Цефамед порошок 1 г

Бір құты препарат құрамында белсенді зат - 500 мг немесе 1000 мг цефтриаксон (цефтриаксон натрий түрінде), Бір ампула еріткіш құрамында белсенді зат - 20 мг немесе 35 мг лидокаин гидрохлориді, қосымша заттар: натрий хлориді, натрий гидроксиді, инъекцияға арналған су. Сыртқы түрінің, иісінің, дәмінің сипаттамасы Ұнтақ: Ақ немесе сарғыш түсті кристалды ұнтақ, сәл гигроскопиялы. Еріткіш: Түссіз мөлдір сұйықтық.

Цефтриаксонға сезімтал қоздырғыштар тудыратын инфекциялар: • тыныс алу жолдарының инфекциясы, әсіресе пневмония, сондай-ақ ЛОР -ағзалар инфекциялары • абдоминальді инфекциялар (перитонит, өт жолдарының, сондай-ақ асқазан-ішек жолдарының инфекциялары) • бүйрек және несеп шығару жолдарының инфекциялары • жыныс мүшелерінің инфекциялары, соның ішінде гонорея • сепсис • сүйек, буын, жұмсақ тіндер, тері инфекциялары, сондай-ақ жара инфекциялары • иммунитеті төмен пациенттердегі инфекциялар • менингит • диссеминацияланған Лайм ауруы (II және III кезеңдер). Асқазан-ішек жолдарындағы, өт жолдарындағы, урогенитальді және гинекологиялық аумақтардағы операциялар кезінде инфекциялардың периоперативті профилактикасы, бірақ әлеуетті немесе дәлелденген контаминация жағдайында ғана. Антибиотиктерді дұрыс пайдалану бойынша ресми нұсқауларды, әсіресе антибиотиктерге төзімділіктің жоғарылауын болдырмау үшін қолдану жөніндегі нұсқауларды ескеру қажет.

Әсер ету механизмі Цефтриаксонның бактерицидтік белсенділігі бактериялардың жасушалық жақтауының синтезінің тежелуіне байланысты. In vitro цефтриаксон грамтеріс және грамоң микроорганизмдерге қатысты кең ауқымды белсенділікке ие. Цефтриаксонның грамоң және грамтеріс бактериялар өндіретін β-лактамазалардың көпшілігіне (пенициллиназалар да, цефалоспориназалар да) төзімділігі жоғары. In vitro цефтриаксон әдетте келесі микроорганизмдерге қатысты белсенді (4.1 бөлімін қараңыз): Грамоң аэробтар — Медиана ЕТБК 50*(мг / л) — ЕТБК 90* * (мг/л) Staphylococcus aureus (метициллинге сезімтал) — 4 — 4 Коагулазо-теріс стафилококктар — 4 — 16 Streptococcus pyogenes (ß-гемолитикалық, А тобы) — 0.03 — 0.03 Streptococcus agalactiae (ß-гемолитикалық, В тобы) — 0.06 — 0.06 ß- гемолитикалық стрептококктар (А және В топтарына жатпайтын) — 0.06 — 0.06 Streptococcus viridans — 0.125 — 0.5 Streptococcus pneumoniae — 0.06 — 0.06 * ЕТБК50 = зерттелетін штаммдардың 50% үшін ең төменгі бәсеңдеткіш концентрация **ЕТБК 90 = зерттелетін штаммдардың 90% үшін ең төменгі бәсеңдеткіш концентрация Грамтеріс аэробтар — Медиана ЕТБК 50(мг / л) — ЕТБК 90(мг / л) Acinetobacter lwoffi — 2 — 8 Acinetobacter anitratus 1 (негізінен A. baumanii) — 8 — 32 Aeromonas hydrophila — 0.25 — 4 Alcaligenes faecalis — 1 — 8 Alcaligenes odorans — 0.25 — 0.5 Алкалигенге ұқсас бактериялар — 0.25 — 0.5 Borrelia burgdorferi — 0.06 — 0.06 Burkholderia cepacia — 2 — 16 Capnocytophaga spp. — 0.06 — 4 Citrobacter diversus ( C. amalonaticus қоса) — 0.125 — 0.125 Citrobacter freundii1 — 0.125 — 16 Escherichia coli — 0.06 — 0.125 Enterobacter aerogenes1 — 2 — 16 Enterobacter cloacae1 — 0.5 — 16 Enterobacter spp. (басқалар)1 — 0.25 — 32 Haemophilus ducreyi — 0.004 — 0.004 Haemophilus influenzae — 0.008 — 0.06 Haemophilus parainfluenzae — 0.016 — 0.06 Hafnia alvei — 0.125 — 2 Klebsiella oxytoca — 0.06 — 0.125 Klebsiella pneumoniae2 — 0.06 — 0.125 Moraxella catarrhalis (бұрынғы атауы Branhamella catarr.) — 0.125 — 0.5 Moraxella osloensis — 0.25 — 0.25 Moraxella spp. (басқалар) — 0.25 — 0.25 Morganella morganii — 0.06 — 1 Neisseria gonorrhoeae — 0.008 — 0.06 Neisseria meningitidis — 0.008 — 0.008 Pasteurella multocida — 0.06 — 0.06 Plesiomonas shigelloides — 0.06 — 0.06 Proteus mirabilis — 0.06 — 0.06 Proteus penneri1 — 1 — 64 Proteus vulgaris — 0.06 — 2 Pseudomonas fluorescens1 — 16 — 64 Pseudomonas spp. (басқалар)1 — 8 — 16 Providencia rettgeri — 0.06 — 2 Providencia spp. (басқалар) — 0.06 — 0.5 Salmonella typhi — 0.06 — 0.125 Salmonella spp. (тифоидты емес) — 0.06 — 0.06 Serratia marcescens — 0.5 — 2 Serratia spp. (басқалар) — 0.25 — 16 Shigella spp. — 0.03 — 0.25 Vibrio spp. — 0.06 — 0.25 Yersinia enterocolitica — 0.125 — 0.125 Yersinia spp. (басқалар) — 0.25 — 2 Анаэробтар — Медиана ЕТБК 50(мг / л) — ЕТБК 90(мг / л) Bacteroides spp.3 (өтке сезімтал) — 2 — 16 Clostridium spp.(C. perfringens тобын қоспағанда) — 2 — 16 Fusobacterium nucleatum — 1 — 2 Fusobacterium spp. (басқалар) — 0.125 — 0.25 Gaffkia anaerobica (бұрынғы атауы Peptococcus) — 0.125 — 1 Пептострептококктар — 0.125 — 1 Цефтриаксонға сезімталдық мысалы, Клиникалық және зертханалық стандарттар институты (КЗСИ) ұсынған төзімділікті тестілеудің стандартты әдістемесін қолдана отырып, диско-диффузиялық әдістің көмегімен немесе агарда немесе сорпада сериялық сұйылту әдісімен анықталуы мүмкін. КЗСИ цефтриаксон үшін сынама нәтижелерін бағалаудың келесі критерийлерін белгіледі. Сезімтал — Орташа сезімтал — Төзімді Сұйылту әдісі Бәсеңдеткіш концентрация, мг/л — 8 — 16-32 — 64 Диск әдісі (30 мкг цефтриаксон бар диск) Өсудің тежелу аумағының диаметрі, мм — 21 — 20-14 — 13 Анықтау үшін цефтриаксон бар дискілерді пайдалану керек, өйткені in vitro зерттеулерде цефтриаксон цефалоспориндердің бүкіл тобына арналған дискілерді пайдалану кезінде төзімділік анықталатын жеке штаммдарға қатысты белсенді екендігі көрсетілген. КЗСИ стандарттарынан басқа, микроорганизмдердің сезімталдығын анықтау үшін басқа стандартталған нұсқауларды, мысалы, Неміс стандарттау институты мен Бірлескен зерттеу тобының ұсыныстарын пайдалануға болады. Төзімділік • Жоғарыда аталған микроорганизмдердің кейбір изоляттары хромосомалармен кодталған β лактамазалардың түзілуі салдарынан цефтриаксонға төзімді. • Кейбір Klebsiella pneumoniae изоляттары плазмидо-байланысты β лактамазалардың тұтас қатарының түзілуіне байланысты цефтриаксонға төзімді. • Кейбір изоляттар Bacteroides spp. цефтриаксонға төзімді. Β-лактамаза түзетін Bacteroides spp. көптеген штаммдары (атап айтқанда, B. fragilis) цефтриаксонға төзімді. Clostridium difficile цефтриаксонға төзімді. Метициллинге төзімді Staphylococcus spp. цефалоспориндерге, соның ішінде цефтриаксонға төзімді. Әдетте, Enterococcus faecalis, Enterococcus faecium және Listeria monocytogenes де төзімділікке ие. Аминопенициллиндер мен уреидопенициллиндер, бірінші және екінші буын цефалоспориндері және аминогликозидтер сияқты басқа антибиотиктерге полирезистентті грамтеріс аэробтардың көптеген штаммдары цефтриаксонға сезімтал. Treponema pallidum in vitro және жануарларға жүргізілген эксперименттерде цефтриаксонға сезімтал. Клиникалық зерттеулер цефтриаксонның бастапқы және салдарлы мерезге қатысты жақсы тиімділігі бар екенін көрсетті. Сирек жағдайларды қоспағанда, Pseudomonas aeruginosa клиникалық изоляттары цефтриаксонға төзімді. Лидокаин: Еріткіште кездесетін лидокаин анилидті типті жергілікті анестетик болып табылады, оның әсер етуі тез басталады және әсер ету ұзақтығы орташа; инъекция орнына жақын жүйке өткізгіштігін қайтымды түрде бөгейді. Жергілікті анестезияның әсері Цефамед препаратын бұлшықет ішіне инъекциялағаннан кейін бірнеше минуттан соң басталады және 45-60 минутқа созылады. Клиникалық тиімділігі Қатысты емес.

Дозалау режимі Дозалау Бұлшықет ішіне (б/і) енгізу үшін құрамында лидокаин бар еріткіш қолданылады. Сондықтан цефтриаксонды бұлшықет ішіне енгізер алдында лидокаинді қолдануға кез келген қарсы көрсетілімдерді жоққа шығару керек. 15 жасқа дейінгі балаларда Цефамед препаратының ұнтағын еріткіш ретінде лидокаинді қолдануға тыйым салынады. 15 жасқа дейінгі балаларда кейіннен бұлшықет ішіне енгізу үшін Цефамед препараты ұнтағының еріткіші ретінде инъекцияға арналған суды қолдану керек. Бұлшықет ішіне енгізуді үлкен бұлшықеттерге жасау керек, бір бұлшықетке ең көбі 1 г енгізу керек. Лидокаинді еріткіш ретінде қолданған кезде алынған цефтриаксон ерітіндісін вена ішіне енгізуге болмайды! Лидокаинді еріткіш ретінде қолданған кезде пациенттерде лидокаинге теріішілік аллергиялық сынама жүргізу ұсынылады. Лидокаинді еріткіш ретінде қолданған кезде, ерітіндіні енгізер алдында пациентте лидокаинді қолдануға қарсы көрсетілімдердің болуын жоққа шығару керек (лидокаин дәрілік препаратының қысқаша сипаттамасын қараңыз), сондай-ақ анамнезінде лидокаинге аллергиялық реакцияларды ескеру керек. Ересектер мен 12 жастан асқан балалар Тәулігіне бір рет 1-2 г (24 сағат сайын). Ауыр инфекцияларда немесе орташа сезімтал микроорганизмдерден туындаған инфекцияларда тәуліктік бір реттік доза 4 г дейін арттырылуы мүмкін. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалар ұсынылады: Жаңа туған нәрестелер (14 күнге дейін) Тәулігіне бір рет дене салмағына 20-50 мг/кг; тәуліктік доза 50 мг/кг аспауы керек. Цефамед препаратын етеккірден кейінгі 41 аптаға дейінгі шала туған нәрестелерде (жиынтық гестациялық және постнатальді жас) қолдануға болмайды. Цефамед препаратын жаңа туған нәрестелерге (≤28 күн) қолдануға болмайды, олар (болжам бойынша) құрамында кальций бар венаішілік ерітінділермен емдеуді қажет етеді, соның ішінде кальций бар препараттардың ұзақ инфузиясы, мысалы, цефтриаксон кальций тұздарының преципитаттарының түзілу қаупіне байланысты парентеральды тамақтану кезінде. Жаңа туған нәрестелер, сәбилер және балалар (15 күннен бастап 12 жасқа дейін) Тәулігіне бір рет дене салмағына 20-80 мг / кг. Дене салмағы 50 кг және одан жоғары балаларға ересектерге арналған әдеттегі дозаны қолдану керек. Нәрестелер мен 12 жасқа дейінгі балаларға дене салмағының әр кг-на 50 мг немесе одан да көп венаішілік дозаларды кем дегенде 30 минут бойы баяу инфузия түрінде енгізу керек. Жаңа туған нәрестелерге билирубиндік энцефалопатияның ықтимал қаупін азайту үшін венаішілік дозаларды 60 минут ішінде енгізу керек. Егде жастағы пациенттер Бүйрек немесе бауыр функциясының ауыр бұзылулары болмаған жағдайда ≥65 жастағы пациенттерде Цефамед препаратының дозасын түзету талап етілмейді. Емдеу ұзақтығы аурудың көрсеткіштері мен ағымына байланысты Біріктірілген ем Цефтриаксон мен аминогликозидтердің көптеген грамтеріс бактерияларға қатысты синергизмі бар екендігі эксперименттік түрде көрсетілді. Бұл біріктірілімдердің тиімділігінің жоғарылауы әрдайым болжанбайтынына қарамастан, оны Pseudomonas aeruginosa тудырған ауыр, өмірге қауіп төндіретін инфекциялардың дамуы кезінде қолдану туралы мүмкіндікті қарастыру керек. Химиялық үйлесімсіздік салдарынан екі дәрілік зат та ұсынылған дозада бөлек енгізілуі тиіс. Цефтриаксонмен химиялық үйлесімсіздік амсакрин, ванкомицин және флуконазолды вена ішіне енгізгенде де байқалды. Дозалау бойынша айрықша нұсқаулар Бактериялық менингит Сәбилер мен балалардағы бактериялық менингит кезінде препаратпен емдеу тәулігіне бір рет 100 мг/кг (4 г аспайтын) дозадан басталады. Қоздырғышты идентификациялағаннан кейін және оның сезімталдығын анықтағаннан кейін дозаны сәйкесінше азайтуға болады. Ең жақсы нәтижелерге келесі емдеу ұзақтығында қол жеткізілді: Neisseria meningitidis — 4 күн Haemophilus influenzae — 6 күн Streptococcus pneumoniae — 7 күн Диссеминацияланған Лайм ауруы Балалар мен ересектерге ұсынылатын доза 14 күн ішінде тәулігіне бір рет 50 мг/кг (ең көбі 2 г) құрайды. Соз Гонореяны емдеу үшін (пенициллиназа түзетін және түзбейтін штаммдардан туындаған) препаратты 250 мг дозада бір рет бұлшықет ішіне енгізу ұсынылады. Периоперациялық профилактика Инфекциялық қауіп дәрежесіне байланысты контаминацияланған немесе әлеуетті контаминацияланған араласулар кезінде операциядан кейінгі инфекциялардың алдын алу мақсатында операция басталғанға дейін 30-90 минут бұрын 1-2 г дозада Цефамед препаратын бір рет енгізу ұсынылады. Жуан ішек пен тік ішекке операция жасаған кезде, Цефамед препараты мен 5-нитроимидазолды, мысалы, орнидазолды бір мезгілде енгізу тиімді. Бүйрек функциясы бұзылған пациенттер Бауыр функциясының бұзылуы болмаған жағдайда Цефамед препаратының дозасын түзету талап етілмейді. Претерминальді бүйрек жеткіліксіздігі жағдайында ғана (креатинин клиренсі (КК) <10 мл/мин) Цефамед препаратының тәуліктік дозасы 2 г аспауы тиіс. Цефтриаксон гемодиализ немесе перитонеальді диализ кезінде шығарылмайды. Диализдегі пациенттерге диализ аяқталғаннан кейін препараттың қосымша дозасын енгізу талап етілмейді. Диализдегі пациенттерде препараттың тәуліктік дозасы 2 г аспауы тиіс. Бауыр функциясы бұзылған пациенттер Бүйрек функциясының бұзылуы болмаған жағдайда Цефамед препаратының дозасын түзету талап етілмейді. Бауыр және бүйректің ауыр жеткіліксіздігі бар пациенттер Ауыр бүйрек және бауыр жеткіліксіздігі бар пациенттерде препараттың қауіпсіздігі мен тиімділігін мұқият клиникалық мониторингілеу ұсынылады. Енгізу әдісі мен жолы Цефамед препараты бұлшықет ішіне және вена ішіне сорғалатып немесе тамшылатып енгізіледі. Бұлшықет ішіне қолдану Цефамед ерітіндісі бір енгізу орнына 1,0 г аспайтын дозада ірі бұлшықетке терең енгізіледі. Егер лидокаин еріткіш ретінде қолданылса, алынған ерітіндіні вена ішіне енгізуге болмайды. Препаратты енгізер алдында шприцтің поршенін тарту арқылы иненің тамырға кездейсоқ түсуін тексеру керек. Вена ішіне енгізу Вена ішіне инъекциялау үшін еріткіш ретінде инъекцияға арналған стерильді су қолданылады. Цефамед ерітіндісі ұзақтығы кеміде 30 минут болатын венаішілік инфузия (қолайлы тәсіл) немесе ұзақтығы кемінде 5 минут болатын баяу венаішілік инъекция түрінде қолданылуы мүмкін. Үзік-үзік венаішілік инъекцияны 5 минут ішінде, дұрысы ірі веналарға енгізу керек. Нәрестелер мен 12 жасқа дейінгі балаларда вена ішіне 50 мг/кг немесе одан да көп дозалар инфузия арқылы енгізілуі тиіс. Жаңа туған нәрестелерде билирубиндік энцефалопатияның әлеуетті даму қаупін азайту үшін венаішілік дозаларды 60 минут ішінде енгізу керек. Егер вена ішіне енгізу мүмкін болмаса немесе қолайсыз болса, бұлшықет ішіне қолдану әдісін қарастыру керек. 2,0 г жоғары дозалар венаішілік тәсілмен енгізіледі. Цефтриаксонды цефтриаксонның кальций тұзының тұнбасы түзілу қаупіне байланысты парентеральді қоректендіруге арналған құрамында кальций бар ерітінділерді қоса, құрамында кальций бар ерітінділерді вена ішіне енгізуді қажет ететін (немесе қажет болады деп күтілетін) жаңа туған нәрестелерде (≤28 күндік жаста) қолдануға болмайды. Тұнба түзілу қаупін ескере отырып, құрамында кальций бар еріткіштерді (мысалы, Рингер ерітіндісі немесе Хартман ерітіндісі) цефтриаксонды құтыларда еріту үшін немесе вена ішіне енгізуге арналған дайын ерітіндіні одан әрі сұйылту үшін қолдануға болмайды. Цефтриаксонның кальций тұздарының тұнбасының түзілуі препаратты бір инфузиялық жүйеде құрамында кальций бар ерітінділермен араластырған кезде де пайда болуы мүмкін. Осылайша, цефтриаксон мен құрамында кальций бар ерітінділерді араластыруға немесе бір мезгілде қолдануға болмайды. Операциядан кейінгі инфекциялық асқынулардың операция алдында алдын алу үшін цефтриаксонды операция басталғанға дейін 30-90 минут бұрын қолдану керек. Препаратты дайындау ережелері Бұлшықет ішіне енгізу үшін: 0,5 г Цефамед препаратын 2 мл 1% лидокаин гидрохлориді ерітіндісінде ерітеді, 1,0 г Цефамед препаратын 3,5 мл 1% лидокаин гидрохлориді ерітіндісінде ерітеді. Вена ішіне енгізу үшін: 0,5 г Цефамед препаратын 5 мл инъекцияға арналған суда ерітеді, 1,0 г Цефамед препаратын 10 мл инъекцияға арналған суда ерітеді. Вена ішіне инфузия үшін: Қалпына келтірілген ерітіндіні құрамында кальций жоқ инфузияға арналған 10 мл келесі сұйықтықтардың біріне ауыстыру керек: натрий хлориді 0,9%, натрий хлориді 0,45% + декстроза 2,5%, декстроза 5%, декстроза 10%, 6% декстран 5% декстрозада, инъекцияға арналған су. Құтыны екі алақанның арасына салып домалату және толық ерігеніне және препаратта қатты бөлшектердің жоқтығына көз жеткізу үшін визуалды қарап шығу керек. Ұнтақты еріткіште сұйылту кезінде алынған ерітінді мынадай: • сарыдан қоңыр-сары түске дейінгі мөлдір ерітінді (еріткіште 1% лидокаин гидрохлориді ерітіндісі); • сарғыштан сары түске дейінгі мөлдір ерітінді (еріткіште инъекцияға арналған су). Инъекцияға арналған ерітіндіні сұйылтқаннан кейін бірден қолдану ұсынылады. Дайындалған ерітінді (еріткішпен 1% лидокаин гидрохлоридінің ерітіндісі немесе инъекцияға арналған су) 2°C - 8°C температурада сақтаған кезде 24 сағат бойы немесе 15°C - 25°C температурада сақтаған кезде 6 сағат бойы тұрақты. Егер ерітінді дереу қолданылмаса, онда пайдаланар алдында сақтау мерзімі мен шарттары үшін пайдаланушы жауап береді. Сақтау ұзақтығы химиялық және физикалық тұрақтылықты, сондай-ақ пайдалану кезінде микробиологиялық тазалықты қамтамасыз ету үшін жоғарыда көрсетілген уақыттан аспауы керек. Цефамед препаратын бір шприцте 1% лидокаин гидрохлориді ерітіндісінен басқа қандай да бір препараттармен араластыруға болмайды (тек бұлшықетішілік инъекциялар үшін). Инфузиялық жүйені әр қолданғаннан кейін жуу қажет.

• цефтриаксонға, цефалоспориндерге немесе қосымша заттардың кез келгеніне аса жоғары сезімталдық • анамнезінде басқа бета-лактамдық бактерияға қарсы препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар) • еріткіш-лидокаинге аса жоғары сезімталдық. Лидокаинді қолдана отырып, цефтриаксонды бұлшықет ішіне енгізер алдында лидокаинге қарсы көрсетілімдердің болуын жоққа шығару керек. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген: • Лидокаинге немесе басқа амидті анестетиктерге белгілі аса жоғары сезімталдық • Жүректің толық блокадасы • Гиповолемия Құрамында лидокаин бар цефтриаксон ерітінділерін вена ішіне енгізуге болмайды. • жүрек өткізгіштігінің бұзылуы • жедел декомпенсацияланған жүрек жеткіліксіздігі • 41 аптаға дейін шала туған нәрестелер (жиынтық гестациялық және постнатальді жас) • цефтриаксонның әсерімен сарысулық альбуминмен байланысынан билирубиннің ығысуы себепті билирубиндік энцефалопатияның даму қаупіне байланысты гипербилирубинемиясы бар жаңа туған нәрестелер • жаңа туған нәрестелер мен құрамында кальций бар ерітінділер: Цефамед препаратын өлімге әкелетін өкпе мен бүйректегі цефтриаксон кальций тұздарының преципитаттарының түзілу қаупіне байланысты, мысалы, парентеральді тамақтану кезінде құрамында кальций бар препараттардың ұзақ инфузиясын қоса, құрамында кальций бар ерітінділерді вена ішіне енгізуді қажет ететін немесе қажет етуі мүмкін жаңа туған нәрестелерге (28 күнге дейінгі) қолдануға болмайды. Цефтриаксон және құрамында кальций бар ерітінділерді қабылдаған жаңа туған нәрестелерде өлімнің бірнеше жағдайы тіркелді, бұл ретте аутопсия кезінде өкпе мен бүйректе преципитаттар табылды. Осы жағдайлардың кейбірінде цефтриаксон мен құрамында кальций бар ерітінділерді енгізу үшін бірдей инфузиялық желі қолданылды, ал басқа жағдайларда инфузиялық желіде тұнба табылды. Цефтриаксон мен құрамында кальций бар ерітінділер әртүрлі уақытта және әртүрлі инфузиялық желілер арқылы енгізілгенде, кем дегенде бір неонатальді өлім жағдайы туралы хабарланды; аутопсия кезінде преципитаттар табылған жоқ. Жаңа туған нәрестелерден басқа пациенттердің басқа жас санаттарына қатысты мұндай хабарламалар болған жоқ.

Цефтриаксон Цефтриаксонды пайдаланған кезде жиі кездесетін жағымсыз реакциялар эозинофилия, лейкопения, тромбоцитопения, диарея, бөртпе және бауыр ферменттері деңгейінің жоғарылауы болып табылады. Цефтриаксонның жағымсыз реакцияларының пайда болу жиілігі клиникалық сынақтардың деректері негізінде анықталған. Жағымсыз реакциялар жиілігінің параметрлері былайша анықталады: өте жиі (≥ 1/10); жиі (≥ 1/100, < 1/10 дейін); жиі емес (≥ 1/1000, < 1/100 дейін); сирек (≥ 1/10000, < 1/1000 дейін); өте сирек (< 1/10000); жиілігі белгісіза (қолда бар деректер бойынша бағалау мүмкін емес). Инфекциялық және паразиттік аурулар: жиі емес - гениталий зеңдік инфекциясы; сирек - жалған жарғақшалы колитb; жиілігі белгісіз - суперинфекцияb. Қан және лимфа жүйесі тарапынан: жиі - эозинофилия, лейкопения, тромбоцитопения; жиі емес - гранулоцитопения, анемия, коагулопатия; жиілігі белгісіз - гемолиздік анемияb, агранулоцитоз. Иммундық жүйе тарапынан: жиілігі белгісіз - анафилаксиялық шок, анафилаксиялық реакция, анафилактоидты реакция, аса жоғары сезімталдықb, Яриш-Герксгеймер реакциясыb. Жүйке жүйесі тарапынан: жиі емес - бас ауыруы, бас айналу; сирек - энцефалопатия; жиілігі белгісіз - құрысулар. Есту мүшесі тарапынан және лабиринттік бұзылулар: жиілігі белгісіз - вертиго. Жүрек тарапынан: жиілігі белгісіз - Коунис синдромы. Тыныс алу жүйесі, кеуде қуысы және көкірек ортасы ағзалары тарапынан: сирек - бронх түйілуі. Асқазан-ішек жолы тарапынан: жиі - диареяb, сұйық нәжіс; жиі емес - жүрек айну, құсу; жиілігі белгісіз - панкреатитb, стоматит, глоссит. Бауыр мен өт шығару жолдары тарапынан: жиі - бауыр ферменттері белсенділігінің жоғарылауы; жиілігі белгісіз - өт қабында преципитаттардың түзілуіb, ядролық сарғаю, гепатитс, холестаздық гепатитb,с. Тері мен тері астындағы тіндер тарапынан: жиі - бөртпе; жиі емес -қышыну; сирек - есекжем; жиілігі белгісіз - Стивенс-Джонсон синдромыb, уытты эпидермалық некролизb, көп формалы эритема, жедел жайылған экзантематозды пустулез, эозинофилиямен және жүйелік симптомдармен дәрілік реакция (DRESS)b. Бүйрек және несеп шығару жолдары тарапынан: сирек - гематурия, глюкозурия; жиілігі белгісіз - олигурия, бүйректе преципитаттардың түзілуі (қайтымды). Енгізу орнындағы жалпы бұзылыстар мен бұзылулар: жиі емес - флебит, инъекция орнындағы реакциялар, қызба; сирек - ісіну, қалтырау. Зертханалық және құралмен тексеру деректері: жиі емес - қандағы креатинин деңгейінің жоғарылауы; жиілігі белгісіз - Кумбс сынамасының жалған оң нәтижесі b, галактоземия тестінің жалған оң нәтижесі b, ферментті емес әдістермен несептегі глюкозаны анықтаған кездегі жалған оң нәтижелерb. a Постмаркетингтік зерттеулердің деректері негізінде. Бұл жағымсыз реакциялар туралы хабарламалар белгісіз өлшемдегі популяциядан өз бетінше келетіндіктен, олардың туындау жиілігін дұрыс көрсету мүмкін емес, сондықтан олар "жиілігі белгісіз" деп жіктеледі. b Арнайы ескертулер бөлімін қараңыз. c Әдетте цефтриаксонды қолдануды тоқтатқаннан кейін қайтымды болады. Жекелеген жағымсыз реакциялар сипаттамасы Инфекциялар мен паразиттік инвазиялар Цефтриаксонмен емдеуден кейінгі диарея туралы хабарламалар Clostridium difficile шамадан тыс өсуімен байланысты болуы мүмкін. Емдеу тактикасы су-электролиттік теңгерімнің бұзылуын тиісінше түзетуді қамтуы тиіс. Цефтриаксонның кальций тұзы преципитаттарының түзілуі Цефтриаксон мен кальций препараттарын вена ішіне қабылдаған шала туған және мерзіміне жетіп туған нәрестелерде (<28 күндік жаста) сирек, ауыр және бірнеше жағдайда өлімге әкелетін жағымсыз реакциялар байқалды. Аутопсия кезінде өкпе мен бүйректе цефтриаксон кальций тұзының преципитаттары табылды. Жаңа туған нәрестелерде преципитат түзілуінің жоғары қаупі қан көлемінің аздығы және ересектерге қарағанда цефтриаксонның жартылай шығарылу кезеңінің ұзақтығы салдары болып табылады. Несеп шығару жолдарында цефтриаксонның шөгу жағдайлары, негізінен жоғары доза қабылдаған (мысалы, тәулігіне ≥ 80 мг/кг немесе жалпы дозасы 10 г-нан асатын) және басқа қауіп факторлары (мысалы, сусыздану, төсек режимі) бар балаларда байқалды. Преципитаттардың түзілуі симптомдармен қатар жүруі немесе симптомсыз болуы мүмкін және уретраның обструкциясына және постренальді жедел бүйрек жеткіліксіздігіне әкелуі мүмкін, бірақ әдетте цефтриаксон қабылдауды тоқтатқаннан кейін қайтымды болады. Өт қабында цефтриаксон кальций тұзы преципитаттарының түзілуі байқалды, ең алдымен стандартты ұсынылған дозадан асатын дозалар қабылдайтын пациенттерде. Балаларда проспективті зерттеулер вена ішіне енгізген кезде преципитаттардың әртүрлі түзілу жиілігін көрсетеді - кейбір зерттеулерде 30% - дан астам. Баяу инфузия (20-30 минут) кезінде преципитаттардың пайда болу жиілігі төмендеді. Преципитаттардың түзілуі әдетте симптомсыз өтеді, бірақ сирек жағдайларда ауырсыну, жүрек айну және құсу сияқты клиникалық симптомдар туындады. Мұндай жағдайларда симптоматикалық емдеу ұсынылады. Цефтриаксонмен емдеуді тоқтатқаннан кейін преципитаттардың түзілуі әдетте қайтымды болады. Енгізу орнындағы реакциялар Бұлшықет ішіне инъекция клиникалық тұрғыдан ауыртады. Инъекция орнындағы басқа реакцияларға инъекция орнындағы эритема, инъекция орнындағы экстравазация, инъекция орнындағы ісіну, инъекция орнындағы бөртпе, инъекция орнындағы қышыну, инъекция орнындағы қабыну, инъекция орнындағы қатаю және инъекция орнындағы гематома жатады. Асқынулар, соның ішінде инъекция орнындағы инфекция және инъекция орнындағы абсцесс сирек хабарланды. Лидокаин Төменде келтірілген мәліметтер лидокаинді қолдану кезінде байқалған жағымсыз реакцияларды сипаттайды. Цефтриаксон мен лидокаинді біріктіріп қолдану туралы спецификалық деректер жоқ. Лидокаинге жағымсыз реакциялар, әдетте, кездейсоқ тамыр ішіне енгізу, дозаны арттыру немесе көп қанмен қамтамасыз етілген жерлерден тез сіңу салдарынан немесе аса жоғары сезімталдық, идиосинкразия немесе препараттың пациентке жағымдылығының төмендеуі салдарынан қан плазмасында оның концентрациясының жоғарылауының нәтижесі болып табылады. Жүйелік уыттылық реакциялары негізінен орталық жүйке жүйесі тарапынан және / немесе жүрек-қантамыр жүйесі тарапынан көрініс береді. Иммундық жүйе тарапынан: сирек - аса жоғары сезімталдық реакциялары (аллергиялық немесе анафилактоидты реакциялар және анафилаксиялық шок). Психика тарапынан: жиілігі белгісіз - күйгелектік. Жүйке жүйесі тарапынан: жиілігі белгісіз - бас айналу немесе естен тану алдындағы жай-күй, діріл, ауыз маңындағы парестезия, тілдің ұюы, ұйқышылдық, құрысулар, кома. Көру мүшесі тарапынан: жиілігі белгісіз - анық көрмеу, диплопия, өтпелі амавроз. Есту мүшелері тарапынан және лабиринттік бұзылулар: жиілігі белгісіз - құлақтың шуылдауы, гиперакузия. Жүрек тарапынан: жиілігі белгісіз - брадикардия, миокардтың бәсеңдеуі, жүрек аритмиясы, жүректің тоқтап қалуы. Тамырлар тарапынан: жиілігі белгісіз - гипотензия, тамыр коллапсы. Тыныс алу жүйесі, кеуде қуысы және көкірек ортасы ағзалары тарапынан: жиілігі белгісіз - ентігу, бронх түйілуі, тыныс алудың бәсеңдеуі. Асқазан-ішек жолы тарапынан: жиілігі белгісіз - жүрек айнуы, құсу. Тері мен тері астындағы тіндер тарапынан: жиілігі белгісіз - бөртпе, есекжем, ісіну (ангионевроздық ісіну мен беттің ісінуін қоса). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Цефтриаксон Цефтриаксонның өте жоғары плазмалық концентрациясын шығару мақсатында гемодиализ немесе перитонеальді диализ тиімсіз. Артық дозалануды емдеу симптоматикалық болып табылады. Еріткіш құрамында болатын лидокаин Лидокаинмен артық дозалану кезінде уытты реакциялар негізінен орталық жүйке жүйесі мен жүрек-қантамыр жүйесіне әсер етеді. ОЖЖ тарапынан уыттылығы симптомдардың ауырлығы бойынша үдемелі белгілер түрінде көрінеді. Кездейсоқ тамырішілік инъекциялар жағдайында төменде атап көрсетілген симптомдар дереу көрініс береді (яғни 1-3 минут ішінде), ал артық дозалану жағдайында олар 20-30 минуттан кейін пайда болады. Артық дозаланудың алғашқы симптомдары: есінеу, парестезия (әсіресе ауыздың айналасында), ұйқышылдық, мазасыздық, бас айналу, құлақтың шуылдауы, гиперакузия, көру қабілетінің бұзылуы, дизартрия және атаксия, сондай-ақ жүрек айну мен құсу. Орташа уыттану кезінде бұлшықеттің жиырылуы немесе бұлшықеттің түйілуі туындауы мүмкін. Одан кейін жайылған құрысулар пайда болуы мүмкін, олар естен танумен, тыныс алу жеткіліксіздігімен және комамен қатар жүруі мүмкін. Ауыр жағдайларда (әдетте ОЖЖ тарапынан симптомдар дамығаннан кейін ғана) жүрек-қантамыр жүйесі тарапынан бұзылулар туындайды. Симптомдары: артериялық гипотензия, брадикардия және аритмия. Өте ауыр уыттану жағдайында толық атриовентрикулярлық блокада және жүректің тоқтап қалуы дамуы мүмкін. Жедел жүйелік уыттылық белгілері дамыған жағдайда препаратты енгізуді дереу тоқтату керек. Спецификалық антидот жоқ, емі симптоматикалық. Жүрек тоқтап қалған жағдайда стандартты жүрек-өкпе реанимациясына, соның ішінде ацидозды басуға кіріседі.

Лидокаинді ерітіндіні б/і енгізу үшін еріткіш ретінде пайдаланған кезде, енгізер алдында пациентте лидокаинді қолдануға қарсы көрсетілімдерді жоққа шығару керек (лидокаинді қолдану жөніндегі нұсқаулықты қараңыз), сондай-ақ анамнезінде лидокаинге аллергиялық реакцияларды ескеру қажет. Арнайы ескертулер Лидокаин Осы құжатта қамтылған лидокаин туралы ақпарат жалпы сипатқа ие және Цефамед препаратын бұлшықет ішіне енгізуге тікелей қатысы жоқ. Бұлшықетішілік инъекцияларға арналған цефтриаксон ұнтағына арналған еріткіш құрамында жергілікті анестетик (лидокаин) бар. Жергілікті анестетиктерді қолданған кезде ықтимал жағымсыз реакцияларды (жүйелік уыттылықты қоса) немесе асқынуларды диагностикалау мен емдеуде, сондай-ақ шұғыл көмек көрсету құралдарына қол жеткізуде жеткілікті тәжірибе болуы қажет. Аса жоғары сезімталдық Басқа бета-лактамдық антибиотиктерді қолдану кезіндегідей аса жоғары сезімталдықтың, оның ішінде өліммен аяқталудың ауыр реакциялары тіркелді. Аса жоғары сезімталдықтың ауыр реакциясы дамыған кезде цефтриаксонмен емдеуді дереу тоқтатып, шұғыл көмек көрсетудің тиісті шараларын қабылдау қажет. Препаратпен емдеуді бастамас бұрын пациентте бұрын цефтриаксонға, басқа цефалоспориндерге немесе басқа бета-лактамды антибиотиктерге аса жоғары сезімталдық реакциялары байқалған-байқалмағанын анықтау қажет. Анамнезінде басқа бета-лактамды антибиотиктерге аса жоғары сезімталдық реакциялары бар пациенттерге цефтриаксонды тағайындау кезінде сақ болу қажет. Аса жоғары сезімталдық реакциялары (анафилаксиялық шокқа дейін) еріткіштегі лидокаинді қолданудан туындауы мүмкін. Бета-лактамды антибиотиктер, соның ішінде цефтриаксон қабылдаған пациенттерде терінің ауыр жағымсыз реакциялары (SCAR, Severe Cutaneous Adverse Reactions) тіркелді, мысалы, Стивенс-Джонсон синдромы, уытты эпидермальді некролиз, жүйелі симптомдарымен дәріге байланысты эозинофилия (DRESS- синдром), Яриш-Герксгеймер реакциясы (JНR, Jarisch–Herxheimer reaction), мультиформалы эритема және жедел жайылған экзантематозды пустулез (AGEP, Аcute Generalized Exanthematous Pustulosis). Аса жоғары сезімталдық реакциялары Кунис синдромына - миокард инфарктісіне әкелетін күрделі аллергиялық реакцияға әкелуі мүмкін. Мұндай реакциялардың алғашқы симптомдары бета-лактамды антибиотиктерге аллергиялық реакциямен байланысты кеуденің ауыруын қамтуы мүмкін. Бұл реакциялар дамыған кезде Цефамед препаратымен емдеуді дереу тоқтатып, баламалы ем жүргізу мүмкіндігін қарастыру керек. Протромбин уақытының ұзаруы Цефтриаксон протромбин уақытын ұзартуы мүмкін. Егер К дәруменінің тапшылығына күдік болса, протромбин уақытын бақылау ұсынылады. Гемолиздік анемия Цефтриаксон препаратын қоса, цефалоспориндер класындағы бактерияға қарсы дәрілерді қабылдаған пациенттерде иммундық байланысты гемолитикалық анемия жағдайлары байқалды. Ересектерде де, балаларда да цефтриаксонмен емдеу кезеңінде ауыр гемолитикалық анемия, оның ішінде өліммен аяқталатын жағдайлар тіркелген. Цефтриаксонмен емделген пациентте анемия дамыған кезде цефалоспоринмен байланысты анемия диагнозын қарастырып, аурудың этиологиясы анықталғанға дейін емдеуді тоқтату керек. Clostridium difficile-астасқан диарея (CDAD, Clostridium Difficile-Associated Diarrhea) Цефтриаксон препаратын қоса, барлық дерлік бактерияға қарсы препараттарды қолданумен байланысты CDAD даму жағдайлары тіркелген; CDAD жағдайлары жеңіл диареядан өлімге әкелетін колитке дейін өзгеруі мүмкін. Бактерияға қарсы препараттармен емдеу жуан ішектің қалыпты микрофлорасын басады және C. difficile. өсуін тудырады. C. difficile CDAD патогенезінің факторлары болып табылатын А және В токсиндерін өндіреді. Токсиндерді көп өндіретін C. difficile штаммдары асқынулар мен өлім қаупі жоғары инфекциялардың қоздырғыштары болып табылады, олардың микробқа қарсы терапияға төзімділігі салдарынан емдеу колоноэктомияны қажет етуі мүмкін. Антибиотикпен емдеуден кейін диареясы бар барлық пациенттерде CDAD диагнозын қарастыру керек. Анамнезді мұқият жинау қажет, өйткені бактерияға қарсы терапиядан кейін 2 айдан соң CDAD даму жағдайлары туралы хабарланған. Егер CDAD күдік туындаса немесе расталса, C. difficile-ге бағытталмаған антибиотикпен емдеуді тоқтату қажет болуы мүмкін. Клиникалық көрсетілімдер болған жағдайда сұйықтықтар мен электролиттерді, S. difficile-ге қатысты тиімді ақуыз және бактерияға қарсы препараттарды енгізе отырып, тиісті ем, хирургиялық емдеу тағайындалуы тиіс. Ішек перистальтикасын басатын препараттарды қолдануға болмайды. Суперинфекция Цефамед препаратын ұзақ уақыт қолданған кезде сезімтал емес қоздырғыштардың саны артуы мүмкін. Осыған байланысты пациентті мұқият бақылау қажет. Егер терапия кезінде суперинфекция дамитын болса, тиісті шараларды қабылдау қажет. Цефтриаксон-кальций преципитаттары Цефтриаксон қабылдаған пациенттерде, әсіресе тәулігіне 1 г немесе одан да көп дозада өт қабының ультрадыбыстық зерттеуі цефтриаксон-кальций преципитаттарының болуын анықтады. Бұл преципитаттардың пайда болу ықтималдығы бала жастағы пациенттерде жоғары. Сирек жағдайларда преципитаттар симптоматикамен қатар жүреді және цефтриаксонмен емдеуді тоқтатқаннан кейін жоғалады. Симптомдар болған кезде консервативті хирургиялық емес емдеу ұсынылады. Цефтриаксонмен емдеуді тоқтату туралы мәселе пайда мен қауіпті жеке бағалау негізінде қарастырылуы керек. Панкреатит Сирек жағдайларда Цефамед препаратын қабылдаған пациенттерде өт шығару жолдарының обструкциясы салдарынан панкреатиттің даму жағдайлары тіркелген. Пациенттердің көпшілігінде тексеру кезінде өт іркілісі және билиарлы сладж қауіп факторлары анықталды, мысалы, алдыңғы массивті терапия, ауыр аурулар және толық парентеральді тамақтану. Цефамед препаратының әсерінен өт жолдарында преципитаттардың пайда болуындағы триггерлік немесе қатар жүретін факторды жоққа шығаруға болмайды. Цефтриаксон сарысулық альбуминмен байланысына қатысты билирубинді ығыстыруы мүмкін. Осыған байланысты гипербилирубинемиясы бар жаңа туған нәрестелерді емдеуге болмайды. Энцефалопатия Цефтриаксонды қолданған кезде, атап айтқанда, ауыр бүйрек жеткіліксіздігі немесе орталық жүйке жүйесі тарапынан бұзылулар бар егде жастағы пациенттерде энцефалопатияның дамуы туралы хабарланды. Егер цефтриаксонды қолданумен байланысты энцефалопатияның дамуына күдік туындаса (симптомдарға сананың бұзылуы, психикалық жай-күйдің өзгеруі, миоклонус, құрысулар кіруі мүмкін), цефтриаксонды қабылдауды тоқтату қажеттілігін қарастыру қажет. Қан талдауын мониторингілеу Ұзақ емдеу кезінде үнемі толық қан талдауын жүргізу керек. Серологиялық зерттеулердің нәтижелеріне әсері Цефамед препаратымен емдеу кезінде Кумбс сынамасының, галактоземия сынамасының, несептегі глюкозаны анықтауға арналған ферменттік емес әдістердің жалған оң нәтижелері байқалуы мүмкін. Бүйрек функциясының бұзылуы Цефтриаксонды бір мезгілде аминогликозидтер мен диуретиктерді қабылдайтын бүйрек функциясы бұзылған пациенттерде қолданған кезде сақ болу керек. Жаңа туған нәрестелер, балалар және жасөспірімдер Цефтриаксонды құрамында кальций бар ерітінділермен бір мезгілде араластыруға немесе енгізуге болмайды, тіпті егер ерітінділер әртүрлі инфузиялық желілермен енгізілсе де. Тіпті әртүрлі инфузиялық желілерді қолданғанда да және цефтриаксон мен құрамында кальций бар ерітінділерді әр түрлі уақытта енгізгенде де жаңа туған нәрестелерде өкпе мен бүйректе цефтриаксон-кальций преципитаттарының түзілуі нәтижесінде өлім жағдайлары сипатталған. Сондықтан құрамында кальций бар венаішілік кальций ерітінділерін жаңа туған нәрестелерге, Цефамед препаратын соңғы енгізгеннен кейін кемінде 48 сағат ішінде енгізуге болмайды. Әр түрлі жастағы пациенттерде цефтриаксонды және құрамында кальций бар венаішілік ерітінділерді бір мезгілде қолданғаннан кейін цефтриаксон-кальций преципитаттарының түзілу жағдайлары белгісіз. Дегенмен, барлық пациенттерде оларды бір уақытта қолданудан аулақ болу керек. Еріткіш құрамындағы лидокаинге қатысты сақтық шаралары Лидокаин сияқты жергілікті анестетиктерді қолданған кезде күрделі жағымсыз реакциялардың даму қаупі артады: • егде жастағы пациенттерде • жалпы денсаулық жағдайы нашар пациенттерде • атриовентрикулярлық блокада болған кезде (себебі жергілікті анестетиктер атриовентрикулярлық өткізгіштікті бәсеңдетуі мүмкін) • бауырдың ауыр ауруы болған кезде • ауыр бүйрек жеткіліксіздігі болған жағдайда. Атап көрсетілген жағдайларда Цефамед препаратының бұлшықетішілік инъекциясын сақтықпен жүргізу керек. Ықтимал аддитивті әсерге байланысты, III класты аритмияға қарсы препараттарды (мысалы, амиодарон) қабылдайтын пациенттерді мұқият бақылау қажет, ЭКГ- мониторинг жүргізу мүмкіндігін қарастыру қажет. Құрамында лидокаин бар ерітінділерді бас және мойын аумағына енгізу церебральді симптоматиканың дамуымен (тіпті төмен дозада) артерияға байқаусызда түсуіне әкелуі мүмкін. Натрий Препарат құрамында 1 грамм цефтриаксонға 83 мг натрий бар, бұл ересек адам үшін ДДҰ ұсынған 2 г натрийдің максималды тәуліктік дозасының 4,2% - на баламалы. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Тиісті зерттеулер жүргізілген жоқ. Цефтриаксонмен емдеу кезінде автокөлікті басқару және машинаны пайдалану қабілетіне әсер етуі мүмкін жағымсыз әсерлер (мысалы, бас айналуы) пайда болуы мүмкін. Пациенттер көлік жүргізу немесе машиналарды пайдалану кезінде абай болу керек.

Жүктілік Цефтриаксон плаценталық бөгет арқылы өтеді. Бақыланатын клиникалық зерттеулер жүргізілген жоқ. Тератогендік әсерді клиникаға дейінгі зерттеулерде анықталмағанына қарамастан, жүктілік кезінде, әсіресе бірінші триместрде Цефамед препаратын қатаң көрсеткіштер бойынша ғана тағайындау керек. Еріткіш құрамындағы лидокаин плаценталық бөгет арқылы өтеді. Осылайша, цефтриаксонның бұлшықет ішіне инъекциясын жүктілік кезінде (әсіресе бірінші триместрде) тағайындауға болмайды. Егер Цефамед препаратын қолдану өте қажет болса, оны лидокаинсіз тағайындау керек. Босану кезінде лидокаин сияқты жергілікті анестетиктерді қолдану анада және/немесе шаранада жағымсыз реакциялар тудыруы мүмкін (мысалы, брадикардия). Бала емізу Цефтриаксон тіпті төмен концентрацияда және еріткіштегі лидокаин емшек сүтімен бөлінетіндіктен, препаратты бала емізу кезінде қолдануға болмайды. Егер терапия өте қажет болса, бала емізуді тоқтату керек. Фертильділік Репродуктивті зерттеулер цефтриаксонның ерлер мен әйелдердің фертильдігіне теріс әсерін анықтаған жоқ. Лидокаиннің адамның фертильдігіне әсері туралы деректер жоқ.

Цефтриаксон препаратының және күшті әсер ететін диуретиктердің (мысалы, фуросемидтің) жоғары дозаларын бір мезгілде қолданғанда бүйрек функциясының бұзылуы байқалмады. Цефалоспориндермен бірге қолданған кезде аминогликозидтердің бүйректік уыттылығының әлеуетті жоғарылауына қатысты қарама-қайшы деректер бар. Мұндай жағдайларда аминогликозидтер деңгейін және бүйрек функциясын бақылау бойынша ұсыныстарды қатаң сақтау керек. Алайда, екі препаратты да бөлек қолдану керек. Цефтриаксонды енгізгеннен кейін алкогольді қолдану дисульфирамға ұқсас реакциямен қатар жүрмеді. Цефтриаксон құрамында этанол көтерімсіздігін және қанағыштықты тудыруы мүмкін N-метилтиотетразол тобы жоқ, бұл кейбір цефалоспориндерге тән. Пробенецид цефтриаксонның шығарылуына әсер етпейді. Бактериостатикалық препараттар цефалоспориндердің бактерицидтік әсерін төмендетуі мүмкін. In vitro зерттеуде хлорамфеникол мен цефтриаксон арасында антагонизм байқалды. Цефамед препаратының ампулаларын қалпына келтіру үшін немесе вена ішіне енгізу үшін қалпына келтірілген ампуланы одан әрі сұйылту үшін Рингер немесе Хартман ерітіндісі сияқты құрамында кальций бар еріткіштерді пайдаланбаңыз, себебі тұнба түзілуі мүмкін. Кальций-цефтриаксон преципитаттары препаратты бір инфузиялық желіде кальций бар ерітінділермен араластырған кезде де түзілуі мүмкін. Цефамед препаратын құрамында кальций бар инфузиялық ерітінділермен, соның ішінде құрамында кальций бар инфузиялармен, мысалы, парентеральды тамақтанудың бөлігі ретінде бір мезгілде тағайындауға болмайды. Коннекторды басқаруға болады. Алайда, жаңа туған нәрестелерді қоспағанда, басқа пациенттерге цефтриаксон мен құрамында кальций бар ерітінділерді егер инфузия арасында инфузиялық түтікті үйлесімді ерітіндімен мұқият жуған кезде бірізді енгізуге болады. Ересектердің плазмасымен және жаңа туған нәрестелердің кіндік қанымен жүргізілген in vitro зерттеулер цефтриаксон кальцийдің преципитация қаупінің жоғарылағанын көрсетті. Цефтриаксон мен құрамында кальций бар пероральді препараттар арасында немесе бұлшықетішілік цефтриаксон мен құрамында кальций бар препараттар (вена ішіне немесе пероральді) арасында өзара әрекеттесу туралы хабарламалар түскен жоқ. Цефтриаксонды К дәрумені антоганистерімен бірге қолдану қан кету қаупін арттыруы мүмкін. Қанның ұю параметрлерін үнемі бақылап отыру керек және қажет болған жағдайда цефтриаксонмен емдеу кезінде де, аяқталғаннан кейін де антикоагулянт дозасын түзету керек. Еріткіш құрамында болатын лидокаин Фармакокинетикалық өзара әрекеттесулер: лидокаин-CYP450, CYP1A2 және CYP3A4 ферменттерінің субстраты болып табылады. Сондықтан CYP тежегіштерін (мысалы, итраконазол, вориконазол, флуконазол, кларитромицин, эритромицин, циметидин) және ферменттер индукторларын (мысалы, барбитураттар, карбамазепин, фенитоин, примидон, рифампицин) қатар қолдану лидокаин метаболизмін тежеуі мүмкін. Фармакодинамикалық өзара әрекеттесулер: амидтік типті жергілікті анестетиктермен құрылымдық жағынан ұқсас әсер етуші заттарды бірге қолдану (мысалы, мексилетин немесе токаинид сияқты аритмияға қарсы дәрілер) жүйелік уытты әсерлерді күшейтуі мүмкін. Сондықтан Цефамед препаратының бұлшықетішілік инъекциясын (құрамында лидокаин бар еріткішпен) осы препараттармен ем қабылдап жүрген пациенттерге аса сақтықпен тағайындау керек. Лидокаинді қолданған кезде миорелаксанттар әсері күшеюі мүмкін. Бірге қолданылатын дәрілік препараттардың жалпы сипаттамаларын қараңыз.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30°C-ден аспайтын температурада сақтау керек. Дайындалған ерітінді 2°C - 8°C температурада 24 сағат бойы немесе 15°C - 25°C температурада 6 сағат бойы тұрақты. Балалардың қолы жетпейтін жерде сақтау керек!