Цилапенем порошок 0,25г/0,25г

Бір құтының ішінде белсенді заттар – имипенем (имипенем моногидраты түрінде) 0,25 г немесе 0,5 г және циластатин (циластатиннің натрий тұзы түрінде) – 0,25 г немесе 0,5 г (имипенем және циластатиннің натрий тұзының қоспасы түрінде). қосымша заттар – натрий бикарбонаты. Сыртқы түрінің, иісінің, дәмінің сипаттамасы Ақ түстен сары түске дейінгі ұнтақ.

Вена ішіне енгізуге арналған цилапенем келесі инфекцияларды емдеуде қолданылады: • құрсақ қуысының асқынған инфекциялары; • ауыр пневмония, оған қоса ауруханалық және ӨЖЖ астасқан пневмония; • интранатальді және босанудан кейінгі инфекциялар; • несеп шығару жолдарының асқынған инфекциясы; • тері мен жұмсақ тіндердің асқынған инфекциялары. Цилапенемді бактериялық инфекцияға күдік туындағанда нейтропениялық қызбасы бар пациенттерді емдеуге қолдануға болады. Жоғарыда аталған инфекциялардың кез келгенімен байланысты болатын немесе солай болжанатын бактериемиясы бар пациенттерді емдеу. Бактерияға қарсы дәрілерді тиісінше қолдану бойынша ресми нұсқауларды назарға алған жөн.

Әсер ету механизмі Цилапенем препаратының құрамына екі компонент кіреді: имипенем және натрий циластатині салмақ бойынша 1:1 арақатынасында. Имипенем (N-формимидоил-тиенамицин) – бұл Streptomyces cattleya жіп тәрізді бактериясы өндіретін бастапқы зат тиенамициннің жартылай синтетикалық туындысы. Имипенем пенициллин байланыстырушы ақуыздармен (ПБА) байланысу салдарынан грамоң және грамтеріс бактериялардың бактериялық жасушалары қабырғасының синтезін тежеу жолымен бактерицидтік әсер етеді. Натрий циластатині дегидропептидаза-I бәсекелі, қайтымды және спецификалық тежегіші (имипенемді метаболиздейтін және белсенділігін жоятын бүйрек ферменті). Ол өзінің бактериялық белсенділігі жоқ және имипенемнің бактерияға қарсы белсенділігіне әсер етпейді. Фармакокинетикалық / фармакодинамикалық өзара байланыс Басқа бета-лактамдық антибиотиктерге қатысты сияқты, имипенем концентрациясы ЕТТК (Т>ЕТТК) асып кеткен уақыт тиімділікпен өте жақсы өзара байланысады. Резистенттілік механизмі Имипенемге резистенттілік төмендегінің салдарынан байқалуы мүмкін: • Грамтеріс бактериялардың сыртқы жарғақшасы өткізгіштігінің төмендеуі (пориндер өндірілуінің төмендеу себебінен); • Имипенем эффлюкстік помпаның жасушасынан белсенді түрде жоғалуы мүмкін; • ПБА имипенеммен тектестігінің бәсеңдеуі; • Имипенем карбапенемдерді гидролиздейтін салыстырмалы түрде сирек бета-лактамазаларды қоспағанда, грамоң және грамтеріс бактериялар өндіретін пенициллиназалар мен цефалоспориназаларды қоса, көптеген бета-лактамазалардың гидролизіне тұрақты болып табылады. Басқа карбапенемдерге резистентті түрлері, әдетте, имипенемге төзімді. Нысанаға байланысты, имипенем мен хинолондар, аминогликозидтер, макролидтер мен тетрациклиндер класының препараттары арасында айқаспалы резистенттілік жоқ. Шектік концентрациялар Еуропадағы микробқа қарсы сезімталдықты тестілеу жөніндегі комитетке (EUCAST) (01.01.2020 ж., 10.0 нұсқасы) сәйкес имипенемнің ең төменгі тежегіш концентрациясының (ЕТТК) мәндері, www.eucast.org сайтынан қараңыз) төмендегі кестеде келтірілген Микроорганизм — Сезімталдық — Резистенттілік Enterobacterales — ≤2 мг/л — >4 мг/л Enterobacterales1 (Morganella morganii, Proteus spp. and Providencia spp.) — ≤0,001 мг / л — >4 мг/л Pseudomonas spp. — ≤0,001 мг / л — >4 мг/л Acinetobacter spp. — ≤2 мг/л — >4 мг/л Staphylococcus spp. — Цефокситинге сезімталдыққа негізделген Enterococcus spp. — ≤0,001 мг / л — >4 мг/л Streptococcus A, B, C, G — A, B, C, G топтарындағы бета-гемолиздік стрептококктің бета-лактамдық сезімталдығы пенициллинге сезімталдығы бойынша анықталады S. pneumoniae — ≤2 мг/л — >2 мг/л Viridans тобының стрептококктары — ≤2 мг/л — >2 мг/л H. influenzae — ≤2 мг/л — >2 мг/л M. catarrhalis2 — ≤2 мг/л — >2 мг/л Neisseria gonorrhoeae — Neisseria gonorrhoeae қатысты имипенем тиімділігінің дәлелдері жеткіліксіз Грамоң анаэробтар — ≤2 мг/л — >4 мг/л Грамтеріс аэробтар — ≤2 мг/л — >4 мг/л Burkholderia pseudomallei — ≤2 мг/л — >2 мг/л Шектік түрсіз концентрациялар3 — ≤2 мг/л — >4 мг/л Morganella morgannii, Proteus spp және Providencia spp. түрлеріне қатысты имипенемнің табиғи төмен белсенділігі имипенемнің жоғары экспозициясын талап етеді. Сезімтал емес изоляттар өте сирек кездеседі немесе әлі анықталған жоқ. Мұндай изоляттарды анықтаудың барлық жағдайларында сезімталдықты анықтау мен сәйкестендіруді қайталау және изолятты референттік зертханаға жіберу керек. Шектік түрсіз концентрациялар негізінен, фармакокинетика/фармакодинамика деректері бойынша анықталған және спецификалық түрлердің ЕТТК байланысты емес. Оларды шектік түрлік концентрациялар шолуында көрсетілмеген түрлер үшін немесе сілтемелерде ғана пайдалану керек. Сезімталдық Бактериялардың жекелеген түрлерінде пайда болған резистенттіліктің таралуы географиялық жағдайына байланысты және уақыт өте келе өзгеруі мүмкін, сондықтан резистенттілігі туралы, атап айтқанда ауыр инфекцияларды емдеу кезінде жергілікті деректерді игерген дұрыс. Қажеттілігіне қарай, егер резистенттіліктің жергілікті таралуы препараттың пайдалылығы инфекциялардың кейбір типтеріне қатысты күмәнді болса, кеңес алу үшін маманға бару керек. Әдетте сезімтал микроорганизмдер: Грамоң аэробтар: Enterococcus faecalis, Staphylococcus aureus (метициллинге сезімтал)*, Staphylococcus coagulase negative (метициллинге сезімтал), Streptococcus agalacticae, Streptococcus pneumoniae, Streptococcus pyogenes, Streptococcus viridans тобы. Грамтеріс аэробтар: Citrobacter freundii, Enterobacter aerogenes, Enterobacter cloacae, Escherichia coli, Haemophilus influenzae, Klebsiella oxytoca, Klebsiella pneumoniae, Moraxella catarrhalis, Serratia marcescens. Грамоң анаэробтар: Clostridium perfringens**, Peptostreptococcus** түрлері. Грамтеріс анаэробтар: Bacteroides fragilis, Bacteroides fragilis тобы, Fusobacterium түрлері, Porphyromonas asaccharolytica, Prevotella түрлері, Veillonella түрлері. Тұрақтылық пайда болуы мүмкін микроорганизм түрлері Грамтеріс аэробтар: Acinetobacter baumanii, Pseudomonas aeruginosa. Табиғи резистенттілікке ие микроорганизм түрлері Грамоң аэробтар: Enterococcus faecium. Грамтеріс аэробтар: Burkholderia cepacia кейбір штаммдары (бұрын Pseudomonas cepacia), Legionella түрлері, Stenotrophomonas maltophilia (бұрын Xanthomonas maltophilia, бұрын Pseudomonas maltophilia). Басқалары: Chlamydia түрлері, Chlamydophila түрлері, Mycoplasma түрлері, Ureaplasma urealyticum. * барлық метициллинге резистентті стафилококктар имипенемге/циластатинге резистентті болып табылады. ** түрсіз шектік концентрациялар (Еуропадағы антибиотиктерге сезімталдықты анықтау жөніндегі комитетке сәйкес) пайдаланылған.

Цилапенем препаратының ұсынылатын дозалары имипенем/циластатиннің қолданылу керек мөлшеріне сәйкес келеді. Цилапенем препаратының тәуліктік дозасы инфекцияның типіне және ауырлығына, бөлінген қоздырғыштың, пациенттегі бүйрек функциясының жағдайына және дене салмағына байланысты болуы тиіс. Дозалау режимі Ересектер мен жасөспірімдер Бүйрек функциясы қалыпты пациенттер үшін (креатинин клиренсі ≥ 90 мл/мин) мынадай қолдану сызбалары ұсынылады: 6 сағат сайын 500 мг/500 мг немесе 8 сағат сайын немесе 6 сағат сайын 1000 мг/1000 мг. Егер инфекция сезімталдығы аз бактерия түрлерінен (мысалы, Pseudomonas aeruginosa) туындаған немесе туындады деп болжанған жағдайда, сондай-ақ инфекцияның өте ауыр түрінде (мысалы, нейтропениялық қызбасы бар пациенттер) ұсынылатын доза 6 сағат сайын 1000 мг/1000 мг құрайды. Егер креатинин клиренсі <90 мл/мин құраса, дозаны төмендету қажет (1-кестені қараңыз). Ең жоғары тәуліктік доза тәулігіне 4000 мг/4000 мг аспауы тиіс. Пациенттердің ерекше топтары Бүйрек функциясы бұзылған ересек пациент үшін төмендетілген дозаны анықтау үшін мыналар қажет: • Әдетте бүйректің қалыпты функциясы кезінде қолданылатын жалпы тәуліктік дозаны (мысалы, 2000/2000, 3000/3000 немесе 4000/4000 мг) анықтау; • Кестеде пациенттегі креатинин көрсеткішіне байланысты тиісті төмендетілген дозаны табыңыз. Инфузия жүргізу уақытын «Енгізу жолы және тәсілі» бөлімінен қараңыз. 1-кесте. Креатинин клиренсі негізінде бүйрек функциясының жағдайына байланысты ересек пациенттерге арналған цилапенем дозалары Бүйрек функциясы қалыпты пациенттер үшін жалпы тәуліктік доза (мг/тәул) — Креатинин клиренсі (мл/минут)* ≥90 — <90 - ≥60 — <60 - ≥30 — <30 - ≥15 Доза, мг (аралық, сағат) 2000/2000 — 500 (6) — 400 (6) — 300 (6) — 200 (12) 3000/3000 — 1000 (8) — 500 (6) — 500 (8) — 500 (12) 4000/4000 — 1000 (6) — 750 (8) — 500 (6) — 500 (12) * Креатинин клиренсі <15 мл/мин пациенттерде егер 48 сағат бойы гемодиализ сеансы өткізілмесе, Цилапенем қолдануға болмайды. Гемодиализ жүргізілетін пациенттер Креатинин клиренсі <15 мл/мин гемодиализдегі пациенттерді емдеу кезінде креатинин клиренсі 15-29 мл/мин пациенттерге ұсынылған дозаларды қолданған жөн (1-кестені қараңыз). Имипенем және циластатин гемодиализ кезінде қан айналым жүйесінен шығарылады. Пациенттер гемодиализ сеансы аяқталған сәттен бастап 12 сағаттық аралықпен гемодиализ жүргізгеннен кейін Цилапенем қабылдауы тиіс. Диализ сеанстарын жүргізетін пациенттердің жағдайын, әсіресе орталық жүйке жүйесінің (ОЖЖ) негізгі ауруы кезінде мұқият бақылау керек. Гемодиализ жүргізілетін пациенттер үшін Цилапенем препараты, егер препаратты қолданудың басымдығы құрысу ұстамасы туындауының потенциалды қаупінен асып кеткен жағдайда ғана ұсынылады. Қазіргі уақытта цилапенем препаратын перитонеальді диализ жүргізілетін пациенттерде қолдануды ұсыну үшін деректер жеткіліксіз. Бауыр функциясы бұзылған пациенттер Бауыр функциясы бұзылған пациенттерде дозаны түзету ұсынылмайды. Егде пациенттер Бүйрек функциясы қалыпты егде жастағы пациенттерге дозаны түзету ұсынылмайды. Балалар ≥1 жастағы балалар ≥1 жастағы балалар үшін ұсынылған доза 6 сағат сайын 15/15 мг/кг немесе 25/25 мг/кг құрайды. Егер инфекция сезімталдығы аз бактерия түрлерінен (мысалы, Pseudomonas aeruginosa) туындаған немесе туындады деп болжанған жағдайда, сондай-ақ инфекцияның өте ауыр түрінде (мысалы, нейтропениялық қызбасы бар пациенттер) ұсынылатын доза 6 сағат сайын 25/25 мг/кг құрайды. <1 жастағы балалар 1 жасқа дейінгі балаларға препаратты дозалау бойынша нұсқаулар беру үшін клиникалық деректер жеткіліксіз. Бүйрек функциясы бұзылған балалар Бүйрек функциясы бұзылған балаларға арналған препаратты дозалау жөнінде нұсқаулар беру үшін клиникалық деректер жеткіліксіз (сарысулық креатинин деңгейі >177 мкг/дл). Енгізу жолы және тәсілі Цилапенемді қолданар алдында қалпына келтіріп, содан кейін сұйылту керек. ≤500 мг/500 мг дозаны 20 30 минут бойы вена ішіне инфузия түрінде енгізу керек. >500 мг/500 мг дозаны вена ішіне инфузия түрінде 40-60 минут бойы енгізу керек. Инфузия жүргізу кезінде жүрек айнуы пайда болатын пациенттерге инфузия жылдамдығын төмендету керек. Дәрілік препараттың ерітіндісін дайындау, енгізу және сақтау ережесі Әрбір құтының ішіндегісін 50 мл (250 мг/250 мг доза үшін) немесе 100 мл (500 мг/500 мг доза үшін) тиісті инфузиялық ерітінді – 0,9% натрий хлориді ерітіндісіне ауыстыру қажет. Ерекше жағдайларда, 0,9% натрий хлориді ерітіндісін клиникалық себептер бойынша пайдалану мүмкін болмаса, оның орнына 5% глюкоза ерітіндісін қолдануға болады. Ұсынылатын дайындау процедурасы дәрілік препарат тұрған құтыға шамамен 10 мл тиісті инфузиялық ерітіндіні қосудан тұрады. Алынған қоспаны жақсылап шайқап, инфузиялық ерітінді тұрған контейнерге ауыстыру керек. АЛЫНҒАН СУСПЕНЗИЯНЫ ТІКЕЛЕЙ ЕНГІЗУ ҮШІН ҚОЛДАНУҒА БОЛМАЙДЫ! Құты ішіндегісінің инфузиялық ерітіндіге толық тасымалдануын қамтамасыз ету үшін осы инфузиялық контейнерден қосымша 10 мл-мен процедураны қайталаңыз. Инфузиялық контейнерде алынған қоспаны мөлдір ерітінді пайда болғанша шайқау керек. Дайындалған ерітіндідегі имипенем мен циластатиннің концентрациясы шамамен 5 мг/мл құрайды. Дайындалған ерітінділерді дереу қолдану керек! Қалпына келтірудің (ерітіндіні дайындаудың) басталуы мен вена ішіне инфузияның аяқталуы арасындағы уақыт аралығы екі сағаттан аспауы тиіс. Ерітінді түсінің түссізден ашық сарыға дейін өзгеруі дәрілік препараттың тиімділігіне әсер етпейді. Пайдаланылмаған дәрілік препарат немесе қалдықтары жергілікті талаптарға сәйкес жойылуы тиіс. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Дәрілік препаратты қабылдаудан бұрын дәрігерге немесе фармацевтке хабарласыңыз.

• белсенді заттарға және/немесе препараттың кез келген басқа компонентіне жоғары сезімталдық • карбапенемдер тобының кез келген антибиотигіне жоғары сезімталдық • бета-лактамды антибиотиктердің кез келген басқа типіне (мысалы, пенициллиндер, цефалоспориндер) жоғары сезімталдықтың ауыр реакциясы (мысалы, анафилаксиялық реакция, тері реакциясының ауыр формасы).

Жиі • эозинофилия • тромбофлебит • диарея, жүрек айнуы, құсу (препаратты қолданумен байланысты жүрек айнуы және құсу гранулоцитопениясы жоқ пациенттерге қарағанда гранулоцитопениясы бар пациенттерде жиі кездеседі) • бөртпе, оның ішінде экзантематозды бөртпе • қан сарысуындағы трансаминазалар мен сілтілік фосфатазаның жоғарылауы. Жиі емес • панцитопения, нейтропения, лейкопения, тромбоцитопения, тромбоцитоз • психиканың бұзылуы, оған қоса елестеу және сананың шатасуы • құрысу, миоклониялық белсенділік, бас айналуы, ұйқышылдық • гипотензия • есекжем, қышыну • қызба, инъекция орнындағы жергілікті ауыру және тығыздалу, инъекция орнындағы эритема • Кумбс тура оң тестісі, протромбиндік уақыттың ұзаруы, гемоглобин төмендеуі, қан сарысуында билирубин концентрациясының жоғарылауы, қан сарысуында креатинин деңгейінің көтерілуі, қандағы азот мочевинасы деңгейінің жоғарылауы. Сирек • жалған жарғақшалы колит, кандидоз • агранулоцитоз • анафилаксиялық реакциялар • энцефалопатия, парестезия, фокальді тремор, дәм сезудің бұрмалануы • естімей қалу • тістердің және/немесе тілдің боялуы • бауыр жеткіліксіздігі, гепатит • уытты эпидермальді некролиз, ангионевроздық ісіну, Стивенс-Джонсон синдромы, мультиформалы эритема, эксфолиативті дерматит • бүйректің жедел жеткіліксіздігі, олигурия/анурия, полиурия, несеп түсінің өзгеруі (қауіпсіз, гематуриямен шатастырмаған жөн). Цилапенем препаратын қолданудың бүйрек функциясын өзгерту әсерін бағалау қиын, өйткені, әдеттегідей, преренальді азотемия немесе бүйрек функциясы бұзылуының дамуына бейімдеуші факторлар болады. Өте сирек • гастроэнтерит • гемолитикалық анемия, сүйек кемігі функциясының бәсеңдеуі • миастения гравистің нашарлауы, бас ауыруы • құлақтың шыңылдауы, бас айналуы • цианоз, тахикардия, жүрек қағуын сезіну • қан кернеулер • диспноэ, гипервентиляция, жұтқыншақтың ауыруы • геморрагиялық колит, іш ауыруы, қыжыл, глоссит, тіл емізікшелерінің гипертрофиясы, саливацияның жоғарылауы • фульминантты гепатит • гипергидроз, тері текстурасының өзгеруі • полиартралгия, омыртқаның кеуде бөлігінің ауыруы • вульваның қышынуы • кеуде қуысындағы жайсыздық, астения/әлсіздік. Балалар ≥3 айлық 178 баланың қатысуымен жүргізілген зерттеулер барысында ересек пациенттерде байқалған жағымсыз реакциялар туралы хабарланды. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану симптомдары жағымсыз реакциялар бейінімен ұқсас; симптомдарға: құрысу, сананың шатасуы, тремор, жүрек айнуы, құсу, гипотензия, брадикардия кіруі мүмкін. Емі: имипенем/циластатинмен артық дозалануды емдеуге арналған арнайы ақпарат жоқ. Имипенем/натрий циластатині гемодиализ арқылы шығарылады. Алайда, артық дозаланғанда бұл процедураның тиімділігі белгісіз.

Имипенем/циластатин әрбір жеке пациентке ем жүргізуге таңдалғанда инфекцияның ауырлығы, басқа антибиотиктерге резистенттіліктің таралуы және карбапенемге резистентті қоздырғыштың бөлініп шығуы сияқты факторларды ескеріп, карбапенемдер тобы антибиотигін қолданудың мақсатқа сай болуына назар аудару керек. Аса жоғары сезімталдық Бета-лактамдық антибиотиктермен ем қабылдап жүрген пациенттерде аса жоғары сезімталдықтың күрделі және кейде фатальді реакцияларының (анафилаксиялық реакциялар) пайда болғаны жөнінде мәлімделді. Бұл реакциялар анамнезінде көптеген аллергендерге сезімталдығы бар пациенттерде пайда болуы ықтимал. Цилапенем препаратымен емді бастар алдында бұрын карбапенемдерге, пенициллиндерге, цефалоспориндерге, басқа бета-лактамдық антибиотиктерге және басқа аллергендерге туындаған жоғары сезімталдық реакциялары жөнінде пациенттен мұқият сұрап білу керек. Егер Цилапенем препаратына аллергиялық реакция туындаса, емдеуді дереу тоқтату керек. Күрделі анафилаксиялық реакциялар кезек күттірмейтін шұғыл ем жүргізуді қажет етеді. Бауыр функциясы Имипенем/циластатинмен емделу кезеңінде бауыр функциясын мұқият бақылап отыру керек, өйткені гепатоуыттылық қаупі бар (мысалы, трансаминазалар белсенділігінің жоғарылауы, бауыр функциясының жеткіліксіздігі және фульминантты гепатит). Бауыр аурулары бар пациенттерде қолдану: бауыр функциясы бұрыннан бұзылған пациенттерде имипенем/циластатинмен емделу кезінде бауыр функциясын мұқият бақылап отыру керек. Дозаны түзетудің қажеті жоқ. Гематология Имипенем/циластатинмен емделу кезеңінде Кумбстің тура немесе тура емес тестісі оң болуы мүмкін. Бактерияларға қарсы ауқымы Эмпириялық ем жүргізуді бастар алдында (әсіресе, өмірге қатер төндіретін жағдайларда) имипенем/циластатиннің бактерияларға қарсы ауқымына назар аударған жөн. Бұдан басқа, спецификалық қоздырғыштардың имипенем/циластатинге сезімталдығының шектеулі болуы себепті, мысалы, терінің және жұмсақ тіндердің бактериялық инфекцияларында сақтық шараларын қолдану керек. Имипенем/циластатин қолдану, қоздырғыштың препаратқа сезімтал екені белгілі және расталған жағдайларды қоспағанда, немесе егер болжанатын қоздырғыштар кезінде ондай емнің жарамды болу ықтималдығы жоғары болса, инфекциялардың осындай типтерін емдеуге жарамайды. Егер метициллинрезистентті Staphylococcus aureus (МРЗС) қатысы бар екені қатысуы күдік туғызса немесе расталса, бір мезгілде МРЗС әсер ететін бактерияға қарсы препараттарды қолдану көрсетілуі мүмкін. Егер көрсетілімдерде көрсетілген инфекциялардың дамуында Pseudomonas aeruginosa қатысуы күдік туғызса немесе дәлелденсе, аминогликозидтердің бірге қолданылуы көрсетілуі мүмкін. Вальпрой қышқылымен өзара әрекеттесуі Имипенемді/циластатинді және вальпрой қышқылын/натрий вальпроатын бір мезгілде қолдану ұсынылмайды. Clostridium difficile Имипенем/циластатинмен және барлық дерлік антибиотиктермен емдегенде антибиотик қолданумен байланысты колит пен жалған жарғақшалы колиттің (ауырлығы жеңілден өмірге қатерліге дейін) дамығаны жөнінде мәлімделді. Осы диагнозды имипенем/циластатин қолдану кезінде немесе одан кейін туындаған диареясы бар пациенттерде ескеру маңызды. Clostridium difficile кезінде имипенем/циластатинді тоқтату және спецификалық ем тағайындау мәселесін қарастыру керек. Ішек моторикасын тежейтін препараттарды тағайындамаған жөн. Менингит Цилапенем менингитті емдеу үшін ұсынылмайды. Бүйрек жеткіліксіздігі Цилапенем бүйрек функциясы төмендеген пациенттерде жинақталады. ОЖЖ тарапынан жағымсыз реакциялар бүйрек функциясын ескере отырып дозаны түзету болмаған жағдайда туындауы мүмкін. Орталық жүйке жүйесі Миоклониялық белсенділікті, сананың шатасуы мен құрысуды қоса, ОЖЖ тарапынан жағымсыз реакциялар, әсіресе бүйрек функциясының және дене салмағының жағдайы бойынша ұсынылған дозалардан асқан кезде хабарланды. Мұндай жағдайлар анамнезінде ОЖЖ бұзылуы кезінде (мысалы, мидың зақымдануы немесе құрысулар) және/немесе препараттың белсенді компоненттерінің жинақталуы мүмкін бүйрек функциясының бұзылуы кезінде жиі хабарланды. Сондықтан мұндай пациенттерде ұсынылған дозаны қатаң сақтау керек. Анамнезінде құрысу синдромы бар пациенттерде құрысуға қарсы емді жалғастыру керек. Құрысудың даму қаупі факторлары болған кезде немесе құрысу шегін төмендететін басқа препараттармен қатар жүргізілген ем кезінде балалардағы неврологиялық симптомдарға немесе құрысуларға ерекше назар аудару керек. Фокальді тремор, миоклонус немесе құрысу туындаған кезде пациент неврологиялық жағдайды анықтап, егер ол әлі қолданылмаған болса, құрысуға қарсы терапия тағайындауы керек. ОЖЖ тарапынан симптомдар жалғасқан кезде, Цилапенем дозасын төмендету немесе препаратпен емдеуді тоқтату көрсетілген. Егер 48 сағат ішінде гемодиализ сеансы жүргізілмесе, креатинин клиренсі минутына ≤15 мл пациенттерде Цилапенем препаратын қолдануға болмайды. Гемодиализ жүргізілетін пациенттер үшін Цилапенем препараты, егер оны қолданудың басымдығы құрысу туындауының потенциалды қаупінен асып кеткен жағдайда ғана ұсынылады. Егде жастағы пациенттерге қолдану 65 жастан асқан егде жастағы адамдарда в/і енгізу кезіндегі имипенем/циластатиннің тиімділігі мен қауіпсіздігі жасырақ адамдардан ерекшеленбейді. Алайда, осы жас тобына тән жүрек-қантамыр жүйесі, бауыр, бүйрек функциясының төмендеуін, сондай-ақ қатар жүретін аурулар мен қатар жүретін дәрі-дәрмектік терапияның болуын ескере отырып, ұсынылған дозалардың төменгі шектерін сақтай отырып, дозаны таңдауда абай болу керек. Бүйректің бөлу функциясына мониторинг жүргізген жөн. Балалар Цилапенем препаратын 1 жасқа дейінгі балаларда немесе бүйрек функциясы бұзылған балаларда (сарысу креатинині ≥177 мкг/дл) қолдану туралы нұсқаулар беру үшін клиникалық деректер жеткіліксіз. Арнайы ескертулер 250 мг дозалы Цилапенем дәрілік препаратының әр құтысында натрий мөлшері 1 ммольден (15,11 мг) аз болады, сондықтан іс жүзінде құрамында натрий жоқ деп есептеледі. 500 мг дозалы Цилапенем дәрілік препаратының әр құтысында 30,23 мг натрий бар, бұл ересек адам үшін ұсынылатын 2 г натрийдің ең жоғары тәуліктік дозасының 1,51%-ын құрайды. Натрийдің келіп түсуін шектейтін диетадағы пациенттерді ескеру қажет. Жүктілік Жүкті әйелдерде имипенем/циластатинді қолдануға тиісті және жақсы бақыланған зерттеулер жүргізілген жоқ. Буаз маймылдардағы зерттеулерде репродуктивті уыттылық байқалды. Адам үшін потенциалды қауіп белгісіз. Жүктілік кезеңінде Цилапенемді, егер потеницалды пайдасы шаранаға төнетін потенциалды қауіптен басым болған жағдайда ғана қолданылуы мүмкін. Лактация Имипенем мен циластатин ананың емшек сүтімен аздаған мөлшерлерде бөлініп шығады. Пероральді қолданудан кейін әр компоненттің аздаған абсорбциясы байқалады. Сондықтан емшек емізу кезінде бала препараттың едәуір мөлшерінің экспозицияға ұшырауы екіталай. Егер Цилапенем препаратын қолдану қажет болса, бала емізудің артықшылығы мен сәбиге төнуі мүмкін қауіпті салыстырған жөн. Фертильділік Имипенеммен/циластатинмен емделудің еркектер мен әйелдерде фертильділікке потенциалды ықпалына қатысты деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлік пен механизмдерді басқару қабілетіне әсерін зерттеу бойынша зерттеулер жүргізілген жоқ. Алайда, препаратты қолданумен байланысты кейбір жағымсыз реакциялар (мысалы, елестеу, бас айналуы, ұйқышылдық және вертиго) автокөлік пен механизмдерді басқару қабілетіне әсер етуі мүмкін.

Нұсқаулықта көрсетілмеген.

Ганцикловир және имипенем/циластатин қабылдайтын пациенттерде жайылған құрысу ұстамаларының туындағаны жөнінде мәлімделді. Бұл препараттарды, потенциалды пайдасы қаупінен басым болатын жағдайларды қоспағанда, бір мезгілде қолдануға болмайды. Вальпрой қышқылы мен карбапенемдер тобы препараттарын бір мезгілде қолданғанда вальпрой қышқылы деңгейлерінің төмендегені (емдік деңгейден төмен азаюы мүмкін) жөнінде мәлімделді. Вальпрой қышқылы деңгейлерінің төмендеуі құрысулардың пайда болуын бақылаудың жеткіліксіз болуына әкелуі мүмкін. Сол себепті имипенем мен вальпрой қышқылын/натрий вальпроатын бір мезгілде қолдану ұсынылмайды; баламалы антибиотиктер немесе құрысуға қарсы препараттарды қолдану мәселесін қарастырған жөн («Айрықша нұсқаулар және қолдану кезіндегі сақтық шаралары» бөлімін қараңыз). Пероральді қолдануға арналған антикоагулянттар Антибиотиктер мен варфаринді бір мезгілде қолдану соңғысының антикоагулянттық қасиеттерін күшейтуі мүмкін. Бір мезгілде антибиотиктер қабылдап жүрген пациенттерде пероральді түрде қолданылатын антикоагулянттардың (варфаринді қоса) антикоагулянттық әсерлерінің күшеюі туралы көп мәлімдемелер алынды. Бұл қауіп негізгі инфекциялық ауруға, пациенттің жасы мен жалпы жағдайына байланысты болуы мүмкін, сондықтан бактерияларға қарсы препараттың ХҚҚ (халықаралық қалыптасқан қатынас) көрсеткіштерін арттырудағы атқаратын рөлін бағалау қиын. Антибиотиктер мен пероральді антикоагулянттарды бір мезгілде қолдану кезінде және одан кейін көп ұзамай ХҚҚ көрсеткішін жиі тексеру ұсынылады. Цилапенем препараты мен пробенецидті бір мезгілде қолдану қан плазмасында имипенем деңгейлерінің және қан плазмасынан жартылай шығарылу кезеңінің барынша аз артуына әкеледі. Белсенді (метаболизденбеген) имипенемнің несеппен шығарылуы пробенецидпен бір мезгілде қолданылған Цилапенем препараты дозасының шамамен 60%-на дейін төмендеген. Цилапенем препараты мен пробенецидті бір мезгілде қолданғанда қан плазмасында циластатин деңгейлері және оның жартылай шығарылу кезеңі 2 есе ұзарды, бірақ циластатиннің несеппен шығарылуына ықпалы байқалған жоқ.

Сақтау мерзімі 2 жыл. Қаптамасында көрсетілген жарамдылық мерзімі өткеннен кейін қолдануға болмайды. Сақтау шарттары Ылғалдан және жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек! Дайындалған ерітінділерді дереу қолдану керек! Қалпына келтірудің (ерітіндіні дайындаудың) басталуы мен вена ішіне инфузияның аяқталуы арасындағы уақыт аралығы екі сағаттан аспауы тиіс.