Цисплатин - Келун Казфарм концентрат 50 мг/50 мл

1 мл препарат құрамында белсенді зат - 1.0 мг цисплатин қосымша заттар: натрий хлориді 9.0 мг, инъекцияға арналған су 1.0 мл-ге дейін Сыртқы түрінің, иісінің, дәмінің сипаттамасы Түссіз немесе бозғылт-сары түсті сұйықтық.

Цисплатин монотерапия түрінде де, біріктірілген химиялық ем құрамында да қолданылады: Аталық бездердің метастазданатын ісіктері Тиісті хирургиялық және/немесе химиялық емнен өткізілген аталық бездердің метастазданатын ісіктері бар науқастарды емдеуде тиімді ісікке қарсы басқа препараттармен бірге белгіленген кешенді емде. Аналық бездердің метастазданатын ісіктері Тиісті хирургиялық және/немесе химиялық емнен өткізілген аналық бездердің метастазданатын ісіктері бар науқастарды емдеуде тиімді ісікке қарсы басқа препараттармен бірге белгіленген кешенді емде. Кешенді емде цисплатин циклофосфамидпен қолданылады. Монопрепарат ретінде қолданылатын цисплатин стандартты химиялық емге төзімді және бұрын цисплатин қабылдамаған аналық бездердің метастазданатын қатерлі ісіктері бар пациенттерге екіншілік емде тағайындалады. Қуықтың үдемелі ісіктері Цисплатин жергілікті хирургиялық емге берілмейтін қуықтың ауыспалы-жасушалық ісігі бар пациенттерге монотерапия және химиялық ем түрінде тағайындалады. Қолдану басталғанға дейін қажетті мәліметтер тізбесі

Әсер ету механизмі Цисплатин құрамында ауыр металл платина болатын ісікке қарсы препарат түрінде болады. Цисплатин ДНҚ-да тәжаралық және тәжішілік тігістер түзетін бифункционалдық алкилдеуші агенттер қасиеттеріне ұқсас қасиеттерге ие болады, сол арқылы оның функциясын бұзып, жасушалардың қырылуына алып келеді. Фармакодинамикалық әсерлері Препараттың циклді және фазалық спецификалық сипаты жоқ. Иммуносупрессиялық қасиеттері бар. Клиникалық тиімділігі -

Цисплатинді асқынып кеткен немесе метастазданатын ісіктерде монотерапия ретінде де, химиялық емнің құрамдас бөлігі ретінде де қолдануға болады. Цисплатин инфузия үшін ерітінді дайындауға арналған концентратын пайдаланар алдында сұйылту қажет. Сұйылтылған ерітіндіні тек вена ішіне инфузия арқылы енгізу қажет. Енгізу кезінде цисплатинмен байланысқа түсуі мүмкін құрамында алюминий бар кез келген затпен (венаішілік инфузияларға арналған жинақтар, инелер, катетерлер, шприцтер) жанасудан аулақ болу қажет. Дозалау режимі Балаларда және ересектерде Цисплатин монотерапия ретінде және басқа химиялық препараттармен біріктіріліп, әдетте, әр 3-4 апта сайын вена ішіне инфузия түрінде 50-120 мг/м² немесе әр 3-4 апта сайын 5 күн бойы күнделікті тамшылатып вена ішіне 15-20 мг/м² дозада енгізіледі. Цисплатин дозасы бастапқы ауруға, күтілетін реакцияға және цисплатинді монотерапия түрінде немесе біріктірілген химиялық ем компоненті ретінде пайдалануға байланысты. Цисплатин біріктірілген химиялық емде пайдаланылғанда оның дозасын азайту қажет. Әдеттегі дозасы – әр 3-4 апта сайынғы 20 мг/м2 немесе одан көп доза. Жатыр мойны обырын емдеу үшін цисплатин сәулелі еммен біріктіріліп пайдаланылады. Әдеттегі дозасы – 6 апта бойы апта сайынғы 40 мг/м2. Бүйрек функциясының бұзылуы немесе сүйек кемігінің депрессиясы бар пациенттерге препарат дозасын талапқа сай азайту қажет. Қалдану тәсілі Нұсқаулыққа сай әзірленген инъекцияға арналған цисплатин ерітіндісі 6-8 сағат бойы вена ішіне инфузия арқылы енгізілуі тиіс. Цисплатинді қабылдар алдында 2-ден 12 сағатқа дейін және енгізуден кейін кемінде 6 сағат талапқа сай сұйықтық ішуді қадағалау қажет. Цисплатинмен емделу кезінде және одан кейін жеткілікті диурезді қадағалау үшін жоғалтқан сұйықтықты толықтыру қажет болып табылады. Ол келесі ерітінділердің біреуін вена ішіне инфузиялау арқылы жүзеге асады: - 0.9% натрий хлориді ерітіндісі; - 0.9% натрий хлориді ерітіндісі мен 5% глюкоза ерітіндісінің қоспасы (1:1). Цисплатинмен емделу алдында сұйықтықты толықтыру: 6-дан 12 сағат бойына 100-ден 200 мл/сағатқа дейінгі жылдамдықпен 1 л дейін венаішілік инфузия. Цисплатин енгізуді тоқтатудан кейін жоғалтқан сұйықтықты толықтыру: 6-12 сағат бойы 100-ден 200 мл/сағатқа дейінгі жылдамдықпен 2 литрге дейінгі венаішілік инфузия. Егер жоғалтқан сұйықтықты толықтырудан кейін несеп секрециясы 10-200 мл/сағаттан аз құраса, жеделдетілген диурез қажет. Жеделдетілген диурезді 10% ерітінді түріндегі 37.5 г маннитолды (375 мл маннитол ерітіндісі 10%) вена ішіне енгізу арқылы немесе, егер бүйректің жұмыс істеуі қалыпты болса, диуретик қабылдау арқылы жүргізуге болады. Енгізілген цисплатин дозасы 60 мг/м2 дене беткейінен артық болғанда да маннитол немесе диуретик енгізу қажет. Цисплатин инфузиясынан соң 24 сағат бойы пациент талапқа сай несеп секрециясын қамтамасыз ету үшін көп мөлшерде сұйықтық ішуі қажет. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты қолдану кезінде қандай да бір қосымша сұрақтар туындаған жағдайда емдеуші дәрігермен кеңесіңіз.

- циспластинге немесе платинаның басқа қосылыстарына жоғары сезімталдық - естудің нашарлауы - сүйек кеміктік қан түзілу бәсеңдеуі - бүйрек функциясының айқын бұзылулары - полиневрит - жүктілік, лактация кезеңі

Жиілігін анықтау келесілерге сәйкес анықталады: Өте жиі (≥ 1/10), жиі (≥1/100 - < 1/10 дейін), жиі емес (≥ 1/1000 - < 1/100 дейін), сирек ( ≤1 / 10,000 ден ≤1 / 1,000 дейін), өте сирек (< 1/10 000, жеке-дара жағдайларды қоса), жиілігі белгісіз – қолда бар деректер бойынша туындау жиілігін анықтау мүмкін болмаған. Инфекциялық және паразиттік аурулар Жиі – инфекциялар Қан және лимфа жүйесі тарапынан бұзылулар Өте жиі – тромбоцитопения, лейкопения, анемия, миолосупрессия. Цисплатиннің жоғары дозаларын қолданғаннан кейін сүйек кемігін қатты басу мүмкін (агранулоцитоз және / немесе аплазиялық анемияны қоса); Жиі - веналық тромбоэмболия (мүмкіндігінше тезірек дәрігерге қаралу қажет егер: сізде қатты ауырсыну немесе аяқтарыңызда ісіну, кеудеде ауырсыну немесе тыныс алуда қиындықтар бар болса (венадағы қауіпті тромбтарды көрсетуі мүмкін); Жиі емес – жедел лейкоз; Жиілігі белгісіз - Кумбс сынағы оң болған гемолиздік анемия Иммундық жүйе тарапынан бұзылулар Жиі емес - анафилаксиялық реакциялар (беттің қызаруы мен ісінуі, бронх түйілуі, өкпеде ысқырықпен демалу, тахикардия, артериялық қысымның төмендеуі); Өте сирек – есекжем, терідегі дақты-папулезді бөртпе Зат алмасу және тамақтану тарапынан бұзылулар Жиі емес – гипомагниемия; Өте жиі – гипонатриемия Жиілігі белгісіз – сусыздану, гипокалиемия, гипофосфатемия, гиперурикемия, гипокальциемия, тетания; Жүйке жүйесі тарапынан бұзылулар Жиілігі белгісіз – цереброваскулярлық бұзылу, геморрагиялық инсульт, ишемиялық инсульт, агевзия, церебральды артерит, Лермитт симптомы, миелопатия, вегетативті нейропатия Сирек - құрысулар, шеткері нейропатия, лейкоэнцефалопатия, қалпына келетін артқы лейкоэнцефалопатия синдромы; Көру мүшелері тарапынан бұзылулар Жиілігі белгісіз –бұлыңғыр көру, түстерді ажырату қабілеті өзгеруі, кортикальды соқырлық, көру жүйкесінің невриті, көру жүйкесі дискісінің ісінуі, торқабық пигментациясы Есту ағзасы және лабиринттік бұзылулар Жиі емес - отоуыттылық; Жиілігі белгісіз – кереңдік Жүрек-қантамыр жүйесі тарапынан бузылулар Жиі - аритмия, брадикардия, тахикардия, терең тамырлар тромбозы, тромбоэмболия; Сирек – миокард инфаркті; Өте сирек - жүрек тоқтауы Жиілігі белгісіз – тромболитикалық микроангиопатия (гемолизді-уремиялық синдром), церебральді артериит, Рейно синдромы, өкпе артериясы эмболиясы. Асқазан-ішек жолы тарапынан бұзылулар Сирек – стоматит; Жиілігі белгісіз - жүрек айнуы, құсу, анорексия, ықылық ату, диарея Бүйрек және несеп шығару жолдары, жыныс мүшелері және сүт безі тарапынан бұзылулар Жиі емес - сперматогенездің бұзылуы; Жиілігі белгісіз - бүйректің жедел жеткіліксіздігі, бүйректің уытты зақымдануы (оның ішінде тубулярлық), мочевина, несеп қышқылы, қан плазмасындағы креатинин деңгейінің жоғарылауымен және / немесе креатинин клиренсінің төмендеуімен көрінеді Жалпы бұзылыстар және енгізген жердегі бұзылулар Өте жиі – қызба; Жиілігі белгісіз - алопеция, астения, дімкастық, сусыздану, бұлшықет спазмы, платина қызылиек сызығы, инъекция орнында экстравазация (жұмсақ тіндердің жергілікті уыттылығымен бірге жүреді: қызару, ісіну, ауырсыну, целлюлит, фиброз, некроз) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz. немесе «Ұлттық фармакоқадағалау ғылыми орталығы» ДКЕҰ http://www.drugsafety.ru

Көзделмеген артық дозалануды болдырмау үшін сақ болу қажет. Артық дозалану жағдайында (> 200 мг/м2 дене беткейі), гематоэнцефалдық бөгет арқылы өту салдарынан, өмірге қауіпті өкпені желдету және қышқыл-сілті теңгерімі бұзылуларының дамуымен тыныс орталығы зақымдануы мүмкін. Симптомдары: цисплатинмен жедел артық дозалану бүйрек, бауыр функциясының бұзылуларына, кереңдікке, көру мүшелері тарапынан уыттану құбылыстарына (торқабықтың ажырауын қоса), елеулі миелосупрессияға, емге берілмейтін жүрек айну мен құсуға және/немесе невритке әкелуі мүмкін. Артық дозалану өлімге соқтыруы мүмкін. Емі: цисплатинмен артық дозалану жағдайында белгілі бір антидот жоқ. Платина плазма ақуыздарымен тез байланысатындықтан, егер ол артық дозаланудан кейін алғашқы үш сағат ішінде қолданылса, ішінара болса да, әсеріне тек гемодиализ арқылы жетеді. Егер тіпті гемодиализ артық дозаланудан кейін 4 сағаттан соң басталса да, ол организмнен цисплатин шығарылуына болымсыз әсерін көрсетеді. Артық дозалану жағдайында емдеу жалпы демеуші шаралардан тұрады. Цисплатин уыттылығының төмендеуіне, осы шаралар артық дозаланудан кейін дереу жүргізілген жағдайда, тиімді гидратация және осмостық диурез ықпал етуі мүмкін.

Цисплатин препаратымен жұмыс істеу барысында сақ болу керек. Препаратты асептикалық жағдайда арнайы бөлінген бөлмеде сұйылту керек. Бұлармен дайындалған қызметкерлер айналысуы керек. Цисплатин препараты ерітіндісінің теріге және шырышты қабықтарға түсуін болдырмау үшін барлық шараларды қабылдау, атап айтқанда қорғаныш киімді (халат, бас киім, маска, көзілдірік және бір реттік қолғап) пайдалану қажет. Препарат теріге немесе шырышты қабықтарға түскен жағдайда сабынмен және сумен немесе (көзді) көп мөлшерде сумен мұқият жуу қажет. Цисплатинді вена ішіне енгізу керек. Экстравазация кезінде енгізу орнын мұқият бақылау қажет. Препараттың қалдықтары, цисплатин ерітіндісін дайындау үшін пайдаланылған барлық құралдар мен материалдар цитостатикалық заттардың қалдықтарын жоюдың стандартты ережесіне сәйкес жойылуы тиіс. Дәрі-дәрмектерді кәрізге немесе тұрмыстық қалдықтарға тастауға болмайды. Вена ішіне инфузиялар дайындау және енгізу жөніндегі нұсқаулар. Инфузия үшін ерітінді дайындау асептикалық жағдайларда атқарылуы тиіс. Концентратты ерітуге төмендегі ерітінділердің бірі пайдаланылуы тиіс: 0.9% натрий хлориді ерітіндісі; 0.9% натрий хлориді ерітіндісі мен 5% глюкоза ерітіндісінің қоспасы (1:1) (түпкілікті концентрациялары: 0.45% натрий хлориді ерітіндісі, 2.5% глюкоза). Егер цисплатинмен емдеу шарасының алдында пациент едәуір мөлшерде су ішпеген болса, концентратты 0.9% натрий хлориді ерітіндісі мен 5% маннитол ерітіндісінің қоспасымен (1:1) сұйылтуға болады (түпкілікті концентрациялары: 0.45% натрий хлориді ерітіндісі, 2.5% маннитол). Инфузияға арналған цисплатин ерітіндісін дайындау: 0.5 мг/мл/1 мг/мл цисплатин концентратының қажетті мөлшерін (доза) жоғарыда аталған ерітінділердің 1-2 литрінде сұйылту қажет. Препараттың сұйылтылған ерітінділері жарықтан қорғалған жерде 25°С-ден аспайтын температурада 6-8 сағат бойы тұрақты. Сұйылтылған ерітіндіні тек венаішілік инфузия арқылы енгізу қажет. Көрінетін бөлшектерден бос мөлдір түссіз ерітінділерді ғана және тек бір рет пайдалануға болады. Цисплатин 1 мг/минуттан аспайтын жылдамдықпен вена ішіне тамшылатып енгізіледі. Ескертпе: Алюминий цисплатинмен реакцияға түсіп, оның белсенділігін жоятындықтан, сонымен қатар қара шөгінді түзілуін тудыратындықтан, цисплатинді дайындау мен енгізу кезінде инені және құрамында алюминий бар басқа жабдықты пайдаланбау өте маңызды. Арнайы ескертулер Цисплатин аминогликозидтер тобының антибиотиктерін қолдану кезінде күшейетін нефроуыттылық жинақталуын туындатады. Сарысулық креатинин, қан мочевинасы азоты (BUN), креатинин клиренсі және магний, натрий, калий және кальций деңгейлері емнің басталуына дейін және әр келесі емдеу курсы барысында анықталуы тиіс. Ұсынылатын дозасында цисплатинді 3-тен 4 аптаға дейін бір реттен жиірек енгізуге болмайды. Егде жастағы пациенттер нефроуыттылыққа аса сезімтал болуы мүмкін. Ұсынылуымен салыстырғанда, цисплатиннің аса жоғары дозаларымен немесе жоғарырақ дозалау жиілігінде емдеу сызбасы пайдаланылған пациенттерде нейропатияның ауыр жағдайлары хабарланады. Ондай нейропатия қайтымсыз болып, «шұлық-қолғап» типі бойынша аяқ-қол парестезиясы, арефлексия мен проприоцепцияны және вибрациялау түйсіктерін жоғалту ретінде көрініс беруі мүмкін. Егде жастағы пациенттер шеткері нейропатияға аса сезімтал болуы мүмкін. Моторлы функцияны жоғалту жөнінде де хабарланады. Цисплатин қолдану кезінде анафилаксиялыққа ұқсас реакциялар туралы хабарламалар түспеген. Бұл реакциялар бұрын цисплатин қабылдаған пациенттерге препарат енгізілген бірнеше минут ішінде болады, ал ондай реакциялар адреналин, кортикостероидтар және антигистаминдік препараттарды енгізу жолымен басылған. Цисплатин отоуыттылығы жинақталатындықтан, аудиометриялық тестілер емнің басталуына дейін және препарат дозасын әр келесі енгізу алдында өткізілуі тиіс. Цисплатин қабылдайтын барлық балалар емдеуді бастамас бұрын, сондай-ақ препарат дозасын әр келесі енгізудің алдында және ем аяқталған соң бірнеше жыл ішінде аудиометриялық тестілерден өтуі тиіс. Цисплатин жүктілік кезеңінде енгізілгенде шаранада зақымдануды туындатуы мүмкін. Препарат жүктілік кезінде енгізілгенде немесе емделу кезінде жүкті болып қалған жағдайда пациент шарана үшін препаратты қолданудың зор қауіптілігімен таныс болуы тиіс. Пациенттерге жүкті болып қалудан сақтанудың барлық шараларын қабылдау ұсынылады. Цисплатин канцерогенді болуы мүмкін, бірақ дәлелденбеген. Цисплатин қолдану кезінде жедел лейкоз дамуы хабарланған. Ондай хабарламаларда цисплатиннің, әдетте, лейкозды емдеуге арналған басқа препараттармен біріктіріліп енгізілгені көрсетілген. Цисплатин енгізу кезінде инъекция аумағында реакциялар туындауы мүмкін. Экстравазация мүмкіндігін ескеріп, препарат енгізу кезінде болуы мүмкін инфильтрация себебінен препаратты құятын бөлікті ұқыпты бақылау ұсынылады. Сақтандыру Инъекцияға арналған цисплатинді обырға қарсы химиялық ем препараттарымен жұмыс істеу тәжірибесі бар білікті дәрігер қадағалауымен енгізу керек. Тиісті диагностикалық және емдік дәрілермен жабдықталған стационар жағдайларында ғана тиісті ем жүргізуге және асқынуларды жоюға болады. Цисплатин енгізумен байланысты жинақталатын бүйректік уыттану күрделі көрініс болып табылады. Препаратты дозалаумен байланысты басқа айқын уытты әсерлер миелосупрессия, жүрек айну және құсу болып табылады. Балаларда көбірек білінетін отоуыттану құлақтағы шуыл және/немесе естімей қалу, атап айтқанда, жиілігі жоғары дыбыстарды естімеу, ал кейде толық кереңдік те елеулі жағымсыз әсер болып табылады. Цисплатинге анафилаксия сипатына ұқсас реакциялар дамуы хабарланады. Беттің ісінуі, бронх түйілу, тахикардия және гипотония цисплатин енгізуден кейін бірнеше минут ішінде дамуы мүмкін. Эпинефрин, кортикостероидтар және антигистаминдік дәрілер симптомдарды жеңілдетуге тиімді пайдаланылады. Цисплатинмен кездейсоқ артық дозалануды болдырмау үшін сақтық таныту керек. Әр 3-тен 4 аптаға дейін бір рет 100 мг/м2/циклден көп дозалары сирек пайдаланылады. Карбоплатинмен химиялық ем немесе бір циклге жалпы дозадан тәуліктік дозалар дифференцияланбайтын дәрілік заттарды тағайындау тәжірибесінің шатасуы салдарынан цисплатинмен көзделмеген артық дозалануды болдырмау үшін сақ болу қажет. Сақтану шаралары Шеткері қан көрінісін күнделікті негізде бақылап отыру керек. Бауыр функциясын да мезгіл-мезгіл тексеру керек. Неврологиялық тексеру жүйелі жүргізілуі тиіс. Лактация кезеңі Хабарланғандай, цисплатин емшек сүтінен табылады; цисплатин қабылдайтын пациент әйелдерге бала емізуді тоқтату керек. Фертильділігі Бала туу жасындағы пациенттер, ерлер мен әйелдер, Цисплатинмен терапия аяқталғаннан кейін және 6 ай ішінде контрацепцияның тиімді тәсілін пайдалану керек. Емдеу кезінде қайтымсыз бедеулік дамуы мүмкін болғандықтан, ерлер емдеуді бастамас бұрын банкте сперманы криосақтау туралы ойлануы керек. Педиатрияда қолдану Балаларда препаратты қолдану қауіпсіздігі мен тиімділігі анықталмаған. Барлық балаларға емдеу курсын бастар алдында және тура әр келесі дозаға дейін және емдеу курсынан кейін бірнеше апта ішінде аудиометрия жүргізген жөн. Тестілеу әдістеріндегі соңғы жетістіктер сәбидің когнитивті және әлеуметтік дамуына есту қабілеті бұзылуларының ықтималды жайсыз әсерін төмендетуі мүмкін қажетті шаралар қабылдау мақсатында ерте сатыдағы естімей қалуды диагностикалауға мүмкіндік береді. Егде жастағы пациенттерде қолдану Зерттеулерде жас шамасы тіршілік қабілетін болжау факторы болмаған. Дегенмен де, осы зерттеулердің біреуінің кешірек жасалған екіншілік талдауында егде жастағы пациенттер арасында жасырақ пациенттер арасындағыдан қысқалау тіршілік ету кезеңі байқалды. Зерттеудің бәрінде, егде жастағы пациенттерде жасырақ пациенттердегіден күрделірек нейтропения байқалды. Құрамында цисплатин бар препараттармен емдеу топтарының бәрінде болмаса да, жастау пациенттерге қарағанда, егде жастағы адамдарда ауыр тромбоцитопения мен лейкопения да байқалған. Гематологиялық емес уыттану пациенттердің жасына қарай бағаланған зерттеуде егде жастағы пациенттерде шеткері невропатияның жас пациенттердегіден едәуір жоғары деңгейі байқалды. Хабарламаларда егде жастағы пациенттердің, жастау пациенттерге қарағанда, миелосупрессияға, инфекциялық асқынуларға, нефроуыттылыққа аса сезімтал болуы мүмкін екенін көрсетеді. Цисплатин, белгілі болғандай, негізінен бүйрекпен шығарылады және анамнезінде бүйрек функциясының бұзылулары бар пациенттерге қарсы көрсетілімді. Егде жастағы пациенттер бүйрек функциясының төмендеуіне бейім екендіктен, осы пациенттердің бүйрек функциясын бақылап, дозаны сақтықпен таңдау керек. Дәрілік заттың автокөлікті немесе қауіптілігі зор басқа механизмдерді басқару қабілетіне әсер ету ерекшеліктері Препараттың жағымсыз әсерлерін ескеріп, автокөлікті және басқа аса қауіпті механизмдерді басқарудан бас тарту керек.

Нұсқаулықта көрсетілмеген.

Цисплатинді антибиотиктер-аминогликозидтермен (гентамицин, канамицин, стрептомицин) немесе басқа нефроуыттылығы зор препараттармен (мысалы, амфотерицин В) бір мезгілде немесе бірізді қолдану оның нефроуытты және отоуытты әсерін күшейтуі мүмкін. «Ілмектік» диуретиктер (фуросемид, клопамид, этакрин қышқылы) цисплатин отоуыттылығын күшейтуі мүмкін. Цисплатин блеомицин мен метотрексаттың бүйрек арқылы шығарылуын бұзуы (цисплатиннен болатын нефроуытты әсер салдарынан болуы мүмкін) және осы препараттардың уыттылығын күшейтуі мүмкін екені белгілі. Аналық бездер обырын емдеуде бір мезгілде цисплатин, гексаметилмеламин және пиридоксин қолданғанда ремиссия уақытының қысқаруы білінген. Цисплатин мен құрысуға қарсы препараттар қабылдайтын пациенттерде қан сарысуында соңғыларының концентрациясы субтерапиялық мәндерге дейін төмендеуі мүмкін. Цисплатин қандағы несеп қышқылы концентрациясын жоғарылатуы мүмкін. Сондықтан подаграны емдеуге арналған аллопуринол, колхицин, пробенецид немесе сульфинпиразон сияқты дәрілік заттарды бір мезгілде қабылдайтын пациенттерде гиперурикемия мен подагра ұстамаларын бақылау үшін осы препараттардың дозасын түзету қажеттілігі туындауы мүмкін. Цисплатин алюминиймен өзара әрекеттескенде шөгінді түзіледі.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 15-25 °С температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!