Хепель® Н таблетки

Бір таблетканың құрамында белсенді заттар: Chelidonium majus D6 — 30.0 мг Citrullus colocynthis D6 — 90.0 мг Myristica fragrans D4 — 30.0 мг Phosphorus D6 — 15.0 мг Veratrum album D6 — 60.0 мг Cinchona pubescens D3 — 30.0 мг Lycopodium clavatum D3 — 30.0 мг Silybum marianum D2 — 15.0 мг қосымша зат - магний стеараты. Сыртқы түрінің, иісінің, дәмінің сипаттамасы Ақ түстен қызыл сары-ақ түске дейін болатын, дөңгелек пішінді, беті тегіс, иіссізден сәл тәтті хош иісі бар таблеткалар, кейде бетінде қызыл сары теңбілдер көрінуі мүмкін.

Бауыр қызметінің алғашқы және екінші қайтара болған бұзылуларында. Бұл гомеопатиялық препаратты жоғарыда аталған салаларда қолдану тек қана гомеопатиялық тәжірибеге негізделген. Бұл аурулардың асқынған жағдайларында клиникалық тексерілген терапия тағайындалады.

Хепель Н – кешенді гомеопатиялық препарат. Гепатопротекторлы, спазмолитикалық, өт айдағыш, қабынуға қарсы, диареяға қарсы әсерлері бар, олар препараттың құрамына кіретін заттардың есебінен, организмнің қорғаныш күштерін белсенділендіруге және бұзылған функциясын қалыпқа келтіруге негізделеді.

Дозалау режимі Стандартты доза: Ересектерге бір реттік доза: 1 таблеткадан. Бір реттік дозаны тамақтанудан 15-20 минут бұрын немесе тамақтанудан кейін 1 сағаттан соң күніне 3 рет қабылдау керек. Жедел жағдайлардағы доза: Ауру жедел басталған жағдайда бір реттік дозаны әрбір 15 минут сайын 2 сағат бойы қабылдау керек. Әрі қарай күніне 3 рет қабылдауға көшу керек. Енгізу әдісі және жолы Сублингвальді. Таблетканы тіл астына толық сорғанға дейін ұстау керек. Емдеу ұзақтығы Емдеу курсы жедел ағымды ауруларда – 7-14 күн, созылмалы ауруларда – 2-6 апта. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Егер сізде осы препаратты пайдалану туралы басқа сұрақтар туындаса, дәрігеріңізден немесе медициналық қызметкерден сұраңыз.

- белсенді затқа (заттарға), соның ішінде Carduus marianus немесе күрделі гүлділер (Asteraceae) тұқымдасына жататын өсімдіктерге, хининге аса жоғары сезімталдық. - жүктілік және лактация кезеңі.

Барлық дәрілер сияқты бұл гомеопатиялық дәрі жағымсыз әсерлерді тудыруы мүмкін. Жекелеген жағдайларда қысқа мерзімді терінің аллергиялық реакциялары туралы хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Бірде-бір препараттың артық дозалану жағдайы тіркелмеген және гомеопатиялық сұйылтуға байланысты күтілмейді.

Арнайы сақтандырулар Препаратты жасап шығарғанда лактоза пайдаланылады. Лактозаны көтере алмаушылығы, Lapp-лактаза ферментінің тапшылығы, глюкоза-галактоза мальабсорбциясы бар пациенттерге препаратты қабылдауға болмайды. Анамнезде күрделі бауыр ауруы бар пациенттерге, препаратты қабылдар алдында дәрігермен кеңескен жөн. Егер симптомдары тұрақты сақталса немесе нашарласа, дәрігерден кеңес алған жөн. Препаратты қолданар алдында, гомеопатияда тәжірибесі бар дәрігермен кеңесіңіз. Педиатрияда қолданылуы Осы препаратты балаларға қолдану тәжірибесі құжаттық тұрғыдан жеткілікті айғақталмағандықтан, 18 жасқа дейінгі балаларға препаратты қолдануға болмайды.

Жүктілік және емшек емізу кезінде қолдануға болмайды. Препараттың көлікті немесе қауіптілігі зор механизмдерді басқару қабілетіне ықпал ету ерекшеліктері Белгісіз.

Өзара әрекеттесу белгісіз. Өзара әрекеттесуді бағалау үшін зерттеулер жүргізілген жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында 30 С-ден аспайтын температурада сақтау керек. Балалардың қолы жетпейтін жерде сақтау керек!