Цефяпс порошок 750 мг

Бір құтының ішінде белсенді зат – 789 мг натрий цефуроксимі (750.0мг цефуроксимге баламалы), қосымша зат - жоқ. Сыртқы түрінің иісінің, дәмінің сипаттамасы Ақ немесе ақ дерлік түсті ұнтақ.

Ересектерде және балаларда, соның ішінде жаңа туған нәрестелерде төменде берілген ауруларды емдеу үшін: - өкпенің қабынуы - созылмалы бронхиттің өршуі - пиелонефритті қоса, несеп шығару жолдарының асқынған аурулары - терінің және жұмсақ тіндердің инфекциялары: теріасты шел майының қабынуы (целлюлит), тілмелі қабыну және жарақат инфекциялары - құрсақішілік инфекциялар - асқазан-ішек жолына (өңештегі операцияларды қоса), сүйектер мен буындарға, жүрек-қантамыр жүйелері ағзаларына операция кезіндегі, акушерлік және гинекологиялық операцияларда (кесарь тілігін қоса) инфекциялық асқынулар профилактикасы үшін. Қажет болған жағдайда, дәрігер Цефяпс препаратын басқа да бактерияға қарсы препаратпен біріктіріп тағайындауы мүмкін.

Әсер ету механизмі Цефяпс - ІІ буынның цефалоспоринді антибиотигі. Бактерицидтік әсері бактериялық транспептидазалармен, немесе пенициллинмен байланыстыратын ақуыздармен (ПБА) өзара әрекеттесуімен, жасушалық қабырғаның пептидогликандар ситезінің бұзылуымен жүзеге асырылады, соның нәтижесінде бактериялық жасушалардың лизисі және өлуі орын алады. Төзімділік механизмдері Цефуроксимге төзімділіктің дамуының бірнеше механизмдері бар: - кең ауқымды (КАБЛ) бета-лактамазаларды және кейбір аэробты грамтеріс бактерияларда индукциялануы немесе тұрақты басылуы мүмкін цАМФ ферменттерін қоса (бірақ олармен шектелмей) бета-лактамаздармен гидролиз - пенициллинмен байланыстыратын ақуыздарға цефураксим тектестігінің төмендеуі - цефуроксимнің пенициллинмен байланыстыратын ақуыздармен байланысуына кедергі жасайтын грамтеріс бактериялардың сыртқы жарғақшаларының өткізбеушілігі - микроб жасушаларынан антибиотиктің белсенді түрде шығарылуы (эффлюкс-сорғы). Инъекциялық басқа цефалоспориндерге жүре келе пайда болған төзімділігі бар микроорганизмдер цефуроксимге төзімді болуы мүмкін. Төзімділіктің даму механизміне байланысты, пенициллиндерге жүре келе пайда болған төзімділігі бар микроорганизмдер цефуроксимге төмен сезімталдық немесе төзімділік көрсетуі мүмкін. Шектік мәндер Төменде, кестеде антибиотиктерге сезімталдықты анықтау бойынша Еуропалық комитет қабылдаған әртүрлі бактериялық патогендерге қатысты цефуроксимнің ең төменгі тежегіш концентрациясының (ЕТТК) шекті мәндері келтірілген (European Committee for Antimicrobial Susceptibility Testing-EUCAST): Микроорганизмдер — ЕТТК, сұйылту әдісімен анықталған (мг/л) Сезімтал — Төзімді Enterobacteriaceae1 — ≤ 82 — > 8 Staphylococcus spp. — Ескертпе3 — Ескертпе 3 Streptococcus spp. (A, B, C және G топтары) — Ескертпе 4 — Ескертпе 4 Streptococcus pneumoniae — ≤ 0.5 — > 1 Streptococcus (басқалар) — ≤0.5 — >0.5 Haemophilus influenzae — ≤ 1 — > 2 Moraxella catarrhalis — ≤ 4 — > 8 Kingella kingae — ≤ 0.5 — >0.5 Спецификалық емес шектік мәндері — ≤ 45 — > 85 1 Цефалоспориндердің Enterobacteriaceae қатысты шектік мәндері тұрақтылықтың барлық клиникалық маңызды механизмдерін анықтайды (ауқымы кең бета-лактамазаны (АҚБЛ) және плазмидтермен кодталатын Amp-С бета-лактамазаны қоса). Бета-лактамазаны өндіріп шығаратын кейбір штаммдар III немесе IV буынды цефалоспориндерге сезімтал немесе шектік мәндердің деректері шегінде аралық сезімталдыққа ие, және біліну шамасына қарай бұларды мәлімдеген жөн. Яғни АҚБЛ болуы немесе болмауы сезімталдықтың санаттарына өздігінен ықпал етпейді. Көптеген елдерде инфекциялық бақылау мақсатында АҚБЛ-ді анықтау және типтеу ұсынылады, кейбір елдерде міндетті процедура болып табылады. 2 Шектік мәндер цефуроксимді тәулігіне 3 рет 1,5 г доза және E. coli, P. mirabilis және Klebsiella spp. үшін ғана қолдануға келеді. 3Стафилококктардың цефалоспориндерге сезімталдығы қоздырғыштардың, сезімталдық шектік мәндері жоқ және стафилококк инфекцияларында қолданылмайтын цефтазидимді, цефтазидим-авибактамды, цефиксимді және цефтибутенді, цефтолозан-тазобактамды қоспағанда, цефокситинге сезімталдығына байланысты. 4 A, B, C және G топтарына жататын стероптококктардың цефалоспориндерге сезімталдығы олардың бензилпенициллинге сезімталдығына байланысты. 5 Шектік мәндер цефуроксимді тәулігіне 3 рет 0,75 г- 1,5 г дозаларда вена ішіне енгізу үшін қолдануға келеді. Микробиологиялық сезімталдық Цефуроксимге бактериялардың жүре келе туындаған төзімділігінің таралуы аймаққа байланысты және уақыт өте өзгереді, микроорганизмдердің белгілі бір түрлерінде төзімділік өте жоғары болуы мүмкін. Әсіресе ауыр инфекцияларды емдеген кезде сезімталдық жөнінде жергілікті деректердің болғаны дұрыс. Қажет болған жағдайда, төзімділіктің жергілікті таралуы белгілі болған кезде және агенттің пайдалылығы кем дегенде инфекциялардың кейбір түрлерінде күмәнді болған кезде маманның кеңесіне жүгіну керек. Цефуроксим әдетте келесі микроорганизмдерге in vitro белсенді Грамоң аэробтар: Staphylococcus aureus (метициллин-сезімтал)1, Streptococcus pyogenes, Streptococcus agalactiae. Грамтеріс аэробтар: Haemophilus parainfluenzae, Moraxella catarrhalis. Цефуроксимге жүре пайда болған төзімділігі болуы мүмкін бактериялар Грамоң аэробтар: Streptococcus pneumonia, Streptococcus mitis (viridans тобының). Грамтеріс аэробтар: C. freundii қоспағанда Citrobacter spp., E. aerogenes және E. cloacae қоспағанда Enterobacter spp., Escherichia coli, Haemophilus influenza, Klebsiella pneumonia, Proteus mirabilis, P.penneri және P.vulgaris қоспағанда Proteus spp. Providencia spp., Salmonella spp. Грамоң анаэробтар: Peptostreptococcus spp., Propionibacterium spp. Грамтеріс анаэробтар: Fusobacterium spp., Bacteroides spp. Цефуроксимге табиғи төзімділігі бар бактериялар Грамоң аэробтар: Enterococcus faecalis және Enterococcus faecium. Грамтеріс аэробтар: Acinetobacter spp., Burkholderia cepacia, Campylobacter spp. Citrobacter freundii, Enterobacter aerogenes, Enterobacter cloacae, Morganella morganii, Proteus penneri, Proteus vulgaris, Pseudomonas aeruginosa, Serratia marcescens, Stenotrophomonas maltophilia. Грамоң анаэробтар: Clostridium difficile. Грамтеріс анаэробтар: Bacteroides fragilis. Басқалар: Chlamydia spp., Mycoplasma spp., Legionella spp. 1 метициллинге төзімді барлық Staphylococcus spp. штаммдары цефуроксимге төзімді. Іn-vitro зерттеулерде цефуроксимнің аминогликозидтермен біріктірілімі аддитивтік әсер көрсетті, ал жекелеген жағдайларда синергизмді дәлелдеді.

Дозалау режимі Ересектер мен дене салмағы 40 кг және одан жоғары балалар үшін ұсынылатын дозалар Өкпенің қабынуы, созылмалы бронхиттің өршуі, теріасты шелмайының (теріасты флегмонасы) қабынуын қоса, тері және жұмсақ тіндердің инфекциялары, тілмелі қабыну, жарақат инфекциясы, құрсақішілік инфекциялар кезінде: 750 мг-ден, әр 8 сағат сайын (в/і немесе б/і). Несеп шығару жолдарының асқынған инфекцияларында, пиелонефритті қоса: 1,5 г-нан, әр 8 сағат сайын (в/і немесе б/і). Ауыр инфекциялар кезінде: 750 мг-ден әр 6 сағат сайын (в/і) немесе әрбір 8 сағат сайын 1,5 г-ден (в/і). Асқазан-ішек жолына операциялардан кейін, акушерлік және гинекологиялық операцияларда (кесарь тілігін қоса), ортопедиялық операцияларда инфекциялық асқынудың алдын алу үшін: 1,5 г-ден кіріспе наркозда. Кейде 8 сағат және 16 сағаттан кейін 750 мг дозаны қосымша б/і енгізу қажет болуы мүмкін. Өңеш, жүрек және қан тамырларына операциядан кейін инфекциялық асқынулар профилактикасы кезінде: кіріспе наркозда 1,5 г-ден, содан кейін 750 мг-нан б/і, келесі 24 сағат ішінде әрбір 8 сағат сайын. Дене салмағы 40 кг кем балаларға ұсынылатын дозалар Өкпенің қабынуы, несеп шығару жолдарының асқынған аурулары (пиелонефритті қоса), құрсақішілік инфекциялар, теріасты шелмайының (теріасты флегмонасы) қабынуын қоса, тері мен жұмсақ тіндердің қабынуы, тілмелі қабыну және жарақат инфекциясы кезінде: 1) дене салмағы 40 кг кем 3 аптадан асқан балаларға 3 немесе 4 в/і енгізуге бөлінген тәулігіне 30-100 мг/кг тағайындайды; тәулігіне 60 мг/кг доза аурулардың көпшілігін емдеу үшін оңтайлы болып табылады.; 2) жаңа туған нәрестелерге (туғаннан 3 аптаға дейін) 2 немесе 3 в/і енгізуге бөлінген тәулігіне 30-100 мг/кг дозаны тағайындайды; көптеген аурулар үшін тәулігіне 60 мг/кг дозасы оңтайлы болып табылады. Пациенттердің ерекше топтары Бүйрек жеткіліксіздігі бар пациенттер Дәрігер бүйрек жұмысының көрсеткіштерін ескере отырып, препараттың дозасын жеке таңдайды, осылайша бүйрек жеткіліксіздігі айқын болған жағдайда препарат дозасын төмендету ұсынылады. Бүйрек жұмысының орташа бұзылуы бар пациенттерде Цефяпс препаратының стандартты дозасы тағайындалады. Бауыр жеткіліксіздігі бар пациенттер Бауыр жеткіліксіздігі кезінде препарат дозасын түзету қажеттілігі жоқ. Қолдану тәсілі Цефяпс препараты вена ішіне инъекция жолымен (тікелей венаға немесе катетер арқылы) 3-5 минут бойы, венаішілік инфузия 30-60 минут бойы немесе терең бұлшықет ішіне инъекция арқылы енгізіледі. Бұлшықетішілік инъекцияларды үлкен бұлшықетке қатысты бұлшықет ішіне терең жасау қажет (бөксенің үстіңгі сырт жақ квадранты немесе санның латеральді беткейі). Егер препараттың 1,5 г енгізу қажет болса, дозаны 2 бөлікке (750 мг-ден) бөлу және дененің әртүрлі бөліктеріне, мысалы, екі бөксеге енгізу қажет. 1,5 г-нан артық дозалар үшін препаратты вена ішіне енгізу жолы ұсынылады. Енгізу әдісі мен жолы Барлық парентеральді дәрілік заттар сияқты, енгізер алдында қалпына келтірілген ерітіндіні немесе суспензияны қатты бөлшектердің бар-жоғына және түсінің өзгеруіне көзбен мұқият қараңыз. Ерітінділер мен суспензиялардың түсі концентрацияға, еріткішке және сақтау жағдайларына байланысты мөлдірден сары түске дейін өзгереді. Вена ішіне (в/і) және/немесе бұлшықет ішіне (б/і) енгізу. Вена ішіне сорғалатып енгізу үшін ерітінді дайындау: Цефяпс препаратының 750 мг ұнтағы бар құтыға 6 мл инъекцияға арналған су қосады. Ұнтақ толық ерігенше абайлап шайқайды. Вена ішіне инфузия үшін ерітінді дайындау: венаішілік инфузия үшін ерітінді екі сатыда дайындалады. Бірінші саты: 750 мг препарат ұнтағын 6 мл инъекцияға арналған суда ерітеді. Ұнтақ толық ерігенше абайлап шайқайды. Екінші саты: алынған ерітіндіні Цефяпс препаратымен бірге қолдануға болатын 50 мл немесе 100 мл кез келген инфузиялық ерітіндіге қосады. Вена ішіне енгізуге дайындық кезінде сарғыш түс болуы мүмкін. Ерітіндіні вена ішіне тамшылатып, венаішілік инфузияға арналған жүйе арқылы кемінде 30 минут бойы енгізеді. Бұлшықет ішіне енгізуге арналған ерітіндіні дайындау: Цефяпс препаратының 750 мг ұнтағы бар құтыға 3 мл инъекцияға арналған су немесе 10 мг/мл инъекцияға арналған лидокаин ерітіндісін қосады. Біртекті суспензия түзілгенге дейін абайлап шайқайды. Бұлшықет ішіне енгізу үшін дайындау кезінде ол өте ақ емес және мөлдір емес болады. Ұнтақ толық еріп, мөлдір ерітінді түзілуі мүмкін. Алынған суспензияның немесе ерітіндінің концентрациясы шамамен 216 мг/мл құрайды. Балалар тәжірибесінде лидокаин препараттың еріткіші ретінде қолданылмайды. Үйлесімділігі Құрамында 15 мл инъекцияға арналған су бар 1.5 г Цефяпс препаратын метронидазолдың (500мг/100 мл) инъекцияға арналған ерітіндісіне қосуға болады және екі препарат 25 °C –ден төмен температурада 24 сағат бойы өз белсенділігін сақтайтын болады. 1.5 г дозадағы Цефяпс препараты 1 г (15 мл) немесе 5 г (50 мл) азлоциллинмен 4 °С-де 24 сағат бойы немесе 25 °С-ден төмен температурада 6 сағат бойы үйлесімді. Цефяпс (5 мг/мл) препараты 5% немесе 10% инъекцияға арналған ксилит ерітіндісінде 25°C-де 24 сағатқа дейін сақталуы мүмкін. Натрий цефуроксимі құрамында 1% - ға дейінгі лидокаин гидрохлориді бар су ерітінділерімен үйлесімді. Цефяпс препараты төменде көрсетілген инфузиялық ерітінділермен үйлесімді (бөлме температурасында 24 сағатқа дейін белсенділігін сақтайды): 0,9% натрий хлоридінің инъекцияға арналған ерітіндісі 5% декстрозаның инъекцияға арналған ерітіндісі 0,18% натрий хлориді ерітіндісі + 4% декстрозаның инъекцияға арналған ерітіндісі 5% декстроза ерітіндісі және 0,9% натрий хлоридінің инъекцияға арналған ерітіндісі 5% декстроза ерітіндісі және 0,45% натрий хлоридінің инъекцияға арналған ерітіндісі 5% декстроза ерітіндісі және 0,225% натрий хлоридінің инъекцияға арналған ерітіндісі 10% декстрозаның инъекцияға арналған ерітіндісі 10% инвертті қанттың инъекцияға арналған ерітіндісі Инъекцияға арналған Рингер ерітіндісі Рингер ерітіндісі - инъекцияға арналған лактат Инъекцияға арналған натрий лактаты 6/М ерітіндісі Инъекцияға арналған натрий лактаты ерітіндісі (Хартман ерітіндісі). 0,9% натрий хлоридінің инъекцияға арналған ерітіндісіндегі және инъекцияға арналған 5% декстрозадағы натрий цефуроксимінің тұрақтылығы натрий фосфаты гидрокортизонының болуына байланысты емес. Натрий цефуроксимі инфузиялық ерітіндіге қосқан кезде бөлме температурасында 24 сағат бойы үйлесімді деп танылды: 0,9% натрий хлоридінің инъекцияға арналған ерітіндісіндегі гепарин (10 және 50 бірлік/мл); 0,9% натрий хлоридінің инъекцияға арналған ерітіндісіндегі калий хлориді (10 және 40 мкл). Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Препаратты дәрігердің тағайындауы бойынша қолдану керек.

- цефуроксимге және цефалоспориндер тобының басқа антибиотиктеріне аллергиялық реакция - басқа антибиотиктерді қолданған кездегі ауыр аллергиялық реакция (оның ішінде өмірге қауіп төндіретін анафилаксиялық реакция).

Жиі - қандағы нейтрофилдер санының төмендеуі, эозинофилдер санының артуы, гемоглобин деңгейінің төмендеуі - бауыр ферменттері белсенділігінің өтпелі жоғарылауы - тромбтардың түзілуімен қатар жүретін беткейлік вена жақтауларының ауырсынуы мен қабынуын қамтитын инъекция орнындағы реакциялар. Жиі емес - үйлесімділікке сынаманың (Кумбс) оң нәтижесі, қандағы лейкоциттер санының төмендеуі - асқазан-ішек бұзылыстары - билирубиннің қысқа мерзімді жоғарылауы - тері бөртпелері, тез өршитін, қатты қышитын, күйіктен болатын күлдіреуіктерге ұқсайтын терідегі бозғылт-қызғылт күлдіреуіктер, қышыну. Жиілігі белгісіз - зеңдік инфекциялар тұрақты түрінің және ішектің жедел қабыну ауруын тудыратын (колит) патологиялық бактериялардың тез өсуі - билирубиннің (гемолиздік анемия) жоғары түзілуімен қан жасушаларының мерзімінен бұрын бұзылуынан туындаған қан аздығы, қандағы тромбоциттер санының азаюы - дәрілік препаратты қабылдаумен байланысты температураның жоғарылауы, типтік емес, ауыр, бүйректің қабыну ауруы, өмірге қауіп төндіретін тез ауыр аллергиялық реакция, сұйық нәжісті, жүрек айнуын, іштің ауыруын қоса, асқазан-ішек бұзылыстары - тері тамырларының қабынуы, нысана тәрізді бөртпелердің түзілуімен қабыну реакциясы, соның ішінде ауыз қуысының шырышты қабығында (мультиформалы эритема), терідегі және шырышты қабықтардағы бөртпелермен жедел уытты-аллергиялық ауру (Стивенс-Джонсон синдромы), теріде үлкен жалпақ күлдіреуіктердің түзілуімен аллергиялық дерматиттің ауыр түрі (уытты эпидермальді некролиз), терінің және теріасты тіндерінің терең қабатының ісінуі (ангионевроздық ісіну) - қандағы креатинин деңгейінің жоғарылауы, азоттың, мочевина деңгейінің жоғарылауы және креатинин деңгейінің төмендеуі Болуы мүмкін жағымсыз реакциялар Назар аудару қажет реакциялар Цефяпс препаратымен ем алып жатқан аздаған адамдарда, аллергиялық реакция немесе соған ықтимал ауыр тері реакциялары дамуы мүмкін. Бұл реакциялардың симптомдары: - жайылған бөртпе, жоғары дене температурасы және ұлғайған лимфа түйіндері (DRESS синдром немесе дәрілік заттарға жоғары сезімталдық синдромы) - аллергиямен өршітілген, миокард инфарктісінің симптомы болуы мүмкін, аллергиялық реакциялар аясында туындаған кеудедегі ауыру сезімі (Коунис синдромы). Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозалану мидың зақымдануын, құрысуды және естен тануды қоса неврологиялық бұзылуларға әкелуі мүмкін. Бүйрек ауруы бар пациенттерде, егер дозасын азайтпаған жағдайда артық дозалану белгілері дамуы мүмкін. Емі: қан сарысуындағы цефуроксим деңгейі гемодиализ немесе перитонеальді диализ арқылы төмендеуі мүмкін.

Арнайы ескертулер Цефяпс препаратын қабылдамастан бұрын, сізге нені білу қажет Аллергиялық реакциялар Емдеуді бастамас бұрын дәрігерге цефуроксимге, цефалоспориндерге, пенициллиндерге немесе басқа да дәрілік препараттарға бұрын орын алған аллергиялық реакциялар туралы, әсіресе, егер бұрын сізде пенициллинге немесе басқа да антибиотиктерге ауыр емес аллергиялық реакциялар байқалса барлығын айтуыңыз қажет. Егер емдеу кезінде аллергиялық реакция дамыса, препаратты енгізуді тоқтату және дереу дәрігерге қаралу қажет. Цефуроксиммен немесе кез келген басқа да цефалоспоринді антибиотиктермен (химиялық құрылымы бойынша пенициллиндерге жақын антибиотиктер) ем алғаннан кейін, тері бөртпесі немесе терінің қабыршақтануы, күлдіреуіктер және/немесе ауыз қуысында ойық жаралар пайда болса Цефяпс препаратын қолданбаған жөн. Барлық бактерияға қарсы бета-лактамды дәрілер жағдайындағы сияқты, аса жоғары сезімталдықтың ауыр және кейде өліммен аяқталатын реакциялары туралы хабарланды. Коунис синдромына дейін өршитін аса жоғары сезімталдық реакциялары туралы хабарламалар бар (миокард инфарктісіне әкелуі мүмкін жедел аллергиялық коронарлы артериоспазм). Цефяпс препаратын тағайындаған кезде, тері реакцияларының болуы мүмкін белгілері мен симптомдары жайлы емдеуші дәрігеріңіз ескертуі және мұқият бақылауда болуыңыз қажет. Цефуроксиммен емдеумен байланысты терінің күрделі реакциялары, соның ішінде Стивенс-Джонсон синдромы (SJS), уытты эпидермальді некролиз (TEN), эозинофилиямен дәрілік реакция және жүйелік симптомдар (DRESS) туралы хабарланды, сондықтан Цефяпс препаратын қолданғанда ерекше сақ болу керек. Егер сіз өзіңізде осы аталған ауыр тері реакцияларымен байланысты қандай да бір симптомдарды байқасаңыз, Цефяпс препаратын қолдануды дереу тоқтатыңыз және емдеудің басқа да баламалы әдістерін қарастыру үшін дәрігерге қаралыңыз. Егер сізде цефуроксимді қолдану кезінде Стивенс-Джонсон (SJS), уытты эпидермальді некролиз (TEN), эозинофилиямен және жүйелі симптомдармен дәрілік реакция (DRESS) сияқты ауыр реакциялар дамыса, цефуроксиммен емдеуді ешбір жағдайда қайта бастауға болмайды. Цефяпс препаратының үлкен дозаларын күшті диуретиктермен және аминогликозидтермен бір мезгілде қолдану Бүйрек ауруының даму ықтималдығы артады. Бүйрек жұмысын бақылау үшін дәрігер егде жастағы және бүйрек ауруы бар пациенттерге тұрақты тексеру жүргізеді. Препарат әсеріне сезімтал емес қоздырғыштардың қатты өсуі Цефяпс препаратымен ұзақ емдеу адам организмінде Candida тектес зеңдердің және препаратқа сезімтал емес басқа микроорганизмдердің (мысалы, энтерокококтар және Clostridium difficile) күшейтілген өсуіне әкелуі мүмкін. Мұндай жағдайларда дәрігер препаратты қабылдауды тоқтатады. Цефуроксимді қолдану кезінде жалған жарғақшалы колиттің даму жағдайлары байқалды, оның ауырлық дәрежесі жеңілден өмірге қауіп төндіретінге дейін құбылуы мүмкін. Бұл диагнозды емдеу кезінде немесе антибиотиктерді қолдану аяқталғаннан кейін пациенттерде диарея дамыған кезде ескеру қажет. Егер диарея ұзақ болса немесе айқын сипаты болса, емдеу дереу тоқтатылуы тиіс және пациент тексерілуі тиіс. Бұл жағдайларда ішектің перистальтикасын басатын дәрілік заттарды тағайындауға болмайды. Көз камерасының ішіне енгізу және көрудің бұзылуы Цефяпс препараты көз камерасының ішіне енгізуге арналмаған, себебі көзде күрделі жағымсыз реакциялар дамуы мүмкін: сары дақтың ісінуі, торқабықтың ісінуі, уытты әсері және торқабықтың ажырауы, көрудің нашарлауы, көру жітілігінің төмендеуі, бұлыңғырлануы, мөлдір қабықтың ісінуі. Құрсақішілік инфекцияларды емдеу Препаратты тағайындағанда дәрігер препараттың ауру тудыратын қоздырғышқа тиімділігін ескеретін болады. Зертханалық тест нәтижелеріне әсері Цефяпс препаратын қолданғанда, қан құю алдында жүргізілетін үйлесімділікке Кумбс сынамасының жалған оң нәтижесі болуы мүмкін. Басқа зертханалық зерттеулердің нәтижелеріне әсер етуі мүмкін, мысалы, қандағы/қан плазмасындағы глюкоза деңгейін анықтауға, әдістерге (Бенедикт, Фелинг, Клинитест) феррицианидпен тесттің жалған теріс нәтижесі. Қосымша заттар (натрий) Цефяпс препаратының құрамында құтыда 42 мг натрий бар, бұл ересек адам үшін 2 г - ДДҰ ұсынған натрийді ең жоғары тәуліктік тұтынудың 2,1% - баламалы. Егер сіз натрийді тұтынуды бақылайтын диетада болсаңыз, бұны ескеру керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Белгілі жағымсыз реакцияларды ескере отырып, Цефяпс препаратының автомобильді басқару және жабдықтармен жұмыс жүргізу қабілетіне әсер етуі ықтималдығы аз.

Жүктілік Жүкті әйелдерде цефуроксим қолдану туралы шектеулі деректер бар. Цефяпс препаратының белсенді заты плацента арқылы өтеді. Цефяпс препараты жүктілік кезінде, дәрігер оны қажет деп санаса ғана қолданылуы мүмкін. Бала емізу Аз мөлшерде цефуроксим ана сүтімен бөлінеді. Емдік дозаларды қолданғанда, жағымсыз реакциялар күтілмейді, бірақ балада сұйық нәжістің және шырышты қабықтардың зеңдік инфекцияларының даму қаупін жоққа шығаруға болмайды. Қажет болған жағдайда, дәрігер емдеу кезеңінде бала емізуді тоқтату немесе Цефяпс препаратымен емдеуді тоқтату/тоқтата тұру қажеттілігі туралы шешім қабылдайды.

Цефяпс препараты ұрықтануға қарсы пероральді дәрілердің әсерін төмендетуі мүмкін. Пробенецид Цефяпс препаратының әсер етуін күшейтуі мүмкін, сондықтан оларды бір мезгілде қолдану ұсынылмайды. Күшті әсер ететін несеп айдайтын (фуросемид сияқты) және бүйрек жұмысын нашарлататын препараттар (аминогликозидтер тобынан антибиотиктер), Цефяпс препаратының үлкен дозаларымен бір мезгілде қолданған кезде бүйрек ауруларын тудыруы мүмкін. Қанның ұюын төмендететін пероральді препараттармен бір мезгілде қолдану қанның ұю уақытының ұзаруына әкелуі мүмкін (қан кету қаупі бар).

Сақтау мерзімі Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Түпнұсқалық қаптамада, 30°С-ден аспайтын температурада сақтау керек. Балалардың қолы жетпейтін жерде сақтау керек!