Цератин раствор 100 мг/мл

1 мл препараттың құрамында белсенді зат - натрий цитиколині, 104.5 мг (цитиколинге баламалы 100.0 мг) қосымша заттар: сорбитол (Е420) (D-Сорбитол), глицерин, натрий сахарині, натрий цитраты, калий сорбаты, метилпарагидроксибензоат (Е218), пропилпарагидроксибензоат (Е216), лимон қышқылының 50 % ерітіндісі, «Кұлпынай» тағамдық хош иістендіргіші, тазартылған су. Сыртқы түрінің, иісінің, дәмінің сипаттамасы Мөлдір түссіз сұйықтық.

• Ми қан айналымының бұзылуымен байланысты неврологиялық және когнитивті бұзылуларды емдеу. • бас жарақаттарымен байланысты неврологиялық және когнитивті бұзылыстарды емдеу.

Нұсқаулықта көрсетілмеген.

Дозалау режимі Ересектер Ұсынылатын доза аурудың ауырлығына байланысты күніне 500 – ден 2000 мг-ге дейін (100 мг - 1 мл) құрайды. Емдеудің ең аз ұсынылатын ұзақтығы - 45 күн. Пациенттердің ерекше топтары Балалар Препаратты балаларда қолданудың тәжірибесінің деректері шектеулі болуына байланысты оны тек егер күтілетін емдік пайдасы кез келген болжамды қаупінен астам болған жағдайда ғана қолдану керек. Егде жастағы пациенттер Егде жастағы пациенттерде доза түзету талап етілмейді. Енгізу әдісі мен жолы Ішке қабылдау үшін. Препаратты өлшеуіш стақан/дозалау шприцінің көмегімен қабылдайды. Препарат өздігінен де, жарты стақан суда (120 мл), тамақтану кезінде немесе тамақтану арасында сұйылту арқылы да қолданыла алады. Әрбір қабылдаудан кейін өлшеуіш стақан/дозалау шприцін сумен шаю ұсынылады. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Бүкіл қосымша парақты мұқият оқып шығыңыз. Егер Сізге дәрілік препаратты қолдану тәсілі түсініксіз болса, медицина қызметкерінің кеңесіне жүгінуді ұсынамыз.

- белсенді затқа немесе басқа да қосымша заттарға аса жоғары сезімталдық - парасимпатикалық жүйке жүйесінің тонусы жоғары жағдай (ваготония) - құрамында сорбитолдың болуына байланысты фруктозаның ферментативті жеткіліксіз ыдырауы (мальабсорбция синдромы)

Барлық дәрілік препараттар сияқты Цератин препараты жағымсыз реакциялар туындатуы мүмкін, алайда олар барлығында бірдей бола бермейді. Өте сирек • елестеулер • бас ауыруы, бас айналу • артериялық гипертензия, артериялық гипотензия • ентігу • жүрек айнуы, құсу, мезгіл-мезгіл болатын диарея • терінің қызаруы, есекжем, экзантема, пурпура • қалтырау, ісіну Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препараттың жағымсыз әсерлерінің күшеюі. Емі: симптоматикалық.

Суықта консерванттың уақытша ішінара кристалдануына байланысты аз мөлшерде кристалдар пайда болуы мүмкін. Ұсынылған жағдайларда одан әрі сақтау кезінде кристалдар бірнеше ай бойы ериді. Кристалдардың болуы препараттың сапасына әсер етпейді. Цератин құрамында қосымша зат ретінде глицерин бар, ол бас ауруын, асқазанның бұзылуын және диареяны (диарея) тудыруы мүмкін. Препарат құрамында сорбитол бар, сондықтан фруктоза көтереалмаушылығы бар сирек тұқым қуалайтын кінәраттары бар пациенттерге Цератин препаратын қабылдауға болмайды. Сирек тұқым қуалайтын фруктоза көтереалмаушылығы, глюкоза-галактоза немесе сахароза-изомальтоза сіңуінің бұзылған пациенттерге Цератин препаратын қабылдауға болмайды. Метилпарагидроксибензоат пен пропилпарагидроксибензоаттың болуына байланысты аллергиялық реакциялар да дамуы мүмкін (оның ішінде баяу түрі). Дәрілік препараттың дозасында 1 ммольден (23 мг) аз натрий бар, яғни құрамында іс жүзінде натрий жоқ. Арнайы ескертулер Педиатрияда қолдану Балаларда қолдану тәжірибесі шектеулі: демек,препарат күтілетін емдік пайдасы кез келген ықтимал қауіптен асып кеткен жағдайларда ғана тағайындалуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цитиколин көлік құралдарын және қауіпті механизмдерді басқару қабілетіне әсер етпейді.

Жүкті әйелдерде цитиколинді қолдану туралы жеткілікті деректер жоқ. Препаратты жүктілік кезінде, айқын қажеттілік жағдайларынан басқа, яғни күтілетін емдік пайдасы кез келген ықтимал қауіптен жоғары болған кезде пайдалануға болмайды. Лактация кезінде дәрілік препаратты тағайындаған кезде әйелдер емшек сүтімен емізуді тоқтатуы керек, өйткені цитиколиннің әйел сүтімен бөлінуі туралы деректер жоқ.

Цитиколин L-дигидроксифенилаланин (L-ДОФА) әсерін күшейтеді. Құрамында центрофеноксин және меклофеноксат бар дәрілік заттармен бір мезгілде қолдануға болмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25ºС-ден аспайтын температурада сақтау керек. Балалардың қолы жетпейтін жерде сақтау керек!