Цефуроксим порошок 750 мг

Бір құтының ішінде белсенді зат – 750.0 мг және 1500.0 мг натрий цефуроксимі (цефуроксимге шаққанда) Сыртқы түрінің, иісінің, дәмінің сипаттамасы Құтының ішіндегісі – ақтан ақ-сары түске немесе ақшыл-сары түске дейінгі, сәл гигроскопиялы ұнтақ.

Цефуроксим ересектерде және балаларда, соның ішінде жаңа туған нәрестелерде төменде берілген инфекцияларды емдеу үшін қолданылады: • ауруханадан тыс пневмония • созылмалы бронхиттің жедел өршуі • несеп шығару жолдарының асқынған инфекциялары, пиелонефритті қоса • жұмсақ тіндердің инфекциялары: теріасты шелмайының қабынуы (целлюлит), тілме қабыну және жара инфекциялары • құрсақішілік инфекциялар • асқазан-ішек жолына (өңешті қоса) операцияларда, ортопедиялық операцияларда, жүрекке, қантамырларға операцияларда және гинекологиялық операцияларда (кесар тілігін қоса) инфекциялық асқынулардың профилактикасы үшін. Анаэробты организмдер болуы мүмкін жердегі инфекцияларды емдегенде және профилактика жүргізгенде бактерияларға қарсы тиісті қосымша дәрілермен бірге Цефуроксим енгізу керек. Бактерияларға қарсы дәрілерді ұтымды пайдалану жөніндегі ресми нұсқауларды ескеру қажет.

Әсер ету мeханизмі Цефуроксим пенициллин-байланыстыратын ақуыздарға (PBP) бекігеннен кейін бактериялардың жасушалық қабырғалардың синтезін басады. Бұл жасушалық қабырғалар биосинтезінің (пептидогликанның) бұзылуына әкеледі, ол бактериялардың жасушаларының лизисіне және құруына әкеп соғады. Резистенттіліктің түзілу механизмі Бактериялардың цефуроксимге резистенттілігі келесі механизмдердің біреуімен немесе бірнешеуімен байланысты болуы мүмкін: • бета-лактамазалар, соның ішінде кең ауқымды бета-лактамазалар (ESBL), карбапенемаза және Amp-C ферменттерінің гидролизі, олар бактериялардың белгілі бір аэробты грамтеріс түрлерінде индукциялануы немесе тұрақты түрде басылуы мүмкін. • цефуроксим үшін пенициллин-байланыстыратын ақуыздардың аффинділігі төмен • грамтеріс микроорганизмдерде сыртқы жарғақшаның өткізбеушілігі • бактериялық эффлюкстік сорғылар Басқа инъекциялық цефалоспориндерге резистенттілікті иеленген организмдер цефуроксимге де резистентті болады деп күтіледі. Резистенттілік механизміне байланысты пенициллиндерге жүре пайда болған резистенттілігі бар микроорганизмдер цефуроксимге сезімталдығының төмендігін және резистенттілігін көрсетуі мүмкін. Шекаралық мәндері Микробтарға қарсы сезімталдықты тестілеу жөніндегі Еуропалық комитет (EUCAST) анықтаған ең төмен тежегіш концентрацияның (ЕТТК) бақыланатын нүктелері мыналар болып табылады: Патогендік микроорганизм — Сұйылту тестісі (MIC, мг/л) Сезімтал — Резистентті Enterobacteriaceae1 — ≤82 — >8 Staphylococcus spp. — ескерту3 — ескерту3 Streptococcus A, B, C және G — ескерту4 — ескерту4 Streptococcus pneumoniae — ≤0.5 — >1 Streptococcus (басқалары) — ≤0.5 — >0.5 Haemophilus influenzae — ≤1 — >2 Moraxella catarrhalis — ≤4 — >8 Бактериялардың нақты түрлерімен байланысты шектік мәндер1 — ≤45 — >85 1 Enterobacteriaceae үшін цефалоспориндердің шектік мәндері резистенттіліктің клиникалық тұрғыдақ маңызды барлық механизмдерін (БЛКРС және плазмидтер арқылы AmpC қоса) анықтауға мүмкіндік береді. Бета-лактамазаны өндіретін кейбір штаммдардың 3-ші немесе 4-ші буынды цефалоспориндерге сезімталдығы немесе аралық сезімталдығы бар және табылуына қарай мәлімделуі тиіс, яғни БЛКС бар немесе жоқтығы сезімталдық санатын анықтауға өздігінен ықпал етпейді. Көптеген салаларда БЛКС табу және сипаттау ұсынылады немесе инфекцияларды бақылау мақсатында міндетті болып табылады. 2 Шектік мәндер 1500 мг×3 дозалауға және E.coli, P. mirabilis және Klebsiella spp. қатысты. 3 Стафилококктердің цефалоспориндерге сезімталдығы туралы қорытынды шектік мәндері жоқ және стафилококктік инфекцияларда қолданылмауы тиіс цефтазидимді, цефиксимді және цефтибутенді қоспағанда, метициллинге сезімталдығына негізделеді. 4 Бета-лактамдарға бета-гемолиздік стрептококктердің А, В, С және G топтарының сезімталдығы туралы қорытынды пенициллинге сезімталдығына негізделеді. 5 Шектік мәндер күн сайын венаішілік 750 мг×3 және жоғары дозада, ең аз дегенде, 1500 мг×3 дозада қолданылады. Микробиологиялық сезімталдық Жүре пайда болған резистенттіліктің таралуында географиялық тұрғыдан және жекелеген түрлер үшін уақыты бойынша айырмашылықтары болуы мүмкін, сондықтан резистенттілігіне қатысты, әсіресе ауыр инфекцияларды емдеген кезде, жергілікті ақпарат дұрыс. Қажет болғанда, егер резистенттіліктің жергілікті таралуы препаратты ең аз дегенде инфекциялардың кейбір типтерінде талас тудыратын болса, сарапшылардан кеңес алуға бару керек. Цефуроксим әдетте келесі микроорганизмдерге in vitro белсенді. Сезімтал микроорганизмдер Грамоң аэробтар: Staphylococcus aureus (метициллин-сезімтал)* Streptococcus pyogenes Streptococcus agalactiae Грамтеріс аэробтар: Haemophilus parainfluenzae Moraxella catarrhalis Жүре пайда болған резистенттілігі бар болуы мүмкін микроорганизмдер Грамоң аэробтар: Streptococcus pneumoniae Streptococcus mitis (viridans тобы) Грамтеріс аэробтар: Citrobacter spp. (C. freundii қоспағанда) Enterobacter spp. (E. cloacae және E. аerogenes қоспағанда) Escherichia coli Haemophilus influenzae Klebsiella pneumoniae Proteus mirabilis Proteus spp. (P. penneri және P. vulgaris-тен басқа) Providencia spp. Salmonella spp. Грамоң анаэробтар: Peptostreptococcus spp. Propionibacterium spp. Грамтеріс анаэробтар: Fusobacterium spp. Bacteroides spp. Табиғи тұрақты микроорганизмдер Грамоң аэробтар: Enterococcus faecalis Enterococcus faecium Грамтеріс аэробтар: Acinetobacter spp. Burkholderia cepacia Campylobacter spp. Citrobacter freundii Enterobacter aerogenes Enterobacter cloacae Morganella morganii Proteus penneri Proteus vulgaris Pseudomonas aeruginosa Serratia marcescens Stenotrophomonas maltophilia Грамоң анаэробтар: Clostridium difficile Грамтеріс анаэробтар: Bacteroides fragilis Басқалары: Chlamydia spp. Mycoplasma spp. Legionella spp. *Барлық метициллин-резистентті S. aureus цефуроксимге резистентті. Іn vitro жағдайларында натрий цефуроксимін және аминогликозидтерді бірге қолданғанда аддитивтік әсер анықталды.

Дозалану режимі 1-кесте. Ересектер және дене салмағы 40 кг балалар Қолданылуы — Дозалануы Ауруханадан тыс пневмония және созылмалы бронхиттің өршуі — Әрбір 8 сағат сайын 750 мг (вена ішіне немесе бұлшықет ішіне) Жұмсақ тіндердің инфекциялары: целлюлит, тілме қабыну және жара инфекциялары. Құрсақішілік инфекциялар Несеп шығару жолдарының асқынған инфекциялары, пиелонефритті қоса — Әрбір 8 сағат сайын 1500 мг (вена ішіне немесе бұлшықет ішіне) Ауыр инфекциялар — Әрбір 6 сағат сайын 750 мг (вена ішіне) Әрбір 8 сағат сайын 1500 мг (вена ішіне) Асқазан-ішек жолының операцияларында, гинекологиялық операцияларда (кесар тілігін қоса) және ортопедиялық операцияларда профилактика үшін. — Анестезия индукциясымен 1500 мг. 8 сағат және 16 сағаттан кейін 750 мг-ден екі дозамен (бұлшықет ішіне) толықтыруға болады Жүрек-қантамыр операцияларында және өңешке операциялардың профилактикасында — Анестезия индукциясымен 1500 мг, кейіннен келесі 24 сағат ішінде әрбір 8 сағат сайын 750 мг бұлшықет ішіне енгізуге ұласады Пациенттердің ерекше топтары Балалар 2-кесте. Салмағы < 40 кг балалар 3 апталықтан асқан сәбилер мен балалар және салмағы < 40 кг балалар — Нәрестелер (туғаннан 3 апталыққа дейінгі) Ауруханадан тыс пневмония — 3 немесе 4-ке бөлінген дозалар түрінде енгізілетін (вена ішіне) күніне 30-дан 100 мг/кг дейінгі доза; күніне 60 мг/кг доза көптеген инфекцияларға қолдануға жарамды — 2 немесе 3-ке бөлінген дозалар түрінде енгізілетін (вена ішіне) күніне 30-дан 100 мг/кг дейінгі доза Несеп шығару жолдарының асқынған инфекциялары, пиелонефритті қоса Жұмсақ тіндердің инфекцииялары: целлюлит, тілме қабыну және жара инфекциялары Құрсақішілік инфекциялар Бүйрек жеткіліксіздігі бар пациенттер Цефуроксим организмнен негізінен бүйрек арқылы шығарылады. Демек, бүйрек функциясы айқын бұзылған пациенттерде Цефуроксим препаратының дозасын, оның өте баяу шығарылуының орнын толтыру үшін, төмендету ұсынылады. 3-кесте. Бүйрек жеткіліксіздігі кезінде ұсынылатын Цефуроксим дозалары Креатинин клиренсі — T1/2 (сағ) — Доза (мг) > 20 мл/мин/1,73 м2 — 1,7-2,6 — Препараттың стандартты дозасын төмендетудің қажеттігі жоқ (тәулігіне 3 рет 750 мг-1500 мг) 10-20 мл/мин/1,73 м2 — 4,3-6,5 — Күніне екі рет 750 мг < 10 мл/мин/1,73 м2 — 14,8-22,3 — Күніне бір рет 750 мг Гемодиализдегі пациенттер — 3,75 — Әрбір диализ сеансының соңында вена ішіне немесе бұлшықет ішіне 750 мг-ге тең қосымша доза енгізу қажет; натрий цефуроксимін парентералды түрде енгізуге қосымша перитонеалдық диализге арналған ерітіндіні қосуға болады (әдетте диализге арналған әрбір 2 л ерітіндіге 250 мг). Қарқынды емдеу бөлімінде үздіксіз артериовеналық гемодиализ (CAVH) немесе жылдамдығы жоғары гемофильтрация (HF) қабылдап жатқан, бүйрек функциясының жеткіліксіздігі бар пациенттер — 7,9–12,6 (CAVH) 1,6 (HF) — Күніне екі рет 750 мг; егер жылдамдығы төмен гемофильтрация пайдаланылса, онда бүйрек функциясы бұзылған пациенттер үшін ұсынылатын доза қолданылады Бауыр жеткіліксіздігі бар пациенттер Цефуроксим ең алдымен бүйрек арқылы жойылатындықтан, бауыр дисфункциясының цефуроксимнің фармакокинетикасына ықпал етуі күтілмейді. Енгізу әдісі және жолы Цефуроксим венаға тікелей 3-5 минут ішінде венаішілік инъекция жолымен немесе 30-60 минут ішінде инфузиялық жүйеге, немесе бұлшықетішілік терең инъекция жолымен қолданылуы тиіс. Бұлшықетішілік инъекциялар салыстырмалы түрде ірі бұлшықет массасына және енгізілетін бір жерге 750 мг-ден асырмай жүргізілуі тиіс. 1500 мг-ден жоғары дозаларды вена ішіне енгізу қажет. 4-кесте. Ерітіндіні дайындау жөніндегі нұсқаулық Доза — Енгізу тәсілі — Сұйылтқаннан кейінгі препарат — Инъекция үшін қосылған судың мөлшері (мл) — Цефуроксимнің шамамен алғандағы концентрация-сы (мг/мл) ** 750 мг цефуроксим ұнтағы — бұлшықет ішіне — суспензия — 3 мл — 216 вена ішіне болюсті — ерітінді — 6 мл — 116 вена ішіне инфузиялы — ерітінді — 6 мл* — 116 1500 мг цефуроксим ұнтағы — бұлшықет ішіне — суспензия — 6 мл — 216 вена ішіне болюсті — ерітінді — 15 мл — 94 вена ішіне инфузиялы — ерітінді — 15 мл* — 94 * Қалпына келтірілген ерітінді 50 мл немесе 100 мл үйлесімді инфузиялық ерітіндіге қосылуы тиіс. ** Нәтижесінде цефуроксим ерітіндісінің қалпына келтірілген ортадағы көлемі дәрілік затты ығыстыру факторының есебінен артады, бұл көрсетілген мг/мл концентрацияларға әкеледі. Үйлесімділік Натрий цефуроксимінің (инъекцияға арналған 15 мл судағы 1500 мг) қалпына келтірілген ерітіндісін және метронидазолды (500 мг/100 мл) араластырғанда екі компонент те өзінің белсенділігін 25°С-ден аспайтын температурада 24 сағатқа дейін сақтайды. 1500 мг доза натрий цефуроксимі азлоциллин (15 мл-де 1 г немесе 50 мл-де 5 г) ерітіндісімен үйлеседі; екі компонент те өзінің белсенділігін 4°С-ге жуық температурада 24 сағатқа дейін немесе 25°С-ден аспайтын температурада 6 сағатқа дейін сақтайды. 5% немесе 10% ксилитол ерітіндісіндегі дәрілік заттың ерітіндісі (5 мг/мл) 25°С-ден аспайтын температурада 24 сағатқа дейін сақталуы мүмкін. Натрий цефуроксимі құрамында 1%-ға дейін лидокаин гидрохлориді бар сулы ерітінділермен үйлеседі. Натрий цефуроксимі келесі инфузиялық ерітінділермен үйлеседі және бөлме температурасында өзінің белсенділігін 24 сағат бойы сақтайды: 0,9% натрий хлоридінің ерітіндісі, инъекцияға арналған 5% декстроза ерітіндісі, 0,18% натрий хлоридінің ерітіндісі және инъекцияға арналған 4% декстроза ерітіндісі, 5% декстроза ерітіндісі және инъекцияға арналған 0,9% натрий хлоридінің ерітіндісі, 5% декстроза ерітіндісі және инъекцияға арналған 0,45% натрий хлоридінің ерітіндісі, 5% декстроза ерітіндісі және инъекцияға арналған 0,225% натрий хлоридінің ерітіндісі, инъекцияға арналған 10% декстроза ерітіндісі, инъекцияға арналған судағы 10% инвертті қант ерітіндісі, Рингер ерітіндісі, Рингер лактаты ерітіндісі, М/6 натрий лактаты ерітіндісі инъекцияға арналған натрий лактатының ерітіндісі (Хартман ерітіндісі). 0,9% натрий хлориді ерітіндісіндегі және 5% декстроза ерітіндісіндегі натрий цефуроксимінің тұрақтылығы натрий фосфаты гидрокортизонының қатысуымен бұзылмайды. Натрий цефуроксимі венаішілік инфузия түрінде енгізгенде бөлме температурасында келесі ерітінділермен үйлеседі және 24 сағат бойы тұрақты болады: инъекцияға арналған 0,9% натрий хлоридінің ерітіндісіндегі гепарин (10 және 50 ӘБ/мл); инъекцияға арналған 0,9% натрий хлоридінің ерітіндісіндегі калий хлориді (10 мЭк/л және 40 мЭк/л). Цефуроксим өте жиі пайдаланылатын венаішілік сұйықтықтармен және электролиттер ерітінділерімен үйлеседі. Инъекцияға арналған 2,74% натрий бикарбонатының ерітіндісінің рН шамасы ерітіндінің түсіне едәуір ықпалын тигізеді және, демек, бұл ерітінді натрий цефуроксимін еріту үшін ұсынылмайды. Дегенмен, натрий бикарбонатымен инъекция қабылдап жүрген пациенттер үшін қажет болған жағдайда, цефуроксим венаішілік инфузия жолымен енгізілуі мүмкін. Цефуроксимді бір шприцте аминогликозидтермен бірге араластыруға болмайды. Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну жөнінде нұсқаулар Дәрілік препаратты қолданбас бұрын кеңес алу үшін дәрігерге жүгініңіз.

• әсер етуші зат натрий цефуроксиміне немесе қосымша заттардың кез келгеніне аса жоғары сезімталдық • цефалоспоринді антибиотиктерге белгілі аса жоғары сезімталдығы бар пациенттер • анамнезінде басқа бета-лактамды антибиотиктерге (пенициллиндерге, карбапенемдерге және монобактамдарға) аса жоғары сезімталдықтың ауыр реакцияларының (мысалы, анафилаксиялық реакция) болуы Лидокаинде сұйылтылған цефуроксимді келесі жағдайларда қолдануға болмайды: • бұрын лидокаинге немесе басқа да жергілікті амидтік анестетиктерге байқалған жоғары сезімталдық • жүрек ырғағының белгіленген тасымалдаушысынсыз атриовентрикулялық блокадасы бар пациенттерге • жүректің ауыр жеткіліксіздігі • вена ішіне енгізу • 15 жасқа дейінгі немесе дене салмағы 50 кг-ден азырақ балаларға Сондай-ақ лидокаинді медициналық қолдану жөніндегі нұсқаулықта бар ақпаратты, әсіресе қолдануға болмайтын жағдайларды ескеру керек.

Жиілігі көбірек жағымсыз реакциялар, атап айтқанда, анамнезінде бауыр аурулары бар пациенттердегі нейтропения, эозинофилия, бауыр ферменттері және билирубин белсенділігінің өткінші жоғарылауы болып табылады, ал сол кезде бауыр ауруын айғақтайтын басқа да симптомдар және енгізген жерде реакциялар білінбейді. Төменде берілген жағымсыз реакциялар жиілігінің санаттары, көптеген жағымсыз реакциялар жиілігін есептеу үшін жеткілікті деректер алынбағандықтан, шамамен берілгендер болып табылады. Бұдан басқа, натрий цефуроксимін қолданған кезде жағымсыз реакциялардың жиілігі көрсеткіштерге байланысты өзгеріп отыруы мүмкін. Жиі • нейтропения • эозинофилия • гемоглобин деңгейінің төмендеуі • бауыр ферменттерінің қысқа мерзімді жоғарылауы • енгізген жердегі реакциялар, олар ауырсынуды және тромбофлебитті қамтуы мүмкін Жиі емес • лейкопения • жалған оң Кумбс сынамасы • асқазан-ішек аурулары • билирубин деңгейінің қысқа мерзімді жоғарылауы • тері бөртпесі • есекжем • қышыну Белгісіз (қолда бар деректер негізінде баға беру мүмкін емес) • Candida шамадан тыс өсуі, Clostridium difficile шамадан тыс өсуі • тромбоцитопения • гемолиздік анемия • тері васкулиті • анафилаксия • интерстициялық нефрит • дәрілік этиологиясы бар қызба • жалған жарғақшалы колит • экссудативті мультиформалы эритема • Стивенс-Джонсон синдромы • уытты эпидермалық некролиз • ангионевроздық ісіну • креатинин деңгейінің жоғарылауы • мочевина азоты және креатинин клиренсінің төмендеуі • Коунис синдромы • эозинофилиясы және жүйелік симптомдары (DRESS) бар дәрілік реакция Жекелеген жағымсыз реакциялардың сипаттамасы Цефалоспориндердің эритроциттер жарғақшасының бетіне сіңу және дәрілік заттарға қарсы бағытталған антиденелермен реакцияға түсу үрдісі бар, бұл Кумбс сынамасының жалған оң нәтижелеріне (ол қанның үйлесімділігіне айқаспалы сынамаға ықпалын тигізуі мүмкін) және өте сирек – гемолиздік анемияға әкелуі мүмкін. Сарысуда бауыр ферменттерінің немесе билирубиннің транзиторлық жоғарылауы байқалды, олар, әдеттегідей, қайтымды. Бұлшықетішілік инъекция жасалған жердің ауыруы көбіне өте жоғары дозаларды енгізген кезде болады. Алайда бұл емдеуді тоқтатуға негіз болып табылмайды. Балалар Натрий цефуроксимінің жағымсыз реакцияларының балалардағы бейіні ересектердегі бейінге сәйкес келеді. Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану энцефалопатияны, құрысуларды және команы қоса, неврологиялық бұзылуларға әкелуі мүмкін. Артық дозалану симптомдары бүйрек жеткіліксіздігі бар пациенттерде дозаны түзету режимін сақтамағанда туындауы мүмкін. Емі Қан сарысуындағы цефуроксимнің концентрациясын диазепамның немесе перитонеалдық диализдің көмегімен төмендетуге болады. Дәрілік препараттың бір немесе бірнеше дозаларын өткізіп алған кездегі қажетті шаралар Ұмытып өткізіп алған дозаның орнын толтыру үшін қосарлы доза қабылдамаңыз. Тоқтату симптомы қаупінің болуына көрсетілім Қатысты емес

Аса жоғары сезімталдық реакциялары Барлық бета-лактамдық бактерияға қарсы дәрілерді қолданғандағы сияқты, аса жоғары сезімталдықтың күрделі, ал кейде өлімге әкелетін реакциялары туралы хабарланды. Коунис синдромына (миокард инфарктісіне әкелуі мүмкін жедел аллергиялық коронарлық артериоспазм) дейін үдеген аса жоғары сезімталдықтың реакциялары туралы хабарламалар болды. Ауыр аса жоғары сезімталдық реакциялары жағдайында цефуроксиммен емдеу дереу тоқтатылуы тиіс және талапқа сай шұғыл шараларды бастау керек. Терінің күрделі жағымсыз реакциялары (SCARS) Терінің күрделі жағымсыз реакциялары, соның ішінде Стивенс-Джонсон синдромы (SJS), уытты эпидермалық некролиз (TEN) және эозинофилиямен және цефуроксиммен емдеуге байланысты (емдеудегі) өмір үшін қауіпті немесе өлімге әкелуі ықтимал жүйелік симптомдары (DRESS) бар дәрілік реакция туралы хабарланды . Препаратты тағайындау кезінде пациенттер тері реакцияларының белгілері мен симптомдары туралы хабардар болуы және мұқият бақылауда болуы тиіс. Осы реакцияларды көрсететін белгілер мен симптомдар пайда болған жағдайда, цефуроксимді дереу тоқтату керек және балама емдеу мүмкіндігін қарастырған жөн. Егер цефуроксимді қолдану кезінде пациентте SJS, TEN немесе DRESS сияқты күрделі реакциялар дамыса, бұл пациентте цефуроксиммен емдеуді ешбір жағдайда жаңғыртуға болмайды. Препаратты тағайындар алдында анамнезінде Цефуроксимге, басқа цефалоспориндерге немесе басқа бета-лактамдық антибиотиктерге аса жоғары сезімталдықтың ауыр реакцияларының бар-жоқтығын анықтау керек. Диуретиктермен немесе аминогликозидтермен қатарлас ем Цефалоспориндер тобының антибиотиктерінің жоғары дозалары фуросемид сияқты диуретиктермен немесе аминогликозидтермен қатар жүретін ем қабылдап жүрген пациенттерге сақтықпен тағайындалуы тиіс, өйткені мұндай біріктірілімдерді қолданған кезде бүйрек жеткіліксіздігі жағдайлары білінді. Осының салдарынан препараттардың осындай біріктірілімін қолданғанда, әсіресе егде жастағы пациенттерде және анамнезінде бүйрек аурулары бар пациенттерде, бүйрек функциясын бақылау қажет. Сезімтал емес микроорганизмдердің шамадан тыс өсуі Цефуроксим препаратын қолдану Candida-ның шамадан тыс өсуіне әкелуі мүмкін. Ұзақ қолдану басқа да сезімтал емес микроорганизмдердің (мысалы, энтерококктердің және Clostridium difficile) шамадан тыс өсуіне әкелуі мүмкін, бұл препаратты тоқтатуды қажет етуі мүмкін. Цефуроксимді қолдануға байланысты жалған жарғақшалы колит туралы мәлімдемелер бар. Ол ауырлығы жеңіл дәрежеден өмірге қауіп төндіретін жағдайларға дейін өзгеруі мүмкін. Бұл диагнозға Цефуроксим препаратымен емдеу барысында немесе одан кейін сұйық нәжіс пайда болатын пациенттерде күдіктенген жөн. Мұндай жағдайларда Цефуроксим препаратымен емдеуді тоқтату және Clostridium difficile қарсы тиімді спецификалық препараттарды тағайындау керек. Перистальтиканы басатын дәрілік препараттарды пайдалануға болмайды. Камераішілік пайдалану және көрудің бұзылуы Цефуроксим камера ішіне пайдалануға арналмаған. Көздің күрделі жағымсыз реакцияларының жекелеген және топтық жағдайлары құтылардағы вена ішіне/бұлшықет ішіне енгізу үшін мақұлданған камераішілік бекітілмеген натрий цефуроксимін пайдаланудан кейін тіркелді. Бұл реакциялар сары дақтың ісінуін, торқабықтың ісінуін, торқабықтың қабыршақтануын, торқабықтың уыттануын, көрудің нашарлауын, көру жітілігінің төмендеуін, мөлдір қабықтың мөлдір болмауын және мөлдір қабықтың ісінуін қамтыды. Құрсақішілік инфекциялар Белсенділігінің ауқымын ескерсек, цефуроксим грамтеріс бактериялардың жекелеген түрлерінен туындаған инфекцияларды емдеуге жарамайды. Диагностикалық тестілердің нәтижелеріне ықпалы Цефуроксим препаратын қолдануға байланысты Кумбс сынамасының оң нәтижесі қан құйған кездегі үйлесімділігіне жүргізілген айқаспалы сынама нәтижесіне ықпалын тигізуі мүмкін. Мыс редукциясының зертханалық диагностикасының әдістерін (Бенедикт, Фелинг, «Clinitest» сынамалары) пайдаланғанда аздаған ауытқулары болуы мүмкін. Бұл кейбір басқа цефалоспориндерді қолданған кезде білінуі мүмкін жалған оң нәтижелерге әкелмейді. Цефуроксим препаратын қабылдап жүрген пациенттерде қандағы/плазмадағы глюкоза деңгейлерін анықтағанда глюкооксидаза немесе гексокиназа тестілерін пайдалану ұсынылады, өйткені феррицианидтік тест жалғантеріс нәтижелер беруі мүмкін.

Жүкті әйелдерге цефуроксимді қолдану туралы шектеулі ғана деректер алынды. Жануарларға жүргізілген зерттеулер репродуктивті уыттылықты анықтаған жоқ. Цефуроксимді жүкті әйелдерге, егер ана үшін потенциалды пайдасы шарана үшін потенциалды қаупінен басым болса ғана тағайындау керек. Анасына дозаны бұлшықетішілік немесе венаішілік енгізуден кейін цефуроксим плацента арқылы өтеді және кағанақ сұйықтығында және кіндік қанында емдік деңгейге жетеді. Цефуроксим ана сүтіне аздаған мөлшерде бөлініп шығады. Диареяны және шырышты қабықтарда зең инфекцияларының қаупін жоққа шығару мүмкін болмаса да, емдік дозаларда қабылдаған кезде жағымсыз реакциялардың пайда болуы күтілмейді. Нәресте үшін емшек емудің пайдасына және әйел үшін емдеудің пайдасына назар аудара отырып, бала емізуді тоқтатуға немесе цефуроксиммен емдеуді тоқтатуға/бас тарта тұруға қатысты шешім қабылдау қажет. Натрий цефуроксимінің фертильділікке ықпалы туралы деректер алынған жоқ. Жануарларға жүргізілген тұқым өрбіту зерттеулер цефуроксимнің фертильділікке әсерін анықтаған жоқ. Көлік құралдарын немесе қауіптілігі зор механизмдерді басқару қабілетіне препараттың ықпал ету ерекшеліктері Көлік құралдарын және басқа да механизмдерді басқару қабілетіне цефуроксимнің ықпалы жөнінде зерттеулер жүргізілген жоқ. Алайда, цефуроксимнің жағымсыз реакцияларының бейінін ескерер болсақ, көлік құралдарын және басқа да механизмдерді басқаруға оның ықпал етуінің ықтималдығы аз болады.

Цефуроксим ішек флорасына ықпалын тигізуі мүмкін, бұл эстрогендер реабсорбциясының азаюына және біріктірілген пероральді контрацептивтер тиімділігінің төмендеуіне әкеледі. Цефуроксим шумақтық сүзілу және өзекшелік секреция жолымен шығарылады. Пробенецидпен бір мезгілде қолдану ұсынылмайды. Пробенецидпен бір мезгілде қабылдау антибиотиктің шығарылуын ұзартады және сарысудағы ең жоғары шектегі деңгейді арттырады. Потенциалды нефроуытты препараттар және ілмектік диуретиктер Цефалоспориндермен бірге жоғары дозаланған препараттар ілмектік диуретиктерді (фуросемид сияқты) немесе потенциалды нефроуытты препараттарды (аминогликозидтік антибиотиктер) қабылдап жүрген пациенттерге қатысты сақтықпен тағайындалуы керек, өйткені мұндай біріктірілімдерді қолданған кезде бүйрек функциясының бұзылуын жоққа шығаруға болмайды. Басқа өзара әрекеттесулер Цефуроксим препараты глюкозурияны анықтауға қатысты, ферменттік әдістерге негізделген, тестілерге ықпалын тигізбейді. Пероральді антикоагулянттармен бірге пайдалану халықаралық қалыптасқан қатынастың (ХҚҚ) артуына әкелуі мүмкін.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!