ЦЕРЕТОН® раствор 120 мг/мл

Бір мл ерітіндінің құрамында Белсенді зат: холин альфосцераты (сусыз затқа шаққанда) – 120 мг. Қосымша заттар: метилпарагидроксибензоат – 1,1428 мг, натрий сахаринаты, пропилпарагидроксибензоат – 0,3428 мг, сусыз динатрий гидрофосфаты, құлпынай хош иістендіргіші (Табиғиға ұқсас Құлпынай 648762 хош иістендіргіші), натрий дигидрофосфаты, тазартылған су. Сыртқы түрінің, иісінің, дәмінің сипаттамасы Мөлдір түссіз немесе өзіне тән құлпынай иісі бар сәл сарғыш реңкті сұйықтық.

• Дегенеративтік және инволюциялық психоорганикалық синдромдар және есте сақтаудың нашарлауымен, сананың шатасуымен, бағдардан жаңылумен, ынталанудың, бастамашылдықтың және зейін қою қабілетінің төмендеуімен сипатталатын есте қалу текті функциялардың алғашқы және салдарлы бұзылулары сияқты цереброваскулярлы жеткіліксіздік зардаптары бар егде жастағы адамдарда; • Егде жастағыларда болатын эмоциялық және мінез-құлық саласының өзгерістері: эмоциялық құбылу, қатты ашушаңдық, қоршаған ортаға қызығушылықтың төмендеуі, қарттық кезеңдегі жалған депрессия

АTХ коды: N07AX02. Әсер ету механизмі Холин альфосцераты холинергиялық синапстық трансмиссияның азаюымен және нейрон жарғақшаларының фосфолипидті құрамының зақымдануымен сипатталатын психоорганикалық инволюциялық синдром патогенезінің факторларының бірі ретінде жарғақшалардың зақымдануының потенциалды алдын алатын холиннің тасымалдау түрі және фосфатидилхолиннің ізашары болып табылады. Холин альфосцератының химиялық құрылымы (құрамында 40,5% холин бар) және онымен байланысты молекуланың физика-химиялық қасиеттері холиннің бір бөлігінің гематоэнцефалдық бөгет арқылы өтуін қамтамасыз етеді. Фармакодинамикалық әсерлері Клиникаға дейінгі және клиникалық зерттеулердің нәтижелері холин альфосцератының негізінен когнитивті-есте қалу функциясына, сондай-ақ мидың инволюциялық патологиясы кезінде бұзылған эмоциялық және мінез-құлық белсенділігіне әсер ету қабілетін растайды.

Дозалау режимі Күніне екі рет 600 мг-ден (5 мл). Тәуліктік дозаны дәрігердің қалауы бойынша арттыруға болады. Бұл дәрілік препаратты ересектерде ғана қолдануға болады, ЦЕРЕТОН® препаратын балаларға қолдану ұсынылмайды. Енгізу әдісі мен жолы Ішке.

• Әсер етуші затқа немесе қосымша заттардың кез келгеніне аса жоғары сезімталдық. • 18 жасқа дейінгі балалар мен жасөспірімдер.

Биологиялық препараттардың ізашары ретінде ЦЕРЕТОН® препаратын қолдану, тіпті ұзақ мерзімді болса да, әдетте жағымдылығына байланысты проблемаларды тудырмайды. Жүрек айнуының пайда болуы допаминергиялық белсендірудің салдары болуы мүмкін және дозаны азайтуды қажет етуі мүмкін. Жағымсыз реакциялар, оның ішінде Медициналық қолдану жөніндегі нұсқаулықта көрсетілмегендер пайда болған жағдайда дәрігерге қаралу қажет. Жағымсыз дәрілік реакциялар туындаған кезде медициналық қызметкерге, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

«ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар» бөлімін қараңыз.

Арнайы ескертулер Балалардың қолы жетпейтін жерде сақтау керек. Қосымша заттар Осы препараттың құрамында баяу типті аллергиялық реакциялар туындатуы мүмкін метилпарагидроксибензоат, пропилпарагидроксибензоат бар. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері ЦЕРЕТОН® препаратының көлік құралдарын басқару қабілетіне әсері туралы деректер жоқ.

ЦЕРЕТОН® препаратының көрсетілімдері оны жүктілік кезінде қолдануды қарастырмайды. Дегенмен, мақсатты зерттеулер препараттың эмбриоуытты немесе тератогендік әсері жоқ екенін көрсетті.

Басқа препараттармен клиникалық маңызды өзара әрекеттесулер анықталмаған.

Сақтау мерзімі 2 жыл. Препаратты жарамдылық мерзімі өткеннен кейін қолдануға болмайды! Ашқаннан кейін құтыны 10 тәуліктен артық емес сақтау керек. Ашылғаннан кейін препарат тоңазытқышта сақтауды қажет етпейді. Сақтау шарттары 25°С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!