Хиконцил Комби таблетки 875 мг/125 мг

Бір таблетканың құрамында белсенді заттар: 573,892 мг немесе 1004,310 мг амоксициллин тригидраты (сәйкесінше, 500 мг немесе 875 мг амоксициллинге баламалы), калий клавуланаты+микрокристалды целлюлоза (1:1) 303,834 мг (151,917 мг калий клавуланатына немесе 125,00 мг клавулан қышқылына баламалы), қосымша заттар: микрокристалды целлюлоза, магний стеараты, сусыз коллоидты кремнийдің қостотығы, натрий крахмалы гликолаты А типі, үлбірлі қабық: Опадри Ақ Y-1-7000 (құрамы: гидроксипропилметилцеллюлоза (НРМС) 2910/гипромеллоза 5сР, титанның қостотығы (Е171), макрогол/PЕG 400) Сыртқы түрінің, иісінің, дәмінің сипаттамасы Капсула тәрізді пішінді, үлбірлі қабықпен қапталған, бір жақ бетінде «I 06» өрнегі бар және келесі беті тегіс, ақ түсті таблеткалар (500 мг/125 мг дозасы үшін). Капсула тәрізді пішінді, үлбірлі қабықпен қапталған, бір жақ бетінде «I 07» өрнегі бар және келесі беті тегіс, ақ түсті таблеткалар (875 мг/125 мг дозасы үшін).

• жедел бактериялық синуситте (диагнозы расталса) • ортаңғы құлақтың жедел қабынуында (жедел отит) • созылмалы бронхиттің өршуі (диагнозы расталса) • ауруханадан тыс пневмонияда • несеп-жыныс жолының инфекцияларында (цистит, пиелонефрит) • терінің және жұмсақ тіндердің инфекцияларында (атап айтқанда, целлюлит, жануарлардың тістеп алуы, жедел абсцестер және жақсүйек-бет аймағының флегмоналары) • сүйектер мен буындардың инфекцияларында (атап айтқанда, остеомиелитте) • Бактерияларға қарсы дәрілерді тиісінше қолдану жөніндегі ресми ұсынымдарға көңіл бөлген жөн.

Әсер ету механизмі Амоксициллиннің бактерицидтік әсер ету механизмі бактериялар жасушалары қабырғасындағы пептидогликандардың биосинтезін тежеуіне негізделеді, ол бактерия жасушасының лизисіне және қырылуына алып келеді. Фармакодинамикалық тиімділігі Хиконцил Комби – бактерицидтік әсер ету ауқымы кең, бета-лактамазаның әсеріне төзімді, құрамында амоксициллин және клавулан қышқылы бар біріктірілген антибиотик. Амоксициллин – бұл әсер ету ауқымы кең, көптеген грамоң және грамтеріс микроорганизмдерге қатысты белсенді жартылай синтетикалық антибиотик (бета-лактамдық). Клиникалық тиімділігі және қауіпсіздігі Амоксициллин әсерінің бактерицидтік механизмі бактериялардың жасушалық қабырғасындағы пептидогликандар биосинтезінің тежелуі болып табылады, бұл бактериялық жасушаның лизисіне және жойылуына әкеледі. Амоксициллин төзімді бактериялармен өндірілетін бета-лактамазаның бұзылуына сезімтал, сондықтан тек амоксициллиннің бір өзінің ғана белсенділік ауқымына аталған ферменттерді өндіріп шығаратын микроорганизмдер қамтылмайды. Клавулан қышқылы – бұл пенициллиндерге және цефаоспориндерге резистенттілік танытатын, осылайша амоксициллиннің белсенділігінің жойылуына жол бермейтін микроорганизмдердің бета-лактамазасы энзимдерінің белсенділігін жою қабілеті бар, химиялық құрылысы бойынша пенициллиндерге ұқсас бета-лактамат. Бета-лактамазалар көптеген грамоң және грамтеріс бактериялармен өндіріледі. Клавулан қышқылы ферменттердің әсерін блокадалап, бактериялардың амоксициллинге сезіталдығын қалпына келтіреді. Атап айтқанда, оның дәрілік резистенттілікпен жиі байланысты плазмидтік бета-лактамазаларға қатысты белсенділігі жоғары, бірақ 1 типті хромосомдық бета-лактамазаларға қатысты тиімділігі азырақ. Хиконцил Комби құрамында клавулан қышқылының болуы бета-лактамазалардың амоксициллинді ыдырататын әсерін болдырмайды және, әдетте, басқа пенициллиндерге және цефалоспориндерге резистентті микроорганизмдер қамтылатын бактерияларға қарсы белсенділік ауқымын кеңейтеді. Клавулан қышқылы монопрепарат түрінде бактерияларға қарсы клиникалық тұрғыдан маңызды әсер етпейді. Резистенттіліктің даму механизмі Хиконцил Комби препаратына резистенттіліктің пайда болуының 2 механизмі бар: • B, C, D класын қоса, клавулан қышқылының әсеріне сезімтал емес бактериялық бета-лактамазалардың әсерінен белсенділігінің жойылуы • пенициллинмен байланысатын ақуыз деформациясы, бұл микроорганизмге қатысы бойынша резистенттілік аффинділігінің азаюына әкеледі. Бактериялық қабырғаның өткізбеушілігі, сондай-ақ помпа механизмдері әсіресе грамтеріс микроорганизмдерде резистенттіліктің дамуын туындатуы немесе оған ықпал етуі мүмкін. Хиконцил Комби келесі микроорганизмдерге бактерицдтік әсер береді: Грамоң аэробтар: Bacillius anthracis, Enterococcus faecalis, Gardnerella vaginalis, Listeria monocytogenes, Nocardia asteroides, Staphylococcus aureus (метициллинге сезімтал), коагулаза-жағымсыз стафилококктер (метициллинге сезімтал), Streptococcus agalactiae, Streptococcus pneumoniae1, Streptococcus pyogenes және басқа да бета-гемолиздік стрептококктер, Streptococcus viridans тобы Грамтеріс аэробтар: Actinobacillus actinomycetemcomitans, Capnocytophaga spp., Eikenella corrodens, Haemophilus influenzae, Moraxella catarrhalis, Neisseria gonorrhoeae, Pasteurella multocida Анаэробты микроорганизмдер: Bacteroides fragilis, Fusobacterium nucleatum, Prevotella spp. Резистенттілік жүре пайда болуы мүмкін микроорганизмдер: Грамоң аэробтар: Enterococcus faecium* Грамтеріс аэробтар: Escherichia coli, Klebsiella oxytoca, Klebsiella pneumoniae, Proteus mirabilis, Proteus vulgaris Табиғи резистенттілігі бар микроорганизмдер: грамтеріс аэробтар: Acinetobacter species, Citrobacter freundii, Enterobacter species, Legionella pneumophila, Morganella morganii, Providencia species, Pseudomonas species, Serratia species, Stenotrophomonas maltophilia. Тағы басқалары: Chlamydia trachomatis, Chlamydophila pneumoniae, Chlamydophila psittaci, Coxiella burnetti, Mycoplasma pneumoniae. 1Пенициллиндерге резистентті Streptococcus pneumoniae штаммдарын қоспағанда *Жүре пайда болған резистенттілік болмаған кездегі табиғи сезімталдық.

Дозалау режимі Хиконцил Комби препаратына сезімталдық орналасқан географиялық орнына және уақытқа байланысты өзгеріп отыруы мүмкін. Препаратты қолданар алдында, мүмкіндігінше, штаммдардың сезімталдығына жергілікті деректерге сәйкес баға беру және әсіресе ауыр инфекциялар жағдайында нақты пациенттен үлгілер алу және талдау жолымен сезімталдықты анықтау қажет. Хиконцил Комби амоксициллинге сезімтал микроорганизмдерден туындаған инфекцияларды, және бета-лактамазаны өндіріп шығаратын амоксициллинге және клавуланатқа сезімтал штаммдардан туындаған аралас инфекцияларды емдеу үшін қолданылуы мүмкін. Дозалау режимі жасқа, дене салмағына, бүйрек функциясына, инфекциялық агенттерге, сондай-ақ инфекциялардың ауырлық дәрежесіне байланысты белгіленеді. Енгізу әдісі және жолы Асқазан-ішек жолына ықпал етуі қаупінің ықтималдығын төмендету үшін Хиконцил Комби препаратын тамақпен бірге, барынша жоғары сіңуі үшін тамақтанудың бас кезінде қабылдау ұсынылады. Қажет болған жағдайда, емдеуді сатылап жүргізуге болады (алдымен осы біріктірілімнің венаішілік түрін енгізіп, кейіннен Хиконцил Комби таблеткасын пероральді қабылдауға ауыстырады). Қабылдау уақытын көрсете отырып, қолдану жиілігі Дозалау режимін жас шамасына, дене салмағына, бүйрек функциясына, инфекцияның қоздырғышына, сондай-ақ, инфекцияның ауырлық дәрежесіне байланысты жекелей анықтайды. Ересектер және 12 жастан үлкен немесе дене салмағы 40 кг-ден асатын балалар Инфекцияның жеңіл және орташа ауыр ағымы (стандартты дозасы) — Тәулігіне 2-3 рет 500 мг/125 мг 1 таблетка немесе тәулігіне 2 рет 875 мг/125 мг 1 таблетка Ауыр инфекциялар (отит, синусит, төменгі тыныс алу жолдарының инфекциялары, несеп-жыныс жолының инфекциялары) — Тәулігіне 3 рет 500 мг/125 мг 1-2 таблетка немесе тәулігіне 2 немесе 3 рет 875 мг/125 мг 1 таблетка 500 мг/125 мг доза таблетканы қолданып жүрген ересектер және 12 жастан үлкен балаларда ең жоғары тәуліктік доза 1500 мг амоксициллинді/375 мг клавулан қышқылын құрайды. Дозасы 875 мг/125 мг таблеткалар үшін ең жоғары тәуліктік доза 1750 мг амоксициллинге/250 мг клавулан қышқылына (күніне 2 рет қабылдағанда) немесе 2625 мг амоксициллинге/375 мг клавулан қышқылына (күніне 3 рет қабылдағанда) тең. Егде жастағы пациенттер Хиконцил Комби препаратының дозасын төмендетпеген дұрыс; ересектерге арналғандай дозалары ұсынылады. Бүйрек функциясы бұзылған егде жастағы пациенттерде дозасын жоғарыда бүйрек функциясы бұзылған ересектер үшін көрсетілгендей етіп түзеткен жөн. Емдеу ұзақтығы Жүргізілетін емнің уақыты жүргізіліп жатқан емге пациенттің жауабына байланысты. Кейбір аурулар (атап айтқанда, остеомиелит) ұзағырақ курсты қажет етуі мүмкін. Емдеуді пациенттің жағдайына баға беруді қайталамай жалғастыруды 14 күннен асырмаған жөн. Дәрілік препараттың бір немесе бірнеше дозасын жіберіп алғанда қажетті шаралар Егер сіз препаратты қабылдауды ұмытып кеткен болсаңыз, есіңізге түсе сала бірден қабылдаңыз. Келесі дозасын өте ерте қабылдамаңыз, келесі қабылдауға дейін 4 сағатқа жуық күту керек. Тоқтату симптомдары қаупінің бар екендігі туралы нұсқау Тіпті сіз өзіңізді жақсы сезінсеңіз де емді аяқтағанға дейін Хиконцил Комбиді қабылдауды жалғастыра беріңіз. Инфекциямен күресуде көмек үшін сізге препараттың әрбір дозасы қажет болады. Егер бактериялардың кейбірі тірі қалса, онда ол инфекцияның қайталануына түрткі болуы мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Бұл дәрілік препаратты әрдайым сізге дәрігер немесе фармацевт түсіндіргендей бұлжытпай қабылдаңыз. Осы препаратты қолдану бойынша қосымша сұрақтар туындаса, емдеуші дәрігерге немесе фармацевтке жүгініңіз.

• пенициллиндерге немесе қосымша заттардың кез келгеніне аса жоғары сезімталдық - басқа бета-лактамдық антибиотиктерге (цефалоспориндерге, карбапенемдерге, монобактамдарға) аса жоғары сезімталдық • амоксициллин/клавулан қышқылы біріктірілімін қабылдау аясында дамитын сарғаю немесе бауыр функциясының бұзылуы • 12 жастан кіші балаларға немесе дене салмағы 40 кг-ден аз балаларға

Барлық дәрілік препараттар сияқты, бұл препарат та жағымсыз реакцияларды тудыруы мүмкін, алайда олар барлығында бірдей пайда бола бермейді. Осы дәрілік препаратты қолданған кезде келесі жағымсыз әсерлер пайда болуы мүмкін. Назар аудару керек шарттары Аллергиялық реакциялар - тері бөртпесі - қан тамырларының қабынуы (васкулит), ол теріде қызыл немесе қан қызыл дақтар түрінде көрінуі мүмкін, бірақ дененің басқа бөліктерін де зақымдауы мүмкін. - қызба, буын ауруы, мойын, қолтық немесе шап бездерінің ісінуі - ісіну, кейде тыныс алуды қиындататын бет немесе ауыздың (ангионевроздық ісіну) ісінуі - күштің төмендеуі - аллергиялық реакциялар аясында кеудедегі ауырсыну, бұл аллергиядан туындаған миокард инфарктісінің симптомы болуы мүмкін (Кунис синдромы). Егер сізде осы симптомдардың қандай да бірі пайда болса, дереу дәрігерге жүгініңіз. Хиконцил Комби қабылдауды тоқтатыңыз. Жуан ішектің қабынуы Сулы диареяны тудыратын жуан ішектің қабынуы, әдетте қан мен шырыш аралас, іштің ауыруы және / немесе қызбамен жүреді. Ұйқы безінің жедел қабынуы (жедел панкреатит) Егер сізде асқазан аумағында қатты және тұрақты ауырсыну болса, бұл жедел панкреатиттің белгісі болуы мүмкін. Дәрімен-индукцияланған энтероколит синдромы (DIES) DIES жағдайлары туралы негізінен амоксициллин/клавуланат қабылдаған балаларда хабарланды. Бұл қайталанатын құсудың (препаратты қабылдағаннан кейін 1-4 сағаттан кейін) жетекші симптомы бар аллергиялық реакцияның белгілі бір түрі. Басқа симптомдары іштің ауыруын, енжарлық, диарея және төмен артериялық қысымды қамтуы мүмкін. Егер сізде бұл симптомдар пайда болса, мүмкіндігінше тезірек дәрігерге жүгініңіз. Өте жиі: 10 адамның 1-ден көбіне қатысты болуы мүмкін - диарея (ересектерде) Жиі: 10 адамның 1 - не қатысты болуы мүмкін - микоз (кандида – қынаптың, ауыздың немесе тері қатпарларының ашытқы инфекциясы) - өзін нашар сезіну (жүрек айнуы), әсіресе жоғары дозалар қабылдағанда, егер бұл орын алса, Хиконцил Комби тамақтану кезінде қабылдаңыз • құсу • диарея (балаларда) Жиі емес: 100 адамның 1-еуінде ғана болуы мүмкін - тері бөртпесі, қышыну - қатты қышитын бөртпе (есекжем) • диспепсия • бас айналуы • бас ауыруы Қан талдауында пайда болуы мүмкін жиі болмайтын жағымсыз әсерлер: • бауыр өндіретін кейбір заттардың (ферменттердің) артуы. Сирек: 1000 адамның 1-еуінде ғана болуы мүмкін - күлдіреуіктер түзуі мүмкін және ұсақ нысан сияқты көрінетін (ашықтау бөліктермен қоршалған ортасындағы күңгірт дақ, жиегі күңгірт сақиналы – көп түрлі эритема) тері бөртпесі. Егер сіз осы симптомдардың қайсыбірін байқасаңыз, шұғыл түрде дәрігерге жүгініңіз. Қан талдауында көрінуі мүмкін сирек жағымсыз әсерлер: - қан ұюына қатысатын жасушалар санының аздығы. - лейкоциттер санының аздығы. Жиілігі белгісіз: жиілігін қолда бар деректер негізінде анықтау мүмкін емес - аллергиялық реакциялар (жоғарыны қараңыз) - жуан ішектің қабынуы (жоғарыны қараңыз) - мидың және жұлынды қоршаған қабығының қабынуы (асептикалық менингит). - күрделі тері реакциялары: - күлдіреуіктері және тері қабыршақтануы болатын, әсіресе ауыз, мұрын, көз және жыныс мүшелерінің (Стивенс-Джонсон синдромы) айналасында болатын, сондай-ақ терінің ауқымды (дене беткейінің 30%-ынан астамы – уытты эпидермалық некролиз) қабыршақтануын тудыратын одан ауырлау түрдегі таралған бөртпе - ұсақ іріңді күлдіреуіктері бар ауқымды қызыл тері бөртпесі (буллезді эксфолиативті дерматит) - терінің астында бұдырлары мен күлдіреуіктері бар қызыл қабыршақтанатын бөртпе (экзантезді пустулез) - бөртпесі, қызбасы бар, бадамша безі ісінген және қан талдауының нәтижелері аномальды (лейкоциттер (эозинофилия) және бауыр ферменттерінің артуын қоса) тұмауға ұқсас симптомдар (эозинофилиясы және жүйелік симптомдары бар дәріге реакция (DRESS)). Егер сізде осы симптомдардың қандай да бірі пайда болса, дереу дәрігерге жүгініңіз. - ортасында қыртысы бар шеңбер бойымен орналасқан күлдіреуіктер түріндегі немесе інжу жібі тәріздес (IgA –тізбекті ауру) бөртпе - бауырдың қабынуы (гепатит) - қанда билирубиннің (бауыр өндіретін зат) жоғарылауынан туындаған сарғаю, бұл тері мен көздің ақуызын сары етіп көрсетуі мүмкін - бүйрек түтікшелерінің қабынуы - қанның ұюы ұзаққа созылады - гиперактивтілік - құрысулар (Хиконцил Комбидің жоғары дозаларын қабылдайтын немесе бүйрек проблемалары бар адамдарда) - қара түкті тіл Қан немесе несеп талдауында пайда болуы мүмкін жағымсыз әсерлер: - лейкоциттер санының күрт төмендеуі - эритроциттердің саны азаюы (гемолиздік анемия) - бүйректің жедел зақымдалуына әкелетін несептегі кристаллдар. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: асқазан-ішек бұзылыстары және су-электролит теңгерімінің бұзылулары болуы мүмкін. Кейбір жағдайларда бүйрек функциясы жеткіліксіздігінің дамуына әкелетін амоксициллиндік кристаллурия сипатталған. Препаратты бүйрек функциясы бұзылған пациенттерге қолданғанда немесе жоғары дозаларды қолданғанда құрысулар дамуы мүмкін. Әсіресе, препараттың жоғары дозаларын вена ішіне енгізгеннен кейін, қуық катетерлерінде амоксициллин тұнып қалуы мүмкін. Емі: симптомдық ем жүргізу, су-электролиттік теңгерімді түзету, Хиконцил Комби қаннан гемодиализдің көмегімен шығарылады.

Хиконцил Комбиді қабылдамас бұрын мынадай жағдайларда дәрігеріңізден немесе фармацевттен кеңес алыңыз: • инфекциялық мононуклеоз бар болса • бауыр немесе бүйрек ауруларымен байланысты ем қабылдап жүрген болсаңыз • суды тұрақты қабылдамағанда Арнайы ескертулер Хиконцил Комби препаратымен емдеуді бастар алдында пенициллинге, цефалоспоринге немесе басқа да бета-лактамдық антибиотиктерге бұған дейін болған аса жоғары сезімталдық реакцияларына қатысты толық анамнез жинау қажет. Пенициллиндерге күрделі, ал кейде фатальді реакциялардың (анафилаксияны және терінің ауыр жағымсыз реакциясын қоса) болғаны сипатталған, олар көбіне мұның алдында пенициллиндерге аса жоғары сезімталдық реакциясы болған пациенттерде байқалған. Аллергиялық реакциялар туындаған жағдайда Хиконцил Комби препаратымен емдеуді тоқтату және баламалы ем жүргізуді бастау керек. Аса жоғары сезімталдықтың күрделі реакциялары дамыған кезде пациентке кідіртпей адреналин енгізген жөн. Оксигенотерапия, стероидтарды вена ішіне енгізу және интубацияны қоса, тыныс алу жолдарының өткізгіштігін қамтамасыз ету шаралары қажет болуы мүмкін. Хиконцил Комби препаратын инфекциялық мононуклеозға күдіктенген жағдайда қолданбау керек, өйткені аталған ауруы бар пациенттерде амоксициллин тері бөртпесін туындатуы мүмкін, бұл ауру диагностикасын қиындатады. Хиконцил Комби препаратымен ұзақ емдеу сезімтал емес микроорганизмдердің көбеюінің күшеюімен қатар жүруі мүмкін. Антибиотиктерді қолдану аясында ауырлығы пациенттердің өміріне қауіп төндіретін жеңілден ауыр дәрежеге дейін өзгерген жалған жарғақшалы колиттің даму жағдайлары байқалды. Сондықтан диареясы бар пациенттерде антибиотиктерді қабылдағанда немесе емдеу курсын аяқтағаннан кейін осы патологияның туындауы мүмкін екендігін ескеру қажет. Ұзаққа созылған немесе ауыр диарея дамыған жағдайда, іш аймағында түйілулер болса, Хиконцил Комби препаратымен емдеу дереу тоқтатылуы тиіс және пациенттерді әрі қарай тексерілуге жіберу керек. Жалпы алғанда, Хиконцил Комби препаратының жағымдылығы жақсы және уыттылығы барлық пенициллиндерге тән төмен болады. Хиконцил Комби препаратымен ұзақ уақыт емдегенде бүйрек, бауыр, қан түзу ағзаларының функцияларына мезгіл-мезгіл баға беріп отыру ұсынылады. Хиконцил Комби препаратын қабылдап жүрген пациенттерде кейде протромбин уақытының артуы байқалады, сондықтан Хиконцил Комби препаратын және антикоагулянттарды бір мезгілде қолданғанда тиісті мониторинг жүргізу қажет, қажет болған жағдайда антикоагулянт дозасы төмендетілуі мүмкін. Бауыр жеткіліксіздігі Бауыр функциясы бұзылған пациенттерде Хиконцил Комби препаратын сақтықпен қолданған жөн. Бауырдың зақымдану белгілері және симптомдары әдетте емдеу кезінде немесе емдеуді бастағаннан кейін бірден туындайды, бірақ кейбір жағдайларда емдеуді тоқтатқаннан кейін бірнеше апта бойы көрініс бермеуі мүмкін. Әдеттегідей, олар қайтымды. Бауырлық бұзылулар өте күрделі болуы мүмкін, және өте сирек жағдайларда өліммен аяқталғаны жөнінде мәлімделді. Олар күрделі негізгі ауруы бар пациенттерде немесе бауырға әсер ету ықтималдығы белгілі препараттарды бір мезгілде қабылдағандарда әрдайым дерлік тіркелді. Бүйрек жеткіліксіздігі Бүйрек жеткіліксіздігі бар пациенттерде препарат дозасы аурудың ауырлығына сәйкес түзетілуі тиіс. Препаратты бүйрек функциясы бұзылған пациенттерге қолданғанда немесе жоғары дозаларын қолданғанда құрысулар дамуы мүмкін. Диурезі төмендеген пациенттерде сирек жағдайларда кристаллурия туындауы мүмкін. Амоксициллин кристалдарының түзілу ықтималдылығын азайту үшін амоксициллиннің жоғары дозаларын қолдану кезінде сұйықтықтың жеткілікті мөлшерін қабылдау және қажетті диурезді демеп отыру ұсынылады. Катетері бар пациенттердің жағдайын үнемі бағалап отыру қажет. Аллопуринол және амоксициллинді бірге қолдану терінің аллергиялық реакцияларының даму ықтималдылығын арттырады. Амоксициллинмен емдеу кезінде несептегі глюкоза мөлшерін анықтау үшін глюкозаның ферменттік тотығу әдісін пайдалану қажет, өйткені ферменттік емес әдістер жалған оң нәтиже алуға әкеліп соғуы мүмкін. Хиконцил Комби құрамында клавулан қышқылының болуы IgG және альбуминдердің эритроциттердің жарғақшасымен спецификалық емес байланысуына себеп болуы мүмкін, бұл Кумбстың жалған оң реакциясына әкеледі. Педиатрияда қолдану Бұл дәрілік түрі 12 жастан кіші балаларға немесе дене салмағы 40 кг-нан аз балаларға арналмаған. Ондай балаларға Хиконцил Комбидің ішуге арналған суспензия түрін қолданады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Деректер жоқ; алайда жағымсыз реакциялар (бас айналуы, құрысулар) дамуы мүмкін болғандықтан, сақтық таныту қажет.

Жүктілік кезінде Хиконцил Комби препаратын қолдану, дәрігердің пікірі бойынша, бұл қажет деп саналған жағдайларды қоспағанда, ұсынылмайды. Әйелдерде ұрық қабығы мезгілінен ерте жарылғанда және мезгілінен ерте босанғанда амоксициллин және клавуланат біріктірілімімен профилактикалық емдеу жаңа туған нәрестелерде некроздайтын энтероколиттің даму қаупінің ұлғаюымен астасатыны анықталды. Емшек емізу кезінде Хиконцил Комби препаратын қолдануға болады. Емшек сүтіне өткен препараттың қалдық мөлшеріне байланысты сенсибилизацияның даму қаупін қоспағанда, емшек еміп жүрген балаларда жағымсыз әсерлер байқалған жоқ. Натрий Бұл препараттың құрамында бір дозасында 1 ммольден аз натрий (23 мг) бар, яғни, іс жүзінде натрийсіз.

Хиконцил Комби препаратын пробеницидпен бір мезгілде қолдану ұсынылмайды. Пробеницид амоксициллиннің өзекшелік секрециясын төмендетеді, сондықтан Хиконцил Комби мен пробеницидті бір мезгілде қолдану қанда амоксициллин деңгейінің оқшауланған жоғарылауына әкелуі мүмкін. Алопуринолды және Хиконцил Комби препаратын бір мезгілде қолдану аллергиялық реакциялардың туындау қаупін арттыруы мүмкін. Аллопуринолды және Хиконцил Комби препаратын бір мезгілде қолдану жөнінде деректер қазіргі таңда жоқ. Хиконцил Комби препараты ішек флорасына ықпалын тигізеді және эстрогендердің кері сіңуінің азаюына және біріктірілген пероральді контрацептивтер тиімділігінің төмендеуіне әкеледі. Протромбин уақытының (аценокумарол және варфарин) арту жағдайлары байқалды. Хиконцил Комби препараты мен антикоагулянттарды бір мезгілде қолданғанда, қажет болса Хиконцил Комби препаратының дозасын түзете отырып, тиісінше мониторинг жүргізу қажет. Пенициллиндер метотрексаттың шығарылуын төмендетуі мүмкін, бұл оның уыттылығы артуының ықтимал қаупі болып табылады. Микофенолат мофетилді қабылдап жүрген пациенттерде Хиконцил Комби препаратымен бірге қолданғанда микофенол қышқылының белсенді метаболитінің концентрациясы бастапқы дозасын қолданғанда шамамен 50%-ға төмендейді. Бастапқы дозасының концентрациясы деңгейінің өзгеруі микофенол қышқылының жиынтық экспозициясы концентрациясының өзгеруіне сәйкес келмеуі мүмкін. Алайда микофенолат мофетилді Хиконцил Комби препаратымен бір мезгілде немесе антибиотикті қабылдағаннан кейін бірден қабылдап жүрген пациенттерді клиникалық бақылау ұсынылады.

Сақтау мерзімі 2 жыл. Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамасында, 25 °С-ден аспайтын температурада, ылғалдан қорғалған жерде сақтау керек. Балалардың қолы жетпейтін жерде сақтау керек!