Цефазолин натрий тұзы порошок 1 г

Бір құтының ішінде белсенді зат – 0.5 г және 1.0 г натрий цефазолині (цефазолинге шаққанда) Сыртқы түрінің, иісінің, дәмінің сипаттамасы Ақ дерлік немесе сарғыш реңді ақ ұнтақ, өте гигроскопиялы.

Цефазолин натрий тұзы, цефазолинге сезімтал қоздырғыштардан туындаған ересектер мен 1 айдан асқан балалардағы күрделі инфекцияларды емдеу үшін қолданылады: • S. pneumoniae, Klebsiella, H. influenzae, Staph. aureus (пенициллинге сезімтал және пенициллинге төзімді) және А тобының бета-гемолиздік стрептококктарынан туындаған тыныс алу жолдарының инфекциялары. • Escherichia coli, P. mirabilis және Klebsiella туындаған несеп шығару жолдары мен кіші жамбас ағзаларының инфекциялары. • Ішек таяқшаларынан, стрептококктардың әртүрлі штаммдарынан, P. mirabilis, Klebsiella және Staph. aureus туындаған өт шығару жолдарының инфекциялары. • Staph. aureus (пенициллинге сезімтал және төзімді), А тобының бета-гемолиздік стрептококктарынан және стрептококктардың басқа штаммдарынан туындаған тері мен жұмсақ тіндердің инфекциялары. • Staph. aureus туындаған сүйек пен буындардың инфекциялары. • S. pneumoniae, Staph. aureus (пенициллинге сезімтал және пенициллинге төзімді), P. mirabilis, Escherichia coli және Klebsiella туындаған септицемия. • Staph. aureus (пенициллинге сезімтал және пенициллинге төзімді) және А тобының бета-гемолиздік стрептококктарынан туындаған эндокардит. • Операция уақытындағы профилактика: операция алдындағы, операция кезіндегі және операциядан кейінгі, хирургиялық араласуларға ұшыраған пациенттерде жұқтыру қаупі немесе жұқтырудың қаупі зор болғанда операциядан кейінгі белгілі бір инфекциялардың жиілігін төмендетуге бағытталған профилактика. Бактерияға қарсы препараттарды орынды пайдалануға және тағайындауға қатысты ресми ұсынымдарды ескеру керек.

Әсер ету механизмі Барлық цефалоспориндер (β-лактамды антибиотиктер) жасуша қабырғасының өндірілуін бәсеңдетеді және пептидогликандар синтезінің селективті тежеуіштері болып табылады. Әсер ету механизмінің бірінші сатысы препаратты жасушалық рецепторлармен (пенициллинді байланыстыратын ақуыздармен) байланыстыру болып табылады. Осы байланыстырудан кейін транспептидаза реакциясы тежеледі және, соның салдары ретінде, пептидогликан синтезі бөгеледі. Бұл үдеріс бактерия лизисіне әкеледі. Резистенттілік механизмдері β-лактамдық антибиотиктер құрамында микробқа қарсы әсер ету үшін қажет – лактам сақинасы деген болады. Бұл сақина ажыраған кезде антибиотик өз әсерін жоғалтады. Алайда, әртүрлі бактерияларда осы сақинаға әсер ететін ферменттер (β-лактамазалар) болады, оларды антибиотиктердің осы түрлеріне төзімді етеді. Барлық цефалоспориндер және басқа β-лактамдық антибиотиктер жағдайындағы сияқты, жүре пайда болған резистенттілік механизмдері бактериялар тобына байланысты ерекшеленеді және мыналарды қамтиды: нысана-сайттардың өзгеруі (пенициллинді байланыстыратын ақуыздар, PBPS), PLS лактамазаларының ферментативті дезактивациясы және нысана молекуласының модификациясы. Цефалоспориндер мен пенициллиндер арасында айқаспалы резистенттілік бар. Құрамында индукцияланған хромосомалық байланысқан пролактамазалар бар, Enterobacter spp, Serratia spp, Citrobacter spp және Providentia spp сияқты грамтеріс микроорганизмдерді in vitro сезімталдығына қарамастан цефазолинге төзімді деп санаған жөн. Бақылау нүктесі: EUCAST сәйкес, цефазолин үшін келесі бақылау нүктелері анықталды: Түрлерге қатысы жоқ: S ≤ 1 мкг/мл, R> 2 мкг/мл). Резистенттіліктің таралуы жекелеген микроорганизмдер үшін географиялық тұрғыда және уақыт өте келе өзгеруі мүмкін, сондықтан әсіресе күрделі инфекцияларды емдеген кезде резистенттілік туралы жергілікті ақпарат болғаны жөн. Қажет болса, әсіресе резистенттіліктің жергілікті таралуы препаратты инфекциялардың кем дегенде кейбір типтерінде пайдалануға күмән тудыратындай болса, сарапшының кеңесіне жүгіну керек. Стафилококктың сезімталдығы метициллинге сезімталдыққа негізделген. СЕЗІМТАЛ ТҮРЛЕР Грамоң Staphylococcus.aureus (метициллинге сезімтал) Staphylococcus epidermidis (метициллинге сезімтал) ЖҮРЕ ПАЙДА БОЛҒАН ТӨЗІМДІЛІК ПРОБЛЕМА ТУДЫРУЫ МҮМКІН ТҮРЛЕР Haemophilus influenzae+ Neisseria gonorrhoeae A, B, C және G тобындағы ß– гемолитикалық стрептококк Streptococcus pneumonia Haemophilus influenzae+ Neisseria gonorrhoeae A, B, C және G тобындағы ß– гемолитикалық стрептококк Streptococcus pneumonia ТӨЗІМДІ ОРГАНИЗМДЕР Citrobacter spp Enterobacter spp (Enterobacter cloacae, Enterobacter aerogenes) Morganella morganii Proteus stuartii Proteus vulgaris Pseudomonas aeruginosa Serratia Staphylococcus, метициллинге резистентті Indol оң Proteus-stammen Enterobacteriaceae spp (Klebsiella pneumoniae) Enterobacteriaceae spp (Proteus mirabilis) Citrobacter spp Enterobacter spp (Enterobacter cloacae, Enterobacter aerogenes) Morganella morganii Proteus stuartii Proteus vulgaris Pseudomonas aeruginosa Serratia Staphylococcus, метициллинге резистентті Indol оң Proteus-stammen Enterobacteriaceae spp (Klebsiella pneumoniae) Enterobacteriaceae spp (Proteus mirabilis) Аталған түрлердің кейбір микробтары осы микробтардың көпшілігі үшін көрсетілгенге қарағанда, өнімге біршама сезімтал болуы мүмкін. Сондықтан сезімталдыққа тесттер жүргізу ұсынылады.

Дозалау режимі Дозалау микроорганизмнің сезімталдығына және аурудың ауырлығына байланысты болады. Ересектер • Сезімталдығы жоғары грамоң микроорганизмдерден туындаған инфекцияларда, ересектер үшін әдеттегі доза тәулігіне теңдей екі немесе үш қабылданатын 1–2 г құрайды. • Сезімталдығы азырақ грамоң және грамтеріс агенттерден туындаған инфекцияларда, әдеттегі дозасы күніне теңдей үш немесе төрт қабылданатын 3–4 г құрайды. Эндокардит сияқты өте күрделі инфекцияларда цефазолин күніне 6 г дозаларда тағайындалды. Бүйрек функциясының бұзылуы бар ересектерде жинақталуға жол бермеу үшін неғұрлым төмен доза қажет болуы мүмкін. Осындай төменірек дозалау қандағы деңгейінің негізінде анықталуы мүмкін. Егер бұл мүмкін болса, дозалануын ҚМА және/немесе креатинин клиренсінің негізінде анықтауға болады. 0.5 г бастапқы дозадан кейін демеуші доза үшін бағдар ретінде келесі ұсынымдарды пайдалануға болады. Бүйрек функциясы бұзылған пациенттерде Цефазолинмен демеуші ем дозалары Бүйрек функциясының бұзылуы — ҚМА* (мг%) — Креатинин клиренсі (мл/мин) — Грамоң инфекциялар — Грамтеріс инфекциялар — Жартылай шығарылу уақыты (сағат) Жеңіл бұзылуы — 20-34 — 70-40 — 0,25–0,5 г әр 8 сағатта — 0.5 г -1 г әр 8 сағатта — 3-5 Орташа бұзылуы — 35-49 — 40-20 — 0,125–0,25 г әр 12 сағатта — 0,25–0,6 г әр 12 сағатта — 6-12 Ауыр бұзылуы — 50-75 — 20-5 — 0,075–0,15 г әр 24 сағатта — 0,15–0,4 г әр 24 сағатта — 15-30 * қандағы мочевина азоты Периоперациялық дайындық Инфекциялық (әлеуетті) операцияларда операциядан кейінгі инфекцияланудың алдын алу үшін ұсынылатын дозалары: а. Операция алдында 1 сағат бұрын вена ішіне 30 минут ішінде 1 грамм енгізеді. б. Ұзаққа созылатын операцияларда (2 сағат және одан көп) операция кезінде 0.5 г-ден 1 г дейін вена ішіне енгізеді (дозаны операцияның ұзақтығына байланысты түзетеді). в. Операциядан кейін 24 сағат ішінде әр 6–8 сағат сайын вена ішіне 0.5 г-ден 1 г дейін. Алғашқы хирургиялық кесік кезінде сарысудағы және тіндердегі антибиотиктің талапқа сай деңгейлерін қамтамасыз ету үшін, операция алдындағы дозаның операция басталардан аз уақыт бұрын (30 минуттан бір сағатқа дейін) енгізілуі маңызды; және цефазолин, қажет болса, микроорганизмдердің жоғары әсер ету кезеңдерінде антибиотиктің жеткілікті жоғары деңгейіне қол жеткізу үшін операция кезінде тұрақты уақыт аралықтарымен енгізіледі. Цефазолинмен профилактиканы операция аяқталғаннан кейін 24 сағаттың ішінде тоқтату орынды. Инфекцияның дамуы ерекше жоғары қауіп төндіретін операцияларда (ашық жүрекке операция немесе эндопротездеу), цефазолинмен профилактиканы операция аяқталғаннан кейін 3–5 күн бойы жалғастыру керек. Пациенттердің ерекше топтары Балалар Өте сезімтал грамоң микроорганизмдерден туындаған инфекцияларда, күніне 2–4 қабылдауға бөлінген дене салмағын шаққанда 25–50 мг/кг доза тиімді. Сезімталдығы азырақ грамоң микроорганизмдерден және грамтеріс қоздырғыштардан туындаған инфекцияларда, ұсынылатын ең жоғары доза 3 немесе 4 теңдес дозада дене салмағына 100 мг/кг. Бүйрек функциясының бұзылуы бар балаларда жинақталудың алдын алу үшін төменірек доза қажет болуы мүмкін. Бұл төменірек дозаны қандағы деңгейінің негізінде анықтауға болады. Егер бұл мүмкін болмаса, дозалануын төмендегі нұсқауларға сәйкес креатинин клиренсінің негізінде анықтауға болады. Ауырлығы орташа дәрежедегі бұзылуы бар (креатинин клиренсі 40–20 мл/мин) балаларға әр 12 сағат сайын қабылдауға бөлінген әдеттегі тәуліктік дозаның 25% жеткілікті болады. Ауыр бұзылулары бар балаларға (креатинин клиренсі 20–5 мл/мин) әр 24 сағат сайын қабылданатын әдеттегі тәуліктік дозаның 10% жеткілікті болады. Бұл ұсынымдардың бәрі бастапқы старттық дозаны қабылдаудан кейін жарамды. Сондай-ақ 4.4 «Айрықша нұсқаулар және қолдану кезіндегі сақтандыру шаралары» бөлімін қараңыз. Шала туғандар және 1 айға дейінгі нәрестелер Шала туған балалар мен бір айға дейінгі балаларда қолдану қауіпсіздігі анықталмағандықтан, бұл пациенттерде Цефазолинді қолдану ұсынылмайды. Сондай-ақ 4.4 «Айрықша нұсқаулар және қолдану кезіндегі сақтандыру шаралары» бөлімін қараңыз. Егде жастағы пациенттер Бүйрек функциясы қалыпты егде жастағы пациенттерде дозаны түзету қажет жоқ Енгізу әдісі және жолы Препаратты бұлшықет ішіне (б/і) немесе вена ішіне (в/і) сорғалатып немесе тамшылатып енгізу керек. Құрамында лидокаин бар цефазолин ерітінділерін ешбір жағдайда вена ішіне енгізуге болмайды. Дәрілік препаратты қолданар алдында еріту жөніндегі нұсқаулық: Бұлшықет ішіне енгізуге арналған ерітінділерді дайындау Бұлшықет ішіне енгізу үшін құтының ішіндегіні инъекцияға арналған 3–5 мл стерильді суда немесе 0,5% лидокаин ерітіндісінде ерітеді, еріту кезінде құтының ішіндегі толық ерігенге дейін қатты сілкілеу қажет және бұлшықет ішіне тереңдетіп енгізеді. Құрамында лидокаин бар ерітіндіні вена ішіне енгізуге болмайды. Вена ішіне сорғалатып енгізуге арналған ерітінділерді дайындау Вена ішіне сорғалатып енгізу үшін препараттың бір реттік дозасын натрий хлоридінің 10 мл изотониялық ерітіндісінде сұйылтады және 3–5 минут бойы баяу енгізеді. Вена ішіне тамшылатып енгізуге арналған ерітінділерді дайындау Вена ішіне тамшылатып енгізген кезде 0,5–1,0 г препаратты натрий хлоридінің 100–250 мл изотониялық ерітіндісінде немесе 5% глюкоза ерітіндісінде сұйылтады; инфузияны 20–30 минут бойы жүргізеді. Сұйылту кезінде құтының ішіндегісі түгел ерігенше қатты сілкілеу қажет. Емдеу ұзақтығы Аурудың ағымына байланысты. Антибиотиктермен емдеудің қағидаларына сәйкес Цефазолинмен емдеуді қызба басылғаннан кейін кем дегенде 2–3 күн бойы немесе қоздырғыштың эрадикациясы расталғанға дейін жалғастыру керек. Тоқтату симптомдары қаупінің болуына нұсқау Қатысты емес Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қабылдар алдында кеңес алу үшін дәрігерге жүгініңіз.

• цефазолинге және басқа цефалоспориндерге немесе қосымша заттардың кез келгеніне аса жоғары сезімталдық • анамнезінде цефалоспориндерге немесе кез келген бета- лактамды басқа антибиотиктерге аса жоғары сезімталдықтың ауыр реакциялары болуы Лидокаин ерітіндісі еріткіш ретінде пайдаланылатын цефазолинді бұлшықет ішіне енгізер алдында лидокаинге қолдануға болмайтын жағдайлар болмауы тиіс, балаларда еріткіш ретінде тек 1% лидокаин қолданылады, лидокаин ерітіндісін пайдаланып препаратты 1 жастан кіші балаларда қолдануға жол берілмейді.

Жиі • бұлшықетішілік инъекция орнындағы ауырсыну, кейде тығызданумен Жиі емес • ауыз қуысының кандидозы (ұзақ қолданған кезде) • құрысулар § • экзантема, эритема, мультиформалы экссудативті эритема, есекжем, қантамырлардың, шырышты қабықтардың немесе буындардың қайтымды жергілікті өткізгіштігі, (ангионевроздық ісіну), дәрілік қызба, интерстициялық пневмония немесе пневмонит • флебит, тромбофлебит Сирек • вагинит, генитальді кандидоз • лейкоцитоз, гранулоцитоз, моноцитоз, лимфоцитопения, базофилия, эозинофилия, гранулоцитопения, нейтропения, лейкопения, тромбоцитопения (бұл әсерлер қайтымды) • қандағы глюкоза концентрациясының жоғарылауы немесе төмендеуі • бас айналуы, дімкәстік, шаршағыштық • плеврит, ентігу немесе респираторлық дистресс, жөтел, ринит • диарея, жүрек айнуы, құсу, тәбеттің жоғалуы, іштің кебуі, іштің ауыруы# • АСТ, АЛТ, гамма-ГТ, билирубин және/немесе ЛДГ және сілтілі фосфатаза сарысулық концентрацияларының өтпелі жоғарылауы, өтпелі гепатит, өтпелі холестаздық сарғаю • Стивенс-Джонсон синдромы, уытты эпидермалық некролиз (Лайелл синдромы) • қандағы мочевина азоты (ҚМА) деңгейінің өтпелі жоғарылауы, протеинурия, интерстициялық нефрит, нақтыланбаған нефропатиялар, нефроуыттылық$ • кеуденің ауыруы Өте сирек • қан ұюының бұзылуы және, соның салдары ретінде, қан кетулер* • анафилаксиялық шок (беттің ісінуі, тілдің домбығуы, тыныс жолдарының тарылуымен көмейдің ісінуі, жүрек соғуының жиілеуі, ентігу, артериялық қысымның төмендеуі) • анустың қышынуы, жыныстық мүшелердің қышынуы Белгісіз • жалған жарғақшалы колит + * Қауіп тобында К дәруменінің тапшылығына әкелетін, қан ұюының бұзылуын туғызуға қабілетті қауіп факторлары (жасанды тамақтандыру, толыққанды тамақтанбау, бауыр және бүйрек функциясының бұзылуы, тромбоцитопения) бар пациенттер, сондай-ақ қан кетуді тудыруы немесе нашарлатуы мүмкін аурулары (мысалы, гемофилия, асқазанның және он екі елі ішектің ойықжарасы) бар пациенттер. ** Тиісінше дереу шұғыл шаралар қабылдау талап етілуі мүмкін. § Әсіресе бүйрек жеткіліксіздігінде артық дозалану жағдайында немесе дозасы реттелмегенде. # Көптеген жағдайларда симптомдар жеңіл сипатта болады, олар көбіне уақытында, болмаса ем тоқтатылғаннан кейін жойылады. + Цефазолинмен ем кезінде немесе емнен кейін ауыр және ұзақ диарея болған жағдайда дәрігерге жүгіну керек, өйткені бұл дереу емдеуді талап ететін күрделі аурудың (жалғанжарғақшалы колит) белгісі болуы мүмкін. Пациент өзін өзі перистальтиканы бәсеңдететін препараттармен кез келген емдеумен айналысудан бой тартуы тиіс. $ Негізінен бірнеше дәрі қабылдайтын ауыр аурулары бар пациенттерде. Сирек жағдайларда кейбір цефалоспориндерді қолдану кезінде келесі жағымсыз әсерлер тіркелген: гемоглобин және/немесе гематокрит деңгейінің төмендеуі, анемия, агранулоцитоз, аплазиялық анемия, панцитопения, гемолиздік анемия. Сондай-ақ кейбір цефалоспориндермен емдеу кезінде келесі жағдайлар тіркелген: түнгі қорқынышты түстер, бас айналу, гипербелсенділік, күйгелектік немесе үрей, ұйқысыздық, ұйқышылдық, әлсіздік, ысынулар, түсті көрудің бұзылуы, сананың шатасуы, эпилептогендік белсенділік.

Симптомдары: Артық дозалану симптомдары инъекция орнында ауырсынуды, қабынуды және флебитті қамтуы мүмкін. Цефалоспориндердің әдеттен тыс үлкен дозаларын парентералдық енгізу бас айналуды, парестезияны және бас ауруын тудыруы мүмкін. Кейбір цефалоспориндердің артық дозалануынан кейін, әсіресе жинақталу орын алуы мүмкін бүйрек функциясы бұзылған пациенттерде құрысулар пайда болуы ықтимал. Артық дозаланғаннан кейін креатинин, қан плазмасындағы мочевина, бауыр ферменттері және билирубин концентрациясының жоғарылауы мүмкіндігі, сондай-ақ оң Кумбс сынамасы, тромбоцитоз, тромбоцитопения, эозинофилия, лейкопения және протромбин уақытының жоғарылау ықтималдығы бар. Емі: Құрысулар дамыған жағдайда цефазолинді дереу тоқтату қажет. Тіршілік көрсеткіштерін мұқият бақылау керек. Ауыр артық дозалану және емдеудің басқа әдістерінің тиімсіздігі жағдайында гемодиализ гемоперфузиямен жүргізілуі мүмкін, дегенмен бұл әдістің тиімділігі дәлелденбеген. Дәрілік препараттың бір немесе бірнеше дозаларын өткізіп алғанда қажет болатын шаралар Өткізіп алған дозаның орнын толтыру үшін қосарлы дозаны қолданбаңыз.

Аса жоғары сезімталдық реакциялары: Цефазолинді қолдануды бастағанға дейін цефалоспориндер мен пенициллиндерге аса жоғары сезімталдық реакцияларының болуына пациенттің аллергологиялық анамнезін жинау керек. Цефалоспориндерге аса жоғары сезімталдықтың шұғыл реакциясы байқалатыны белгілі пациенттерге цефалоспориндерді қолданбаған жөн. Күмән туындаған жағдайда, алғашқы енгізу кезінде ықтимал анафилаксиялық реакцияларды болдырмау үшін дәрігер қатысуы тиіс. Пенициллиндер мен цефалоспориндер арасында айқаспалы аллергия бар. Цефазолиннен туындаған аллергиялық реакция жағдайында препаратты қабылдауды тоқтату керек және пациентке тиісті ем тағайындау керек. Бүйрек функциясының бұзылуы Цефазолин бүйрек функциясының бұзылуын сирек тудырса да, бүйрек функциясын демеп тұру, әсіресе ең жоғары дозалары енгізілетін қатер шегіндегі жағдайдағы пациенттерде және аминогликозидтер немесе күшті әсер ететін диуретиктер (мысалы, фуросемид немесе этакрин қышқылы) сияқты басқа да әлеуетті нефроуытты препараттар бір мезгілде енгізілетін пациенттерде ұсынылады. Бүйрек функциясы нашар пациенттерде антибиотиктердің жоғарырақ және ұзақ концентрациялары байқалуы мүмкін. Осыған байланысты цефазолиннің жалпы тәуліктік дозасы «Дозалау режимі және қолдану тәсілі» бөлімінде көрсетілгендей дозалау сызбасына сәйкес төмендетілуі тиіс. Бұл бүйрек функциясының бұзылуына байланысты төмен диурезі бар пациенттерге де қатысты. Шумақтық сүзілу жылдамдығы 55 мл/мин-ден төмен бүйрек функциясының ауыр бұзылуы кезінде цефазолиннің жиналуы күтіледі, сондықтан дозаны тиісті түрде азайтады немесе дозалау аралығын арттыру керек («Дозалау режимі және қолдану тәсілі» бөлімін қараңыз). Жалған жарғақшалы колит Жалған жарғақшалы колит антибиотиктерді қабылдау кезінде пайда болуы мүмкін. Сондықтан бұл диагнозды цефазолин қабылдау кезінде диарея дамыған пациенттерде қарастыру маңызды. Бұл жағдайда тиісті шаралар қабылдау қажет. Цефазолинді ұзақ уақыт қолдану сезімтал емес микроорганизмдердің шамадан тыс өсуін туғызуы мүмкін, сондықтан пациентті ұдайы бақылау өте маңызды. Емдеу үдерісінде суперинфекция болғанда тиісті шаралар қабылдау керек. Интратекальді енгізу ұсынылмайды. Цефазолинді интратекальді енгізгеннен кейін, құрысуларды қоса, орталық жүйке жүйесінің ауыр уыттануы туралы хабарланды. Цефазолин жұлын сұйықтығына нашар өтуіне байланысты менингитті емдеу үшін жарамсыз болады Шала туған балалар мен бір айға дейінгі сәбилерде қолдану қауіпсіздігі болмағандықтан, бұл пациенттерде цефазолинді қолдану ұсынылмайды. Сирек жағдайларда цефазолинді қолдану аясында қан ұюының бұзылуы мүмкін. Қауіп факторларына К дәруменінің жетіспеушілігі, парентералдық тамақтану, тамақтану тапшылығы, бүйрек және/немесе бауыр жеткіліксіздігі, тромбоцитопения жатады. Сонымен қатар, гемофилия, асқазанның және/немесе он екі елі ішектің шырышты қабығының ойық жаралануы сияқты аурулар қан кетудің дамуына немесе айқындығы күшеюіне себеп болуы мүмкін. Сондықтан, осы аурулардың бар екені белгілі пациенттерде коагулограмма көрсеткіштерін бақылау қажет. Егер қан ұюының төмендеуі анықталса, К дәруменімен (аптасына 10 мг) ем тағайындау керек. Зертханалық сынақтар: Цефалоспориндермен емдеу кезінде Кумбс тесттері оң болуы мүмкін. Бұл цефазолин алатын пациенттерге де қатысты. Арнайы сақтандырулар Цефазолиннің 0.5 г және 1.0 г бір құтының ішінде сәйкесінше 1,1 ммоль (25 мг) және 2,2 ммоль (50 мг) натрий бар. Тұзсыз диетаны ұстанатын адамдарға тағайындаған кезде сақтық таныту керек. Педиатрияда қолдану Шала туған балалар мен бір айға дейінгі сәбилерде қолдану қауіпсіздігі болмағандықтан, бұл пациенттерде цефазолинді қолдану ұсынылмайды Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Фармакодинамикалық бейінін және/немесе жағымсыз әсерлер бейінін ескере отырып, цефазолиннің автокөлікті басқару және механизмдермен жұмыс істеу қабілетіне ықпал ету ықтималдығы аз. Үйлесімсіздік Цефазолин амикацин дисульфатымен, натрий амобарбиталымен, аскорбин қышқылымен, блеомицин сульфатпен, кальций глюкогептонатымен, циметидинмен, колистинмен, натрий метансульфатпен, эритромицинмен, окситетрациклинмен, натрий пентобарбиталымен, тетрациклинмен үйлесімді емес.

Жүктілік Жүктілік кезінде бірінші буын цефалоспориндерін қолдану тәжірибесі жүктілікке немесе іштегі нәрестеге/жаңа туған нәрестенің денсаулығына зиянды әсерін айғақтамайды. Цефазолинді жүктілік кезінде қолдану туралы деректер оның әлеуетті зиянына баға беру үшін жеткіліксіз. Препаратты жануарларда клиникаға дейінгі зерттеулер тератогенділігін немесе басқа да репродукциялық уыттылығын көрсеткен жоқ. Цефазолин плацента арқылы өтеді. Сақтық шарасы ретінде, егер қажет болмаса, жүктілік кезінде цефазолинді қолданудан аулақ болған жөн. Бала емізу Цефазолин препаратты емдік дозаларда қолданғанда емшек сүтіне өте аз мөлшерде бөлінеді. Алайда емдік дозаларда қолданған кезде жаңа туған нәрестеге ешқандай әсер етуі күтілмейді. Цефазолинді бала емізу кезінде қолдануға болады.

Қолдануға болмайтын біріктірілімдер: Антибиотиктер: Бактериостатикалық антибиотиктермен өзара әрекеттесу кезінде антагонистік әсер байқалуы мүмкін, бұл антибиотиктерді цефазолинмен бір мезгілде енгізген кезде осыны ескеру керек. Ұсынылмайтын біріктірілімдер: Пробенецид: Оның бүйректік диурезге (түтікшелік секрецияға) тежеуіш ықпалына байланысты, пробенецидті қолдану қанда цефазолин концентрациясының және оны ұстап тұру уақытының артуына әкеледі. Сақтықпен қолдануды талап ететін біріктірілімдер: К1 дәрумені: Цефамандол, цефазолин және цефотетан сияқты кейбір цефалоспориндер, әсіресе К1 дәрумені тапшы болған жағдайда К1 дәруменінің бауыр ішіндегі метаболизмін тежеуі және гипотромбинемияны туғызуы мүмкін. Бұл әсер К1 дәруменінің дозасын арттыруды қажет етуі мүмкін. Антикоагулянттар Цефалоспориндер сирек жағдайларда коагуляция бұзылыстарына және қан кетулерге әкеліп соғуы мүмкін. Сондықтан, антикоагулянттарды (мысалы, варфарин немесе гепарин) енгізген кезде коагуляция көрсеткіштерін бақылаған жөн. Нефроуытты заттар: Аминогликозидтер (мысалы, гентамицин), полимиксиндер, этакрин қышқылы және фуросемид, және күшті несеп айдайтын дәрілер сияқты нефроуытты препараттармен бір мезгілде қолданғанда нефроуыттылық құбылыстардың ықтималдығы артады. Бұл жағдайда бүйрек функциясын бақылау керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!