Цефтриаксон порошок 0.5 г

Бір құтының ішінде: белсенді зат – цефтриаксон (цефтриаксон натрий тұзы түрінде) – 0,5 г немесе 1,0 г Сыртқы түрінің, иісінің, дәмінің сипаттамасы Ақ немесе сарғыш дерлік кристалды ұнтақ.

Цефтриаксонға сезімтал қоздырғыштар тудыратын инфекциялар: • тыныс алу жолдарының инфекциясы, әсіресе пневмония, сондай-ақ ЛОР-ағзалар инфекциясы • абдоминальді инфекциялар (перитонит, өт жолдарының, сондай-ақ асқазан-ішек жолының инфекциялары) • бүйрек және несеп шығару жолдарының инфекциялары • жыныс ағзасының инфекциялары, оған қоса соз • сепсис • сүйек, буын, жұмсақ тіндер, тері инфекциялары, сондай-ақ жаралық инфекциялар • иммунитеті әлсіреген пациенттердегі инфекциялар • менингит • диссеминацияланған Лайм ауруы (II және III сатылар) Асқазан-ішек жолындағы, өт жолындағы, урогенитальді және гинекологиялық аймақтағы операциялар кезінде инфекциялардың периоперативті профилактика, бірақ ықтимал немесе дәлелденген контаминация жағдайында ғана. Антибиотиктерді тиісінше пайдалану бойынша ресми ұсыныстарды, әсіресе антибиотиктерге резистенттіліктің жоғарылауын болдырмау үшін қолдану жөніндегі ұсыныстарды ескеру қажет.

Әсер ету механизмі Цефтриаксонның бактерицидтік белсенділігі бактериялардың жасуша қабырғасының синтезінің тежелуіне байланысты. In vitro цефтриаксон грам-теріс және грам-оң микроорганизмдерге қарсы белсенділіктің кең спектріне ие. Цефтриаксон грам-оң және грам-теріс бактериялар шығаратын β-лактамазалардың көпшілігіне (пенициллиназалар да, цефалоспориназалар да) өте төзімді. In vitro цефтриаксон әдетте келесі микроорганизмдерге қарсы белсенді (4.1 бөл. қараңыз): Грам-оң аэробтар — Медиана ЕТБК50*(мг/л) — ЕТБК90**(мг/л) Staphylococcus aureus (метициллинге сезімтал) — 4 — 4 Коагулаза-теріс стафилококтар — 4 — 16 Streptococcus pyogenes (ß-гемолитикалық, А тобы) — 0.03 — 0.03 Streptococcus agalactiae (ß-гемолитикалық, В тобы) — 0.06 — 0.06 ß-гемолитикалық стрептококтар (А және В топтарына жатпайтын) — 0.06 — 0.06 Streptococcus viridans — 0.125 — 0.5 Streptococcus pneumoniae — 0.06 — 0.06 *ЕТБК50 = зерттелетін штамдардың 50%-ы үшін ең төменгі бәсеңдету концентрациясы **ЕТБК90 = зерттелетін штамдардың 90%-ы үшін ең төменгі бәсеңдету концентрациясы. Грам-теріс аэробтар — Медиана ЕТБК50(мг/л) — ЕТБК90(мг/л) Acinetobacter lwoffi — 2 — 8 Acinetobacter anitratus 1 (негізінен A. baumanii) — 8 — 32 Aeromonas hydrophila — 0.25 — 4 Alcaligenes faecalis — 1 — 8 Alcaligenes odorans — 0.25 — 0.5 Алкалиген тәрізді бактериялар — 0.25 — 0.5 Borrelia burgdorferi — 0.06 — 0.06 Burkholderia cepacia — 2 — 16 Capnocytophaga spp. — 0.06 — 4 Citrobacter diversus (оған қоса C. amalonaticus) — 0.125 — 0.125 Citrobacter freundii1 — 0.125 — 16 Escherichia coli — 0.06 — 0.125 Enterobacter aerogenes1 — 2 — 16 Enterobacter cloacae1 — 0.5 — 16 Enterobacter spp. (өзгелері)1 — 0.25 — 32 Haemophilus ducreyi — 0.004 — 0.004 Haemophilus influenzae — 0.008 — 0.06 Haemophilus parainfluenzae — 0.016 — 0.06 Hafnia alvei — 0.125 — 2 Klebsiella oxytoca — 0.06 — 0.125 Klebsiella pneumoniae2 — 0.06 — 0.125 Moraxella catarrhalis (бұрын Branhamella catarr.) — 0.125 — 0.5 Moraxella osloensis — 0.25 — 0.25 Moraxella spp. (өзгелері) — 0.25 — 0.25 Morganella morganii — 0.06 — 1 Neisseria gonorrhoeae — 0.008 — 0.06 Neisseria meningitidis — 0.008 — 0.008 Pasteurella multocida — 0.06 — 0.06 Plesiomonas shigelloides — 0.06 — 0.06 Proteus mirabilis — 0.06 — 0.06 Proteus penneri1 — 1 — 64 Proteus vulgaris — 0.06 — 2 Pseudomonas fluorescens1 — 16 — 64 Pseudomonas spp. (өзгелері)1 — 8 — 16 Providencia rettgeri — 0.06 — 2 Providencia spp. (өзгелері) — 0.06 — 0.5 Salmonella typhi — 0.06 — 0.125 Salmonella spp. (нетифоидты) — 0.06 — 0.06 Serratia marcescens — 0.5 — 2 Serratia spp. (өзгелері) — 0.25 — 16 Shigella spp. — 0.03 — 0.25 Vibrio spp. — 0.06 — 0.25 Yersinia enterocolitica — 0.125 — 0.125 Yersinia spp. (өзгелері) — 0.25 — 2 Анаэробтар — Медиана ЕТБК50(мг/л) — ЕТБК90(мг/л) Bacteroides spp.3 (өтке сезімтал) — 2 — 16 Clostridium spp.(C. perfringens тобын қоспағанда) — 2 — 16 Fusobacterium nucleatum — 1 — 2 Fusobacterium spp. (өзгелері) — 0.125 — 0.25 Gaffkia anaerobica (бұрынғы атауы Peptococcus) — 0.125 — 1 Пептострептококтар — 0.125 — 1 Цефтриаксонға сезімталдықты, мысалы, Клиникалық және зертханалық стандарттар институты (КЗСИ) ұсынған стандартты резистенттілікті тексеру әдісін қолдана отырып, диско-диффузиялық әдіспен немесе агарда немесе сорпада сериялық сұйылту әдісімен анықтауға болады. КЗСИ Цефтриаксон үшін үлгі нәтижелерін бағалаудың келесі критерийлерін белгіледі. Сезімтал — Орташа сезімтал — Резистентті Сұйылту әдісі Бәсеңдету концентрациясы, мг/л — 8 — 16-32 — 64 Диск әдісі (30 мкг цефтриаксон бар диск) Өсудің кідіру аймағының диаметрі, мм — 21 — 20-14 — 13 Анықтау үшін цефтриаксон бар дисктер пайдалану керек, өйткені in vitro зерттеулерде цефтриаксон цефалоспориндердің бүкіл тобына арналған дискілерді пайдалану кезінде резистенттілікті анықтайтын жеке штаммдарда белсенді екендігі көрсетілген. КЗСИ стандарттарынан басқа стандартталған нұсқауларды микроорганизмдердің сезімталдығын анықтау үшін қолдануға болады, мысалы, Неміс стандарттау институты мен Бірлескен зерттеу тобының ұсыныстары. Резистенттілік • Жоғарыда аталған микроорганизмдердің кейбір изоляттары хромосомалармен кодталған βлактамазалардың түзілуіне байланысты цефтриаксонға резистентті. • Кейбір Klebsiella pneumoniae изоляттары плазмидадан өтетін бірқатар β лактамазалардың түзілуіне байланысты цефтриаксонға резистентті. • Кейбір Bacteroides spp. изоляттары цефтриаксонға резистентті. β-лактамаза түзетін Bacteroides spp. көптеген штамдары (атап айтқанда, B. fragilis) цефтриаксонға төзімді. Clostridium difficile цефтриаксонға резистентті. Метициллин-резистентті Staphylococcus spp. цефалоспориндерге, соның ішінде цефтриаксонға резистентті. Әдетте, Enterococcus faecalis, Enterococcus faecium және Listeria monocytogenes де резистенттілікке ие. Аминопенициллиндер мен уреидопенициллиндер, бірінші және екінші буын цефалоспориндер және аминогликозидтер сияқты басқа антибиотиктерге полирезистентті грам-теріс аэробтардың көптеген штамдары цефтриаксонға сезімтал. Treponema pallidum in vitro цефтриаксонға және жануарларға арналған эксперименттерге сезімтал. Клиникалық зерттеулер цефтриаксонның бастапқы және қайталама мерезге қарсы жақсы тиімділігі бар екенін көрсетті. Сирек жағдайларды қоспағанда, Pseudomonas aeruginosa клиникалық изоляттары цефтриаксонға резистентті. Лидокаин: Еріткіш құрамындағы лидокаин анилидтік типтегі жергілікті анестетик болып табылады, ол тез әсер етеді және әсер ету ұзақтығы орташа; инъекция орнына жақын жүйке өткізгіштігін қайтымды түрде бөгейді. Жергілікті анестезияның әсері цефтриаксон препаратын бұлшықет ішіне енгізгеннен кейін бірнеше минуттан соң басталып, 45-60 минутқа созылады. Клиникалық тиімділігі Қатысты емес.

Дозалау режимі Ересектер мен 12 жастан асқан балалар Күніне бір рет 1-2 г (24 сағат сайын). Ауыр инфекциялар немесе сезімталдығы орташа микроорганизмдерден туындаған инфекциялар кезінде, тәуліктік бір реттік дозасын 4 г дейін арттыруға болады. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалары ұсынылады: Жаңа туған (14 күндігіне дейінгі) нәрестелер Дене салмағына тәулігіне бір рет 20-50 мг/кг; тәуліктік дозасы 50 мг/кг аспауы тиіс. Цефтриаксон препаратын етеккірден кейінгі 41 апта мерзімге дейін (гестациялық және постнатальді жасының жиынтығы) шала туған нәрестелерде қолдануға болмайды. Цефтриаксонның кальций тұздары преципитаттарының түзілуі қаупіне байланысты, Цефтриаксон препаратын жаңа туған (≤28 күн), құрамында кальций бар препараттардың ұзаққа созылатын инфузияларын қоса, құрамында кальций бар венаішілік ерітінділермен емдеу қажет (болуы ықтимал), мысалы, парентеральді қоректендіріліп жүрген нәрестелерге қолдануға болмайды. Жаңа туған нәрестелер, сәбилер және балалар (15 күннен 12 жасқа дейін) Күніне бір рет дене салмағының 20-80 мг/кг. Нәрестелер мен 12 жасқа дейінгі балалардағы дене салмағының кг-на 50 мг немесе одан да көп вена ішіне дозаларды кем дегенде 30 минут баяу инфузия түрінде енгізу керек. Жаңа туылған нәрестелерге билирубин энцефалопатиясының ықтимал қаупін азайту үшін венаішілік дозаларды 60 минут ішінде енгізу керек. Егде жастағы пациенттер Бүйрек немесе бауыр функциясының ауыр бұзылуы болмаған жағдайда ≥65 жастағы пациенттерде цефтриаксон дозасын түзету талап етілмейді. Емдеу ұзақтығы көрсетілімдеріне және аурудың ағымына тәуелді Біріктірілген ем Эксперимент жүзінде, цефтриаксон мен аминогликозидтер көптеген грамтеріс бактерияларға қатысты синергизмге ие екендігі көрсетілді. Аталған біріктірілімдердің тиімділігінің жоғарылығына әрдайым болжам жасалмайтындығына қарамастан, оны Pseudomonas aeruginosa туғызған, ауыр, өмірге қауіп төндіретін инфекциялар дамыған жағдайда қолдану мүмкіндігін қарастыру керек. Химиялық тұрғыдан үйлесімсіздігінің салдарынан, екі дәрілік затты ұсынылған дозасында бөлек-бөлек енгізу керек. Цефтриаксонмен химиялық үйлесімсіздік амсакрин, ванкомицин және флуконазолды вена ішіне енгізгенде де байқалды. Дозалануы жөніндегі айрықша нұсқаулар Бактериялық менингит Бактериялық менингит кезінде сәбилер мен балалардағы препаратпен емдеуді тәулігіне бір рет 100 мг/кг дозасынан бастайды (4 г аспайды). Қоздырғышы идентификацияланғаннан және оның сезімталдығы анықталғаннан кейін, дозасын тиісінше азайтуға болады. Ең жақсы нәтижелерге, емдеудің келесі ұзақтығында қол жеткізілген: Neisseria meningitidis — 4 күн Haemophilus influenzae — 6 күн Streptococcus pneumoniae — 7 күн Диссеминацияланған Лайм ауруы Балалар мен ересектер үшін ұсынылатын дозасы 14 күн бойы тәулігіне бір рет 50 мг/кг (максимум 2 г) құрайды. Соз Созды емдеу үшін (пенициллиназа түзетін және түзбейтін штамдардан туындаған) 250 мг дозадағы препаратты бұлшықет ішіне бір рет енгізу ұсынылады. Периоперациялық профилактика Контаминацияланатын немесе контаминациялануы ықтимал араласымдар кезінде операциядан кейінгі инфекциялардың профилактикасы мақсатында, инфекцияның қауіптілік дәрежесіне байланысты, 1-2 г дозадағы цефтриаксонды операция басталудан 30-90 минут бұрын бір рет енгізу ұсынылады. Тоқ ішек пен тік ішекке жасалатын операциялар кезінде цефтриаксон мен 5-нитроимидазолды, мысалы, орнидазолды бір мезгілде енгізген тиімді. Бүйрек функциясы бұзылған пациенттер Бауыр функциясының бұзылуы болмаған жағдайда цефтриаксон дозасын түзету талап етілмейді. Тек бүйректің терминалды жеткіліксіздігі (креатинин клиренсі (КК) <10 мл/мин) жағдайларында ғана цефтриаксонның тәуліктік дозасы 2 г аспауы тиіс. Цефтриаксон гемодиализ немесе перитонеальді диализ кезінде шығарылмайды. Диализдегі пациенттерге, диализ аяқталғаннан кейін препараттың қосымша дозасын енгізу қажет емес. Диализдегі пациенттерде препараттың тәуліктік дозасы 2 г аспауы тиіс. Бауыр функциясы бұзылған пациенттер Бүйрек функциясының бұзылуы болмаған жағдайда цефтриаксон дозасын түзету талап етілмейді. Бауырдың және бүйректің ауыр жеткіліксіздігі бар пациенттер Бүйрек пен бауырдың ауыр жеткіліксіздігі бар пациенттерде препараттың қауіпсіздігі мен тиімділігіне мұқият клиникалық мониторинг жүргізу ұсынылады. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Осы дәрілік препаратты үнемі сіздің дәрігеріңіздің ұсыныстарына дәл сәйкестікте қолданыңыз. Егер кез келген күмән туындаса, емдеуші дәрігерге хабарласыңыз.

– цефтриаксонға, цефалоспориндерге аса жоғары сезімталдық – анамнездегі бактерияға қарсы бета-лактамды препараттардың кез келген басқа типіне (пенициллиндер, монобактамдар, карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар) – жүрек өткізгіштігінің бұзылуы – жедел декомпенсацияланған жүрек жеткіліксіздігі Цефтриаксон мына кезде қолданылмайды: – 41 аптаны қоса жасқа дейін шала туған нәрестелерге (гестациялық жас, хронологиялық жас); – гипербилирубинемия, сарғаю, гипоальбуминемия немесе ацидоз, билирубин байланысының бұзылуы мүмкін жағдайлар болғанда жаңа туған нәрестелерге (өмірінің 28 күніне дейін), – егер оларға цефтриаксонның кальций тұзы преципитаттарының түзілу қаупіне орай, кальцийді немесе құрамында кальций бар ерітінділерді вена ішіне енгізу қажеттілігі болса (немесе қажет болуы мүмкін болса). * In vitro зерттеулер цефтриаксон билирубинді сарысулық альбуминмен байланысынан ығыстыра алатынын көрсетті, бұл мұндай пациенттерде билирубин энцефалопатиясының қаупін арттырады.

Цефтриаксонға жағымсыз реакциялардың жиілігі туралы деректер клиникалық зерттеулер арқылы алынды. Жағымсыз реакциялардың жиілігін сипаттау үшін келесі жіктеме қолданылады: өте жиі (≥1/10), жиі (≥1/100 - <1/10), жиі емес (≥1/1000 - <1/100), сирек (≥1/10000 - <1/1000), өте сирек (<1/10000) және белгісіз (қолда бар деректер негізінде есептеу мүмкін емес). Цефтриаксонға ең жиі жағымсыз реакциялар мыналар: эозинофилия, лейкопения, тромбоцитопения, диарея, бөртпе және бауыр ферменттері белсенділігінің артуы. Цефтриаксон лидокаинсіз/лидокаинмен Өте жиі • өт қабында цефтриаксон-кальций преципитаттарының симптоматикалық түзілуі, балалардағы қайтымды өт тас ауруы Жиі • эозинофилия, лейкопения, тромбоцитопения, протромбиндік уақыттың ұзаруы • диарея, сұйық нәжіс • бауыр ферменттерінің белсенділігінің жоғарылауы (АЛТ, АСТ, сілтілік фосфатаза) • бөртпе, ісіну Жиі емес • жыныс мүшелерінің микозы • гранулоцитопения, анемия, коагулопатия, қан сарысуындағы креатинин деңгейінің жоғарылауы • бас ауыруы, бас айналуы • жүрек айнуы, құсу • прурит • флебит, енгізу орнындағы реакциялар (мысалы, ауырсыну, эритема, шымылдату, қызару, флебит, ісіну, бөртпе, қышыну, қабыну, тығыздалу, гематома, инфекция, енгізу орнындағы абсцесс), дене температурасының жоғарылауы Сирек • жалған жарғақшалы колит • энцефалопатия • бронх түйілуі • ядролық сарғаю • есекжем • олигурия, гематурия, глюкозурия • ісіну, қалтырау, анафилаксиялық немесе анафилактоидты реакция Өте сирек • жалған жарғақшалы энтероколит Белгісіз • панкреатит, стоматит, глоссит • сезімтал емес қоздырғыштармен суперинфекция • құрысулар • терінің ауыр жағымсыз реакциялары (SCAR): Стивенс-Джонсон синдромы, уытты эпидермальді некролиз, жүйелі симптомдары бар есірткіге байланысты эозинофилия (DRESS-синдром), Яриш-Герксгеймер реакциясы (JНR), мультиформалы эритема және жедел жайылған экзантематозды пустулез (AGEP) • агранулоцитоз (<500/мм³), жағдайлардың көпшілігі 20 г немесе одан да көп жалпы дозаларды тағайындағаннан кейін дамыды. Протромбиндік уақыттың шамалы ұзаруы туралы хабарланды. Еріткіш құрамындағы лидокаин Жиі • күйгелектік, үрей, эйфория, сананың шатасуы • бас айналуы, парестезия, ұйқышылдық, тактильді сезімталдық, тремор, дизартрия, құрысулар, естен айрылу • көрудің нашарлауы, диплопия • құлақтың шыңылдауы • брадикардия, артериялық гипотензия, артериялық гипертензия • тыныс алудың бәсеңдеуі, тыныс алудың тоқтауы • жүрек айнуы, құсу • бұлшықеттің дірілдеуі • ісіну, суық және/немесе қызу сезімі Жиі емес • гиперакузия Сирек • анафилаксиялық реакциялар • нейропатия • жүрек аритмиясы, кардиоваскулярлық коллапс, жүректің тоқтауы Белгісіз • терінің зақымдануы, есекжем. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек. Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айнуы, құсу, диарея болуы мүмкін. Емі: симптоматикалық және демеуші терапия жүргізіледі. Спецификалық антидоты жоқ. Гемодиализ және перитонеальді диализ жүргізу тиімді емес (препараттың қандағы шамадан тыс концентрациясын төмендетпейді).

Лидокаинді 15 жасқа дейінгі балаларда Цефтриаксон препаратының ұнтағының еріткіші ретінде қолдануға тыйым салынады. 15 жасқа дейінгі балаларда артынан бұлшықет ішіне енгізу үшін Цефтриаксон препараты ұнтағының еріткіші ретінде инъекцияға арналған суды пайдалану керек. Бұлшықет ішіне енгізу ірі бұлшықеттерге жасалуы керек, бір бұлшықетке 1 г аспайды. Лидокаинді еріткіш ретінде пайдаланған кезде алынған цефтриаксон ерітіндісін вена ішіне енгізуге болмайды! Лидокаинді еріткіш ретінде пайдаланған кезде 15 жастан асқан пациенттерде лидокаинге тері ішіне аллергиялық сынама жүргізу ұсынылады. Лидокаинді еріткіш ретінде қолданған кезде, ерітіндіні енгізер алдында пациентте лидокаинді қолдануға қарсы көрсетілімдердің болуына жол бермеу керек, сондай-ақ анамнезінде лидокаинге аллергиялық реакцияларды ескеру қажет. Аса жоғары сезімталдық Басқа бета-лактамды антибиотиктерді қолдану кезіндегі сияқты, аса жоғары сезімталдық реакциясының, оның ішінде өліммен аяқталатын ауыр реакциялары тіркелді. Аса жоғары сезімталдық реакциялары (анафилаксиялық шокқа дейінгі) лидокаинді (еріткіштің құрамындағы) қолданудан туындауы мүмкін. Бета-лактамды антибиотиктер, соның ішінде Цефтриаксон препаратын қабылдайтын пациенттерде Стивенс-Джонсон синдромы, уытты эпидермальді некролиз, жүйелі симптомдармен жүретін дәріге байланысты эозинофилия (DRESS-синдром), Яриш-Герксгеймер реакциясы (JНR, Jarisch–Herxheimer reaction), мультиформалы эритема және жедел жайылған экзантематозды пустулез (AGEP, Acute Generalized Exanthematous Pustulosis) сияқты терінің ауыр жағымсыз реакциялары (SCAR, Severe Cutaneous Adverse Reactions) тіркелді. Аса жоғары сезімталдық реакциялары миокард инфарктісімен аяқталуы мүмкін ауыр аллергиялық реакция Коунис синдромына әкелуі мүмкін. Мұндай реакциялардың алғашқы симптомдары бета-лактамды антибиотиктерге аллергиялық реакцияға байланысты пайда болатын кеуденің ауыруын қамтуы мүмкін. Ондай реакциялар дамыған жағдайда, Цефтриаксон препаратымен емдеуді дереу тоқтату және баламалы ем жүргізу мүмкіндігін қарастыру керек. Протромбиндік уақыттың ұзаруы Цефтриаксон протромбин уақытын ұзартуы мүмкін. Гемолитикалық анемия Иммунитет түрткі болған гемолиздік анемия жағдайлары Цефтриаксон препаратын қоса, цефалоспориндер класының бактерияға қарсы дәрілерін қабылдаған пациенттерде байқалды. Гемолиздік анемияның ауыр жағдайлары, оның ішінде өліммен аяқталуы цефтриаксонмен емдеу кезеңінде ересектерде де, балаларда да тіркелген. Clostridium difficile-астасқан диарея (CDAD, Clostridium Difficile-Associated Diarrhea) Цефтриаксон препаратын қоса, бактерияға қарсы дәрілердің барлығын дерлік қолданумен астасқан CDAD дамыған жағдайлар тіркелді; CDAD жағдайлары жеңіл диареядан өлімге әкелетін колитке дейін ауытқып отыруы мүмкін. Ішек перистальтикасын бәсеңдететін препараттарды қолдануға болмайды. Суперинфекциялар Цефтриаксон препаратын ұзақ уақыт қолданғанда сезімтал емес қоздырғыштардың саны артуы мүмкін. Цефтриаксон-кальций преципитаттары Цефтриаксонды, әсіресе, тәулігіне 1 г дозаларда қабылдаған пациенттерде өт қалтасының ультрадыбыстық зерттеуінен цефтриаксон-кальций преципитаттарының бары анықталды. Ондай преципитаттардың түзілу ықтималдылығы балалар жасындағы пациенттерде едәуір жоғары. Панкреатит Сирек жағдайларда Цефтриаксон препаратымен емделген пациенттерде өт жолдарының бітелуіне байланысты панкреатиттің даму жағдайлары тіркелген. Пациенттердің көпшілігінде тексеру сәтінде өт пен билиарлы сладж кідіруінің қауіп факторлары анықталды, мысалы, алдыңғы массивті терапия, күрделі аурулар және толық парентеральді тамақтану. Энцефалопатия Цефтриаксонды қолдану кезінде, атап айтқанда, бүйрек жеткіліксіздігі бар егде жастағы немесе орталық жүйке жүйесі бұзылған пациенттерде энцефалопатияның дамуы туралы хабарланды. Егер цефтриаксонды қолданумен байланысты энцефалопатияның дамуына күдік болса (симптомдарға сананың бұзылуы, психикалық жағдайдың өзгеруі, миоклонус, құрысулар кіруі мүмкін), цефтриаксонды тоқтату қажеттілігі қарастырылуы керек. Қан талдауына мониторинг Ұзақ мерзімді емдеу кезінде жүйелі түрде толық қан талдауын жүргізу керек. Серологиялық зерттеулердің нәтижелеріне әсері Цефтриаксон препаратымен емдеу кезінде Кумбс сынамасының, галактоземия сынамасының, несептегі глюкозаны анықтауға арналған ферменттік емес әдістердің жалған оң нәтижелері байқалуы мүмкін. Бүйрек функциясының бұзылуы Цефтриаксонды бір мезгілде аминогликозидтер мен диуретиктерді қабылдайтын бүйрек функциясы бұзылған пациенттерде қолданған кезде сақ болу керек. Нәрестелер, балалар және жасөспірімдер Цефтриаксонды кальций бар ерітінділермен, тіпті ерітінділер әртүрлі инфузиялық желілермен енгізілсе де бір уақытта араластыруға немесе енгізуге болмайды. Жаңа туылған нәрестелердің өкпесінде және бүйрегінде цефтриаксон-кальций преципитаттарының түзілуі нәтижесінде, тіпті әртүрлі инфузиялық желілерді қолданғанда және әртүрлі уақытта цефтриаксон мен кальций бар ерітінділерді енгізгенде өлім жағдайлары сипатталған. Сондықтан құрамында кальций бар венаішілік кальций ерітінділерін нәрестелерге Цефтриаксон препаратын соңғы енгізгеннен кейін кем дегенде 48 сағат ішінде енгізуге болмайды. Әр түрлі жастағы пациенттерде цефтриаксонды және құрамында кальций бар венаішілік ерітінділерді бір мезгілде қолданғаннан кейін Цефтриаксон-кальций преципитаттарының пайда болу жағдайлары белгісіз. Дегенмен, оларды барлық пациенттерде бір уақытта қолданудан аулақ болу керек. Еріткіштегі лидокаинге қатысты сақтық шаралары Лидокаин сияқты жергілікті анестетиктерді қолданғанда күрделі жағымсыз реакциялардың даму қаупі артады: • егде жастағы пациенттерде • жалпы денсаулығы нашар пациенттерде • егер атриовентрикулярлық блокада болса (өйткені жергілікті анестетиктер атриовентрикулярлық өткізгіштікті баса алады) • бауырдың ауыр ауруы болған кезде • ауыр бүйрек жеткіліксіздігі болған жағдайда. Аталған жағдайларда Цефтриаксон препаратының бұлшықет ішіне инъекциясын сақтықпен жүргізу керек. Ықтимал аддитивті әсерді ескере отырып, III класты аритмияға қарсы препараттарды (мысалы, амиодарон) қабылдайтын пациенттерді мұқият бақылау қажет, ЭКГ-мониторинг жүргізу мүмкіндігін қарастыру қажет. Құрамында лидокаин бар ерітінділерді бас және мойын аймағына енгізу церебральді симптомдардың дамуымен (тіпті төмен дозада) артерияға байқаусызда енуіне әкелуі мүмкін. 1 г препаратта 3,6 ммоль (≈83 мг) натрий бар. Мұны бақыланатын натрий диетасын ұстанатын пациенттер ескеруі қажет. Арнайы ескертулер Егде жастағы пациенттер ≥65 жастағы пациенттерде ауыр бүйрек және бауыр жеткіліксіздігі болмаған жағдайда Цефтриаксон препаратының дозасын түзету талап етілмейді. Бүйрек функциясы бұзылған пациенттер Бауыр функциясының бұзылуы болмаған жағдайда Цефтриаксон препаратының дозасын түзету талап етілмейді. Цефтриаксон гемодиализ немесе перитонеальді диализ кезінде шығарылмайды. Диализдегі пациенттерге, диализ аяқталғаннан кейін препараттың қосымша дозасын енгізу қажет емес. Бауыр функциясы бұзылған пациенттер Бүйрек функциясының бұзылуы болмаған жағдайда Цефтриаксон препаратының дозасын түзету талап етілмейді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цефтриаксонмен емдеу кезінде жағымсыз реакциялар пайда болуы мүмкін (мысалы, бас айналуы), бұл көлік құралдарын басқару және механизмдермен жұмыс істеу қабілетіне әсер етуі мүмкін. Пациенттер көлік құралдарын басқару немесе механизмдермен жұмыс істеу кезінде сақтық таныту керек.

Жүктілік кезінде, әсіресе бірінші триместрде, Цефтриаксон препаратын қатаң көрсетілімдер бойынша ғана тағайындау керек. Егер Цефтриаксон препаратын қолдану өте қажет болса, оны лидокаинсіз тағайындау керек. Босану кезінде лидокаин сияқты жергілікті анестетиктерді қолдану анада және/немесе шаранада жағымсыз реакциялар (мысалы, брадикардия) тудыруы мүмкін. Препаратты емшек емізу кезінде қолдануға болмайды. Егер терапия аса қажет болса, бала емізуді тоқтату керек.

Цефтриаксон препаратының жоғары дозаларын және күшті диуретиктерді (мысалы, фуросемид) бір мезгілде қолданғанда бүйрек функциясының бұзылуы байқалмады. Цефалоспориндермен бірге қолданған кезде аминогликозидтердің бүйрек уыттылығының ықтимал жоғарылауына қатысты қарама-қайшы дәлелдер бар. Мұндай жағдайларда аминогликозидтер деңгейін және бүйрек функциясын бақылау бойынша ұсыныстарды қатаң сақтау керек. Алайда, екі препаратты бөлек-бөлек қолдану керек (6.2 бөл. қараңыз). Цефтриаксон препаратын енгізгеннен кейін алкогольді тұтыну дисульфирам тәрізді реакциямен қатар жүрмеді. Цефтриаксон құрамында этанолды көтере алмау пен қан кетуді тудыруы мүмкін N-метилтиотетразол тобы жоқ, бұл кейбір цефалоспориндерге тән. Пробенецид цефтриаксонның шығарылуына әсер етпейді. Бактериостатикалық препараттар цефалоспориндердің бактерицидтік әсерін төмендетуі мүмкін. In vitro зерттеуде левомицетин мен цефтриаксон арасында антагонизм байқалды. Цефтриаксон мен құрамында кальций бар пероральді препараттар арасында немесе бұлшықетішілік цефтриаксон мен құрамында кальций бар препараттар (вена ішіне немесе пероральді) арасында өзара әрекеттесу туралы хабарламалар болған жоқ. Цефтриаксонды К дәрумені антоганистерімен бірге қолдану қан кету қаупін арттыруы мүмкін. Қанның ұю параметрлерін жүйелі бақылап отыру керек және қажет болғанда цефтриаксонмен емдеу кезінде де, аяқталғаннан кейін де антикоагулянт дозасын түзету керек (4.8 бөл. қараңыз). Еріткіш құрамындағы лидокаин Фармакокинетикалық өзара әрекеттесуі: лидокаин CYP450, CYP1A2 және CYP3A4 ферменттерінің субстраты болып табылады. Демек, CYP тежегіштерін (мысалы, итраконазол, вориконазол, флуконазол, кларитромицин, эритромицин, циметидин) және фермент индукторларын (мысалы, барбитураттар, карбамазепин, фенитоин, примидон, рифампицин) қатар қолдану лидокаин метаболизмін тежеуі мүмкін. Фармакодинамикалық өзара әрекеттесуі: құрылымдық жағынан жергілікті амид типті анестетиктерге ұқсас белсенді заттарды (мысалы, мексилетин немесе токаинид сияқты аритмияға қарсы агенттер) бірге қолдану жүйелі уытты әсерлерді күшейтуі мүмкін. Сондықтан Цефтриаксон препаратының бұлшықет ішіне инъекциясын (құрамында лидокаин бар еріткіші бар) осы препараттармен емделіп жатқан пациенттерге аса сақтықпен тағайындау керек. Миорелаксанттардың әсері лидокаинді қолдану арқылы күшеюі мүмкін. Бірге қолданылатын дәрілік препараттардың жалпы сипаттамаларын қараңыз.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!