Хилора капли 0.15 %

1 мл препараттың құрамында белсенді зат - 1,5 мг натрий гиалуронаты, қосымша заттар: бензалконий хлориді, динатрий фосфаты додекагидраты, натрий дигидрофосфаты моногидраты, натрий хлориді, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз тұтқыр ерітінді.

«Құрғақ көз» синдромын симптоматикалық емдеу.

Хилора құрамында натрий гиалуронаты бар, бұл бактериялық ферментация жолымен алынған жоғары молекулалық массасы бар табиғи текті полисахарид болып табылады. Полимердің псевдопластикалық, тұтқырлығы жоғары және ылғалды сақтайтын жоғары қабілеті жас үлбірін тұрақтандыруға және көз беткейін ылғалдандыруға көмектеседі.

Дозалау режимі Егер дәрігер басқаша тағайындамаса, онда препаратты әр көздің конъюнктивалық қалтасына тәулігіне 6 рет 1 тамшыдан тамызу ұсынылады. Тамызу жиілігі мен қолдану ұзақтығын пациенттің емге реакциясына байланысты дәрігер жекелей анықтайды. Жанаспалы линзаларды пайдаланатын пациенттерге Хилора препаратын қолданар алдында оларды шешіп және көзге тамызатын дәріні тамызғаннан кейін 15 минуттан соң қайта тағу керек. Балалар Препаратты балаларда аса қажет болған жағдайда және дәрігердің мұқият бақылауымен ғана қолдану керек. 8 жасқа дейінгі балаларға қолданылмайды Бүйрек/бауыр жеткіліксіздігі бар пациенттер Дозаны түзету қажет емес. Егде жастағы пациенттер Дозаны түзету қажет емес. Препаратты қолдану жөніндегі нұсқаулық Препаратты пайдаланар алдында құтының зақымданбағанына көз жеткізу қажет. 1. Қолыңызды жуыңыз және ыңғайлы күйде отырыңыз. 2. Қорғаныш қақпағын шешіп алыңыз (егер қорғаныш қақпағын шешіп алғаннан кейін сақтандыру сақинасы құтыға тығыз жабыспай тұрса, оны алып тастау қажет). 3. Көздің төменгі қабағын саусағыңызбен ақырын төмен қарай тартыңыз. 4. Құтының түбін жоғары қаратыңыз және құтының ұшын көзге жақын әкеліңіз (құты мен тамшылатқыштың микробтық ластануының алдын алу үшін тамшылатқыштың ұштығын көзге, қабаққа немесе кез келген беткейге тигізбеу керек). 5. Препараттың бір тамшысын тамызу үшін саусақтарыңызбен құтыны ақырын басыңыз. 6. Көзіңізді жабыңыз және саусағыңызбен көздің ішкі бұрышындағы көз жасы қалтасын 2 минут басыңыз. 7. Құтыны қорғаныш қақпағымен мықтап жабыңыз.

- әсер етуші затқа немесе қосымша заттардың кез келгеніне аса жоғары сезімталдық - 8 жасқа дейінгі балалар

Көру мүшесі тарапынан: жиі - аллергиялық реакциялар (қабақтың немесе конъюнктиваның қабынуы, қышыну, күйдіру, қызару, көз жасының көп ағуы немесе беткейлік кератит); ириттер болуы мүмкін. Бұл реакциялар әдетте уақытша жағымсыз құбылыстар болып табылады және препаратты қабылдауды тоқтатқаннан кейін басылады. Мөлдір қабықтың елеулі зақымдануына ұшыраған кейбір пациенттерде құрамында фосфат бар көзге тамызатын дәрілерді пайдалануға байланысты мөлдір қабықтың кальцификациялануының өте сирек жағдайлары туралы хабарланған. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Арнайы ескертулер Хилора құрамында көздің тітіркенуіне және жанаспалы линзалар түсінің өзгеруіне әкелуі мүмкін бензалконий хлориді бар. Жанаспалы линзаларды пайдаланатын пациенттерге Хилора препаратын қолданар алдында оларды шешіп және көзге тамызатын дәріні тамызғаннан кейін 15 минуттан соң қайта тағу керек. Препаратты қолданғаннан кейін ерекше сезімдер, күйдіру немесе көздің ауыруы пайда болған жағдайда дәрігермен кеңесу керек. 1 мл препараттың құрамында 23 мг-нан аз натрий бар, яғни іс жүзінде «құрамында натрий жоқ». Бұл препараттың құрамында 1 мл препаратта 0,1802 мг фосфат бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне әсер етпейді.

Жүктілік кезеңінде әйелдерде көзге тамызатын дәрі түрінде натрий гиалуронатын қолдану бойынша тиісті зерттеулер жүргізілген жоқ. Жүктілік кезеңінде әйелдерде көзге тамызатын дәрі түрінде натрий гиалуронатын қолдану қауіпсіздігі туралы клиникалық деректер жоқ. Препараттың буыздыққа/немесе эмбрионның/ұрықтың дамуына және/немесе тууға және/немесе туғаннан кейінгі дамуға әсері туралы жануарларды зерттеу деректері шектеулі. Адамдар үшін ықтимал қаупі белгісіз. Препарат жүктілік кезеңінде әйелдерде өте қажет болған жағдайда ғана пайдаланылуы керек. Көзге тамызатын дәрі түріндегі натрий гиалуронатының лактацияға әсері белгісіз. Препарат фертильділікке әсер етпейді.

Натрий гиалуронаты төрттік аммоний тұздарының қатысуымен тұнба түзуі мүмкін, сондықтан құрамында жоғарыда аталған заттар бар препаратты және ерітінділерді бір мезгілде қолданудан аулақ болу керек.

Сақтау мерзімі 5 жыл Құтыны ашқаннан кейін – 28 күн ішінде қолдануға болады. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!