ФУЦИС® таблетки 100 мг

Бір таблетканың құрамында белсенді зат - 50 мг, 100 мг, 150 мг немесе 200 мг флуконазол, қосымша заттар: микрокристалды целлюлоза РН102, лактоза моногидраты, повидон К 30, тальк, магний стеараты, натрий кроскармеллозасы, натрий крахмалы гликоляты, изопропил спирті. Сыртқы түрінің, иісінің, дәмінің сипаттамасы Ақ, жиектері қиғаш, дөңгелек, бір жақ бетінде сындыру сызығы бар таблеткалар.

ФУЦИС® келесі зең инфекцияларында қолданылады: ФУЦИС® ересектерде мына ауруларды емдеу үшін қолданылады: - криптококктық менингит; - кокцидиоидомикоз; - инвазиялық кандидоз; - шырышты қабық кандидозы, оның ішінде орофарингеальді кандидоз, өңеш кандидозы, кандидурия және тері-шырыштың созылмалы кандидозы; - ауыз қуысының гигиенасын сақтау немесе жергілікті емдеу жеткіліксіз болған кезде ауыз қуысының созылмалы атрофиялық кандидозы (тіс протездерін салуға байланысты); - қынап кандидозы, жедел немесе қайталанатын (жергілікті ем қолдану мүмкін болмағанда); - кандидозды баланит (жергілікті ем қолдану мүмкін болмағанда); - табан дерматофитиясын, кеуденің дерматофитиясын, шап дерматофитиясын, түрлі-түсті теміреткі және тері кандидозды инфекцияларын қоса, дерматомикоздар (жүйелі ем қолданылатын жағдайда); - тырнақ дерматофитиясы (онихомикоз) (басқа препараттармен ем қолдану мүмкін болмағанда). ФУЦИС® ересектерде мына аурулардың профилактикасы үшін қолданылады: - қайталану қаупі жоғары пациенттерде криптококктік менингиттің қайталануында; - қайталану қаупі жоғары АИТВ инфекциясын жұқтырған пациенттерде орофарингеальді кандидоз және өңеш кандидозының қайталануында; - қынап кандидозы қайталанулары жиілігін азайту үшін (жылына 4 немесе одан астам көріністері); - ұзаққа созылған нейтропениясы бар пациенттерде (мысалы, химиялық ем қабылдап жүрген қатерлі гематологиялық жаңа түзілімдері бар пациенттерде немесе гемопоэздік дің жасушалары трансплантациясын өткеріп жүрген пациенттерде) кандидоздық инфекциялар профилактикасы. ФУЦИС® 7-ден 17 жасқа дейінгі балалар мен жасөспірімдерде мына ауруларды емдеу үшін қолданылады: - шырышты қабықтардың кандидозын емдеу үшін (жұтқыншақ кандидозын, өңеш кандидозын), -инвазиялық кандидозды, - иммунитеті төмендеген пациенттердегі криптококктық менингитте және кандидоздық инфекцияларда профилактика үшін. ФУЦИС® балаларда оның даму қаупі жоғары криптококктік менингиттің қайталануының алдын алу үшін демеуші ем ретінде қолданылуы мүмкін. Емді сеппенің немесе басқа зертханалық зерттеулердің нәтижелері белгілі болғанға дейін бастауға болады; алайда, осы нәтижелер қолжетімді бола салысымен, инфекцияға қарсы емді тиісінше түзету қажет. Зеңге қарсы дәрілерді дұрыс пайдалану жөніндегі ресми нұсқауларды ескеру керек.

Әсер ету механизмі Флуконазол – триазолдар тобына жататын зеңге қарсы препарат. Әсер ету механизмі зеңді эргостерол биосинтезінің ажырамайтын сатысы болып табылатын Р-450 цитохромы арқылы 14 альфа-ланостерол-деметилдену реакциясының тежелуімен жүзеге асады. 14 альфа-метилстеролдардың жинақталуы зең жасушасының жарғақшасынан болатын кейіннен эргостерол жоғалуымен өзара байланысты болады; бұл үдеріс флуконазолдың зеңге қарсы әсер етуінің негізінде жатыр. Флуконазол, сүтқоректілердің Р-450 цитохромы ферментінің әртүрлі жүйелеріне қарағанда, Р-450 цитохромының зеңді ферменттеріне барынша іріктелген болып табылады. Флуконазолды 28 күн бойы тәулігіне 50 мг дозада қолдану еркектерде плазмадағы тестостерон деңгейіне немесе бала туу жасындағы әйелдердегі стероидтар деңгейіне әсер етпейді. Флуконазолды 200 - 400 мг дозада күнделікті қолдану ерлерде эндогенді стероидтар деңгейіне және АКТГ арқылы стимуляцияланатын реакцияға клиникалық мәнді әсерін көрсетпеді. Флуконазолды 50 мг дозада бір рет немесе көп рет қабылдау оларды бір мезгілде қабылдау кезінде антипирин метаболизміне әсер етпеді. Фармакодинамикалық әсерлері In vitro сезімталдығы In vitro флуконазол Candida (С.аlbicans,C. parapsilosis, C. tropicalis қоса ) клиникалық белгілі түрлерінің көпшілігіне зеңдерге қарсы әсер етеді. Флуконазолға C.glabrata сезімтал, ал C. krusei резистенттті болады. Флуконазол in vitro Cryptococcus neoformans және Cryptococcus gattii, сондай-ақ Blastomyces dermatiditis, Coccidioides immitis, Histoplasma capsulatum және Paracoccidioides brasiliensis эндемиялық зеңдерге қарсы әсер етеді. Фармакокинетикалық / фармакодинамикалық өзара байланысы ЕТТК мәні мен Candida spp. туындайтын эксперименттік микоздарға қарсы тиімділігі арасында өзара байланыс анықталды. Клиникалық зерттеулерде AUC және флуконазол дозасының арасындағы дозаға байланысты 1:1 дерлік тәуелділік анықталды. Сондай-ақ AUC немесе дозасы мен ауыз қуысының кандидозын емдеуге және аз дәрежеде кандидемияда емінің клиникалық оң жауабы арасында нақты болмаса да тікелей байланыс бар. Флуконазолдың ЕТТК жоғары штаммдарынан туындаған инфекцияларда дұрыс емге қол жеткізу ықтималдығы төмен. Резистенттілік дамуының механизмі Candida тектес зеңдерде азолдар тобының антимикотиктеріне қарсы әсерінің бірқатар қорғаныс механизмдері анықталды. Резистенттіліктің бұндай бір немесе бірнеше механизмдерін өндірген штаммдар үшін флуконазолдың ең төмен тежегіштік концентрациясы (ЕТТК) жоғары болады, бұл клиникалық тәжірибеде және in vivo зерттеулерінде препарат тиімділігіне теріс әсер етеді. Табиғатынан флуконазолға сезімтал емес (мысалы, Candida krusei) C. Albicans қатар, Candida тектес зеңдерден туындайтын суперинфекциясының дамыған жағдайлары тіркелген. Мұндай жағдайларда баламалы зеңге қарсы ем қолдану талап етіледі. Бақылау нүктелері (Еуропалық микробқа қарсы сезімталдық зерттеулері жөніндегі комитетпен келісім бойынша) Фармакокинетикалық/фармакодинамикалық ақпарат, in vitro сезімталдығы және клиникалық жауап (Еуропалық антибиотиктердің микробқа қарсы сезімталдығын тестілеу комитетінің – зеңге қарсы сезімталдықты анықтау жөніндегі қосалқы комитеттің) зерттеулерін негізге ала отырып, Candida тектес микроорганизмдер үшін флуконазолға тән (EUCAST ұтымдылық құжатынан флуконазол (2007) – 2 нұсқа) бақылау нүктелері айқындалды. Олар көп дәрежеде фармакокинетикалық/фармакодинамикалық ақпарат негізінде анықталған белгілі бір түрмен байланысты емес және ең төмен тежеу концентрациясы бойынша белгілі бір түрлерге бөлуге тәуелденбейтін бақылау нүктелеріне және бәрінен жиірек адамдағы инфекциялармен астасатын белгілі бір түрмен байланысты бақылау нүктелеріне бөлінді. Осы бақылау нүктелері төменде берілген: Зеңге қарсы дәрі — Белгілі бір түрмен байланысты бақылау нүктелері S≤/R> — Белгілі бір түрмен байланысты емес бақылау нүктелері А S < / R> Candida albicans — Candida glabrata — Candida krusei — Candida parapsilosis — Candida tropicalis Флуконазол — 2/4 — IE — -- — 2/4 — 2/4 — 2/4 S = сезімтал, R = резистентті A = бақылау нүктелері, олар көбірек дәрежеде фармакокинетикалық/фармакодинамикалық ақпарат негізінде анықталған белгілі бір түрмен байланысты емес және ең төмен тежеу концентрациясы бойынша белгілі бір түрлерге бөлуге тәуелденбейтін бақылау нүктелері. Олар спецификалық бақылау нүктесі жоқ микроорганизмдер үшін ғана зерттелді. -- = аталған түр дәрілік емнің мақсаты емес екендіктен сезімталдық зерттеулері ұсынылмайды. IE = аталған түр дәрілік емнің мақсаты екеніне қатысты дәлелдер жеткіліксіз.

Дозалану режимі Дозаны таңдау зең инфекциясының түріне және ауырлық дәрежесіне байланысты жүзеге асырылады. Көп реттік дозаны қолдануды қажет ететін инфекциялардың үш түрін емдеуді клиникалық көрсеткіштер немесе зертханалық тесттер белсенді зең инфекциясы тоқтатылғанын көрсеткенше жалғастыру керек. Емдеудің жеткіліксіз курсы белсенді инфекцияның қайталануына әкелуі мүмкін. Ересектерде қолданылуы Криптококкоз: • Криптококкты менингиттің емі: бірінші күні қанықтыратын доза 400 мг, одан кейінгі доза - 200 - 400 мг тәулігіне бір рет 6-дан 8 аптаға дейін болады. Өмірге қауіпті инфекциялардың емі жағдайларында тәуліктік дозаны 800 мг дейін арттыруға болады. • Қайталану қаупі жоғары криптококкты менингиті бар пациенттерде қайталануының алдын алу үшін демеуші емде: емдеуші дәрігер анықтаған уақыт ішінде 200 мг тәулігіне бір рет. Кокцидиоидомикоз: 200 - 400 мг тәулігіне бір рет, пациенттің жай-күйіне қарай 11 - 24 ай немесе одан ұзағырақ. Кейбір инфекциялар үшін, әсіресе ми қабығы зақымдануы болғанда, тәулігіне 800 мг доза қарастырылуы үмкін. Инвазиялық кандидоз: бірінші күні қанықтыратын доза 800 мг, одан кейінгі доза - 400 мг тәулігіне бір рет болады. Кандидемия емінің ұзақтығы бойынша жалпы ұсыныстар – пациент қанында кандидемия болуының бірінші теріс нәтижесі алынғаннан кейін және кандидемия белгілері мен симптомдарының толық жойылуынан кейін 2 апта. Шырышты қабықтардың кандидозының емі: • Орофарингеальді кандидоз: бірінші күні қанықтыратын доза 200–400 мг, одан кейінгі доза - 100 - 200 мг 7 – 21 күн бойы тәулігіне бір рет болады (орофарингеальді кандидоз ремиссиясына жеткенше). Иммундық жүйе функциясының ауыр бұзылуы бар пациенттерде емді ұзағырақ уақыт қолдануға болады. • Өңештің кандидозы: бірінші күні қанықтыратын доза 200–400 мг, одан кейінгі доза - 100 - 200 мг 14 - 30 күн бойы тәулігіне бір рет болады (өңеш кандидозы ремиссиясына жеткенше). Иммундық жүйе функциясының ауыр бұзылуы бар пациенттерде емді ұзағырақ уақыт қолдануға болады. • Кандидурия: 200–400 мг 7 - 21 күн бойы тәулігіне бір рет. Иммундық жүйе функциясының ауыр бұзылуы бар пациенттерде емді ұзағырақ уақыт қолдануға болады. • Созылмалы атрофиялық кандидоз: 50 мг 14 күн бойы тәулігіне бір рет • Созылмалы тері-шырышты қабық кандидозы: 50–100 мг 28 күнге дейін тәулігіне бір рет. Инфекцияның ауырлығы дәрежесіне немесе иммундық функцияның қатарлас бұзылуына және инфекцияға байланысты терапияның ұзақ кезеңдерін қолдануға болады Қайталану қаупі жоғары болатын АИТВ инфекциясын жұқтырған пациенттерде шырышты қабықтың кандидозының қайталануының профилактикасы • Орофарингеальді кандидоз: 100–200 мг тәулігіне бір рет немесе 200 мг аптасына 3 рет созылмалы иммуносупрессиясы бар пациенттердегі емдеуші дәрігер анықтаған уақыт ішінде. • Өңештің кандидозы: 100–200 мг тәулігіне бір рет немесе 200 мг аптасына 3 рет созылмалы иммуносупрессиясы бар пациенттердегі емдеуші дәрігер анықтаған уақыт ішінде. Гениталий кандидозы • Жедел қынап кандидозы: 150 мг бір рет. • Кандидозды баланит: 150 мг бір рет. • Қайталанатын қынап кандидозының емі және профилактикасы (жылына 4 немесе одан көбірек көріністер): 150 мг әр үш күн сайын - жиынтығы 3 доза (1 - ші, 4 – ші және 7 – ші күндері), содан кейін 150 мг аптасына бір рет 6 ай бойына демеуші доза. Дерматомикоз • Табан дерматофитиясы, кеуде дерматофитиясы, шап дерматофитиясы, кандидоздар: 150 мг аптасына бір рет немесе 50 мг күніне бір рет 2–4 апта, бірақ табан дерматофитиясын емдеу үшін ұзақтығы 6 аптаға дейінгі ем қажет болуы мүмкін. • Түрлі-түсті теміреткі: 300–400 мг аптасына бір рет 1 - 3 апта немесе 50 мг күніне бір рет 2 - 4 апта ұзақтығымен. • Тырнақ дерматофитиясы (онихомикоз): 150 мг аптасына бір рет. Емді инфекция жұқтырған тырнақтың орнын жаңасы алмастырғанша (инфекция жұқтырмаған тырнақ өскенше) жалғастыру керек. Қол мен аяқтың тырнақтары қалпына келгенше әдетте тиісінше 3-тен 6 айға дейінгі уақыт және 6-дан 12 айға дейінгі уақыт керек. Алайда өсу жылдамдығы әркімде әрқалай және жасына қарай елеулі айырмашылықта болуы мүмкін. Ұзақ созылмалы инфекцияларының емі оң аяқталған кейбір жағдайларда да тырнақтар деформацияланған түрде қалуы мүмкін. Ұзаққа созылған нейтропениясы бар пациенттерде кандидозды инфекциялар профилактикасында: 200–400 мг тәулігіне бір рет. Емді күтілген нейтропения пайда болу алдында бірнеше күн бұрын бастау керек және нейтрофилдер саны мм3 1000 жасушадан астам болғаннан кейін 7 күн бойы жалғастырылуы керек Пациенттердің ерекше топтары Егде жастағы пациенттер Дозасын бүйрек функциясының жай-күйіне байланысты түзету керек («Бүйрек функциясы бұзылуы бар пациенттер» қосалқы бөлімін қараңыз). Бүйрек функциясы бұзылуы бар пациенттер ФУЦИС® өзгермеген әсер етуші зат түрінде көбінесе несеппен шығарылады. Бір реттік қабылдауда дозаны түзету қажет емес. Бүйрек функциясы бұзылған пациенттерде препаратты көп реттік қолдану қажет болғанда 50 мг-ден бастап 400 мг дейінгі бастапқы дозаны енгізу керек (қолданылуына сәйкес ұсынылатын тәуліктік доза негізінде), одан соң бастапқы жүктеме дозадан кейін қабылданатын тәуліктік доза (қолданылуына сәйкес), келесі кестеге сәйкес анықталады: Креатинин клиренсі (мл/мин) — Ұсынылған дозаның пайызы >50 — 100 % ≤50 (гемодиализсіз) — 50 % Гемодиализ — 100 % әрбір гемодиализден кейін Гемодиализде жүрген пациенттер әрбір гемодиализден кейін ұсынылатын дозаны 100% қабылдауы тиіс; диализ жүргізілмейтін күні пациенттер олардың креатинин клиренсіне байланысты азайтылған дозаны қабылдауы тиіс. Бауыр функциясы бұзылуы бар пациенттер ФУЦИС® бауыр функциясының бұзылулары бар пациенттерге сақтықпен қолданылғаны жөн, өйткені флуконазолды пациенттердің осы санатына қолдану жөнінде ақпарат жеткіліксіз. Балалар (7-ден 17 жасқа дейін) Балаларда ең жоғары тәуліктік 400 мг дозадан асырмаған жөн. Ересектерде емдеу ұзақтығы басқа да ұқсас инфекциялардағы сияқты клиникалық және микологиялық жауабына байланысты. ФУЦИС®тәулігіне 1 рет қолданылады. Бүйрек функциясы бұзылған балаларға препаратты дозалау үшін «Бүйрек жеткіліксіздігі бар пациенттер» қараңыз. Бүйрек жеткіліксіздігі бар балаларда флуконазолдың фармакокинетикасы зерттелген жоқ. Қолданылуы — Дозалары — Ұсынымдары Шырышты кандидоз — Бастапқы: 6 мг/кг/тәулігіне Кейінгі: 3 мг/кг/тәулігіне — Бастапқы дозаны қанда препараттың қажетті деңгейіне тез жету үшін бірінші күні қолдануға болады Инвазиялық кандидоз, Криптококкты менингит — 6-12 мг/кг/ тәулігіне — Инфекцияның ауырлығына байланысты Балаларда қайталану қаупі жоғары криптококкты менингит қайталануының профилактикасына арналған демеуші ем — 6 мг/кг/ тәулігіне — Инфекцияның ауырлығына байланысты Иммунитеті төмен пациенттерде кандидоз қайталануының профилактикасы — 3-12 мг/кг/ тәулігіне — Индукцияланған нейтропенияның дәрежесі мен ұзақтығына байланысты (ересектерден қараңыз) Жасөспірімдер (12-ден 17 жасқа дейін): Дене салмағына және пубертатты дамуына байланысты дәрігер қандай дозаның пациент үшін (ересектер немесе балалар үшін) оңтайлы екендігіне баға беруі керек. Клиникалық деректер балаларда, ересектермен салыстырғанда, флуконазолдың клиренсі жоғары екендігін көрсетеді. Ересектерде 100, 200 және 400 мг дозаны және балаларда 3, 6 және 12 мг /кг дозаларды қолдану салыстырмалы ұқсас жүйелі экспозицияға әкеледі. Педиатриялық популяцияда гениталий кандидозына қолданудың қауіпсіздігі мен тиімділігі анықталмаған. Егер жасөспірімдерде (12-ден 17 жасқа дейін) гениталий кандидозын емдеу міндетті болса, дозалануы ересектердегі сияқты болуға тиіс. Енгізу әдісі және жолы Ішке қабылдауға арналған. Дәрігер жасына, дене салмағына және дозасына сәйкес ең қолайлы дәрілік түр мен дозаны тағайындауы тиіс. Таблеткаларды тұтас күйде, стақан сумен ішіп, жұту керек. Таблеткаларды тамақ ішуге қарамастан, ең дұрысы әр күні белгілі бір уақытта қабылдау. Дәрілік препаратты қолдану тәсілін түсіну үшін медицина қызметкерінен кеңес алуға жүгіну жөніндегі нұсқаулар Дәрілік препаратты қабылдамай тұрып алдымен дәрігер кеңесіне жүгініңіз.

- флуконазолға, құрылымы флуконазолға ұқсас азольды заттарға немесе қосымша заттарының кез келгеніне аса жоғары сезімталдық - флуконазолды тәулігіне 400 мг және одан көбірек дозада көп рет қолдану кезінде терфенадинді бір мезгілде қабылдау - цизапридпен, астемизолмен, эритромицинмен, пимозидпен және хинидинмен бір мезгілде қабылдау, өйткені олар QT аралығын ұзартады және P450 (CYP) 3A4 цитохромы арқылы метаболизденеді -тұқым қуалайтын галактоза жақпаушылығы, Lapp (ЛАПП) лактаза тапшылығы немесе глюкоза және галактоза мальабсорбциясы синдромы бар пациенттерге - жүктілік және лактация кезеңі - 7 жасқа дейінгі балалар

Мәлімделген өте жиі жағымсыз реакциялар (>1/10) бас ауыру, құрсақ қуысының ауыруы, диарея, жүректің айнуы, құсу, қан плазмасында АлАТ, АсАТ және СФ деңгейлерінің жоғарылауы және бөртпе болып табылады. Мынадай жағымсыз реакциялар келесі жиілікпен байқалды: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10 000, <1/1000), өте сирек (<1/10 000) және жиілігі белгісіз (қолда бар деректермен баға беру мүмкін емес). Ағзалар жүйесінің класы — Жиі — Жиі емес — Сирек — Белгісіз Қан жүйесі және лимфа жүйесі тарапынан — Анемия — Агранулоцитоз, лейкопения, тромбоцитопения, нейтропения Иммундық жүйе тарапынан — Анафилаксия Метаболизмдік және алиментарлық бұзылулар — Тәбеттің нашарлауы — Гиперхолестеринемия, гипертриглицеридемия, гипокалиемия Психикалық бұзылулар — Ұйқысыздық, ұйқышылдық Жүйке жүйесі тарапынан — Бас ауыру — Құрысулар, парестезиялар, бас айналу, дәмнің бұзылуы — Тремор Есту және тепе-теңдік мүшелері тарапынан — Вертиго Жүрек тарапынан — Пируэт типті пароксизмальді қарыншалық тахикардия, QT аралығының ұзаруы АІЖ тарапынан — Құрсақ қуысының ауыруы, құсу, диарея, жүректің айнуы — Іш қату, диспепсия, метеоризм, ауыздың құрғауы Гепатобилиарлы бұзылулар — АлАТ, АсАТ, СФ деңгейлерінің жоғарылауы. — Холестаз, сарғаю, билирубин деңгейінің жоғарылауы. — Бауыр жеткіліксіздігі, гепатоцеллюлярлы некроз, гепатит, гепатоцеллюлярлы зақымданулар Тері және тері асты тіндері тарапынан — Бөртпе — Дәрі-дәрмектік дерматит*, есекжем,қышыну, қатты терлеу — Уытты эпидермалық некролиз, Стивенс-Джонсон синдромы, жедел жайылған экзантематозды пустулез, эксфолиативті дерматит, ангионевроздық ісіну, беттің ісінуі, алопеция — Эозинофилиямен және жүйелі симптомдармен дәрілік реакция (DRESS-синдром) Тірек-қимыл аппараты және дәнекер тіндер тарапынан — Миалгия Жалпы бұзылулар және енгізген жердегі реакциялар — Қатты қажу, дімкәстік, астения, қызба * тіркелген дәрілік эритеманы қоса Балалар Балалардың қатысуымен жүргізілген клиникалық зерттеулер барысындағы жағымсыз реакциялардың жиілігі мен сипаты және зертханалық талдаулар нәтижелерінің қалыптан ауытқулары ересектердегі осындайларға ұқсас. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жағымсыз әсерлерінің күшеюі. Флуконазолдың артық дозалануы жөнінде мәлімдемелер бар; бір мезгілде елестеулер және параноидтық мінез-құлық жөнінде де мәлімделді. Емі: симптоматикалық демеуші ем жүргізу, қажет болған жағдайда асқазанды шаю керек. Флуконазол несеппен шығарылады, сондықтан қарқынды диурез препараттың шығарылуын жылдамдатуы мүмкін. Ұзақтығы 3 сағаттық гемодиализ сеансы плазмадағы флуконазол деңгейін шамамен 50%-ға төмендетеді. Дәрілік препараттың бір немесе бірнеше дозаларын өткізіп алғанда қажет болатын шаралар Егер осының алдында препаратты қабылдауды өткізіп алған болса, қосарлы дозаны қабылдауға болмайды.

Бастың шаш өскен бөлігінің дерматофитиясы Балаларда бастың шаш өскен бөлігінің микозын емдеу үшін флуконазолды зерттеу нәтижелері бойынша, флуконазолдың тиімділігі гризеофульвиндегі осындайдан аспайды, және тиімділігінің жалпы көрсеткіші <20% құрайды.. Осылайша, бастың шаш өскен бөлігінің дерматофитиясын емдеу үшін ФУЦИС® қолдануға болмайды. Криптококкоз ФУЦИС® препаратының басқа аумақтағы криптококкозды (мысалы, өкпе мен тері криптококкозы) емдеу үшін тиімділігі туралы дәлелденген деректер жеткіліксіз, сондықтан препаратты дозалау бойынша нұсқаулар беру мүмкін емес. Терең эндемиялық микоздар Паракокцидиоидомикоз, тері-лимфа споротрихозы және гистоплазмоз сияқты эндемиялық микоздардың басқа түрлерін емдеуде ФУЦИС® препаратының тиімділігі туралы дәйекті деректер шектеулі, соның салдарынан дозалауға қатысты қандай да бір нұсқаулар беру мүмкін емес. Бүйрек функциясының бұзылуы Бүйрек функциясы бұзылған пациенттерде ФУЦИС® сақтықпен қолданылу керек. Бүйрек үсті безі функциясының бұзылуы Кетоконазол бүйрек үсті безінің жеткіліксіздігін тудыратыны белгілі және сирек жағдайларда, бұл флуконазолды қолданғанда сирек болса да байқалуы мүмкін. Преднизонмен бір мезгілде емдеу кезінде бүйрек үсті безі қыртысының жеткіліксіздігіне қатысты ақпаратты. Бауыр мен өт шығару жолдары функциясының бұзылуы Бауыр функциясы бұзылған пациенттерге ФУЦИС® сақтықпен тағайындалу керек. Сирек жағдайларда, негізінен күрделі қатар жүретін аурулары бар пациенттерде флуконазолды қолдану ауыр гепатоуыттылықпен, оның ішінде өліммен аяқталумен жүреді. Флуконазолмен байланысты гепатоуыттылық жағдайларында жалпы тәуліктік дозамен, емдеу ұзақтығымен, пациенттердің жынысымен немесе жасымен қандай да бір айқын өзара байланыс байқалған жоқ. Флуконазолдың гепатоуыттылығы әдетте қайтымды сипатта болды және емдеу тоқтатылғаннан кейін өтті. Флуконазолмен емдеу кезінде бауыр функциясының зертханалық көрсеткіштерінің ауытқулары бар пациенттер бауырдың анағұрлым ауыр зақымдануының алдын алу мақсатында тұрақты бақылауда болуы тиіс. Емдеуші дәрігер пациенттерге бауыр үшін ауыр зардаптардың тән симптомдары (астения, анорексия, тұрақты жүрек айнуы, құсу және сарғаю) туралы хабарлауы тиіс. Флуконазолды қабылдауды дереу тоқтату керек, ал пациент дәрігерге жүгінуі керек. Жүрек-қантамыр жүйесі Кейбір азолдарды, оның ішінде флуконазолды қолданғанда электрокардиограммада QT аралығының ұзаруы жағдайлары орын алды. Флуконазол түзеткіш калий өзекшелері (Ikr) арқылы ион ағынын тежеу жолымен QT аралығын ұзартады. Басқа дәрілік препараттардан (мысалы, амиодарон) туындаған QT аралығының ұзаруы P-450 CYP3A4 цитохромының тежелуімен күшейтілуі мүмкін. Тіркеуден кейінгі бақылау барысында флуконазол қабылдаған пациенттерде QT аралығы ұзаруының және полиморфты қарыншалық тахикардияның (torsades de pointes) өте сирек жағдайлары тіркелді. Осы жағдайлардың ішінде көптеген қауіпті факторлары бар науқасы ауыр пациенттер туралы хабарламалар болды, мысалы, құрылымдық жүрек ауруы, электролиттік бұзылулар және жағдайға әсер етуі мүмкін қатарлас препараттар. Гипокалиемиясы және ауыр жүрек жеткіліксіздігі бар пациенттерде өмірге қауіп төндіретін қарыншалық аритмия және полиморфты қарыншалық тахикардия қаупі жоғары (torsades de pointes). ФУЦИС® потенциалды проаритмиялық жағдайлары бар пациенттерге сақтықпен тағайындалу керек. Оның QT аралығын ұлғайтатыны және P-450 CYP3A4 цитохромының көмегімен метаболизденетіні белгілі басқа дәрілік препараттарды бір мезгілде қолдануға болмайды. Галофантрин Галофантрин ұсынылған емдік дозада QTс аралығын ұлғайтады және CYP3A4 субстраты болып табылады. Сондықтан флуконазол мен галофантринді бір мезгілде қолдану ұсынылмайды. Тері реакциялары Флуконазолмен емдеу кезінде сирек жағдайларда пациенттерде Стивенс - Джонсон синдромы және уытты эпидермалық некролиз сияқты эксфолиативті тері реакциялары дамиды. Эозинофилиямен және жүйелі симптомдармен дәрілік реакция (DRESS-синдром) жағдайлары туралы хабарланды. ЖИТС ауыратын пациенттер көптеген дәрілік препараттарға ауыр тері реакцияларының дамуына бейім. Егер беткейлік зеңдік инфекциясынан емделіп жатқан пациентте флуконазолдың әсеріне жатқызуға болатын бөртпе пайда болса, осы дәрілік препаратпен емдеуді тоқтату керек. Инвазиялық/жүйелі зеңдік инфекциялары бар пациенттерде бөртпе туындаған кезде буллезді зақымданулар немесе көп формалы эритема дамыған жағдайда оларға мұқият бақылау жүргізу және флуконазолды тоқтату керек. Аса жоғары сезімталдық Анафилаксиялық реакцияның сирек жағдайлары тіркелді. Цитохром P-450 Флуконазол CYP2C9 изоферменті мен CYP3A4 изоферментінің орташа тежегіші, сондай-ақ CYP2C19 изоферментінің күшті тежегіші болып табылады. ФУЦИС® CYP2C9, CYP2C19 және CYP3A4 изоферменттерімен метаболизденетін терапиялық диапазоны тар дәрілік препараттармен бір мезгілде қабылдайтын пациенттерге бақылау жүргізген жөн. Терфенадин Флуконазолды тәулігіне 400 мг-ден аз дозада және терфенадинді бір мезгілде қолдануды емдеуші дәрігердің мұқият қадағалауымен жүргізген жөн. Кандидоз Зерттеулер C. albicans-тен ерекшеленетін Candida түрлері тудыратын инфекциялардың үдемелі таралғыштығын көрсетті. Олар шығу тегі бойынша көбіне төзімді (мысалы, C. krusei және C. auris) немесе флуконазолға төмен сезімталдықты (C. glabrata) көрсетеді. Мұндай инфекциялар емдеудің тиімсіздігіне байланысты зеңге қарсы баламалы терапияны қажет етуі мүмкін. Сондықтан дәрігерлерге Candida әр түрлерінде флуконазолға төзімділіктің таралуын ескеру ұсынылады. Қосымша заттар ФУЦИС® таблеткалары құрамында лактоза моногидраты бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактозаның мальабсорбциясы бар адамдарға қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратты қолданған кезде бас айналудың немесе құрысулардың дамуы мүмкін екені жөнінде пациенттерге мәлімдеу керек. Мұндай симптомдар дамыған кезде көлік құралдарын басқару немесе басқа механизмдермен жұмыс істеу ұсынылмайды.

Егер Сіз жүкті болсаңыз немесе бала емізіп жүрсеңіз, жүктілікті жоспарласаңыз немесе жүктімін деп ойласаңыз, осы препаратты қабылдауды бастар алдында дәрігермен немесе фармацевтпен кеңесіңіз. Егер Сіз жүкті болсаңыз, жүктімін деп ойласаңыз немесе жүкті болуды жоспарласаңыз дәрігер тағайындаған жағдайларда болмаса, ФУЦИС® қабылдауға болмайды. Егер Сіз осы препаратты қолдану кезінде немесе оның соңғы дозасын қабылдағаннан кейін 1 апта ішінде жүкті болсаңыз, дәрігерге жүгініңіз. Флуконазол жүктіліктің бірінші триместрінде қабылданса түсік тастау қаупін арттыруы мүмкін. Бірінші триместрде төмен дозада қабылданған Флуконазол сүйегін және/немесе бұлшықетін зақымдайтын даму ақаулары бар сәбидің туу қаупін аздап арттыруы мүмкін. Сіз ФУЦИС® дәрілік препаратының 150 мг бір дозасын қабылдағаннан кейін емізуді жалғастыра аласыз. Егер Сіз ФУЦИС® дәрілік препаратының бірнеше дозасын қабылдасаңыз, баланы емізуге болмайды.

Төменде көрсетілген дәрілік заттармен біріктіріп қолдануға болмайды. Цизаприд: флуконазол мен цизапридті бір мезгілде қабылдап жүрген пациенттерде жүрек тарапынан жағымсыз реакциялардың, соның ішінде пируэт типті пароксизмальді қарыншалық тахикардияның дамығаны жөнінде мәлімделді. Бақыланған зерттеу нәтижелері тәулігіне 1 рет 200 мг флуконазолды және тәулігіне 4 рет 20 мг цизапридті бір мезгілде қолданудың қан плазмасында цизаприд деңгейінің едәуір жоғарылауына және QT аралығының ұзаруына әкелгенін көрсетті. Флуконазол мен цизапридті бір мезгілде қолдануға болмайды. Терфенадин: зеңге қарсы азолды дәрілік заттарды терфенадинмен бір мезгілде қолданып жүрген пациенттерде QT аралығының ұзаруынан туындаған жүректің ауыр аритмияларының даму жағдайлары бар болғандықтан, осы препараттардың өзара әрекеттесулеріне зерттеулер жүргізілді. Бір зерттеу барысында тәулігіне 200 мг доза флуконазолды қолданғанда QT аралығының ұзаруы байқалған жоқ. Флуконазолды тәулігіне 400 және 800 мг дозаларда қолдануға қатысты басқа зерттеу деректері флуконазолды тәулігіне ≥400 мг дозада қабылдау осы препараттарды бір мезгілде қолданғанда қан плазмасында терфенадин деңгейін едәуір жоғарылататынын көрсетті. Тәулігіне ≥400 мг доза флуконазолды терфенадинмен біріктіріп қолдануға болмайды. Тәулігіне <400 мг доза флуконазолды терфенадинмен бір мезгілде қолданғанда пациенттің жағдайына мұқият мониторинг жүргізген жөн. Астемизол: флуконазол мен астемизолды біріктіріп қолдану астемизолдың клиренсін төмендетуі мүмкін. Осыдан туындаған қан плазмасындағы астемизол концентрациясының жоғарылауы QT аралығының ұзаруына және сирек жағдайларда пируэт типті пароксизмальді қарыншалық тахикардияға әкеп соғуы мүмкін. Флуконазол мен астемизолды бір мезгілде қолдануға болмайды. Пимозид: тиісті in vitro және in vivo зерттеулері жүргізілмесе де, флуконазол мен пимозидті біріктіріп қолдану пимозид метаболизмінің бәсеңдеуіне әкелуі мүмкін. Қан плазмасында пимозид концентрациясының жоғарылауы QT аралығын ұзартуы және сирек жағдайларда пируэт типті пароксизмальді қарыншалық тахикардияның дамуына әкеп соғуы мүмкін. Флуконазол мен пимозидті бір мезгілде қолдануға болмайды. Хинидин: тиісті in vitro және in vivo зерттеулері жүргізілмесе де, флуконазол мен хинидинді біріктіріп қолдану хинидиннің метаболизмінің бәсеңдеуіне әкеп соғуы мүмкін. Қан плазмасында хинидин концентрациясының жоғарылауы QT аралығын ұзартуы және сирек жағдайларда пируэт типті пароксизмальді қарыншалық тахикардияның дамуына әкеп соғуы мүмкін. Флуконазол мен хинидинді бір мезгілде қолдануға болмайды. Эритромицин: флуконазол мен эритромицинді бір мезгілде қолдану кардиоуыттылықтың (QT аралығының ұзаруы, пируэт типті пароксизмальді қарыншалық тахикардия) даму қаупінің жоғарылауына әлеуетті түрде әкеп соғады және, соның салдары ретінде, жүректен кенет өліп кетуге әкелуі мүмкін. Флуконазол мен эритромицинді бір мезгілде қолдануға болмайды. Флуконазолды және төменде көрсетілген дәрілік заттарды бір мезгілде қолдану ұсынылмайды. Галофантрин: Флуконазол CYP3A4 бәсеңдеуі есебінен қан плазмасында галофантрин концентрациясының жоғарылауын туындатуы мүмкін. Флуконазол мен галофантринді бір мезгілде қолдану кардиоуыттылықтың (QT аралығының ұзаруы, пируэт типті пароксизмальді қарыншалық тахикардия) даму қаупінің жоғарылауына әлеуетті түрде әкеп соғады және соның салдары ретінде, жүректен кенет өліп кетуге әкелуі мүмкін. Осы дәрілік заттарды біріктіріп қолдануға жол бермеген жөн. Амиодарон: Флуконазолды амиодаронмен бір мезгілде қолдану QT аралығының ұзаруымен қатар жүруі мүмкін. Екі препаратты, әсіресе жоғары дозалардағы (800 мг) флуконазолмен біріктірген кезде сақтық танытқан жөн. Флуконазолды және төменде көрсетілген дәрілік заттарды біріктіріп қолдану сақтықты және дозаларды түзетуді қажет етеді. Басқа дәрілік заттардың флуконазолға ықпалы Рифампицин: Флуконазол мен рифампицинді бір мезгілде қолдану флуконазолдың AUC мәнінің 25%-ға азаюына және жартылай шығарылу кезеңінің 20%-ға қысқаруына әкелді. Сондықтан рифампицин қабылдап жүрген пациенттер үшін флуконазолдың дозасын жоғарылатудың мақсатқа лайықтылығын қарастырған жөн. Өзара әрекеттесулеріне жүргізілген зерттеулер флуконазолды тамақпен, циметидинмен, антацидтермен бір мезгілде қабылдау немесе сүйек кемігін ауыстырып салу үшін әрі қарай бүкіл денені сәулелендіру флуконазолдың сіңуіне, оны ішу арқылы қолданғанда, клиникалық тұрғыдан маңызды ықпалының жоқтығын көрсетті. Гидрохлоротиазид: Фармакокинетикалық өзара әрекеттесулерге жүргізілген зерттеулер флуконазол қабылдап жүрген дені сау еріктілерде гидрохлортиазидтің көп реттік дозаларын бір мезгілде қолдану соңғысының қан плазмасындағы концентрациясының 40%-ға жоғарылауына әкелгенін анықтады. Мұндай әрекеттесудің әсері диуретиктерді бір мезгілде қабылдап жүрген субъектілерде флуконазолдың дозалану режимін өзгертудің қажеттілігіне себеп болмауы тиіс. Флуконазолдың басқа дәрілік заттарға ықпалы. Флуконазол P450 (CYP) цитохромының 2C9 изоферментінің күшті тежегіші және CYP3A4 изоферментінің орташа тежегіші болып табылады. Сондай-ақ флуконазол CYP2C19 изоферментінің де тежегіші болып табылады. Төменде сипатталған белгіленген/құжатты түрде дәлелденген өзара әрекеттесулерден басқа, флуконазолмен бір мезгілде қолданғанда CYP2C9, CYP2C19 және CYP3A4 арқылы метаболизденетін басқа да қосылыстардың қан плазмасындағы концентрацияларының жоғарылау қаупі бар. Сондықтан препараттардың мұндай біріктірілімдерін сақтықпен қолданған жөн; мұндайда пациенттердің жағдайларын мұқият қадағалау қажет. Флуконазолдың ферменттерді бәсеңдететін әсері, жартылай шығарылу кезеңінің ұзақтығына байланысты, флуконазолды қолдануды тоқтатқаннан кейін 4–5 тәулік бойы сақталады. Альфентанил: 400 мг доза флуконазолды және 20 мкг/кг доза альфентанилді вена ішіне бір мезгілде қолданғанда, CYP3A4 тежелуінен болуы мүмкін, дені сау еріктілерде AUC10 мәнінің екі есе артқаны байқалды. Альфентанил дозасын түзету қажет болуы мүмкін. Амитриптилин, нортриптилин: Флуконазол амитриптилиннің және нортриптилиннің әсерін күшейтеді. Біріктірілген емнің бас кезінде және емдеуден кейін 1 аптадан соң 5-нортриптилиннің және/немесе S-амитриптилиннің концентрацияларын анықтау ұсынылады. Қажет болған кезде амитриптилин/нортриптилин дозасын түзеткен жөн. Амфотерицин В: Иммунитеті қалыпты және төмен, инфекция жұқтырған тышқандарға флуконазол мен амфотерицин В бір мезгілде қолдану мынадай нәтижеге әкелді: C. аlbicans жүйелі инфекциясында зеңге қарсы аздаған аддитивті әсері білінді, бассүйекішілік Cryptococcus neoformans инфекцияларында өзара әрекеттесулер болған жоқ және Aspergillus fumigatus жүйелі инфекцияларында екі препараттың антагонизмі. Осы зерттеулер барысында алынған нәтижелердің клиникалық маңызы белгісіз. Антикоагулянттар: Постмаркетингтік қолдану тәжірибесі зеңге қарсы басқа азолды дәрілерді қолданғанда да, флуконазол мен варфаринді бір мезгілде қабылдағанда да протромбин уақытының артуымен біріккен қан кетулердің (гематомалар, мұрыннан қан кету, асқазан-ішектік қан кетулер, гематурия және мелена) дамығаны жөнінде мәлімделгенін көрсетті. Флуконазол мен варфаринді бір мезгілде қолданғанда, CYP2С9 арқылы варфарин метаболизмінің бәсеңдеуі салдарынан, протромбин уақытының екі есе артуы байқалды. Кумаринді қатардың антикоагулянттары немесе индандионды антикоагулянттарды флуконазолмен бір мезгілде қабылдап жүрген пациенттерде протромбин уақытын мұқият бақылаған жөн. Антикоагулянттың дозасын түзету қажет етілуі мүмкін. Бензодиазепиндер (қысқа әсерлі), мысалы мидазолам, триазолам: Мидазоламды ішу арқылы қолданудан кейін флуконазолды тағайындау мидазолам концентрациясының едәуір жоғарылауына және психомоторлы әсерлердің күшеюіне әкелді. 200 мг доза флуконазолды және ішуге арналған 7,5 мг доза мидазоламды бір мезгілде қолдану AUC мәнінің және жартылай шығарылу кезеңінің, сәйкесінше, 3,7 және 2,2 есе артуына әкелді. Тәулігіне 200 мг доза флуконазолды және ішуге арналған 0,25 мг триазоламды қолдану триазоламның AUC мәнінің және жартылай шығарылу кезеңінің, сәйкесінше, 4,4 және 2,3 есе артуына әкелді. Флуконазол мен триазоламды бір мезгілде қолданғанда триазолам әсерінің көтермеленуі және ұзаққа созылуы байқалды. Егер пациент флуконазолмен емделу курсынан өтіп жүрсе, бензодиазепиндермен емдеуді бір мезгілде тағайындау қажет, соңғысының дозасын төмендету және пациенттің жағдайын мұқият қадағалаған жөн. Карбамазепин: Флуконазол карбамазепиннің метаболизмін бәсеңдетеді және қан сарысуында карбамазепин деңгейін 30%-ға арттырады. Карбамазепин тарапынан уыттылық біліністерінің даму қаупі бар. Карбамазепиннің дозасын, оның концентрациясының деңгейіне және препараттың әсеріне байланысты, түзету қажет болуы мүмкін. Кальций өзекшелерінің блокаторлары: Кальцийдің кейбір антагонистері (нифедипин, исрадипин, амлодипин, верапамил және фелодипин) CYP3A4 ферментімен метаболизденеді. Флуконазол әлеуетті түрде кальций өзекшелері блокаторларының жүйелі экспозициясын арттыруы мүмкін. Жағымсыз рекциялардың дамуын мұқият қадағалау ұсынылады. Целекоксиб: Флуконазолды (тәулігіне 200 мг) және целекоксибті (200 мг) бір мезгілде қолданғанда целекоксибтің Cmax және AUC мәндері, сәйкесінше, 68%-ға және 134%-ға артты. Целекоксиб пен флуконазолды бір мезгілде қолданғанда целекоксибтің дозасын екі есе төмендету қажет болуы мүмкін. Циклофосфамид: Циклофосфамид пен флуконазолды бір мезгілде қолдану қан плазмасында билирубин мен және креатинин деңгейлерінің жоғарылауына әкеледі. Қан плазмасындағы билирубин мен креатинин концентрацияларының жоғарылау қаупін ескеріп, бұл препараттарды бір мезгілде қолдануға болады. Фентанил: Фентанил мен флуконазолдың ықтимал өзара әрекеттесуіне байланысты, фентанилмен уыттану салдарынан, өліммен аяқталған бір жағдай мәлімделді. Бұған қоса, дені сау еріктілердің қатысуымен жүргізілген зерттеулерде флуконазол фентанилдің элиминациясын едәуір баяулатқанын көрсетті. Фентанил концентрациясының жоғарылауы тыныстың тарылуына әкеп соғуы мүмкін. Тыныс алу жеткіліксіздігінің әлеуетті даму қаупі бар болғандықтан, пациенттің жағдайын мұқият қадағалаған жөн. Фентанил дозасын түзету қажет болуы мүмкін. ГМГ-КоА-редуктаза тежегіштері: Флуконазолды және CYP3A4 арқылы метаболизденетін ГМГ-КоА-редуктаза тежегіштерін (аторвастатин және симвастатин), немесе CYP2C9 арқылы метаболизденетін ГМГ-КоА-редуктаза тежегіштерін (флувастатин) бір мезгілде қолдану миопатияның және рабдомиолиздің даму қаупін арттырады. Осы препараттарды бір мезгілде қолдану қажет болғанда миопатия және рабдомиолиз симптомдарының пайда болуына қатысты пациентті мұқият қадағалаған және креатинкиназа деңгейіне мониторинг жүргізген жөн. Креатинкиназа деңгейі жоғарылаған жағдайда, сондай-ақ миопатия/рабдомиолиз диагностикаланғанда немесе оған күдіктенгенде ГМГ-КоА-редуктаза тежегіштерін қолдануды тоқтату керек. Ибрутиниб: флуконазол сияқты CYP3A4 орташа тежегіштері ибрутинибтің плазмадағы концентрациясын арттырады және уыттылық қаупін жоғарылатуы мүмкін. Егер препараттарды біріктіріп қолдануға тура келсе, тежегішті қолдану кезеңінде ибрутинибтің дозасын тәулігіне бір рет 280 мг (екі капсулаға) дейін азайтыңыз және мұқият клиникалық мониторингті қамтамасыз етіңіз. Ивакафтор: ивакафтормен, муковисцидозда трансжарғақша өткізгіштігінің реттегішімен бір мезгілде қолданғанда ивафактордың концентрациясы 3 есе және гидроксиметил-ивакафтордың концентрациясы (М1) 1,9 есе артты. Флуконазол және эритромицин сияқты CYP3A ферментінің орта тежегіштерін бір мезгілде қабылдап жүрген пациенттерде ивакафтордың дозасын тәулігіне 150 мг-ге дейін төмендету ұсынылады. Олапариб: CYP3A4 орташа тежегіштері, флуконазол сияқты, олапарибтің плазмадағы концентрациясын жоғарылатады. Бір мезгілде пайдалану ұсынылмайды. Егер препараттарды біріктіріп қолдануға тура келсе, олапарибтің дозасын тәулігіне екі рет 200 мг дейін азайту керек. Иммуносупрессорлар (мысалы, циклоспорин, эверолимус, сиролимус және такролимус): Циклоспорин: Флуконазол циклоспориннің концентрациясын және AUC мәнін едәуір арттырады. Тәулігіне 200 мг доза флуконазолды және тәулігіне 2,7 мг/кг доза циклоспоринді бір мезгілде қолданғанда циклоспориннің AUC мәнінің 1,8 есе артқаны тіркелді. Бұл препараттарды циклоспориннің дозасын концентрациясына байланысты төмендеткен жағдайда бір мезгілде қолдануға болады. Эверолимус: in vitro және in vivo зерттеулер жүргізілмесе де, флуконазол CYP3А4 бәсеңдету арқылы қан плазмасында эверолимустың концентрациясын арттыруы мүмкін. Сиролимус: Флуконазол қан плазмасында сиролимустың концентрациясын CYP3A4 ферментімен және P-гликопротеинмен сиролимустың метаболизмін бәсеңдету жолымен арттыруы мүмкін. Бұл препараттарды сиролимустың дозасын концентрациясына және препараттың әсеріне байланысты түзеткен жағдайда бір мезгілде қолдануға болады. Такролимус: Флуконазол, оны ішекте CYP3A4 ферментімен такролимустың метаболизмін бәсеңдету жолымен ішу арқылы қолданғанда, қан плазмасында такролимустың концентрациясын 5 есе арттыруы мүмкін. Такролимусты в/і қолданғанда фармакокинетикасында елеулі өзгерістер байқалған жоқ. Такролимустың жоғары деңгейі нефроуыттылықпен астасады. Пероральді қолдануға арналған такролимустың дозасын такролимустың концентрациясына байланысты төмендеткен жөн. Лозартан: Флуконазол лозартанның метаболизмін оның белсенді метаболитіне дейін (E3174) бәсеңдетеді, ол негізінен лозартанды қолданған кезде ангиотензин II рецепторларына антагонизмімен жүзеге асады. Пациенттерде АҚ ұдайы мониторингілеуді жүзеге асыру ұсынылады. Метадон: Флуконазол қан плазмасында метадонның концентрациясын арттыруы мүмкін. Метадонның дозасын түзету қажет болуы мүмкін. Қабынуға қарсы стероидты емес препараттар: Флуконазолмен бір мезгілде қолданғанда, флурбипрофенді ғана қолданған кездегі ұқсас көрсеткіштермен салыстырғанда, флурбипрофеннің Cmax және AUC мәндері, сәйкесінше, 23 және 81%-ға жоғарылады. Флуконазолды рацемиялық ибупрофенмен (400 мг) бір мезгілде қолданғанда, тек рацемиялық ибупрофенді қолданған кездегі ұқсас көрсеткіштермен салыстырғанда ибупрофеннің фармакологиялық белсенді S–(+) изомерінің Cmax және AUC мәндері, сәйкесінше, 15 және 82%-ға жоғарылады. Арнайы зерттеулер жүргізілмесе де, флуконазол CYP2C9 арқылы метаболизденетін басқа да ҚҚСП-тің (мысалы, напроксеннің, лорноксикамның, мелоксикамның, диклофенактің) жүйелік экспозициясын арттыруға әлеуетті түрде қабілетті. ҚҚСП-пен байланысты жағымсыз реакцияларға және уытты біліністерге жиі мониторинг жасауды жүзеге асыру ұсынылады. ҚҚСП дозасын түзету керек болуы мүмкін. Фенитоин: Флуконазол бауырда фенитоинның метаболизмін бәсеңдетеді. 200 мг флуконазолды және 250 мг фенитоинды в/і көп рет бір мезгілде қолдану фенитоинның AUC24 75%-ға және Сmin 128%-ға артуына әкелді. Осы дәрілік заттарды бір мезгілде қолданғанда фенитоинның уытты әсерінің дамуының бар-жоқтығын анықтау үшін қан плазмасында фенитоинның концентрациясына мониторинг жүргізген жөн. Преднизон: Бауыр трансплантациясынан кейін пациентте преднизонды қолдану аясында флуконазолмен 3 айлық емдеу курсын тоқтатқаннан кейін бүйрекүсті безі қыртысының жедел жеткіліксіздігінің даму жағдайлары жөнінде мәлімделді. Флуконазолды қолдануды тоқтату CYP3A4 белсенділігінің жоғарылауына әкелуі мүмкін, бұл преднизонның метаболизмін жылдамдатты. Флуконазол мен преднизонды ұзақ уақыт бойы біріктіріп қолданған пациенттерді, флуконазолды тоқтатқаннан кейін бүйрекүсті безі қыртысы жеткіліксіздігінің дамуына жол бермеу мақсатында, мұқият қадағалаған жөн. Рифабутин: Флуконазол қан плазмасында рифабутиннің концентрациясын арттырады, ол рифабутиннің AUС мәнінің 80%-ға артуына әкеледі. Флуконазол мен рифабутинді бір мезгілде қолданғанда увеиттің даму жағдайлары жөнінде мәлімделді. Дәрілік заттардың осындай біріктірілімін қолданған кезде рифабутиннің уытты әсерінің симптомдарын ескерген жөн. Саквинавир: Флуконазол бауырда саквинавирдің метаболизмін CYP3A4 ферментімен бәсеңдету және P-гликопротеинді тежеу жолымен саквинавирдің AUC және Cmax мәндерін, сәйкесінше, шамамен 50%-ға және 55%-ға арттырады. Саквинавирмен/ритонавирмен өзара әрекеттесулері зерттелген жоқ, сондықтан олар айқынырақ болуы мүмкін. Саквинавирдің дозасын түзету қажет болуы мүмкін. Сульфонилмочевина туындылары: Дені сау еріктілерге бір мезгілде қолданған кезде флуконазол сульфонилмочевинаның ішуге арналған туындыларының (хлорпропамид, глибенкламид, глипизид және толбутамид) сарысудан жартылай шығарылу кезеңін ұзартады. Флуконазолмен бір мезгілде қолданғанда қандағы глюкозаға жиі бақылау жүргізу және сульфонилмочевина туындыларының дозасын тиісінше төмендету ұсынылады. Теофиллин: Препараттардың өзара әрекеттесуіне жүргізілген плацебо-бақыланатын зерттеулерде 14 күн бойы 200 мг флуконазолды қолдану қан плазмасындағы теофиллиннің орташа клиренсінің 18%-ға төмендеуіне әкелді. Теофиллинді жоғары дозаларда қолданып жүрген немесе басқа себептерге байланысты теофиллиннің уытты біліністерінің даму қаупі жоғарылаған пациенттерді, флуконазолды қолданған кезде теофиллиннің уытты әсерлерінің белгілерін анықтау тұрғысынан, мұқият қадағалаған жөн. Уыттылық белгілері пайда болған кезде емдеуді өзгерту керек. Тофацитиниб: тофацитинибті флуконазолмен бірге қолданған кезде тофацитинибтің әсері ұлғаяды, олар CYP3A4 орташа басылуына, және CYP2C19 күшті басылуына (мысалы, флуконазол) әкеледі, сондықтан осы препараттармен біріктіргенде тофацитинибтің дозасын күніне бір рет 5 мг дейін азайту ұсынылады. Қабіршөп алкалоиды: ФУЦИС® қабіршөп алкалоидының (мысалы, винкристин және винбластин) плазмалық деңгейлерін арттыруы және, CYP3A4-ке тежегіш әсеріне байланысты, нейроуыттылыққа әкелуі мүмкін. А дәрумені: Клиникалық тәжірибеде трансретиной қышқылын (A дәруменінің қышқылдық түрі) және флуконазолды бір мезгілде қабылдаған пациентте мидың жалған ісігі түріндегі ОЖЖ тарапынан жағымсыз реакциялардың пайда болғаны хабарланды, ол флуконазолды тоқтатқаннан кейін жойылған. Бұл дәрілік заттарды бір мезгілде қолдануға болады, бірақ ОЖЖ тарапынан жағымсыз реакциялардың даму қаупін есте ұстау керек. Вориконазол (CYP2C9, CYP2C19 және CYP3A4 изоферменттерінің тежегіші): вориконазолды (алғашқы күні әрбір 12 сағат сайын 400 мг-ден, содан кейін 2,5 күн бойы әрбір 12 сағат сайын 200 мг) және флуконазолды алғашқы күні (400 мг, содан кейін 200 мг-ден 4 күн бойы әрбір 24 сағат сайын) ішке бір мезгілде қолдану дені сау 8 ерікті еркекте вориконазолдың концентрациясының және AUC мәнінің, сәйкесінше, 57%-ға (90% C1: 20%, 107%) және 79%-ға (90% C1: 40%, 128%) артуына әкелді. Бұл әсер дозаны және/немесе препараттардың кез келгенін қабылдау санын азайтқан кезде сақталатынын көрсетті. Вориконазолды флуконазолдан кейін бірден қабылдағанда вориконазолмен астасқан жағымсыз реакцияларға мониторинг жүргізу ұсынылған. Зидовудин: Флуконазол зидовудиннің Сmax және AUC мәндерін, сәйкесінше, 84 және 74%-ға арттырады, бұл пероральді қолданған кезде зидовудин клиренсінің шамамен 45%-ға төмендеуінен болады. Флуконазолмен біріктіріп қолданғаннан кейін зидовудиннің жартылай шығарылу кезеңі де шамамен 128%-ға ұзарды. Дәрілік заттардың осындай біріктірілімін қолданып жүрген пациенттерді, зидовудинді қолданумен байланысты жағымсыз реакциялардың дамуына қатысты, бақылауға алған жөн. Зидовудиннің дозасын төмендетудің мақсатқа лайықтылығын қарастыруға болады. Азитромицин: дені сау 18 ерікті қатысқан ашық рандомизацияланған үш жақты айқаспалы зерттеу барысында азитромициннің және флуконазолдың, сәйкесінше, 1200 және 800 мг дозаларын бір мезгілде бір реттік ішу арқылы қолданғанда, олардың бір-бірінің фармакокинетикасына ықпалына баға берілді. Ешқандай маңызды фармакокинетикалық өзара әрекеттесулер байқалған жоқ. Оральді контрацептивтер: біріктірілген оральді контрацептивтерді және флуконазолдың көп реттік дозасын бірге қолдануға кинетикалық екі зерттеу жүргізілді. Флуконазолдың 50 мг дозасында гормондардың деңгейіне елеулі әсерлері байқалмады, бірақ тәулігіне 200 мг дозада этинил эстрадиолдың және левоноргестрелдің AUC мәндері, сәйкесінше, 40%-ға және 24%-ға артты. Сонымен, флуконазолды осындай дозаларда көп реттік қолдану біріктірілген оральді контрацептивтердің тиімділігіне ықпалын тигізуі екіталай.

Сақтау мерзімі 4 жыл. Жарамдылық мерзімі өткеннен кейін қолдануға болмайды Сақтау шарттары Түпнұсқалық қаптамасында, 25оС-ден аспайтын температурада сақтау керек. Балалардың қолы жетпейтін жерде сақтау керек!