ЦЕФЕПИМ-АВИМЕД порошок 1000 мг

Бір құтының ішінде: белсенді зат: инъекцияға арналған цефепим (цефепим гидрохлориді және L-аргининнің стерильді қоспасы түрінде) 1918.35 мг (цефепимге шаққанда) 1000.0 мг қосымша заттар: қосымша заттар жоқ Сыртқы түрінің, иісінің, дәмінің сипаттамасы Ақтан ақшыл-сары түске дейінгі ұнтақ.

Сәйкесінше микроорганизмдердің сезімтал штамдарынан туындаған инфекцияларды емдеу үшін: - бактериемиямен қатар жүретін жағдайларын қоса, Streptococcus pneumonia, Pseudomonas aeruginosa, Klebsiella pneumonia немесе Enterobacter speciesтен туындаған пневмонияда (орташадан ауырлыққа дейін) - Escherichia coli немесе Klebsiella pneumoniaeден туындаған, кез келген ауырлық дәрежесіндегі несеп шығару жолдарының инфекцияларында (асқынған және асқынбаған), сондай-ақ, осы микроорганизмдермен бактериемиямен қатар жүретін жағдайларды қоса, Proteus mirabilis-тен туындаған жеңіл және орташа ауыр инфекцияларда - тері мен жұмсақ тіндердің Staphylococcus aureus (тек метициллин-сезімтал штаммдар) немесе Streptococcus pyogenesтен туындаған инфекцияларында - Echerichia coli, viridens тобының стрептококтарынан, Pseudomonas aeruginosa, Klebsiella pneumoniae, Enterobacter species немесе Bacteroides fragilisтен туындаған асқынған интраабдоминальді инфекцияларда (метронидазолмен бірге) - нейтропениялық қызбасы бар пациенттердің эмпирикалық емінде. Ауыр инфекция қаупі жоғары пациенттерде (соның ішінде, анамнезінде жуырда бастан өткерген сүйек кемігінің трансплантациясы (аталған пациенттерде цефепиммен монотерапияның тиімділігін жақтайтын деректер жеткіліксіз; егер қажет болса, пациенттегі жекелей қауіп бейінін ескере отырып, аминогликозидтер немесе гликопептидтер тобының антибиотиктерімен біріктіріп емдеу ұсынылады), гипотониясы, гематологиялық қатерлі ісігі, ауыр немесе ұзаққа созылған нейтропениясы бар пациенттерде) – біріктірілген ем құрамында - балалардағы бактериялық менингитте Дәрілік затты тек, сезімтал бактериялардан туындаған инфекцияларды емдеу үшін пайдалану керек. Өсіріндісі мен сезімталдығы туралы ақпарат қолжетімді болса, препаратты сезімтал бактериялардан туындаған инфекцияларды ғана емдеу үшін пайдалану керек. Ондай ақпараттар жоқ болса, эмпирикалық емді таңдауға эпидемиологиялық мәліметтер ықпал етуі мүмкін.

• Әсер ету механизмі Парентеральді енгізуге арналған кең ауқымды әсер ететін IV буынның цефалоспориндік антибиотигі. Микроорганизмдердің жасуша қабырғасының синтезін баса отырып, бактерицидті әсер етеді. Әсер ету механизмі бактериялардың жарғақшамен байланысты транспептидазаларының ацетилденуімен және осылайша бактериялардың жасушалық қабырғаларының беріктігі мен мықтылығын қамтамасыз ететін муреин молекулаларында пептидогликандардың айқаспалы тізбектелуінің бұзылуымен байланысты. L-аргинин рН ерітіндісін 4,0 -6,0 демеу үшін қосылады. Фармакодинамикалық әсерлері Грамоң және грамтеріс бактерияларға, аминогликозидтерге немесе III буынның цефалоспориндік антибиотиктеріне резистентті штаммдарға қатысты әсер ету ауқымы кең. β-лактамазалардың көбімен гидролизге төзімділігі жоғары, хромосомды гендермен кодталатын β-лактамазаларға қатысты ұқсастығы аз және грамтеріс бактериялық жасушаларға тез енеді. Цефепим Enterococcus spp., Listeria spp., Legionella spp., кейбір анаэробты бактериялар (Bacteroides fragilis, Clostridium difficile) қатысты белсенді емес. Цефепим әртүрлі плазмидтік және хромосомдық β-лактамазаға қатысты жоғары тұрақтылығымен сипатталады. Грамоң аэробтарға: Staphylococcus aureus және Staphylococcus epidermidis (тек метициллинге сезімтал штаммдар), Staphylococcus saprophyticus, Streptococcus pyogenes (A тобы), Streptococcus agalactiae (В тобы), Streptococcus pneumoniae, Streptococcus viridans қатысты белсенді; грамтеріс аэробтар: Enterobacter spp. (оның ішінде Enterobacter cloacae, Enterobacter aerogenes, Enterobacter agglomerans және Enterobacter sakazakii), Proteus mirabilis, Proteus vulgaris, Acinetobacter calcoaceticus қосалқы топ Iwoffii, Acinetobacter pittii, Citrobacter diversus, Citrobacter freundii, Haemophilus ducreyi, Haemophilus influenzae (β-лактамазаны өндіретін штаммдарды қоса) Hafnia alvei, Morganella morganii, Moraxella catarrhalis (β-лактамазаны өндіретін штаммдарды қоса) Providencia rettgeri, Providencia stuartii, Serratia marcescens, Serralia liquifaciens. Төзімділік жүре пайда болатын микроорганизмдердің түрі: Аэробты грамоң микроорганизмдер Staphylococcus aureus* Staphylococcus epidermidis+ Staphylococcus haemolyticus+ Staphylococcus hominis+ Аэробты грамтеріс микроорганизмдер Acinetobacter baumannii Enterobacter cloacae Escherichia coli% Klebsiella oxytoca% Klebsiella pneumonia% Pseudomonas aeruginosa Төзімді түрлері: Аэробты грамоң микроорганизмдер Enterococcus spp. Listeria monocytogenes Staphylococcus aureus (метициллин-резистентті) Аэробты грамтеріс микроорганизмдер Legionella spp. Stenotrophomonas maltophilia Анаэробты микроорганизмдер Bacteroides fragilis Clostridium difficile Басқа да микроорганизмдер Chlamydia spp. Chlamydophila spp. Mycoplasma spp. Ескертулер: * - амбулаторлық практикада резистенттік деңгей <10% құрайды; + - кемінде бір аймақта, резистенттілік деңгейі 50%-дан артықты құрайды; % - кең ауқымды бета-лактамазаны өндіретін барлық штамдар төзімді. Энтерококтар изоляттарының, мысалы, Enterococcus faecalis және метициллинге төзімді стафилоктардың көпшілігі цефепимге төзімді. Цефепим көптеген Stenotrophomonas maltophilia изоляттарына қарсы белсенді емес. Клиникалық тиімділігі және қауіпсіздігі Фебрильді нейтропениямен ауыратын пациенттер Фебрильді нейтропениясы бар пациенттерде цефепим эмпирикалық монотерапиясының қауіпсіздігі мен тиімділігі цефтазидим монотерапиясымен (әр 8 сағат сайын вена ішіне 2 г дозада) цефепим монотерапиясын салыстыратын екі көп орталықты рандомизацияланған сынақтарда бағаланды (әр 8 сағат сайын вена ішіне 2 г дозада). Бұл зерттеулер бағалануға жататын 317 пациентті қамтыды. Цефепиммен монотерапияның ауыр инфекцияға ұшырау қаупі жоғары пациенттерде (соның ішінде анамнезінде жақында сүйек кемігінің трансплантациясы болған, гипотензиямен, гематологиялық қатерлі ісігі бар немесе ауыр немесе ұзаққа созылған нейтропениямен ауыратын пациенттерді қоса алғанда) тиімділігін қамтамасыз ететін мәліметтер жеткіліксіз. Сепcистік шоктағы пациенттер туралы деректер жоқ. Құрсақішілік инфекциялар Құрсақішілік инфекциялармен ауруханаға жатқызылған пациенттер цефепим (әр 12 сағат сайын 2 г) плюс вена ішіне енгізілген метронидазол (6 сағат сайын 500 мг) және имипенем/циластатин (6 сағат сайын 500 мг) біріктірілімін салыстырған терапияның максималды ұзақтығы 14 күн болған рандомизацияланған, салыстырмалы жасырын көп орталықты зерттеуге қатысты. Зерттеу екі терапияның эквиваленттілігін көрсетуге арналған. Бастапқы талдаулар хирургиялық жолмен расталған асқынған инфекциясы бар адамдардан, кем дегенде бір қоздырғышты оқшаулап алдын-ала емдеуді, емдеудің кемінде 5 күнін және емделген пациенттер үшін 4-тен 6 аптаға дейінгі бағаланған емделіп жазылған попоуляцияда жүргізілді. Имипенем/циластатин тобындағы субъектілер бастапқы деңгейде APACHE II шкаласы бойынша жоғары баллға ие болды. Басқа жағынан емдеу топтары емдеуге дейінгі сипаттамалары бойынша жалпы салыстырмалы болды. Бастапқы талдаудан өткен пациенттердің арасында клиникалық емделіп жазылғандардың жалпы көрсеткіші - цефепим плюс метронидазол тобында 81% (51 емделіп жазылған/63 бағаланған пациент) және имипенем/циластатин тобында 66% (62/94) құрады. Байқалған тиімділік айырмашылықтары имипенем/циластатин тобындағы APACHE II деңгейі жоғары пациенттердің үлкен үлесіне байланысты болуы мүмкін. Балалар Балалардағы клиникалық тиімділік пен қауіпсіздік бейіні ересек пациенттердегіге сәйкес келеді.

Дозалау режимі Препаратты қолданар алдында оның көтерімділігіне тері сынамасын жасау керек. Цефепим қалпына келтірілгеннен кейін бұлшықет ішіне, вена ішіне 3-5 минут бойы баяу сорғалатып немесе инфузия жолымен кемінде 30 минут бойы тамшылатып енгізіледі. Препараттың дозалары мен енгізу тәсілі қоздырғыштың сезімталдығына, инфекцияның ауырлығына, бүйрек функциясына және пациенттің жалпы жағдайына тәуелді. Дозасы мен енгізу тәсілі қоздырғыш-микроорганизмдердің сезімталдығына, инфекцияның ауырлық дәрежесіне, сондай-ақ науқастың бүйрегінің функциялық жағдайына байланысты. Дәрілік заттың дозалануына қатысты ұсынымдар 1 кестеде берілген. 1 кесте. Бүйрек функциясы қалыпты пациенттерде дозалануы (креатинин клиренсі (КК) минутына 50 мл асады) Инфекцияның орналасуы мен типі — Дозасы — Жиілігі — Ұзақтығы2 (күндер) Ересектер және 12 жастан асқан балалар (дене салмағы 40 кг-ден астам) S.pneumoniae*,P.aeruginosa1,К.pneumoniae немесе Enterobacter spp. туындатқан орташа немесе ауыр дәрежедегі пневмония — 1-2 г в/і — Әр 12 сағат сайын — 10 Фебрильді нейтропениямен пациенттерді эмпирикалық емдеуде — 2 г в/і — Әр 8 сағат сайын — 7** Пиелонефритті қоса, несеп шығару жолдарының асқынған немесе асқынбаған инфекциялары — 0,5-1 г в/і немесе б/і*** — Әр 12 сағат сайын — 7-10 Несеп шығару жолдарының ауыр асқынған немесе асқынбаған инфекциялары, оның ішінде пиелонефрит — 2 г в/і — Әр12 сағат сайын — 10 S. aureus немесе S. pyogens. туындатқан тері мен оның құрылымының инфекциялары — 2 г в/і — Әр 12 сағат сайын — 10 Асқынған интраабдоминальді инфекциялар (метронидазолмен біріктіріп) — 2 г в/і — Әр 8-12 сағат сайын — 7-10 * Оның ішінде бір мезгілдегі бактериемиямен байланысты жағдайларда. **Немесе нейтропения аяқталғанға дейін. Температураның төмендеуімен, бірақ 7 күннен астам нейтропениямен пациенттерде бактерияға қарсы емді жалғастырудың қажеттігі қайта қаралуы керек. *** Бұлшықет ішіне енгізу жолы тек Е.сoli туындатқан жеңіл және орташа несеп шығару жолдарының асқынған немесе асқынбаған инфекцияларында ғана көрсетілімде. 1 P. аeruginosaдан туындаған пневмонияны емдеу кезінде: әр 8 сағат сайын в/і 2 г енгізу керек. 2 Емдеу ұзақтығы әдетте, 7 күннен 10 күнге дейін құрайды. Ең көп ұзақтығы тұтас алғанда – кемінде 7 күн, бірақ 14 күннен аспайды. Фебрильді нейтропенияның эмпирикалық емінің ұзақтығы: 7 күннен бастап, нейтропения жоғалғанға дейін. Дене салмағы 40 кг асатын балаларда ересектерге арналғандай дозасы ұсынылады (кестені қараңыз). 12 жастан асқан, дене салмағы 40 кг аз балаларда дене салмағы ≤40 кг балаларға арналғандай дозасы ұсынылады. Балаларға арналған ең жоғарғы дозасы ересектерге арналған ең жоғарғы дозадан аспауы тиіс (әрбір 8 сағат сайын 2,0 г). Бүйрек функциясының бұзылуы бар пациенттер. Цефепим бүйректермен шумақтық сүзіліс жолымен шығарылады, сондықтан бүйрек функциясының бұзылуы бар (креатинин клиренсі (КК) 50 мл/мин кем) пациенттерде Цефепимнің дозасын түзету керек. Бұл пациенттерде цефепимнің ұсынылатын бастапқы дозасы гемодиализге ұшыраған пациенттерді қоспағанда КК 50 мл/мин астам пациенттердегідей болу керек (2 кесте). 2 кесте. Цефепимнің ересектерге ұсынылған дозалары. КК (мл/мин) — Ұсынылатын дозалары > 50 — Дозаны түзету қажет етілмейді 2 г әр 8 сағат сайын — 2 г әр 12 сағат сайын — 1 г әр 12 сағат сайын — 500 мг әр 12 сағат сайын 30-50 — 1 г әр 24 сағат сайын 2 г әр 12 сағат сайын — 2 г әр 24 сағат сайын — 1 г әр 24 сағат сайын — 500 мг әр 24 сағат сайын 11-29 — 2 г әр 24 сағат сайын — 1 г әр 24 сағат сайын — 500 мг әр 24 сағат сайын — 500 мг әр 24 сағат сайын ≤ 10 — 1 г әр 24 сағат сайын — 500 мг әр 24 сағат сайын — 250 мг әр 24 сағат сайын — 250 мг әр 24 сағат сайын Гемодиализ* — 500 мг әр 12 сағат сайын — 500 мг әр 12 сағат сайын — 500 мг әр 12 сағат сайын — 500 мг әр 24 сағат сайын 1 г әр 24 сағат сайын — 1-ші күні 1 г-ден, әрі қарай әр 24 сағат сайын 500 мг-ден * Диализ жасалған күні дәрілік заттың инъекциясын диализ емшарасын аяқтағаннан кейін жасау керек. Егер тек қан сарысуындағы креатининнің концентрациясы ғана белгілі болса, онда КК төменде көрсетілген формула бойынша анықтауға болады. Ерлер: КК (мл/мин) = дене салмағы (кг)×(140 – жасы) : 72×қан плазмасының креатинині (мг/дл). Әйелдер: КК (мл/мин) =ерлердегі көрсеткіші×0,85. Гемодиализде 3 сағат ішінде шамамен препараттың 68% дозасы шығарылады. Үздіксіз амбулаторлық перитонеальді диализде препаратты 48 сағат аралықпен, инфекцияның ауырлығына қарай - 500 мг, 1 г немесе 2 г бастапқы ұсынылған дозада қолдануға болады. Балаларда бүйрек функциясының бұзылуы кезінде төменде келтірілген кестеге сәйкес ересектерде қабылданатындағысына пропорциональді дозалау режимін өзгерту ұсынылады. 2 айдан 12 жасқа дейінгі балалар (дене салмағы ≤ 40 кг): Креатинин клиренсі (мл/мин) — Ауыр инфекциялар: пневмония, несеп шығару жолдарының асқынған инфекциялары. — Өте ауыр инфекциялар: сепсис, бактериялық менингит, Фебрильді нейтропения көріністерінің эмпирикалық емі. > 50 — әр 12 сағат сайын дене салмағына 50 мг/кг — әр 8 сағат сайын дене салмағына 50 мг/кг Дозасын реттеу міндетті емес 30 - 50 — әр 24 сағат сайын дене салмағына 50 мг/кг — әр 12 сағат сайын дене салмағына 50 мг/кг 11 - 29 — әр 24 сағат сайын дене салмағына 25 мг/кг — әр 24 сағат сайын дене салмағына 50 мг/кг ≤ 10 — әр 24 сағат сайын дене салмағына 12,5 мг/кг — әр 24 сағат сайын дене салмағына 25 мг/кг Балаларда КК көрсеткішін есептеу КК (мл/мин/1,73 м2) = 0,55×бойы (см): қан плазмасының креатинині (мг/дл) немесе КК (мл/мин/1,73 м2) = 0,52×бойы (см): қан плазмасының креатинині (мг/дл) − 3,6. Цефепимді қалпына келтірілгеннен кейін бұлшықет ішіне, вена ішіне баяу сорғалатып (3-5 минут) немесе вена ішіне инфузия жолымен (30 минуттан кем емес) енгізеді. Басқа цефалоспориндермен жағдайлардағы сияқты, қалпына келтірілген ерітінді сары-янтарь түстес болуы мүмкін, бірақ бұл белсенділігін жоғалтқанын білдірмейді. Вена ішіне енгізу үшін ерітіндіні дайындау. Цефепимді келесі еріткіштердің біреуінде ерітеді: инъекцияға арналған стерильді су; инъекцияға арналған 0,9 % натрий хлоридінің ерітіндісі; инъекцияға арналған 5 % декстроза ерітіндісі; парабенмен немесе бензил спиртімен инъекцияға арналған бактериостатикалық суда 3 кестеде көрсетілген мөлшерде. Қалпына келтірілген ерітіндіні вена ішіне енгізуге арналған келесі сәйкес келетін инфузиялық ерітіндінің бірімен сұйылтады: 0,9% натрий хлоридінің ерітіндісі, 5 % және 10 % декстроза ерітіндісі; 0,9% натрий хлоридінің ерітіндісімен 5 % декстроза ерітіндісі; 1/6 М натрий лактаты, Рингер Лактаты ерітіндісі; 5 % глюкоза ерітіндісімен Рингер Лактаты ерітіндісі. Бұлшықет ішіне енгізу. Цефепимді келесі еріткіштердің біреуінде ерітеді: инъекцияға арналған стерильді су; инъекцияға арналған 0,9 % натрий хлоридінің ерітіндісі; инъекцияға арналған 5 % декстроза ерітіндісі; парабенмен немесе бензил спиртімен инъекцияға арналған бактериостатикалық суда 3 кестеде көрсетілген мөлшерде. 3 кесте. Енгізу жолы — Сұйылтуға арналған ерітіндінің көлемі (мл) — Алынған ерітіндінің болжамды көлемі (мл) — Цефепимнің болжамды концентрациясы (мг/мл) В/і енгізу: 500 мг/құты — 5 — 5,6 — 100 1 г/құты — 10 — 11,3 — 100 2 г/құты — 10 — 12,5 — 160 Б/і енгізу: 500 мг/ құты — 1,3 — 1,8 — 280 1 г/құты — 2,4 — 3,6 — 280 Препараттың дайындалған ерітінділерін енгізер алдында механикалық қосылыстардың бар жоғына тексеру керек. Аралас аэробты/анаэробты (Bacteroides fragilis қоса) инфекция қаупімен пациенттерда қоздырғышты анықтағанша цефепиммен емді анаэробтарға әсер ететін препараттармен біріктірілімде бастауға болады. Енгізу әдісі және жолы Әдеттегі емдеу ұзақтығы − 7-10 күн, бірақ 14 күннен аспайды. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Сізде осы дәрілік препаратты қолдану бойынша қандай да бір қосымша сұрақтар туындаған жағдайда, өз дәрігеріңізге жүгініңіз.

- препарат құрамына кіретін компоненттерге (оның ішінде цефалоспориндерге, пенициллиндерге және басқа бета-лактамды антибиотиктерге) аса жоғары сезімталдық - 2 айға дейінгі балалар - 12 жасқа дейінгі балалар (бұлшықет ішіне енгізу үшін) Сақтықпен - жүктілік және лактация кезеңі - асқазан-ішек жолының аурулары, оның ішінде анамнезінде (ойық жаралы колит, региональді энтерит немесе антибиотикпен-астасқан колит) - созылмалы бүйрек жеткіліксіздігі

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес). Өте жиі - Кумбстың оң реакциясы Жиі - анемия - диарея - бөртпе Жиі емес - оральді кандидоз - жүрек айнуы, құсу, стоматит - бас ауыруы - эритема, есекжем, терінің қышынуы - енгізген жердегі тітіркенулер, флебит және тромбофлебит, инъекция орнында ауыру және қабыну Сирек - спецификалық емес кандидоз, гематокриттің төмендеуі, панцитопения, қан кетулер, эритема, диспепсия, қан сарысуында билирубиннің артуы, холестазды қоса, бауыр функциясының бұзылуы, мочевинаның, қан сарысуында креатининнің артуы, уытты нефропатия, бүйрек жеткіліксіздігі, ентігу, енгізген орынның тітіркенуі, қан сарысуында сілтілік фосфатазаның, фосфаттардың, кальцийдің, калийдің артуы, қан сарысуында кальций концентрациясының азаюы - эозинофилия, нейтропения, тромбоцитопения, лейкопения, протромбин уақытының және белсендірілген ішінара тромбопластин уақытының пролонгациясы, қан сарысуында сілтілік фосфатазаның, фосфаттардың, кальцийдің, калийдің артуы, қан сарысуында кальций концентрациясының азаюы - аллергиялық реакциялар, қышыну, есекжем және қызба - құрысулар, парестезия, дәм сезудің бұзылуы, бас айналуы - тиннит (құлақтың шуылы) - трансаминазалар (АсТ, АлТ) деңгейінің елеулі және өтпелі жоғарылуы, қан сарысуында билирубиннің артуы, холестазды қоса, бауыр функциясының бұзылуы - ісіну, аллергиялық реакциялар, эритема. - мочевинаның, қан сарысуында креатининнің артуы, уытты нефропатия, бүйрек жеткіліксіздігі, қалтырау, несепте глюкозаға жалған оң реакция - спецификалық емес кандидоз Өте сирек - артериялық гипотензия - ентігу - вазодилатация - іштің ауыруы, колит, жалған жарғақшалы колит, іш қатуы - буындардың ауыруы - вагинит - қан сарысуында фосфат концентрациясының төмендеуі Жиілігі белгісіз - апластикалық анемия, гемолиздік анемия, агранулоцитоз - анафилаксиялық шок, ангионевроздық ісіну - несепте глюкозаға жалған оң реакция - кома, мелшею, энцефалопатия, сананың бұзылуы, миоклонус - уытты эпидермальді некролиз, Стивенс-Джонсон синдромы, көп формалы эритема Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары. Ұсынылған дозаларын едәуір арттырған жағдайларда, әсіресе, бүйрек функциясы бұзылған пациенттерда білінеді. Артық дозалану симптомдарына энцефалопатия (сананың шатасуын, елестеулерді, мелшию және команы қоса, сана бұзылулары), миоклонус, құрысулар, жүйке-бұлшықет қозғыштығы және конвульсивтік емес эпилепсиялық статус кіреді. Емі. Препаратты енгізуді тоқтатып, симптоматикалық ем жүргізу қажет. Гемодиализді қолдану Цефепимнің организмнен шығарылуын жеделдетеді; перитонеальді диализдің тиімділігі аз. Дереу типті ауыр аллергиялық реакциялар адреналинді және қарқынды емдеудің басқа түрлерін қолдануды қажет етеді.

Аса жоғары сезімталдық реакциясы Инъекцияға арналған цефепиммен емдеуді бастамас бұрын, пациенттің цефепимге, цефалоспориндерге, пенициллиндерге немесе басқа бета-лактамдарға тез арада аса жоғары сезімталдық реакциялары болған-болмағандарын анықтау үшін мұқият тексеру қажет. Пенициллинге сезімталдығы бар пациенттер қолданған кезде сақтық таныту қажет, өйткені бета-лактамды бактерияға қарсы препараттар арасындағы айқаспалы аса жоғары сезімталдық нақты құжатталған және анамнезінде пенициллинге аллергиясы бар пациенттердің 10% -ында болуы мүмкін. Инъекцияға арналған цефепимге аллергиялық реакция туындаған жағдайда, препаратты қабылдауды тоқтатып, тиісті шараларды қабылдау керек. Нейроуыттылығы Өмірге қауіп төндіретін немесе өлімге әкелетін келесі жағдайларды қоса алғанда, жағымсыз реакциялар туралы хабарланған: энцефалопатия (сананың бұзылуы, елестеулер, мелшию және команы қоса, сананың бұзылуы), афазия, миоклонус, ұстамалар және эпилепсияның конвульсиялық емес статусы. Көбінесе бүйрек функциясы бұзылған, дозаны тиісті түрде түзетпеген пациенттерде болды. Алайда кейбір нейроуыттылық жағдайлары бүйрек функциясының бұзылу дәрежесіне сәйкес дозасы түзетілген пациенттерде де пайда болды. Көптеген жағдайларда нейроуыттылық симптомдары цефепимді тоқтатқаннан кейін және / немесе гемодиализден кейін қалпына келтірілді және басылды. Егер нейроуыттылық цефепим емін қолданумен байланысты пайда болса, цефепимді қабылдауды тоқтатып, тиісті шараларды қабылдау керек. Clostridium difficile-мен байланысты диарея Clostridium difficile байланысты диарея (CDAD) барлық дерлік бактерияға қарсы дәрілерді, соның ішінде цефепимге қолданған кезде хабарланған және ауырлығы жеңіл диареядан өлімге әкелетін колитке дейін болуы мүмкін. Бактерияға қарсы дәрілермен емдеу жуан ішектегі қалыпты флораны өзгертеді, бұл C. Difficile-дің шамадан тыс өсуіне әкеледі. C. difficile CDAD дамуына ықпал ететін А және В токсиндерін шығарады. Гипертоксин өндіретін штамдары C. difficile ауру мен өлімнің жоғарылауын тудырады, өйткені бұл инфекциялар микробқа қарсы терапияға төзімді болуы мүмкін және колэктомияны қажет етуі мүмкін. Бактерияға қарсы препаратты қолданғаннан кейін диареямен ауыратын барлық пациенттерде CDAD міндетті түрде қарастырылуы керек. Анамнезді мұқият жүргізу қажет, өйткені CDAD бактерияға қарсы дәрілер енгізгеннен кейін екі айдан кейін пайда болады деп хабарланған. Егер CDAD күдіктенсе немесе расталса, онда C. difficile қарсы пайдалануға келмейтін қолданылып жүрген бактерияға қарсы препараттарды тоқтату қажет болуы мүмкін. Сұйықтық пен электролитті тиісті бақылау, ақуызды қосу, C. difficile антибиотикпен емдеу және хирургиялық бағалау клиникалық көрсетілімдерге сәйкес тағайындалуы керек. Дәрілік препараттарға төзімді бактериялардың дамуы Дәлелденген немесе күдік туғызған бактериялық инфекция болмаған кезде инъекцияға арналған цефепимді тағайындау пациентке пайда әкелуі –әкелмеуі белгісіз және дәріге - төзімді бактериялардың даму қаупін арттырады. Басқа микробқа қарсы дәрілер сияқты, инъекцияға арналған цефепимді ұзақ уақыт пайдалану сезімталл емес микроорганизмдердің шамадан тыс көбеюіне әкелуі мүмкін. Пациенттің жай-күйін қайта бағалау қажет. Егер терапия кезінде суперинфекция орын алса, тиісті шараларды қабылдау керек. Зертханалық зерттеулер Несептегіі глюкозаны анықтау Цефепимді қолдану несептегі глюкозаны анықтауға кейбір әдістерді қолдану кезінде жалған оң реакциясына әкелуі мүмкін (мысалы, Clinitest™ таблеткалары). Кумбс тесті Инъекцияға арналған цефепиммен емдеу кезінде Кумбстің оң тікелей тестісі туралы хабарланған. Гемолиздік анемия дамитын пациенттерде препаратты қолдануды тоқтатып, тиісті емді тағайындау керек. Аналары босанғанға дейін цефалоспоринді антибиотиктерді қабылдаған жаңа туылған нәрестелерде Кумбс тестінің оң нәтижесі байқалуы мүмкін. Протромбин уақыты Көптеген цефалоспориндер, оның ішінде цефепим, протромбин белсенділігінің төмендеуімен байланысты. Қауіп тобына бүйрек немесе бауыр жеткіліксіздігімен немесе дұрыс тамақтанбайтын пациенттер, сондай-ақ микробқа қарсы емнің ұзаққа созылған курсын қабылдайтын пациенттер жатады. Қауіп тобындағы пациенттерде протромбин уақытын бақылау керек және көрсетілімдеріне сәйкес экзогендік К дәруменін тағайындау қажет.

Жүкті әйелдерде цефепимді қолдану бойынша талапқа сай және бақыланатын зерттеулер жүргізілген жоқ. Препаратты жүктілік кезінде тек нақты қажет болған жағдайда ғана қолдану керек. Цефепимді толғату және босану кезінде қолданылуы бойынша зерттеулер жүргізілмеген. Емдеу өте қажет болған жағдайда ғана жүргізілуі керек. Цефепим емшек сүтімен бірге бөлініп шығады. Әйелдерге цефепимді лактация кезеңінде қолданғанда сақтық таныту қажет. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын және басқа механизмдерді басқару қабілетіне әсер етуі мүмкін сана бұзылуы, бас айналуы, сананың шатасуы немесе елестеулер сияқты ықтимал жағымсыз әсерлерін ескеру керек. Пациенттерге сақтық таныту және көлік немесе басқа күрделі механизмдерді басқармау ұсынылады.

Зертханалық тестермен өзара әрекеттестігі Цефепимді енгізу белгілі бір әдістермен жүргізілген несептегі глюкозаны анықтауға жалған оң реакцияға беруі мүмкін. Глюкозаоксидазаның ферментативті реакцияларына негізделген глюкоза арналған тесттерді пайдалану ұсынылады. Аминогликозидтер Аминогликозидтер цефепиммен бірге қолданылса, аминогликозидті бактерияға қарсы препараттардың нефроуыттылығы мен отоуыттылығының жоғары әлеуетіне байланысты бүйрек функциясына мониторинг жүргізу қажет. Несеп айдайтын дәрілік заттар Цефалоспориндерді фуросемид сияқты күшті диуретиктермен бір мезгілде қолданған кезде нефроуыттылық дамуы туралы хабарланған. Цефепимді күшті диуретиктермен бір мезгілде қолданған кезде бүйрек функциясына мониторинг жүргізу қажет.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек.