Ципронатин таблетки 500 мг

Бір таблетканың құрамында белсенді зат – 583 мг ципрофлоксацин гидрохлориді (500 мг ципрофлоксацинге баламалы) қосымша заттар: жүгері крахмалы, микрокристалды целлюлоза (рН 102), кросповидон, аэросил 200, магний стеараты үлбірлі жабыны: Опадри Ақ**, метанол***, метиленхлорид*** **қабық құрамы: метилгидроксипропилцеллюлоза, полиэтиленгликоль 4000, титанның қостотығы Е171 *** - ақырғы өнімде болмайды. Сыртқы түрінің, иісінің, дәмінің сипаттамасы Ұзынша пішінді, екі жағында сындыру сызығы бар, ақ түсті үлбірлі қабықпен қапталған таблеткалар (500 мг доза үшін).

Ауыр жағымсыз реакциялардың дамуы қаупіне байланысты, емдеудің баламалы нұсқалары болған жағдайда, ципронатинді қоса, фторхинолондарды, созылмалы бронхиттің өршуі мен несеп шығару жолдарының асқынбаған инфекцияларында қолданбау керек. Қоздырғыштың сезімталдығы микробиологиялық зерттеулер арқылы расталуы тиіс. Препаратты аталған көрсетілімдер кезінде тек, емдеудің басқа баламалы әдістері тиімсіз болған жағдайда ғана қолдану керек. Бактерияға қарсы препараттарды тиісінше қолдану жөніндегі ресми нұсқауларды ескеру керек. Ципронатинді тек, сезімтал немесе болжамды сезімтал қоздырғыштардан туындаған инфекцияларды емдеуде қолдану керек. Ципронатин препараты келесі инфекцияларды емдеу үшін қолданылады. Емдеуді бастар алдында ципрофлоксацинге резистенттілік туралы қолжетімді ақпаратты ескеру керек. Ересектер • Төменгі тыныс жолдарының, грамтеріс бактериялардан туындаған инфекцияларында - өкпенің созылмалы обструкциялық ауруының өршуінде - төменгі тыныс жолдарының муковисцидоз немесе бронхоэктазиялық ауру кезіндегі инфекцияларында - пневмонияда - созылмалы іріңді ортаңғы отитте - созылмалы, әсіресе, грамтеріс қоздырғыштардан туындаған синуситтердің өршуінде • Несеп шығару жолдарының инфекцияларында - несеп шығару жолдарының асқынбаған инфекцияларында - несеп шығару жолдарының асқынған инфекцияларында - пиелонефритте • Жыныс жолдарының инфекцияларында - препаратқа сезімтал Neisseria gonorrhoeae қоздырғышынан туындаған гонококтық уретритте және цервицитте - препаратқа сезімтал Neisseria gonorrhoeae қоздырғышынан туындаған аурулар жағдайларын қоса, эпидидимоорхитте - препаратқа сезімтал Neisseria gonorrhoeae қоздырғышынан туындаған аурулар жағдайларын қоса, кіші жамбас ағзаларының қабыну ауруларында - простатитте • Асқазан-ішек жолының инфекцияларында (мысалы, саяхатшылар диареясында) • Интраабдоминальді инфекцияларда • Тері мен жұмсақ тіндердің грамтеріс бактериялардан туындаған инфекцияларында • Қатерлі сыртқы отитте • Сүйектер мен буындардың инфекцияларында • Ересектерде Neisseria meningitidis туындаған инвазивтік инфекциялардың профилактикасы үшін • Сібір жарасының өкпелік түрінде (жанасудан кейінгі профилактикасы және емдеу үшін) Ципрофлоксацинді бактериялық инфекциядан туындаған болуы мүмкін қызба кезіндегі нейтропениясы бар пациенттерді емдеу үшін қолдануға болады. Балалар мен жасөспірімдер • Pseudomonas aeruginosa тудырған муковисцидоз кезінде (клиникалық зерттеулердегі жас аралығы: 5-17 жас) төменгі тыныс жолдарының инфекцияларында • несеп шығару жолдарының асқынған инфекцияларында, пиелонефритте, емдеудің басқа әдістерін қолдануға мүмкіндік болмаған және препаратқа сезімталдық болған жағдайда (клиникалық зерттеулердегі жас аралығы: 1-17 жас) • сібір жарасының өкпелік түрінде (жанасудан кейінгі профилактикасы және емдеу үшін) Ципрофлоксацинді, қажет деп есептелген кезде, балалар мен жасөспірімдердегі ауыр инфекцияларды емдеу үшін де қолдануға болады. Балалар мен жасөспірімдердегі муковисцидозды және/немесе ауыр инфекцияларды емдеуді муковисцидоз бен ауыр инфекцияларды емдеуде тәжірибесі бар дәрігер жүргізуі тиіс.

Әсер ету механизмі Ципронатин бактерияға қарсы фторхинолондық препарат болып табылады, оның бактерицидтік әсері бактериялық ДНҚ репликациясы, транскрипциясы, репарациясы және рекомбинациясы үшін қажетті II типті топоизомераза (ДНҚ-гираза) мен топоизомераза IV тежелуіне негізделеді.Фармакокинетикалық/фармакодинамикалық өзара байланыстылығы Тиімділігі, негізінен, ципрофлоксациннің сарысудағы ең жоғарғы концентрациясы (Cmax) мен қоздырғыш үшін ең төменгі тежегіштік концентрациясы (ЕТТК) арасындағы арақатынасқа, сондай-ақ, қисық астындағы ауданы (AUC) мен ЕТТК арасындағы арақатынасқа тәуелді. Резистенттілік механизмі in vitro жағдайларда ципрофлоксацинге резистенттілік, ДНҚ-гиразаға да, IV топоизомеразаға да, әдетте, көп сатылы мутациялану арқылы бағытталған мутациялармен байланысты. Ципрофлоксацин мен басқа фторхинолондар арасындағы айқаспалы резистенттілік дәрежесі әр түрлі болуы мүмкін. Дара мутациялар клиникалық төзімділікті емес, сезімталдықтың төмендеуін туғызуы мүмкін, бірақ көптеген мутациялар, әдетте, ципрофлоксацинге және хинолондық препараттар класына клиникалық төзімділік арасындағы айқаспалы төзімділікке алып келеді. Белсенді заттың өткізбейтіндігі және/немесе эффлюкстік сорғының резистенттілік механизмдері фторхинолондарға сезімталдыққа әр түрлі әсер етуі мүмкін, ол әрбір белсенді зат үшін класы мен тасымалдау жүйелерінің тектестігі аясында түрлі белсенді заттардың физикалық-химиялық қасиеттеріне тәуелді. Барлық in vitro резистенттілік механизмдері, әдетте, клиникалық изоляттарда байқалады. Ципрофлоксацинге сезімталдыққа басқа антибиотиктердің белсенділігін жоятын, өткізгіштікке кедергілер (Pseudomonas aeruginosa-да кең таралған) және эффлюкс механизмдері сияқты резистенттілік механизмдері ықпал етуі мүмкін. qnr генімен кодталатын, плазмид түрткі болатын резистенттілік туралы хабарланды. Бактерияға қарсы белсенділік ауқымы Бактериялардың сезімталдығы мен төзімділігін (үзілу нүктелерін) көрсететін ең төменгі концентрациясы деңгейлері, сезімтал штамдарды аралық сезімталдыққа ие штамдардан ажыратады және аралық сезімталдыққа ие штамдарды төзімді штамдардан ажыратады: EUCAST ұсынымдары Микроорганизмдер — Сезімталдығы — Төзімділігі Enterobacteriaceae — S ≤ 0,5 мг/л — R> 1 мг/л Pseudomonas spp. — S ≤ 0,5 мг/л — R > 1 мг/л Acinetobacter spp. — S ≤ 1 мг/л — R> 1 мг/л Staphylococcus spp. 1 — S ≤ 1 мг/л — R > 1 мг/л Haemophilus influenzae және Moraxella catarrhalis — S ≤ 0,5 мг/л — R > 0,5 мг/л Neisseria gonorrhoeae — S ≤ 0,03 мг/л — R> 0,06 мг/л Neisseria meningitidis — S ≤ 0,03 мг/л — R > 0,06 мг/л Түрлермен байланыссыз үзіліс нүктелері* — S ≤ 0,5 мг/л — R> 1 мг/л 1 Staphylococcus spp. - ципрофлоксацин үшін үзіліс нүктелері жоғары дозалы еміне қатысты. *Түрлермен байланыссыз үзілу нүктелері, негізінен, PK/PD деректерінің негізінде анықталды және нақты бір түрлердің ЕТТК таралуына тәуелді емес. Жүре пайда болған резистенттіліктің таралуы жекелеген түрлер үшін географиялық орны мен уақытқа байланысты өзгеріп отыруы мүмкін, сондықтан, әсіресе, ауыр инфекцияларды емдеуде резистенттілік туралы жергілікті ақпаратты білген дұрыс. Қажет болған жағдайда, егер, резистенттіліктің жергілікті таралуы, инфекциялардың кем дегенде кейбір түрлері жағдайында препараттың пайдалылығы күмән туғызатындай болса, маманның кеңесіне жүгіну керек. Бактериялардың төменде атап келтірілген түрлері, әдетте, ципрофлоксацинге сезімтал екендігі дәлелденді: Аэробты грамоң микроорганизмдер Bacillus anthracis (1) Аэробты грамтеріс микроорганизмдер Aeromonas spp. Moraxella catarrhalis* Brucella spp. Neisseria meningitidis Citrobacter koseri Pasteurella spp. Francisella tularensis Salmonella spp. * Haemophilus ducreyi Shigella spp. * Haemophilius influenzae * Vibrio spp. Legionella spp. Yersinia pestis Анаэробты микроорганизмдер Mobiluncus Басқа микроорганизмдер Chlamydia trachomatis ($) Chlamydia pneumoniae ($) Mycoplasma hominis ($) Mycoplasma pneumoniae ($) Резистентті болуы мүмкін түрлер Аэробты грамоң микроорганизмдер Enterococcus faecalis ($) Staphylococcus spp. * (2) Аэробты грамтеріс микроорганизмдер Acinetobacter baumannii+ Burkholderia cepacia+* Camplybacter spp. +* Citrobacter freundii* энтеробактериялық аэрогендер Enterobacter cloacae* Ішек таяқшасы* Klebsiella oxytoca Serratia marcescens* — Klebsiella pneumoniae* Morganella morganii* Neisseria gonorrhoeae* Proteus mirabilis* Proteus vulgaris* Providencia spp. Pseudomonas aeruginosa* Pseudomonas fluorescens Анаэробты микроорганизмдер Peptostreptococcus spp. Propionibacterium acnes Төменде атап келтірілген микроорганизмдер табиғаты жағынан ципрофлоксацинге төзімді деп танылған Аэробты грамоң микроорганизмдер Actinomyces Enterococcus faecium Listeria monocytogenes Аэробты грамтеріс микроорганизмдер Stenotrophomonas maltophilia Анаэробты микроорганизмдер Жоғарыда көрсетілгендей, қатысы жоқ Басқа микроорганизмдер Mycoplasma genitalium Ureaplasma urealitycum *Клиникалық тиімділігі сезімтал изоляттар үшін бекітілген клиникалық көрсетілімдері бойынша дәлелденді + ЕО бір немесе бірнеше еліндегі ≥ 50% резистенттілік деңгейі ($): Жүре пайда болған резистенттілік механизмі болмаған кездегі табиғи аралықтық сезімталдық (1): Жануарларда Bacillus anthracis спор жұтудан туындаған инфекцияларды эксперименттік зерттеулер жүргізілді; зерттеулер, егер емдеу организмде инфекция туғызатын дозасының әсерінен споралар саны азайғанға дейін жүргізілсе экспозициясынан кейінгі бастапқы мерзімде басталған антибиотиктермен емдеу, аурудың алдын алуға мүмкіндік беретінін көрсетті. Адамда ұсынылған қолданылуы, негізінен, in vitro сезімталдыққа және адамдардағы шектеулі деректермен қоса, жануарлардағы эксперименттік деректерге негізделген. Ересектерде тәулігіне 500 мг дозадағы пероральді ципрофлоксацинмен екі айлық емдеу курсы адамда сібір жарасы инфекциясының профилактикасы үшін тиімді болып есептеледі. Емдеуші дәрігер сібір жарасын емдеуге қатысты ұлттық және/немесе халықаралық ұсынымдарды басшылыққа алуы тиіс. (2): Метициллин-резистентті S. aureus фторхинолондарға қатарлас төзімділігін өте жиі танытады. Метициллинге төзімділік деңгейі стафилококтардың барлық түрлері арасында 20-дан 50%-ға дейін құрайды және әдетте, ауруханаішілік изоляттарда жоғары.

Дозалану режимі Дозасы пациенттің ауруына, ауырлық дәрежесіне, инфекцияның орнығуына, қоздырғышының ципрофлоксацинге сезімталдығына, бүйрек функциясына, ал балалар мен жасөспірімдерде - дене салмағына байланысты анықталады. Емдеу ұзақтығы аурудың ауырлығына, клиникалық ағымына және қоздырғышының түріне тәуелді Белгілі бір бактериялардан (мысалы, Pseudomonas aeruginosa, Acinetobacter немесе Staphylococci) туындаған инфекцияларды емдегенде, ципрофлоксациннің жоғарырақ дозалары және бактерияға қарсы басқа дәрілермен бірге қолдану қажет болуы мүмкін. Сонымен қатар, кейбір инфекцияларды (мысалы, кіші жамбас ағзаларының қабыну ауруларын, құрсақішілік инфекцияларды, нейтропениясы және сүйектер мен буындардың инфекциялары бар пациенттердегі инфекцияларды) емдеу, қоздырғышының түріне байланысты, бактерияға қарсы басқа қатарлас дәрілермен бірге қолдануды қажет етуі мүмкін. Ересектер Қолданылуы — Тәуліктік мг дозасы — Емнің жалпы ұзақтығы (бастапқыда ципрофлоксацинмен парентеральді емдеуді қоса алғанда) Төменгі тыныс жолдарының инфекциялары -Муковисцидоз немесе төменгі тыныс жолдарының инфекциялары -Пневмония — 500 - 750 мг тәулігіне екі рет — 7 күннен 14 күнге дейін Несеп шығару жолдарының инфекциялары — Несеп шығару жолдарының асқынған инфекциялары — 500 мг тәулігіне екі рет — 7 күн Пиелонефрит — Тәулігіне екі рет 500 - 750 мг — кемінде 10 күн, кей жағдайларда (мысалы, абсцестер кезінде) 21 күннен артық қолдануға болады Жыныс жолдарының инфекциялары — Гонококтық уретрит және цервицит — Бір реттік дозасы түрінде 500 мг — 1 күн (бір реттік дозасы) Эпидидимоорхит және жамбас буынының қабыну аурулары — Тәулігіне екі рет 500 - 750 мг — 14 күннен кем емес Простатит — Тәулігіне екі рет 500 - 750 мг — 2 аптадан 4 аптаға дейін (жедел) 4-6 аптаға дейін (созылмалы) Асқазан-ішек жолының инфекциялары және интраабдоминальді инфекциялар — 1 типті Shigella dysenteriae басқа, Shigella spp. қоса, бактериялық инфекциядан туындаған диарея және саяхатшылар диареясының ауыр түрінің эмпирикалық емі — 500 мг тәулігіне екі рет — 1 күн Shigella dysenteriae тудырған 1 типті диарея — Тәулігіне екі рет 500 мг — 5 күн Vibrio cholerae тудырған диарея — Тәулігіне екі рет 500 мг — 3 күн Іш сүзегі — Тәулігіне екі рет 500 мг — 7 күн Грамтеріс бактериялардан туындаған құрсақішілік инфекциялар — Күніне екі рет 500 мг-ден күніне екі рет 750 мг дейін — 5 күннен 14 күнге дейін Тері мен жұмсақ тіндердің инфекциялары — Тәулігіне екі рет 500 - 750 мг — 7 күннен 14 күнге дейін Сүйектер мен буындардың инфекциялары — Тәулігіне екі рет 500 - 750 мг — 3 айдан аспайды Бактериялық инфекциядан туындаған болуы ықтимал қызба кезіндегі нейтропениясы пациенттер. Ресми нұсқаулыққа сәйкес, ципрофлоксацинді бактерияға қарсы тиісінше препаратпен (препараттармен) бірге қолдану керек. — Тәулігіне екі рет 500 - 750 мг — Емдеу барлық нейтропения кезеңі бойына жалғасуы тиіс Neisseria meningitidis тудырған инвазивтік инфекциялардың профилактикасы үшін — Бір реттік дозасы түрінде 500 мг — 1 күн (бір реттік доза) Сібір жарасының өкпелік түрінің жанасудан кейінгі профилактикасы мен емі, пероральді жолмен емдеуге мүмкіндік болған жағдайда, клиникалық тұрғыдан талапқа сай болса, күдікті немесе расталған жанасудан кейін барынша тезірек басталуы тиіс. — 500 мг тәулігіне екі рет — Bacillus anthracis жұқтырылғаны расталған сәттен бастап 60 күн Пациенттердің ерекше топтары Балалар Балаларда қолданғанда ұсынылатын дозалары кестеде берілген Қолданылуы — Тәуліктік мг дозасы — Емнің жалпы ұзақтығы (бастапқыда ципрофлоксацинмен парентеральді емдеуді қоса алғанда) Муковисцидоз — Ең жоғарғы бір реттік 750 мг дозасымен тәулігіне екі рет 20 мг/кг — 10 - 14 күн Несеп шығару жолдарының асқынған инфекциялары, пиелонефрит — Ең жоғарғы бір реттік 750 мг дозасымен тәулігіне екі рет 10 - 20 мг/кг — 10 - 21 күн Сібір жарасының өкпелік түрінің жанасудан кейінгі профилактикасы мен емін, пероральді жолмен емдеуге мүмкіндік болған жағдайда, клиникалық тұрғыдан талапқа сай болса, күдікті немесе расталған жанасудан кейін барынша тезірек бастау керек. — Ең жоғарғы бір реттік 500 мг дозасымен тәулігіне екі рет 10 – 15 мг/кг — Bacillus anthracis жұқтырылғаны расталған сәттен бастап 60 күн Басқа ауыр инфекциялар — Ең жоғарғы бір реттік 750 мг дозасымен тәулігіне екі рет 20 мг/кг — Инфекцияның типіне байланысты Егде жастағы пациенттер Егде жастағы пациенттерде препаратты дозалауды аурудың ауырлығына және креатинин клиренсі көрсеткішіне байланысты жүргізу керек. Бауыр жеткіліксіздігі бар пациенттер Бауыр функциясы бұзылған пациенттер үшін дозасын түзету қажет емес. Бауыр функциясы бұзылған балаларда дозалануы зерттелмеді. Бүйрек жеткіліксіздігі бар пациенттер Бүйрек функциясы бұзылған пациенттер үшін ұсынылатын бастапқы және демеуші дозалары Креатинин клиренсі [мл/мин./л,73 м2] — Сарысудағы креатинин [мкмоль/л] — Пероральді дозасы [мг] > 60 — < 124 — «Дозалану режимі» бөлімін қараңыз 30-60 — 124 - 168 — Әр 12 сағат сайын 250-500 мг < 30 — > 169 — Әр 24 сағат сайын 250-500 мг Гемодиализ жүргізілетін пациенттер — > 169 — Әр 24 сағат сайын 250-500 мг (диализден кейін) Перитонеальді диализ жүргізілетін пациенттер — > 169 — Әр 24 сағат сайын 250-500 мг Енгізу әдісі және жолы Ішке қабылдауға арналған. Таблеткаларды тұтастай, аздаған мөлшердегі сумен ішіп жұтады. Препаратты ас ішу уақытына байланыссыз қабылдауға болады. Препаратты ашқарынға қабылдағанда, белсенді заты жылдамырақ сіңеді. Таблеткаларды сүт өнімдерімен немесе минералдарға бай сусындармен (мысалы, сүт, йогурт, кальциймен байытылған апельсин шырыны) бір мезгілде қабылдамау керек. Егер пациенттің ауруының ауырлығы немесе басқа себептер (мысалы, егер пациент энтеральді қоректендіріліп жүрсе) ципрофлоксациннің қабықпен қапталған таблеткаларын қабылдауға мүмкіндік бермесе, ципрофлоксациннің венаішілік дәрілік түрімен емделуге көшу ұсынылады. Вена ішіне енгізгеннен кейін препараттың таблетка түрімен емделуді жалғастыруға болады. Дәрілік препараттың бір немесе бірнеше дозасын өткізіп алған жағдайда қажетті шаралар Препараттың өткізіп алған қабылдануының орнын толтыру үшін қосарлы дозасын қабылдамау керек. Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Осы дәрілік препаратты қолдану жөнінде қосымша сұрақтар туындаған жағдайда, дәрігердің немесе фармацевттің кеңесіне жүгіну керек.

- ципрофлоксацинге, хинолондық қатардың басқа препараттарына немесе қосымша заттарының кез келгеніне аса жоғары сезімталдық - тизанидинді бір мезгілде қолдану

Жиі (≥1/100 - < 1/10 дейін) - жүрек айнуы, диарея Жиі емес (≥1/1000 - < 1/100 дейін) - зеңдік суперинфекциялар - эозинофилия - тәбеттің төмендеуі - психомоторлық гиперактивтілік / қозу - бас ауыруы, бас айналуы, ұйқы бұзылулары, дәм сезудің бұзылуы - құсу, асқазан-ішектік және абдоминальді ауыру, диспепсия, метеоризм - трансаминазалардың жоғарылауы, билирубин жоғарылауы - бөртпе, қышыну, есекжем - бұлшықет-қаңқа ауыруы (мысалы, аяқ-қолдардың, арқаның, кеуденің ауыруы), артралгия - бүйрек жеткіліксіздігі - астения, қызба - қандағы сілтілік фосфатазаның жоғарылауы Сирек (≥ 1/10000 - < 1/1000 дейін) - лейкопения, анемия, нейтропения, лейкоцитоз, тромбоцитопения, тромбоцитемия - аллергиялық реакция, аллергиялық ісіну /ангионевроздық ісіну - гипергликемия, гипогликемия - сананың шатасуы және бағдарсыздық, үрей реакциясы, аномальді түстер көру, депрессия (суицидтік идеяларға/ойларға немесе өзі-өзі өлтіруге әрекеттенулерге немесе өзін-өзі өлтіруге әкеп соқтыруы ықтимал), елестеулер - парестезиялар, дизестезия, гипоастения, тремор, құрысулар (эпилепсия статусын қоса), бас айналуы - көрудің бұзылулары (мысалы, диплопия) - құлақтағы шуыл, естімей қалу / естудің нашарлауы - тахикардия - вазодилатация, гипотензия, естен тану - ентігу (демікпе жағдайларын қоса) - антибиотикпен астасқан колит (өте сирек жағдайда, өлімге соқтыруы мүмкін) - бауыр жеткіліксіздігі, холестаздық атеросклероз, гепатит - фотосезімталдық реакциялары - миалгия, артрит, бұлшықет тонусының жоғарылауы және құрысулар - бүйрек жеткіліксіздігі, гематурия, кристаллурия, тубулоинтерстициальді нефрит - ісінулер, тершеңдік (гипергидроз) - амилазаның жоғарылауы Өте сирек (< 1/10000) - гемолиздік анемия, агранулоцитоз, панцитопения (өмірге қауіп төндіретін), сүйек кемігінің бәсеңдеуі (өмірге қауіп төндіретін) - анафилаксиялық реакция, анафилаксиялық шок (өмірге қауіп төндіретін), сарысу құю ауруы - психоздық реакциялар (суицидтік идеяларға/ойларға немесе өзін-өзі өлтіруге әрекеттенулерге немесе өлтіруге алып келуі ықтимал) - бас сақинасы, қимыл-қозғалыс үйлесімінің бұзылуы, жүріс-тұрыстың бұзылуы, иіс сезудің бұзылуы, бассүйекішілік гипертензия - Түстерді ажыратудың бұзылуы - васкулит - панкреатит - бауыр некрозы (өте сирек жағдайда, өмірге қауіп төндіретін бауыр жеткіліксіздігіне дейін үдейді) - Петехиялар, көп формалы эритема, түйінді эритема, Стивенс-Джонсон синдромы (өмірге қауіп төндіруі ықтимал), уытты эпидермалық некролиз (өмірге қауіп төндіруі ықтимал) - бұлшықет әлсіздігі, тендинит, сіңірлердің үзілуі (көбінесе, ахилл сіңірінің), гравис миастениясы симптомдарының өршуі Белгісіз (қолда бар деректердің негізінде бағалау мүмкін емес) - мания, соның ішінде гипомания - шеткері нейропатия және полинейропатия - қарыншалық аритмия және torsades de pointes (көбінесе, QT ұзаруының қауіп факторлары бар пациенттерде хабарланған), ЭКГ-да QT ұзаруы - жедел жайылған экзантемалық пустулез (AGEP), эозинофилиямен және жүйелі симптомдармен жүретін дәрілік реакция (DRESS синдром) - халықаралық қалыптастырылған қатынастың (ХҚҚ) жоғарылауы (К дәруменінің антагонистерін қабылдап жүрген пациенттерде) Балалар Жоғарыда аталған артропатияның туындау жиілігі, ересектер қатысқан зерттеулерден жинақталған деректерге қатысты. Балаларда артропатия жиі кездесетіні хабарланған. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты 12 г дозада қабылдау уыттылығының жеңіл симптомдарына алып келетіні хабарланды. 16 г шамадан тыс артық дозалану бүйректің жедел жеткіліксіздігімен қатар жүреді. Артық дозалануы кезіндегі симптомдары бас айналуын, треморды, бас ауыруын, шаршауды, құрысуларды, елестеулерді, сананың шатасуын, абдоминальді жайсыздықты, бүйрек және бауыр жеткіліксіздігін, сондай-ақ, кристаллурия мен гематурияны қамтиды. Бүйректің қайтымды уыттылығы туралы хабарланды. Әдеттегі шұғыл шаралардан бөлек, несептегі pH қоса, бүйрек функциясын бақылау ұсынылады, және шұғыл жағдайлардағы, медициналық көміртегін қолдану сияқты сақтық шаларын қоспағанда, қажет болған жағдайда, кристаллурияның алдын алу үшін несепті қышқылдандыру керек. Пациенттерге жеткілікті гидратация қажет. Құрамында кальций немесе магний бар антацидтер, артық дозаланған кезде ципрофлоксациннің сіңуін төмендетуі мүмкін. Гемодиализ немесе перитонеальді диализ арқылы ципрофлоксациннің тек аздаған мөлшері (< 10%) шығарылады. Артық дозаланған жағдайда, симптоматикалық ем жүргізу керек. QT аралығының ұзаруы мүмкіндігіне байланысты, ЭКГ мониторингін жүргізу қажет.

ЕСКЕРТУ: ТЕНДИНИТ ПЕН СІҢІРЛЕРДІҢ ҮЗІЛУІН, ШЕТКЕРІ НЕЙРОПАТИЯНЫ, ОРТАЛЫҚ ЖҮЙКЕ ЖҮЙЕСІ ТАРАПЫНАН ӘСЕРЛЕРДІ ЖӘНЕ МИАСТЕНИЯ АУЫРЛЫҒЫНЫҢ ӨРШУІН ҚОСА, АУЫР ЖАҒЫМСЫЗ РЕАКЦИЯЛАР • ЦИПРОНАТИН препаратын қоса, фторхинолондар, төменде сипатталғандай, мүгедектікке алып келетін қайтымсыз жағымсыз реакцияларды тудыруы мүмкін: • Тендинит (сіңірдің қабынуы) және сіңірдің үзілуі • Шеткері нейропатия • Орталық жүйке жүйесіне әсері Осы реакциялардың кез келгені бар пациенттерде ЦИПРОНАТИН препаратын қолдануды дереу тоқтату және фторхинолондарды қолданбау керек. • ЦИПРОНАТИН препаратын қоса, фторхинолондар, гравис миастениясы (бұлшықет әлсіздігіне алып келетін ауру) бар пациенттерде бұлшықет әлсіздігін ушықтыруы мүмкін. Анамнезінде гравис миастениясы болған пациенттерде ЦИПРОНАТИН препаратын қолданбау керек. • ЦИПРОНАТИН препаратын қоса, фторхинолондар тобы елеулі жағымсыз реакциялармен байланысты болғандықтан, оны келесі көрсетілімдер бойынша, басқа баламалары болмаған жағдайда пайдалануға болады. • Несеп шығару жолдарының асқынбаған инфекцияларында • Созылмалы бактериялық бронхиттің өршуінде Аневризма және қолқаның қатпарлануы, сондай-ақ, жүрек клапандарының жеткіліксіздігі Эпидемиологиялық зерттеулерде, әсіресе, егде жастағы пациенттерде аневризма және қолқаның қатпарлануы қаупінің жоғарылағаны, сондай-ақ, фторхинолондарды қабылдағаннан кейінгі қолқа және митральді клапанның регургитациясы туралы хабарланды. Фторхинолондарды қабылдағанда аневризма және қолқаның қатпарлануының, кейде үзілумен асқынған (соны ішінде, өлімге соқтырған), сондай-ақ, жүрек клапандарының кез келгенінің регургитациясы /жеткіліксіздігі жағдайлары тіркелді. Сәйкесінше, аневризма немесе жүрек клапандарының туа біткен ақауына қатысты отбасылық анамнезі ауыр пациенттерде, аневризмасы және/немесе қолқаның қатпарлануы, не болмаса, анамнезінде жүрек клапандарының жеткіліксіздігі болған пациенттерде, сондай-ақ, басқа қауіп факторлары немесе бейімділік жағдайлары болған жағдайда, фторхинолондарды пайдасы мен қаупінің арақатынасын мұқият бағалаудан кейін және басқа емдеу мүмкіндіктерін қарастырғаннан кейін ғана қолдану керек - аневризма және қолқаның қатпарлануы кезінде екі жағдайда да, сондай-ақ, жүрек клапандарының регургитациясы/жеткіліксіздігі (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, гипертензия, ревматоидтық артрит сияқты дәнекер тіндер тарапынан бұзылулар) кезінде, сондай-ақ, -аневризма және қолқаның қатпарлануы кезінде (мысалы, Такаясу артерииті немесе алыпжасушалы артериит, немесе белгілі атеросклероз, немесе Шегрен синдромы сияқты қантамырлардың аурулары), сондай-ақ, -жүрек клапандарының жеткіліксіздігі кезінде (мысалы, инфекциялық эндокардит). Аневризма және қолқаның қатпарлануы, сондай-ақ, сондай-ақ, үзілуі қаупі жүйелі кортикостероидтармен бір мезгілде ем қабылдап жүрген пациенттерде жоғары болуы мүмкін. Кенеттен, іш, кеуде немесе арқа ауырған жағдайда, пациенттерге дереу дәрігердің шұғыл көмегіне жүгінуге кеңес беру керек. Қатты ентігу, алғаш туындаған жүрек соғысының жиілеуі сондай-ақ, құрсақ қуысының немесе аяқтардың ісінуі дамыған жағдайда, пациенттерге дереу медициналық көмекке жүгінуге кеңес беру керек. Тендинит пен сіңірлердің үзілуін, шеткері нейропатияны және орталық жүйке жүйесі тарапынан бұзылуларды қоса, қайтымсыз болуы ықтимал және мүгедектікке шалдықтыратын ауыр жағымсыз реакциялар Ципронатинді қоса, фторхинолондарды қолдану, мүгедектікке шалдықтыратын және қайтымсыз болуы ықтимал ауыр жағымсыз реакциялармен байланысты болды. Анағұрлым жиі кездескен жағымсыз реакциялар тірек-қимыл аппараты мен шеткері жүйке жүйесі тарапынан бұзылулар (тендинит, сіңірлердің үзілуі, сіңірлердің ісінуі немесе қабынуы, шаншу немесе ұю, қол мен аяқтың ұюы, бұлшықеттердің ауыруы, бұлшықет әлсіздігі, буындардың ауыруы, буындардың ісінуі), артралгия, миалгия, шеткері нейропатия және орталық жүйке жүйесі тарапынан бұзылулар (елестеулер, мазасыздық, депрессия, суицидке бейімділік, ұйқысыздық, қатты бас ауыруы және сананың шатасуы) болып табылады. Аталған реакциялар Ципронатинді қабылдауды бастағаннан кейін бірнеше сағат немесе аптаның ішінде туындауы мүмкін. Жағымсыз реакциялар барлық жас топтарындағы пациенттерде, сондай-ақ, осының алдында қауіп факторлары болмаған пациенттерде туындаған. Кез келген ауыр жағымсыз реакцияның алғашқы белгілері немесе симптомдары жағдайында, Ципронатинді қабылдауды дереу тоқтату керек. Ципронатинді қоса, фторхинолондарды, анамнезінде фторхинолондарды қабылдаумен байланысты ауыр жағымсыз реакциялар болған пациенттерде қолданбау керек. Созылмалы бактериялық бронхиттің өршуі, созылмалы синуситтің өршуі, созылмалы іріңді ортаңғы отит, қатерлі сыртқы отит және несеп шығару жолдарының асқынбаған инфекциялары Препаратты созылмалы бактериялық бронхиттің өршуі, созылмалы синуситтің өршуі, созылмалы іріңді ортаңғы отит, қатерлі сыртқы отит және несеп шығару жолдарының асқынбаған инфекциялары кезінде, емдеудің басқа әдістері тиімсіз болған жағдайда қолдану керек. Бұдан өзге, несеп шығару жолдарының инфекциялары кезінде қоздырғыштың сезімталдығы микробиологиялық зерттеулер арқылы расталуы тиіс. Қолданылуы — Тәуліктік мг дозасы — Емнің жалпы ұзақтығы (бастапқыда ципрофлоксацинмен парентеральді емдеуді қоса) Төменгі тыныс жолдарының инфекциялары, өкпенің созылмалы обструкциялық ауруының өршуі — Тәулігіне екі рет 500 мг - 750 мг — 7 - 14 күн Жоғарғы тыныс алу жолдарының инфекциялары — Созылмалы синуситтің өршуі — Тәулігіне екі рет 500 мг - 750 мг — 7 - 14 күн Созылмалы іріңді ортаңғы отит — Тәулігіне екі рет 500 мг - 750 мг — 7 - 14 күн Қатерлі сыртқы отит — Тәулігіне екі рет 750 мг — 28 күннен 3 айға дейін Несеп шығару жолдарының асқынбаған инфекциялары — Тәулігіне екі рет 250 мг - 500 мг — 3 күн Пременопауза кезеңіндегі әйелдерде бір реттік 500 мг дозасын қолдануға болады Ауыр инфекциялар және/немесе грамоң немесе анаэробты бактериялардан туындаған ауыр инфекциялар Ципрофлоксацинмен монотерапия ауыр инфекцияларды және грамоң немесе анаэробты патогендерден туындаған болуы мүмкін инфекцияларды емдеу үшін жарамсыз. Ондай инфекциялар кезінде Ципронатинді сәйкесінше бактерияға қарсы басқа препараттармен бірге қолдану керек. Стрептококк инфекциялары (Streptococcus pneumoniae қоса) Тиімділігінің жеткіліксіз болатындығына байланысты, Ципронатинді стрептококтық инфекцияларды емдеуде қолдану ұсынылмайды. Жыныс жолдарының инфекциялары Гонококтық уретрит, цервицит, эпидидимоорхит және кіші жамбас ағзаларының қабыну аурулары фторхинолондарға төзімді Neisseria gonorrhoeae изоляттарынан туындауы мүмкін. Сондықтан, гонококтық уретритті немесе цервицитті емдеу үшін Ципронатинді тек, егер ципрофлоксацинге төзімді Neisseria gonorrhoeae барын жоққа шығаруға мүмкіндік болса ғана қолдану керек. Эпидидимоорхит және кіші жамбас ағзаларының қабыну аурулары кезінде ципрофлоксацинмен эмпирикалық емді тек, бактерияға қарсы басқа қолайлы препаратпен (мысалы, цефалоспорином) біріктіріп және тек, ципрофлоксацин-резистентті Neisseria gonorrhoeae штамдарының бар-жоқтығы анықталған жағдайда ғана қолдануға болады. Егер 3 күн емдеуден соң клиникалық жақсару басталмаса, емдеуді қайта қарастыру керек. Несеп шығару жолдарының инфекциялары Несеп шығару жолдарының инфекцияларымен байланысты анағұрлым көп таралған патоген Escherichia coli фторхинолондарға резистенттілігі орналасқан аймағына байланысты ауытқып тұрады. Ем тағайындаған дәрігерлерге, Escherichia coli фторхинолондарға резистенттілігінің жергілікті таралуын ескеру ұсынылады. Ципрофлоксациннің климакс алдындағы кезеңдегі әйелдерде асқынбаған цистит кезінде қолдануға болатын бір реттік дозасы, ұзағырақ емдеуге қарағанда, тиімділігінің аз болуымен астасады деп күтіледі. Мұны, әсіресе, Escherichia coli фторхинолондарға резистенттілік дәрежесінің артуына қатысты ескеру керек. Интраабдоминальді инфекциялар Ципрофлоксациннің операция алдындағы интраабдоминальді инфекцияларды емдеудегі тиімділігі жөніндегі деректер шектеуны. Саяхатшылар диареясы Ципрофлоксацинді таңдағанда, барған елдегі сәйкесінше микроорганизмдердің ципрофлоксацинге резистенттілігі туралы ақпаратты ескеру керек. Сүйектер мен буындардың инфекциялары Ципрофлоксацинді микробиологиялық зерттеулердің нәтижелеріне байланысты, микробқа қарсы басқа препараттармен біріктіріп қолдану керек. Сібір жарасының өкпелік түрі Адамда қолданылуы in vitro жағдайлардағы сезімталдық туралы деректерге және жануарлардағы эксперименттер деректеріне, сондай-ақ, шектеулі клиникалық деректерге негізделген. Дәрігер сібір жарасын емдеудің ұлттық және/немесе халықаралық хаттамасына сәйкес әрекет етуі тиіс. Балалар мен жасөспірімдер Балалар мен жасөспірімдерде ципрофлоксацинді қолдануды қолжетімді ресми ұсынымдарға сәйкес жүзеге асыру керек. Ципронатинмен емдеуді тек, балалар мен жасөспірімдердегі муковисцидозды және(немесе) ауыр инфекцияларды емдеуде тәжірибесі бар дәрігерлер жүргізуі тиіс. Ципрофлоксацин жыныстық тұрғыдан жетілмеген жануарларда салмақ түсетін буындардың артропатиясын туғызатыны көрсетілген. Ципрофлоксациннің балаларда қолданылуының қауіпсіздігіне жүргізілген рандомизацияланған салыстырмалы жасырын зерттеуден алынған деректерден (ципрофлоксацин: n = 335, орташа жас шамасы = 6,3 жас; компараторлар: n = 349, орташа жас шамасы = 6,2 жас; жас аралығы = 1-ден 17 жасқа дейін), препаратпен байланысты болуы мүмкін артропатияның (клиникалық белгілер және буындармен байланысты симптомдар бойынша анықталған) +42 күнге қарай 7,2% және 4,6 % жағдайлары анықталды. Сәйкесінше, бір жыл қадағалаудан кейін дәрілік артропатияның даму жиілігі 9,0% және 5,7 % құрады. Уақыт өте келе болжамды дәрілік артропатия жағдайлары санының артуы топтар арасында статистикалық тұрғыдан елеулі болмады. Буындармен және(немесе) оның айналасындағы тінмен байланысты жағымсыз әсерлер болуы мүмкін болғандықтан, емдеуді тек, пайдасы / қаупін мұқият бағалаудан кейін ғана бастау керек. Муковисцидоз кезіндегі төменгі тыныс жолдарының инфекциялары Клиникалық зерттеулер 5-17 жас аралығындағы балалар мен жасөспірімдерді қамтыды. 1 жастан 5 жасқа дейінгі балаларды емдеу тәжірибесі шектеулі болып табылады. Несеп шығару жолдарының асқынған инфекциялары және пиелонефрит Несеп шығару жолдарының инфекцияларын ципрофлоксацинді қолданып емдеу мүмкіндігін, басқаша емдеуге мүмкіндік болмаған кезде қарастыру керек, бұл жағдайда емдеу микробиологиялық зерттеудің нәтижелеріне негізделуі тиіс. Клиникалық зерттеулер 1-17 жас аралығындағы балалар мен жасөспірімдерді қамтыды. Басқа спецификалық ауыр инфекциялар Ципрофлоксацинді қолдану, микробиологиялық зерттеу нәтижелері бойынша басқа инфекциялар болған, ресми ұсынымдарға сәйкес немесе «пайдасы-қаупі» арақатынасын мұқият бағалаудан кейін, басқа емді қолдануға болмайтын немесе, жалпы қолданыстағы ем тиімсіз болып шыққан жағдайда талапқа сай болуы мүмкін. Клиникалық зерттеулер барысында, жоғарыда көрсетілгеннен өзге спецификалық ауыр инфекциялар жағдайында ципрофлоксациннің қолданылуы зерттелмеген, ал клиникалық тәжірибесі шектеулі. Сәйкесінше, ондай инфекциялары бар пациенттерді емдегенде сақ болу керек. Аса жоғары сезімталдық Кей жағдайларда аса жоғары сезімталдық пен аллергиялық реакциялар, соның ішінде анафилаксиялық және анафилактоидтық реакциялар, бір реттік дозасынан кейін туындауы мүмкін және өмірге қауіп төндіруі мүмкін. Ондай реакциялар туындаған жағдайда, Ципронатинді қабылдауды тоқтату және талапқа сай медициналық ем жүргізу керек. Сүйек-бұлшықет жүйесі Жалпы алғанда, ципрофлоксацинді анамнезінде хинолондармен емдеумен байланысты сіңірлердің аурулары /бұзылулары болған пациенттерге қолданбау керек. Осыған қарамастан, аса сирек жағдайларда, қоздырғышын микробиологиялық зерттеуден және «пайдасы/қаупі» арақатынасын бағалаудан кейін ол пациенттерге жекелеген ауыр инфекцияларды емдеу үшін, әсіресе, стандартты ем тиімсіз болған немесе бактериялық резистенттілік жағдайында, микробиологиялық зерттеулердің нәтижелері ципрофлоксациннің қолданылуын ақтап шығатын болса, ципрофлоксацин тағайындалуы мүмкін. Ципрофлоксацинді қолданғанда тендинит немесе сіңірлердің (әсіресе, ахилл сіңірінің), кейде екіжақты үзілуі емдеудің алғашқы 48 сағаты ішінде туындауы мүмкін. Егде жастағы пациенттерде немесе кортикостероидтарды бір мезгілде қолданып жүрген пациенттерде тендинопатия қаупі арта түсуі мүмкін. Тендиниттің қандай-да бір белгілері (мысалы, ауырсынумен ісіну, қабыну) туындаған жағдайда, Ципронатинді қолдануды тоқтату керек. Зақымданған аяқ-қолдың тыныштығын қамтамасыз ету керек. Гравис миастениясының өршуі Фторхинолондар жүйке-бұлшықетті бөгейтін белсенділікке ие және гравис миастениясы бар пациенттерде бұлшықет әлсіздігін ушықтыруы мүмкін. Маркетингтен кейінгі кезеңде, гравис миастениясы бар пациенттерде фторхинолондарды қолданумен байланысты өлім жағдайлары мен өкпені жасанды желдету қажеттілігін қоса, ауыр жағымсыз құбылыстар жағдайлары туралы хабарланды. Гравис миастениясы бар пациенттерде фторхинолондарды қолданбау керек. Көрудің бұзылулары Көру нашарлаған немесе өзге қандай-да бір әсері туындаған жағдайда, дереу окулист-дәрігерге жүгіну керек. Жүрек-қантамыр жүйесі тарапынан бұзылулар QT аралығының ұзаруын/ Torsades de pointes туғызуға қабілетті препараттармен біріктіріп қолданғанда QT аралығының ұзаруы / Torsades de pointes қаупі арта түсуі мүмкін. Сондықтан, Ципронатинді ондай препараттармен қолданбау керек. QT аралығы ұзаруының төмендегідей белгілі қауіп факторлары бар пациенттерде ципрофлоксацинді қоса, фторхинолондарды қолданғанда сақтық таныту керек, мысалы: -туа біткен QT аралығының ұзаруы синдромы; -QT аралығын ұзартатын препараттармен, (мысалы, аритмияға қарсы IA немесе III класты препараттар, трициклдық антидепрессанттар, макролидтер, антипсихотиктер) бір мезгілде қолдану; -түзетілмеген электролит дисбалансы (мысалы, гипокалиемия, гипомагнезиемия); - жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы пациенттер мен әйелдер QT аралығын ұзартатын препараттарға сезімталырақ болуы мүмкін. Сондықтан, аталған топтарда ципрофлоксацинді қоса фторхинолондарды қолданғанда сақтық таныту керек. Гипогликемия Басқа хинолондармен жағдайдағы сияқты, гипогликемия қант диабеті бар пациенттерде жиірек, көбінесе егде жастағы пациенттерде білінді. Қант диабеті бар пациенттердің барлығына қандағы глюкоза деңгейін мұқият бақылау ұсынылады. Асқазан-ішек жолы Емдеу кезінде немесе емдеуден кейін (тіпті, емдеуден кейін бірнеше аптадан соң) ауыр және тұрақты диареяның туындауы дереу емдеуді қажет ететін антибиотикпен астасқан колитті (өмірге қауіпті, өлімге соқтыруы мүмкін) білдіруі мүмкін. Ондай жағдайларда ципрофлоксацинді қабылдауды дереу тоқтату және тиісінше ем қолдануды бастау қажет. Бұл жағдайда, перистальтиканы бәсеңдететін дәрілік заттарды қолдануға болмайды. Фотосезімталдық Ципрофлоксацин фотосезімталдық реакциясын туғызатыны дәлелденді. Ципрофлоксацинді қабылдап жүрген пациенттерге емделу кезінде өткір күн сәулесінен немесе ультракүлгін сәуледен қорғану керек. Орталық жүйке жүйесі (ОЖЖ) Ципрофлоксацин, басқа хинолондар сияқты, құрысуларды туғызатыны немесе құрысуға дайындық шегін төмендететіні белгілі. Эпилепсия статусы жағдайлары туралы хабарланды. Құрысулардың туындауы мүмкіндігіне бейімдейтін ОЖЖ бұзылыстары бар пациенттерде Ципрофлоксацинді сақтықпен қолдану керек. Құрысулар туындаған жағдайда, ципрофлоксацинді қабылдауды тоқтатады. Психоздық реакциялар, тіпті, ципрофлоксацинді алғаш қабылдаудан кейін де туындауы мүмкін. Сирек жағдайларда депрессия немесе психоз суицид әрекеттеріне / суицидпен немесе суицидке әрекеттенумен аяқталған ойларға дейін үдеуі мүмкін. Ондай жағдайларда ципрофлоксацинді қабылдауды тоқтату керек. Ципрофлоксацинді қабылдаған пациенттерде, полинейропатия жағдайлары (бөлек-бөлек немесе бірге туындаған ауыру, ашыту сезімі, сенсорлық бұзылыстар немесе бұлшықет әлсіздігі сияқты неврологиялық симптомдардың негізінде) байқалды. Нейропатия симптомдары, атап айтқанда, ауыру, ашыту сезімі, шаншу сезімі, ұю және/немесе әлсіздік бар пациенттер қайтымсыз жай-күйлердің дамуының алдын алу мақсатында, Ципронатинді қабылдауды тоқтатуы керек. Бүйрек және несеп шығару жүйесі Ципрофлоксацинді қолданумен байланысты кристаллурия туралы хабарланды. Ципрофлоксацинді қабылдап жүрген пациенттер сұйықтықты жеткілікті мөлшерде қабылдауы және несептің шамадан тыс сілтіленуінен сақтануы керек. Бүйрек функциясының бұзылуы Ципрофлоксацин организмнен, негізінен, бүйрек арқылы өзгеріссіз күйде шығарылатындықтан, ципрофлоксациннің жинақталуы салдарынан жағымсыз дәрілік реакцияларды артуын болдырмау мақсатында бүйрек функциясының бұзылулары бар пациенттер үшін дозасына түзету жүргізу қажет. Егде жастағы пациенттерде бүйрек функциясы төмендейтіндіктен, дозасын түзеткенде сақтық таныту керек. Бүйрек және бауыр функциясының бұзылуы болған жағдайда, дозасын сақтықпен төмендету керек. Гепатобилиарлық жүйе Ципрофлоксацинді қолданғанда бауыр некрозы мен пациенттің өміріне қауіп төндіретін бауыр жеткіліксіздігі дамыған жағдайлар туралы хабарланды. Бауыр ауруының қандай-да бір симптомдары (анорексия, сарғаю, несептің қараюы, қышыну немесе алдыңғы құрсақ қуысының ширығуы сияқты) пайда болған жағдайда, емдеуді тоқтату керек. Глюкоза-6-фосфат дегидрогеназа тапшылығы Ципрофлоксацинді қолданғанда глюкоза-6-фосфатдегидрогеназа тапшылығы бар пациенттердегі гемолиздік реакциялар туралы хабарланды. Бұл пациенттер, ықтимал пайдасы ықтимал қаупінен асып түсетін жағдайлардан басқасында, ципрофлоксацинді қолданбауы керек. Мұндай жағдайда гемолиздің пайда болуы мүмкіндігін қадағалау керек. Резистенттілік Ципрофлоксацинмен емдеу курсы кезінде немесе емдеуден кейін клиникалық тұрғыдан анықталған суперинфекциямен немесе онсыз резистентті бактериялар бөлініп шығуы мүмкін. Ұзақ емдеу курстары кезінде және ауруханаішілік инфекцияларды және/немесе, Staphylococcus және Pseudomonas түрлерінен туындаған инфекцияларды емдегенде ципрофлоксацинге резистентті бактериялардың бөлініп шығуының белгілі бір қаупі бар. Р450 цитохромы Ципрофлоксацин CYP1А2 бәсеңдетеді және сондықтан да, бір мезгілде тағайындалған, осы фермент арқылы метаболизденетін заттардың (мысалы, теофиллин, клозапин, оланзапин, ропинирол, тизанидин, дулоксетиннің) қан сарысуындағы концентрациясының жоғарылауын туғызуы мүмкін. Ципрофлоксацин мен тизанидинді бір мезгілде қолдануға болмайды. Сондықтан, артық дозалануының клиникалық белгілерін анықтау үшін, аталған заттарды ципрофлоксацинмен бір мезгілде қабылдап жүрген пациенттерді мұқият қадағалау керек, сондай-ақ, қан сарысуындағы концентрацияларын (мысалы, теофиллиннің) анықтау қажет болуы мүмкін. Метотрексат Ципрофлоксацин мен метотрексатты бір мезгілде қабылдау ұсынылмайды. Зертханалық талдаулардың нәтижелеріне әсері Ципрофлоксацин in vitro, микобактериялар өсіріндісінің көбеюін бәсеңдету жолымен, Mycobacterium tuberculosis екпесі нәтижелеріне ықпал етуі мүмкін, бұл ципрофлоксацинді қабылдап жүрген пациенттерде екпе талдауының жалған теріс нәтижелеріне алып келуі мүмкін. Арнайы ескертулер Педиатрияда қолданылуы Балаларда қолданғанда ұсынылатын дозалары кестеде берілген Қолданылуы — Тәуліктік мг дозасы — Емнің жалпы ұзақтығы (бастапқыда ципрофлоксацинмен парентеральді емдеуді қоса алғанда) Муковисцидоз — Ең жоғарғы бір реттік 750 мг дозасымен тәулігіне екі рет 20 мг/кг — 10 - 14 күн Несеп шығару жолдарының асқынған инфекциялары, пиелонефрит — Ең жоғарғы бір реттік 750 мг дозасымен тәулігіне екі рет 10 - 20 мг/кг — 10 - 21 күн Сібір жарасының өкпелік түрінің жанасудан кейінгі профилактикасы мен емін, пероральді жолмен емдеуге мүмкіндік болған жағдайда, клиникалық тұрғыдан талапқа сай болса, күдікті немесе расталған жанасудан кейін барынша тезірек бастау керек. — Ең жоғарғы бір реттік 500 мг дозасымен тәулігіне екі рет 10 – 15 мг/кг — Bacillus anthracis жұқтырылғаны расталған сәттен бастап 60 күн Басқа ауыр инфекциялар — Ең жоғарғы бір реттік 750 мг дозасымен тәулігіне екі рет 20 мг/кг — Инфекцияның типіне байланысты Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ципронатин жүйке жүйесі тарапынан жағымсыз реакцияларды туғызуы және сол себепті, көлік құралдары мен механизмдерді басқару қабілетін бұзуы мүмкін.

Бала туатын жастағы әйелдер / Контрацепция Ципрофлоксациннің бала туатын жастағы әйелдерде қолданылуы жөнінде деректер шектеулі. Препаратты қолданғанда сақтық таныту және талапқа сай контрацепция әдістерін пайдалану керек. Жүктілік Ципрофлоксациннің жүкті әйелдерде қолданылуы жөніндегі деректер мальформациялардың немесе фето/неонатальді уыттылығының дамуы болмағанын көрсетіп отыр. Хинолондардың әсеріне ұшыраған ювенильді және пренатальді жануарларда жетілмеген шеміршекке әсері байқалғандықтан, препараттың жетілмеген адам / шарана организмінде буын шеміршегінің зақымдануын туғызуы мүмкіндігін жоққа шығаруға болмайды. Сақтық шарасы ретінде, ципрофлоксацинді жүктілік кезінде қолданбаған дұрыс. Бала емізу Ципрофлоксацин емшек сүтімен бөлініп шығады. Буындардың зақымдану қаупінің ықтималдығына байланысты, бала емізу кезінде Ципронатинді (ципрофлоксацинді) қолдану ұсынылмайды.

Басқа препараттардың ципрофлоксацинге ықпалы QT аралығын ұзартатын препараттар Басқа фторхинолондар сияқты, Ципрофлоксацинді, QT аралығын ұзартатын препараттарды (мысалы, IA және III класты антиаритмиктер, трициклдық антидепрессанттар, макролидтер, антипсихотиктер) қабылдап жүрген пациенттерде сақтықпен қолдану керек. Хелаттайтын кешеннің түзілуі Ципрофлоксацин (пероральді) мен мультивалентті құрамында катион бар дәрілерді және минералды қоспаларды (мысалы, кальций, магний, алюминий, железо), полимерлік фосфат- байланыстыратын препараттарды (мысалы, севеламер немесе лантан карбонаты), сукральфатты немесе құрамында магний, алюминий немесе кальций бар антацидтер мен жоғары буферлі дәрілерді (диданозин таблеткалары) бір мезгілде қолдану, ципрофлоксациннің сіңуін төмендетеді. Сәйкесінше, ципрофлоксацинді, не препаратты қолданудың алдында 1-2 сағат бұрын немесе, қолданғаннан кейін кемінде 4 сағаттан соң қабылдау керек. Бұл шектеу Н2 рецепторының блокаторлары класына жататын антацидтерге қатысты емес. Тамақ және сүт өнімдері Диеталық кальций тамақтың бір бөлігі ретінде, сіңуіне болар-болмас әсер етеді. Алайда, ципрофлоксациннің сіңуі төмендеуі мүмкіндігіне байланысты,тек сүт өнімдерін немесе минералдарға бай сусындарды (сүт, йогурт, кальциймен байытылған апельсин шырыны) ципрофлоксацинмен бірге қабылдамау керек. Пробенецид Пробенецид ципрофлоксациннің бүйрек арқылы бөлініп шығуына кедергі келтіреді. Қан сарысуындағы пробенецид пен ципрофлоксацинді бірге қолдану ципрофлоксацин концентрациясын жоғарылатады. Метоклопрамид Метоклопрамид ципрофлоксациннің (пероральді) сіңуін жеделдетеді және плазмадағы ең жоғарғы концентрацияларына қысқарақ мерзімдерде жетуін туғызады. Алайда, ципрофлоксациннің биожетімділігіне ықпалы байқалмады. Омепразол Ципрофлоксаци мен құрамында омепразол бар дәрілік препараттарды бірге қабылдау, ципрофлоксациннің қан плазмасындағы ең жоғарғы концентрациялары (Cmax) мен қисық астындағы ауданының (AUC) аздап төмендеуіне алып келеді. Ципрофлоксациннің басқа дәрілік препараттарға ықпалы Тизанидин Құрамында тизанидин бар дәрілік препараттарды ципрофлоксацинмен бір мезгілде қолдануға болмайды. Дені сау еріктілердегі клиникалық зерттеуде, ципрофлоксацинмен бір мезгілде қабылдағанда қан сарысуындағы тизанидин концентрациясының жоғарылағаны (Cmax жоғарылауы: 7 есе, ауқымы: 4-тен 21 есеге дейін; AUC жоғарылауы: 10 есе, ауқымы: 6-дан 24 есеге дейін) байқалды. Сарысудағы концентрациясының жоғарылауымен байланысты гипотензиялық және седативтік әсерлерінің күшейгені байқалған. Метотрексат Метотрексаттың бүйрек өзекшелері арқылы тасымалдануына ципрофлоксацинді бірге қолдану кедергі келтіруі мүмкін, ол қан плазмасындағы метотрексат деңгейінің жоғарылауына және метотрексатпен байланысты уытты реакциялар қаупінің жоғарылауына алып келуі ықтимал. Ципрофлоксацинді метотрексатпен бір мезгілде қолдану ұсынылмайды. Теофиллин Ципрофлоксацин мен құрамында теофиллин бар дәрілік препараттардыц бір мезгілде қабылдау қан сарысуындағы теофиллин концентрациясының қолайсыз жоғарылауын туғызуы мүмкін. Бұл теофиллиннен туындайтын жағымсыз әсерлерге алып келуі мүмкін, және аса сирек жағдайларда, ол жағымсыз әсерлер өмірге қауіп төндіруі немесе өлімге соқтыруы мүмкін. Егер аталған препараттарды бір мезгілде қолданбауға мүмкіндік болмаса, қан сарысуындағы теофиллин концентрациясын бақылап отыру және теофиллиннің дозасын төмендету керек. Ксантиннің басқа туындылары Ципрофлоксацинді кофеинмен немесе пентоксифилинмен (окспентифилин) бір мезгілде қолданғанда, ксантин туындыларының сарысудағы концентрациялары жоғарылайды. Циклоспорин Ципрофлоксацин мен құрамында циклоспорин бар дәрілік препараттар бір мезгілде қолданылған кезде сарысудағы креатинин концентрацияларының уақытша жоғарылауы байқалған. Сондықтан, аталған пациенттерде сарысудағы креатинин концентрациясын жиі (аптасына екі рет) бақылап отыру қажет. К дәруменінің антагонистері Ципрофлоксацинді К дәруменінің антагонисімен бір мезгілде қабылдау оның антикоагулянттық әсерін арттыруы мүмкін. Қауіп негізгі инфекцияға, пациенттің жас шамасы мен жалпы статусына байланысты әр түрлі болуы мүмкін, сондықтан, ципрофлоксациннің халықаралық қалыптастырылған қатынас жоғарылауына үлесін бағалау қиын, ципрофлоксацинді К дәруменінің антагонисімен (мысалы, варфарин, аценокумарол, фенпрокумон немесе флуиндион) қатарлас қабылдау кезінде және қабылдаудан кейін көп ұзатпай (ХҚҚ) жиі тексеріп отыру керек. Дулоксетин Клиникалық зерттеулер, дулоксетинді флувоксамин сияқты CYP450 1A2 изоферментінің күшті тежегіштерімен бір мезгілде қолдану дулоксетинің AUC пен Cmax артуына алып келуі мүмкіндігін көрсетті. Ципрофлоксацинмен өзара әрекеттесуі мүмкіндігі туралы клиникалық деректердің жоқтығына қарамастан, бір мезгілде қабылдағанда ұқсас әсерлерді күтуге болады. Ропинирол Клиникалық зерттеуде, ропиниролды CYP450 1A2 изоферментінің орташа тежегіші ципрофлоксацинмен бір мезгілде қолдану, ропиниролдың Cmax пен AUC сәйкесінше 60% және 84%-ға жоғарылауына алып келетіндігі көрсетілді. Ципронатинмен бірге қабылдау кезінде және одан кейін көп ұзамай, ропиниролмен байланысты жағымсыз әсерлерді мониторингілеу, және дозасын тиісінше түзету ұсынылады. Лидокаин Құрамында лидокаин бар дәрілік препараттарды 1A2 CYP450 изоферментінің орташа тежегіші ципрофлоксацинмен қолдану, венаішілік лидокаиннің клиренсін 22%-ға төмендетеді. Лидокаинмен емдеудің жағымдылығы жақсы екендігіне қарамастан, ципролоксацинмен өзара әрекеттесу мүмкіндігі, бірге қолданғанда орын алуы мүмкін жағымсыз әсерлермен байланыстырылады. Клозапин 250 мг ципрофлоксацинді клозапинмен 7 күн бойы бірге қолданғанда клозапин мен N-десметиклозапиннің сарысудағы концентрациялары сәйкесінше 29% және 31%-ға артқан. Ципронатинмен бірге қабылдау кезінде және одан кейін тез арада клиникалық қадағалау жүргізу және клозапиннің дозасын тиісінше түзету ұсынылады. Силденафил Дені сау субъектілерде 500 мг ципрофлоксацинмен бірге 50 мг ішке қабылдағаннан кейін силденафилдің қан плазмасындағы ең жоғарғы концентрациялары мен қисық астындағы ауданы шамамен 2 есе жоғарылаған. Сондықтан, Ципронатинді силденафилмен бір мезгілде қолданғанда, қауіптері мен пайдасын ескере отырып, сақтық таныту керек. Фенитоин Ципрофлоксацинді фенитоинмен бір мезгілде қабылдап жүрген пациенттерде, қан сарысуындағы фенитоин деңгейінің өзгерістері (жоғарылағаны немесе төмендегені) байқалды. Сондықтан, препараттардың қан сарысуындағы деңгейлерін бақылап отыру ұсынылады. Агомелатин Клиникалық зерттеулерде, CYP450 1A2 изоферментінің күшті тежегіші болып табылатын флувоксаминнің, агомелатин метаболизмін елеулі бәсеңдететіндігі көрсетілді, ол агомелатин экспозициясының 60 есе жоғарылауына алып келеді. CYP450 1A2 орташа тежегіші ципрофлоксацинмен өзара әрекеттесуі мүмкіндігі туралы клиникалық деректердің жоқтығына қарамастан, бір мезгілде қабылдағанда ұқсас әсерлерді күтуге болады. Золпидем Ципрофлоксацинді бірге қолдану золпидемнің қандағы деңгейлерін арттыруы мүмкін, сондықтан, бір мезгілде пайдалану ұсынылмайды.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!