Цефтриаксон-Виста порошок 1 г

Бір құтыдағы препарат құрамында белсенді зат – цефтриаксон (цефтриаксон динатрий гемигептагидраты (стерильді) түрінде), 1 г, Қосымша заттар: жоқ. Сыртқы түрінің, иісінің, дәмінің сипаттамасы Ақ дерлік түстен сарғыш түске дейінгі кристалды ұнтақ.

Төменде тізілген инфекцияларды ересектер мен балаларда, оның ішінде мерзімі жетіп туған нәрестелерде (туғаннан бастап) емдеу: –бактериялық менингит; –ауруханадан тыс пневмония; –ауруханалық пневмония; –жедел ортаңғы отит; –құрсақ қуысы ағзаларының инфекциясы; –несеп шығару жолдарының асқынған инфекциялары (пиелонефритті қоса); –сүйек және буын инфекциялары; –тері мен жұмсақ тіндердің асқынған инфекциялары; –соз; –мерез; –бактериялық эндокардит. Цефтриаксон-Вистаны мына кезде қолдануға болады: - ересектердегі өкпенің созылмалы обструктивті ауруының жедел асқынуын емдеу; - ересектер мен 15 күннен бастап нәрестелерді қоса, балаларда Лайм диссеминацияланған боррелиозын (ерте (II кезең) және кеш (ІІІ кезең)) емдеу; - хирургиялық араласу орнында инфекциялардың операция алдындағы профилактикасы; - бактериялық инфекцияға күдікпен қызба дамыған нейтропениясы бар пациенттерді жүргізу; - жоғарыда аталған инфекциялардың кез келгеніне байланысты туындаған немесе жоғарыда аталған инфекциялардың кез келгеніне күдік болса, бактериемиясы бар пациенттерді емдеу. Егер бактериялық қоздырғыштардың ықтимал диапазоны оның әсер ету спектріне тура келмеген жағдайда, Цефтриаксон-Вистаны басқа бактерияға қарсы препараттармен бірге тағайындау керек. Бактерияға қарсы дәрілерді тиісінше қолдануға қатысты ресми нұсқауларды назарға алған жөн.

ATХ коды J01D D04. Фармакодинамикасы. Әсер ету механизмі. Цефтриаксон пенициллинді байланыстыратын ақуыздарға қосылғаннан кейін бактериялардың жасуша қабырғасының синтезін бәсеңдетеді. Нәтижесінде жасуша қабырғасының биосинтезі тоқтатылады (пептидогликан), бұл өз кезегінде бактериялық жасуша лизисіне және оның құруына әкеледі. Резистенттілік. Цефтриаксонға бактериялық резистенттілік бір немесе бірнеше механизмдердің әсер етуі нәтижесінде дамуы мүмкін: •Кейбір аэробты грамтеріс бактерияларда индукциялануы немесе тұрақты басылуы мүмкін кеңейтілген спектрлі бета-лактамазаларды, карбапенемдерді және Amp C ферменттерін қоса бета-лактамазалармен гидролиз. • Пенициллинді байланыстыратын ақуыздардың цефтриаксонға аффинділігінің төмендеуі. • Грамтеріс бактериялардағы сыртқы жарғақшаның өткізгіштігі. • Бактериялық эфлюксті сорғы. Сезімталдықты анықтау кезіндегі шекті мәндер Ең төменгі тежегіш концентрацияның шекті мәндерін Еуропадағы микробқа қарсы сезімталдықты тестілеу жөніндегі комитет (EUCAST) анықтады: Патоген — Сұйылту әдісі (ең төменгі тежегіш концентрация, мг/л) Сезімтал — Резистентті Enterobacteriaceae — ≤ 1 — > 2 Staphylococcus spp. — a — a Streptococcus spp. (A, B, C және G топтары) — b — b Streptococcus pneumoniae — ≤ 0,5c — > 2 Streptococci Viridans тобы — ≤ 0,5 — >0,5 Haemophilus influenzae — ≤ 0,12c — > 0,12 Moraxella catarrhalis — ≤ 1 — > 2 Neisseria gonorrhoeae — ≤ 0,12 — > 0,12 Neisseria meningitidis — ≤ 0,12 c — > 0,12 Түрмен байланысты емес — ≤ 1d — > 2 aСезімталдық туралы қорытынды цефокситинге сезімталдық негізінде жасалады. bСезімталдық туралы қорытынды пенициллинге сезімталдық негізінде жасалады. с Сезімталдықтың шекті мәндерінен асатын тежегіш концентрациясы ең төменгі изоляттар сирек кездеседі; егер мұндай байқалса, қайта тестілеу жүргізу керек, ал расталған жағдайда референттік зертханаға жіберу керек. d Шекті мәндер 1 г × 1 тәуліктік венаішілік дозаға және кемінде 2 г × 1 жоғары дозаға қатысты. Спецификалық патогендерге қарсы клиникалық тиімділік Жүре пайда болған резистенттіліктің таралуы географиялық және уақыт өте келе таңдалған түрлер үшін өзгеруі мүмкін, сондықтан төзімділік туралы жергілікті ақпаратқа ие болған жөн, әсіресе ауыр инфекцияларды емдеуде. Қажет болса, егер резистенттіліктің жергілікті таралуы цефтриаксонның, кем дегенде, инфекциялардың кейбір түрлеріне қарсы пайдалылығы күмән тудыратын болса, сарапшымен кеңесу керек. Жалпы, сезімтал түрлер Грам-оң аэробтар Staphylococcus aureus (метициллинге сезімтал)£, коагулазонегативті стафилококктар (метициллинге сезімтал)£, Streptococcus pyogenes (А тобы), Streptococcus agalactiae (В тобы), Streptococcus pneumoniae, Streptococci Viridans тобы. Грам-теріс аэробтар Borrelia burgdorferi, Haemophilus influenzae, Haemophilus parainfluenzae, Moraxella catarrhalis, Neisseria gonorrhoeae, Neisseria meningitidis, Proteus mirabilis, Providencia spp., Treponema pallidum. Жүре пайда болған резистенттілік проблема болуы мүмкін түрлер Грам-оң аэробтар Staphylococcus epidermidis+, Staphylococcus haemolyticus+, Staphylococcus hominis+. Грам-теріс аэробтар Citrobacter freundii, Enterobacter aerogenes, Enterobacter cloacae, Escherichia coli%, Klebsiella pneumoniae%, Klebsiella oxytoca%, Morganella morganii, Proteus vulgaris, Serratia marcescens. Анаэробтар Bacteroides spp., Fusobacterium spp., Peptostreptococcus spp., Clostridium perfringens. Бастапқы резистентті микроорганизмдер Грам-оң аэробтар Enterococcus spp., Listeria monocytogenes. Грам-теріс аэробтар Acinetobacter baumannii, Pseudomonas aeruginosa, Stenotrophomonas maltophilia. Анаэробтар Clostridium difficile. Басқа: Chlamydia spp., Chlamydophila spp., Mycoplasma spp., Legionella spp., Ureaplasma urealyticum. £Барлық метицилинге резистентті стафилококтар цефтриаксонға резистентті. +Резистенттілік жиілігі >50% кем дегенде бір аймақта. %Кең спектрлі бета-лактамазаны өндіретін штаммдар әрқашан резистентті.

Дозалау режимі Дозалау Препараттың дозасы инфекцияның ауырлығына, сезімталдығына, орналасуына және типіне, сондай-ақ пациенттің жасына және бауыры мен бүйрегінің функциясына байланысты. Төменде осы көрсеткіштер үшін ұсынылған дозалар келтірілген. Аса ауыр жағдайларда ұсынылған диапазоннан жоғары дозаны қолдану керек. 1-кесте Ересектер мен 12 жастан асқан балалар (≥ 50 кг). Цефтриаксон дозасы* — Енгізу жиілігі** — Қолданылуы 1–2 г — Тәулігіне бір рет — Ауруханадан тыс пневмония. Өкпенің созылмалы обструктивті ауруының жедел асқынуы. Құрсақішілік инфекциялар. Несеп шығару жолдарының асқынған инфекциялары (пиелонефритті қоса) 2 г — Тәулігіне бір рет — Ауруханалық пневмония. Тері мен жұмсақ тіндердің асқынған инфекциялары. Сүйек және буын инфекциялары 2–4 г — Тәулігіне бір рет — Қызба дамыған және бактериялық инфекцияға күдік бар нейтропениямен ауыратын пациенттерді емдеу. Бактериялық эндокардит. Бактериялық менингит *Құжатпен расталған бактериемия кезінде ұсынылған диапазоннан жоғары дозаны қолдану туралы мәселені қарау керек. **Тәулігіне 2 г асатын дозаларды қолданған жағдайда препаратты тәулігіне екі рет (12 сағаттық аралықпен) енгізу туралы мәселені қарау керек. Ерекше дозалау сызбаларын талап ететін ересектер мен 12 жастан асқан балалардағы (≥50 кг) көрсетілімдер. Жедел ортаңғы отит. Цефтриаксон-Виста дәрілік затының 1 2 г бір реттік дозасы қолданылуы мүмкін. Кейбір деректер, егер пациенттің жағдайы ауыр немесе алдыңғы ем тиімсіз болған жағдайда, Цефтриаксон-Виста 3 күн бойы тәулігіне 1 2 г дозада енгізгенде тиімді болуы мүмкін екендігін көрсетеді. Хирургиялық араласу орнындағы инфекциялардың операция алдындағы профилактикасы. Операция алдында бір рет 2 г. Соз Бір доза бұлшықет ішіне 500 мг құрайды. Мерез. Жалпы ұсынылған дозалар нейромерез кезінде 10 14 күн ішінде дозаны тәулігіне бір рет 2 г дейін ұлғайта отырып, тәулігіне бір рет 500 мг 1 г болып табылады. Нейромерезді қоса, мерез кезіндегі дозаға қатысты нұсқаулар шектеулі деректерге негізделген. Сондай-ақ, ұлттық немесе жергілікті нұсқауларды ескеру қажет. Диссеминацияланған Лайм боррелиозы (ерте (ІІ саты) және кеш (ІІІ саты)) 14-21 күн бойы тәулігіне бір рет 2 г. Емдеудің ұсынылған ұзақтығы ауытқып тұрады, ұлттық немесе жергілікті нұсқауларды да ескеру қажет. Балалар Нәрестелер, сәбилер және 15 күннен 12 жасқа дейінгі балалар (<50 кг) Дене салмағы 50 кг немесе одан көп балаларға ересектерге арналған әдеттегі дозаларды қолдану керек. 2-кесте Цефтриаксон дозасы* — Енгізу жиілігі** — Қолданылуы 50–80 мг/кг — Тәулігіне бір рет — Құрсақішілік инфекциялар. Несеп шығару жолдарының асқынған инфекциялары (пиелонефритті қоса). Ауруханадан тыс пневмония. Ауруханалық пневмония 50–100 мг/кг (максималды–4 г) — Тәулігіне бір рет — Тері мен жұмсақ тіндердің асқынған инфекциялары. Сүйек және буын инфекциялары. Қызба дамыған және бактериялық инфекцияға күдік бар нейтропениямен ауыратын пациенттерді емдеу. 80–100 мг/кг (максималды 4 г) — Тәулігіне бір рет — Бактериялық менингит 100 мг/кг (максималды 4 г) — Тәулігіне бір рет — Бактериялық эндокардит *Құжатпен расталған бактериемия кезінде ұсынылған диапазоннан жоғары дозаны қолдану туралы мәселені қарау керек. **Тәулігіне 2 г асатын дозаларды қолданған жағдайда препаратты тәулігіне екі рет (12 сағаттық аралықпен) енгізу туралы мәселені қарау керек. Нәрестелерге, сәбилерге және 15 күннен 12 жасқа (<50 кг) дейінгі балаларға арналған көрсетілімдер: Жедел ортаңғы отит. Жедел ортаңғы отит бастапқы емдеу үшін 50 мг/кг дозада Цефтриаксон-Виста препаратының бір реттік бұлшықет ішіне инъекциясы пайдаланылуы мүмкін. Кейбір деректер, егер баланың жағдайы ауыр немесе алдыңғы ем тиімсіз болса, Цефтриаксон-Виста 3 күн ішінде 50 мг/кг дозада енгізгенде тиімді болуы мүмкін екенін көрсетеді. Хирургиялық араласу орнындағы инфекциялардың операция алдындағы профилактикасы. 5080 мг/кг операция алдында бір рет. Мерез. Жалпы ұсынылған дозалар 10 14 күн ішінде тәулігіне бір рет 75 100 мг/кг (ең жоғары деңгейі - 4 г) болып табылады. Нейромерезді қоса, мерез кезіндегі дозалау бойынша нұсқаулар шектеулі деректерге негізделеді. Сондай-ақ, ұлттық немесе жергілікті нұсқауларды ескеру қажет. Диссеминацияланған Лайм боррелиозы (ерте (ІІ саты) және кеш (ІІІ саты)) 14-21 күн бойы тәулігіне бір рет 50-80 мг/кг. Емдеудің ұсынылған ұзақтығы ауытқып тұрады, ұлттық немесе жергілікті нұсқауларды да ескеру қажет. 0-14 күндік нәрестелер. Цефтриаксон-Вистаны 41 аптаға (гестациялық жас + күнтізбелік жас) дейінгі шала туған нәрестелерге қолдануға болмайды. 3-кесте Цефтриаксон дозасы* — Енгізу жиілігі** — Қолданылуы 20–50 мг/кг — Тәулігіне бір рет — Құрсақішілік инфекциялар. Тері мен жұмсақ тіндердің асқынған инфекциялары. Несеп шығару жолдарының асқынған инфекциялары (пиелонефритті қоса). Ауруханадан тыс пневмония. Ауруханалық пневмония. Сүйек және буын инфекциялары. Қызба дамыған және бактериялық инфекцияға күдік бар нейтропениямен ауыратын пациенттерді емдеу. 50 мг/кг — Тәулігіне бір рет — Бактериялық менингит. Бактериялық эндокардит *Құжатпен расталған бактериемия кезінде ұсынылған диапазоннан жоғары дозаны қолдану туралы мәселені қарау керек. Ең жоғары тәуліктік дозаны 50 мг/кг асырмау керек. Ерекше дозалау сызбаларын талап ететін 0-14 күндік нәрестелер үшін көрсетілімдер: Жедел ортаңғы отит. Жедел ортаңғы отит бастапқы емдеу үшін 50 мг/кг дозада Цефтриаксон-Виста препаратының бір реттік бұлшықет ішіне инъекциясы пайдаланылуы мүмкін. Хирургиялық араласу орнындағы инфекциялардың операция алдындағы профилактикасы. Операция алдында бір рет 2050 мг/кг . Мерез. Жалпы ұсынылған доза 10-14 күн бойы тәулігіне бір рет 50 мг/кг болып табылады. Нейромерезді қоса, мерез кезіндегі дозалау бойынша нұсқаулар шектеулі деректерге негізделеді. Сондай-ақ, ұлттық немесе жергілікті нұсқауларды ескеру қажет. Емдеу ұзақтығы Емдеу ұзақтығы аурудың ағымына байланысты. Антибиотикотерапия бойынша жалпы нұсқауларды ескере отырып, цефтриаксонды қолдануды қызба жоғалғаннан немесе бактериялық инфекцияның эрадикациясына қол жеткізілгені расталғаннан кейін 4872 сағат бойы жалғастыру керек. Пациенттердің ерекше топтары Егде жастағы пациенттер Бүйрек және бауыр функциясы қанағаттанарлық жағдайда егде жастағы пациенттер үшін дозаны түзету қажет емес. Бауыр жеткіліксіздігі бар пациенттер Қолда бар деректер, егер бүйрек функциясы бұзылмаса, жеңіл немесе орташа бауыр жеткіліксіздігі бар пациенттерге дозаны түзету қажеттілігінің жоқтығын көрсетеді. Ауыр бауыр жеткіліксіздігі бар пациенттерде зерттеу деректері жоқ. Бүйрек жеткіліксіздігі бар пациенттер Бүйрек функциясы бұзылған пациенттерге, егер бауыр функциясы бұзылмаса, Цефтриаксон дозасын төмендетудің қажеті жоқ. Аяқталу алды сатысындағы бүйрек жеткіліксіздігі (креатинин клиренсі 10 мл/мин кем) жағдайында ғана цефтриаксонның тәуліктік дозасы 2 г аспауы тиіс. Гемодиализдегі науқастарға препаратты диализден кейін қосымша енгізудің қажеті жоқ. Цефтриаксон организмнен перитонеальді диализ немесе гемодиализ арқылы шығарылады. Препараттың қауіпсіздігі мен тиімділігіне клиникалық мониторинг жүргізу ұсынылады. Бауыр және бүйрек функциясы ауыр бұзылған пациенттер Бүйрек және бауыр функциясының бір мезгілде ауыр бұзылуында препараттың қауіпсіздігі мен тиімділігіне мұқият клиникалық мониторинг жүргізу ұсынылады. Енгізу жолы және тәсілі Енгізу тәсілі Бұлшықет ішіне енгізу Цефтриаксон-Виста дәрілік затын терең бұлшықетішілік инъекция арқылы енгізуге болады. Бұлшықетішілік инъекцияны салыстырмалы түрде үлкен бұлшықетке жасау керек. Бір аумаққа 1 г асырмай енгізу ұсынылады. Егер лидокаин еріткіш ретінде қолданылса, алынған ерітіндіні ешқандай жағдайда вена ішіне енгізуге болмайды. Толық ақпарат алу үшін лидокаин препаратын медициналық қолдану жөніндегі нұсқаулықпен танысу ұсынылады. Вена ішіне енгізу Цефтриаксон-Виста дәрілік затын ұзақтығы кемінде 30 минут вена ішіне инфузия жолымен (артықшылық берілетін жол) немесе ұзақтығы 5 минуттан астам баяу вена ішіне инъекция арқылы енгізуге болады. Вена ішіне үзік-үзік енгізуді 5 минут ішінде, негізінен ірі веналарға жүргізген жөн. Нәрестелер мен 12 жасқа дейінгі балаларға инфузия арқылы 50 мг/кг немесе одан да көп вена ішіне енгізу керек. Нәрестелерге билирубин энцефалопатиясының ықтимал қаупін азайту үшін вена ішіне дозаларды 60 минут ішінде енгізу керек. Бұлшықет ішіне енгізу туралы мәселені вена ішіне енгізу жолы мүмкін болмаған немесе пациент үшін қолайсыз болған кезде қарау керек. 2 г асатын дозаларды вена ішіне енгізу керек. Цефтриаксон кальций тұздары преципитаттарының түзілу қаупіне байланысты, құрамында кальций бар вена ішіне енгізілетін ерітінділермен, оның ішінде парентеральді қоректену сияқты кальций бар инфузиялық ерітінділермен емдеу қажет болса (≤ 28 күн), нәрестелерге қолдануға болмайды. Құтыдағы цефтриаксонды еріту үшін немесе вена ішіне енгізуге арналған қалпына келтірілген ерітіндіні одан әрі сұйылту үшін Рингер ерітіндісі немесе Хартман ерітіндісі сияқты құрамында кальций бар еріткіштерді пайдалануға болмайды, өйткені преципитат түзілуі мүмкін. Цефтриаксонның кальций тұздары преципитаттарының пайда болуы цефтриаксонды вена ішіне енгізуге арналған бір инфузиялық жүйеде кальций бар ерітінділермен араластырған кезде болуы мүмкін. Сондықтан цефтриаксонды құрамында кальций бар ерітінділермен араластыруға немесе бір уақытта енгізуге болмайды. Хирургиялық араласу орнында инфекциялардың операция алдындағы профилактикасы мақсатында цефтриаксонды хирургиялық араласуға дейін 30 90 минуттан енгізу керек. Инъекцияға және инфузияға арналған ерітінділерді дайындау Тек бір реттік пайдалануға арналған. Жаңа дайындалған ерітінділерді қолдану ұсынылады. Қалпына келтірілген дәрілік препаратты сақтау шарттарын «Сақтау мерзімі» бөл. қараңыз. Цефтриаксон тиісті еріткіште 150 секунд ішінде толығымен қалпына келтіріледі. Қалпына келтірілген ерітінді сарыдан қоңыр-сары түске дейінгі мөлдір ерітінді түрінде келеді. Цефтриаксон-Виста препаратын бір шприцте лидокаин гидрохлоридінің 1% ерітіндісінен басқа (тек бұлшықет ішіне инъекция үшін) басқа препаратпен араластыруға болмайды. Инфузиялық жүйені әр енгізуден кейін шайып тұру керек. Вена ішіне енгізу (инъекция немесе инфузия) Ересектер мен 12 жастан асқан балаларда (≥50 кг) қолдану. Вена ішіне енгізу үшін 1 г цефтриаксонды инъекцияға арналған 10 мл суда ерітеді. Құтыны алақан арасында ақырын сілку керек және еріту аяқталғанына және оның қатты бөлшектері жоқ екеніне көз жеткізу үшін визуалды тексеру керек. Инъекцияны 5 минут ішінде тікелей венаға немесе вена ішіне инфузия жүйесі арқылы енгізу керек. Венаішілік инфузия үшін балама ретінде қалпына келтірілген ерітіндіні келесі кальций жоқ инфузиялық сұйықтықтардың біріне 10 мл-ге ауыстыру керек: натрий хлориді 0,9%, натрий хлориді 0,45% + декстроза 2,5%, декстроза 5%, декстроза 10%, декстран 6% декстроза 5%, инъекцияға арналған су. Инфузия кем дегенде 30 минут ішінде жүргізілуі керек. Педиатриялық популяцияда қолдану Нәрестелер, сәбилер және 15 күннен 12 жасқа дейінгі балалар (<50 кг) Нәрестелерге билирубин энцефалопатиясының ықтимал қаупін азайту үшін венаішілік дозаларды 60 минут ішінде енгізу керек. 1 г цефтриаксонның ығысу көлемі инъекцияға арналған суда 0,71 мл және лидокаин гидрохлоридінің ерітіндісінде 1% құрайды. Бұл жалпы ерітіндінің бір бөлігі ғана өлшеніп, енгізілсе, салмаққа байланысты (ең алдымен 12 жасқа дейінгі балалар) дозалауды жеңілдету үшін еріткіш көлемін өзгертуді қажет етеді. 100 мг/мл концентрациялы соңғы ерітіндіні дайындау үшін инъекцияға арналған 9,4 мл суда 1 г Цефтриаксон-Виста препаратын сұйылту қажет. Бұлшықет ішіне инъекция Ересектер мен 12 жастан асқан балаларда (≥50 кг) қолдану. Бұлшықет ішіне енгізу үшін 1 г цефтриаксон 3,5 мл 1% лидокаин гидрохлориді ерітіндісінде ерітіледі. Құтыны алақан арасында ақырын сілку керек және еріту аяқталғанына және оның қатты бөлшектері жоқ екеніне көз жеткізу үшін визуалды тексеру керек. Ерітіндіні терең бұлшықет ішіне инъекция арқылы енгізу керек. 1 г-нан асатын дозаларды бөліп, бірнеше жерге енгізу керек. Педиатриялық популяцияда қолдану Нәрестелер, сәбилер және 15 күннен 12 жасқа дейінгі балалар (<50 кг) 1 г цефтриаксонның ығысу көлемі 0,71 мл және лидокаин гидрохлоридінің ерітіндісінде 1% құрайды. Бұл жалпы ерітіндінің бір бөлігі ғана өлшеніп, енгізілсе, салмаққа байланысты (ең алдымен 12 жасқа дейінгі балалар) дозалауды жеңілдету үшін еріткіш көлемін өзгертуді қажет етеді. 285 мг/мл концентрациялы соңғы ерітіндіні дайындау үшін 1 г Цефтриаксон-Виста препаратын 2,9 мл 1% лидокаин гидрохлориді ерітіндісінде сұйылту керек. Пайдаланылмаған дәрілік затты және / немесе пайдаланылған дәрілік заттың қалдықтарын дәрілік заттарды утилизациялау және жою жөніндегі жергілікті талаптар мен қағидаларға сәйкес утилизациялау керек. Емдеу ұзақтығы Емдеу курсын дәрігер анықтайды. Дәрілік препараттың бір немесе бірнеше дозасын жіберіп алған кезде қажетті шаралар Егер пациент препараттың дозасын бір күн ішінде қабылдауды ұмытып кетсе, онда келесі күні жоспарланған тағайындалған дозаны қабылдау қажет. Пациенттер алдыңғы күндері өткізіп алған дозаның орнын толтыру үшін дозаны өзгертпеуі тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар • Препаратты әрдайым қосымша параққа немесе емдеуші дәрігердің нұсқауларына сәйкес қабылдаңыз.

Цефтриаксонға немесе кез келген басқа цефалоспоринге жоғары сезімталдық. Анамнезінде -лактамды бактерияға қарсы препараттардың кез келген басқа типіне (пенициллиндер, монобактамдар және карбапенемдер) ауыр аса жоғары сезімталдық реакцияларының (мысалы, анафилаксиялық реакциялар) болуы. Цефтриаксон мына кезде қолданылмайды: Құрсақішілік даму мерзімін ескере отырып, ≤ 41 апта (гестациялық жас + туғаннан кейінгі жас)* жас шамасындағы шала туған нәрестелерге. Мерзімі жетіп туған нәрестелерге (≤28 күн жасында): • гипербилирубинемия, сарғаю, гипоальбуминемия немесе ацидоз болғанда, өйткені мұндай жағдайларда билирубиннің байланысы бұзылуы мүмкін*. • кальций препараттарын немесе құрамында кальций бар ерітінділердің инфузияларын вена ішіне енгізуді қажет ететін (немесе қажет етеді деп күтілетін), өйткені цефтриаксонның кальций тұзы преципитаттарының түзілу қаупі бар. *In vitro зерттеулерінде цефтриаксон қан сарысуының альбуминімен байланысты билирубинді ығыстыруы мүмкін екендігі көрсетілген, бұл осындай пациенттерде билирубин энцефалопатиясының даму қаупіне алып келеді. Цефтриаксонды бұлшықет ішіне енгізер алдында лидокаинді еріткіш ретінде қолданған жағдайда қолдануға қарсы көрсетілімдердің болуын міндетті түрде алып тастау керек. Құрамында лидокаин бар цефтриаксон ерітінділерін ешқашан вена ішіне енгізуге болмайды.

Барлық дәрілік препараттар сияқты, препарат жағымсыз реакцияларды тудыруы мүмкін, бірақ олар барлығында бола бермейді. Цефтриаксонды қолдану кезінде жиі байқалған жағымсыз реакциялар: эозинофилия, лейкопения, тромбоцитопения, диарея, бөртпе және бауыр ферменттері деңгейінің жоғарылауы. Цефтриаксонға жағымсыз реакциялардың туындау жиілігі клиникалық зерттеулердің деректері бойынша анықталды. Құбылыстар жиілігі бойынша келесідей жіктеледі: өте жиі (≥ 1/10); жиі (≥1/100-ден <1/10 дейін); жиі емес (≥1/1000-нан <1/100 дейін); сирек (≥ 1/10000-ден <1/1000 дейін); өте сирек (<1/10000); жиілігі белгісіз (қолда бар деректер негізінде бағалау мүмкін емес). Жиі • Эозинофилия, лейкопения, тромбоцитопения • Диарея, сұйық нәжіс • Бауыр ферменттері деңгейінің жоғарылауы • Бөртпе Жиі емес • Генитальді зеңдік инфекциялар • Гранулоцитопения, анемия, коагуляцияның бұзылуы • Бас ауыруы, бас айналуы • Қышыну • Жүрек айнуы, құсу • Флебит, инъекция орнындағы реакциялар, қызба • Қандағы креатинин деңгейінің жоғарылауы Сирек • Жалған жарғақшалы колит • Энцефалопатия • Бронх түйілуі • Есекжем • Гематурия, глюкозурия • Ісіну, қалтырау Жиілігі белгісіз a • Суперинфекция • Гемолиздік анемия, агранулоцитоз • Анафилаксиялық шок, анафилаксиялық реакциялар, анафилактоидтық реакциялар, аса жоғары сезімталдық реакциялары, Яриш-Герксгеймер реакциясы (JHR) • Аллергияға байланысты туындаған, жүрек ұстамасының симптомы болуы мүмкін аллергиялық реакциялар кезіндегі кеудедегі ауырсыну (Кунис синдромы) • Құрысулар • Вертиго • Панкреатит, стоматит, глоссит • Өт қабындағы преципитаттар, ядролық сарғаю, гепатитb, холестаздық гепатитb • Стивенс-Джонсон синдромы, уытты эпидермальді некролиз, мультиформалы эритема, жедел жайылған экзантематозды пустулез, эозинофилиямен және жүйелі симптомдармен (DRESS) препаратқа реакциялар • Олигурия, бүйректе преципитаттардың түзілуі (қайтымды) • Кумбс тестінің жалған-оң нәтижелері, галактоземия талдауының жалған-оң нәтижелері, глюкозаны ферментті емес анықтау әдістерінің жалған-оң нәтижелері. aПостмаркетингтік есептер негізінде. Бұл реакциялар туралы ақпарат тұрғындардан өз еркімен белгісіз мөлшерде келетіндіктен, олардың жиілігін сенімді бағалау мүмкін емес, осыған байланысты ол белгісіз болып сипатталады. b Әдетте цефтриаксон қабылдауды тоқтатқан кезде қайтымды болады Инфекциялар мен инвазиялар. Цефтриаксонды қолданғаннан кейінгі диарея жағдайлары Clostridium difficile-мен байланысты болуы мүмкін. Сұйықтық пен электролиттердің тиісті мөлшерін тағайындау керек. Цефтриаксон кальций тұзының преципитаттары. Цефтриаксон және кальций препараттары вена ішіне енгізілген, шала туған және мерзімі жетіп туған нәрестелерде (<28 күндік) кейде өліммен аяқталатын, ауыр жағымсыз реакциялардың сирек жағдайлары тіркелді. Аутопсия кезінде өкпеде және бүйректе цефтриаксонның кальций тұзы преципитаттары анықталды. Нәрестелерде преципитаттардың түзілу қаупі қан көлемінің аздығы салдары және ересектерге қарағанда цефтриаксонның жартылай шығарылу кезеңінің ұзақтығы болып табылады. Несеп шығару жолдарында преципитаттардың пайда болу жағдайлары тіркелген, негізінен балаларда препараттың тәуліктік үлкен дозалары (мысалы, ≥ тәулігіне 80 мг/кг) немесе жалпы дозалары 10 г-нан асады, сондай-ақ қосымша қауіп факторлары болды (мысалы, сұйықтықты шектеулі қабылдау немесе төсек режимі). Преципитаттар симптомдармен қатар жүруі немесе симптомсыз болуы, бүйрек жеткіліксіздігіне және анурияға әкелуі мүмкін және цефтриаксон қолдануды тоқтатқаннан кейін жоғалады. Өт қабында цефтриаксонның кальций тұзы преципитаттарының түзілу жағдайлары, көбінесе препаратты стандартты ұсынылғаннан асатын дозаларда енгізген пациенттерде тіркелген. Балаларда проспективті зерттеулердің деректері бойынша препаратты вена ішіне енгізу кезінде преципитаттардың түзілу жиілігі әр түрлі, кейбір зерттеулерде 30 % астам болды. Препаратты баяу енгізген кезде (2030 минут ішінде) преципитаттардың түзілу жиілігі төмен. Преципитаттардың түзілуі әдетте симптомдармен қатар жүрмейді, бірақ сирек жағдайларда ауырсыну, жүрек айнуы және құсу сияқты клиникалық симптомдар туындады. Мұндай жағдайларда симптоматикалық емдеу ұсынылады. Цефтриаксон қолдануды тоқтатқаннан кейін, әдетте, преципитаттар жоғалады. Инъекция орнындағы реакциялар Цефтриаксонды вена ішіне енгізгенде ауыртады. Инъекция орнындағы басқа реакцияларға мыналар жатады: эритема, экстравазация, ісіну, бөртпе, қышу, қабыну, тығыздалу және гематома. Инъекция орнындағы инфекция және абсцесс сияқты асқынулар сирек хабарланды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланғанда гемодиализ немесе перитонеальді диализ препараттың қандағы шамадан тыс концентрациясын төмендетпейді. Артық дозаланғанда жүрек айнуы, құсу, диарея болуы мүмкін. Спецификалық антидоты жоқ. Артық дозалануды емдеу симптоматикалық.

Аса жоғары сезімталдық реакциялары. Барлық -лактамды антибиотиктерді қолдану сияқты, аса жоғары сезімталдықтың ауыр реакциялары, кейде өліммен аяқталатын жағдайлар туралы хабарланды. Аса жоғары сезімталдық реакциялары сонымен қатар миокард инфарктісіне әкелетін ауыр аллергиялық реакция болып табылатын Кунис синдромына дейін өршуі мүмкін. Аса жоғары сезімталдықтың ауыр реакциялары жағдайында цефтриаксонды қолдануды дереу тоқтатып, тиісті шұғыл шаралар қабылдау керек. Емдеуді бастар алдында пациенттің анамнезінде цефтриаксонға, басқа цефалоспориндерге немесе -лактамды дәрілердің басқа типтеріне ауыр аса жоғары сезімталдық реакцияларының бар-жоғын анықтау керек. Цефтриаксонды анамнезінде басқа да -лактамды дәрілік заттарға ауыр емес аса жоғары сезімталдығы бар пациенттерге сақтықпен қолдану керек. Тері тарапынан ауыр жағымсыз реакциялар (Стивенс-Джонсон синдромы немесе Лайелл синдромы/уытты эпидермальді некролиз, өмірге қауіпті болуы немесе өліммен аяқталуы мүмкін эозинофилиямен және жүйелі симптомдармен (DRESS-синдром) дәрілік затқа реакция) жағдайлары тіркелген; алайда бұл құбылыстардың жиілігі белгісіз. Құрамында кальций бар дәрілік заттармен өзара әрекеттесу. 1 айға дейінгі шала туған және мерзімі жетіп туған нәрестелерде өлімге әкеп соқтыратын өкпеде және бүйректе цефтриаксон кальций тұзы преципитаттарының түзілу жағдайлары сипатталған. Осы пациенттердің кем дегенде біреуіне цефтриаксон мен кальций әр түрлі уақытта және әр түрлі венаішілік инфузиялық жүйелер арқылы енгізілді. Қолда бар ғылыми деректерге сәйкес, цефтриаксон және құрамында кальций бар ерітінділер немесе құрамында кальций бар кез келген басқа дәрілік заттар енгізілген нәрестелерде ғана тамырішілік преципитаттар түзілуінің жағдайлары расталған, ал басқа жағдайлар тіркелмеген. In vitro зерттеулерінде нәрестелерге басқа жас топтарындағы пациенттермен салыстырғанда цефтриаксонның кальций тұзы преципитаттарының туындау қаупі жоғары екендігі көрсетілген. Цефтриаксонды кез келген жастағы пациенттерге қолданған кезде препаратты әр түрлі инфузиялық жүйелерді пайдаланғанда немесе препараттарды әр түрлі инфузиялық аумақтарға енгізгенде де, құрамында кальций бар вена ішіне енгізуге арналған кез келген ерітінділермен араластыруға немесе бір мезгілде енгізуге болмайды. Алайда, 28 күннен бастап пациенттерге цефтриаксон мен құрамында кальций бар ерітінділерді препараттарды әр түрлі инфузиялық жүйелер арқылы дененің әр түрлі бөліктеріне енгізген жағдайда немесе преципитаттардың туындауын болдырмау үшін осы құралдарды физиологиялық ерітіндімен енгізер алдында инфузиялық жүйені мұқият жуған жағдайда бірінен соң бірі жүйелі түрде енгізуге болады. Толыққанды парентеральді тамақтану (ТПТ) үшін құрамында кальций бар ерітінділердің тұрақты инфузиясын қажет ететін пациенттерге медицина қызметкерлері қолданылуы преципитаттардың түзілу қаупімен байланысты емес альтернативті бактерияға қарсы дәрілерді тағайындай алады. Егер тұрақты тамақтануды қажет ететін пациенттерге цефтриаксонды қолдану қажет деп танылса, ТПТ арналған ерітінділер мен цефтриаксонды бір мезгілде, бірақ әр түрлі инфузиялық жүйелерге және дененің әр түрлі бөліктеріне енгізуге болады. Сондай-ақ, ТПТ үшін ерітінділерді енгізуді цефтриаксон инфузиясы уақытына тоқтата тұруға және ерітінділерді енгізу арасындағы инфузиялық жүйелерді жууға болады. Иммуннитетке-байланысты гемолиздік анемия. Цефалоспориндер класындағы бактерияға қарсы дәрілерді, оның ішінде Цефтриаксон-Вистаны қабылдаған пациенттерде иммунитетке-байланысты гемолиздік анемия жағдайлары байқалды. Гемолиздік анемияның ауыр жағдайлары, оның ішінде өліммен аяқталуы цефтриаксонмен емдеу кезеңінде ересектерде де, балаларда да тіркелген. Егер цефтриаксонды қолдану кезінде пациентте анемия пайда болса, цефалоспоринді қолданумен астасқан анемия диагнозын қарастыру және аурудың этиологиясы анықталғанға дейін цефтриаксонды қолдануды тоқтату керек. Ұзақ мерзімді емдеу. Ұзақ мерзімді емдеу кезінде жүйелі түрде толық қан талдауын жүргізу керек. Колит/сезімтал емес микроорганизмдердің шамадан тыс өсуі. Бактерияға қарсы дәрілерді қолданумен байланысты колит және жалған жарғақшалы колит жағдайлары барлық дерлік бактерияға қарсы дәрілерді, оның ішінде цефтриаксонды қолдану аясында тіркелген. Бұл аурулардың ауырлығы жеңілден өмірге қауіп төндіретінге дейін ауытқуы мүмкін. Сондықтан мұндай диагнозды цефтриаксонды қолдану кезінде немесе одан кейін диарея пайда болған пациенттерде ескеру маңызды. Цефтриасконмен емдеуді тоқтатуды және Clostridium difficile-ге қарсы тиісті дәрілерді қолдануды қарастыру керек. Перистальтиканы бәсеңдететін дәрілік заттарды қолдануға болмайды. Басқа бактерияға қарсы препараттарды қолданғандағыдай, дәрілік затқа сезімтал емес микроорганизмдерден туындаған суперинфекциялар туындауы мүмкін. Серологиялық зерттеулердің нәтижелеріне әсері. Цефтриаксон-Вистаны қолданған кезде Кумбс тесті жалған-оң нәтиже беруі мүмкін. Сондай-ақ, Цефтриаксон-Виста дәрілік заты галактоземияның болуына талдаудың жалған-оң нәтижелерін тудыруы мүмкін. Несептегі глюкозаны ферменттік емес әдістермен анықтау кезінде жалған-оң нәтижелер алуға болады. Цефтриаксон-Виста препаратын қолдану барысында несептегі глюкоза деңгейін талдаудың ферменттік әдістерінің көмегімен анықтау керек. Цефтриаксонның болуы кейбір қандағы глюкоза деңгейін бақылау жүйелерімен алынған қандағы глюкоза деңгейінің болжамды мәндерін қате төмендетуі мүмкін. Қандағы глюкозаны бақылаудың әр жүйесі үшін пайдалану жөніндегі нұсқаулықты қарау керек. Қажет болса тестілеудің альтернативті әдістерін пайдалану керек. Бактерияға қарсы белсенділік спектрі. Цефтриаксонның бактерияға қарсы белсенділіктің спектрі шектеулі және қоздырғыш расталған жағдайларды қоспағанда, инфекцияның белгілі бір типтерін емдеуде монотерапия ретінде қолдануға жарамсыз болуы мүмкін. Полимикробтық инфекциялар жағдайында, күдікті қоздырғыштардың арасында цефтриаксонға резистентті микроорганизмдер болған кезде, қосымша антибиотиктерді қолдануды қарастырған жөн. Лидокаинді қолдану. Егер лидокаин ерітіндісі еріткіш ретінде қолданылса, цефтриаксонды тек бұлшықет ішіне енгізуге болады. Дәрілік затты енгізер алдында лидокаинді қолдануға қарсы көрсетілімдерді, ескертулерді және лидокаин препаратының медициналық қолдануға арналған нұсқаулықта көрсетілген басқа да тиісті ақпаратты міндетті түрде ескеру керек. Лидокаин ерітіндісін ешқандай жағдайда вена ішіне енгізуге болмайды. Өт тас ауруы. Сонограммада көлеңке болған жағдайда цефтриаксонның кальций тұзы преципитаттарының түзілу мүмкіндігін ескеру керек. Өт тас деп қате есептелген көлеңкелер өт қабының сонограммасында байқалды және цефтриаксонды тәулігіне 1 г және одан жоғары дозада қолданғанда олардың туындау жиілігі артты. Дәрілік затты балаларда қолданған кезде ерекше сақ болу керек. Мұндай преципитаттар цефтриаксонмен емді тоқтатқаннан кейін жоғалады. Сирек жағдайларда цефтриаксонның кальций тұзы преципитаттарының түзілуі симптоматикамен қатар жүрді. Симптомдары болған кезде консервативті хирургиялық емес емдеу ұсынылады және дәрігер нақты жағдайдың пайда-қаупін бағалау нәтижелеріне сүйене отырып, дәрілік затты қолдануды тоқтату туралы шешім қабылдауы тиіс. Өт стазы. Өт жолдарының бітелуінен туындауы мүмкін панкреатит оқиғалары Цефтриаксон-Вистаны қабылдаған пациенттерде тіркелген. Мұндай пациенттердің көпшілігінде алдыңғы маңызды терапия, күрделі ауру және толық парентеральді тамақтану холестаздың және билиарлы сладж түзілуінің қауіп факторлары болды. Цефтриаксон-Вистаны қолдану нәтижесінде өт жолдарында преципитаттардың түзілуі осы бұзылыстың дамуының бастамашы немесе қосымша факторы болуы мүмкін екенін жоққа шығаруға болмайды. Яриш-Герксгеймер реакциясы (JHR) Спирохеталық инфекциясы бар кейбір пациенттерде цефтриаксонмен емдеу басталғаннан кейін көп ұзамай Яриш-Герксгеймер (JHR) реакциясы пайда болуы мүмкін. JHR, әдетте емдеусіз өтетін жағдай немесе оны симптоматикалық терапияның көмегімен жоюға болады. Егер JHR туындаса, антибиотикпен емдеуді тоқтатуға болмайды. Бүйрек-тас ауруы. Цефтриаксонды қолдануды тоқтатқаннан кейін жойылған бүйрек тастарының түзілу жағдайлары тіркелген. Симптомдар болған жағдайда ультрадыбыстық зерттеу жүргізу керек. Анамнезінде бүйрек тастары немесе гиперкальциурия бар пациенттерге дәрілік затты қолдану туралы шешімді әрбір нақты жағдайда пайда-қауіпті бағалау нәтижелеріне сүйене отырып, дәрігер қабылдайды. Энцефалопатия. Цефтриаксонды қолдану кезінде, әсіресе ауыр бүйрек жеткіліксіздігі бар немесе орталық жүйке жүйесінің аурулары бар егде пациенттерде энцефалопатия туралы хабарланды. Цефтриаксонмен байланысты энцефалопатияға (мысалы, сана деңгейінің төмендеуі, психикалық жағдайдың өзгеруі, миоклонус, құрысу) күдік туған кезде цефтриаксонды тоқтату мүмкіндігін қарастыру керек. Арнайы ескертулер Балалар. Нәрестелерде, сәбилерде және балаларда Цефтриаксон-Виста препаратын қолданудың қауіпсіздігі мен тиімділігі «Дозалау режимі және қолдану тәсілі» бөлімінде сипатталған дозалар үшін анықталған. Зерттеулерде цефтриаксон, кейбір басқа цефалоспориндер сияқты, билирубинді қан сарысуының альбуминімен байланыстан ығыстыруы мүмкін екендігі көрсетілген. Цефтриаксон-Виста билирубин энцефалопатиясының даму қаупі бар шала туған және мерзімі жетіп туған нәрестелерге қарсы көрсетілген. Ауыр бүйрек және бауыр жеткіліксіздігі. Ауыр бүйрек және бауыр жеткіліксіздігі жағдайында дәрілік заттың қауіпсіздігі мен тиімділігіне мұқият клиникалық мониторинг жүргізу ұсынылады. Натрий. Цефтриаксон-Виста препаратының бір граммында 2,28 ммоль натрий бар. Мұны бақыланатын натрий диетасын ұстанатын пациенттер ескеруі керек.

Жүктілік. Цефтриаксон плаценталық бөгет арқылы өтеді. Цефтриаксонды жүкті әйелдерге қолдану бойынша деректер шектеулі. Жануарларға жүргізілген зерттеулер эмбрионға/ұрыққа, пери-және постнатальді дамуға тікелей немесе жанама зиянды әсер етуді растамайды. Жүктілік кезінде, әсіресе І триместрде, цефтриаксонды пайда қауіптен асып кетсе ғана қолдануға болады. Емшек емізу. Цефтриаксон емшек сүтіне төмен концентрацияларда өтеді, бірақ дәрілік затты емдік дозаларда қолданғанда емшектегі сәбилерге ешқандай әсер етпейді. Алайда, диарея мен шырышты қабықтың зеңдік инфекциясы қаупін жоққа шығаруға болмайды. Сенсибилизация мүмкіндігін ескеру қажет. Емшек емізуді тоқтату немесе цефтриаксонды қолданудан бас тарту туралы шешімді бала үшін емшек емізудің пайдасын және әйел үшін терапияның пайдасын ескере отырып қабылдау қажет. Фертильділік. Репродуктивті функцияны зерттеуде еркектердің немесе әйелдердің фертильділігіне жағымсыз әсер ету белгілері анықталған жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері. Цефтриаксонмен емдеу кезінде бас айналуы сияқты жағымсыз реакциялар туындауы мүмкін, бұл көлік құралдарын басқару немесе механизмдермен жұмыс істеу қабілетіне әсер етуі мүмкін. Пациенттер автокөлікті немесе басқа механизмдерді басқару кезінде абай болу керек.

Құтыдағы Цефтриаксон-Виста препаратын қалпына келтіру үшін немесе вена ішіне енгізуге арналған қалпына келтірілген ерітіндіні одан әрі сұйылту үшін Рингер ерітіндісі немесе Хартман ерітіндісі сияқты құрамында кальций бар еріткіштерді пайдалануға болмайды, өйткені преципитат түзілуі мүмкін. Цефтриаксонның кальций тұзының преципитаттары цефтриаксонды бір инфузиялық жүйеде кальций бар ерітінділермен араластыру кезінде де түзілуі мүмкін. Цефтриаксонды құрамында кальций бар вена ішіне енгізуге арналған ерітінділермен, оның ішінде Y-тәрізді жүйенің көмегімен парентеральді қоректендіруге арналған ерітінділер сияқты ұзақ инфузияға арналған кальций бар ерітінділермен бір мезгілде енгізуге болмайды. Алайда, нәрестелерден басқа пациенттерге, цефтриаксон мен құрамында кальций бар ерітінділерді, егер инфузия арасында үйлесімді сұйықтықпен мұқият жуылса, бірінен соң бірі жүйелі түрде енгізуге болады. Ересектер мен нәрестелердің кіндік қан плазмасын пайдалана отырып in vitro зерттеулерінде нәрестелерге цефтриаксонның кальций тұзы преципитаттарының түзілу қаупі жоғары екені көрсетілген. Препаратты пероральді антикоагулянттармен бірге қолдану К дәрумені антагонистінің әсерін және қан кету қаупін күшейтуі мүмкін. Халықаралық қалыптасқан қатынасты жиі тексеру және цефтриаксонмен емдеу кезінде де, одан кейін де К дәрумені антагонистінің дозасын тиісті түрде түзету ұсынылады. Цефалоспориндермен бірге қолданғанда аминогликозидтердің бүйрекке уытты әсерінің потенциалды күшеюіне қатысты қарама-қайшы деректер бар. Мұндай жағдайларда клиникалық практикада аминогликозидтер (және бүйрек функциясы) деңгейін мониторингілеу жөніндегі нұсқауларды мұқият ұстанған жөн. Хлорамфениколды цефтриаксонмен біріктіріп қолданған кезде in vitro зерттеуде антагонистік әсерлер байқалды. Бұл деректердің клиникалық маңыздылығы белгісіз. Пероральді қолдануға арналған цефтриаксон мен құрамында кальций бар препараттар арасында өзара әрекеттесу немесе бұлшықет ішіне енгізу үшін цефтриаксон мен құрамында кальций бар препараттар арасында өзара әрекеттесу жағдайлары тіркелген жоқ (венаішілік немесе пероральді қолдану үшін). Цефтриаксонды қабылдайтын пациенттерде Кумбс тестінің жалған оң нәтижелері болуы мүмкін. Цефтриаксон, басқа антибиотиктер сияқты, галактоземияға жалған оң талдау нәтижелерін тудыруы мүмкін. Сол сияқты, несептегі глюкозаны ферменттік емес әдістермен анықтаған кезде нәтижелер жалған оң болуы мүмкін. Осы себепті цефтриаксонды қолдану кезеңінде ферменттік әдістердің көмегімен несептегі глюкоза деңгейін анықтау керек. Цефтриаксон мен күшті диуретиктердің (мысалы, фуросемид) үлкен дозаларын бірге қолданғаннан кейін бүйрек функциясының бұзылуы байқалмады. Пробенецидті бір мезгілде қолдану цефтриаксонның шығарылуын төмендетпейді.

Сақтау мерзімі 3 жыл. Дайындалған ерітіндіні дереу қолданыңыз. Жарамдылық мерзімі өткеннен кейін қолдануға болмайды. Сақтау шарттары 30°C-ден төмен температурада сақтау керек. Балалардың қолы жетпейтін жерде сақтау керек. Дәріханалардан босату шарттары Рецепт арқылы.