Хондроарт раствор 100 мг/мл

Бір ампуланың ішінде белсенді зат – хондроитин натрий сульфаты, 100.0 мг (көлемі 1 мл үшін) немесе 200.0 мг (көлемі 2 мл үшін). қосымша заттар: бензил спирті, инъекцияға арналған су. Сыртқы түрінің сипаттамасы Мөлдір түссіз немесе сәл сарғыш реңді, бензил спиртінің иісі бар ерітінді.

18 жастан асқан ересектерде қолданылады: Буындар мен омыртқа бағанының дегенеративті-дистрофиялық аурулары: - шеткері буындардың остеоартрозы - омыртқааралық остеоартроз және остеохондроз.

ATX коды: M01AX25 Препараттың негізгі әсер етуші заттары - хондроитин сульфатының натрий тұздары А және С (орташа молекулалық массасы 11000 дальтон). Хондроитин натрий сульфаты - жоғары молекулалық мукополисахарид. Шеміршек матриксінің коллаген талшықтарымен бірге құрайтын протеогликандардың негізгі компоненті болып табылады. Препарат дегенерация үдерісін тежейді және шеміршек тінінің қалпына келуін ынталандырады, хондропротективті, қабынуға қарсы, ауырсынуды басатын әсерге ие. Қосымша субстрат ретінде қызмет етеді және патологиялық үдерістен катаболизденген буын шеміршегін репарациялауға қатысады. Буын шеміршегінің деградациясын тудыратын энзимдердің белсенділігін басады: металлопротеиназаны, атап айтқанда, лейкоцитарлы эластазаны тежейді. Гиалуронидазаның белсенділігін төмендетеді. Бос оттегі радикалдарының лықсып шығарылуын ішінара бөгейді; антигендік детерминант - химотаксисті бөгеуге ықпал етеді. Хондроциттердің протеогликандар өндіруін ынталандырады. Шеміршек тініндегі фосфор-кальцийдің алмасуына әсер етеді. Шеміршек матриксінің механикалық және серпімді тұтастығын қалпына келтіруге мүмкіндік береді. Қабынуға қарсы және ауырсынуды басатын әсерлерге синовиоциттер мен синовиальды қабықтың макрофагтары арқылы қабыну медиаторлары мен ауырсыну факторларының синовиальды сұйықтыққа шығарылуының төмендеуі, сондай-ақ B4 лейкотриен мен E2 простагландин секрециясының басылуы нәтижесінде қол жеткізіледі. Препаратты қолдану буын қабаты мен буындардың шеміршек қабаттарын қалпына келтіруге ықпал етеді, дәнекер тіннің қысылуына жол бермейді, буын қабаттарын майлау рөлін атқарады, буын сұйықтығының өндірісін қалыпқа келтіреді, буындардың қозғалғыштығын жақсартады, ауырсыну қарқындылығын төмендетуге көмектеседі. Хондроитин натрий сульфаты сүйек тінінің резорбциясын баяулатады және кальцийдің жоғалуын азайтады, сүйек тінін қалпына келтіру үдерістерін жеделдетеді.

Дозалау режимі Препаратты күн ара бұлшықет ішіне 1 мл (100 мг хондроитин натрий сульфаты) тағайындайды. Жағымдылығы жақсы болған жағдайда дозаны төртінші инъекциядан бастап 2 мл (200 мг хондроитин натрий сульфаты) дейін арттырады. Емдеу курсы-25-35 инъекцияны құрайды. Қажет болған жағдайда 6 айдан кейін емдеу курсын қайта жүргізуге болады. Енгізу әдісі мен жолы Дәрілік зат бұлшықет ішіне енгізуге арналған. Вена ішіне енгізуге болмайды! Дәрілік зат ампуланы ашқаннан кейін бірден пайдаланады. Ампула тек бір рет қолдануға арналған. Қабылдау уақыты көрсетілген қолдану жиілігі Инъекциялар күн ара жасалады. Дәрілік препаратты қабылдамас бұрын дәрігер немесе фармацевт кеңесіне жүгініңіз Дәрілік препаратты стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар - Экзема (терінің қышынуы), эритема, есекжем, дерматит, қышынумен және/немесе ісінумен бірге жүру мүмкін макулопапулездік бөртпе (жиілігі белгісіз); - жүрек айнуы, құсу (сирек жағдайларда); - ангионевроздық ісіну (өте сирек жағдайларда); - инъекция орнындағы геморрагиялар. Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет: Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- әсер етуші затқа немесе кез келген қосымша заттардың кез келгеніне аса жоғары сезімталдық; - қан кету және қанағыштыққа бейімділік; - тромбофлебиттер; - жүктілік кезеңі және бала емізу (емдеу кезінде бала емізуді тоқтату керек); - 18 жасқа дейінгі балалар және жасөспірімдер (тиімділігі мен қауіпсіздігі анықталмаған).

Нұсқаулықта көрсетілмеген.

Қазіргі уақытта хондроитин сульфатының артық дозалану жағдайлары туралы хабарланған жоқ. Симптомдар. Хондроитин натрий сульфаты тіпті өте жоғары дозаларында да уыттылығы байқалмайды. Ықтимал симптомдары – аллергиялық реакциялар, инъекция орнындағы геморрагиялар. Емі. Препаратты тоқтату. Симптоматикалық емдеу.

Аллергиялық реакциялар немесе геморрагиялар кезінде емдеуді тоқтату керек. Тұрақты клиникалық әсерге қол жеткізу үшін препараттың кемінде 25 инъекциясы қажет, алайда емдеу курсы аяқталғаннан кейін әсері ұзақ уақыт сақталады. Педиатрияда қолдану Балаларда қолданылмайды. Арнайы ескертулер 1 мл ерітіндінің құрамында 9 мг бензил спирті бар. Бензил спирті нәрестелер мен 3 жасқа дейінгі балаларда уыттану және жалған анафилаксиялық реакциялар тудыруы мүмкін. Пациенттердің ерекше топтары Егде жастағы пациенттер Дозаны түзету қажет емес. Бауыр функциясының бұзылуы бар пациенттер Дозаны түзету қажет емес. Бүйрек функциясы бұзылған пациенттер Дозаны түзету қажеттілігі бойынша ұсынымдар белгіленбеген. Педиатрияда қолдану Қолдануға болмайды. Жүктілік Қолдануға болмайды. Лактация кезеңі Қолдануға болмайды. Препаратты лактация кезінде қолдану қажет болған жағдайда, бала емізуді тоқтату керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Нұсқаулықта көрсетілмеген.

Қабынуға қарсы стероидты емес дәрілік заттармен бірге қолданған кезде Хондроарт қабынуға қарсы стероидты емес дәрілік заттардың дозасын азайтуға мүмкіндік береді. Препарат тікелей емес антикоагулянттардың, антиагреганттардың, фибринолитиктердің әсерін күшейтеді, бұл бірге қолданған кезде қанның ұю көрсеткіштерін жиі бақылауды қажет етеді.

Жарықтан қорғалған жерде 25 °С-ден аспайтын температурада сақтау керек. Балалардың қолы жетпейтін жерде сақтау керек!