Цевикап капли 100 мг/мл

1 мл (шамамен 20 тамшы) құрамында белсенді зат – 100 мг аскорбин қышқылы қосымша заттар: сусыз глицерин, тазартылған су. Сыртқы түрінің, иісінің, дәмінің сипаттамасы Мөлдір, ашық сары немесе сары сұйықтық.

Тиісті диетаны қолдану жеткіліксіз болған жағдайда С дәрумені тапшылығының алдын алу және емдеу.

Дәруменді зат метаболизмдік әсерін тигізеді, адам ағзасында түзілмейді, тек тамақпен бірге түседі. Көмірсу алмасуының тотығу-қалпына келтіру үдерістерін, қанның ұюын реттеуге қатысады; ағзаның инфекцияларға төзімділігін арттырады. Фенилаланин, тирозин, фолий қышқылы, норэпинефрин, гистамин, темір метаболизміне, көмірсулардың утилизациялануына, липидтердің, ақуыздардың, карнитиннің синтезіне, иммундық реакцияларға, серотониннің гидроксилденуіне қатысады, гемдік емес темірдің сіңірілуін күшейтеді. Антиагрегантты және антиоксидантты қасиеттерге ие. Көптеген биохимиялық реакцияларда сутегі иондарының тасымалдануын реттейді, трикарбон қышқылдарының циклында глюкозаның қолданылуын жақсартады, тетрагидрофолий қышқылының түзілуіне және тіндердің қалпына келуіне, стероидты гормондардың, коллагеннің, проколлагеннің синтезіне қатысады. Жасушааралық заттың коллоидтық күйін және капиллярлардың қалыпты өткізгіштігін сақтайды (гиалуронидазды тежейді). Протеолитикалық ферменттерді белсендіреді, хош иісті аминқышқылдарының, пигменттердің және холестериннің алмасуына қатысады, бауырда гликогеннің жиналуына ықпал етеді. Бауырдағы тыныс алу ферменттерінің белсендірілуіне байланысты оның дезинтоксикациялық және ақуыз түзуші функцияларын күшейтеді, протромбин синтезін арттырады. Өттің бөлінуін жақсартады, ұйқы безінің сыртқы секреторлық қызметін және қалқанша бездің инкреторлық қызметін қалпына келтіреді. Гистаминнің шығарылуын тежейді және ыдырауын жылдамдатады, простагландиндердің және қабыну мен аллергиялық реакциялардың басқа медиаторларының түзілуін тежейді. Төмен дозаларда (тәулігіне 150-250 мг) темір препараттарымен созылмалы улану кезінде дефероксаминнің кешен түзетін функциясын жақсартады, бұл соңғысының шығарылуының жоғарылауына әкеледі.

Дозалау режимі Дәрігердің басқа нұсқаулары болмаған кезде: - нәрестелер мен 2 жасқа дейінгі балаларға: тәулігіне 5-8 тамшы, сусындарға немесе тағамға қосу керек; - 2 жастан 11 жасқа дейінгі балаларға: тәулігіне 10 тамшы; - 12 жастан 17 жасқа дейінгі жасөспірімдер: күніне 15-20 тамшы. 3 жасқа дейінгі балаларға препаратты дәрігермен кеңескеннен кейін беру керек. Енгізу әдісі мен жолы Ішке қабылдау үшін. Дәрілік препараттың бір немесе бірнеше дозасын өткізіп алу кезіндегі қажетті шаралар Өткізіп алған дозаны пациент ол туралы есіне түсірген бойда қабылдау керек. Өткізіп алған дозаның орнын толтыру үшін екі есе дозаны қабылдауға болмайды. Препаратты қабылдау кезінде сұрақтар немесе күмән туындаған жағдайда дәрігерден немесе фармацевтен кеңес алу керек.

- аскорбин қышқылына және/немесе препараттың басқа компоненттеріне жоғары сезімталдық; - оксалатты несеп-тас ауруы; - темірдің жинақталуының бұзылуы (гемохроматоз, талассемия, сидеробластты анемия); - қант диабеті; - глюкоза-6-фосфатдегидрогеназа тапшылығы. Жоғары дозаларды тағайындауға болмайды: - қанның ұюы жоғары пациенттерге; - тромбофлебит және тромбозға бейімділігі бар пациенттерге.

Препарат жақсы төзімділікке ие. Жағымсыз әсерлері жоғары дозаларды қолдану жағдайларына жатады (тәулігіне 1 г жоғары). Қан және лимфа жүйесі тарапынан бұзылулар Глюкоза-6-фосфатдегидрогеназа тапшылығы бар адамдар С дәруменінің үлкен дозаларын қабылдаған кезде гемолиздің дамуы мүмкін. Жүйке жүйесі тарапынан бұзылулар Бас ауруы, шаршау сезімі, ұйқысыздық. Ас қорыту жүйесі тарапынан бұзылулар 1 г немесе одан да көп тәуліктік дозаны қабылдаған кезде АІЖ тарапынан симптомдардың, мысалы, диареяның пайда болуы мүмкін. Аскорбин қышқылын жоғары дозаларда ұзақ уақыт қолдану тәуелділікті тудыруы мүмкін, бұл қабылдауды тоқтатқаннан кейін тапшылыққа алып келуі мүмкін. Бүйрек және несеп шығару жолдары тарапынан бұзылулар Жоғары дозалардағы аскорбин қышқылы несеппен қымыздық қышқылының шамадан тыс шығарылуына, ураттар мен цитраттардың кристалдануына әкелуі мүмкін, бұл несеп шығару жүйесінде тастардың пайда болу қаупін арттырады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары туралы хабарланған жоқ. Бастапқы бүйрек аурулары бар пациенттерде артық дозаланғанда сұйықтықтың сақталуы, гипонатриемия және гипохлоремияның болуы мүмкін. Емі: симптоматикалық, күшейтілген диурез.

Үлкен дозаларда қолданылатын аскорбин қышқылы тотықты қалпына келтіру әдістерімен өндірілетін зертханалық зерттеулердің нәтижелерін бұрмалауы мүмкін (мысалы, нәжісте жасырын қанның бар-жоғын зерттеу, қан мен несептегі глюкоза мен креатинин концентрациясын анықтау). Арнайы сақтандырулар Педиатрияда қолдану 3 жасқа дейінгі балаларға препаратты дәрігермен кеңескеннен кейін беру керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Препаратты жүктілік кезінде қолдануға болады. Жүкті әйелдерде аскорбин қышқылының ұсынылатын тәуліктік дозасы (диетадағы дозаны қоса алғанда) 80 мг құрайды. Жүкті әйелдердің аскорбин қышқылын жоғары дозаларда қолдануы жоғары дозалардың әсерінен метаболизмдік үдерістердің индукциясы салдарынан нәрестеде С гиповитаминозының дамуын туындатады. Препараты емшекпен емізу кезінде қолдануға болады. Бала емізетін әйелдерде аскорбин қышқылының ұсынылатын тәуліктік дозасы (диетадағы дозаны қоса алғанда) 100 мг құрайды. Ана сүтіндегі аскорбин қышқылының мөлшері 30-55 мг/л құрайды, бұл емшек сүтін еметін бала үшін жеткілікті. Емшектегі балаларда артық дозалану қаупіне байланысты аскорбин қышқылын жоғары дозаларда қолданудан аулақ болу керек.

Құрамында мыс пен темірдің қосылыстары бар препараттармен, сондай-ақ химиялық сәйкессіздікке байланысты тотығатын қасиеттері бар өнімдермен бірге қолдануға болмайды. Дозасы 200 мг асатын аскорбин қышқылын қолдану бір мезгілде қабылданған темірдің АІЖ сіңірілуін күшейтеді. Аскорбин қышқылы мен ацетилсалицил қышқылын бір мезгілде қабылдаған кезде аскорбин қышқылының арта отырып шығарылуы және ацетилсалицил қышқылының азайтылып шығарылуы байқалады. Аскорбин қышқылы парацетамолдың жартылай шығарылу кезеңін ұзартады, ал күніне 1 г асатын дозаларда трициклды антидепрессанттардың, фенотиазин туындыларының және аминогликозидті антибиотиктердің әсер ету тиімділігін төмендетуі мүмкін. Аскорбин қышқылы мен В12 дәруменін (цианокобаламин) бір мезгілде қабылдау цианокобаламиннің тиімділігінің төмендеуіне әкелуі мүмкін. Аскорбин қышқылын қабылдау α токоферолдың плазмалық концентрациясын арттырады, ал токоферол аскорбин қышқылының концентрациясына әсерін тигізеді. Аскорбин қышқылы бауыр метаболизмін өзгерту арқылы дәрілік препараттардың емдік әсеріне әсерін тигізуі мүмкін.

Сақтау мерзімі 2 жыл Ашылған құтыны 6 ай ішінде пайдалану қажет. Жарамдылық мерзімі өткеннен кейін қолдануға болмайды! Сақтау шарттары Мұқият жабылған құтыда, 25°С-ден аспайтын температурада сақтау керек. Жарықтан қорғау керек. Балалардың қолы жетпейтін жерде сақтау керек.