Хиконцил порошок 250 мг/5 мл

5 мл суспензияның құрамында белсенді зат – 287,0 мг амоксициллин тригидраты (250 мг амоксициллинге баламалы) қосымша заттар: лимон қышқылы, натрий бензоаты, аспартам (Е951), тальк, сусыз натрий цитраты, лимон ұнтағы хош иістендіргіші, шабдалы-өрік ұнтағы хош иістендіргіші, апельсин ұнтағы хош иістендіргіші, галактоманнан гуар шайыры, сусыз коллоидты кремнийдің қостотығы, тұнбаға түскен кремний қостотығы Сыртқы түрінің, иісінің, дәмінің сипаттамасы Ақтан сәл сарғыш түске дейінгі ұнтақ. Дайындалған суспензия – ақтан сәл сарғыш түске дейін.

Хиконцил ересектерге, балаларға және жасөспірімдерге келесі ауруларды емдеу үшін көрсетілген: • жедел бактериялық синусит • жедел ортаңғы отит • жедел стрептококкты тонзиллит және фарингит • созылмалы бронхиттің жедел өршуі • ауруханадан тыс пневмония • жедел цистит • жүктілік кезіндегі симптомсыз бактериурия • жедел пиелонефрит • іш сүзегі және паратиф • целлюлит жайылған дентальді абсцесс • протезделген буындар инфекциясы -Helicobacter pylori эрадикациясы -Лайм ауруы Қолдануды басталуына дейін қажетті мәліметтер тізбесі

Әсер ету механизмі Амоксициллин бактерицидтік әсері бар жартылай синтетикалық пенициллин түрінде болады. Амоксициллин бактерицидтік әсер ету механизмі көбею сатысында болатын бактериялық жасушалық жарғақшаны зақымдауымен байланысты. Амоксициллин бактериялық жасушалық жақтаудың ажырамайтын құрылымдық компоненті болып табылатын пептодогликан синтезін спецификалық тежейді. Пептигликан тежелуі жасушаның лизисіне және қырылуына ұласатын жасушалық жақтаудың әлсіреуіне әкеледі. Фармакокинетикалық/фармакодинамикалық қатынастары Ең төмен бәсеңдететін концентрациясынан (T > ЕБК) жоғары уақыт амоксициллин тиімділігінің негізгі детерминанты болып табылады. Төзімділіік механизмдері Амоксициллинге төзімділігінің екі негізгі механизмі: - бактериялық бета-лактамазалар белсенділігін жоюменн - пенициллинді байланыстыратын протеиндерді өзгертумен жүзеге асып, бұл бактерияға қарсы дәрінің қоздырғыш нысанаға аффинитетін төмендетеді. Бактериялардың өтімсіздігі немесе эффлюксті сорғы (тасымалдау жүйелері) механизмдері бактериялардың, әсіресе, грам-теріс бактериялардың төзімділігін тудыруы немесе демеуі мүмкін. Сезімталдыққа тест өткізуге арналған шекті мәндер Еуропалық микробқа қарсы препараттарға сезімталдықты тестілеу комитеті (EUCAST) амоксициллин үшін сезімталдыққа тест өткізуге арналған ЕТК (ең төмен тежегіш концентрация) анықтау критерийлерін белгіледі және мына сілтемеде атап көрсетілген: <https://www.ema.europa.eu/documents/other/minimum-inhibitory-concentration-mic-breakpoints_en.xlsx> Төзімділіктің таралуы жекелеген түрлер үшін географиясына қарай және уақыт өтуімен өзгеріп отыруы мүмкін және әсіресе ауыр инфекцияларды емдеу кезіндегі төзімділігі туралы жергілікті ақпаратпен танысқан дұрыс. Қажет болса, егер төзімділігінің жергілікті таралуы осы агенттің пайдасы инфекциялардың, кем дегенде, кейбір типтерінде күмән тудыратындай сипатта болса, маман кеңесіне жүгінген жөн. In vitro амоксициллинге келесі микроорганизмдер сезімтал: In vitro амоксициллинге микроорганизмдердің сезімталдығы Жиі сезімтал түрлер Грам-оң аэробтар: Enterococcus faecalis Бета-гемолиздік стрептококктар (A, B, C and G топтары) Listeria monocytogenes Жүре пайда болған төзімділігі қиындық туғызуы мүмкін түрлер Грам-теріс аэробтар: Escherichia coli Haemophilus influenzae Helicobacter pylori Proteus mirabilis Salmonella typhi Salmonella paratyphi Pasteurella multocida Грам-оң аэробтар: Coagulase negative staphylococcus Staphylococcus aureus£ Streptococcus pneumoniae Viridans group streptococcus Грам-оң анаэробтар: Clostridium spp. Грам-теріс анаэробтар: Fusobacterium spp. Басқалары: Borrelia burgdorferi Табиғатына қарай төзімді организмдер† Грам-оң аэробтар: Enterococcus faecium† Грам-теріс аэробтар: Acinetobacter spp. Enterobacter spp. Klebsiella spp. Pseudomonas spp. Грам-теріс анаэробтар: Bacteroides spp. (many strains of Bacteroides fragilis are resistant). Басқалары: Chlamydia spp. Mycoplasma spp. Legionella spp. † Жүре пайда болған төзімділік механизмі болмаған кездегі табиғи аралық сезімталдық. £ Барлық дерлік S. aureus пенициллиназа өндірілуіне орай амоксициллинге төзімді. Бұдан бөлек, метициллинге төзімді штаммдардың бәрі амоксициллинге төзімді.

Дозалау режимі Нақты инфекцияны емдеу үшін таңдалатын амоксициллин дозасында ескерілуі тиіс: - ықтималды патогендер және олардан күтілетін бактерияға қарсы препараттарға сезімталдық - инфекцияның ауырлық дәрежесі және орналасқан жері - пациенттің жасы, дене салмағы және бүйрек функциясының жағдайы. Стандартты дозалау Ересектер мен балаларға (дене салмағы 40 кг-ден асатын): тәуліктік доза 2-3 қабылдауға бөлінген 750 мг-ден 3 г дейін. Балалар (дене салмағы 40 кг-ден аз): көрсетілімге, аурудың ауырлығына және микроорганизмдерге сезімталдығына қарай 2-3 қабылдауға бөлінген дене салмағына/тәулігіне 40-90 мг/кг тәуліктік доза. Ең жоғары тәуліктік доза 3000 мг. Дене салмағы 40 кг-ден асатын балалар үшін, әдетте, ересектердегі сияқты дозасы ұсынылады. Көрсетілім* — Доза* Жедел бактериялық синусит — 250 мг-ден 500 мг дейін әр 8 сағатта немесе 750 мг-ден 1 г әр 12 сағатта Жүктілік кезіндегі симптомсыз бактериурия Жедел пиелонефрит — Ауыр инфекциялар үшін 750 мг-ден 1 г дейін әр 8 сағатта Флегмона жайылуымен дентальді абсцесс Жедел цистит — Жедел циститті бір күн ішінде тәулігіне екі рет 3 г-мен емдеуге болады Жедел ортаңғы отит Жедел стрептококкты тонзиллит және фарингит Созылмалы бронхит өршуі — 500 мг әр 8 сағатта, 750 мг-ден 1 г дейін әр 12 сағатта Ауыр инфекцияларда 750 мг-ден 1 г дейін әр 8 сағатта Ауруханадан тыс пневмония — 500 мг-ден 1 г дейін әр 8 сағатта Іш сүзегі және паратиф — 500 мг-ден 2 г дейін әр 8 сағатта Протезделген буындар инфекциялары — 500 мг-ден 1 г дейін әр 8 сағатта Helicobacter pylori эрадикациясы — 750 мг-ден 1 г дейін тәулігіне екі рет протон помпасы тежегішімен (мысалы, омепразол, лансопразол) және басқа антибиотикпен (мысалы, кларитромицин, метронидазол) біріктірілімде 7 күн бойы Лайм ауруы — Ерте сатысы: 500 мг-ден 1 г дейін әр 8 сағатта бірнеше қабылдауға бөлінген ең жоғары 4 г/тәулік дозасына дейін 14 күн бойы (10-нан 21 күнге дейін) Кейінгі сатысы (жүйелі зақымдану): 500 мг-ден 2 г дейін әр 8 сағатта бірнеше қабылдауға бөлінген ең жоғары 6 г/тәулік дозасына дейін 10-30 күн бойы * әр көрсетілім үшін талапқа сай емдеу жөніндегі ресми нұсқаулықтар ескерілу керек Пациенттердің ерекше топтары Салмағы < 40 кг балалар Дене салмағы 40 кг және одан көп балаларда ересектер дозаларын қолдану керек. Төмендегі кестеде келтірілген балаларға ұсынылатын дозасы дене салмағы 40 кг-ден аз балалар үшін қолданылады. Ұсынылатын дозалары: Көрсетілім+ — Доза+ Жедел бактериялық синусит Жедел ортаңғы отит Ауруханадан тыс пневмония Жедел цистит Жедел пиелонефрит Флегмона жайылуымен дентальді абсцесс — 20-90 мг/кг дене салмағына/тәулігіне, дозаларға бөлінген* Жедел стрептококкты тонзиллит және фарингит — 40-90 мг/кг дене салмағына/тәулігіне, дозаларға бөлінген* Іш сүзегі және паратиф — 100 мг/кг дене салмағына/тәулігіне 3 қабылдауға бөлінген Лайм ауруы — Ерте сатыларда: 25-50 мг/кг дене салмағына/тәулігіне 3 қабылдауға бөлінген 10-21 күн бойы Кейінгі сатыларда (жүйелі зақымдану): 100 мг/кг дене салмағына/тәулігіне 3 қабылдауға бөлінген 10-30 күн бойы + - әр көрсетілім үшін талапқа сай емдеу жөніндегі ресми нұсқаулықтар ескерілу керек. * - препараттың тәуліктік дозасын, егер ол ең жоғары ұсынылатын мөлшеріне жуық болса, 2 қабылдауға бөлу ұсынылады. Егде жастағы пациенттер Егде жастағы пациенттерде дозаны түзету қажет емес. Бүйрек функциясының бұзылуы Креатинин клиренсі (мл/мин) — Ересектер мен балалар (дене салмағы 40 кг-ден көп) — Балалар (дене салмағы 40 кг-ден аз)# > 30 — дозаны түзету қажет емес — дозаны түзету қажет емес 10-30 — ең жоғарысы 500 мг тәулігіне 2 рет — 15 мг/кг тәулігіне 2 рет (ең жоғары 500 мг тәулігіне 2 рет) < 10 — ең жоғарысы 500 мг тәулігіне — 15 мг/кг тәулігіне бір рет (ең жоғары 500 мг) # көпшілік жағдайларда парентеральді емдеу дұрыс болып табылады Гемодиализ алып жүрген пациенттер Амоксициллинді организмнен гемодиализ көмегімен шығаруға болады. Гемодиализ Ересектер мен балалар (дене салмағы 40 кг және одан көп) — 500 мг тәулігіне. Гемодиализ алдында тәулігіне қосымша 500 мг доза енгізілуі тиіс. Препараттың айналымдағы деңгейін қалпына келтіру үшін гемодиализ сеансынан соң тағы бір 500 мг дозасын енгізу керек. Балалар (дене салмағы 40 кг-ден аз) — 15 мг/кг тәулігіне бір рет (500 мг-ден асырмай) Гемодиализ алдында тәулігіне қосымша 15 мг/кг доза енгізілуі тиіс. Препараттың айналымдағы деңгейін қалпына келтіру үшін гемодиализ сеансынан соң 15 мг/кг дозасын енгізу керек. Перитонеальді диализ алып жүрген пациенттер үшін ұсынылатын доза - тәулігіне бір рет 500 мг. Бауыр жеткіліксіздігі бар пациенттер Хиконцил препараты сақтықпен тағайындалады. Жүйелі аралықтар сайын бауыр функциясын бақылап отыру қажет. Енгізу әдісі және жолы Ішке қабылдауға арналған. Хиконцилді ас ішуге байланыссыз қабылдауға болады. Хиконцилмен емдеу кезінде пациенттерге әдеттегіден көбірек сұйықтық ішуге кеңес беріледі. Суспензияны қоса берілген өлшеуіш қасықпен өлшеп, сұйықтықпен ішу керек. Ұнтақтан суспензия дайындау үшін тек таза (қайнаған) суды пайдалану керек. 100 мл суспензияны (250 мг/5 мл) дайындау үшін 92 мл су қажет болады. Судың қажетті мөлшерінің (92 мл-ден) төрттен бір бөлігін ішінде ұнтағы бар құтыға қосып, құтыны жабу және сілку керек. Одан кейін қалған суды қосып, құтыны сілку керек. Әзірленген суспензия құтыдағы белгіленген сызыққа жетуі тиіс. Құтыны пайдаланудан кейін тығыз жабу керек. Қабылдау уақытының көрсетілуімен қолдану жиілігі Ересектерге және дене салмағы 40 кг-ден асатын балаларға әдеттегі доза – Хиконцил тәулігіне үш рет 250 мг-ден 500 мг дейінгі немесе күніне екі рет 500 мг-ден 1000 мг дейін. Синусит, пневмония және басқа ауыр инфекцияларда тәулігіне үш рет 500 мг-ден 1000 мг дейінгі дозада қолдану керек. Ең жоғары тәуліктік доза 6 г құрайды. Лайм ауруы: ересектер және дене салмағы 40 кг-ден асатын балалар тәулігіне 3 рет 500-1000 мг қабылдау керек. Helicobacter pylori эрадикациялау үшін Хиконцил басқа дәрілік заттармен біріктірілімде қолдануға ұсынылады. Ересектер тәулігіне 2 рет 1000 мг, балалар күнделікті тәулігіне 2 рет дене салмағына 50 мг/кг Хиконцил қабылдайды. Эндокардит профилактикасы үшін ересектерде хирургиялық араласуға дейін 1 сағат бұрын 3 г және одан кейін 6 сағаттан соң 1,5 г Хиконцил қолданылады. Балаларда қолдану Дене салмағы 40 кг-ден төмен балаларға әдеттегі доза – тәулігіне 3 қабылдауға 1 кг дене салмағына Хиноцил 20 мг-ден 40 мг дейін немесе тәулігіне екі рет 25 мг-ден 45 мг/кг/тәулікке дейін. Төзімді Streptococcus pneumonias тудырған инфекциялар ықтималдығы жоғары балаларға Хиконцил жоғарырақ дозаларда қолдануға ұсынылады – күнделікті 3 қабылдауға баланың дене салмағына 80 мг/кг немесе күнделікті 2 қабылдауға баланың дене салмағына 90 мг/кг. Балалар үшін ең жоғары тәуліктік дозасы дене салмағына 100 мг/кг құрайды (тәулігіне 3 г-ден аспайды). Лайм ауруы: дене салмағы 40 кг-ден аз балаларға үш қабылдауға бөлінген дене салмағына 50 мг-кг дозада қолдану керек. Эндокардит профилактикасы үшін балаларда емшараға дейін дене салмағына 50 мг/кг және одан кейін 25 мг/кг қолданылады. Дәрілік препараттың бір немесе бірнеше дозасын өткізіп алу кезінде қажетті шаралар Егер сіз препаратты қабылдауды өткізіп алсаңыз, оны еске түсірген бойда бірден қабылдаңыз. Келесі дозаны тым ерте қабылдамаңыз, келесі қабылдауға дейін 4 сағатқа жуық күту керек. Өткізіп алған дозаны толықтыру үшін препараттың екі есе дозасын қабылдамаңыз. Тоқтату симптомдары қаупінің болуына көрсетілім Сіз тіпті өзіңізді жақсы сезінсеңіз де, дәрігердің тағайындауы бойынша Хиконцил қабылдауды жалғастырыңыз. Инфекциямен күресуге көмек үшін сізге препараттың әр дозасы керек болады. Егер бактериялардың кейбірі тірі қалса, инфекцияның қайталануына түрткі болуы мүмкін. Егер емдеудің соңында сіз өзіңізді әлі нашар сезінсеңіз, дәрігерге қаралу керек. Хиконцилді ұзақ уақыт қолдану кезінде микоз (ауырсынумен, қышынумен және ақ бөліністермен қатар жүруі мүмкін организмнің шырышты қабықтарының зеңдік ауруы) дамуы мүмкін. Аталған жағдай дамығанда емдеуші дәрігерді хабардар ету керек. Егер сіз ұзақ уақыт бойы Хиконцил қабылдаған болсаңыз, дәрігер бүйрек, бауыр және қан функциясын тексеру үшін қосымша талдаулар тағайындауы мүмкін. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Аталған препаратты қолдану жөнінде қосымша сұрақтар туындағанда емдеуші дәрігерге немесе фармацевтке хабарласу керек.

- амоксициллинге, пенициллин қатарының басқа антибиотиктеріне немесе қосымша заттардың кез келгеніне аса жоғары сезімталдық - анамнездегі аллергиялық реакциялар, поллиноз, бронх демікпесі - инфекциялық мононуклеоз және лимфа бездерінің қатерлі аурулары (лимфосаркома, лимфоцитарлық лейкоз) бар пациенттер - фенилкетонурия (Феллинг ауруы) - анамнездегі асқазан-ішек жолының аурулары (әсіресе, антибиотиктерді қолданумен байланысты колит)

Жиі • диарея және жүрек айну • тері бөртпесі Сирек • құсу • есекжем және қышыну Өте сирек • тері және шырышты қабықтар кандидозы • қайтымды лейкопения (ауыр нейтропения немесе агранулоцитозды қоса), қайтымды тромбоцитопения, гемолиздік анемия, қан кету уақытының және протромбин уақытының ұзаруы • ауыр аллергиялық реакциялар, ангионевроздық ісінуді, анафилаксияны, сарысу құю ауруын және аса жоғары сезімтал васкулитті қоса • гиперкинезия, бас айналу, құрысулар • антибиотикпен астасқан колит (жалған жарғақшалы колит және геморрагиялық колитті қоса), қара «түкті» тіл, тіс эмалі түсінің беткейлік өзгеруі# • гепатит және холестаздық сарғаю, АСТ және/немесе АЛТ деңгейінің орташа жоғарылауы • мультиформалы эритема, Стивенс-Джонсон синдромы, уытты эпидермалық некролиз, буллезді және эксфолиативті дерматит, жедел жайылған экзантематозды пустулез (AGEP) және эозинофилиямен және жүйелі симптомдармен болатын дәрілік реакция (DRESS) сияқты тері реакциялары. • интерстициальді нефрит Белгісіз • аллергиядан болатын миокард инфарктісінің симптомы болуы мүмкін аллергиялық реакциялар аясында кеуденің ауыруы (Коунис синдромы) • Яриш-Герксгеймер реакциясы • Ми мен жұлынды қоршаған қабықтардың қабынуы (асептикалық менингит) • Дәрімен индукцияланған энтероколит синдромы (DIES): DIES жағдайлары жөнінде, негізінен, амоксициллин/клавуланат қабылдаған балаларда хабарланды. Бұл қайталамалы құсудың жетекші симптомымен болатын өзгеше аллергиялық реакция (препаратты қолданудан кейін 1-4 сағаттан соң). Басқа симптомдар іштің ауыруын, летаргия, сылбырлық, диарея және төмен қан қысымын қамтуы мүмкін. • дәрілік препарат индуциялаған ұйқы безінің жедел қабынуы (жедел панкреатит) • Ортасында қыртыстары бар немесе інжу тізбегі түрінде шеңберлене орналасқан күлдіреуіктері бар бөртпе (желілік IgA ауруы) • кристаллурия (бүйректің жедел зақымдануын қоса) * Осы жағымсыз құбылыстар жиілігі амоксициллин қабылдаған шамамен 6000 ересек пен баланың қатысуымен клиникалық зерттеулер деректері негізінде белгіленді. # Балаларда тіс эмалі түсінің беткейлік өзгеруі мәлімделді. Ауыз қуысының гигиенасын мұқият қадағалау, әдетте, оны тіс қылшағының көмегімен кетіруге болатындықтан, тіс эмалінің боялуын болдырмауға көмектесе алады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөнінде ақпараттық дерекқорға тікелей мәлімдеу кеңесі беріледі Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айну, құсу, диарея, орталық жүйке жүйесінің қатты қозуы, сананың шатасуы, құрысулар. Кейбір жағдайларда бүйрек жеткіліксіздігіне әкелетін амоксициллиндік кристаллурия байқалды. Емдеу: симптоматикалық ем. Әдетте, бүйрек функциясы бұзылмаған пациенттерде жеткілікті мөлшерде сұйықтық ішкен жағдайда асқынулар туындамайды. Бүйрек жеткіліксіздігінде амоксициллин шығарылуы үшін гемодиализ ұсынылады.

Осыған ұқсас жағдайлар өте сирек байқалса да, пенициллиндерге, басқа β-лактамды антибиотиктерге және цефалоспориндерге айқаспалы аса жоғары сезімталдықтың даму ықтималдығы бар. Амоксициллинмен емдеу аллергиялық реакцияға алып келген жағдайда антибиотик қабылдауды тоқтату және тиісті ем жүргізу керек. Амоксициллин қабылдап жүрген пациенттерде безді қызбамен астасқан эритематозды (тері) бөрту байқалды. Пенициллинмен ем алып жүрген пациенттерде күрделі, кейде өліммен аяқталған аса жоғары сезімталдық реакцияларының (анафилактоидты және терінің ауыр жағымсыз реакцияларын қоса) дамуы туралы хабарламалар алынды. Аса жоғары сезімталдық реакциялары миокард инфарктісіне әкелуі мүмкін күрделі аллергиялық реакция - Коунис синдромына дейін үдеуі де мүмкін. Бұл реакциялардың анамнезінде пенициллинге аса жоғары сезімталдығы бар тұлғаларда және атопия бар тұлғаларда болуы аса ықтималды. Аллергиялық реакция туындаған жағдайда амоксициллин/клавулан қышқылымен емді тоқтату және тиісті баламалы ем тағайындау керек. Дәрілік-индукцияланған энтероколит синдромы (DIES) бәрінен жиірек амоксициллин/клавуланат қабылдаған балаларда байқалды. DIES – аллергиялық тері немесе респираторлық симптомдары болмағанда ұзаққа созылған құсудың (препаратты қолданудан кейін 1-4 сағаттан соң) жетекші симптомы бар аллергиялық реакция. Қосымша симптомдар іштің ауыруын, диарея, гипотензия немесе нейтрофилиямен лейкоцитозды қамтуы мүмкін. Шок күйіне дейін үдеуді қоса, ауыр жағдайлар болды. Амоксициллинді ұзақ уақыт қолдану кейде сезімтал емес микроорганизмдердің күшейіп кеткен көбеюіне де әкелуі мүмкін. Бүйрек функциясының бұзылуы бар пациенттерде немесе жоғары дозаларын қабылдаған немесе бейімдейтін факторлары (анамнезінде құрысулар, эпилепсия және басқа бұзылыстар) бар пациенттерде құрысулар туындауы мүмкін. Бүйрек функциясының бұзылуы бар пациенттерде бұзылу айқындылығы дәрежесіне қарай дозаны түзету қажет. Препаратты қабылдаудың басында температураның көтерілуімен біріккен, пустулалық бөртумен астасқан жайылған эритеманың туындауы жедел жайылған экзантемалық пустулез (AGEP) симптомы болуы мүмкін. Аталған реакция амоксициллин қабылдауды тоқтатуды талап етеді және әріқарай оны қолдануға қарсы көрсетілім болып табылады. Егер амоксициллин қолданудан кейін морбиллия тәрізді бөртпе болса, инфекциялық мононуклеозға күмән туындағанда амоксициллинді қолданбаған дұрыс. Амоксициллинмен Лайм ауруын емдеу кезінде эндоуытты шок реакциясы (Яриш-Герксгеймер реакциясы) дамуы мүмкін. Аталған құбылыстар Borrelia burgdorferi спирохеталарының жаппай қырылуы және эндотоксиндердің қанға шығуы себебінен болады. Диурез төмендеген пациенттерде өте сирек, көбінесе парентеральді ем кезінде кристаллурия (бүйректің жедел жеткіліксіздігін қоса) байқалды. Амоксициллиннің жоғары дозаларын енгізу кезінде амоксициллиндік кристаллурия мүмкіндігін азайту үшін талапқа сай сұйықтық ішу және диурезді демеу мақсатқа сай. Қуыққа катетерлер қойылған пациенттерде олардың өткізгіштігін үнемі тексеріп отыру керек. Амоксициллинмен емдеу кезінде ішек флорасында өзгеріс болуы мүмкін. Бұл Clostridium difficile мөлшерінің көбеюіне және жалған жарғақшалы колит дамуына әкелуі мүмкін. Ондай жағдайда амоксициллин қолдануды тоқтату және тиісті емдеу жүргізу қажет. Сондай-ақ зеңді микроорганизмдер мөлшері, әсіресе, қынапта көбейіп кетуі мүмкін. Хиконцил қолдану кезінде инфекциялық мононуклеоз немесе лимфалық бездердің қатерлі ауруы бар пациенттерде тері бөртпесі жиірек туындайды. Бүйрек жеткіліксіздігі Бүйрек жеткіліксіздігі бар пациенттерде препаратты сақтықпен қабылдау керек. Бүйрек функциясының айқын бұзылуында, қолдану тәсілінің ұсынымдарына сай, дозалар арасындағы үзілісті ұзарту ұсынылады. Амоксициллин мен пероральді антикоагулянттарды бір мезгілде қабылдап жүрген пациенттерде протромбин уақытының ұзаққа созылуы (INR халықаралық қалыптасқан қатынастың артуы) туралы сирек хабарланды. Сондықтан антикоагулянттармен бір мезгілде қолдану кезінде тиісінше бақылау жүргізу керек. Қан ұюының қажетті деңгейін ұстап тұру үшін пероральді антикоагулянт дозасын түзету қажет болуы мүмкін. Амоксициллиннің сарысу мен несептегі жоғары деңгейлері кейбір зертханалық талдауларға ықпал етуі мүмкін. Амоксициллинді қолданумен емдеу кезінде несепте глюкозаның бар-жоғына талдау жасалғанда ферменттік глюкозооксидаза әдістерін пайдалану керек, өйткені ферменттік емес әдістерді пайдалану кезінде жалған-оң нәтижелер болуы мүмкін. Қандағы амоксициллин мөлшері жүкті әйелдердегі эстрадиолды талдау нәтижелерінің бұрмалануына әкелуі мүмкін. Арнайы сақтандырулар Балаларда қолдану Препаратты шала туған нәрестелерде және неонатальді кезеңде қолдану кезінде алдын ала сақтану шараларын қадағалау қажет: бүйрек, бауыр функциясын және гематологиялық көрсеткіштерді бақылап отыру керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлік басқару және механизмдермен жұмыс істеу қабілетіне әсер ету зерттеулері жүргізілмеген. Алайда, автокөлікті немесе қауіптілігі зор механизмдерді басқару қабілетіне ықпал етуі мүмкін жағымсыз әсерлер (мысалы, аллергиялық реакциялар, бас айналу, құрысулар) туындауы мүмкін.

Жүктілік Жануарларға жүргізілген зерттеулерде тұқым өрбіту қабілетіне уыттылығына қатысты тікелей немесе жанама зиянды әсерін көрсететін деректер анықталмады. Амоксициллинді адамда жүктілік кезінде қолдану жөніндегі шектеулі деректер туа біткен даму ақаулары қаупінің артуын көрсетпейді. Амоксициллинді жүктілік кезінде ықтималды пайдасы емдеумен байланысты зор қауіптерден асып түсетін жағдайларда қолдануға болады. Бала емізу Амоксициллин аздаған мөлшерде емшек сүтіне бөлінеді, осыған байланысты, сенсибилизация қаупі болуы мүмкін. Препаратты қабылдау кезінде балада диарея және шырышты қабықтар кандидозының даму қаупінің болуына байланысты емшек сүтімен қоректендіруді тоқтату ұсынылады. Лактация кезеңінде тек амоксициллин емдеуші дәрігердің пайда/қаупін мұқият бағалауынан кейін ғана қолданылуы тиіс. Қосымша заттар туралы айрықша ақпарат Аталған препарат құрамында дозасына 8,5 мг аспартам (E951) бар. Аспартам фенилаланин көзі болып табылады. Бұл фенилаланин жинақталатын сирек генетикалық ауру - фенилкетонурия (ФКУ) бар пациенттер үшін зиянды болуы мүмкін, сондықтан организм оны тиісті жолмен шығара алмайды. Аталған препарат құрамында дозасына 7,1 мг натрий бензоаты бар. Натрий бензоаты жаңа туған нәрестелерде (4 аптаға дейінгі) сарғаю (терінің және көз ақуыздарының сарғайып кетуі) симптомдарының күшеюіне ықпал етуі мүмкін. Аталған препарат құрамында дозасына 1 ммоль мөлшерінен аз натрий (23 мг) бар, яғни, құрамында натрий жоқ дерлік.

Бір мезгілде қолдану кезінде Хиконцил кейбір пероральді контрацептивтік дәрілер тиімділігін төмендетуі мүмкін. Аллопуринолды амоксициллинмен бір мезгілде қабылдап жүрген пациенттерде тері бөртпесі жиірек дамиды. Клавулан қышқылымен бір мезгілде қолдану амоксициллин әсерін күшейтеді Амоксициллиннің басқа антибиотиктермен біріктірілімі Амоксициллинді бактериостатикалық антибиотиктермен (макролидтер, тетрациклиндер) және басқа бета-лактамды антибиотиктермен (цефалоспориндер, монобактамдар, пенемдер) біріктіру ұсынылмайды. Бактериостатикалық әсері бар антибиотиктер амоксициллин тиімділігін төмендетеді. Егер сіз метотрексат қабылдап жүрсеңіз (обыр мен псориаздың ауыр түрін емдеу үшін қолданылатын), пенициллиндер метотрексаттың шығарылуын төмендетуі мүмкін, ол жағымсыз әсерлердің күшеюіне әкелуі мүмкін. Амоксициллинмен біріктіріп қолданғанда антикоагулянттар әсері күшейеді, бұл қан кетуді туындатуы мүмкін. Амоксициллинмен емдеу кезінде Кумбс реакциясының және несептегі глюкоза концентрациясын анықтаудың жалған-оң нәтижелері алынуы мүмкін. Пробенецидті бір мезгілде қолдану амоксициллиннің өттегі деңгейін арттырады. Пробенецидті (подаграда пайдаланылатын) бір мезгілде қолдану амоксициллин шығарылуын төмендетуі мүмкін, сол себепті, ұсынылмайды. Пробенецид бүйрекпен амоксициллиннің өзекшелік секрециялануын төмендетеді. Пробенецидті бір мезгілде қолдану қандағы амоксициллин деңгейінің жоғарылауына, оның ішінде ұзаққа созылуына әкелуі мүмкін. Амоксициллинді аминогликозидтермен біріктірілімде қолдануға болады. Бірігуі синергиялық әсер етеді. Амоксициллинді хинолондармен бір мезгілде қолдануға болады.

Сақтау мерзімі 3 жыл Дайын суспензия –2 °С – 8 °С температурада 14 тәулік. Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!