Холензим таблетки

Бір таблетканың құрамында белсенді заттар: құрғақ өт 100 мг, ұйқы безі және жіңішке ішек шырышты қабықтарының ұнтағы* 200 мг қосымша заттар: ақ қант, жеңіл магний карбонаты, повидон К-25, сусыз коллоидты кремнийдің қостотығы, титанның қостотығы Е 171, коповидон, кальций стеараты, ара балауызы. * - ірі қара мал мен шошқаның мұздатылған I сұрыпты ұйқы бездерінің және шошқаның мұздатылған жіңішке ішектерінің шырышты қабықтарынан алынады. Сыртқы түрінің, иісінің, дәмінің сипаттамасы Екі жақ беті дөңес, ақ түсті қабықпен қапталған ерекше иісі бар таблеткалар. Көлденең қимасында екі қабаттан тұратыны көрініп тұрады.

Асқазан-ішек жолдарының аурулары мен функционалдық бұзылулары кезінде өт айдайтын және ас қорыту ферменті дәрісі ретінде: созылмалы гепатит, созылмалы калькулезді емес холецистит, созылмалы панкреатит, гастрит, колит; метеоризм, генезі инфекциялық емес диарея.

Әсер ету механизмі Асқазан-ішек жолының функционалдық жағдайын жақсарта отырып, ас қорыту үдерісін қалыпқа келтіретін, жануар текті біріктірілген препарат. Өт айдайтын әсері бар. Препараттың құрамына кіретін ас қорыту ферменттері (трипсин, амилаза және липаза) және өт ақуыздардың, көмірсулар мен майлардың қорытылуын жеңілдетеді, бұл олардың жіңішке ішекте толық сіңуіне ықпал етеді.

Дозалау режимі Ересектерге және 12 жастан асқан балаларға тәулігіне 1-3 рет 1 таблеткадан. Таблеткаларды шайнамай, көп мөлшердегі сұйықтықпен қабылдаңыз. Тәуліктік дозаны арттыру ұсынылмайды. Енгізу әдісі мен жолы Холензимді тамақтан кейін ішке қабылдайды.

- әсер етуші заттарға немесе қосымша заттардың кез келгеніне аса жоғары сезімталдық, - жедел панкреатит, - созылмалы панкреатиттің өршуі, - обтурациялық сарғаю, - 12 жасқа дейінгі балалар.

- сезімталдықтың жоғарылауына байланысты мүмкін реакциялар (түшкіру, жас ағу, терінің қызаруы, тері бөртпесі және т.б.). Олар туындаған кезде препаратты қолдануды тоқтату және дәрігерге жүгіну керек. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, қыжыл, диарея, терінің қышынуы, қандағы трансаминаз деңгейінің жоғарылауы. Емі: препаратты тоқтату, симптоматикалық ем. Препаратты қолдану бойынша сұрақтар туындаған жағдайда медицина қызметкеріне жүгіну керек.

Холензим препаратының құрамында сахароза (ақ қант) бар. Сирек кездесетін тұқым қуалайтын фруктоза көтере алмаушылығы, глюкоза-галактоза мальабсорбциясы немесе сахараза-изомальтаза тапшылығы бар пациенттерге бұл препаратты қабылдауға болмайды. Қант диабеті кезінде препараттың құрамына сахароза кіретінін ескеру керек. Бір таблеткада шамамен 0,167 г сахароза (ақ қант) бар, бұл 0,017 НБ сәйкес келеді; препараттың ең жоғары тәуліктік дозасында шамамен 0,5 г сахароза (ақ қант) бар, бұл 0,05 НБ сәйкес келеді. Арнайы ескертулер Жүктілік Көрсетілімдер бойынша жүктілік кезінде қолданылуы мүмкін. Лактация Көрсетілімдер бойынша лактация кезінде қолданылуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Нұсқаулықта көрсетілмеген.

Құрамында кальций карбонаты және/немесе магний гидроксиді бар антацидтік дәрілерді бір мезгілде қолдану дәрілік зат тиімділігінің төмендеуіне әкелуі мүмкін. Ұзақ уақыт қолданған кезде темірдің сіңуін төмендетуі мүмкін.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Ылғалдан және жарықтан қорғалған жерде 25°С-ден аспайтын температурада сақтау керек. Балалардың қолы жетпейтін жерде сақтау керек!