ЦИНЕСЕТ® таблетки 90 мг

Бір таблетканың құрамында белсенді зат - цинакальцет гидрохлориді (цинакальцетке баламалы) 33.06 мг (30.00 мг), 66.12 мг (60.00 мг) немесе 99.18 мг (90.00 мг); қосымша заттар: желатинделген крахмал, микрокристалды целлюлоза РН 102, L- гидроксипропилцеллюлоза LH 11, сусыз коллоидты кремнийдің қостотығы (Аэросил 200), кросповидон, магний стеараты. Үлбірлі қабығының құрамы Опадрай II жасыл 32F210000: HPMC 2910/Гипромеллоза, лактоза моногидраты, титанның қостотығы (Е171), макрогол/ПЭГ, FD&C көк №2/индигокармин AL 3 % - 5 % (E 132), FD&C сары №6/сансет сары FCF алюминий лагы (Е 110), FD&C сары №5/тартразин алюминий лагы (Е 102); Үлбірлі қабығының құрамы Опадрай Clear 03F190003: HPMC 2910/Гипромеллоза, макрогол/ПЭГ. Сыртқы түрінің, иісінің, дәмінің сипаттамасы Ақшыл-жасылдан жасыл түске дейінгі, үлбірлі қабықпен қапталған, бір жақ бетінде «30», «60» немесе «90» жазуы бар сопақша пішінді таблеткалар.

Салдарлы гиперпаратиреоз Ересектер Диализдегі бүйрек жеткіліксіздігінің терминальді сатысы (БЖТС) бар ересек пациенттерде салдарлы гиперпаратиреозды (ГПТ) емдеу. ЦИНЕСЕТ® препараты сәйкесінше фосфатты байланыстыратын препараттарды және/немесе D дәруменін қамтитын біріктірілген емнің бөлігі ретінде тағайындалуы мүмкін. Қалқанша маңы безінің карциномасы және ересектердегі бастапқы гиперпаратиреоз Төмендегідей аурулары бар ересек пациенттерде гиперкальциемия айқындығының төмендеуімен: • қалқанша маңы безінің карциномасы бар. • қан сарысуындағы кальций концентрациясын бағалау нәтижелері бойынша паратиреоидэктомия көрсетілген, бірақ оның орындалуы клиникалық негізделмеген немесе қарсы көрсетілген бастапқы ГПТ (тиісті емдеу нұсқауларына сәйкес) бар.

Әсер ету механизмі Қалқанша маңы безінің негізгі жасушаларының беткейінде орналасқан кальцийге сезімтал рецепторлар - паратироид гормоны (ПТГ) секрециясының негізгі реттегіштері болып табылады. Цинакальцет рецептордың жасушадан тыс кальцийге сезімталдығын арттыра отырып, ПТГ деңгейін тікелей төмендететін кальцимиметикалық әсерге ие. ПТГ деңгейінің төмендеуі қан сарысуындағы кальцийдің төмендеуімен қатар жүреді. ПТГ деңгейінің төмендеуі цинакальцет концентрациясымен байланысты. Тепе-теңдік жағдайына жеткеннен кейін қан сарысуындағы кальций концентрациясы препаратты қабылдау арасындағы барлық аралықта тұрақты деңгейде қалады. Салдарлы гиперпаратиреоз Ересектер Алты айға созылатын үш клиникалық зерттеу (салыстырмалы жасырын, плацебо-бақыланатын) диализдегі бүйрек жеткіліксіздігінің терминальді сатысы бар, салдарлы гиперпаратиреоздың бақыланбайтын түрі бар пациенттерді (1136 пациент) қамтыды. Демографиялық және бастапқы сипаттамалар диализдегі салдарлы гиперпаратиреозы (ГПТ) бар пациенттердің популяциясына тән болды. Үш клиникалық зерттеулерде интактілі паратиреоид гормоны (иПТГ) концентрациясының орташа бастапқы көрсеткіштері цинакальцет пен плацебо топтарында 733 және 683 пг/мл (77,8 және 72,4 пмоль/л) құрап, сәйкесінше пациенттердің 66% зерттеуге кіріспес бұрын D дәруменін және >90% фосфатты байланыстыратын дәрілерді қабылдады. Цинакальцет қабылдаған пациенттерде стандартты емді қабылдаған плацебо тобындағы пациенттермен салыстырғанда қан сарысуындағы иПТГ, кальций және фосфор, кальций-фосфор өнімі (CA х Р) деңгейінің айтарлықтай төмендеуі байқалды және нәтижелер барлық үш зерттеуде салыстырмалы болды. Осы зерттеулердің әрқайсысында бастапқы соңғы нүктеге (иПТГ деңгейі ≤250 пг/мл (≤26,5 пмоль/л) бар пациенттердің үлесі) плацебо қабылдайтын пациенттермен 4 %, 7% және 6% салыстырғанда цинакальцет қабылдаған пациенттер 41%, 46% және 35% қол жеткізді. Цинакальцет қабылдаған пациенттердің шамамен 60% - ы иПТГ ≥30% төмендеуіне қол жеткізді және бұл әсер бастапқы иПТГ деңгейлерінің барлық спектрінде байқалды. CA х P, кальций және фосфор сарысу деңгейлерінің орташа төмендеуі сәйкесінше 14%, 7% және 8% құрады. Емнің 12 айында иПТГ мен Сa x Р деңгейінің төмендеуі сақталды. Цинакальцет иПТГ немесе Cа х Р бастапқы деңгейіне, диализ режиміне (гемодиализбен салыстырғанда перитонеальді диализ), диализ ұзақтығына және D дәрумені қолданылғанына немесе қолданылмағанына қарамастан иПТГ, кальций және фосфор және Сa x Р деңгейін төмендетті. ПТГ деңгейінің төмендеуі сүйек метаболизмі маркерлері (спецификалық сүйек сілтілі фосфатаза, N-телопептидтер, сүйек тінінің жаңаруы және сүйек фиброзы) деңгейінің шамалы төмендеуімен байланысты болды. Каплан-Мейер әдісін қолдана отырып, 6 және 12 айлық клиникалық зерттеулер нәтижелері бойынша жиналған мәліметтер пулына ретроспективті талдау жүргізу кезінде сүйек сынуы мен паратиреоидэктомия көрсеткіштері бақылау тобымен салыстырғанда цинакальцет тобында төмен болды. Созылмалы бүйрек ауруы (СБА) және диализден тыс салдарлы гиперпаратиреозы бар пациенттерге қатысты алдын ала зерттеулер цинакальцет бүйрек жеткіліксіздігінің терминальді сатысы (БЖТС) және диализдегі салдарлы гиперпаратиреоз диагнозы қойылған пациенттердегідей ПТГ деңгейін төмендеткенін көрсетті. Алайда, бүйрек жеткіліксіздігі бар пациенттер үшін диализ алдындағы кезеңде терапияның тиімділігі, қауіпсіздігі, тиімді дозалары мен мақсаттары анықталмаған. Осы зерттеулер диализдегі емес және цинакальцет қабылдайтын СБА бар пациенттерді диализдегі және цинакальцет қабылдайтын бүйрек жеткіліксіздігінің терминальді сатысы бар пациенттермен салыстырғанда кальцийдің бастапқы концентрациясының төмендеуіне және/немесе бүйректің қалдық қызметіне байланысты гипокальциемияның даму қаупі жоғары болатынын көрсетті. EVOLVE (Evaluatioп Of Cinacalcet Therapy to Lower Cardiovascular Events -жүрек-қан тамырлары оқиғаларының жиілігін төмендету үшін цинакальцет терапиясын бағалау) зерттеуі жалпы өлім қаупінің төмендеуін және диализдегі ГПТ және СБА бар 3883 пациенттерде плацебомен салыстырғанда цинакальцет гидрохлоридін қолданғанда салдарлы жүрек-қан тамырлары асқынуларын бағалайтын рандомизацияланған, салыстырмалы жасырын клиникалық зерттеуді білдіреді. Зерттеу, негізгі мақсат- миокард инфарктісін, тұрақсыз стенокардияға, жүрек жеткіліксіздігіне немесе шеткері тамыр ауруларына байланысты ауруханаға жатқызуды қоса алғанда, жалпы өлім немесе жүрек-қан тамырлары оқиғалары қаупін төмендету көрсеткішіне жете алмады (ҚҚ 0,93; 95% СА: 0,85, 1,02; p = 0,112). Қайталама талдаудағы бастапқы сипаттамаларға түзетулер енгізілгеннен кейін, бастапқы біріктірілген соңғы нүкте үшін ҚҚ 0,88; 95% СА: 0,79, 0,97 құрады. Қалқанша маңы безінің карциномасы және бастапқы гиперпаратиреоз Негізгі зерттеуде 46 пациент (қалқанша маңы безінің карциномасы диагнозы қойылған 29 пациент және паратироидэктомия нәтиже бермеген немесе қарсы көрсетілген бастапқы гиперпаратиреозы бар 17 пациент) 3 жылға дейін цинакальцет қабылдады (қалқанша маңы безінің карциномасы бар пациенттер үшін орта есеппен 328 күн және бастапқы гиперпаратиреозбен ауыратын пациенттер үшін 347 күн). Цинакальцет тәулігіне 2 рет 30 мг-дан тәулігіне 4 рет 90 мг-ға дейінгі дозада қолданылды. Терапияның негізгі мақсаты қан сарысуындағы кальций концентрациясын ≥1 мг/дл (≥ 0.25 ммоль/л) төмендету болды. Қалқанша маңы безінің карциномасы бар пациенттерде кальцийдің орташа концентрациясы 14,1 мг/дл-ден 12,4 мг/дл-ге дейін (3,5 ммоль/л-ден 3,1 ммоль/л-ге дейін) төмендесе, бастапқы гиперпаратиреозы бар пациенттерде қан сарысуындағы кальций концентрациясы 12,7 мг/дл-ден 10,4 мг/дл-ге дейін төмендеді (3.2 ммоль/л-ден 2.6 ммоль / л-ге дейін). Қалқанша маңы безінің карциномасы бар 29 пациенттің 18-де (62%) және бастапқы гиперпаратиреозы бар 17 пациенттің 15-де (88%) қан сарысуындағы кальций концентрациясының ≥1 мг/дл (≥ 0.25 ммоль/л) төмендеуіне қол жеткізілді. Ұзақтығы 28 аптаға созылған плацебо-бақыланатын зерттеуге қан сарысуындағы кальцийдің түзетілген жалпы концентрациясы >11,3 мг/дл (2,82 ммоль/л), бірақ ≤12,5 мг/дл (3,12 ммоль/л) негізінде паратироидэктомия жүргізу критерийлеріне сәйкес келген, алайда бұл араласу орындалмаған бастапқы ГПТ бар 67 ересек пациенттер қосылды. Цинакалцеттің бастапқы дозасы тәулігіне 2 рет 30 мг құрады және ол қан сарысуындағы кальцийдің түзетілген жалпы концентрациясының қалыпты диапазонын сақтау үшін титрленді. Цинакальцет қабылдаған пациенттердің едәуір саны қан сарысуындағы кальцийдің жалпы концентрациясына ≤10,3 мг/дл (2,57 ммоль/л) және плацебо қабылдаған пациенттермен салыстырғанда қан сарысуындағы кальцийдің жалпы концентрациясының ≥ 1 мг/дл (0,25 ммоль/л) төмендеуіне жетті (сәйкесінше 0% - бен салыстырғанда 75,8% және 5,9% - бен салыстырғанда 84,8%).

Дозалау режимі Салдарлы гиперпаратиреоз Ересектер мен егде жастағы пациенттер (65 жастан асқан) Ересектерге ұсынылатын бастапқы доза күніне бір рет 30 мг құрайды. ЦИНЕСЕТ® препараты дозасын титрлеуді диализдегі пациенттерде интактілі паратироид гормонының (иПТГ) деңгейі бойынша анықталатын 150-300 пг/мл (15,9-31,8 пмоль/л) диапазонда паратиреоидты гормонның нысаналы концентрациясы қол жеткізілетін әр 2-4 апта сайын ең жоғары доза 180 мг (тәулігіне бір рет) дейін жүргізу керек. ПТГ деңгейін анықтау ЦИНЕСЕТ® препаратын қабылдағаннан кейін 12 сағаттан бұрын жүргізілмеуі тиіс. Қазіргі ұсынымдарды ұстану керек ПТГ деңгейін ем басталғаннан немесе ЦИНЕСЕТ® препаратының дозасын түзеткеннен кейін 1-4 аптадан кейін анықтау керек. Демеуші дозаны қабылдаған кезде ПТГ деңгейін мониторингтеу 1-3 айда шамамен 1 рет жүргізілуі керек. ПТГ деңгейін анықтау үшін интактілі ПТГ (иПТГ) немесе биоинтактілі ПТГ (биПТГ) мөлшерін пайдалануға болады; цинакальцет емi иПТГ мен биПТГ арасындағы қатынасты өзгертпейді. Қан сарысуындағы кальций концентрациясына байланысты дозаны түзету ЦИНЕСЕТ® препаратының бірінші дозасын қабылдау алдында қан сарысуындағы түзетілген кальций концентрациясы қалыпты мәндер диапазонының төменгі шегі деңгейінде немесе одан жоғары мәнде екеніне көз жеткізу қажет. Кальций концентрациясының қалыпты мәндерінің диапазоны жергілікті зертханада қолданылатын әдістерге байланысты айрықшалануы мүмкін. Дозаны титрлеу кезінде яғни, ем басталғаннан немесе цинакальцет дозасын түзеткеннен кейін 1 аптадан соң қан сарысуындағы кальций концентрациясын жиі бақылау қажет. ПТГ нысаналы концентрациясына қол жеткізу және демеуші дозаға ауысу кезінде қан сарысуындағы кальций концентрациясы айына бір рет бағалануы керек. Қан сарысуындағы түзетілген кальций концентрациясы 8,4 мг/дл (2,1 ммоль/л) төмен түскенде және / немесе гипокальциемияның клиникалық көріністері дамығанда келесі ем ұсынылады: Қан сарысуындағы кальцийдің түзетілген концентрациясы немесе гипокальциемияның клиникалық көріністерінің болуы — Ұсыным <8,4 мг/дл (2,1 ммоль / л), бірақ >7,5 мг / дл (1,9 ммоль/л) немесе гипокальциемияның клиникалық көріністерінің болуы — Кальций, D дәрумені стериндері негізіндегі фосфатты байланыстыратын препараттар және/немесе диализ ерітіндісіндегі кальций концентрациясын түзету емдеуші дәрігердің шешіміне сәйкес қан сарысуындағы кальций концентрациясын арттыру үшін қолданылуы мүмкін. <8,4 мг/дл (2,1 ммоль / л), бірақ >7,5 мг / дл (1,9 ммоль/л) немесе қан сарысуындағы кальций концентрациясын арттыру талабына қарамастан, гипокальциемияның тұрақты симптомдары — ЦИНЕСЕТ® препараты дозасын төмендету немесе тоқтату ≤7,5 мг/дл (1,9 ммоль/л) немесе гипокальциемияның тұрақты симптомдары және D дәрумені дозасын жоғарылатудың мүмкін болмауы — Қан сарысуындағы кальций концентрациясы 8,0 мг/дл (2,0 ммоль/л) жеткенге және/немесе гипокальциемия симптомдары анықталғанға дейін ЦИНЕСЕТ® препаратын қабылдауды тоқтату керек. ЦИНЕСЕТ® препаратымен емді қалпына келтіру бір сатыға төмендетілген дозада жүргізіледі. Этелкальцетидтен цинакальцетке ауысу Этелкальцетидтен цинакальцетке ауысу және пациенттерде тиісті шайылу кезеңі зерттелген жоқ. Бұрын этелкальцетидті қабылдаған пациенттерде ЦИНЕСЕТ® препаратымен емдеуді қан сарысуындағы кальций деңгейін өлшеумен, кем дегенде қатарынан үш рет гемодиализ сеансын өткізгеннен кейін ғана бастауға болады. ЦИНЕСЕТ® препаратын тағайындамас бұрын қан сарысуындағы кальций концентрациясы қалыпты мәндер диапазонында екеніне көз жеткізу керек. Қалқанша маңы безінің карциномасы және бастапқы гиперпаратиреоз Ересектер мен егде жастағы пациенттер (65 жастан асқан) Ересектерге арналған ЦИНЕСЕТ® препаратының ұсынылатын бастапқы дозасы тәулігіне 2 рет 30 мг құрайды. Дозаны титрлеуді қан сарысуындағы кальций концентрациясын қалыптың жоғарғы шегіне дейін немесе одан төмен деңгейде түсіру қажеттігіне қарай әр 2-4 апта сайын доза өзгеруінің келесі ретімен жүргізу керек: тәулігіне 2 рет 30 мг, тәулігіне 2 рет 60 мг, тәулігіне 2 рет 90 мг және тәулігіне 3-4 рет 90 мг. Клиникалық зерттеулер барысында қолданылатын ең жоғары доза тәулігіне 4 рет 90 мг құрады. Қан сарысуындағы кальций концентрациясын анықтауды ем басталғаннан немесе дозаны түзеткеннен кейін 1 аптадан кейін жүргізу керек. ПТГ нысаналы концентрациясына қол жеткізу және демеуші дозаға ауысу кезінде қан сарысуындағы кальций концентрациясы әр 2-3 ай сайын бағалануы керек. Ең көп дозаға дейін титрлеу кезеңі аяқталғаннан кейін қан сарысуындағы кальций концентрациясына мерзімді мониторинг жүргізу керек. Егер демеуші дозаны қабылдау кезінде қан сарысуындағы кальций концентрациясының клиникалық маңызды төмендеуіне қол жеткізілмесе, ЦИНЕСЕТ® препаратымен емдеуді тоқтату туралы мәселені қарастыру керек. Бауыр жеткіліксіздігі бар пациенттер Бауыр жеткіліксіздігі бар пациенттерді емдеу кезінде бастапқы дозаны өзгерту қажет емес. Препаратты орташа және ауыр дәрежедегі бауыр жеткіліксіздігі бар пациенттерге сақтықпен тағайындау керек. Дозаны титрлеу кезінде және ұзақ мерзімді терапия кезінде ем барысын мұқият бақылау керек. Енгізу әдісі мен жолы Ішке қабылдауға арналған. ЦИНЕСЕТ® препаратын тамақтану кезінде немесе тамақтанғаннан кейін көп ұзамай қабылдау ұсынылады. Таблеткаларды шайнамай немесе бөлмей толығымен қабылдау керек.

- цинакальцетке немесе кез келген қосымша заттарға жоғары сезімталдық - гипокальцемия - 18 жасқа дейінгі балалар мен жасөспірімдер

Қолда бар мәліметтерге сәйкес цинакальцет препаратын қабылдаған пациенттерде ең көп таралған жағымсыз реакциялар жүрек айнуы мен құсу болды. Пациенттердің көпшілігінде жүрек айнуы мен құсу жеңіл және орташа дәрежеде және өтпелі сипатта болды. Жағымсыз әсерлерге байланысты емді тоқтатудың себептері негізінен жүрек айнуы мен құсу болды. Цинакальцетті қолдануға байланысты жағымсыз реакциялар келесі градацияға сәйкес келтірілген: өте жиі (≥1/10); жиі (≥1/100, <1/10); жиі емес (≥1/1,000, <1/100); сирек (≥1/10,000, <1/1,000); өте сирек (<1/10, 000). Өте жиі: - жүрек айну, құсу. Жиі: - аса жоғары сезімталдық реакциялары - анорексия, тәбеттің төмендеуі - құрысулар, бас айналу, парестезия, бас ауыруы - гипотензия - жоғарғы тыныс жолдарының инфекциясы, ентігу, жөтел - диспепсия, диарея, іштің ауыруы, эпигастрий тұсының ауыруы, іш қату - бөртпе - миалгия, бұлшықет түйілулері, арқаның ауыруы - астения; - гипокальциемия, гиперкалиемия, тестостерон деңгейінің төмендеуі Жиілігі белгісіз: - жүрек жеткіліксіздігі ағымының нашарлауы, QT аралығының ұзаруы және гипокальциемия аясында қарыншалық аритмия.

Күніне бір рет 300 мг-ға дейін титрленген дозалар диализдегі ересек пациенттерге тағайындалды, бұл ретте жағымсыз құбылыстар байқалмады. ЦИНЕСЕТ® препаратымен артық дозалану гипокальциемияға әкелуі мүмкін. Пациенттерде артық дозалану жағдайында гипокальциемияны дер кезінде анықтау үшін кальций концентрациясын мониторингтеу қажет. Симптоматикалық және демеуші емді жүргізу керек. Цинакальцет препаратының ақуыздармен байланысу дәрежесі жоғары болғандықтан, гемодиализ кезінде цинакальцет шығарылмайды, яғни артық дозаланған кезде гемодиализ тиімді емес.

Сарысулық кальций Цинакальцет қабылдаған ересектер мен балаларда өмірге қауіп төндіретін құбылыстар мен гипокальциемияға байланысты өлім тіркелді. Гипокальциемияның көріністеріне парестезия, миалгия, түйілулер, тетания мен құрысулар кіруі мүмкін. Қан сарысуындағы кальций концентрациясының төмендеуі QT аралығын ұзартуы, соның салдарында, гипокальциемия аясында қарыншалық аритмияның дамуына әкелуі мүмкін. Цинакальцет қабылдаған пациенттерде QT аралығының ұзару және қарыншалық аритмияның даму жағдайлары тіркелді. QT аралығының ұзаруының басқа қауіп факторлары бар пациенттерді, мысалы, туа біткен QT аралығы ұзарған синдромы диагнозы қойылған немесе бар деректер бойынша QT аралығын ұзартатын дәрілік препараттарды қабылдайтын пациенттерді емдеу кезінде сақ болу керек. Цинакальцет қан сарысуындағы кальций концентрациясын төмендететін болғандықтан, гипокальциемияның дамуына қатысты пациенттерге мұқият мониторинг жүргізу қажет. Қан сарысуындағы кальций концентрациясын ем басталғаннан немесе ЦИНЕСЕТ® препаратының дозасын түзеткеннен кейін 1 апта ішінде анықтау керек. Ересек пациенттер ЦИНЕСЕТ® препаратымен емдеуді қан сарысуындағы кальций концентрациясы (альбуминмен түзетілген) қалыпты диапазонның төменгі шегінен төмен пациенттерде қайта бастауға болмайды. Диализдегі және цинакальцет қабылдаған СБА бар пациенттердің шамамен 30%-да қан сарысуындағы кальций концентрациясы кем дегенде бір рет 7,5 мг/дл (1,9 ммоль/л) төмен болды. Диализ қабылдамайтын СБА бар пациенттер Цинакальцет диализ қабылдамайтын СБА диагнозы бар ересек пациенттерге қолдануға көрсетілмеген. Алдын ала зерттеулер кальцийдің бастапқы концентрациясының ең төмен деңгейіне және/немесе бүйректің қалдық функциясының болуына байланысты гипокальциемияның даму қаупі диализдегі пациенттермен салыстырғанда диализдегі емес СБА диагнозы бар пациенттерде жоғарылайтынын көрсетті (сарысулық кальций концентрациясы <8,4 мг/дл [2, 1 ммоль/л]). Құрысулар Цинакальцет препаратын қабылдаған пациенттерде құрысу ұстамалары жағдайлары тіркелді. Қан сарысуындағы кальций концентрациясының едәуір төмендеуі құрысу шегінің төмендеуіне әкелді. Сондықтан ЦИНЕСЕТ® препаратын қабылдайтын, әсіресе анамнезінде құрысу бұзылыстары бар пациенттерде қан сарысуындағы кальций концентрациясын мұқият бақылау қажет. Гипотензия және / немесе жүрек жеткіліксіздігі ағымының нашарлауы Жүрек функциясы бұзылған пациенттерде цинакальцет препаратын қолдануға байланысты себеп-салдарлық байланысты толығымен жоққа шығаруға болмайтын және бұл қан сарысуындағы кальций концентрациясының төмендеуіне байланысты болуы мүмкін гипотензия және/немесе жүрек жеткіліксіздігі ағымының нашарлау жағдайлары тіркелді. Препараттың көлік құралын немесе ықтимал қауіпті механизмдерді басқару қабілетіне әсер ету ерекшеліктері Цинакальцет қабылдаған пациенттерде көлік құралдарын басқару немесе күрделі механизмдермен жұмыс істеу қабілетіне елеулі әсер етуі мүмкін бас айналу және құрысу жағдайлары тіркелді.

Жүктілік кезінде цинакальцет препаратын қолдану туралы клиникалық деректер жоқ. Жүктілік кезінде ЦИНЕСЕТ® препаратын әлеуетті пайда шарана үшін ықтимал қауіптен асқан жағдайларда ғана қолдану керек. Осы уақытқа дейін емшек сүтімен цинакальцетті шығарылу мүмкіндігі зерттелмеген. Қауіп/ пайда арақатынасын мұқият бағалағаннан кейін емшек емізуді немесе ЦИНЕСЕТ® препаратын қабылдауды тоқтату туралы шешімді қабылдау керек.

Қан сарысуындағы кальций концентрациясын анық төмендететін кез келген басқа дәрілік заттарды қабылдайтын пациенттерге ЦИНЕСЕТ® препаратын сақтықпен қолдану керек. Қан сарысуындағы кальций концентрациясын мұқият бақылау қажет. ЦИНЕСЕТ® препаратын қабылдайтын пациенттер екі препаратты бір мезгілде қолдану ауыр гипокальциемияның дамуына әкелуі мүмкін болғандықтан этелкальцетидті қабылдамауы тиіс. Жалпы ПТГ талдау нәтижелері бойынша қалыптың жоғарғы шегі деңгейінен 1,5 есе төмен ПТГ деңгейін үнемі басу кезінде сүйектің адинамиялық ауруы дамуы мүмкін. Егер ПТГ деңгейі ЦИНЕСЕТ® препаратын қабылдайтын пациенттерде ұсынылатын диапазоннан төмен түссе, ЦИНЕСЕТ® препаратының және/немесе D дәруменінің дозасын төмендету немесе емді тоқтату керек. Тестостерон деңгейі Тестостерон деңгейі бүйрек жеткіліксіздігінің терминальді сатысы бар пациенттерде жиі қалыптыдан төмен болады. БЖТС бар және диализдегі ересек пациенттерді қамтитын клиникалық зерттеу деректері цинакальцет қабылдайтын пациенттерде бос тестостерон деңгейі орта есеппен 31,3% - ға және ем басталғаннан кейін 6 айдан кейін плацебо тобындағы пациенттерде 16,3% - ға төмендегенін көрсетті. Бұл зерттеудің ашық ұзартылған кезеңі цинакальцетпен емдеудің 3 жылдық кезеңінде пациенттерде бос және жалпы тестостерон деңгейінің одан әрі төмендегенін көрсетпеді. Сарысулық тестостерон деңгейін төмендетудің клиникалық маңыздылығы анықталған жоқ. Бауыр жеткіліксіздігі Орташа және ауыр дәрежедегі бауыр жеткіліксіздігі бар пациенттерде (Чайлд-Пью классификациясы бойынша) қан плазмасындағы цинакальцет концентрациясы 2-4 есе жоғары болуы мүмкін болғандықтан, мұндай пациенттерде ЦИНЕСЕТ® препаратын сақтықпен қолдану керек және емдеу кезінде мұқият мониторинг қажет. Лактоза ЦИНЕСЕТ® таблеткаларының үлбірлі қабығы құрамында 28.00% лактоза моногидраты бар. Сирек тұқым қуалайтын галактоза жақпаушылығы, Лапп лактаза тапшылығы немесе глюкоза/галактозаның мальабсорбциясы бар пациенттер препаратты қабылдамауы керек. Басқа дәрілік препараттармен өзара әрекеттесуі Қан сарысуындағы кальций концентрациясын анық төмендететін дәрілік препараттар Цинакальцетті қан сарысуындағы кальций концентрациясын анық төмендететін басқа дәрілік препараттармен бір мезгілде қолдану гипокальциемия қаупін арттыруы мүмкін. ЦИНЕСЕТ® препаратын қабылдайтын пациенттерге этелкальцетидті қабылдауға болмайды. Басқа дәрілік препараттардың цинакальцетке әсері Цинакальцет CYP3A4 изоферментімен ішінара метаболизденеді. Кетоконазолды (CYP3A4 күшті тежегіші) тәулігіне 2 рет 200 мг дозада бір мезгілде қабылдау цинакальцет концентрациясын шамамен 2 есе арттыруға алып келді. Күшті тежегіштерді (мысалы, кетоконазол, итраконазол, телитромицин, вориконазол, ритонавир) немесе CYP3A4 индукторларын (мысалы, рифампицин) бір мезгілде қабылдау қажеттігі кезінде ЦИНЕСЕТ® препаратының дозасын түзету қажет болуы мүмкін. Цинакальцет препаратының CYP1A2 изоферментінің қатысуымен ішінара метаболизденетіні анықталған. Шылым шегу CYP1A2 белсенділігін көтермелейді. Цинакальцет клиренсі шылым шекпейтіндерге қарағанда шылым шегетіндерде 36-38% жоғары. CYP1A2 тежегіштерінің (флувоксамин, ципрофлоксацин) плазмадағы цинакальцет концентрациясына әсері зерттелмеген. Егер препаратпен емделу кезінде пациент шылым шегуді бастаса/тоқтатса немесе CYP1A2 күшті тежегіштерін бір мезгілде қабылдауды бастаса/тоқтатса, дозаны түзету қажет болуы мүмкін. Кальций карбонаты: кальций карбонатын бір мезгілде қолдану (1500 мг бір реттік доза) цинакальцет препаратының фармакокинетикасын өзгертпеді. Севеламер: севеламерді бір мезгілде қолдану (күніне 3 рет 2400 мг) цинакальцет фармакокинетикасына әсер етпеді. Пантопразол: пантопразолды бір мезгілде қолдану (күніне 1 рет 80 мг) цинакальцет препаратының фармакокинетикасын өзгертпеді. Цинакальцеттің басқа дәрілік препараттарға әсері P450 2D6 (CYP2D6) ферментімен метаболизденетін дәрілік затар: Цинакальцет CYP2D6-ның күшті тежегіші болып табылады. Цинакальцет пен емдік диапазоны тар және/немесе CYP2D6 изоферментімен метаболизденетін фармакокинетикасы өзгермелі препараттарды (мысалы, флекаинид, пропафенон, метопролол, дезипрамин, нортриптилин, кломипрамин) біріктіре қолдану осы препараттардың дозасын түзетуді талап етуі мүмкін. Дезипрамин: 90 мг дозадағы цинакальцетті тәулігіне 1 рет 50 мг дозадағы дезипраминмен (CYP2D6 метаболизденетін трициклді антидепрессант) бір мезгілде қабылдау кезінде CYP2D6 белсенді метаболизмі бар пациенттерде дезипрамин экспозициясының деңгейі 3.6 есеге (90% CI 3.0, 4.4) артады. Декстрометорфан: 50 мг дозадағы цинакальцетті бірнеше рет қабылдау 30 мг дозадағы декстрометорфан препаратын қабылдау кезінде жылдам CYP2D6 метаболизаторларында (негізінен CYP2D6 метаболизденетін) AUC 11 есеге арттырды. Варфарин: цинакальцет препаратын көп рет пероральді қабылдау варфариннің фармакокинетикасына немесе фармакодинамикасына әсер етпеді (протромбин уақыты және VII қан ұю факторы өлшенді). R-және S-варфариннің фармакокинетикасына цинакальцет препараты әсерінің болмауы және көп рет қабылдағаннан кейін пациенттерде ферменттер аутоиндукциясының болмауы цинакальцет препаратының адамда CYP3A4, CYP1A2 немесе CYP2C9 индукторы еместігін көрсетеді. Мидазолам: 90 мг дозадағы цинакальцетті, 2 мг дозадағы пероральді мидазоламды, CYP3A4 және CYP3A5 субстратын бір мезгілде қолдану мидазолам фармакокинетикасына әсер етпейді. Бұл деректер цинакальцет препаратының циклоспорин мен такролимусты қоса алғанда, кейбір иммунодепрессанттар секілді CYP3A4 және CYP3A5 изоферменттерімен метаболизденетін дәрілік заттардың фармакокинетикасына әсер етпейтінін көрсетеді.

Сақтау мерзімі Жарамдылық мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!