Цитиколин раствор 500 мг/4 мл

Бір ампуланың ішінде (500 мг/4 мл және 1000 мг/4 мл дозалар үшін): белсенді зат - цитиколин (натрий цитиколині түрінде) 500.00 мг (522.52 мг) немесе 1000.00 мг (1045.00 мг); қосымша заттар: 1 М натрий гидроксидінің ерітіндісі немесе 1 М хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Түссіз немесе сәл сарғыш түсті мөлдір ерітінді.

- инсульт, жедел фаза және оның неврологиялық салдары, және асқынулар; - мидың жарақаттық зақымдануы (бассүйек-ми жарақаттары) және оның неврологиялық салдары мен асқынулары. Қолдану басталғанға дейін қажетті мәліметтер тізбесі

Әсер ету механизмі Цитиколин нейрондар жарғақшасындағы құрылымдық фосфолипидтердің биосинтезін көтермелейді, бұл магнит-резонанстық спектроскопия деректерімен расталған. Осы әрекеттің көмегімен цитиколин иондық сорғылар мен рецепторлар сияқты жарғақшалық құрылымдардың жұмысын жақсартады, олар реттелмей, жүйке импульстарын қалыпты өткізу мүмкін емес. Нейрондар жарғақшасына тұрақтандырушы әсерінің арқасында цитиколин ісінуге қарсы қасиеттерін көрсетеді және мидың ісінуін азайтады. Клиникалық зерттеулер цитиколиннің бос радикалдар түзілуін азайта отырып, кейбір фосфолипазалардың (A1, A2, C және D) белсенуін тежейтінін көрсетті, жарғақшалық жүйелердің бұзылуын болдырмайды және глутатион сияқты антиоксидантты қорғаныс жүйелерін сақтайды. Цитиколин энергияның нейрондық қорын сақтайды, апоптозды тежейді, бұл холинергиялық берілісті жақсартады. Цитиколиннің ми фокальді ишемиясында профилактикалық нейропротекторлық әсері бар екендігі тәжірибе жүзінде дәлелденді. Клиникалық сынақтар цитиколин ми қан айналымының жедел бұзылулары бар пациенттердің функционалдық сауығу көрсеткіштерін едәуір арттыратынын көрсетті, нейровизуализация деректері бойынша мидың ишемиялық зақымдануы өсуінің баяулауымен сәйкес келеді. Цитиколин бас сүйек-ми жарақаттары бар пациенттерде қалпына келтіруді жеделдетеді және жарақаттан кейінгі синдромның ұзақтығы мен қарқындылығын төмендетеді. Цитиколин зейін мен сана деңгейін жақсартады, ми ишемиясымен байланысты амнезия, когнитивті және басқа неврологиялық бұзылулардың көріністерін азайтуға көмектеседі.

Дозалау режимі Ұсынылатын доза тәулігіне 500 мг-ден 2000 мг дейінді құрайды. Доза ауру симптомдарының ауырлығына байланысты. Енгізу әдісі мен жолы Дәрілік препаратты бұлшықет ішіне, вена ішіне баяу енгізуге (енгізілетін дозаға байланысты 3-тен 5 минутқа дейін) немесе вена ішіне тамшылатып енгізуге (енгізу жылдамдығы минутына 40-60 тамшы) болады. Бұлшықет ішіне енгізуге қарағанда вена ішіне енгізу жолы дұрыс. Бұлшықет ішіне енгізу кезінде дәрілік затты бір орынға қайта енгізуден аулақ болу керек.

- әсер етуші затқа немесе қосымша заттардың кез келгеніне аса жоғары сезімталдық - парасимпатикалық жүйке жүйесінің жоғары тонусты жай-күйі (ваготония)

Нұсқаулықта көрсетілмеген.

Дәрілік препараттың төмен уыттылығына байланысты артық дозалану жағдайлары сипатталмаған. Артық дозаланған жағдайда симптоматикалық ем тағайындалады Егер Сізде осы препаратты пайдалануға қатысты қосымша сұрақтар болса, емдеуші дәрігеріңізге немесе фармацевтке хабарласыңыз Жағымсыз реакциялардың сипаттамасы Өте сирек: - елестеулер - бас ауыруы, бас айналуы - артериялық гипертензия, артериялық гипотензия - жүрек айнуы, құсу, диарея - гиперемия, есекжем, бөртпе, пурпура - ентігу - қалтырау, ісіну. Енгізу орнында жергілікті құбылыстардың болуы мүмкін. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Вена ішіне қолданғанда дәрілік препаратты енгізу баяу (енгізілетін дозаға байланысты 3-тен 5 минутқа дейін) іске асырылуы тиіс. Вена ішіне тамшылатып енгізу кезінде дәрілік препаратты енгізу жылдамдығы минутына 40-60 тамшы болуы тиіс. Ұзаққа созылған бассүйекішілік қан кету жағдайында 1000 мг тәулікті дозадан асырмаған жөн, оны вена ішіне өте баяу (енгізу жылдамдығы минутына 30 тамшы) енгізу керек. Вена ішіне және бұлшықет ішіне енгізуге арналған ерітінді тек бір рет пайдалануға арналған. Дәрілік препаратты енгізу ампуланы ашқаннан кейін бірден іске асырылуы тиіс. Ампула ішіндегісінің пайдаланылмаған қалдығы жойылуы тиіс. Цитиколин изотониялық венаішілік физиологиялық ерітіндімен және глюкоза ерітіндісімен үйлесімді. Арнайы ескертулер Цитиколин, 500 мг/4 мл, вена ішіне және бұлшықет ішіне енгізуге арналған ерітіндінің құрамында бір дозаға 1 ммоль натрий (23,5 мг) болады. Натрийдің түсуін шектейтін диетадағы пациенттерді ескеру қажет. Цитиколин, 1000 мг/4 мл, вена ішіне және бұлшықет ішіне енгізуге арналған ерітіндінің құрамында бір дозаға 2 ммоль натрий (47,1 мг) болады. Натрийдің түсуін шектейтін диетадағы пациенттерді ескеру қажет. Педиатрияда қолдану Дәрілік препаратты балаларда қолдану тәжірибесі шектеулі. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цитиколин жекелеген жағдайларда көлік құралдарын басқару және механизмдермен жұмыс істеу қабілетіне ықпал етуі мүмкін (орталық жүйке жүйенің тарапынан кейбір жағымсыз реакциялар).

Жүктілік кезінде Цитиколинді қолдану туралы мәліметтер жеткіліксіз. Дәрілік препарат жүктілік кезінде өте қажет болса ғана тағайындалуы тиіс. Дәрілік препарат ана үшін емнің күтілетін пайдасы шаранаға төнетін ықтимал қауіптен асып кеткен жағдайда ғана тағайындалады. Лактация кезеңінде дәрілік препаратты қолдану қажет болған кезде емшек емізуді тоқтату керек, өйткені емшек сүтімен цитиколиннің бөлінуі туралы деректер жоқ.

Цитиколин L-дигидроксифенилаланиннің (L-ДОФА) әсерін күшейтеді. Центрофеноксинмен және құрамында меклофеноксат бар басқа дәрілік препараттармен бір мезгілде тағайындауға болмайды.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!