ЦЕФТРИАКСОН-АКОС порошок 1 г

Бір құтының ішінде: белсенді зат – 1 г натрий цефтриаксоны (цефтриаксонға шаққанда) – 1 г. Сыртқы түрінің, иісінің, дәмінің сипаттамасы Ақ немесе ақ түсті сарғыш реңкті ұнтақ.

ЦЕФТРИАКСОН-АКОС препараты мерзімі жетіп туған нәрестелерді (туғаннан бастап) қоса, ересектер мен балаларда келесі инфекцияларды емдеу үшін қолданылады: • бактериялық менингит; • ауруханадан тыс пневмония; • ауруханалық пневмония; • жедел ортаңғы отит; • құрсақішілік инфекциялар; • несеп шығару жолдарының асқынған инфекциялары (оның ішінде пиелонефрит); • сүйек және буын инфекциялары; • тері мен жұмсақ тіндердің асқынған инфекциялары; • соз; • мерез; • бактериялық эндокардит. Препарат мына жағдайларда пайдаланылуы мүмкін: • ересектерде өкпенің созылмалы обструкциялық ауруының жедел өршуін емдеу үшін; • 15 күндік жастан бастап жаңа туған нәрестелерді қоса, ересектер мен балаларда диссеминацияланған Лайм боррелиозын (ерте [II кезең] және кеш [III кезең]) емдеу үшін; • хирургиялық араласу кезінде инфекцияның операция алдындағы профилактикасы үшін; • бактериялық инфекциядан туындауы ықтимал нейтропениялық қызбасы бар пациенттерді емдеу кезінде; • жоғарыда аталған инфекциялардың кез келгенімен байланысты немесе болжаммен байланысты болатын бактериемиясы бар пациенттерді емдеуде. ЦЕФТРИАКСОН-АКОС препаратын бактерия қоздырғыштарының ықтимал спектрі оның спектріне енбеген кезде басқа бактерияға қарсы препараттармен бірге тағайындау керек. Бактерияға қарсы дәрілерді дұрыс пайдалану жөніндегі ресми нұсқаулықтарды ескеру қажет.

ATХ коды: J01DD04 Әсер ету механизмі Цефтриаксон пенициллин (PBP) байланыстыратын ақуыздарға қосылғаннан кейін бактериялардың жасушалық жақтауы синтезін тежейді. Бұл жасуша жақтауының (пептидогликанның) биосинтезінің бұзылуына әкеледі, ол бактериялық жасушалардың лизисіне және қырылуына әкеледі. Резистенттілік Цефтриаксонға бактериялық резистенттілік мынадай механизмдердің бірімен немесе бірнешеуімен байланысты болуы мүмкін: • кейбір аэробты грамтеріс бактерияларда индукциялануы немесе тұрақты басылуы мүмкін кеңейтілген спектрлі бета-лактамазаларды (ESBL), карбапенемдерді және Amp C ферменттерін қоса бета-лактамазалармен гидролиз; • пенициллин байланыстыратын ақуыздардың цефтриаксонға тектестігінің төмендеуі; • грамтеріс организмдерде сыртқы жарғақшаның өткізбеуі; • бактериялық эффлюксті сорғылар. Сезімталдықты тестілеудің бақылау нүктелері Еуропадағы микробқа қарсы сезімталдықты тексеру жөніндегі комитет (EUCAST) белгілеген ең төменгі тежегіш концентрацияны (MIC) бақылау нүктелері келесідей: Патогенді микроорганизм — Сұйылту тесті (ЕТТК, мг / л) Сезімталдық — Резистенттілік Enterobacteriaceae — ≤ 1 — > 2 Staphylococcus spp. — a. — a. Streptococcus spp. (A, B, C және G топтары) — b. — b. Streptococcus pneumoniae — ≤ 0.5c. — > 2 Viridans group Streptococci — ≤0.5 — >0.5 Haemophilus influenzae — ≤ 0.12c. — > 0.12 Moraxella catarrhalis — ≤ 1 — > 2 Neisseria gonorrhoeae — ≤ 0.12 — > 0.12 Neisseria meningitidis — ≤ 0.12 c. — > 0.12 Түрлермен байланысты емес — ≤ 1d. — > 2 а. Цефокситинге сезімталдықтан шыққан сезімталдық. б. Пенициллинге сезімталдықтан шыққан сезімталдық. с. Цефтриаксонның MIC бар изоляттар үзудің сезімтал нүктесінен жоғары сирек кездеседі және, егер олар табылған болса, қайта тестіленуі және расталған жағдайда референс- зертханаға жіберілуі тиіс. D. Тоқтату нүктелері тәуліктік венаішілік дозаға 1 г х 1 және жоғары дозаға кемінде 2 г х1 қолданылады Спецификалық патогенді бактерияларға қарсы клиникалық тиімділігі Жүре пайда болған резистенттіліктің таралуы географиялық және жекелеген түрлер үшін уақыт өте келе өзгеруі мүмкін және әсіресе ауыр инфекцияларды емдеуде резистенттілік туралы жергілікті ақпарат қажет. Егер резистенттіліктің жергілікті таралуы цефтриаксонның пайдасы кемінде инфекциялардың кейбір типтерінде күмәнді болатындай болса, қажет болған жағдайда маман кеңесіне жүгіну керек. Әдетте сезімтал түрлері Грам-оң аэробтар Staphylococcus aureus (methicillin-susceptible)£ Staphylococci coagulase-negative (methicillin-susceptible)£ Streptococcus pyogenes (Group A) Streptococcus agalactiae (Group B) Streptococcus pneumoniae Viridans Group Streptococci Грам-теріс аэробтар Borrelia burgdorferi Haemophilus influenzae Haemophilus parainfluenzae Moraxella catarrhalis Neisseria gonorrhoea Neisseria meningitidis Proteus mirabilis Providencia spp. Treponema pallidum Жүре пайда болған төзімділік проблема болуы мүмкін түрлер Грам-оң аэробтар Staphylococcus epidermidis+ Staphylococcus haemolyticus+ Staphylococcus hominis+ Грам-теріс аэробтар Citrobacter freundii Enterobacter aerogenes Enterobacter cloacae Escherichia coli% Klebsiella pneumoniae% Klebsiella oxytoca% Morganella morganii Proteus vulgaris Serratia marcescens Анаэробтар Bacteroides spp. Fusobacterium spp. Peptostreptococcus spp. Clostridium perfringens Бастапқыдан төзімді организмдер Грам-оң аэробтар Enterococcus spp. Listeria monocytogenes Грам-теріс аэробтар Acinetobacter baumannii Pseudomonas aeruginosa Stenotrophomonas maltophilia Анаэробтар Clostridium difficile Басқа Chlamydia spp. Chlamydophila spp. Mycoplasma spp. Legionella spp. Ureaplasma urealyticum £ Метициллинге төзімді барлық стафилококктар цефтриаксонға да төзімді. + Резистенттілік көрсеткіштері > 50% кемінде бір аумақта % ESBL өндіретін штаммдар үнемі төзімді

Дозалау режимі Доза инфекцияның ауырлығына, сезімталдығына, орны мен типіне, сондай-ақ пациенттің жасына және бауыр және бүйрек функциясының жағдайына байланысты. Төменде келтірілген кестелерде ұсынылатын дозалар әдетте осы көрсетілімдерде ұсынылатын дозалар болып табылады. Аса ауыр жағдайларда ұсынылған диапазонның неғұрлым жоғары шегіндегі дозаны ескеру керек. Ересектер мен 12 жастан асқан балалар (≥50 кг) Цефтриаксон дозасы * — Емдеу жиілігі ** — Қолданылуы 1-2 г — Күніне бір рет — Ауруханадан тыс пневмония Өкпенің созылмалы обструкциялық ауруының жедел өршуі Құрсақішілік инфекциялар Несеп шығару жолдарының асқынған инфекциялары (пиелонефритті қоса) 2 г — Күніне бір рет — Ауруханалық пневомания Тері мен жұмсақ тіндердің асқынған инфекциялары Сүйек және буын инфекциялары 2–4 г — Күніне бір рет — Бактериялық инфекциямен байланысты деп болжанатын нейтропениялық қызбасы бар пациенттерді жүргізу Бактериялық эндокардит Бактериялық менингит *Диагноз қойылған бактериемия кезінде ұсынылған дозалар диапазонының жоғарғы шегін ескеру керек. **Күніне 2 г асатын дозаларды тағайындаған кезде енгізуді күніне екі рет (12 сағат) қарастыруға болады. Арнайы дозалау режимін қажет ететін ересектер мен 12 жастан асқан балаларға (≥ 50 кг) қолдануға арналған көрсетілімдер Жедел ортаңғы отит Цефтриаксонның бір реттік бұлшықетішілік 1-2 г дозасын енгізуге болады. Шектеулі деректер ауыр инфекция жағдайында немесе алдыңғы емге реакциясы болмаған жағдайда, цефтриаксон 3 күн ішінде күніне 1-2 г бұлшықетішілік дозада тиімді болуы мүмкін. Хирургиялық араласу кезінде инфекцияның операция алдындағы профилактикасы 2 г дозада бір рет енгізу ұсынылады. Соз Бұлшықет ішіне 500 мг дозада бір рет енгізу. Мерез Әдетте ұсынылатын дозалар күніне бір рет 500 мг-1 г құрайды және 10-14 күн бойы нейромерез кезінде күніне бір рет 2 г дейін артады. Нейромерезді қоса, мерез кезіндегі доза бойынша ұсыныстар шектеулі деректерге негізделген. Ұлттық немесе жергілікті нұсқаулық назарға алынуы тиіс. Диссеминацияланған Лайм боррелиозы (ерте [II сатысы] және кеш [III сатысы]) 14-21 күн бойы күніне бір рет 2 г. Ұсынылатын емдеу ұзақтығы өзгереді және ұлттық немесе жергілікті ұсынымдар назарға алынуы тиіс. Пациенттердің ерекше топтары Балалар Жаңа туған нәрестелер, сәбилер және 15 күннен 12 жасқа дейінгі балалар (<50 кг) Дене салмағы 50 кг және одан жоғары балалар үшін ересектерге арналған әдеттегі дозаны тағайындау керек. Цефтриаксон дозасы * — Емдеу жиілігі ** — Қолданылуы 50–80 мг/кг — Күніне бір рет — Құрсақішілік инфекциялар Несеп шығару жолдарының асқынған инфекциялары (пиелонефритті қоса) Ауруханадан тыс пневмония Ауруханалық пневмония 50–100 мг/кг (ең жоғары 4 г) — Күніне бір рет — Тері мен жұмсақ тіндердің асқынған инфекциялары Сүйек және буын инфекциялары Бактериялық инфекциядан туындауы ықтимал нейтропениялық қызбасы бар пациенттерді жүргізу 80–100 мг/кг (ең жоғары 4 г) — Күніне бір рет — Бактериялық менингит 100 мг/кг (ең жоғары 4 г) — Күніне бір рет — Бактериялық эндокардит * Құжатталған бактериемияда дозаның ұсынылған диапазонының жоғарғы шегін ескеру керек. ** Күніне 2 г асатын дозаларды тағайындаған кезде енгізуді күніне екі рет (12 сағат) қарастыруға болады. Ерекше дозалау режимі қажет етілетін жаңа туған нәрестелер, 15 күннен 12 жасқа дейінгі сәбилер мен балаларға (<50 кг) көрсетілімдер Жедел ортаңғы отит Жедел ортаңғы отитті бастапқы емдеу үшін цефтриаксонның бір рет бұлшықетішілік 50 мг / кг дозасы тағайындалуы мүмкін. Шектеулі деректер ауыр инфекция жағдайларында немесе алдыңғы емге реакцияның болмауы жағдайында, цефтриаксон 3 күн бойы күн сайын күнделікті 50 мг/кг дозаны б/і тағайындағанда тиімді болуы мүмкіндігін көрсетті. Хирургиялық араласу кезінде инфекцияның операция алдындағы профилактикасы 50-80 мг/кг дозада бір рет енгізу ұсынылады. Мерез Әдетте ұсынылатын дозалар 10–14 күн ішінде күніне бір рет 75–100 мг / кг (ең жоғары 4 г) құрайды. Нейромерезді қоса, мерез кезіндегі доза бойынша ұсыныстар шектеулі деректерге негізделген. Ұлттық немесе жергілікті нұсқаулық назарға алынуы тиіс. Диссеминацияланған Лайм боррелиозы (ерте [II сатысы] және кеш [III сатысы]) 14-21 күн бойы күніне бір рет 50-80 мг / кг. Ұсынылатын емдеу ұзақтығы өзгереді және ұлттық немесе жергілікті ұсынымдар назарға алынуы тиіс. 0–14 күндік жаңа туған нәрестелер Цефтриаксонды 41 апталық постконцептуальді жасқа дейінгі шала туған нәрестелерге (гестациялық жас + хронологиялық жас) қолдануға болмайды. Цефтриаксон дозасы * — Емдеу жиілігі ** — Қолданылуы 20–50 мг/кг — Күніне бір рет — Құрсақішілік инфекциялар Тері мен жұмсақ тіндердің асқынған инфекциялары Несеп шығару жолдарының асқынған инфекциялары (пиелонефритті қоса) Ауруханадан тыс пневмония Ауруханалық пневмония Сүйек және буын инфекциялары Бактериялық инфекциядан туындауы ықтимал нейтропениялық қызбасы бар пациенттерді жүргізу 50 мг/кг — Күніне бір рет — Бактериялық менингит Бактериялық эндокардит * Құжатталған бактериемияда дозаның ұсынылған диапазонының жоғарғы шегін ескеру керек. Ең жоғары тәуліктік дозаны 50 мг/кг асырмау керек. Дозалаудың ерекше режимін талап ететін 0–14 күндік нәрестелер үшін көрсетілімдер: Жедел ортаңғы отит Жедел ортаңғы отитті бастапқы емдеу үшін цефтриаксонның бір рет бұлшықетішілік 50 мг/кг дозасы тағайындалуы мүмкін. Хирургиялық араласу кезінде инфекцияның операция алдындағы профилактикасы 20–50 мг/кг дозада бір реттік енгізу ұсынылады. Мерез Әдетте ұсынылатын дозалар 10–14 күн ішінде күніне бір рет 50 мг/кг құрайды. Нейромерезді қоса, мерез кезіндегі доза бойынша ұсынымдар шектеулі деректерге негізделген. Ұлттық немесе жергілікті нұсқаулық назарға алынуы тиіс. Егде пациенттер Ересектерге ұсынылатын дозалар бүйрек және бауыр функциялары қанағаттанарлық болған жағдайда егде жастағы пациенттерде өзгерістерді қажет етпейді. Бауыр жеткіліксіздігі бар пациенттер Қолда бар деректер бүйрек функциясы бұзылмаған жағдайда бауыр функциясының жеңіл немесе орташа бұзылуы кезінде дозаны түзету қажеттігін көрсетпейді. Бауырдың ауыр жеткіліксіздігі бар пациенттерде зерттеу деректері жоқ. Бауырдың ауыр дисфункциясы бар пациенттерде қауіпсіздік пен тиімділікке мұқият клиникалық мониторинг жүргізу ұсынылады. Бүйрек жеткіліксіздігі бар пациенттер Бүйрек функциясы бұзылған пациенттерде бауыр функциясы бұзылмаған жағдайда цефтриаксон дозасын төмендетудің қажеті жоқ. Тек бүйректің претерминальді жеткіліксіздігі жағдайында (креатинин клиренсі <10 мл/мин) цефтриаксонның дозасы күніне 2 г аспауы тиіс. Диализдегі пациенттерде /диализден кейін қосымша доза талап етілмейді. Цефтриаксон перитонеальді диализ немесе гемодиализ кезінде шығарылмайды. Бүйрек және бауырдың ауыр дисфункциясы бар пациенттерде қауіпсіздік пен тиімділікке мұқият клиникалық мониторинг жүргізу ұсынылады. Енгізу жолы және тәсілі Цефтриаксонды бұлшықет ішіне терең инъекция арқылы енгізу керек. Бұлшықетішілік инъекциялар салыстырмалы түрде үлкен бұлшықет көлемінде берілуі керек және бір жерге 1 г аспауы керек. Егер еріткіш ретінде лидокаин ерітіндісі қолданылса, алынған ерітіндіні ешқандай жағдайда вена ішіне енгізуге болмайды. Кездейсоқ тамырішілік енгізуге жол бермеу үшін инъекция жасау алдында аспирация жасау керек. Лидокаинді қолдану жөніндегі нұсқаулықта көрсетілген ақпаратты ескерген жөн. Вена ішіне енгізу Цефтриаксон кем дегенде 30 минутқа созылатын венаішілік инфузия (қолайлы әдіс) немесе кем дегенде 5 минутқа созылатын баяу венаішілік инъекция түрінде қолданылуы мүмкін. Үзік-үзік вена ішіне инъекцияны 5 минут ішінде, жақсырақ үлкен веналарға енгізу керек. Сәбилер мен 12 жасқа дейінгі балаларда 50 мг/кг немесе одан да көп венаішілік дозаларды инфузия арқылы енгізілуі тиіс. Жаңа туған нәрестелерде билирубин энцефалопатиясының даму қаупін азайту үшін вена ішіне дозаларды 60 минут ішінде енгізу керек. Егер вена ішіне енгізу мүмкін болмаса немесе қолайсыз болса, бұлшықет ішіне қолдану әдісін қарастырған жөн. 2 г-нан жоғары дозалар вена ішіне енгізіледі. Егер оларға цефтриаксон-кальций шөгуінің қаупіне байланысты парентеральді тамақтану сияқты құрамында кальций бар үздіксіз инфузияларды қоса, құрамында кальций бар венаішілік ерітінділермен емдеу талап етілсе (немесе қажет деп болжанса), цефтриаксонды жаңа туған нәрестелерге (≤ 28 күн) қолдануға болмайды. Рингер ерітіндісі немесе Хартман ерітіндісі сияқты құрамында кальций бар сұйылтқыштарды ЦЕФТРИАКСОН-АКОС препаратының құтыларын қалпына келтіру үшін немесе вена ішіне енгізуге арналған қалпына келтірілген құтыны одан әрі сұйылту үшін пайдалануға болмайды, өйткені тұнба түзілуі мүмкін. Цефтриаксон-кальцийдің тұнбасы цефтриаксонды вена ішіне енгізу кезіндегі сол желіде кальций бар ерітінділермен араластырған кезде де болуы мүмкін. Сондықтан цефтриаксон мен кальций бар ерітінділерді бір уақытта араластыруға немесе енгізуге болмайды. Емдеу ұзақтығы Емдеу ұзақтығы аурудың ағымына байланысты. Антибиотикпен емдеу кезіндегідей, Цефтриаксон препаратын енгізуді температура қалыпқа келтірілгеннен және қоздырғыштың эрадикациясы расталғаннан кейін кем дегенде 48–72 сағат жалғастыру керек. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Препаратты қолдану туралы сұрақтар туындаған жағдайда емдеуші дәрігерге қаралыңыз.

• цефтриаксонға, кез келген басқа цефалоспоринге немесе қосымша заттардың кез келгеніне аса жоғары сезімталдық; • анамнезінде бета-лактамды бактерияға қарсы препараттың кез келген басқа типіне (пенициллиндер, монобактамдар және карбапенемдер) ауыр аса жоғары сезімталдық реакциялары (мысалы, анафилаксиялық реакция); • 41 аптаға дейінгі шала туған балалар (гестациялық жиынтығы және хронологиялық жасы). Мерзіміне жетіп туған нәрестелер (≤ 28 күндік жастағы) мына жағдайда: • гипербилирубинемия, сарғаю, гипоальбуминемия немесе ацидоз, өйткені бұл жағдайларда билирубиннің байланысуы бұзылуы мүмкін*; • Цефтриаксон-кальцийдің шөгу қаупіне байланысты вена ішіне кальций немесе құрамында кальций бар препараттардың инфузиясын енгізу қажет болғанда (немесе қажеттілік ықтимал болғанда). *in vitro зерттеулері цефтриаксон осындай пациенттерде билирубин энцефалопатиясының даму қаупін арттыра отырып, сарысулық альбуминмен байланысты билирубинді ығыстыра алатынын көрсетті. Лидокаинді қолдануға болмайтын жағдайлар цефтриаксонды бұлшықет ішіне енгізгенге дейін, лидокаин ерітіндісі еріткіш ретінде қолданылған кезде анықталуы керек (лидокаинді медициналық қолдану жөніндегі нұсқаулықты қараңыз, әсіресе қолдануға болмайтын жағдайларды). Құрамында лидокаин бар цефтриаксон ерітінділерін вена ішіне енгізуге болмайды.

Жиі • эозинофилия, лейкопения, тромбоцитопения; • диарея, сұйық нәжіс; • бауыр ферменттері белсенділігінің жоғарылауы; • бөртпе. Жиі емес • генитальді зеңдік инфекция; • гранулоцитопения, анемия, коагулопатия; • бас ауыруы, бас айналуы; • жүрек айнуы, құсу; • қышыну; • флебит, инъекция орнының ауыруы, қызбалық жай-күй; • қандағы креатинин деңгейінің жоғарылауы. Сирек • жалған жарғақшалы колит; • бронх түйілуі; • есекжем; • гематурия, глюкозурия; • ісіну, қалтырау; • цефтриаксонмен емдеу, әсіресе бүйрек немесе жүйке жүйесінің ауыр аурулары бар егде жастағы пациенттерде энцефалопатияны тудыруы мүмкін (сананың төмендеуі, аномалиялық қимылдар, қозу және құрысу). Белгісіз (қолда бар деректер негізінде бағалау мүмкін емес) • асқын инфекция; • гемолиздік анемия, агранулоцитоз; • анафилаксиялық шок, анафилаксиялық реакция, анафилактоидтық реакция, жоғары сезімталдық, Яриш-Герксгеймер реакциясы (JНR); • құрысулар; • бас айналуы; • Коунис синдромы • панкреатит, стоматит, глоссит; • өт қабында цефтриаксон кальций тұздары преципитаттарының түзілуі, ядролық сарғаю, гепатит, холестаздық гепатит; • Стивенс Джонсон синдромы, уытты эпидермалық некролиз, мультиформалы эритема, жедел жайылған экзантематозды пустулез, эозинофилиямен және жүйелі симптомдармен дәрілік реакция (DRESS - синдром); • олигурия, бүйрек преципитаттары (қайтымды); • Кумбс жалған оң тесті, галактоземияға жалған оң тест, глюкозаны жалған оң ферментативтік емес анықтау әдістері. Жекелеген жағымсыз реакциялардың сипаттамасы Аллергиялық реакциялар Аллергиялық реакциялар кезінде кеуденің ауыруы, бұл аллергиядан туындаған жүрек ұстамасының симптомы (Коунис синдромы) болуы мүмкін. Инфекциялар мен инвазиялар Цефтриаксон препаратымен емдеуде Clostridium difficile тудырған диареяның даму жағдайлары тіркелген. Мұндай жағдайларда клиникалық көрсетілімдерге сәйкес сұйықтықтар мен электролиттерді енгізу арқылы тиісті ем тағайындалуы тиіс. Цефтриаксонның кальций тұздары преципитаттарының түзілуі В/і цефтриаксонмен және құрамында кальций бар ерітінділер алған шала туған және мерзіміне жетіп туған нәрестелер (өмірінің ˂ 28 күні) аутопсиясының нәтижелері бойынша өкпеде және бүйректе преципитаттар түзілуінің сирек, ауыр және жекелеген өлім жағдайлары сипатталған. Преципитаттардың пайда болу қаупі төмен айналымдағы қан көлеміне және цефтриаксонның жартылай шығарылу кезеңіне (ересектермен салыстырғанда) байланысты. Несеп шығару жолында преципитаттардың түзілуі негізінен балаларда жоғары дозаларды (мысалы, ≥ 80 мг/кг/тәу) немесе 10 г асатын дозаларды тағайындағанда, сондай-ақ қауіп факторлары болған кезде (дегидратация және төсек режимі кезінде преципитаттардың пайда болу қаупі жоғары) байқалды, ол симптомсыз немесе клиникалық түрде көрінуі мүмкін, несепағар обструкциясына және постренальді жедел бүйрек жеткіліксіздігіне әкелуі ықтимал. Бұл жағымсыз құбылыс қайтымды және цефтриаксонмен емдеуді тоқтатқаннан кейін жоғалады. Өт қабында преципитаттардың пайда болуы негізінен әдеттегіден жоғары дозаларды қабылдаған пациенттерде байқалды және симптомсыз немесе клиникалық түрде көрінуі мүмкін (ауырсыну, сирек – жүрек айнуы, құсу). Симптоматикалық емдеу ұсынылады. Өт қалтасында преципитаттардың түзілуі қайтымды және емдеуді тоқтатқаннан кейін жоғалады.

Симптомдары: жүрек айнуы, құсу, диарея. Емі: артық дозаланғанда гемодиализ және перитонеальді диализ препараттың концентрациясын төмендетпейді. Спецификалық антидоты жоқ. Емі симптоматикалық.

Аса жоғары сезімталдық реакциялары Басқа бета-лактамды антибиотиктерді (цефалоспориндер, карбапенемдер немесе монобактамдар) қолдану кезіндегі сияқты, аса жоғары сезімталдық реакциясының, оның ішінде өліммен аяқталатын ауыр реакциялары тіркелді. Аса жоғары сезімталдық реакциялары миокард инфарктісіне әкелуі мүмкін күрделі аллергиялық реакция - Коунис синдромына дейін өршуі мүмкін. Симптомдарға тыныс алудың немесе жұтудың қиындауымен қатар жүретін тамақтың немесе беттің кенеттен ісінуі, қол ұшының, аяқтың, тобықтың кенеттен ісінуі, кеуденің ауыруы, тез дамып келе жатқан бөртпе жатады. Аса жоғары сезімталдықтың ауыр реакциясы дамыған жағдайда, цефтриаксонмен емдеуді дереу тоқтату және тиісінше шұғыл көмек көрсету шараларын қолдану керек. Препаратпен емдеуді бастар алдында, пациентте бұрын цефтриаксонға, басқа цефалоспориндерге немесе басқа бета-лактамды антибиотиктерге аса жоғары сезімталдық реакциясының байқалған-байқалмағандығын біліп алу қажет. Анамнезінде басқа бета-лактамды антибиотиктерге аса жоғары сезімталдықтың ауыр емес реакциялары бар пациенттерге цефтриаксонды тағайындағанда сақтық таныту қажет. Терінің ауыр жағымсыз реакциялары (Стивенс Джонсон синдромы немесе Лайелл синдромы / уытты эпидермалық некролиз), сондай-ақ өмірге қауіпті болуы немесе өлімге әкелуі мүмкін эозинофилиямен және жүйелі симптомдармен (DRESS) дәрілік реакциясы туралы хабарланған; алайда осындай реакциялардың даму жиілігі белгісіз. Құрамында кальций бар өнімдермен өзара әрекеттесу 1 айға толмаған жастағы шала туған және мерзіміне жетіп туған нәрестелердің өкпесі мен бүйректеріндегі кальций-цефтриаксон преципитаттарымен өлімге әкелетін реакциялар сипатталған. Кем дегенде, олардың біреуі цефтриаксон мен кальцийді әртүрлі уақытта және түрлі венаішілік желілер арқылы қабылдаған. Қолда бар ғылыми деректерде цефтриаксон мен құрамында кальций бар ерітінділерді немесе кез келген басқа құрамында кальций бар өнімдерді қабылдаған жаңа туған нәрестелерден басқа, пациенттерде расталған тамырішілік шөгінділер туралы хабарламалар жоқ. In vitro зерттеулері жаңа туған нәрестелердің басқа жас топтарымен салыстырғанда цефтриаксон-кальций шөгу қаупі жоғары екенін көрсетті. Кез келген жастағы пациенттерде цефтриаксонды кез келген кальций бар венаішілік ерітінділермен бір уақытта, тіпті әртүрлі инфузиялық желілер арқылы немесе әртүрлі енгізу орындарында араластыруға немесе енгізуге болмайды. Егер әр түрлі венаға енгізу жолдары бар инфузиялық жүйелер пайдаланылса немесе шөгінді түсуінің алдын алу үшін физиологиялық тұзды ерітіндімен инфузиялар арасында мұқият жуылып шайылса немесе инфузиялық жүйелерді алмастырып отырса, 28 күннен асқан пациенттерге цефтриаксон және құрамында кальций бар ерітінділерді бірінен соң бірін енгізуге болады. Жалпы парентеральді тамақтану (ЖПТ) үшін кальций бар ерітінділерді үздіксіз инфузиялауды қажет ететін пациенттерде медицина мамандары тұнба тұну қаупіне ұқсас емес баламалы бактерияға қарсы препараттарды қолдануды қарастыруы мүмкін. Егер үздіксіз тамақтануды қажет ететін пациенттерде цефтриаксонды қолдану қажет деп саналса, ЖПТ және цефтриаксон ерітінділерін бір уақытта әртүрлі жерлерде әртүрлі инфузиялық желілер арқылы ғана енгізуге болады. Цефтриаксон инфузиясы кезінде ЖПТ ерітіндісінің инфузиясын тоқтатуға және ерітінділерді енгізу арасындағы инфузиялық желілерді шаюға болады. Гемолиздік анемия Басқа цефалоспориндерді қолданғандағыдай, цефтриаксонды қолданғанда аутоиммунды гемолиздік анемия дамуы мүмкін. Ересектер мен балаларда, оның ішінде өліммен аяқталған ауыр гемолиздік анемия жағдайлары тіркелген. Цефтриаксонмен емделіп жатқан пациентте анемия дамыған жағдайда цефалоспоринмен астасқан анемия диагнозын жоққа шығаруға болмайды және оның себебі анықталғанға дейін емдеуді тоқтату қажет. Ұзақ мерзімді емдеу Ұзақ мерзімді емдеу кезінде толық қан талдауы үнемі жүргізілуі керек. Колит/суперинфекция Көптеген басқа бактерияға қарсы препараттарды қолданғандағыдай, цефтриаксонмен емдеу кезінде Clostridium difficile туғызған әртүрлі ауырлықтағы: жеңіл диареядан өліммен аяқталған ауыр колитке дейін диареяның даму жағдайлары тіркелді. Антибиотикпен емдеу кезінде және одан кейін диарея бар барлық пациенттерде Clostridium difficile тудырған диареяның даму мүмкіндігін естен шығармау керек. Мұндай жағдайларда ішек перистальтикасын бәсеңдететін дәрілік заттарды қолдануға болмайды. Басқа бактерияға қарсы препараттармен емдегендегідей, цефтриаксонды қолданған кезде асқын инфекция дамуы мүмкін. Бүйрек және бауырдың ауыр жеткіліксіздігі Бүйрек және бауырдың ауыр жеткіліксіздігі кезінде қауіпсіздік пен тиімділікке мұқият клиникалық мониторинг жүргізу ұсынылады. Зертханалық зерттеулерге әсері Кумбс тестілерінде ақаулар туындауы мүмкін, өйткені цефтриаксон тесттің жалған оң нәтижелеріне әкелуі мүмкін. Цефтриаксон сондай-ақ галактоземияға тесттің жалған оң нәтижелеріне әкелуі мүмкін. Несептегі глюкозаны анықтаудың ферментативті емес әдістері жалған оң нәтиже беруі мүмкін. Цефтриаксинмен емдеу кезінде несептегі глюкозаны анықтауды ферментативті әдістермен жүргізу керек. Цефтриаксонның болуы кейбір қандағы глюкозаны мониторингтеу жүйелерімен алынған қандағы глюкозаның өлшенген мәндерінің жалған төмендеуіне әкелуі мүмкін. Әр жүйеге арналған пайдалану нұсқауларын ескеру қажет. Қажет болса зерттеудің баламалы әдістерін пайдалану керек. Натрий ЦЕФТРИАКСОН-АКОС препаратының құрамында натрий бар. Препаратты тағайындау кезінде тұзсыз диетаны ұстанатын пациенттерге сақ болу керек. 1 г цефтриаксонда - шамамен 83 мг (3.6 ммоль) натрий. Бактерияға қарсы спектр Цефтриаксон бактерияға қарсы белсенділіктің шектеулі спектріне ие және патоген расталмаған болса, инфекциялардың кейбір түрлерін емдеуге арналған жалғыз дәрі ретінде пайдалануға жарамсыз болуы мүмкін. Полимикробты инфекциялар кезінде, болжамды қоздырғыштар цефтриаксонға төзімді микроорганизмдерді қамтыса, қосымша антибиотик енгізу мүмкіндігін қарастыру керек. Лидокаинді қолдану Егер лидокаин ерітіндісі еріткіш ретінде пайдаланылса, цефтриаксон ерітінділері тек бұлшықет ішіне енгізу үшін пайдаланылуы тиіс. Лидокаинге қарсы көрсетілімдер, ескертулер және басқа да тиісті ақпарат қолданар алдында қарастырылуы тиіс. Лидокаин ерітіндісін ешқашан вена ішіне енгізуге болмайды. Өт жолдарының литиазы Сонограммаларда көлеңкелерді анықтау кезінде цефтриаксонының- кальций шөгінділерге тұну мүмкіндігін ескеру керек. Өт қабындағы тастар ретінде қате қабылданған көлеңкелер, әдетте, стандартты ұсынылған дозадан асатын дозадан кейін өт қабының сонограммаларында анықталған. Бұл көлеңкелер, алайда, цефтриаксон кальций тұнбасы болып табылады, олар цефтриаксонмен емдеуді аяқтағаннан немесе тоқтатқаннан кейін жоғалады. Бұл нәтижелер сирек симптомдармен байланысты болды. Симптоматикалық жағдайларда консервативті хирургиялық емес емдеу ұсынылады және симптоматикалық жағдайларда цефтриаксонмен емдеуді тоқтату дәрігердің қарастыруы бойынша болуы тиіс. Өттің іркілуі Цефтриаксонмен емделген пациенттерде панкреатит, мүмкін болатын билиарлы бітелістің этиологиясы туралы хабарланды. Көптеген пациенттерде билиарлық іркіліс пен билиарлық шөгіндінің даму қаупінің факторлары болды, мысалы, алдыңғы негізгі терапия, күрделі ауру және жалпы парентеральді тамақтану. Цефтриаксонмен байланысты билиарлық шөгіндінің триггерлік немесе кофакторлық рөлін жоққа шығаруға болмайды. Бүйректік литиаз Цефтриаксонды қабылдау тоқтатылған кезде қайтымды болып табылатын бүйрек литиазының жағдайлары туралы хабарланған. Симптоматикалық жағдайларда сонография жүргізу керек. Анамнезінде ренальді литиаз немесе гиперкальциуриясы бар пациенттер үшін пайдасын артықшылық қаупін нақты бағалауға негізделген дәрігер қарастыруы тиіс. Яриш-Герксгеймер реакциясы (JHR) Цефтриаксонмен емделгеннен кейін көп ұзамай спирохеталардан туындаған инфекциялары бар кейбір пациенттерде Яриш-Герксгеймер (JHR) реакциясы туындауы мүмкін. Реакция әдетте өз бетінше өтеді немесе симптоматикалық еммен басылуы мүмкін. Реакция пайда болған жағдайда антибиотиктермен емдеуді тоқтатуға болмайды. Энцефалопатия Энцефалопатия цефтриаксонды қолдану кезінде, әсіресе бүйректің ауыр жеткіліксіздігі немесе орталық жүйке жүйесінің бұзылыстары бар егде жастағы адамдарда хабарланған. Цефтриаксонмен астасқан энцефалопатияға (мысалы, сана деңгейінің төмендеуі, психикалық жағдайдың өзгеруі, миоклонус, құрысулар) күдік туған кезде цефтриаксонды қабылдауды тоқтату туралы мәселені қарау керек. Арнайы ескертулер Педиатрияда қолдану Зерттеулер цефтриаксон басқа да цефалоспориндер сияқты сарысулық альбуминнен билирубинді ығыстыра алатынын көрсетті. ЦЕФТРИАКСОН-АКОС билирубин энцефалопатиясының даму қаупі бар шала туған және мерзіміне жетіп туған нәрестелерге қолдануға болмайды. Егде пациенттер Егде жастағы пациенттерде бүйрек және бауыр функциясы қанағаттанарлық болған жағдайда, препараттың ересек пациенттер үшін ұсынылатын дозаларын түзету қажет емес. Бүйрек және бауыр функциясының бұзылуы Бүйрек функциясы бұзылған пациенттерге, бауыр функциясының бұзылуы болмаған жағдайда препараттың дозасын азайту қажет емес. Цефтриаксон гемодиализ немесе перитонеальді диализ кезінде шығарылмайды. Диализдегі пациенттерге, диализ аяқталғаннан кейін препараттың қосымша дозасын енгізу қажет емес. Бауыр функциясы бұзылған пациенттерге, бүйрек функциясының бұзылуы болмаған жағдайда ЦЕФТРИАКСОН-АКОС препаратының дозасын азайту қажет емес. Егер сізде бауыр немесе бүйрек аурулары болса, дәрі қабылдағанға дейін дәрігермен немесе фармацевтпен сөйлесіңіз. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цефтриаксонмен емдеу кезінде жағымсыз реакциялар пайда болуы мүмкін (мысалы, бас айналуы), бұл көлік құралдарын басқару және механизмдермен жұмыс істеу қабілетіне әсер етуі мүмкін. Пациенттер көлік құралдарын басқару немесе механизмдермен жұмыс істеу кезінде сақтық таныту керек.

Цефтриаксон плаценталық бөгет арқылы өтеді. Жүкті әйелдерде цефтриаксонды қолдану туралы шектеулі деректер бар. Эмбрионға/шаранаға, перинатальді және постнатальді дамуға қатысты тікелей немесе жанама зиянды әсерлер туралы деректер жоқ. Цефтриаксонды тек жүктілік кезінде, атап айтқанда, егер пайда қауіптен басым болса жүктіліктің бірінші триместрінде тағайындау керек. Цефтриаксон емшек сүтімен төмен концентрацияда шығарылады, бірақ цефтриаксонның емдік дозаларында еметін балаларға ешқандай әсер күтілмейді. Алайда, диарея мен шырышты қабықтардың зеңді зақымдану қаупін жоққа шығаруға болмайды. Сенсибилизация мүмкіндігі ескерілуі тиіс. Бала емізуді тоқтату немесе цефтриаксонмен емдеуді тоқтату/бас тарту туралы шешім қабылдау қажет, бұл нәресте үшін емшек емізудің пайдасы мен әйел үшін терапияның пайдасын ескереді.

Рингер ерітіндісі немесе Хартман ерітіндісі сияқты құрамында кальций бар сұйылтқыштарды құрамында цефтриаксон бар ерітінділерді қалпына келтіру үшін немесе вена ішіне енгізуге арналған қалпына келтірілген ерітіндіні одан әрі сұйылту үшін пайдалануға болмайды, өйткені тұнба түзілуі мүмкін. Цефтриаксон-кальций тұнбасы цефтриаксонды құрамында кальций бар ерітінділермен вена ішіне енгізу үшін бір желіде араластырғанда да пайда болуы мүмкін. Цефтриаксонды парентеральді қоректену сияқты құрамында кальций бар үздіксіз инфузияларды қоса, құрамында кальций бар вена ішіне енгізілетін ерітінділермен бір мезгілде енгізуге болмайды. Алайда, жаңа туған нәрестелерден басқа пациенттерде, егер инфузия желілері инфузия арасында мұқият шайылса, цефтриаксон мен кальций бар ерітінділер бірінен соң бірі енгізілуі мүмкін. Ересектер мен жаңа туған нәрестелердің кіндік қан плазмасын қолданатын in vitro зерттеулер жаңа туған нәрестелерде цефтриаксон-кальций тұнбасының тұну қаупі жоғары екенін көрсетті. Цефтриаксонмен емдеу аясында К дәруменінің антагонистерін қолданғанда қан кету қаупі артады. Қанның ұю параметрлерін үнемі бақылап отыру керек және қажет болғанда цефтриаксонмен емдеу кезінде де, аяқталғаннан кейін де антикоагулянт дозасын түзету керек. Аминогликозидтерді цефалоспориндермен қолданғанда олардың нефроуыттылығының жоғарылау ықтималдығы туралы қарама-қайшы деректер бар, сондықтан бүйрек функциясына және қандағы аминогликозидтер концентрациясын мониторингілеу қажет. In vitro левомицетин мен цефтриаксон арасында антагонизм анықталды. Бұл антагонизмнің клиникалық маңызы белгісіз. Цефтриаксонның және құрамында кальций бар пероральді препараттардың өзара әрекеттесуі немесе б/і енгізу үшін цефтриаксонның және в/і немесе пероральді қолдану үшін кальций бар препараттардың өзара әрекеттесуі туралы хабарламалар түспеді. Цефтриаксонмен емдеу кезінде Кумбс сынамасының жалған оң нәтижелері байқалуы мүмкін. Цефтриаксон, басқа антибиотиктер сияқты, жалған оң галактоземия тесттеріне әкелуі мүмкін. Сол сияқты, несептегі глюкозаны анықтаудың ферментативті емес әдістері жалған оң нәтиже бере алады. Осы себепті цефтриаксонмен емдеу кезінде несептегі глюкоза деңгейін анықтау ферментативті әдіспен жүргізілуі керек. Цефтриаксонның үлкен дозалары мен «ілмектік» диуретиктер (мысалы, фуросемид) бір мезгілде қолданылғанда бүйрек функциясының бұзылуы байқалмаған. Пробенецид цефтриаксонның шығарылуына әсер етпейді.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!