Циннаризин таблетки 25 мг

Бір таблетканың құрамында белсенді зат - циннаризин, 25.00 мг, қосымша заттар: лактоза моногидраты, бидай крахмалы, коллоидты кремнийдің қостотығы (аэросил 200), Повидон-К25 (поливинилпирролидон К 25), тальк, магний стеараты. Сыртқы түрінің, иісінің, дәмінің сипаттамасы Ақ немесе ақ дерлік түсті, дөңгелек, екі беті дөңес таблеткалар.

• бас айналу, құлақтың шуылдауы, жүрек айну, құсу сияқты Меньер ауруы кезінде туындайтын вестибулярлық бұзылулардың профилактикасында және емінде • қозғалыс кезіндегі бас айналу профилактикасында және емінде

Әсер ету механизмі Циннаризин кальций арналарын бөгеу арқылы тамырлардың тегіс бұлшықет жасушаларының жиырылуын тежейді. Сонымен қатар, циннаризин кальцийдің тікелей антагонисті болып табылады және рецептормен басқарылатын кальций арналарын бөгеу арқылы норепинефрин және серотонин сияқты вазоактивті заттардың жиырылу белсенділігін төмендетеді. Кальцийдің жасушаларға түсуінің блокадасы тіндік селективті болып табылады және артериялық қысым мен жүректің жиырылу жылдамдығына әсер етпестен вазоконстрикцияның төмендеуін туындатады. Фармакодинамикалық әсерлері Циннаризин эритроциттердің деформациялануын күшейте отырып және қанның тұтқырлығын азайта отырып, жеткіліксіз микроциркуляцияны одан әрі жақсарта алады. Оны қабылдаған кезде жасушалардың гипоксияға төзімділігі артады. Препарат вестибулярлық жүйені стимулциялауды төмендетеді, нәтижесінде нистагм және вегетативті бұзылулардың басқа автономды симптомдары кетеді. Препарат бас айналудың жедел ұстамасының пайда болуына жол бермейді немесе симптомдарын бөгейді.

Дозалау режимі Вестибулярлық бұзылулар Ересектер және 12 жастан асқан жасөспірімдер: 1 таблеткадан күніне 3 рет. Ұсынылатын дозадан асырмау керек. Қозғалыс кезіндегі бас айналу Ересектер және 12 жастан асқан жасөспірімдер: сапарға дейін 2 сағат бұрын 1 таблеткадан. Егде жастағы пациенттер Ұсынылған доза ересек пациенттер үшін де бірдей. Бауыр функциясының бұзылуы Деректер жоқ. Бүйрек функциясының бұзылуы Деректер жоқ. Енгізу әдісі мен жолы Ішке, тамақтан кейін. Қабылдау уақытының көрсетілуімен қолдану жиілігі Деректер жоқ Емдеу ұзақтығы Деректер жоқ Дәрілік препараттың бір немесе бірнеше дозасын өткізіп алу кезінде қажет болатын шаралар Деректер жоқ Тоқтату синдромы қаупінің болуына көрсетілім Деректер жоқ

• әсер етуші затқа немесе қосымша заттардың кез келгеніне аса жоғары сезімталдық • 12 жасқа дейінгі балалар мен жасөспірімдер. • галактоза жақпаушылығы, лактаза тапшылығы немесе глюкоза-галактозаның мальабсорбциясы сияқты сирек тұқым қуалайтын аурулары бар пациенттер

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес) Жиі • ұйқышылдық, диспепсиялық құбылыстар (әдетте өткінші болып табылады және оңтайлы дозаға біртіндеп жеткенде алдын алуға болады) Сирек • ауыздың құрғауы, дене салмағының жоғарылауы • бас ауыру • аса тершеңдік • аллергиялық реакциялар Өте сирек • қызыл жалпақ теміреткі, жегі тәрізді реакциялар • холестаздық сарғаюдың жалғыз жағдайы • препаратты ұзақ уақыт қолданғанда егде жастағы науқастарда экстрапирамидалық бұзылулар, депрессия болуы мүмкін. Мұндай жағдайларда ем курсын тоқтату керек. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: құсу, ұйқышылдық, тремор, гипотония, кома. Емі: спецификалық антидоты жоқ, препаратты тоқтату, асқазанды шаю, белсендірілген көмірді енгізу, симптоматикалық ем жүргізу ұсынылады.

Егер Сізде Паркинсон ауруы болса, препаратты қабылдағанға дейін емдеуші дәрігермен кеңесу керек. Арнайы сақтандырулар Эпигастрий аймағында жайсыздық туындауы мүмкін, тамақтан кейін қолдану асқазанның шырышты қабығының тітіркенуін азайтады. Паркинсон ауруымен ауыратын паценттерге оны тағайындаудың пайдасы жағдайдың нашарлау қаупінен асып түскен жағдайларда ғана тағайындау керек. Циннаризин ұйқышылдықты туындатуы мүмкін, әсіресе емдеудің басында, сондықтан алкогольді бір мезгілде қолданғанда немесе орталық жүйке жүйесінің жұмысын төмендететін дәрілерді қолданғанда сақ болу керек. Қосымша заттар туралы қосымша ақпарат Таблеткаларда лактоза моногидраты (58.0 мг) бар, сондықтан препаратты сирек тұқым қуалайтын аурулары бар пациенттер қабылдауға болмайды, мысалы галактоза жақпаушылығы, Лапп лактаза жеткіліксіздігі немесе глюкоза-галактоза сіңірілуінің бұзылуы. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Ұйқышылдық дамуы мүмкін, әсіресе емдеудің басында, сондықтан көлік жүргізу кезінде және психомоторлық реакциялардың шапшаңдығын және аса зейін қоюды қажет ететін басқа да қауіпті іс-шаралармен айналысқан кезде абай болу керек.

Жүктілік Егер анасы үшін емдік пайдасы шаранаға төнетін ықтимал қауіпті ақтайтын жағдайда болса ғана, препарат жүктілік кезеңінде пайдаланылуы тиіс. Бала емізу Препараттың әйел емшек сүтіне бөлінуі туралы деректер жоқ, сондықтан Циннаризин қабылдайтын әйелдер емшек емізуден бас тартуы тиіс.

Алкогольді қатар қолдану және орталық жүйке жүйесінің қызметін тежейтін дәрілерді немесе трициклді антидепрессанттарды қолдану аталған дәрілік заттардың немесе Циннаризин препаратының кез келгенінің седативті әсерін күшейтуі мүмкін. Теріге аллергиялық сынама жүргізген кезде гистаминге қарсы әсеріне байланысты Циннаризин тері реактивтілігінің факторына оң реакцияны жасыруы мүмкін. Мұның алдын алу үшін теріге сынама жүргізгенге дейін препаратты 4 күн бұрын қабылдамау керек

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 °С-ден аспайтын температурада Балалардың қолы жетпейтін жерде сақтау керек!