Цеф III® + Лидо порошок 1 г

Бір құтының ішінде белсенді зат - натрий цефтриаксоны (цефтриаксонға шаққанда) 1.0 г, еріткіш «Лидокаин гидрохлориді, инъекцияға арналған 1% ерітінді - 3.5 мл» Бір ампуланың (3.5 мл препарат) ішінде белсенді зат – лидокаин гидрохлориді (100% затқа шаққанда) 35.0 мг қосымша заттар: 0.1 М натрий гидроксидінің ерітіндісі, инъекцияға арналған су Сыртқы түрінің, иісінің, дәмінің сипаттамасы Ақ дерліктен сарғыштау немесе сарғыштау қызғылт-сары түске дейінгі, сәл гигроскопиялы кристалл ұнтақ.

Цефтриаксонға сезімтал патогендерден туындаған инфекциялар • бактериялық менингитте • тыныс алу жолдарының инфекциялары, әсіресе пневмония, сондай-ақ ЛОР-ағзалардың инфекцияларында • құрсақ қуысы ағзаларының инфекцияларында (перитонит, өт жүретін түтіктердің және асқазан-ішек жолдарының инфекциялары) • бүйрек және несеп шығару жолдарының асқынған инфекцияларында (пиелонефритті қоса) • сүйек, буындардың, жұмсақ тіндердің, терінің инфекцияларында және жара инфекцияларында • созды қоса, жыныс ағзаларының инфекциялары • сепсис • ересек пациенттердегі және 15 күннен асқан жаңа туған нәрестелерді қоса, балалардағы диссеминацияланған Лайм-боррелиозда (II және III сатылары) • иммундық қорғанышы әлсіреген пациенттердегі инфекцияларда Асқазан-ішек жолдарында, өт жүретін түтіктерде, урогениталдық және гинекологиялық аймақтардағы операциялардағы инфекциялардың, бірақ ықтимал немесе белгілі бір жұқтыру жағдайында ғана болатын операция кезеңіндегі профилактикасы. Антибиотиктерді тиісінше қолдану бойынша ресми ұсыныстарды, атап айтқанда антибиотикке төзімділіктің артуын болдырмау үшін оларды қолдану жөніндегі ұсыныстарды орындау қажет.

Әсер ету механизмі Цефтриаксонның бактерицидтік белсенділігіне бактериялардың жасуша қабырғасы синтезінің тежелуі түрткі болады. In vitro цефтриаксонның грамтеріс және грамоң микроорганизмдерге қатысты белсенділік ауқымы кең. Грамоң және грамтеріс бактериялар өндіретін β-лактамазалардың көпшілігіне (пенициллиназаларға да, цефалоспориназаларға да) қатысты цефтриаксонның төзімділігі жоғары. In vitro цефтриаксон, әдетте, келесі микроорганизмдерге қатысты белсенді (4.1 бөлімін қараңыз): Грамоң аэробтар — Медианасы ЕТБК50*(мг/л) — ЕТБК90**(мг/л) Staphylococcus aureus (метициллинге сезімтал) — 4 — 4 Коагулаза-теріс стафилококтар — 4 — 16 Streptococcus pyogenes (ß-гемолиздік, A тобы) — 0.03 — 0.03 Streptococcus agalactiae (ß- гемолиздік, B тобы) — 0.06 — 0.06 ß-гемолиздік стрептококтар (A және B топтарына жатпайтындары) — 0.06 — 0.06 Streptococcus viridans — 0.125 — 0.5 Streptococcus pneumoniae — 0.06 — 0.06 *ЕТБK50 = зерттеудегі штамдардың 50%-ы үшін ең төменгі бәсеңдеткіш концентрациясы **ЕТБК90 = зерттеудегі штамдардың 90%-ы үшін ең төменгі бәсеңдеткіш концентрация Грамтеріс аэробтар — Медианасы ЕТБК50(мг/л) — ЕТБК90(мг/л) Acinetobacter lwoffi — 2 — 8 Acinetobacter anitratus1 (көбінесе A. baumanii) — 8 — 32 Aeromonas hydrophila — 0.25 — 4 Alcaligenes faecalis — 1 — 8 Alcaligenes odorans — 0.25 — 0.5 Алкалиген тәрізді бактериялар — 0.25 — 0.5 Borrelia burgdorferi — 0.06 — 0.06 Burkholderia cepacia — 2 — 16 Capnocytophaga spp. — 0.06 — 4 Citrobacter diversus (C. amalonaticus қоса) — 0.125 — 0.125 Citrobacter freundii1 — 0.125 — 16 Escherichia coli — 0.06 — 0.125 Enterobacter aerogenes1 — 2 — 16 Enterobacter cloacae1 — 0.5 — 16 Enterobacter spp. (басқа да)1 — 0.25 — 32 Haemophilus ducreyi — 0.004 — 0.004 Haemophilus influenzae — 0.008 — 0.06 Haemophilus parainfluenzae — 0.016 — 0.06 Hafnia alvei — 0.125 — 2 Klebsiella oxytoca — 0.06 — 0.125 Klebsiella pneumoniae2 — 0.06 — 0.125 Moraxella catarrhalis (бұрынғы атауы Branhamella catarr.) — 0.125 — 0.5 Moraxella osloensis — 0.25 — 0.25 Moraxella spp. (басқа да) — 0.25 — 0.25 Morganella morganii — 0.06 — 1 Neisseria gonorrhoeae — 0.008 — 0.06 Neisseria meningitidis — 0.008 — 0.008 Pasteurella multocida — 0.06 — 0.06 Plesiomonas shigelloides — 0.06 — 0.06 Proteus mirabilis — 0.06 — 0.06 Proteus penneri1 — 1 — 64 Proteus vulgaris — 0.06 — 2 Pseudomonas fluorescens1 — 16 — 64 Pseudomonas spp. (басқа да)1 — 8 — 16 Providencia rettgeri — 0.06 — 2 Providencia spp. (басқа да) — 0.06 — 0.5 Salmonella typhi — 0.06 — 0.125 Salmonella spp. (сүзектік емес) — 0.06 — 0.06 Serratia marcescens — 0.5 — 2 Serratia spp. (басқа да) — 0.25 — 16 Shigella spp. — 0.03 — 0.25 Vibrio spp. — 0.06 — 0.25 Yersinia enterocolitica — 0.125 — 0.125 Yersinia spp. (басқа да) — 0.25 — 2 Анаэробтар — Медианасы ЕТБК50(мг/л) — ЕТБК90(мг/л) Bacteroides spp.3 (өтке сезімтал) — 2 — 16 Clostridium spp. (C. perfringens тобынан басқасы) — 2 — 16 Fusobacterium nucleatum — 1 — 2 Fusobacterium spp. (басқа да) — 0.125 — 0.25 Gaffkia anaerobica (бұрынғы атауы Peptococcus) — 0.125 — 1 Пептострептококктар — 0.125 — 1 Цефтриаксонға сезімталдықты диск-диффузия әдісінің көмегімен немесе агарда немесе сорпада сериялап сұйылту әдісімен, мысалы, Клиникалық және зертханалық стандарттар институты (КЗСИ) ұсынған, резистенттілікті тестілеудің стандартты әдістемесін пайдалана отырып анықтауға болады. КЗСИ цефтриаксонға арналған сынама нәтижелерін бағалаудың келесі критерийлерін белгіледі. Сезімтал — Сезімталдығы орташа — Резистентті Сұйылту әдісі Бәсеңдеткіш концентрациясы, мг/л — 8 — 16-32 — 64 Дискілер әдісі (30 мкг цефтриаксон бар диск) Өсуі тежелген аймақтың диаметрі, мм — 21 — 20-14 — 13 Анықтау үшін цефтриаксон жағылған дискілерді пайдалану керек, өйткені in vitro зерттеулерден, цефтриаксонның цефалоспориндердің барлық топтарына арналған дискілерді пайдаланғанда резистенттілік анықталған жекелеген штамдарға қатысты белсенді екендігі көрсетілді. КЗСИ стандарттарынан өзге, микроорганизмдердің сезімталдығын анықтау үшін басқа, мысалы, Немістің стандарттау институты мен Біріккен зерттеу тобының стандарттандырылған ұсынымдарын да пайдалануға болады. Резистенттілік • Жоғарыда көрсетілген микроорганизмдердің кейбір изоляттары хромосомалармен кодталған βлактамазалардың түзілетіндігі салдарынан цефтриаксонға резистентті. • Плазмид-түрткі болатын βлактамазалардың тұтас бір қатары түзілетіндігі салдарынан, Klebsiella pneumoniae кейбір изоляттары цефтриаксонға резистентті. • Bacteroides spp. кейбір изоляттары цефтриаксонға резистентті. β-лактамаза түзейтін Bacteroides spp. көптеген штамдары (атап айтқанда, B. fragilis) цефтриаксонға төзімді. Clostridium difficile цефтриаксонға резистентті. Метициллинге резистентті Staphylococcus spp. цефалоспориндерге, соның ішінде цефтриаксонға резистентті. Әдетте, Enterococcus faecalis, Enterococcus faecium мен Listeria monocytogenes-тің де резистенттілігі бар. Грамтеріс аэробтардың көптеген штамдары, аминопенициллиндер және уреидопенициллиндер, бірінші және екінші буын цефалоспориндері сияқты басқа антибиотиктерге жартылай резистентті, және аминогликозидтер цефтриаксонға сезімтал. Treponema pallidum in vitro және жануарлардағы эксперименттерде цефтриаксонға сезімтал. Клиникалық зерттеулер, цефтриаксонның бастапқы және салдарлы мерезге қатысты тиімділігінің жақсы екендігін көрсетті. Сирек жағдайларда, Pseudomonas aeruginosa клиникалық изоляттары цефтриаксонға резистентті. Лидокаин: Еріткіштің құрамындағы лидокаин анилидтік типті жергілікті анестетик болып табылады, әсері жылдам басталады және әсер ету ұзақтығы орташа; инъекция орнына жақын жердегі жүйке өткізгіштігін қайтымды бөгейді. Жергілікті анестезияның әсері Цеф III + Лидо препаратының бұлшықетішілік инъекциясынан кейін бірнеше минуттан соң басталады және 45-60 минутқа созылады. Клиникалық тиімділігі Қатысты емес.

Дозалау режимі Бұлшықет ішіне (б/і) енгізу үшін құрамында лидокаин бар еріткіш пайдаланылады. Сол себепті цефтриаксонды бұлшықет ішіне енгізу алдында лидокаинге кез келген қарсы көрсетілімнің бар-жоғын анықтау керек (“Қолдануға болмайтын жағдайлар” бөлімін қараңыз). Лидокаинді 15 жасқа толмаған балаларда Цеф III®+Лидо препараты ұнтағының еріткіші ретінде пайдалануға тыйым салынады. 15 жасқа дейінгі балаларда Цеф III®+ Лидо препаратының ұнтағын еріткіш ретінде кейіннен бұлшықет ішіне енгізу үшін инъекцияға арналған суды пайдалану керек. Бұлшықет ішіне енгізуді ірі бұлшықеттерге орындау керек, бір бұлшықетке 1 г-ден артық енгізуге болмайды. Лидокаинді еріткіш ретінде пайдаланған кезде цефтриаксонның алынған ерітіндісін вена ішіне енгізуге болмайды! 15 жастан асқан пациенттерде лидокаинді еріткіш ретінде пайдаланған кезде лидокаинге теріішілік аллергиялық сынама жүргізу ұсынылады. Лидокаинді еріткіш ретінде пайдаланған кезде ерітіндіні енгізер алдында пациентте лидокаинді қолдануға қарсы көрсетілімдердің жоқ екенін анықтау (лидокаин дәрілік препаратының қысқаша сипаттамасын қараңыз), сондай-ақ анамнездегі лидокаинге аллергиялық реакцияларға назар аудару керек. Дозалау режимі Ересектер мен 12 жастан асқан балалар Тәулігіне бір рет 1-2 г (әр 24 сағат сайын). Ауыр инфекциялар немесе сезімталдығы орташа микроорганизмдерден туындаған инфекциялар кезінде, тәуліктік бір реттік дозасын 4 г дейін арттыруға болады. Жаңа туған нәрестелер, сәбилер және 12 жасқа дейінгі балалар Келесі тәуліктік бір реттік дозалары ұсынылады: Жаңа туған (14 күндікке дейінгі) нәрестелер Дене салмағына тәулігіне бір рет 20-50 мг/кг; тәуліктік дозасы 50 мг/кг аспауы тиіс. Цеф III®+ Лидо препаратын шала туған нәрестелерде 41 апта мерзімге дейін (гестациялық және постнатальді жасының жиынтығы) қолдануға болмайды . Цефтриаксонның кальций тұздары преципитаттарының түзілуі қаупіне байланысты, Цеф III®+ Лидо препаратын жаңа туған (≤28 күн), құрамында кальций бар препараттардың ұзаққа созылатын инфузияларын қоса, құрамында кальций бар венаішілік ерітінділермен емдеу қажет (болжам бойынша), мысалы, парентеральді қоректендіріліп жүрген нәрестелерге қолдануға болмайды . Жаңа туған нәрестелер, сәбилер мен балалар (15 күндігінен бастап 12 жасқа дейін) Дене салмағына тәулігіне бір рет 20-80 мг/кг. Дене салмағы 50 кг және одан жоғары балаларға ересектерге арналған дозаларын тағайындайды. Егде жастағы пациенттер ≥65 жастағы пациенттерде бүйрек немесе бауыр функциясының ауыр бұзылулары болмаған жағдайда, Цеф III®+Лидо препаратының дозасын түзету қажет емес. Емдеу ұзақтығы көрсетілімдеріне және аурудың ағымына тәуелді Біріктірілген ем Эксперимент жүзінде, Цеф III®+Лидо препараты мен аминогликозидтер көптеген грамтеріс бактерияларға қатысты синергизмге ие екендігі көрсетілді. Аталған біріктірілімдердің тиімділігінің жоғарылығы әрдайым болжана бермейтініне қарамастан, оны Pseudomonas aeruginosa туғызған, ауыр, өмірге қауіп төндіретін инфекциялар дамыған жағдайда қолдану мүмкіндігін қарастыру керек. Химиялық тұрғыдан үйлесімсіздігінің салдарынан, екі дәрілік затты ұсынылған дозасында бөлек-бөлек енгізу керек. Дозалануы жөніндегі айрықша нұсқаулар Бактериялық менингит Бактериялық менингит кезінде сәбилер мен балаларда препаратпен емдеуді тәулігіне бір рет 100 мг/кг дозасынан бастайды (4 г аспайды). Қоздырғышы теңестірілгеннен және оның сезімталдығы анықталғаннан кейін, дозасын сәйкесінше азайтуға болады. Өте жақсы нәтижелерге, емдеудің келесі ұзақтығында қол жеткізілген: Neisseria meningitidis — 4 күн Haemophilus influenzae — 6 күн Streptococcus pneumoniae — 7 күн Диссеминацияланған Лайм ауруы Балалар мен ересектер үшін ұсынылатын дозасы 14 күн бойы тәулігіне бір рет 50 мг/кг құрайды (ең жоғарысы 2 г). Соз Созды (пенициллиназа түзетін және түзбейтін штамдардан туындаған) емдеу үшін 250 мг дозадағы препаратты бұлшықет ішіне бір рет енгізу ұсынылады. Периоперациялық профилактика Контаминацияланатын немесе контаминациялануы ықтимал араласымдар кезінде операциядан кейінгі инфекциялардың профилактикасы мақсатында, инфекцияның қауіптілік дәрежесіне байланысты, 1-2 г дозадағы Цеф III®+ Лидо препаратын операция басталғанға дейін 30-90 минут бұрын бір рет енгізу ұсынылады. Тоқ ішек пен тік ішекке жасалатын операциялар кезінде Цеф III®+ Лидо препараты мен 5-нитроимидазолды, мысалы, орнидазолды бір мезгілде енгізген тиімді. Бүйрек функциясының бұзылуы бар пациенттер Бауыр функциясының бұзылуы болмаған жағдайда, Цеф III®+ Лидо препаратының дозасын түзету қажет емес. Тек бүйректің терминалды жеткіліксіздігі (креатинин клиренсі (КК) <10 мл/мин) жағдайларында ғана Цеф III®+ Лидо препаратының тәуліктік дозасы 2 г аспауы тиіс. Цефтриаксон гемодиализ немесе перитонеальді диализ кезінде шығарылмайды. Диализ жүргізілетін пациенттерге, диализ аяқталғаннан кейін препараттың қосымша дозасын енгізу қажет емес. Диализ жүргізілетін пациенттерде препараттың тәуліктік дозасы 2 г аспауы тиіс. Бауыр функциясының бұзылуы бар пациенттер Бүйрек функциясының бұзылуы болмаған жағдайда Цеф III®+ Лидо препаратының дозасын түзету қажет емес. Бауыр мен бүйректің ауыр жеткіліксіздігі бар пациенттер Бүйрек пен бауырдың ауыр жеткіліксіздігі бар пациенттерде препараттың қауіпсіздігі мен тиімділігіне мұқият клиникалық мониторинг жүргізу ұсынылады. Енгізу әдісі және жолы Бұлшықет ішіне енгізу Бұлшықет ішіне енгізуді терең инъекция жолымен жүзеге асыру керек. Бір ғана бұлшықетке 1 г асырмай енгізу ұсынылады. Құрамында лидокаин бар ерітіндіні вена ішіне енгізуге болмайды . 15 жасқа дейінгі балаларға Цеф III®+ Лидо үшін лидокаинді еріткіш ретінде қолдануға тыйым салынады. 15 жастан асқан тұлғаларға лидокаинді еріткіш ретінде пайдалануда лидокаинға тері ішіне аллергиялық сынама жүргізу ұсынылады. Лидокаинді еріткіш ретінде пайдаланған кезде, ерітіндіні енгізу алдында пациентте лидокаинді қолдануға қарсы көрсетілімнің бар-жоқтығын анықтау (лидокаинді қолдану жөніндегі нұсқаулықты қараңыз), сондай-ақ анамнезінде лидокаинге аллергиялық реакциясын ескеру керек. Лидокаинді еріткіш ретінде пайдаланған кезде, алынған ерітіндіні вена ішіне енгізуге болмайды! • Цеф III®+ Лидо жаңа туған нәрестелерге (≤ 28 күн) қажет болған жағдайда өкпе мен бүйректе цефтриаксон-кальций преципитаттарының пайда болу қаупіне байланысты қолдануға болмайды. Кальций препараттарын немесе құрамында кальций бар ерітінділерді енгізу қажет болған жағдайда, өкпе мен бүйректе цефтриаксон-кальций преципитаттарының түзілу қаупіне байланысты жаңа туған нәрестелерге цефтриаксон қарсы көрсетілімде. Шөгінді түзілу қаупіне байланысты, цефтриаксонды еріту үшін құрамында кальций бар препараттарды (Рингер ерітіндісі, Хартман ерітіндісі) пайдаланбау керек. Сонымен қатар, цефтриаксонның кальций тұздары преципитаттарының туындауы препаратты құрамында кальций бар ерітінділермен, вена ішіне енгізуге арналған бір инфузиялық жүйеде араластырған кезде орын алуы мүмкін. Сондықтан, цефтриаксон мен құрамында кальций бар ерітінділерді араластырмау немесе бір мезгілде қолданбау керек. Операция алдындағы хирургиялық инфекциялардың профилактикасы үшін цефтриаксон операцияға дейін 30-90 минут бұрын енгізілу керек. Ерітінділерді дайындау және енгізу ережесі: Тек жаңа дайындалған ерітінділерді пайдалану керек! Препараттың қалпына келтірілген ерітіндісін сақтау шарттары. Цеф III®+ Лидо лидокаин гидрохлориді 1% ерітіндісінен басқа (тек бұлшықетішілік инъекция үшін) қандай да бір препаратпен бір шприцте араластыруға болмайды. Ерітінділердің түсі ашық-сары түстен қоңыр-сары түске дейін өзгеруі мүмкін. Бұлшықетішілік инъекция үшін 1 г Цеф III®+ Лидо 3.5 мл 1% лидокаин ерітіндісінде ерітеді және ең үлкен бұлшықетке (бөксе) терең енгізеді. Бір бұлшықетке 1 г асырмай енгізу ұсынылады. 1 г-дан асатын дозаларды бөліп және бір орыннан көп жерге енгізу керек. 1 г натрий цефтриаксоны ұнтағын инъекцияға арналған суда және 1% лидокаин гидрохлориді ерітіндісінде алмастыру көлемі шамамен 0,71 мл құрайды. Бұл жалпы ерітіндінің бір бөлігі ғана өлшеп алынып, енгізілетін кезде салмаққа байланысты дозалауды (әсіресе 12 жасқа дейінгі балаларда) қамтамасыз ету үшін еріткіштің көлемін түзетуді қажет етеді. Берілген концентрациямен соңғы ерітіндіні дайындау үшін төмендегі Кестені қараңыз. Ерітіндінің қажетті концентрациясын алу үшін керек болатын көлемдер бойынша ақпарат Бұлшықет ішіне енгізуге арналған ерітінді Цеф III номиналды мөлшері — Қосылатын 1% лидокаин ерітіндісінің көлемі: — Алынған ерітінді Шамамен көлемі — Концентрациясы 250 мг — 1,9 мл — 2,1 мл — 125 мг/мл 500 мг — 1,7 мл — 2,1 мл — 250 мг/мл 1 г — 2,9 мл — 3,6 мл — 285 мг/мл Вена ішіне инъекцияға арналған ерітінділер Цеф III номиналды мөлшері — Қосылатын инъекцияға арналған судың көлемі — Алынған инъекцияға арналған ерітінді Шамамен көлемі — Концентрациясы 250 мг — 4,9 мл — 5,1 мл — 50 мг/мл 500 мг — 4,7 мл — 5,1 мл — 100 мг/мл 1 г — 9,4 мл — 10,1 мл — 100 мг/мл Вена ішіне инфузияға арналған ерітінділер Цеф III номиналды мөлшері — Қосылатын инфузияға арналған ерітіндінің көлемі, кальцийсіз: — Алынған инфузияға арналған ерітінді Шамамен көлемі — Концентрациясы 2 г — 39 мл — 40,4 мл — 50 мг/мл Құрамында лидокаин бар ерітіндіні вена ішіне енгізуге болмайды! Емдеу ұзақтығы Ұсынылатын емдеу ұзақтығы әртүрлі. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Дәрілік препаратты қолданар алдында кеңес алу үшін дәрігерге жүгініңіз

• цефтриаксонға, цефалоспориндерге немесе қосымша заттарының кез келгеніне аса жоғары сезімталдық. • бактерияға қарсы бета-лактамды препараттарға (пенициллиндер, монобактамдар және карбапенемдер) аса жоғары сезімталдықтың анамнездегі ауыр реакциялары (мысалы, анафилаксиялық реакциялар). • еріткіші – лидокаинге аса жоғары сезімталдық. Лидокаинді пайдаланып цефтриаксонның бұлшықетішілік инъекциясын жүргізер алдында лидокаинге қарсы көрсетілімдердің бар-жоқтығын анықтау қажет. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген. Белсенді заты лидокаинге немесе анилидті типтегі басқа жергілікті анестетиктерге белгілі жоғары сезімталдық. Құрамында лидокаин бар цефтриаксон ерітінділерін вена ішіне енгізуге болмайды. • жүрек өткізгіштігінің бұзылуы. • жедел декомпенсацияланған жүрек жеткіліксіздігі. • 41 аптаны қоса алғанға дейінгі (гестациялық және постнатальді жастың қосындысы) мерзімі жетпеген жаңа туған нәрестелер • гипербилирубинемиясы бар жаңа туған нәрестелер, цефтриаксонның ықпалымен билирубиннің сарысулық альбуминмен байланысудан ығыстырылуы себебінен билирубиндік энцефалопатияның даму қаупіне орай • жаңа туған нәрестелер және құрамында кальций бар ерітінділер: Цеф III® + Лидо препаратын құрамында кальций бар ерітінділерді вена ішіне енгізу қажет немесе қажет болуы мүмкін жаңа туған нәрестелерге (жасы 28 күнге дейінгі) құрамында кальций бар препараттардың ұзаққа созылатын инфузияларын қоса, мысалы, парентералды қоректендіру кезінде, өкпеде және бүйректе өлімге әкеліп соғатын цефтриаксонның кальций тұздары преципитаттарының түзілу қаупіне орай, қолдануға болмайды. Цефтриаксонді және құрамында кальций бар ерітінділерді алған жаңа туған нәрестелерде өліммен аяқталған бірнеше оқиғалар тіркелді, бұл ретте өкпеде және бүйректе аутопсия кезінде преципитаттар анықталды. Осы жағдайлардың кейбіреуінде цефтриаксон препаратын және құрамында кальций бар ерітінділерді енгізу үшін бір ғана инфузиялық желі пайдаланылды, басқа жағдайларда инфузиялық желіде тұнба анықталды. Цефтриаксон және құрамында кальций бар ерітінділер әртүрлі уақытта және әртүрлі инфузиялық желілер арқылы енгізілген кезде кем дегенде бір неонатальді өлім оқиғасы туралы хабарланды; аутопсия кезінде преципитаттар анықталмады. Жаңа туған нәрестелерден пациенттердің басқа жас санаттарына қатысты осындай хабарламалар келіп түскен жоқ.

Цефтриаксонға анағұрлым жиі кездескен жағымсыз әсерлері эозинофилия, лейкопения, тромбоцитопения, диарея, бөртпе және бауыр ферменттері белсенділігінің жоғарылауы болып табылады. Лидокаинсіз/лидокаинмен цефтриаксон Цеф III®+ Лидо препаратымен емдеу кезінде келесі жағымсыз реакциялар байқалған, олар өздігінен немесе препаратты қолдануды тоқтатқаннан кейін басылған: Өте жиі • өт қалтасында цефтриаксон-кальций преципитаттарының симптоматикалық түзілуі, балалардағы қайтымды өттас ауруы, бұл ауру ересектерде сирек кездеседі. Жиі • эозинофилия, лейкопения, тромбоцитопения, протромбин уақытының ұзаруы • диарея • бауыр ферменттері (АЛТ, АСТ, сілтілік фосфатаза) белсенділігінің жоғарылауы • бөртпе, ісіну Жиі емес • жыныс мүшелерінің микоздары • гранулоцитопения, анемия, коагулопатия, қан сарысуындағы креатинин деңгейінің жоғарылауы • бас ауыруы, бас айналуы • жүрек айнуы, құсу • терінің қышынуы • флебит, енгізген жердегі реакциялар (мысалы, енгізген жердегі ауыру, эритема, жергілікті температура жоғарылауы, қызару, флебит, экстравазация, ісіну, бөртпе, қышыну, қабыну, қатаю, гематома, инфекция, абсцесс), дене температурасының жоғарылауы Сирек • жалған жарғақшалы колит • энцефалопатия • бронх түйілуі • ядролық сарғаю • есекжем • олигурия, гематурия, глюкозурия • қалтырау, ісіну, анафилаксиялық немесе анафилактоидтық реакция Өте сирек • жалған жарғақшалы энтероколит Белгісіз • сезімтал емес қоздырғыштармен суперинфекция • панкреатит, стоматит, глоссит • құрысулар • терінің ауыр жағымсыз реакциялары (SCAR): Стивенс Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), Яриш-Герксгеймер реакциясы (JНR), мультиформалы эритема және жедел жайылған экзантематозды пустулез (AGEP) • жедел жайылған экзантемалық пустулез (AGEP), теріні ауыр реакциялары (мультиформалы эритема, Стивенс Джонсон синдромы немесе Лайелл синдромы/уытты эпидермалық некролиз). • агранулоцитоз (<500/мм³), көпшілік жағдайлары 20 г және одан асатын жиынтық дозаларын тағайындағаннан кейін байқалған. Ұзақ уақыт емдегенде қанның кеңейтілген талдауын жүйелі түрде жүргізіп отыру керек. • протромбин уақытының болар-болмас ұзарғаны туралы хабарланды. • Коунис синдромы Кальциймен өзара әрекеттесуі • Цефтриаксон мен кальцийдің арасындағы өзара әрекеттесуді зерттеу үшін екі in vitro зерттеу жүргізілді, біреуі - ересектердің плазмасын пайдаланып, ал екіншісі – жаңа туған нәрестелердің кіндік қанының плазмасын пайдаланып. Цефтриаксонның 1 мМ дейінгі (2 г цефтриаксонның 30 минут бойғы инфузиясынан кейін in vivo жететін концентрацияларынан асып кететін) концентрациялары кальцийдің 12 мМ (48 мг/дл) дейінгі концентрацияларымен біріктіріп пайдаланылды. Цефтриаксонның плазмадан шығарылуы ересектердің плазмасында кальцийдің 6 мМ (24 мг/дл) немесе жоғарырақ концентрациясында және жаңа туған нәрестелердің плазмасында 4 мМ (16 мг/дл) немесе одан жоғарырақ концентрациясында төмендеді, бұл кальций-цефтриаксон преципитаттарының түзілетінін айғақтауы мүмкін. • Цеф III®+ Лидо және құрамында кальций бар ерітінділерді алған жаңа туған нәрестелерде өліммен аяқталған бірнеше жағдайлар тіркелген, бұл ретте аутопсия кезінде өкпе мен бүйректен преципитаттар табылған. Бұл жағдайлардың кейбіреулерінде Цеф III®+ Лидо препаратын және құрамында кальций бар ерітінділерді енгізу үшін бір ғана инфузия желісі пайдаланылды, басқа жағдайларда инфузиялық желіден тұнба табылды. Цеф III®+ Лидо және құрамында кальций бар ерітінділерді әртүрлі уақытта және әртүрлі инфузиялық желілер арқылы енгізген кезде неонатальді өліммен аяқталудың кем дегенде бір жағдайы туралы хабарланды; аутопсия кезінде преципитаттар табылған жоқ. Жаңа туған нәрестелерден басқа пациенттердің жас санаттарына қатысты осындай хабарламалар келіп түскен жоқ. Лидокаин Жиі • күйгелектік, үрейлену, эйфория, сананың шатасуы • бас айналуы, парестезия, ұйқышылдық, тактильді сезімталдық, тремор, дизартрия, құрысулар, естен тану • көрудің нашарлауы, диплопия • құлақтың шуылдауы • брадикардия, артериялық гипотензия, артериялық гипертензия • тыныстың тарылуы, тыныс алу жеткіліксіздігі • жүрек айнуы, құсу • бұлшықеттердің тартылуы • ісіну, мұздау және/немесе ысыну сезімі Жиі емес • гиперакузия Сирек • анафилаксиялық реакциялар • нейропатия • аритмия, кардиоваскулярлық коллапс, жүректің тоқтап қалуы Белгісіз • тері зақымданулары, есекжем Жағымсыз дәрілік реакциялар туындағанда медициналық қызметкерге, фармацевтикалық қызметкерге, немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Цефтриаксон Емі симптоматикалық. Спецификалық антидоты жоқ. Гемодиализ және перитонеалды диализ тиімсіз. Лидокаин Симптомдары: Лидокаиннің артық дозалануынан туындаған уытты реакциялар негізінен орталық жүйке жүйесі мен жүрек-қантамыр жүйесіне қатысты болады. Орталық жүйке жүйесінің уыттылығы үдейді, яғни симптомдардың ауырлығы үнемі артады. Кездейсоқ тамырішілік енгізу кезінде келесі симптомдар бірден пайда болады (яғни 1-3 минут ішінде), ал артық дозаланғанда кідіріс 20-30 минутты құрайды. Артық дозаланудың ерте симптомдары мыналар: есінеу, парестезия (әсіресе ауыз айналасында), ұйқышылдық, мазасыздық, бас айналу, құлақтың шуылы, гипакузия, көру қабілетінің бұзылуы, дизартрия және атаксия, сондай-ақ жүрек айну мен құсу болады. Орташа уыттану кезінде бұлшықеттің тартылуы немесе бұлшықет түйілуі және одан кейінгі жайылған құрысулар байқалуы мүмкін, олар естен танумен, тыныс алу бәсеңдеуімен және комамен бірге жүруі мүмкін. Ауыр жағдайларда жүрек-қантамыр жүйесіне де әсер етеді (әдетте тек орталық жүйке жүйесі тарапынан симптомдар пайда болғаннан кейін ғана). Симптомдарға артериялық қысымының төмендеуі, брадикардия және аритмия жатады. Өте ауыр улану толық AV блокадасына және жүрек-қан тамырлары жүйесінің тоқтауына әкелуі мүмкін. Егер жедел жүйелік уыттылық белгілері пайда болса, препаратты енгізуді дереу тоқтату керек. Арнаулы антидоты жоқ; артық дозалануды емдеу симптоматикалық болып табылады. Жүрек-қан тамырлары жүйесі тоқтаған жағдайда ацидозды емдеуді қоса, жылдам жүрек-өкпе реанимациясы жүргізіледі.

Аса жоғары сезімталдық реакциялары Басқа бета-лактамды антибиотиктерді қолданғандағы сияқты, аса жоғары сезімталдықтың ауыр, соның ішінде, өлімге соқтырған реакциялары тіркелген. Аса жоғары сезімталдықтың ауыр реакциясы дамыған жағдайда, Цеф III®+Лидо препаратымен емдеуді дереу тоқтату және сәйкесінше шұғыл емдеу шараларын жүргізу қажет. Цеф III®+Лидо препаратымен емдеуді бастар алдында пациентте цефтриаксонға, цефалоспориндерге аса жоғары сезімталдық реакцияларының немесе басқа бета-лактамды антибиотиктерге (пенициллиндерге, монобактамдар мен карбапенемдерге) аса жоғары сезімталдықтың ауыр реакцияларының байқалған-байқалмағандығын анықтап алу қажет. Цеф III®+Лидо препаратын анамнезінде басқа бета-лактамдық антибиотиктерге (пенициллиндерге, монобактамдар мен карбапенемерге) аса жоғары сезімталдықтың ауыр емес реакциялары бар пациенттерде қолданғанда сақтық таныту қажет. Аса жоғары сезімталдық реакциялары (анафилаксиялық шокқа дейін болатын) лидокаиннен туындауы ықтимал. Стивенс-Джонсон синдромы, уытты эпидермалық некролиз, эозинофилиясы және жүйелік симптомдары бар дәрілік экзантема (DRESS), көп формалы эритема және жедел жайылған экзантематозды пустулез (AGEP) сияқты терінің ауыр дәрілік реакциялары цефтриаксонды қоса, бета-лактамды антибиотиктер қабылдаған пациенттерде тіркелді. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция - Коунис синдромына соқтыруы ықтимал. Мұндай реакциялардың алғашқы симптомдары бета-лактамды антибиотиктерге аллергиялық реакциясымен байланысты кеудедегі ауырсынуды қамтуы мүмкін. Осындай реакциялар пайда болса, Цеф III® + Лидо препаратын қабылдауды дереу тоқтатып және баламалы ем қолдану мүмкіндігін қарастыру керек. Құрамында кальций бар препараттармен өзара әрекеттесуі Шала туған және мерзімі толықтай жетіп туылған, 1 айға толмаған нәрестелерде өкпе мен бүйректегі кальций-цефтриаксон тұнбасы өлімге соқтырған реакцияларының жағдайлары сипатталды. Олардың кемінде біреуі цефтриаксон мен кальцийді түрлі уақыттарда және екі бөлек тамшылатқыштар арқылы қабылдаған. Қолда бар ғылыми деректер бойынша, жаңа туған нәрестелерден өзге, цефтриаксон мен құрамында кальций бар ерітінділерді немесе құрамында кальций бар кез келген басқа препараттарды қабылдаған науқастарда тамырішілік преципитаттардың расталғандығы туралы хабарламалар жоқ. Іn vitro зерттеулер, басқа жас топтарымен салыстырғанда, жаңа туған нәрестелерде цефтриаксон-кальций тұнбалары қаупінің жоғарылайтынын көрсетті. Жаңа туған нәрестелерде басқа жас топтарындағы пациенттермен салыстырғанда, цефтриаксонның кальций тұздары тұнбасының түзілу қаупі жоғарылағаны байқалады. Кез келген жастағы пациенттерде Цеф III®+Лидо препаратын құрамында кальций бар кез келген венаішілік ерітінділермен араластырмау, тіпті түрлі инфузиялық жүйелердің көмегімен де немесе түрлі инфузия орындарына да немесе бір мезгілде енгізбеу керек. Алайда, жаңа туған, 28 күндік мерзімнен асқан нәрестелерде, егер инфузияға арналған жүйелер екі түрлі аумаққа пайдаланылатын болса, немесе егер тұнба түзілу қаупін болдырмау үшін, инфузияға арналған жүйелер алмастырылатын немесе инфузиялар арасында физиологиялық тұзды ерітіндімен мұқият жуылып-шайылатын болса, Цеф III®+Лидо препараты мен құрамында кальций бар ерітінділерді бірінен соң бірін енгізуге болады. Егер құрамында кальций бар ерітіндімен толықтай парентералды қоректендірудің (ТPN) үздіксіз инфузиясы жүргізіліп жүрген пациент үшін Цеф III®+Лидо препаратын пайдалану қажет деп есептелсе, екі түрлі инфузиялық жүйенің көмегімен және түрлі орындарға бір мезгілде енгізуге болады. Баламасы ретінде, цефтриаксон құйылып жатқан кезде ТPN ерітіндісінің инфузиясын уақытша тоқтата тұруға, ал ерітінділердің арасында инфузияға арналған жүйелерді жуып-шаюға болады. Жаңа туған нәрестелер, балалар мен жасөспірімдер Цефтриаксонды құрамында кальций бар ерітінділермен, тіпті егер ерітінділер әртүрлі инфузиялық желілердің көмегімен енгізілсе де, араластыруға немесе бір мезгілде енгізуге болмайды. Тіпті әртүрлі инфузиялық желілерді пайдаланғанның және цефтриаксон мен құрамында кальций бар ерітінділерді әртүрлі уақытта енгізгеннің өзінде, жаңа туған нәрестелердің өкпесі мен бүйрегінде цефтриаксон-кальций преципитаттарының түзілуінің нәтижесінде өліммен аяқталған жағдайлар сипатталған. Сондықтан, құрамында кальций бар венаішілік кальций ерітінділерін жаңа туған нәрестелерге, Цеф III® + Лидо препаратын соңғы рет енгізгеннен кейін кем дегенде 48 сағаттың ішінде енгізуге болмайды. Әртүрлі жас топтарындағы пациенттерде цефтриаксонды және құрамында кальций бар венаішілік ерітінділерді бір мезгілде қолданудан кейін цефтриаксон-кальций преципитаттарының түзілу жағдайлары белгісіз. Дегенмен, оларды барлық пациенттерде бір мезгілде қолданудан аулақ болу керек. Аутоиммундық гемолиздік анемия Басқа цефалоспориндерді қолданғандағы сияқты, Цеф III®+Лидо препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр, соның ішінде өлімге соқтырған гемолиздік анемия жағдайлары тіркелген. Цеф III®+Лидо препаратымен емделіп жүрген пациентте анемия дамыған жағдайда, цефалоспоринмен астасқан анемия диагнозын жоққа шығаруға болмайды және себебі анықталғанға дейін емдеуді тоқтата тұру қажет. Қан талдауының мониторингі Ұзақ уақыт емдегенде қанның кеңейтілген талдауын жүйелі түрде жүргізу керек. Clostridium difficile-мен астасқан диарея (CDAD, Clostridium Difficile-Associated Diarrhea) Цеф III®+Лидо препаратын қоса, бактерияға қарсы дәрілердің барлығын дерлік қолданумен астасқан CDAD дамыған жағдайлар тіркелді; CDAD жағдайлары жеңіл диареядан өлімге соқтыратын колитке дейін ауытқып отыруы мүмкін. Бактерияға қарсы препараттармен емдеу жуан ішектің қалыпты микрофлорасын бәсеңдетеді және С. difficile өсуіне түрткі болады С. difficile CDAD патогенезінің факторлары болып табылатын А және B токсиндерін түзеді. Токсиндерді көп өндіретін С. difficile штамдары, олардың микробқа қарсы емге төзімді болуы мүмкіндігі салдарынан, асқынулар мен өлім қаупі жоғары инфекциялардың қоздырғыштары болып табылады, ал емі колоноэктомияны қажет етуі мүмкін. Антибиотиктермен емдеуден кейінгі диареясы бар пациенттердің барлығында CDAD диагнозын қарастыру керек. Егжей-тегжейлі анамнез жинақтау қажет, өйткені, бактерияға қарсы емнен кейін 2 ай өткен соң CDAD дамыған жағдайлар туралы хабарланған. CDAD күдік туындаған немесе расталған жағдайда, ағымдағы, С. difficile-ге бағытталмаған антибиотиктермен емді тоқтату қажет болуы мүмкін. Клиникалық көрсетілімдері бар болса, сұйықтықтар мен электролиттерді, ақуыздарды және С. difficile-ге қатысты тиімді бактерияға қарсы препараттарды енгізумен тиісінше ем, хирургиялық емдеу тағайындалуы тиіс. Ішек перистальтикасын бәсеңдететін препараттарды қолдануға болмайды. Бүйректің ауыр жеткіліксіздігі Бүйрек пен бауырдың ауыр жеткіліксіздігі кезінде қауіпсіздігі мен тиімділігін клиникалық бақылау ұсынылады. Бүйрек функциясының бұзылуы бар, аминогликозидтер мен диуретиктерді бір мезгілде қабылдап жүрген пациенттерде цефтриаксонды қолданғанда сақтық таныту керек. Серологиялық тестілерге ықпалы Цеф III® + Лидо емі жалғаноң Кумбс тестке әкелуі мүмкін. Басқа антибиотиктерді пайдаланудағы сияқты, Цеф III® + Лидо пайдаланғанда да галактоземияға тест жалғаноң болуы мүмкін. Несептегі қантты анықтаудың ферментативті емес әдістері де жалған оң нәтиже беруі мүмкін. Осы себепті Цеф III® + Лидо емі кезінде несептегі қантты ферментативті әдіспен анықтау керек. Цефтриаксон қандағы кейбір глюкозаны мониторингтеу жүйелерінде қандағы глюкозаның деңгейінің жалған төмендеуін тудыруы мүмкін. Тиісті өлшеу жүйесін қолдану жөніндегі нұсқаулықты сақтау қажет. Қажет болса, зерттеудің балама әдістерін қолдану керек. Кальций-цефтриаксон преципитаттары Цефтриаксонды, әдетте, ұсынылған стандартты (күніне 1 г және одан көп) дозаларынан артық дозаларда қолданғаннан кейін, өт қалтасын ультрадыбыстық зерттеу кезінде цефтриаксонның кальций тұзының преципитаттары анықталды, олардың бала жастағы пациенттерде түзілуі ықтималдау. Преципитаттар сирек жағдайда қандай-да бір симптоматикасын білдіреді және Цеф III®+Лидо препаратымен емдеу аяқталғаннан немесе тоқтатылғаннан кейін жоғалып кетеді. Егер аталған құбылыстар клиникалық симптоматикамен қатар жүрсе, хирургиялық емес дағдылы ем ұсынылады, ал препаратты тоқтату туралы шешім емдеуші дәрігердің қарастыруына қалдырылады және пайдасы мен қаупін жекелей бағалауға негізделуі тиіс. Панкреатит Цефтриаксон қабылдаған пациенттерде шығу тегі билиарлық-обструкциялық болуы мүмкін панкреатит жағдайлары тіркелген. Оларда билиарлық стаз бен билиарлық сладждың қауіп факторлары, мысалы, осының алдындағы ауқымды ем, ауыр ауру және парентералды қоректендіру болған. Препараттың әсерінен триггерлік немесе өт жолдарында қатарлас преципитаттар түзілуі факторын жоққа шығаруға болмайды. Бүйректе тастардың түзілуі Бүйрек тастары түзілген жағдайлар туралы хабарланған, олар цефтриаксонды қабылдауды тоқтатқаннан кейін қайтымды болған. Симптоматикалық жағдайларда сонография жүргізген дұрыс. Анамнезінде бүйрек тастарының түзілуі немесе гиперкальциуриясы бар пациенттерде пайдаланылуын дәрігер пайдасы-қаупін арнайы бағалаудың негізінде қарастыруы тиіс. Яриш-Герксгеймер реакциясы (JHR) Цефтриаксонмен емдеуден кейін көп ұзамай, спирохеталардан туындаған инфекциясы бар кейбір пациенттерде Яриш-Герксгеймер реакциясы (JHR) туындауы мүмкін. Реакция әдетте өздігінен басылады, немесе симптоматикалық ем арқылы басуға болады. Реакция туындаған жағдайда, антибиотиктермен емдеуді тоқтатпау керек. Энцефалопатия Цефтриаксонды, әсіресе, бүйректің ауыр жеткіліксіздігі немесе орталық жүйке жүйесінің бұзылыстары бар, егде жастағы адамдарда қолданғанда энцефалопатия туралы хабарланды. Цефтриаксонмен астасқан энцефалопатияға күдіктенген (мысалы, сана деңгейінің төмендеуі, психикалық ахуалдың өзгеруі, миоклонус, құрысулар) жағдайда, цефтриаксонды қабылдауды тоқтату туралы мәселені қарастыру керек. Протромбин уақытының ұзаруы Цефтриаксон протромбин уақытын ұзартуы мүмкін. K дәруменінің тапшылығына күдіктенген жағдайда протромбин уақытын бақылау ұсынылады. Суперинфекциялар Цеф III®+Лидо препаратын ұзақ уақыт қолданғанда сезімтал емес қоздырғыштардың саны артуы мүмкін. Осыған байланысты пациентті мұқият қадағалау қажет. Егер емдеу кезінде суперинфекция дамыса, тиісті шараларды қабылдау қажет. Еріткіштің құрамында бар лидокаинға қатысты сақтандыру шаралары Лидокаин сияқты жергілікті анестетиктерді қолданған кезде күрделі жағымсыз реакциялардың даму қаупі мыналарда ұлғаяды: • егде жастағы пациенттерде • жалпы денсаулық жағдайы нашар пациенттерде • атриовентрикулярлық блокада болғанда (өйткені жергілікті анестетиктер атриовентрикулярлық өткізгіштікті бәсеңдетуі мүмкін) • бауырдың ауыр ауруы бар болғанда • бүйректің ауыр жеткіліксіздігі бар болған жағдайда. Аталған жағдайларда Цеф III®+Лидо препаратының бұлшықетішілік инъекциясын сақтықпен жүргізу керек. Аддитивті әсердің болуы мүмкін болғандықтан, аритмияға қарсы III кластағы препараттарды (мысалы, амиодарон) қабылдап жүрген пациенттерді мұқият бақылау қажет, ЭКГ-мониторинг жүргізу мүмкіндігін қарастырған жөн. Құрамында лидокаин бар ерітінділердің бас және мойын аймағына салынған инъекциялары байқаусызда артерияғы түсіп кетіп, церебральді симптоматика дамуына алып келуі мүмкін (тіпті, төмен дозаларында да). Құрамында лидокаин бар Цеф III® + Лидо ерітінділерін бұлшықет ішіне ғана енгізу керек. Лидокаинді қолдануға қарсы көрсетілімдер лидокаинді медициналық қолдану жөніндегі нұсқаулықта келтірілген. Лидокаиндегі сұйылтылған Цеф III® + Лидо препаратын 15 жасқа дейінгі балаларға қолдануға болмайды. Лидокаинді 15 жастан асқан адамдарда еріткіш ретінде қолданған кезде лидокаинге теріішілік аллергиялық сынама жүргізу ұсынылады. Лидокаин ерітіндісін вена ішіне енгізуге болмайды. Лидокаин Медицина қызметкерлері үшін берілген ақпаратта келтірілген лидокаин туралы барлық ақпарат жалпы сипатта болады және цефтриаксонды бұлшықет ішіне енгізуге нақты қатысты емес. Цефтриаксонды бұлшықет ішіне енгізуге арналған еріткіш құрамында жергілікті анестетик (лидокаин) бар. Жергілікті анестетиктерді қолданатын дәрігерлердің тәжірибесі жеткілікті болуы тиіс және болуы мүмкін жағымсыз әсерлерді (жүйелік уыттылықты қоса) немесе асқынуларды диагностикалау мен емдеумен таныс болуы керек. Қажетті жабдықтар мен реанимациялық препараттар тікелей жақын жерде болуы тиіс. Лидокаинді (бұлшықетішілік инъекцияға арналған еріткіштегі) қолдану кезінде миастениясы, эпилепсиясы, миокард өткізгіштігінің бұзылуы, іркілісті жүрек жеткіліксіздігі, брадикардия немесе тыныс алу жеткіліксіздігі бар пациенттерді емдеу кезінде сақ болу керек. Лидокаинмен өзара әрекеттесетін және оның биожетімділігінің артуына, әсерлерінің күшеюіне (мысалы, фенитоин) немесе шығарылуы ұзаруына (мысалы, лидокаин метаболиттері жинақталуы мүмкін бауыр немесе терминалдық бүйрек жеткіліксіздігі кезінде) әкелетін препараттармен біріктірімде. Лидокаинді бұлшықетке енгізгенде креатининфосфокиназаның плазмалық белсенділігі жоғарылауы мүмкін, бұл жедел миокард инфарктісін диагностикалауды қиындатуы мүмкін. Порфириясы бар пациенттерде лидокаинді қолдану пайда мен қауіп арақатынасын мұқият бағалай отырып, аса сақтықпен жүруі тиіс. Жаңа туған нәрестелерде құрысулар мен аритмия сияқты уыттылықты болдырмауға мүмкіндік беретін лидокаиннің оңтайлы сарысулық концентрациясы анықталған жоқ. Арнайы сақтандырулар Натрий Осы Цеф III® + Лидо препараты құрамында 3,65 ммоль немесе бір реттік дозада 83,45 мг натрий бар. (Цеф III 1.0 г - 3,6 ммоль немесе 82,3 мг натрий; лидокаин гидрохлориді, инъекцияға арналған 1% ерітінді, 3.5 мл - 0,05 ммоль немесе 1,15 мг натрий). Бұны натрий қабылдау шектейтін диетаны ұстап жүретін пациенттерге ескеру керек. Жүктілік Цефтриаксон Цефтриаксонның жүкті әйелдерде қолданылуы жөнінде деректер жоқ немесе шектеулі. Цефтриаксон плацентарлық бөгет арқылы өтеді. Жануарларға жүргізілген зерттеулер эмбрионның/фетальді, перинаталдық және постнатальді дамуға қатысты тікелей немесе жанама зиянды әсерлерін көрсеткен жоқ. Жүкті әйелдерге препаратты тек қатаң көрсетілімдері бойынша, анасы үшін болжамды пайдасы шарана үшін ықтимал қауіптен асып түсетін жағдайда ғана тағайындау керек, әсіресе, бірінші триместрінде, Цеф III®+Лидо препаратын тек қатаң көрсетілімдері бойынша ғана тағайындау керек. Лидокаин плаценталық бөгеттен өтеді. Сондықтан цефтриаксонның бұлшықет ішіне инъекциясын жүктілік кезінде (әсіресе алғашқы үш айда) қолдануға болмайды. Егер Цеф III® + Лидо қолдану өте қажет болса, оны лидокаинсіз енгізу керек. Босану кезінде лидокаин сияқты жергілікті анестетиктерді қолдану ананың және/немесе болашақ сәбиде жағымсыз әсерлер тудыруы мүмкін (мысалы, брадикардия). Бала емізу Цефтриаксон және лидокаин емшек сүтіне өтеді. Оны анасы емдік дозаларында қолданғанда, цефтриаксонның емшектегі балаға ықпал ету ықтималдығы аз, дегенмен, балада диареяның, шырышты қабықтардың зеңдік инфекцияларының және аса жоғары сезімталдық реакцияларының даму қаупін жоққа шығаруға болмайды. Емшек емудің бала үшін артықшылықтары мен емнің анасы үшін пайдасын ескере отырып, емшек емізуді тоқтату немесе цефтриаксонмен емделуді тоқтату/бас тарта тұру қажет. Фертильділік Цефтриаксон Фертильділігін зерттеулер кезінде ерлердің немесе әйелдердің репродуктивтік функцияларына жағымсыз әсері білінген жоқ. Лидокаин Лидокаиннің фертильділігіне әсері туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цеф III®+ Лидо қабылдаған кезде сирек жағдайларда бастың айналуы сияқты жағымсыз әсердің пайда болуы мүмкін екенін ескеру керек, сондықтан автокөлікті басқару немесе қауіптілігі зор механизмдермен жұмыс істеу кезінде сақ болу ұсынылады.

Нұсқаулықта көрсетілмеген.

Рингер немесе Хартман ерітіндісі сияқты, құрамында кальций бар ерітінділерді, Цеф III® + Лидо препаратын сұйылту немесе ары қарай вена ішіне енгізу үшін пайдалануға жол берілмейді, өйткені тұнба түзілуі мүмкін. Цефтриаксонның кальций тұздары тұнбасының түзілуі венаға енгізудің бір жолы пайдаланылғанда Цеф III®+Лидо препараты мен құрамында кальций бар ерітінділерді араластырған кезде орын алуы мүмкін. Цеф III®+Лидо препаратын құрамында кальций бар, вена ішіне енгізуге арналған ерітінділермен соның ішінде, құрамында кальций бар ерітінділердің ұзаққа созылатын инфузияларымен бір мезгілде, мысалы, Y-коннекторды пайдаланып парентеральді қоректендіру кезінде пайдалануға болмайды. Жаңа туған нәрестелерден басқа, пациенттердің барлық топтары үшін, құюлар арасында инфузияға арналған жүйелер үйлесімді сұйықтықпен мұқият жуылып-шайылатын жағдайларда, препарат пен құрамында кальций бар ерітінділерді бірінен соң бірін енгізуге болады. Ересектерден алынған немесе кіндік қанынан алынған неонатальді плазма пайдаланылған іn vitro зерттеулер, жаңа туған нәрестелердің цефтриаксонның кальций тұздары тұнбасының түзілу қаупінің жоғарылауына ұшырайтындығын көрсетті. Пероральді антикоагулянттар мен препаратты бір мезгілде пайдаланғанда, K дәрумені тапшылығының қаупі жоғарылайды және қан кетуі мүмкін. ХҚҚ (халықаралық қалыптасқан қатынасты) мұқият бақылау және препаратпен емдеу кезінде және емдеуден кейін K дәруменінің дозасын талапқа сай түзетуді пайдалану керек . Аминогликозидтерді цефалоспориндермен қолданғанда, олардың нефроуыттылығының жоғарылауы ықтималдығы туралы қарама-қайшы деректер бар, сондықтан, бүйрек функциясына және қандағы аминогликозидтер концентрациясына мониторинг жүргізу қажет. In vitro зерттеулер кезінде препаратты хлорамфениколмен бір мезгілде қолданғанда, антагонистік әсерлері білінді. Бұл антагонизмнің клиникалық маңызы белгісіз. Бактериостатикалық дәрілер цефалоспориндердің бактерицидтік әсеріне жағымсыз ықпал етуі мүмкін. Цеф III®+Лидо қабылдағаннан және алкогольді ішкеннен кейін дисульфирамға ұқсас әсері расталмаған. Цефтриаксон құрамында N-метилтиотетразол жоқ, бұл этанолға көтере алмаушылыққа және басқа цефалоспориндер жағдайындағы сияқты қан кету проблемаларына әкелуі мүмкін Цефтриаксон мен құрамында кальций бар пероральді препараттардың өзара әрекеттесуі немесе вена ішіне енгізуге арналған цефтриаксон мен құрамында кальций бар препараттардың (вена ішіне немесе пероральді қолдануға арналған) өзара әрекеттесуі туралы хабарламалар түспеген. Препараттың үлкен дозалары мен «ілмектік» диуретиктерді (мысалы, фуросемидті) бір мезгілде қолданғанда, бүйрек функциясының бұзылулары байқалмаған. Пробенецид Цеф III®+Лидо препаратының шығарылуына әсер етпейді. Лидокаинмен өзара әрекеттесуі Фармакокинетикалық өзара әрекеттесулері: Лидокаин CYP450 CYP1A2 және CYP3A4 ферменттерінің субстраты болып табылады. Сондықтан лидокаин метаболизмі CYP тежегіштерін (мысалы, итраконазол, вориконазол, флуконазол, кларитромицин, эритромицин, циметидинді) бір мезгілде қолданумен бәсеңдетілуі мүмкін және ферменттер индукторларын (мысалы, барбитураттар, карбамазепин, фенитоин, примидон, рифампицинді) бір мезгілде қолданумен күшейтілуі мүмкін. Фармакодинамикалық өзара әрекеттесулері: Амидті типті жергілікті анестетиктерге құрылымдық тектестігі бар белсенді заттарды (мысалы, мексилетин немесе токаинид сияқты аритмияға қарсы дәрілерді) бір мезгілде қолдану жүйелі уытты әсерін күшейтуі ықтимал. Сондықтан Цеф III®+ Лидо (құрамында лидокаин болатын еріткіші бар) бұлшықет ішіне инъекцияларын осындай препараттармен ем алатын пациенттерге аса сақтықпен тағайындау керек. Миорелаксанттардың әсері лидокаинмен күшейтілуі мүмкін. Сондай-ақ, бір мезгілде тағайындалған дәрілік заттардың қысқаша сипаттамаларымен танысу ұсынылады.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25о С-ден аспайтын температурада сақтау керек. Препараттың қалпына келтірілген ерітіндісін дайындағаннан кейін бірден пайдалану керек. Балалардың қолы жетпейтін жерде сақтау керек!