Хондрогард® раствор 100 мг/мл

Бір ампуланың ішінде белсенді зат - хондроитин натрий сульфаты - 100 мг, 200 мг қосымша заттар: бензил спирті, натрий метабисульфиті, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Мөлдір түссіз немесе сәл сарғыштау реңді, бензил спиртінің иісі бар ерітінді

Буындар мен омыртқа бағанының дегенеративті-дистрофиялық аурулары: • шеткері буындар остеоартрозы • омыртқа аралық остеохондроз және остеоартрозы.

Әсер ету механизмі Хондроитин сульфаты - гиалин шеміршегінде зат алмасу үдерісіне әсер ететін жоғары молекулалы мукополисахарид. Буындар шеміршек тіндерінде дегенеративтік өзгерістерді азайтады, оның қалпына келу үдерістерін тездетеді, протеогликандар синтезін көтермелейді, хондропротективті, қабынуға қарсы, ауыру басатын әсер береді. Препаратпен емдегенде ауырсыну азаяды және зақымданған буындардың қозғалғыштығы жақсарады. Буындардың салдарлы синовит дамуы бар дегенеративтік өзгерістерін емдеу кезіндегі оң әсері препарат енгізуді бастағаннан кейін 2-3 аптадан соң-ақ байқалуы мүмкін, буындардың ауыруы азаяды, реактивті синовиттің клиникалық көріністері жоғалады, зақымданған буындардың қозғалыс көлемі артады. Емдік әсері емдеу курсынан кейін ұзақ уақыт сақталады.

Дозалау режимі Препаратты бұлшықет ішіне 100 мг-ден күнара тағайындайды. Жақсы көтере алған жағдайда төртінші инъекциядан бастап дозаны 200 мг дейін арттырады. Емдеу курсы - 25-30 инъекция. Қажет болғанда емдеу курсын 6 айдан кейін қайталап жүргізуге болады. Енгізу әдісі және жолы Хондрогард® препараты бұлшықет ішіне енгізуге арналған. Вена ішіне енгізуге болмайды.

• белсенді затқа немесе қосымша заттардың кез келгеніне аса жоғары сезімталдық • қан кетулер және қанағыштыққа бейімділік • тромбофлебиттер • жүктілік және лактация кезеңі • балалар мен 18 жасқа дейінгі жасөспірімдер

• аллергиялық реакциялар (терінің қышынуы, эритема, есекжем, дерматит, макулопапулезді бөртпе, ісіну) • инъекция орнындағы геморрагиялар • сирек болатын ангионевроздық ісіну Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қазіргі уақытта хондроитин сульфатының артық дозалану жағдайлары хабарланбаған.

Арнайы ескертулер Препараттың құрамына натрий метабисульфиті кіреді, ол елеулі аллергиялық реакциялар мен бронх түйілуін тудыруы мүмкін. Препарат құрамында бензил спирті бар, ол нәрестелер мен 3 жасқа дейінгі балаларда анафилактоидты реакцияларды тудыруы мүмкін. Педиатрияда қолдану Қазіргі уақытта хондроитин сульфатын балалар мен 18 жасқа дейінгі жасөспірімдерде қолданудың тиімділігі мен қауіпсіздігі жөнінде деректер жоқ. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Хондрогард® жүктілік және лактация кезеңінде қолдануға болмайды.

Қабынуға қарсы стероидты емес препараттармен (ҚҚСП) біріктіріп қолданғанда Хондрогард® қабынуға қарсы стероидты емес дәрілердің дозасын төмендетуге мүмкіндік береді. Препарат тікелей емес антикоагулянттардың, антиагреганттардың, фибринолитиктердің әсерін күшейтеді, бұл бірге қолданғанда қан ұюы көрсеткіштерін жиірек бақылауды қажет етеді.

Сақтау мерзімі 3 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!