағы арнайы қосылыстардың ферменттік белсенділігінің жойылуына әкеледі. Осының салдарынан зең жасушаларында стеролдар қосылысының биосинтезі бұзылады, атап айтқанда ланостеролдың эргостеролға айналу процесі бәсеңдейді. Эргостерол жасушалық жарғақшалардың негізін құрайды және оның биосинтезінің бұзылуы зеңнің жасушалық жарғақшасының өткізгіштігін арттырады және теседі, соның салдарынан ол өледі. Бұдан басқа жасушалық жарғақшадағы өзгерістер репликацияның бұзылуы есебінен зеңдер көбеюінің бұзылуына әкеледі. Антиандрогендік белсенділігі жоқ. Оппортунистік микоздарда, оның ішінде Candida spp. туындатқан (иммунодепрессия аясындағы кандидоздың таралған түрін қосқанда), Cryptococcus neoformans және Соссіdioides іmmitis (бассүйекішілік инфекцияларды қосқанда), Місrоsporum spp. және Тychophyton spp; Blastomyces dermatidis пен Ніstoplasma capsulatum (оның ішінде иммунодепрессия кезінде) туындатқан эндемиялық микоздарда белсенді.

Дозалау режимі ФУЦИС® гельді терінің зақымданған аймағына және айналасына абайлап сылай отырып, күніне бір рет жағады. Пациенттердің көп бөлігі үшін әдетте жазылуына 1-3 апта емдеу ұзақтығы жеткілікті. Енгізу әдісі мен жолы Сыртқа. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну жөніндегі нұсқаулар Егер Сізде осы препаратты қолдану бойынша қосымша сұрақтар туындаса, дәрігермен немесе фармацевтпен кеңесіңіз.

- флуконазолға немесе қосымша заттардың кез келгеніне аса жоғары сезімталдық - 18 жасқа дейінгі балалар

Сирек - аллергиялық реакциялар: тері бөртпесі - мультиформалы экссудатты эритема (оның ішінде Стивен - Джонсон синдромы), уытты эпидермалық некролиз (Лайелл синдромы), анафилаксиялық реакциялар (оның ішінде ангионевроздық ісіну, бет ісінуі, есекжем, тері қышынуы) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Қолдану, әсіресе, ұзағырақ, сыртқа қолдануға арналған препараттарды қоса алғанда, сенсибилизацияны және жағымсыз әсерлерді туындатуы мүмкін. Мұндай жағдайда емдеуді тоқтатып және дәрігермен кеңесу қажет. ФУЦИС® гель офтальмологияда қолданылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ФУЦИС® гельді қолдану тәжірибесі препараттың автомобильді басқару немесе басқа механизмдермен жұмыс істеу қабілетіне әсер етпейтінін көрсетті.

Егер Сіз жүкті болсаңыз немесе бала емізсеңіз, жүктімін деп ойласаңыз, немесе жүктілікті жоспарласаңыз, бұл препаратты қабылдар алдында дәрігермен немесе фармацевтпен ақылдасыңыз. Егер сіз жүкті болсаңыз, жүктімін деп ойласаңыз немесе оны дәрігер тағайындаған жағдайларды қоспағанда, жүктілікті жоспарласаңыз, ФУЦИС® препаратын қабылдауға болмайды. Егер Сіз осы препаратты қолданғанда немесе оның соңғы дозасын қабылдағаннан кейін 1 апта ішінде жүкті болып қалсаңыз, дәрігерге қаралыңыз. Жүктіліктің бірінші триместрінде қабылданатын флуконазол түсік тастау қаупін арттыруы мүмкін. Бірінші триместрде төмен дозаларда қабылданатын флуконазол сүйекті және/немесе бұлшықетті зақымдайтын даму ақаулары бар баланың туылу қаупін сәл арттыруы мүмкін. Сіз 150 мг ФУЦИС® дәрілік препаратының бір дозасын қабылдағаннан кейін бала емізуді жалғастыра беруіңізге болады. Егер Сіз ФУЦИС® дәрілік препаратының бірнеше дозасын қабылдасаңыз, бала емізбеуіңіз керек.

Жүргізілген зерттеулерде басқа дәрілік заттармен өзара әрекеттесулеріне немесе үйлесімсіздігіне қатысты хабарлар болған жоқ. ФУЦИС® гельдің басқа дәрілік заттармен өзара әрекеттесуіне жекелей зерттеулер жүргізілмеген.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 25 °С-ден аспайтын температурада сақтау керек. Балалардың қолы жетпейтін жерде сақтау керек!