Цитрамон П таблетки

Бір таблетканың құрамында: белсенді заттар: ацетилсалицил қышқылы –240.0 мг, парацетамол –180.0 мг, кофеин – 30.0 мг. қосымша заттар: какао, лимон қышқылы, картоп крахмалы, тальк, кальций стеараты, полисорбат-80. Сыртқы түрінің, иісінің, дәмінің сипаттамасы Теңбілді ашық-қоңыр түсті, сызығы және ойығы бар жалпақ цилиндр пішінді, какао иісі бар таблеткалар.

- шығу тегі әр түрлі бас ауыру

Цитрамон П ауыруды басатын, қабынуға қарсы және ыстықты түсіретін әсерлері бар біріктірілген препарат. Оның құрамына кіретін компоненттер бір-бірінің әсерін күшейтеді. Ацетилсалицил қышқылының ыстықты түсіретін және қабынуға қарсы әсері бар, әсіресе қабыну үдерісінен туындаған ауыруды бәсеңдетеді, сондай-ақ тромбоциттердің агрегациясын және тромбтың түзілуін орташа тежейді, қабыну ошағындағы микроайналымды жақсартады. Кофеин жұлынның рефлекторлы қозғыштығын арттырады, тыныс алу және қантамырларын қозғау орталықтарын қоздырады, қаңқа бұлшықеттеріндегі, мидағы, жүректегі, бүйректердегі қантамырларды кеңейтеді, тромбоциттердің агрегациясын төмендетеді; ұйқышылдықты, шаршау сезімін азайтады. Осы біріктірілімде кофеин аз дозада орталық жүйке жүйесіне стимуляциялайтын әсер бермейді, алайда ми қантамырлары тонусын реттеуге мүмкіндік жасайды. Парацетамолдың ауыруды басатын, ыстықты түсіретін әсері және қабынуға қарсы әлсіз ықпалы бар, бұл оның гипоталамусте жылуды реттейтін орталыққа ықпал етуімен және шеткері тіндерде простагландиндер (Pg) синтезін тежейтін әлсіз білінетін қабілетімен байланысты.

Дозалау режимі Әрбір 4 сағат сайын 1 таблеткадан, ауыру синдромында – 1-2 таблетка; тәуліктік орташа дозасы – 3-4 таблетка, тәуліктік ең жоғары дозасы – 8 таблетка. Енгізу әдісі және жолы Ішке (тамақтану кезінде немесе одан кейін). Емдеу ұзақтығы Емдеу курсы 3-5 күннен аспайды. Препаратты қабылдауды ауыруды басатын дәрілік зат ретінде 5 күннен асырмаған және ыстықты түсіретін дәрі ретінде 3 күннен асырмаған жөн (дәрігердің тағайындауынсыз және бақылауынсыз). Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге немесе дәріхана қызметкеріне хабарласыңыз.

• әсер етуші заттарға немесе препараттың қосымша заттарының кез келгеніне аса жоғары сезімталдық • асқазан және он екі елі ішектің өршу сатысындағы ойық жара ауруы • асқазан-ішектік қан кетулер (соның ішінде анамнезде) • бауыр функциясының бұзылуы • бүйрек функциясының бұзылулары • подагра • геморрагиялық диатездер, гипокоагуляция • көп қан кетумен қатар жүретін хирургиялық араласулар • глюкозо-6-фосфатдегидрогеназа тапшылығы • глаукома • ацетилсалицил қышқылын, салицилаттарды және қабынуға қарсы стероидты емес басқа да дәрілерді қабылдаумен индукцияланған демікпе • қатты қозғыштық, ұйқының бұзылуы • жүрек-қантамыр жүйесінің органикалық аурулары (соның ішінде жедел миокард инфарктісі, атеросклероз) • айқын артериялық гипертензия • портальді гипертензия • К авитаминозы • гипопротеинемия • жүктілік және лактация кезеңі • 15 жасқа дейінгі балалар Қолдану бойынша қажетті сақтық шараларыжүрек • бүйрек функциясының жеңіл және орташа дәрежелі жеткіліксіздігі • трансаминазалар деңгейінің жоғарылауымен бауыр жеткіліксіздігі • қатерсіз гипербилирубинемиялар (соның ішінде Жильбер синдромы, бауырдың алкогольмен зақымдануы) • маскүнемдік • эпилепсия және құрысу ұстамаларына бейімділік • егде жас • артериялық гипертензия

Жағымсыз құбылыстар жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-ден < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000-нан < 1/1000-ға дейін), белгісіз (қолда бар деректер негізінде баға беру мүмкін емес) Жиі • бас айналу • жүрек айнуы • құсу • гастралгия Жиі емес • бас ауруы. • құлақтағы шуыл Сирек • анорексия • көру қабілетінің бұзылуы Белгісіз • тромбоциттер агрегациясының төмендеуі • гипокоагуляция • геморрагиялық синдром (мұрыннан қан кету, қызыл иектің қанағыштығы, пурпура және т.б.) • аллергиялық реакциялар • тахикардия • қан қысымының жоғарылауы. • бронх түйілуі • асқазан-ішек жолдары мен он екі елі ішектің эрозиялық-ойық жаралы зақымдануы • асқазан-ішектен қан кету • бауыр жеткіліксіздігі • балаларда Рейе синдромы • мультиформалы экссудативті эритема (соның ішінде Стивенс-Джонсон синдромы) • уытты эпидермальді некролиз (Лайелл синдромы) • бүйрек жеткіліксіздігі • папиллярлық некрозбен бүйректің зақымдануы. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ұсынылған дозаны және қолдану ұзақтығын арттырмаған жөн! Симптомдары: жеңіл уыттанғанда: жүректің айнуы, құсу, асқазанның ауыруы, бас айналу, құлақтың шыңылдауы - ауыр уыттанғанда: мәңгіру, ұйқышылдық, коллапс, құрысулар, тыныстың тарылуы, анурия, қан кетулер. Емі: белсендірілген көмірді пайдалана отырып, асқазанды шаю, симптоматикалық ем, зат алмасу жағдайына байланысты – натрий гидрокарбонатын, натрий цитратын немесе натрий лактатын енгізу, бұл несептің сілтіленуі есебінен ацетилсалицил қышқылының шығарылуын күшейтеді.

Арнайы ескертулер Ацетилсалицил қышқылы қанның ұюын баяулатады. Егер пациентке хирургиялық араласу жасау керек болса, препаратты қабылдағанын дәрігерге алдын ала ескерткен жөн. Несеп қышқылының жиналып қалуына бейім пациенттерде препаратты қабылдау подагра ұстамасына түрткі болуы мүмкін. Қабылдау кезінде алкогольді пайдалануды тоқтата тұрған жөн (асқазан-ішектік қан кету және бауырдың уытты зақымдану қаупі жоғарылайды). Педиатрияда қолданылуы Рейе синдромының пайда болу қаупіне байланысты, препаратты 15 жасқа дейінгі балаларға тағайындамау керек. Рейе синдромы ұзаққа созылатын құсумен, жедел энцефалопатиямен, бауырдың ұлғаюымен білінеді.

Жүктілік кезінде және лактация кезінде қолдануға болмайды. Көлік құралын немесе қауіптілігі зор механизмдерді басқару қабілетін дәрілік заттың ықпал ету ерекшеліктері Анықталған жоқ.

Гепариннің, әсері тікелей емес антикоагулянттардың, резерпиннің, стероидты гормондардың және гипогликемиялық дәрілік заттардың әсерін күшейтеді. Қабынуға қарсы стероидты емес басқа препараттармен, метотрексатпен бір мезгілде тағайындау жағымсыз әсерлердің пайда болу қаупін арттырады. Спиронолактонның, фуросемидтің, гипотензиялық дәрілік заттардың, сондай-ақ подаграға қарсы дәрілік заттардың тиімділігін азайтады, несеп қышқылының шығарылуына мүмкіндік береді. Барбитураттар, рифампицин, салициламид, эпилепсияға қарсы дәрілік заттар және микросомальді тотығудың басқа да стимуляторлары бауыр функциясына ықпалын тигізетін парацетамолдың уытты метаболиттерінің түзілуіне мүмкіндік береді. Метоклопрамид парацетамолдың сіңуін жылдамдатады. Парацетамолдың әсерімен хлорамфениколдың жартылай шығарылу кезеңі 5 есе артады. Қайталап қабылдағанда парацетамол антикоагулянттардың (дикумарин туындыларының) әсерін күшейтуі мүмкін. Кофеин эрготаминнің сіңуін жеделдетеді. Препаратты және құрамында спирті бар сұйықтықтарды бір мезгілде қабылдағанда бауырдың уытты зақымдану қаупі артады.

Сақтау мерзімі 4 жыл. Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!