Хондроксид Артра® гель 5%

Бір грамм гельдің құрамында белсенді зат - хондроитин натрий сульфаты 50,0 мг, қосымша заттар: диметилсульфоксид, пропиленгликоль, гиэтеллоза (гидроксиэтилцеллюлоза, Natrosol 250), натрий дисульфиті, метилпарагидроксибензоат, пропилпарагидроксибензоат, апельсин хош иістендіргіші, тазартылған су. Сыртқы түрінің, иісінің, дәмінің сипаттамасы Түссіз немесе сарғыш реңді, тән иісі бар мөлдір гель.

• шеткері буын мен омыртқа бағанының дегенеративті-дистрофиялық ауруларында (омыртқа бағаны остеоартрозын, остеохондрозын емдеу және профилактикасы)

Хондроксид Артра, гель аралас әсерге ие - остеоартроз бен остеохондроздың дамуын баяулатады, ауыруды басатын, қабынуға қарсы әсері бар, буын шеміршегін қалпына келтіруді стимуляциялайды, қозғалғыштығын жақсартады және буындардың домбығуын азайтады. Гель компоненттерінің оңтайлы үйлесуіне байланысты олардың ауыруды басатын және қабынуға қарсы әсерінің өзара күшеюі байқалады. Хондроксид Артра, гель препаратын қолдану қабынуға қарсы стероидты емес препараттардың дозасын төмендетуге мүмкіндік береді. Хондроксид Артра, гель құрамында шеміршек тінін құруға қатысатын хондроитин сульфатының (жоғары молекулалық мукополисахарид) табиғи компоненті бар. Хондроитин сульфаты шеміршек тініндегі фосфор-кальций алмасуын жақсартады, шеміршек тінін бұзатын ферменттердің белсенділігін төмендетеді, шеміршек тінінің дегенерациясын (бұзылуын) тежейді, глюкозаминогликандардың синтезін стимуляциялайды, дәнекер тінінің ыдырауына жол бермейді. Бұл аурудың төмендеуіне және зардап шеккен буындардың қозғалғыштығының артуына әкеледі.

Дозалау режимі Сыртқа. Хондроксид Артра® гель зақымдану ошағының бетіндегі теріге күніне 2-3 рет және 2-3 минут бойы толық сіңіп кеткенше, қолмен жеңіл соғу қимылымен ысқылап жағады. Емдеу ұзақтығы Емдеу курсы 2-3 аптадан 2-3 айға дейін. Қажет болса, емдеу курсы қайталанады. Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар Егер сізде осы препаратты қолдану бойынша қосымша сұрақтар туындаған болса, кеңес алу үшін дәрігерге, фармацевтке немесе медбикеге хабарласыңыз.

• препараттың компоненттеріне аса жоғары сезімталдық • жағу аймағындағы тері жабындысының зақымдануы

Жиілігі белгісіз (қолда бар деректер бойынша анықтау мүмкін емес) -аллергиялық реакциялар Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.nnda.kz

Хондроксид Артра® гелі препаратының артық дозалану жағдайлары туралы хабарланған жоқ.

Препараттың шырышты қабықтарға және ашық жараларға түсуіне жол бермеу керек. Препараттың құрамына кіретін диметилсульфоксид және пропиленгликоль теріні тітіркендіруі мүмкін, метилпарагидроксибензоат және пропилпарагидроксибензоат - аллергиялық реакциялар тудыруы мүмкін (оның ішінде кешіктірілген). Теріге немесе киімге тиген кезде гель із қалдырмай сумен оңай жуылады. Арнайы ескертулер Педиатрияда қолданылуы Бала жасында Хондроксид Артра® қолданудың тиімділігі мен қауіпсіздігі анықталмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралын немесе қауіптілігі зор механизмдерді басқару қабілетіне әсер етпейді.

Жүктілік және лактация кезеңінде Хондроксид Артра® қолданудың тиімділігі мен қауіпсіздігі белгіленбеген.

Басқа дәрілік заттармен өзара әрекеттесуі немесе үйлесімсіздік жағдайлары белгісіз.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!