Гарамицин® қосылған Целестодерм-В® крем

1 г кремнің құрамында белсенді заттар - бетаметазон валераты, 1.22 мг (1 мг бетаметазонға баламалы), - гентамицин, 1.00 мг немесе 1000 ХБ (гентамицин сульфаты түрінде) қосымша заттар - хлорокрезол, натрий дигидрофосфат дигидраты, фосфор қышқылы, сұйық парафин, цетостеарил спирті, макроголдың цетостеарилді эфирі, ақ жұмсақ парафин, натрий гидроксиді, тазартылған су. Сыртқы түрінің, иісінің, дәмінің сипаттамасы Түйірлері және көзге көрінетін механикалық қоспалары жоқ, жұмсақ, біркелкі, ақ крем

Гентамицинге сезімтал микроорганизмдерден туындаған екінші қайтара инфекция болғанда глюкокортикостероидты (ГКС) емге бейімді тері ауруларын жергілікті емдеу.

Әсер ету механизмі Бетаметазон Бетаметазон валераты – жергілікті қолдануға арналған синтетикалық глюкокортикостероид. Бетаметазон, преднизолон туындысы жоғары глюкокортикостероидты белсенділікті және тек аз шамада ғана минералкортикоидты қасиеттерді иеленген. Қабынуға қарсы, қышынуға қарсы және тамыр тарылтатын әсеріне қарай стероидты сезімтал дерматоздарды емдеу үшін жергілікті глюкокортикостероидтар (мысалы, бетаметазон валераты) тағайындалады. Жергілікті қолдануға арналған бетаметазон валераты мен құрамында фтор бар әртүрлі белгілі глюкокортикостероидтардың тиімділігін фармакодинамикалық салыстыру үшін тамыр тарылтатын Маккензи тестін қолдануға болады. Бұл тестте бетаметазон валератының тамыр тарылтатын әсері флуцинолон ацетонидінің 100 мәнімен салыстырғанда 360 құраған (салыстыру үшін басқа мәндер: гидрокортизон > 1; триамцинолон ацетониді: 75). Гентамицин (синоним: гарамицин) Гентамицин – аминогликозидті антибиотик. C1, C1a және C2 гентамицин гомологтарының құрылымдық тығыз байланысқан жиынтығын білдіреді. Әсер ету механизмі Гентамициннің бактерицидтік әсер ету механизмі рибосомалық РНҚ-мен қайтымсыз байланысу арқылы ақуыз синтезінің тежелуіне негізделген, бұл ретте генетикалық кодты қате оқылуы және функционалдық емес ақуыздардың түзілуі жүреді. Фармакокинетикалық/фармакодинамикалық өзара әрекеттесуі Тиімділігі плазмада қол жеткізілген ең жоғары концентрация (C max) мен ең төменгі бәсеңдететін концентрациясы (ЕТБК) арақатынасына байланысты. Резистенттілік механизмі Гентамицинге резистенттілік келесі механизмдердің салдары болуы мүмкін: • Ферментативті инактивация: аминогликозид молекуласының ферментативті модификациясы ацетилтрансферазалар, фосфотрансферазалар немесе нуклеотидилтрансферазалар қатысатын ең көп таралған резистенттілік механизмі болып табылады, олардың көпшілігі плазмидтермен кодталған. • Ену және белсенді ағып шығудың төмендеуі: бұл төзімділік механизмдері негізінен Pseudomonas aeruginosa қатысты қолданылады. • Нысана модификациясы: мутация немесе метилтрансферазалардың түзілуі нәтижесінде рибосомалар ішіндегі модификациялар бактерия жасушасы төзімділігінің даму себептері болып табылады. Гентамициннің, әдетте аминогликозидтер тобындағы антибиотиктермен айқаспалы резистенттілігі болады. Шектік мәндері Анықтамалар-S: стандартты экспозицияға сезімталдық; I: жоғары әсерге сезімталдық; R: резистенттілік Гентамицин сұйылтулардың стандартты серияларын пайдаланумен тестіленеді. Сезімтал және төзімді микроорганизмдер үшін мынадай ең төменгі бәсеңдететін концентрациялары белгіленген. EUCAST микробқа қарсы сезімталдықты тестілеу жөніндегі Еуропалық комитеттің шектік мәндері (European Committee on Antimicrobial Susceptibility Testing v. 14.0) Микроорганизм — Сезімталдық — Резистенттілік Enterobacterales (systemic infection) — ( 2 мг/л) 1 — (> 2 мг/л) 1 Enterobacterales (infections originating from the urinary tract ) — 2 мг/л — > 2 мг/л Acinetobacter spp. (systemic infections) — ( 4 мг/л) 1 — (> 4 мг/л) Acinetobacter spp. (infections originating from the urinary tract ) — 4 мг/л — > 4 мг/л Staphylococcus aureus (systemic infections) — ( 2 мг/л) 1 — (> 2 мг/л) 1 Coagulase-negative Staphylococcus (systemic infections) — ( 2 мг/l) 1 — ( 2 мг/l) 1 1 Шектік мәндер эпидемиологиялық шекті мәнге (ECOFF) негізделген, олар жабайы типтегі изоляттарды сезімталдығы төмен изоляттардан ажыратады. *Қосымша ақпаратты веб сайттан қараңыз://www.eucast.org/eucastguidancedocuments/. Бұл деректер негізінен қан сарысуындағы фармакокинетикалық деңгейлерге негізделген. Алайда, EUCAST шектік мәндері жергілікті әсер ететін гентамицин препараттары үшін өзекті болып табылмайды, өйткені жақпамайды қолданғанда шектік мәндеріне қарағанда антибиотиктің жергілікті концентрациялары 250-500 есе жоғары. Қолданған жерде антибиотиктің концентрациясы жоғары болғандықтан, Гарамицин қосылған Целестодерм-В препаратын жергілікті қолданғанда резистенттіліктің туындау ықтималдығы аз. Тері микроорганизмдерінің гентамицинге резистенттілігін анықтау үшін in vitro көп орталықты зерттеуде барлық тестіленген S. aureus және S. pyogenes штамдары 128 мг/л концентрациядан бастап сезімтал болды. Кремді қолданған кезде 1000 мг/л дейінгі концентрацияға жететіндіктен, S. aureus және S. pyogenes штамдарының гентамицинге төзімділігі байқалмайды. Жүре пайда болған резистенттіліктің Германиядағы таралуы Жеке түрлерде жүре пайда болған резистенттіліктің таралуы географиялық орналасуына байланысты және уақыт бойынша өзгеруі мүмкін. Сондықтан, әсіресе ауыр инфекцияларды тиісті емдеу үшін жергілікті қарсылық жағдайы туралы ақпарат қажет. Егер гентамициннің тиімділігі жергілікті резистенттілік жағдайына байланысты күмән тудырса, емдеуші маманнан кеңес алу керек. Атап айтқанда, ауыр инфекциялар болған кезде немесе емдеу тиімсіз болған жағдайда, мүмкіндігінше микроорганизмдер мен олардың гентамицинге сезімталдығын анықтайтын микробиологиялық диагностика қажет. Төменде ұлттық жобалар мен резистенттілік мониторингі бойынша зерттеулер аясында соңғы 5 жылдағы парентеральді қолдану деректері негізінде жүре пайда болған резистенттіліктің Германияда таралуы бойынша деректер келтірілген (2024 жылғы мамыр айындағы жағдай бойынша). Препаратты жергілікті қолдану кезіндегі резистенттілікке қатысты деректер жоқ. Микроорганизмдердің сезімтал түрлері Аэробты грамоң микроорганизмдер Staphylococcus aureus Staphylococcus saprophyticus° Аэробты грамтеріс микроорганизмдер Acinetobacter baumannii Acinetobacter pittii Citrobacter freundii Citrobacter koseri Enterobacter cloacae Enterococcus faecalis Escherichia coli Klebsiella aerogenes Klebsiella oxytoca Klebsiella pneumoniae Morganella morganii Proteus mirabilis Proteus vulgaris° Salmonella enterica (сальмонелла энтериті) Serratia liquefaciens° Serratia marcescens Жүре пайда болған резистенттілік емдеу кезінде проблемаға айналуы мүмкін микроорганизмдердің түрлері Аэробты грамоң микроорганизмдер Staphylococcus epidermidis Staphylococcus haemolyticus+ Staphylococcus hominis Табиғи резистенттілігі бар микроорганизмдердің түрлері Аэробты грамоң микроорганизмдер Enterococcus түрлері § Enterococcus faecium Streptococcus түрлері § Аэробты грамтеріс микроорганизмдер Burkholderia cepacia Legionella pneumophila Stenotrophomonas maltophilia Анаэробты микроорганизмдер Bacteroides түрлері Clostridium difficile Басқа микроорганизмдер Chlamydia түрлері Mycoplasma түрлері Ureaplasma urealyticum °Жарияланған кезде жаңартылған ақпарат жоқ. Сезімталдық әдебиеттерге, стандартты жұмыс сілтемелеріне және емдеу ұсынымдарына негізделген. +Резистенттілік көрсеткіші кем дегенде бір аймақта 50%-дан асады. § Тұрақты резистенттілігі болмаса, пенициллинмен біріктірілген энтерококктар мен стрептококктардан туындаған эндокардиттерді емдеуде дәлелденген клиникалық тиімділік.

Дозалау режимі Гарамицин®қосылған Целестодерм-В®, кремін жағдайдың ауырлығына қарай тәулігіне 2-3 рет жағу керек. Балаларда препарат тәулігіне 1 рет қолданылады. Жағдайы жақсарған кезде препаратты қолдану жиілігін азайтуға болады. Қолдану тәсілі Гарамицин® қосылған Целестодерм-В® кремін терінің зақымданған бөліктеріне жұқалап жағу керек. Өңделген бөліктері жалпы дене беткейі ауданының 10% аспауы тиіс. Балаларға қысқа мерзім ішінде және терінің шағын бөліктеріне ғана қолдану керек. Балаларды құрамында кортикостероидтар бар препараттармен емдегенде аса сақ болған жөн, өйткені глюкортикостероидтардың бала терісі арқылы сіңуі ересектерге қарағанда қарқынды болады. Бетаметазон валератының сіңірілу қаупіне байланысты препаратты окклюзиялық таңғыш астына қолдануға болмайды. Препаратты енгізу тәсілі тері үрдісінің сипаты мен аурулар сатысын ескере отырып таңдалуы керек. Гарамицин® қосылған Целестодерм-В® кремін майлы теріге, ылғалдануға, қышынуға, күйдіруге және себореялық ауруларға, жедел үрдісі сатысында, дене қатпарларына қолдану ұсынылады. Құрғақ, қабыршақтанған және мүйізгектенген теріге Гарамицин қосылған Целестодерм-В жақпамайын қолдану ұсынылады. Емдеу ұзақтығы Гарамицин® қосылған Целестодерм-В®, крем, препаратымен емдеу ұзақтығы 7-10 күннен (балаларда 7 күн) аспауы тиіс, себебі оның құрамына гентамицин кіреді. Емдеуді симптомдардың жоғалуы (мысалы, күшті әсер ететін глюкокортикостероид қолдануды қажет ететін дерматоз немесе гентамицинге сезімтал микроорганизмдер туындатқан суперинфекция) медициналық расталғаннан кейін құрамына тек қана глюкокортикостероид (әсері жеңілдеу болуы мүмкін) кіретін препаратпен немесе антибиотикпен жалғастыру керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Егер Гарамицин® қосылған Целестодерм - В® препаратын қабылдау бойынша сұрақтар туындаса, емдеуші дәрігерге хабарласыңыз. Дәрілік препараттың (ДП) стандартты қолдану кезінде көрініс беретін жағымсыз реакциялары сипаттамасы және осы жағдайда қабылданатын шаралар Гарамицин® қосылған Целестодерм-В® препаратын қолданған кезде келесі жағымсыз реакциялардың дамуы туралы хабарланған: - аса жоғары сезімталдық, бөртпе және тері пигментациясының бұзылуы. Кортикостероидтарды жергілікті қолданғанда, әсіресе окклюзиялық таңғыштарды қолданғанда, келесі жағымсыз әсерлер дамуы мүмкін: -күйдіру, терінің қышуы, тітіркену, құрғақтық, фолликулит, тері пигментациясының бұзылуы, стероидты безеулер, безеу тәрізді бөртпе, терінің ұсақ беткейлік қантамырларының кеңеюі, гипертрихоз, розацеа тәрізді (периоральді) дерматит, аллергиялық жанаспалы дерматит, қызару, тері мацерациясы, тері атрофиясы, салдарлы инфекция, жолақтар және тербөртпе. Жалпы, Гарамицин® қосылған Целестодерм-В® препаратының науқастарға жағымдылығы жақсы. Өте сирек жағдайларда: - гентамицинге жеке аса жоғары сезімталдықпен байланысты терінің тітіркенуі туындауы мүмкін. Гарамицин® қосылған Целестодерм-В®, крем, препаратының құрамына хлорокрезол және цетилстеарил спирті кіреді. Хлорокрезол аллергиялық реакцияларды тудыруы мүмкін. Препараттың компоненттеріне аса жоғары сезімталдық реакциялары туралы сирек жағдайларда хабарланған. Мұндай жағдайларда Гарамицин® қосылған Целестодерм-В®крем, препаратымен емдеу тоқтатылуы керек. Окклюзиялық таңғышты қолдану әсер етуші заттардың жүйелі сіңуін күшейтуі мүмкін. Жергілікті глюкокортикостероидтарды қолданғанда бұлыңғыр көру туралы хабарланды. Гентамицинді жергілікті қолдану жаралардың түйіршіктену үрдісін бұзуы мүмкін. Гентамицинді жергілікті қолданғанда: - әсіресе гентамицинді ауқымды жараларға қайталап қолданғанда отоуыттылықты, вестибулярлық уыттылықты және нефроуыттылықты туындауы мүмкін. Балалар Ересектерге қарағанда балалар жергілікті глюкокортикостероидтарды қолдану кезінде гипоталамус-гипофизарлы-бүйрекүсті безі жүйесі функциясының тежелу қаупіне ұшырайды, бұл дене беткейі ауданының оның салмағына арақатынасының үлкен шамасына, әрі препарат сіңірілуінің жоғарылауына байланысты. Гипоталамус-гипофизарлы-бүйрекүсті безі жүйесінің супрессиясы, Кушинг синдромы, бой өсуінің баяулауы, дене салмағын қосудың баяулауы және бассүйекішілік гипертензия топикалық глюкокортикостероидтармен емделген балаларда байқалды. Балалардағы гипоталамус-гипофизарлы-бүйрекүсті безі жүйесі супрессиясының симптомдары плазмадағы кортизолдың төмен деңгейін және AКТГ (адренокортикотропты гормон) стимуляциясына жауап болмауын қамтиды. Бассүйекішілік қысымның жоғарылауы еңбегінің дүрдиіп шығып кетуімен, бастың ауыруымен, көру жүйкесінің екі жақты ісінуімен білінеді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Гарамицин® қосылған Целестодерм-В® : - бетаметазон валератына, гентамицин сульфатына немесе қосымша заттардың кез келгеніне аса жоғары сезімталдығы, сондай-ақ басқа глюкокортикостероидтарға немесе аминогликозидті антибиотиктерге аса жоғары сезімталдығы бар пациенттерге қолдануға болмайды. Гарамицин® қосылған Целестодерм-В® хлорокрезолға аса жоғары сезімталдығы бар пациенттерге қолдануға болмайды. Гарамицин® қосылған Целестодерм-В® алғашқы бактериялық немесе вирустық инфекциядан туындаған тері аурулары кезінде қолдануға болмайды. Гарамицин® қосылған Целестодерм-В® жүктіліктің бірінші триместрінде қолдануға болмайды, өйткені препарат құрамында бетаметазон валераты бар Гарамицин® қосылған Целестодерм-В® мынадай жағдайларда да қолдануға болмайды: - вирустық инфекциялар, желшешекті қоса - вакцинадан кейінгі реакциялар; - тері туберкулезі және мерездің терідегі түрі; - вирустық тері инфекциялары (қарапайым герпес, белдемелі теміреткі); - розацеа және розацеа тәрізді дерматит; - дерматомикоздар; -жүйелік әсер ететін аминогликозидті антибиотиктерді бір мезгілде қолдану (уытты реакциялардың даму қаупіне байланысты); - үдемелі бүйрек жеткіліксіздігі; - 1 жасқа дейінгі балаларға. Гарамицин® қосылған Целестодерм-В® препаратын көз аймағында және шырышты қабықтарда қолдануға болмайды. Гарамицин® қосылған Целестодерм-В® препаратын есту түтігі маңына қолданбаған жөн. Белсенді затты сіңіру мүмкіндігіне байланысты ұзақ уақыт емдеуден, терінің ауқымды жерлеріне жағудан және / немесе окклюзиялық таңғыштарды пайдаланып емдеуден аулақ болу керек.

Нұсқаулықта көрсетілмеген.

Гарамицин® қосылған Целестодерм-В®, крем, тек ұсынылған дозада пайдалануы керек. Егер пациент препарат қолдануды ұмытып кетсе, оны өткізіп алғаны есіне түскенде бірден жағу керек және одан әрі әдеттегі сызба бойынша жалғастырады. Симптомдары: жергілікті глюкокортикостероидтарды жоғары дозада ұзақ уақыт қолдану бүйрек үстібезі функциясының қайталама жеткіліксіздігіне және Иценко-Кушинг синдромын қоса, гиперкортицизм құбылыстарына әкелетін гипоталамус-гипофизарлы-бүйрекүсті безі жүйесі функциясының бәсеңдеуін туындатуы мүмкін. Гентамицин ең аз мөлшерде сіңетіндіктен, гентамициннің бір реттік артық дозалануы қандай да бір симптомдардың пайда болуымен қатар жүрмейді Ұзақ мерзімді жергілікті қолдану немесе гентамицинді ұсынылғаннан жоғары дозада қолдану сезімтал емес, соның ішінде зеңдік микрофлорасының айтарлықтай өсуіне әкелуі мүмкін. Емі: егер пациент кездейсоқ Гарамицин®қосылған Целестодерм-В® препаратын жұтып қойса немесе тағайындалғаннан әлдеқайда көп мөлшерде немесе өте ұзақ уақыт қолданса, дереу дәрігерге қаралу керек. Гиперкортицизмнің жедел симптомдары әдетте қайтымды. Қажет болған жағдайда, электролиттік теңгерімнің бұзылуын түзету көрсетілген. Созылмалы уыттылық жағдайында глюкокортикостероидтарды біртіндеп тоқтату ұсынылады. Резистентті микроорганизмдердің бақыланбайтын өсуі кезінде препаратпен емдеуді тоқтатып, тиісті емді таңдау ұсынылады.

Қатысты емес Арнайы ескертулер Жүйелік глюкокортикостероидтардың кез келген жағымсыз әсерлері, бүйрек үсті бездері қабығының функциясы бәсеңдеуін қоса, әсіресе нәрестелер мен балаларда жергілікті глюкокортикостероидтарды қолданғанда да байқалуы мүмкін. Жергілікті глюкокортикостероидтардың жүйелік сіңуі ГКС белсенділігінің күшеюімен, ұзақ уақыт қолданумен, дененің ауқымды беткейін емдеумен жоғарылауы мүмкін. Сондықтан дене беткейінің үлкен ауданына күшті глюкокортикостероидтардың (мысалы, бетаметазон валераты) жоғары дозаларын алатын пациенттерде гипоталамус-гипофизарлы-бүйрекүсті бездері жүйесі бәсеңдеуі белгілерінің болуын үнемі бақылап отыру қажет. Олардың пайда болуы жағдайында, Гарамицин® қосылған Целестодерм-В® препаратын қолдануды тоқтату немесе жағуды азайту немесе әлсіздеу әсер ететін глюкокортикостероидты тағайындау керек. Гипоталамус-гипофизарлы-бүйрекүсті бездері жүйесінің функциясы, әдетте, препарат қолдануды тоқтатқаннан кейін толығымен қалпына келеді. Препаратты тоқтату симптомдары өте сирек кездеседі, бұл жүйелік глюкокортикостероидтармен қосымша емдеуді қажет етеді. Жүйелік және жергілікті әсер ететін глюкокортикостероидтарды қолданған кезде (интраназальді, ингаляциялық және көзішілік енгізуді қосқанда) көру қабілеті бұзылуы мүмкін. Егер көру тарапынан басқа бұзылулар сияқты симптомдар туындаса, пациент көру бұзылуларының ықтимал себептерін бағалау үшін офтальмолог тексеруінен өтуі керек, оған катаракта, глаукома немесе орталық серозды хориоретинопатия сияқты сирек аурулар қамтылуы мүмкін, бұл туралы жүйелік және жергілікті әсері бар кортикостероидтарды қолданғаннан кейін хабарланған. Құрамында гентамицин бар Гарамицин® қосылған Целестодерм-В® кремін сақтықпен таңдаған жөн. Оларды антисептикалық шараларға жылдам жауап болмаса, олар жеткіліксіз болса немесе антисептикалық ем қолдануға болмайтын болса ғана, пайдалану керек. Аминогликозидтер тобынан антибиотиктерге айқаспалы аллергиялық реакциялар байқалды. Препараттарды жергілікті қолдану кезінде дамыған гентамицинге аллергия (кремдер/жақпамайлар) гентамицинді және басқа аминогликозидтерді, мысалы, инфузия түріндегі одан кейінгі пайдалануды болдырмайды. Жергілікті антибиотиктерді ұзақ қолдану кейде зеңдікті қоса, сезімтал емес микрофлораның шамадан тыс өсуіне әкеледі. Бұл жағдайда, сондай-ақ терінің тітіркенуі, аллергиялық реакциялар немесе суперинфекция кезінде гентамицинмен емдеуді тоқтату және тиісті ем тағайындау керек. Жергілікті қолданған кезде терінің ауқымды бөліктеріне жаққан, әсіресе ұзақ мерзімді емдеуде немесе тері жабынының тұтастығы бұзылған жағдайда гентамициннің жүйелік сіңірілуі жоғарылауы мүмкін. Бұл жағдайларда гентамицинді жүйелі қолдану кезінде байқалған жағымсыз реакциялар пайда болуы мүмкін. Сондықтан емдеуді, әсіресе балаларда сақтықпен жүргізу ұсынылады. Аминогликозидтердің жүйелік сіңірілуі кезінде нейробұлшықет блокадасы әсерлері туындайтын болғандықтан, препаратты миастениясы, Паркинсон ауруы бар немесе бұлшықет әлсіздігімен қатар жүретін басқа да жағдайдағы пациенттерде, сонымен қатар бір мезгілде нейроблокадалық әсері бар өзге де препараттар қабылдайтын пациенттерде абай болған жөн. Препарат құрамына сұйық парафин кіретіндіктен, Гарамицин® қосылған Целестодерм-В® препаратын аногенитальді аймаққа қолдану латекс мүшеқаптарының беріктігін төмендетуі және сонысымен емдеу кезінде қолданғанда олардың сенімділігін нашарлатуы мүмкін. Гарамицин® қосылған Целестодерм-В® кремін жараға немесе аяқтағы ойық жараларға жақпау керек. Цетилстеарил спирті жергілікті тері реакциялары (мысалы, жанаспалы дерматит) дамуына түрткі болуы мүмкін. Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Қатысы жоқ.

Жүктілік Гарамицин® қосылған Целестодерм-В® препаратын жүкті әйелдерге қолдану туралы деректер жеткіліксіз. Гарамицин® қосылған Целестодерм-В®препаратын жүктіліктің бірінші триместрінде қолданбаған жөн. Препаратты жүктіліктің барынша кешіректеу мерзімдерінде ана үшін ықтимал пайдасы шаранаға төнетін ықтимал қаупінен асып түсетін жағдайда ғана пайдалануға болады. Бұл топтағы препараттарды жүкті әйелдерде көп мөлшерде немесе ұзақ уақыт бойы қолдануға болмайды. Лактация Бетаметазонның емшек сүтіне енуі туралы деректер жоқ. Басқа глюкокортикостероидтар мен гентамицин емшек сүтіне енеді. Сондықтан, Гарамицин® қосылған Целестодерм-В® препаратын ана үшін ықтимал пайдасы шаранаға төнетін ықтимал қаупінен асып түсетін жағдайда ғана пайдалануға болады. Осы топтың препараттарын көп мөлшерде немесе ұзақ уақыт бойы қолданбаған жөн, ал бала терінің өңделген бөліктеріне жанаспауы тиіс.

Гарамицин® қосылған Целестодерм-В®, крем, өзара белсенділігін жою ықтималдығына байланысты басқа жергілікті дерматологиялық өнімдермен бір мезгілде қолданбаған жөн. Гентамицин амфотерицин B, гепарин, сульфадиазин және бета-лактамды антибиотиктермен (мысалы, цефалоспориндермен) үйлесімсіз болып табылады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!