Цефазолин порошок 1 г

Бір құтының ішінде: белсенді зат – цефазолин (натрий цефазолині түрінде) – 1.0 г. Сыртқы түрінің, иісінің, дәмінің сипаттамасы Ақ немесе ақ дерлік түсті ұнтақ.

Цефазолин цефазолинге сезімтал микроорганизмдер тудыратын бактериялық инфекцияларды емдеу үшін қолдынылады: • жоғарғы және төменгі тыныс жолдарының инфекциялары (бронхит, пневмония); • несеп шығару жолдарының инфекциялары (оның ішінде пиелонефрит, цистит); • тері мен жұмсақ тіндердің ауруханалық емес инфекциялары (оның ішінде мастит); • өт шығару жолдарының инфекциялары (холангит, холецистит, өт қалтасы эмпиемасы); • сүйек -буын жүйелері инфекциялары (оның ішінде остеомиелит); • кіші жамбас мүшелерінің инфекциялары (эндометрит, сальпингоофорит); • сепсис; • мерез; • соз; • операциядан кейінгі инфекциялық асқынулардың (аминогликозидтермен біріктіріп) профилактикасы.

ATХ коды J01DВ04 Әсер ету механизмі Цефазолин - парентеральді қолдануға арналған жартылай синтетикалық I буындағы цефалоспориндік антибиотик. Пенициллинмен байланысатын ақуыздарды (мысалы, транспептидазалар) бөгеу арқылы бактерицидтік әсер етеді, микроорганизмдердің жасуша қабырғасының синтезін бұзады. Әсер ету ауқымы кең. Пайда болған резистенттіліктің таралуы географиялық айырмашылықтарға ие болуы мүмкін, сондай-ақ уақыт өте келе өзгеруі мүмкін, әсіресе ауыр инфекциялар емделген жағдайда жергілікті ақпаратты ескеру қажет. Фармакодинамикалық әсерлер Цефазолинге сезімтал микроорганизмдер Грам-оң аэробтар: Staphylococcus aureus (метициллинге сезімтал), Staphylococcus saprophyticus, Streptococcus pneumoniae, Streptococcus agalactiae, Streptococcus pyogenes, Corynebacterium diphtheriae, Bacillus anthracis. Грам-теріс аэробтар: Neisseria meningitidis, Neisseria gonorrhoeae, Shigella spp., Salmonella spp., Treponema spp., Leptospira spp. Цефазолинге орташа сезімтал микроорганизмдер Грам-оң аэробтар: Staphylococcus aureus, Staphylococcus epidermidis*, Staphylococcus haemolyticus*, Staphylococcus hominis*, Streptococcus pneumoniae* (пенициллиндерге орташа сезімтал). Грам-теріс аэробтар: Escherichia coli, Haemophilus influenzae**, Klebsiella oxytoca***, Klebsiella pneumoniae, Proteus mirabilis. Цефазолинге табиғи төзімділігі бар микроорганизмдер Грам-оң аэробтар: Enterococcus spp., Staphylococcus aureus (метициллинге төзімді), Streptococcus pneumoniae (пенициллинге төзімді). Грам-теріс аэробтар: Acinetobacter baumanii, Citrobacter freundii, Enterobacter spp., Morganella morganii, Moraxella catarrhalis, Proteus vulgaris, Pseudomonas aeruginosa, Serratia marcescens, Stenotrophomonas maltophilia. Анаэробтар: Bacteroides fragilis. Басқа микроорганизмдер: Chlamydia spp., Chlamydophila spp., Legionella spp., Mycoplasma spp. Пенициллинге резистентті Streptococcus pneumoniae цефалоспориндерге айқаспалы резистенттіліктің болуына байланысты цефазолинге сезімтал емес. _______________________ *кейбір аймақтарда микроорганизмдердің резистенттілік жиілігі 50 %-дан асуы мүмкін; **резистенттіліктің таралуы туралы өзекті деректер жоқ, зерттеулерде (5 жылдан астам уақыт бұрын) микроорганизмдердің резистенттілік жиілігі >50 % туралы хабарланды; ***ауруханадан тыс жағдайларда резистенттіліктің таралуы 10%-дан аспады.

Дозалау режимі, енгізу әдісі және жолы Препараттың дозалары мен емдеу курсының ұзақтығы инфекция барысының ауырлығы мен локализациясын, сондай-ақ қоздырғыштың ықтимал сезімталдығын ескере отырып, жеке анықталады. Ересектер Инфекцияның түрлі локализациясында және ауырлығында ересектерде препаратты енгізу дозалары мен режимдері кестеде келтірілген. Инфекция түрі — Бір реттік доза — Енгізу жиілігі Сезімтал грамоң кокктар тудырған ауырлық дәрежесі жеңіл инфекциялар — 0.5-1 г — 8 сағат сайын Пневмококкты пневмония — 0.5 г — 12 сағат сайын Несеп шығару жолдарының жедел асқынбаған инфекциясы — 1 г — 12 сағат сайын Ауырлық дәрежесі орташа немесе ауыр инфекциялар — 0.5-1 г — 6-8 сағат сайын Өмірге қауіп төндіретін инфекциялар (мысалы, сепсис, бактериялық эндокардит)* — 1-1.5 г — 6 сағат сайын *сирек жағдайларда тәулігіне 12 г дейінгі дозалар қолданылады. Ересектер үшін орташа тәуліктік доза – 1–4 г, енгізу жиілігі тәулігіне 3–4 рет. Ең жоғары тәуліктік доза – 6 г. Емдеу курсының ұзақтығы инфекцияның түрі мен жай-күйдің ауырлығына байланысты болады және әдетте 7–10 күннен аспауға тиіс. Енгізуді дене температурасы қалпына келгеннен кейін және ауру симптомдары жойылғаннан кейін тағы 2–3 күндей жалғастырады. Периоперациялық профилактика Бірінші доза - 1 г цефазолинді хирургиялық операция басталғанға дейін 30 мин-1 сағат бұрын вена ішіне (в/і) немесе бұлшықет ішіне (б/і) енгізу керек. Ұзақ хирургиялық операциялар кезінде (2 сағат немесе одан да көп) операция кезінде қосымша 0.5-1 г препарат енгізіледі. Қажет болғанда препарат операциядан кейін 24 сағат ішінде 6-8 сағат аралықпен 0.5-1 г в/і немесе б/і енгізіледі. Егер ықтимал инфекция пациентке айтарлықтай қауіп төндірсе (мысалы, жүрек операциясынан кейін немесе буынды толық ауыстыру сияқты ауыр ортопедиялық операциядан кейін), цефазолинді енгізуді араласудан кейін 3-5 күн ішінде жалғастыру ұсынылады. Хирургиялық кесу кезінде қан сарысуында және тіндерде антибиотиктің жеткілікті концентрациясы болуы үшін цефазолиннің бірінші дозасын енгізудің жоғарыда көрсетілген уақытын сақтау маңызды. Анаэробты инфекцияның даму қаупі жоғары болған жағдайда (мысалы, тоқ ішекке операциялық араласудан кейін) анаэробтарға қарсы белсенді препаратты қосымша қолдану ұсынылады. Пациенттердің ерекше топтары Балалар 1 айдан 18 жасқа дейінгі балаларда қолдану Ауырлық дәрежесі жеңіл немесе орташа инфекциялардың көпшілігін емдеу үшін 25-50 мг/кг тәуліктік доза жеткілікті, 3-4 инъекцияға бөлінеді. Ауыр инфекциялар жағдайында тәуліктік дозаны ең жоғары ұсынылған дозаға дейін арттыруға болады - 100 мг/кг. 1 айға дейінгі балалардағы цефазолиннің қауіпсіздігі мен тиімділігі қазіргі уақытта анықталмаған. Деректер жоқ. Бүйрек функциясы бұзылған балалардағы дозаны түзету КК 70-40 мл/мин/1.73 м2 құрайтын балаларға 12 сағаттан кейін цефазолиннің орташа тәуліктік дозасының 60% енгізіледі. КК 39-20 мл/мин/1.73 м2 құрайтын балаларға 12 сағаттан кейін препараттың орташа тәуліктік дозасының 25% енгізіледі. КК 19-5 мл/мин/1.73 м2 кезінде 24 сағат аралықпен цефазолиннің орташа тәуліктік дозасының 10% енгізіледі. Барлық ұсынылған дозалар инфекцияның ауырлығына сәйкес келетін бастапқы дозадан кейін енгізіледі. Егде жастағы пациенттер Дозаны түзету қажет емес. Бүйрек функциясы бұзылған пациенттер Бүйрек жеткіліксіздігі бар пациенттерге немесе гемодиализдегі пациенттерге дозаны және енгізу жиілігін бүйрек функциясының бұзылу дәрежесін ескере отырып түзету керек. Бүйрек функциясы бұзылған ересек пациенттерде дозаны түзету Креатинин клиренсі (КК) (мл/мин × 1.73 м2) — Креатинин концентрациясы (мг/100 мл) — Доза (бастапқыдан %) — Енгізу арасындағы аралықтар ≥55 — ≤1.5 — 100 % — Дозаны түзету қажет емес 35-54 — 1.6-3.0 — 100 % — 8 сағ 11-34 — 3.1-4.5 — 50 % — 12 сағ ≤10 — ≥4.6 — 50 % — 18-24 сағ Барлық ұсынылған дозалар инфекцияның көрсетілімі мен ауырлығына сәйкес келетін бастапқы дозадан кейін енгізіледі. Гемодиализдегі пациенттерде дозалау схемасы қолданылатын диализ режиміне байланысты. Қолдану тәсілі Препаратты бұлшықет ішіне және вена ішіне енгізеді. Пациенттердің ерекше топтары Дәрілік препараттың ерітінділерін дайындау жөніндегі нұсқаулықтар Бұлшықет ішіне енгізу үшін: 1 г препарат инъекцияға арналған 4 мл суда немесе 0,5 % лидокаин ерітіндісінде ерітіледі. Б/і енгізу үшін ең жоғары бір реттік доза 1 г, препаратты тек үлкен бұлшықеттерге енгізу керек. 1 г дейінгі дозаларды баяу в/і инъекциясы арқылы енгізуге болады, препараттың үлкен дозаларын в/і инфузиясы арқылы енгізу керек. В/і сорғалатып енгізу үшін 1 г препарат инъекцияға арналған 10 мл суда ериді. 3-5 минут ішінде вена ішіне баяу енгізіңіз. В/і тамшылатып енгізу үшін 1 г препарат 50-100 мл 5% декстроза ерітіндісінде немесе 0.9% натрий хлориді ерітіндісінде сұйылтылған. Ерітіндіні инфузиялау 20-30 минут ішінде жүргізіледі (енгізу жылдамдығы - минутына 60-80 тамшы). Инфузиялық ерітіндіні дайындау үшін келесі еріткіштерді қолдануға болады: 0.9% натрий хлориді ерітіндісі, 5% немесе 10% декстроза ерітіндісі, 0.9% натрий хлориді ерітіндісіндегі 5% декстроза ерітіндісі, Рингер ерітіндісіндегі 5% немесе 10% декстроза ерітіндісі, 0.9% натрий хлориді ерітіндісі бар Рингер ерітіндісі, 5% немесе 10% инъекцияға арналған стерильді судағы 10% фруктоза ерітіндісі, 5% натрий гидрокарбонаты ерітіндісі. Сұйылту кезінде құтыларды ұнтақ толығымен ерігенше қатты шайқау керек. Дәрілік препаратты қолдану тәсілін түсіндіру үшін медицина қызметкер кеңесіне жүгіну жөніндегі кеңестер Препаратты қолдану туралы сұрақтарыңыз болса, емдеуші дәрігеріңізге жүгініңіз.

• цефазолинге және басқа да бета-лактамды антибиотиктерге аса жоғары сезімталдық • 1 айға дейінгі балалар, оның ішінде шала туылған балалар.

Жиі - тәбеттің төмендеуі, жүрек айнуы, құсу; - бұлшықет ішіне енгізу орнындағы ауырсыну, кейде түйін пайда болады. Жиі емес - оральді кандидоз (ұзақ уақыт қолданғанда); - эритема, экссудативті (полиморфты) эритема, тері бөртпесі, есекжем, қайтымды жергілікті қан тамырлары, буындар немесе шырышты жарғақшалар өткізгіштігінің жоғарылауы (ангионевроздық ісіну), дәрілік қызба және интерстициальді пневмония немесе пневмонит; - құрысулар (бауыр функциясы бұзылған пациенттерде, жоғары дозаларды тағайындағанда); - вена ішіне енгізгенде – тромбофлебит. Сирек - гениталий кандидозы (монолиоз), вагинит; - қандағы глюкоза концентрациясы деңгейінің жоғарылауы немесе төмендеуі (гипергликемия немесе гипогликемия), лейкопения, гранулоцитопения, нейтропения, тромбоцитопения, лейкоцитоз, гранулоцитоз, моноцитоз, лимфоцитопения, базофилия және эозинофилия; - уытты эпидермальді некролиз (Лайелл синдромы), Стивенс-Джонсон синдромы; - бас айналуы, дімкәстік, шаршау, түнде қорқынышты түстер көру, вертиго, гиперактивтілік, күйгелектік немесе мазасыздық сезімі, ұйқысыздық, ұйқышылдық, әлсіздік, қызу, түс қабылдаудың бұзылуы, сананың шатасуы және эпилептоидтық белсенділік; - плевра экссудаты, кеуденің ауыруы, ентігу, жөтел, ринит, жедел дистресс синдромының дамуы; - бауыр ферменттерінің аспартаттрансаминаза (АСТ), аланинтрансаминаза (АЛТ), гамма-глутамилтрансфераза (гамма-ГТФ), билирубин және /немесе лактатдегидрогеназа (ЛДГ) және қан сарысуындағы сілтілік фосфатаза деңгейінің уақытша жоғарылауы, транзиторлы гепатит, холестаздық сарғаю; - тері бөртпесі, есекжем, терінің қышуы, уытты эпидермальді некролиз; - нефроуыттылық, интерстициальді нефрит, анықталмаған нефропатия, протеинурия, бүйрек жеткіліксіздігі, қандағы мочевина (АМК) және креатинин концентрациясының уақытша жоғарылауы, креатининнің жоғарылауы, бұл негізінен осы ДЗ басқа ықтимал нефроуытты дәрілік препараттармен бір мезгілде қолданатын ауыр пациенттерде байқалады; - Кумбстың оң реакциясы, «бауыр» трансаминазалары белсенділігінің жоғарылауы, гиперкреатининемия, сілтілік фосфатаза, гамма-глутамилтрансфераза, билирубин және/немесе сарысудағы лактатдегидрогеназа концентрациясының жоғарылауы, протромбин уақытының жоғарылауы, гипергликемия, гипогликемия. Өте сирек - коагуляцияның бұзылуы (қан ұюы) және нәтижесінде қан кетудің жоғарылауы; гемоглобиннің және/немесе гематокриттің төмендеуі, анемия, агранулоцитоз, апластикалық анемия, панцитопения және гемолитикалық анемия; - анафилаксиялық шок, тыныс алу жолдарының тарылуымен көмейдің ісінуі, жүрек қағу жиілігінің жоғарылауы, ентігу, артериялық қысымның төмендеуі, тілдің ісінуі, анальді қышыну, генитальді қышыну, беттің ісінуі; - жалған жарғақшалы колит. Бұл жағдай емдеуді дереу бастауды талап етеді. Жиілігі белгісіз - бас ауыруы, парестезия, миоклония; - метеоризм, асқазанның құрысуы, эпигастрийдегі ауырсыну, қыжыл, стоматит; - бүйрек жеткіліксіздігі. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Бас ауыруы, вертиго, парестезия, ажитация, миоклония, құрысулар. Зертханалық белгілері: қан плазмасындағы креатинин мен мочевина концентрациясының жоғарылауы, «бауыр» трансаминазаларының белсенділігі мен билирубин концентрациясының жоғарылауы, Кумбстың оң реакциясы, тромбоцитопения немесе тромбоцитоз, эозинофилия, лейкопения және протромбин уақытының жоғарылауы. Емі Құрысу дамыған жағдайда цефазолин қолдануды дереу тоқтату керек, өмірлік маңызды ағзалар функциясының көрсеткіштерін мұқият бақылау керек, қажет жағдайда симптоматикалық терапия, оған қоса құрысуға қарсы препараттарды енгізу керек. Артық дозаланудың және басқа емдеу әдістерінің тиімсіздігінің ауыр жағдайларында гемодиализ жүргізуге болады. Перитонеальді диализ тиімсіз.

Сақтықпен. Цефазолинді басқа нефроуытты препараттармен бірге қабылдаған кезде сақтықпен қолдану керек; анамнезінде пенициллиндерге аса жоғары сезімталдықтың жеңіл реакцияларында; созылмалы бүйрек жеткіліксіздігінде; ішек ауруларында (оның ішінде анамнездегі колит); 1 айдан 12 айға дейінгі балаларда. Аса жоғары сезімталдық реакциялары. Цефазолинді қолданар алдында цефалоспориндер мен басқа бета-лактамды антибиотиктер арасындағы айқаспалы аса жоғары сезімталдықтың даму мүмкіндігіне байланысты пациенттің аллергологиялық анамнезін жинау керек. Цефазолинмен емдеу аясында ауыр, оның ішінде өліммен аяқталатын аллергиялық реакциялардың дамуы сипатталды. Аса жоғары сезімталдықтың ауыр реакциясы дамыған жағдайда цефазолинді тоқтату, тиісті симптоматикалық ем тағайындау қажет. Препаратты цефалоспориндерге немесе кез-келген басқа бета-лактамды антибиотиктерге жоғары сезімталдық реакциясы бар пациенттерге қолдануға болмайды. Аллергиялық реакцияларға (аллергиялық ринит, бронх демікпесі) бейімділігі бар пациенттерді ерекше мұқият бақылау қажет, өйткені мұндай жағдайлардың болуы аясында аса жоғары сезімталдық реакцияларының қаупі артады. Қан ұюының төмендеуі. Сирек жағдайларда цефазолинді қолдану аясында қан ұюының төмендеуі мүмкін. Қауіп факторларына К дәруменінің тапшылығы, парентеральдық қоректендіру, тамақтану тапшылығы, бүйрек және/немесе бауыр жеткіліксіздігі, тромбоцитопения, антикоагулянттық терапия жатады. Сонымен қатар, гемофилия, асқазанның және/немесе он екі елі ішектің шырышты қабығының жарасы сияқты аурулар қан кетудің дамуына немесе ауырлығының жоғарылауына әкелуі мүмкін. Демек, осы аурулардың болуы белгілі пациенттерде коагулограмма көрсеткіштерін бақылау қажет. Егер қан ұюының төмендеуі анықталса, К дәруменін тағайындау керек (аптасына 10 мг). Бүйрек функциясының бұзылуы. Организмдегі препараттың жинақталуына байланысты бүйрек қызметі төмендеген пациенттерде препараттың дозасын бүйрек жеткіліксіздігінің ауырлығына сәйкес таңдау керек. Цефазолинді қолдану бүйрек функциясының бұзылуын және бүйрек жеткіліксіздігінің дамуын сирек тудырса да, препаратты қолдану аясында, әсіресе жағдайы ауыр пациенттерде, препараттың жоғары дозаларын және/немесе басқа нефроуытты препараттарды (мысалы, аминогликозидтер, «ілмектік» диуретиктер) қолданған кезде бүйрек функциясын бағалау ұсынылады. Бактерияға қарсы препараттарды қолданумен байланысты диарея. Емдеу кезінде және ем аяқталғаннан кейінгі алғашқы апталарда ауыр және тұрақты диареяның дамуы Clostridium difficile тудырған жалған жарғақшалы колиттің көрінісі болуы мүмкін. Бұл жағдай өмірге қауіп төндіретіндіктен, цефазолинді дереу тоқтатып, арнайы бактерияға қарсы ем (мысалы, ванкомицин немесе метронидазол) тағайындау керек. Су-электролит теңгерімін, алименттік бұзылуларды түзетуді қоса, симптоматикалық демеуші терапияны жүргізу көрсетілген. Ішек перистальтикасын тежейтін препараттарды қолдануға болмайды. Әсіресе ауыр жағдайларда, инфекцияның бактерияға қарсы емге резистенттілігі кезінде колэктомия жасау қажет болуы мүмкін. Пациенттің анамнезін мұқият жинауға ерекше назар аудару керек, өйткені бактерияға қарсы ем жүргізілген сәттен бастап екі ай ішінде жалған жарғақшалы колиттің даму жағдайлары сипатталған. Бактериялық резистенттілік пен суперинфекцияның дамуы. Цефазолинді ұзақ уақыт қолдану бактериялардың резистентті штамдарының пайда болуына себеп болуы мүмкін. Пациенттердің жағдайын суперинфекцияға мұқият бақылау керек және ол дамыған жағдайда тиісті шаралар қабылдау керек. Интратекальді енгізу. Цефазолинді орталық жүйке жүйесінің ауыр уытты зақымдану мүмкіндігіне (құрысулардың дамуын қоса) байланысты интратекальді енгізуге болмайды. Зертханалық көрсеткіштерге әсері. Цефазолинмен емделу кезінде Бенедикт, Фехтлинг ерітінділерін немесе Clinitest таблеткаларын қолдана отырып, несептегі глюкозаны анықтағанда жалған оң нәтижелер пайда болуы ықтимал. Глюкозаны анықтаудың ферменттік тәсілінде цефазолин нәтижелеріне әсер етпейді. Цефазолинмен емдеу кезінде тікелей және тікелей емес Кумбстың оң сынамасын алуы мүмкін. Арнайы сақтандырулар Балаларда қолдану. Цефазолинді шала туылған және жаңа туған нәрестелерге өмірінің 1 айында тағайындауға болмайды, өйткені бүгінгі күні оны пациенттердің осы популяциясында қолдану қауіпсіздігін көрсететін деректер ұсынылмаған. Препарат құрамында натрий бар Бұл препарат құрамында 48 мг немесе 1.0 г ұнтақта 2.1 ммоль натрий бар. Тұзсыз диетаны ұстанатын адамдарға тағайындағанда сақ болыңыз. Артериялық гипертензияға және жүрек жеткіліксіздігіне шалдыққан пациенттерде натрийдің арақатынасын ескеріңіз.

Жүктілік Цефазолин плацента арқылы өтеді. Цефазолиннің жануарларға жүргізілген клиникаға дейінгі зерттеулері тікелей немесе жағымсыз репродуктивті уыттылықтың жоқтығын көрсетті. Дегенмен, цефазолинді қолдану қауіпсіздігі туралы деректер жеткіліксіз болғандықтан, жүктілік кезінде цефазолинді қолдану ана үшін күтілетін пайда ұрық үшін ықтимал қауіптен асып кеткен жағдайда ғана рұқсат етіледі. Бала емізу Цефазолин емшек сүтіне өте аз мөлшерде енеді, цефазолинді терапиялық дозада қолданғанда жаңа туған нәрестеге әсер етуі екіталай. Егер емшек еметін жаңа туған нәрестеде диарея немесе кандидоз симптомдары пайда болса, емшек емізуді тоқтату немесе препаратты тоқтату туралы шешім қабылдау керек. Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері Препаратты қолдану пациенттің көлік құралдарын немесе қауіптілігі зор механизмдерді басқару қабілетіне әсер етпейді.

Пероральді контрацептивтер. Цефазолин пероральді контрацептивтердің тиімділігін төмендетуі мүмкін. Осы себепті препаратпен емдеу кезінде контрацепцияның қосымша шараларын қолдану керек. Бактериостатикалық әсері бар антибиотиктер. Цефазолинді бактериостатикалық әсері бар басқа бактерияға қарсы препараттармен (мысалы, тетрациклиндер, сульфаниламидтер, эритромицин, хлорамфеникол) бірге қолдануға болмайды, өйткені in vitro зерттеулерде осы препараттар арасында антагонизм анықталды. Нефроуытты әсері бар дәрілік препараттар. Цефазолинмен бірге қолданғанда басқа бактерияға қарсы препараттардың (мысалы, аминогликозидтер, колистин, полимиксин В); құрамында йод бар контрасттылы препараттардың; метотрексаттың жоғары дозаларының; кейбір вирусқа қарсы препараттардың (мысалы, ацикловир, фоскарнет); пентамидиннің; циклоспориннің; такролимустың; құрамында платина бар препараттар мен диуретиктердің (мысалы, фуросемид) нефроуытты қасиеттерінің күшеюі мүмкін. Егер оларды цефазолинмен бірге қолдану қажет болса, бүйрек функциясын мұқият бақылау керек. Ілмектік диуретиктер. «Ілмектік» диуретиктермен (мысалы, фуросемидпен) бір мезгілде қолданғанда цефазолиннің өзекшелік секрециясының блокадасы пайда болады, бұл оның қан плазмасындағы концентрациясының жоғарылауына әкеледі. Осы себепті осы препараттарды бірлесіп қолданудан аулақ болу керек. Пробенецид. Цефазолин мен пробенецидті бір мезгілде қолданғанда цефазолиннің бүйрек клиренсі төмендейді, бұл цефазолиннің шығарылу уақытының ұлғаюына және оның плазмалық концентрациясының жоғарылауына әкеледі. Антикоагулянттар. Сирек жағдайларда цефалоспориндер қан кетудің бұзылуын тудыруы мүмкін. Пероральді антикоагулянттармен, әсіресе жоғары дозаларда біріктіріп қолдану қажет болғанда коагулограмма көрсеткіштерін бақылау керек. Кейбір цефалоспориндік антибиотиктер, мысалы, цефамандол, цефотетан және цефазолин, ішек микрофлорасын тежеу арқылы К дәруменінің метаболизмін бұзуы мүмкін, бұл, әсіресе бастапқы тапшылығы бар пациенттерде оның организмдегі түзілуін төмендетеді. К дәрумені препараттарын тағайындау қажет болуы мүмкін, тромбоциттер агрегациясын төмендететін препараттармен (мысалы, қабынуға қарсы стероидты емес препараттармен) бір мезгілде қолданғанда қан кету қаупі артады. Этанол. Цефазолин этанолмен бір мезгілде қолданғанда дисульфирам тәрізді реакцияларды тудыруы мүмкін. Фармацевтикалық үйлесімсіздік. Цефазолин фармацевтикалық тұрғыдан амикацинмен, канамицинмен; окситетрациклинмен, тетрациклинмен, натрий колистиметатымен, В полимиксинмен, эритромицинмен (глюкогептонат тұзы түрінде), барбитур туындыларымен (амобарбитал, пентобарбитал), блеомицинмен, кальций глюкогептонатымен, кальций глюконатымен, циметидинмен, аскорбин қышқылымен үйлеспейді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!