Цераксон® раствор 500 мг/4 мл

Бір ампула (4 мл) ішінде: белсенді зат – натрий цитиколині 522,5 мг (500 мг цитиколинге баламалы) немесе 1045,0 мг (1000 мг цитиколинге баламалы) қосымша заттар: хлорсутегі қышқылы 1 М немесе натрий гидроксиді ерітіндісі 1М, инъекцияға арналған су Сыртқы түрінің, иісінің, дәмінің сипаттамасы Мөлдір түссіз сұйықтық

- ми қан айналымының бұзылуымен байланысты неврологиялық және когнитивті бұзылуларды емдеу. - бас жарақаттарымен байланысты неврологиялық және когнитивті бұзылуларды емдеу.

ATХ коды N06BX06 Цитиколин нейрондар жарғақшаларының құрылымдық фосфолипидтер биосинтезін стимуляциялайды, бұл магнитті-резонансты спектроскопия қолданылатын зерттеулерде расталған. Бұл әсер арқылы цитиколин сорғының ион алмасу жұмыстары және рецепторларда әрекет ететін жүйке дабылдарының берілісінде қажет болып табылатын модуляция сияқты жарғақша функциясын жақсартады. Жарғақшаны тұрақтандыруға ықпалдылығымен цитиколин ми ісінуінің реабсорбциясына ықпал етеді. Эксперименттік зерттеулерде бос радикалдар түзілуін азайтумен, жарғақша жүйесі бұзылуын болдырмай және антиоксидантты қорғаныс жүйесі, мысалы, глутатионды сақтай отырып, цитиколиннің кейбір фосфолипаздарының (A1, A2, C және D) белсенуін тежейтінін көрсетеді. Цитиколин нейрональді энергетикалық резервті сақтайды, апоптозды тежейді және ацетилхолин синтезін стимуляциялайды. Эксперимент жүзінде, сондай-ақ цитиколиннің мидың фокальді ишемиялық модельдерінде нейропротекторлық профилактикалық әсері болатыны расталған. Клиникалық зерттеулерде цитиколин пациенттердің ишемиялық инсульттан кейінгі функциясының қалпына келуін жақсартатыны расталған, бұл нейровизуализация тесттерінде мидың ишемиялық зақымдануының азаюымен өзара байланысты. Бассүйек-ми жарақаты бар пациенттерде цитиколин қалпына келу үдерісін жеделдетеді және ұзақтығын, сондай-ақ жарақаттан кейінгі синдром айқындығын азайтады. Цитиколин зейін қою және сана деңгейін жақсартады, сондай-ақ ми ишемиясына байланысты амнезияда, когнитивті және неврологиялық бұзылуларда оң әсер етеді.

Дозалау режимі Препартты әркез емдеуші дәрігердің ұсыныстарына толық сәйкес қабылдаңыз. Ұсынылатын доза аурудың ауырлығына байланысты тәулігіне 500-ден 2000 мг-ге дейін құрайды. Препараттың дозасы мен қолдану курсы емдеуші дәрігердің ұсынысы бойынша өзгертілуі мүмкін. Пациенттердің ерекше топтары Егде жастағы пациенттер Егде жастағы пациенттерде доза түзету талап етілмейді. Енгізу әдісі мен жолы Препарат вена ішіне және бұлшықет ішіне енгізуге арналған. Препаратты бұлшықет ішіне, вена ішіне баяу венаішілік инъекция түрінде (енгізілетін дозаға байланысты 3-тен 5 минутқа дейін) немесе вена ішіне құю түрінде (минутына 40-60 тамшы) енгізуге болады. Препарат тек бір рет қолдануға арналған. Ерітінді ампуланы ашқаннан кейін дереу пайдаланылуы тиіс. Препарат венаішілік изотоникалық ерітінділердің барлық түрлерімен үйлесімді, сонымен қатар Цераксон® препаратын глюкозаның гипертониялық ерітіндісімен араластыруға болады. Пайдаланылмаған қалдық сұйықтық утилизациялануы тиіс. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну жөніндегі ұсынымдар Осы препаратты қолдану бойынша сұрақтар туындаған жағдайда емдеуші дәрігеріңізге жүгініңіз.

- цитиколинге немесе қосымша заттардың кез келгеніне аса жоғары сезімталдық (аллергия) - ауыр жай-күймен айқындалатын, артериялық қысым төмендеуімен, тершеңдікпен, брадикардиямен және естен танумен бірге жүретін парасимпатикалық жүйке жүйесі тонусының жоғарылануы.

Барлық дәрілік препараттар сияқты Цераксон® препараты жағымсыз реакциялар туындатуы мүмкін, алайда олар барлығында бірдей бола бермейді. Өте сирек (<1/10 000) • елестеулер • бас ауыруы, бас айналу • артериялық гипертензия, артериялық гипотензия • ентігу • жүрек айнуы, құсу, мезгіл-мезгіл болатын диарея • терінің қызаруы, есекжем, экзантема, пурпура • қалтырау, ісіну Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Нұсқаулықта көрсетілмеген.

Препарат тек бір рет қолдануға арналған! Ерітінді ампуланы ашқаннан кейін дереу пайдаланылуы тиіс. Вена ішіне қолданғанда препаратты енгізуді баяу жүргізу қажет (енгізілетін дозаға байланысты 3-тен 5 минутқа дейін). Вена ішіне тамшылатып енгізу кезінде құю жылдамдығы минутына 40-60 тамшы болуы керек. Тұрақты бассүйекішілік қан кету жағдайында 1000 мг тәуліктік дозадан асыруға болмайды, оны вена ішіне өте баяу енгізу керек (минутына 30 тамшы). Цераксон® 1000мг/4 мл дәрілік препаратының құрамында 45 мг натрий/ампула бар, бұл ересек адам үшін ДДҰ ұсынған 2 г натрийдің ең жоғары тәуліктік дозасының 2,25% - на тең. Цераксон® 500мг/4 мл құрамында бір ампулада 1 ммольден (23 мг) аз натрий бар, сондықтан бұл препарат натрийден бос деп саналады. Арнайы ескертулер Педиатрияда қолдану Цераксон® препаратын балаларда қолдану тәжірибесінің шектеулі ғана деректері болуына байланысты күтілетін емдік пайда кез келген ықтимал қауіптен асып кетсе ғана қолдану керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цераксон® көлік құралдарын және қауіпті механизмдерді басқару қабілетіне әсер етпейді Қолдану бойынша ұсыныстар

Жүкті әйелдерде цитиколинді қолдану туралы жеткілікті деректер жоқ. Цераксон® жүктілік кезінде қолдануға болмайды, тек нақты қажеттілік жағдайларын қоспағанда, яғни күтілетін емдік пайдасы кез келген ықтимал қауіптен асып кеткенде.

Цераксон® L-дигидроксифенилаланин (L-ДОФА) әсерін күшейтеді. Цераксон® препаратын бір мезгілде ми қызметін стимуляциялайтын құрамында центрофеноксин жәнемеклофеноксат бар перапарттармен қабылдауға болмайды.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 15ºС-ден 30º С-ге дейінгі температурада сақтау керек. Балалардың қолы жетпейтін жерде сақтау керек!