Циклодол Гриндекс таблетки 2 мг

Бір таблетканың құрамында белсенді зат - 2 мг тригексифенидил гидрохлориді; қосымша заттар: сахароза, картоп крахмалы, микрокристалды целлюлоза, кальций стеараты. Сыртқы түрінің, иісінің, дәмінің сипаттамасы Ойығы бар ақ түсті жалпақ цилиндр беткейлі дөңгелек пішінді таблеткалар.

- паркинсонизм, Паркинсон ауруы - фенотиазиндер секілді ОЖЖ препараттарына байланысты экстрапирамидалық бұзылулар.

Әсер ету механизмі Тригексифенидил парасимпатикалық жүйке жүйесіне тікелей тежегіштік әсер етеді. Ол сондай-ақ, бұлшықет тінінің өзіне тікелей және парасимпатикалық жүйке жүйесіне тежегіш әсер арқылы жанама әсер ете отырып, тегіс бұлшықетке босаңсытатын әсерді береді. Шағын дозаларда тригексифенидил ОЖЖ-не басатын әсерді, үлкен дозаларда атропиннің уыттылығында байқалғанға ұқсас ОЖЖ-ге көтермелейтін әсерді береді. Ұзақ уақыт қолданғанда тригексифенидилдің әсеріне төзімділік дамуы мүмкін.

Дозалау режимі Паркинсонизм Доза жеке таңдалады. Бастапқы доза, әсіресе 60 жастан асқан пациенттерде төмен болып, содан кейін біртіндеп жоғарылауы керек. Паркинсонизмнің алғашқы терапиясы кезінде бірінші күні 1 мг Циклодол Гриндексті қабылдауға болады. Дозаны тәулігіне 6-10 мг жеткізгенге дейін әр 3-5 күн сайын біртіндеп 2 мг-ға арттырады. Жалпы тәуліктік доза белгіленген оңтайлы деңгейге байланысты болады. Көптеген пациенттер тәулігіне 6-10 мг дозадан ең жоғары пайда көреді. Бұл доза күн ішінде 3 дозаға бөлініп, тамақтану кезінде қабылданса жақсы көтерімді болады. Кейбір пациенттерге, негізінен, постэнцефалиттік топтағыларға, тәулігіне 12-15 мг қажет болуы мүмкін. Жоғары дозаларды (тәулігіне> 10 мг) 4 бөлікке бөлуге болады: 3 дозаны тамақтану кезінде және төртіншісін ұйықтар алдында қабылдауға болады. Басқа парасимпатикалық тежегіштермен бір мезгілде қолдану Циклодол Гриндекс басқа парасимпатикалық тежегіштерді толығымен немесе ішінара алмастыра алады. Әдетте, әдіс Циклодол Гриндекс дозасы жоғарылаған сайын басқа препараттың мөлшерін біртіндеп азайтумен бастапқы ішінара ауыстырудан тұрады. Дәрі –дәрмектік паркинсонизм Ең жиі қолданылатын транквилизаторлармен, әсіресе фенотиазин туындыларымен туындайтын экстрапирамидалық реакцияларды бақылау үшін қажетті Циклодол Гриндекс дозасының мөлшері мен қабылдау жиілігі эмпирикалық түрде анықталуы керек. Жалпы тәуліктік доза әдетте 5-тен 15 мг-ға дейін өзгереді, дегенмен кейбір жағдайларда бұл реакциялар күніне 1 мг-нан аз мөлшерде жақсы бақыланады. Терапияны 1 мг бір реттік дозадан бастау ұсынылады. Егер экстрапирамидалық көріністерді бірнеше сағат бойы бақылау мүмкін болмаса, кейінгі дозаларды жеткілікті бақылауға жеткенге дейін біртіндеп арттыруға болады. Қанағаттанарлық бақылауға кейде Циклодол Гриндекс терапиясын тағайындау кезінде транквилизатордың дозасын уақытша төмендету арқылы тез қол жеткізіледі, содан кейін экстрапирамидалық реакциялардың туындауынсыз қажетті транквилизациялайтын әсер сақталмағанға дейін екі препараттың дозасы түзетіледі. Кейде пациентті реакцияларды бірнеше күн бойы бақылағаннан кейін Циклодол Гриндекстің төмендетілген дозасында ұстауға болады. Терапияны тоқтатқаннан кейін ремиссия кезеңінде бұл реакциялардың ұзақ уақыт бойы сақталған жағдайлары туралы хабарланды. Енгізу әдісі мен жолы Циклодол Гриндексін тамақтану алдында немесе одан кейін қабылдау қажет болып, болмайтыны пациенттің препаратқа реакциясына қарай анықталады. Әдетте шамадан тыс сілекей шығаруға бейім постэнцефалитті пациенттерге оны тамақтан кейін қабылдау пайдалы болуы мүмкін. Сонымен қатар, оларға мұндай жағдайларда кейде тиімді қосымша болатын аз мөлшерде атропин қажет болуы мүмкін. Егер Циклодол Гриндекс ауыздың шамадан тыс құрғауын тудырып, бірақ жүрек айнуын тудырмайтын болса оны тамақтанар алдында қабылдаған дұрыс. Тамақтан кейін қабылдаған кезде жалбыз кәмпиттері, сағыз немесе су шөлді қандыруға көмектеседі. Педиатриялық практикада қолданылмайды.

- тригексифенидилге немесе қосымша заттардың кез-келгеніне аса жоғары сезімталдық - емделмеген несеп шығару іркілісі - несеп шығарудың іркілуімен қуық безінің қатерсіз гипертрофиясы - жабық бұрышты глаукома - ас қорыту жолының обструкциясы - ішек бітелісі - өкпенің ісінуі - тахиаритмия - алкогольмен, психотроптық дәрілік препараттармен немесе апиындармен жедел улану - жедел делирий мен мания - психоз, деменция - кешеуілдеген дискинезия (tardive dyskinesia) – патологиялық қозғалыстар –психозға қарсы дәрілік заттарды ұзақ қолданудан болатын жағымсыз әсерлер - бүйрек пен бауырдың ауыр аурулары - балалар мен 18 жасқа дейінгі жасөспірімдер - сирек туа біткен фруктоза жақпаушылығы, глюкоза-галактозаның мальабсорбциясы немесе сахараза-изомальтаза жеткіліксіздігі бар пациенттерге қолдануға болмайды.

Тригексифенидилдің жағымсыз әсерлері негізінен оның холинбөгейтін қасиеттеріне байланысты. Ауыздың құрғауы, бұлыңғыр көру, бас айналу, жеңіл жүрек айну немесе күйгелектік секілді жағымсыз реакциялар пациенттердің 30% - нан 50% - на дейін көрініс табады. Мұндай реакциялардың, әдетте, айқындылығы аз болуы, тіпті емнің жалғасуына қарай жойылуы да мүмкін. Осы реакциялар өздігінен тоқтамас бұрын, олар көбіне дәрілік түрін, препарат мөлшерін немесе дозалар арасындағы аралықтарын мұқият таңдаумен бақыланады. Иммундық жүйе тарапынан бұзылулар Аса жоғары сезімталдық Психикалық бұзылулар Елестеулер, сандырақтау, ажитация (күшті эмоционалды қозу), паранойя, сананың шатасуы, ұйқысыздық. Орталық жүйке жүйесі тарапынан Бас айналу, бас ауыруы, күйгелектік, мазасыздық, эйфория, түсініксіз қуаныш сезімі, есте сақтау қабілетінің төмендеуі немесе ұмытшақтық, бағдардан жаңылу немесе делирий, ұйқышылдық немесе седация, емдеуді күрт тоқтату жағдайында паркинсонизм нашарлауы, хореялық түрдегі (еріксіз) қозғалыстар, емдеуді күрт тоқтату жағдайында қатерлі нейролептикалық синдром (ҚНС), парестезия (сезімталдықтың бұзылуы). Миастенияның өршуі байқалуы мүмкін. Көру мүшесі тарапынан бұзушылықтар Аккомодацияны жоғалтуымен және фотофобиямен көз қарашықтарының кеңеюі, циклоплегия (көз бұлшықетінің салдануы), көзішілік қысымның жоғарылауы, жабық бұрышты глаукома (кейбір жағдайларда соқырлық туралы хабарланды). Жүрек тарапынан бұзылулар Тахикардия, синустық брадикардия. Тыныс алу жүйесі, кеуде қуысы және көкірек ортасы тарапынан бұзылулар Бронх секрециясының төмендеуі. Асқазан-ішек жолы тарапынан Іш қату, құсу, ауыз құрғауының жоғарылауына қатысты салдарлы іріңді паротит, ішектің салданған бітелуі және тоқ ішектің кеңеюі. Шөлдеу, жұтудың қиындауымен ауыздың құрғауы, жүрек айнуы. Тері мен теріасты тіндері тарапынан бұзылулар Тері гиперемиясы, құрғақ тері, тері бөртпесі. Бүйрек және несеп шығару жолдары тарапынан бұзылулар Дизурия, несеп шығару процесінің қиындауы немесе несеп шығарудың кешеуілдеуі. Жалпы бұзылыстар және енгізген жердегі бұзылулар Аллергиялық реакция, әлсіздік, аз терлеу және ыстыққа төзбеушілік, терлемеу, ыстық өту, гипертермия, қызба. Ересектерде байқалатын жағымсыз реакцияларға қоса, педиатриялық пациенттерде әдебиетте келесі жағымсыз реакциялар сипатталған: гиперкинездер (еріксіз қозғалыстар), психоз, ұмытшақтық, салмақ жоғалту, мазасыздық, хорея және ұйқының бұзылуы. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Циклодол Гриндекспен артық дозалану атропинмен уланудың тән орталық симптомдарын тудырады (орталық антихолинергиялық синдром). Диагнозды дұрыс қою ысынуды қоса алғанда, парасимпатикалық блокаданың шеткері белгілерін тануға байланысты болады. Артық дозаланудың ең көп таралған жүрек - қан тамырларының реакциялары дозаны жоғарылатқан кезде тері вазодилатациясы мен гипотензиясы пайда болуы ықтимал болса да, тахикардия мен артериялық гипертензия болып табылады. Басқа белгілі белгілерге ерінді шөлпілдету мен еріннің басқа қимыл-қозғалыстары жатады. Хал-жағдай мелшиюге, комаға, сал ауруына, жүректің тоқтап қалуына, тыныс алудың тоқтап қалуына және өлімге дейін үдеуі мүмкін. Емі Артық дозалануды емдеу симптоматикалық және демеуші терапияны қамтиды. Егер пациент артық дозаланғаннан кейін бір-екі сағат ішінде белсендірілген көмірді қабылдайтын болса, препараттың сіңуі төмендеуі мүмкін. Ес-түссіз жағдайдағы немесе құсу рефлексі бұзылған пациенттер үшін тыныс алу жолдарын алдын-ала сақтай отырып, назогастральді зонд арқылы белсендірілген көмірді енгізу туралы қарастыру керек. Егер ОЖЖ қозуы байқалса, диазепамның немесе қысқа әсер ететін барбитураттың аз дозасын енгізуге болады. Комаға әкелуі мүмкін антимускариндік әсер салдарында уыттылықтың күшею ықтималдығына байланысты фенотиазиндер қарсы көрсетілімді болып табылады. Сондай-ақ, тыныс алуды демеу, жасанды тыныс алу немесе вазопрессорлық препараттарды қолдану қажет болуы мүмкін. Гиперпирексияны жойып, сұйықтық көлемін толтыру және қышқыл-сілтілік теңгерімді сақтау қажет. Қуықты катетерлеу қажет болуы мүмкін. Тригексифенидилдің диализ арқылы шығып, шықпайтыны белгісіз.

Тригексифенидилді егде жастағы және жүрек-қан тамырлары аурулары бар, бауыр мен бүйрек функциясы бұзылған пациенттерге аса сақтықпен қолдану керек. Келесі жағдайларда сақ болу қажет: өмірге қауіп төндіретін тахикардияға әкелуі мүмкін аурулар, қарттық ақыл-естің кемуі синдромы, миастения, қуықтың толық босатылуымен қуық асты безінің гипертрофиясы. Паркинсон ауруына қарсы препараттар кешеуілдеген дискинезия симптомдарын азайтпайды, кейбір жағдайларда олар жағдайды тіпті нашарлатуы да мүмкін. Сондықтан, тек қатар жүретін Паркинсон ауруы болмаса, препаратты кешеуілдеген дискинезиясы бар пациенттерге қолдану кеңес етілмейді. Тригексифенидилді теріс пайдалану жағдайлары, әсіресе психиатриялық ауруы бар пациенттерде (елестеулер мен эйфориялық әсерге байланысты) белгілі болды. Дәрілік тәуелділіктің дамуы мүмкін екенін де ескеру қажет. Емді кенеттен тоқтатуға болмайды. Арнайы ескертулер Қосымша заттар Циклодол Гриндекс таблеткаларында сахароза бар. Осы препаратты сирек кездесетін туа біткен фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Циклодол Гриндекс механизмдерді басқару немесе көлік жүргізу секілді қауіпті тапсырмаларды орындау үшін қажетті ақыл-ой және/немесе физикалық қабілеттерді нашарлатуы мүмкін. Пациенттерге оны қолдану кезінде Циклодол Гриндекспен емдеу олардың осы әрекеттерді жасау қабілетіне теріс әсер етпейтініне сенімді болмағанға дейін механикалық көлікті қоса алғанда, механизмдерді басқарудан аулақ болу керектігін ескерту қажет.

Егер сіз жүкті болсаңыз немесе бала емізіп жүрген болсаңыз, жүкті болуым мүмкін деп ойласаңыз немесе жүкті болуды жоспарлап жүрсеңіз, осы препаратты қолданар алдында дәрігеріңізбен кеңесіңіз. Тригексифенидилмен тератогендік және эмбриоуытты әлеуетті бағалау үшін жануарларға репродуктивті зерттеулер жүргізілген жоқ. Сондай-ақ, тригексифенидилді анасы қолданған кезде шаранаға зияндық келуі немесе ұрпақ өрбіту қабілетіне әсер етуі белгісіз. Сондықтан жүктілік кезінде Циклодол Гриндексті ана үшін күтілетін пайда шарана үшін белгісіз қауіптен асып кеткен жағдайда ғана қолдану керек. Тригексифенидилдің емшек сүтімен бөлінетіні белгісіз. Көптеген дәрі-дәрмектер ана сүтімен бөлінетін болғандықтан, емізетін әйелдерге Циклодол Гриндексті қолданғанда абай болу керек. Басқа холинбөгейтін дәрілер секілді, Циклодол Гриндекс те лактацияны тежеуі мүмкін. Сондықтан Циклодол Гриндексті емшек сүтімен емізу кезінде ана үшін күтілетін пайда нәресте үшін ықтимал қауіптен асқан жағдайда ғана қолдану керек.

Дәрігерге немесе фармацевтке жақында қолданған, қолданылып жүрген немесе алдағы уақытта қолданылуы мүмкін барлық дәрілік препараттар туралы хабарлаңыз. Кейбір дәрілік препараттар Циклодол Гриндекспен өзара әрекеттесуі мүмкін. ОЖЖ депрессанттары Каннабиноидтарды, барбитураттарды, апиындарды және алкогольді Циклодол Гриндекспен бірге қолданғанда осы заттардан болатын әсер күшейіп, солайша, теріс пайдалану потенциалы пайда болуы мүмкін. Қандағы концентрацияны және терапиялық әсерді төмендетіп, тригексифенидил метаболизмін күшейтетін болғандықтан алкогольді пайдаланбау керек. Холинбөгейтін препараттар Циклодол Гриндексті басқа холинбөгейтін препараттармен бір мезгілде қолдану олардың шеткері холинбөгейтін әсерін өзара күшейтуі мүмкін. Моноаминоксидаза тежегіштері және айқын холинбөгейтін белсенділігі бар трициклді антидепрессанттар осы препараттардың салдарлы холинбөгейтін белсенділігіне байланысты паркинсон ауруына қарсы препараттардың, соның ішінде тригексифенидилдің әсерін күшейтуі мүмкін. Өзара күшейтілген антимускариндік әсерлер асқазан-ішек жолдарының тегіс бұлшықеттерінде ғана емес, сонымен қатар қуықта, ОЖЖ, көз және термореттеу функцияларында да байқалуы мүмкін екенін атап өту керек. Келесі жағымсыз реакциялар туындауы мүмкін: ауыздың құрғауы, бұлыңғыр көру, несеп шығару процесінің қиындауы, несеп шығарудың іркілуі және іш қату. Сондай ақ, өзара әрекеттесуге түсетін препаратқа байланысты қатты ұйқышылдық да дамуы мүмкін. Жалпы алғанда, холинбөгейтін препараттарды трициклді антидепрессанттарды немесе моноаминоксидаза тежегіштерін қабылдап жүрген пациенттерге абайлап қолдану керек. Антидепрессанттарды қабылдаған пациенттерде тригексифенидилмен емдеу басында трихексифенидил дозасын азайту, сондай-ақ, тұрақты тексеруді жүргізіп отыру керек. Нейролептиктер Нейролептиктерді қолданудан туындаған дәрі-дәрмектік паркинсонизмді алдын-алу үшін Циклодол Гриндекс секілді холинбөгейтін препараттарды қолдану ұсынылмайды. Холинбөгейтін препараттар мен нейролептиктерді бір мезгілде қолданғанда кешеуілдеген дискинезияның (tardive dyskinesia) даму қаупі артуы мүмкін (Қолданған кездегі қажетті сақтандыру шаралары бөлімін қараңыз). Леводопа Циклодол Гриндексті бір уақытта леводопамен бірге қолданғанда бір уақытта қолдану дәрілік препараттан туындайтын еріксіз қозғалыстарды күшейтуі мүмкін болғандықтан, бір немесе екі препараттың әдеттегі дозасын азайту қажет болуы мүмкін. Құрысуға қарсы препараттар Циклодол Гриндекс секілді холинбөгейтін препараттармен емделудің бастапқы кезеңінде талапқа сай ерте бақыланатын эпилепсиямен ауыратын пациенттерде құрысулар өршуі мүмкін. Парасимпатомиметиктер Холинергиялық рецепторлардың тікелей агонистері және холинестераза тежегіштері секілділерді қоса, парасимпатомиметиктердің мускариндік әсерлері тригексифенидилдің антимускариндік әсерін антагониздеуі мүмкін. Прокинетикалық препараттар Тригексифенидилдің антимускариндік қасиеттері метоклопрамид, тегасерод және домперидон секілді прокинетиктерге асқазан-ішек жолының функциясына қатысты фармакодинамикалық түрде қарсы әсер ете алады. Карбоангидраза тежегіштері Ацетазоламид шығарылуды азайтып, антимускариндік препараттар әсерін күшейтуі мүмкін. Карбоангидраза тежегіштері бүйрек өзекшелерінде реабсорбция үшін қол жетімді болатын иондалмаған дәрілік зат мөлшерін арттыра отырып, несептің сілтіленуін арттырады. Карбоангидраза тежегіштерін Циклодол Гриндекспен бір мезгілде қолданғанда сақ болып, айқын антихолинергиялық жағымсыз реакциялардың пайда болуын қадағалау қажет. Өзара күшейтетін әсер арқасында топираматты (әлсіз карбоангидраза тежегіштері) Циклодол Гриндекспен қолдану олигогидрозға, гипертермияға және/немесе ыстық өтуге алып келуі мүмкін. Магний гидроксиді Магний гидроксиді тригексифенидилдің сіңуін тежейді. Бір мезгілде қолдануды болдырмай, өзара әрекеттесуді шектеу үшін қабылдау уақыты арасында кем дегенде 2 сағат алшақтықтың болуын қамтамасыз ету керек. Мемантин Ауыздың құрғауы, несеп шығару процесінің қиындауы немесе бұлыңғыр көру секілді тригексифенидилдің жағымсыз реакциялары мемантинді қолданғанда күшеюі мүмкін; Мемантинді Циклодол Гриндексімен бір мезгілде қолданғанда Циклодол Гриндекс дозасын түзету қажет болуы мүмкін. Тағамдық өнімдер Цитрус және жеміс шырындары секілді қышқыл тағамдарды тұтыну Циклодол Гриндекс дозасының әсерін төмендетуі мүмкін. Кофенің көп мөлшері мен Циклодол Гриндекс эйфориялық әсерге әкелуі мүмкін. Басқа дәрілер Антимускариндік жағымсыз реакциялардың ықтимал күшеюіне байланысты тригексифенидилді фенотиазиндермен, клозапинмен, антигистаминді препараттармен, дизопирамидпен, нефопаммен және амантадинмен бір мезгілде қолданғанда ерекше сақ болу керек.

Сақтау мерзімі 5 жыл. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!