Цитрамон У таблетки

Бір таблетканың құрамында белсенді заттар: 0,24 г ацетилсалицил қышқылы, 0,18 г парацетамол, 0,03 г кофеин (құрғақ затқа шаққанда), қосымша заттар: какао; лимон қышқылы, моногидрат; картоп крахмалы; тальк; кальций стеараты; повидон; натрий кроскармеллозасы. Сыртқы түрінің, иісінің, дәмінің сипаттамасы Какао иісі бар, бөлуге арналған сызығы және ойығымен, жалпақ цилиндр пішінді, теңбілдері бар ашық-қоңыр түсті таблеткалар.

- шығу тегі әртүрлі бас ауыруында

Препарат анальгезиялық, ыстық түсіретін және қабынуға қарсы әсер етеді. Препараттың құрамына кіретін компоненттер бір-бірінің әсерін күшейтеді. Ацетилсалицил қышқылының ыстық түсіретін әсері эндогендік пирогендердің әсеріне жауап ретінде гипоталамуста PGF2 синтезін бәсеңдету жолымен орталық жүйке жүйесі арқылы жүзеге асырылады. Анальгезиялық әсердің шығу тегі шеткері және орталықтық та болады: шеткері әсер – қабынған тіндердегі простагландиндер синтезінің тежелуі; орталықтық әсер – гипоталамус орталықтарына әсер ету. Ацетилсалицил қышқылы тромбоциттердің агрегациясын азайтады. Парацетамолдың анальгезиялық, ыстық түсіретін және қабынуға қарсы өте әлсіз әсер етеді, бұл оның гипоталамустағы терморегуляция орталығына әсер етуімен және шеткері тіндердегі простагландиндердің синтезін тежеуінің әлсіз білінетін әсерімен байланысты. Кофеин орталық жүйке жүйесіне қоздырғыш әсер етеді. Кофеин оң шартты рефлекстерді арттырады, қозғалыс белсенділігін ынталандырады, ұйықтататын және есірткі заттарының әсерін әлсіретеді, анальгетиктер мен ыстық түсіретін дәрілердің әсерін күшейтеді.

Дозалану режимі Ересектерге және 15 жастан асқан балаларға күніне 2-3 рет 1 таблетка дозада тағайындайды. Препаратты қабылдау арасындағы үзіліс кем дегенде 6-8 сағатты құрау керек. Ең жоғарғы бір реттік доза – 2 таблетка, ең жоғарғы тәуліктік доза – 4 таблетка. Енгізу әдісі және жолы Ішке қабылдайды, дұрысы ас ішулер арасында немесе тамақтанғаннан кейін бірден қабылдау. Емдеу ұзақтығы Ауыруды басатын дәрі ретінде қолдану ұзақтығы 5 күннен аспауы керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Бүкіл қосымша парақты мұқият оқып шығыңыз. Егер сізге дәрілік препаратты қолдану тәсілі түсініксіз болса, кеңес алу үшін медициналық қызметкерге жүгінуді ұсынамыз.

- әсер етуші заттарға немесе қосымша заттардың кез келгеніне аса жоғары сезімталдық, басқа салицилаттарға аса жоғары сезімталдық; - анемнезде ацетилсалицил қышқылын немесе басқа қабынуға қарсы стероидты емес дәрілерді қолданудан туындаған демікпеге, есекжемге немесе ринитке көрсетілімдердің болуы; - ас қорыту жолының эрозиялы-ойық жаралы зақымдануы (асқыну сатысында), асқазан-ішектен қан кету; - қан ауруы, гемофилия, геморрагиялық диатездер, гипопротромбинемия, анемия, лейкопения, қан кетуге жоғары бейімділік, тромбоз, тромбофлебит, геморрагиялық аурулар; - бүйрек және бауырдың ауыр жеткіліксіздігі, портальді гипертензия, туа біткен гипербилирубинемия; - глюкоза-6-фосфатдегидрогеназа тапшылығы; - жүрек-қантамыр жүйесінің органикалық аурулары (оның ішінде айқын атеросклероз), жүрек өткізгіштігінің бұзылуы, пароксизмалық тахикардия, ауыр гипертониялық ауру, жүректің ишемиялық ауруының ауыр ағымы, жедел миокард инфарктісі, декомпенсацияланған жүрек жеткіздігі, тамырлардың тарылуына бейімділігі; - глаукома, гипертиреоз, асқынған панкреатит, қуықасты безінің гипертрофиясы, қант диабетінің ауыр түрлері; - моноаминоксидаза (МАО) тежегіштерімен бірге және МАО тежегіштерін қолдануды тоқтатқаннан кейін 2 апта ішінде қолдануға болмайды, трициклды антидепрессанттар немесе β-блокаторлар қабылдайтын пациенттерге қарсы көрсетілімді. - маскүнемдік, эпилепсия, жоғары қозғыштық, ұйқының бұзылуы; - метотрексатпен біріктірілімде аптасына 15 мг немесе одан жоғары дозада қабылдау; - көп қан кетумен қатар жүретін хирургиялық араласу; - 60-тан жоғары жас; – жүктілік және бала емізу кезеңі; – ауыруды бәсеңдететін дәрі ретінде 18 жасқа дейінгі жасөспірімдерге және 15 жасқа дейінгі балаларға ыстық түсіретін дәрі ретінде

Препаратты жекелеген пациенттерде қолдану кезінде, ацетилсалицил қышқылына, парацетамолға немесе кофеин препараттарына тән жағымсыз реакциялар байқалуы мүмкін. Ас қорыту жолы тарапынан: диспепсия, жүрек айну, құсу, қыжыл, эпигастральді аумақтың ауыруы және абдоминальді ауыру; жекелеген жағдайларда – ас қорыту жолының қабынуы және эрозиялық-ойық жаралы зақымданулары, бірлі-жарым жағдайларда тиісті зертханалық көрсеткіштерімен және клиникалық көріністерімен асқазан-ішек геморрагияларына және тесілуге әкелуі мүмкін; сирек – бауыр трансаминазалары деңгейінің жоғарылауымен транзиторлы бауыр жеткіліксіздігі; гепатонексоз (дозаға тәуелділік әсері), ауыз қуысының шырышты қабығының ойық жарасы. Метаболизм мен тамақтанудың бұзылуы: метаболизмдік ацидоз, аниондардың арасының саңылауымен. Қан түзу ағзалары тарапынан: лейкопения, гемолиздік анемия, агранулоцитоз, сульфатгемоглобинемия, метгемоглобинемия (цианоз, ентігу, жүрек тұсының ауыруы), жоғары дозада ұзақ уақыт бойы қолданған кезде – аплазиялық анемия, панцитопения, нейтропения, тромбоцитопения; астения, тері жабынының бозаруы, гипоперфузия сияқты тиісті зертханалық көріністермен және клиникалық симптомдармен болатын жедел және созылмалы геморрагиядан кейінгі анемияға (жасырын ұсақ қан кету деп аталатын жағдай салдарынан) әкелуі мүмкін геморрагиялар. Иммундық жүйе тарапынан: салицилаттарға жекелей жоғары сезімталдығы бар пациенттерде соның ішінде тері гиперемиясы, ысыну сезімі, бөртпе, есекжем, ісіну, қышыну, ангионевроздық ісіну, ринит, мұрынның бітелуі сияқты симптомдары бар аллергиялық тері реакциялары дамуы мүмкін. Бронх демікпесі бар науқастарда бронх түйілуі туындау жиілігі артуы мүмкін; теріні, тыныс алу жолдарын, асқорыту жолын және кардиоваскулярлы жүйені потенциалды зақымдау бөртпе, есекжем, ісіну, қышыну, өкпенің кардиогенді емес ісінуі түрінде көрінетін болымсыз немесе орташа дәрежедегі аллергиялық реакциялар; өте сирек – анафилаксиялық шокты қоса алғанда, ауыр реакциялар. Тері және тері асты тіндері тарапынан: мультиформалы экссудативті эритема (оның ішінде Стивенс-Джонсон синдромы), уытты эпидермальді некролиз (Лайелл синдромы). Орталық және шеткері жүйке жүйесі тарапынан: діріл, күйгелектік, мазасыздық; бас айналу және құлақ шуылы, көрудің бұзылуы, бұл артық дозалануға дәлел болады: ұйқысыздық, жоғары қозушылық, бағдардың бұзылуы, үрейлену, ашушаңдық. Несеп-жыныс жүйесі тарапынан: нефроуыттылық (бүйрек шаншуы, интерстициальді нефрит, папиллярлық некроз). Жүрек-қантамыр жүйесі тарапынан: қысқа мерзімдік тахикардия, артериялық қысымның жоғарылауы, аритмия, жүрек қағу сезімі, қан құйылу. Эндокриндік жүйе тарапынан: гипогликемиялық кома дамығанға дейінгі гипогликемия. Ацетилсалицил қышқылының тромбоциттерге антиагрегантты әсері нәтижесінде қан кету қауіпі жоғарылауы мүмкін (интраоперациялық геморрагия, гематома, несеп-жыныс жүйесінен қан кету, мұрыннан қан кету, қызыл иектен қан кету; сирек немесе өте сирек - ас қорыту жолы геморрагиясы, ми геморрагиясы сияқты ауыр қан кетулер (әсіресе бақыланбайтын артериялық гипертензиясы бар пациенттерде және/немесе гемостазға қарсы дәрілермен бір мезгілде қолдануда) жекелеген жағдайларда бұл өмірге қауіпті болуы мүмкін. Жеке-дара жағымсыз реакциялардың сипаттамасы Аниондардың арасының саңылауы жоғары болатын метаболизмдік ацидоз: парацетамол қабылдаған қауіп факторлары бар пациенттерде пироглутаминді ацидоздың салдары ретіндегі аниондардың арасының саңылауы жоғары болатын метаболизмдік ацидоз жағдайлары бақыланған («Арнайы ескертулер» бөлімін қараңыз). Бұл пациенттерде пироглутаминді ацидоз глутатионның деңгейі төмен болуы салдарынан туындауы мүмкін. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ацетилсалицил қышқылымен артық дозаланудың симптомдары: ұзақ мерзімді терапия нәтижесінде пайда болған созылмалы уыттану (ацетилсалицил қышқылын тәулігіне 100 мг/кг-дан астам 2 күннен артық қолдану уытты әсер тудыруы мүмкін), сондай-ақ өмірге қауіп төндіретін жедел уыттану (артық дозалану) және мысалы, балалардың кездейсоқ қолдануы немесе күтпеген себептерден болатын артық дозалану болуы ықтимал. Салицилаттармен созылмалы улану жасырын сипатта болуы мүмкін, өйткені оның белгілері спецификалық емес. Салицилаттардан туындаған орташа созылмалы уыттану немесе салицилизм, әдетте, үлкен дозаларды қайталап қабылдағаннан кейін ғана пайда болады. Созылмалы улану симптомдары: тепе-теңдік бұзылуы, бас айналуы, құлақтағы шуыл, кереңдік, қатты тершеңдік, жүрек айнуы, құсу, бас ауыруы, сананың шатасуы. Көрсетілген симптомдарды дозаны азайтумен бақылауға болады. Қан плазмасындағы салицилаттардың концентрациясы 150 - 300 мкг/мл-ден жоғары болған кезде құлақтың шуылдауы байқалуы мүмкін. Ауыр жағымсыз реакциялар қан плазмасындағы салицилаттардың концентрациясы 300 мкг/мл-ден асқанда пайда болады. Жедел уыттануды қышқыл-сілтілік теңгерімінің айқын өзгеруі айғақтайды, оның жасқа және уыттанудың ауырлығына байланысты айырмашылығы болуы мүмкін. Жағдайдың ауырлығын тек қан плазмасындағы салицилат концентрациясы негізінде бағалау мүмкін емес. Ацетилсалицил қышқылының абсорбциясы асқазаннан босап шығудың кешеуілдеуіне, асқазанда конкременттердің пайда болуына байланысты баяулауы мүмкін. Емі: ацетилсалицил қышқылының артық дозалануынан туындаған уыттану ауырлық дәрежесімен, клиникалық симптомдарымен анықталады және улану кезінде қолданылатын стандартты әдістермен қамтамасыз етіледі. Барлық қабылданған шаралар препаратты жоюды жеделдетуге және электролит пен қышқыл-сілтілік теңгерімді қалпына келтіруге бағытталуы тиіс. Белсендірілген көмір, қарқынды сілтілік диурез қолданылады. Қышқыл- сілтілік тепе-теңдігі мен электролиттік теңгерім жай-күйіне байланысты электролит ерітінділерін инфузиялық енгізу жүргізіледі. Ауыр улану кезінде гемодиализ көрсетіледі. Жоғары дозаларды ұзақ уақыт қолданғанда аплазиялық анемия, тромбоцитопения, панцитопения, агранулоцитоз, нейропения, лейкопения болуы мүмкін. Жоғары дозаларды қабылдаған кезде орталық жүйке жүйесі тарапынан бұзылулар (бас айналуы, психомоторлы қозу, бағдарлау мен зейін қоюдың бұзылуы, ұйқысыздық, тремор, күйгелектік, мазасыздық), несеп шығару жүйесі тарапынан – нефроуыттылық (бүйрек шаншуы, интерстициялық нефрит, папиллярлық некроз) пайда болуы мүмкін. Артық дозаланғанда қатты тершеңдік, психомоторлы қозу немесе ОЖЖ бәсеңдеуі, ұйқышылдық, сананың бұзылуы, жүрек ырғағының бұзылуы, тахикардия, экстрасистолия, тремор, гиперрефлексия, құрысулар байқалуы мүмкін. Парацетамолмен артық дозаланудың симптомдары: 10 г немесе одан да көп парацетамол қабылдаған ересектерде және дене салмағына 150 мг/кг-дан асатын дозада парацетамол қабылдаған балаларда бауырдың зақымдануы болуы мүмкін. Алғашқы 24 сағатта: бозару, жүрек айнуы, құсу, анорексия, абдоминальді ауыруы, гепатонекроз, бауыр трансаминазаларының белсенділігінің жоғарылауы, протромбин индексінің ұлғаюы. Бауырдың зақымдануы препараттың шамадан тыс дозаларын қабылдағаннан кейін 12-48 сағаттан соң айқын болуы мүмкін. Глюкоза метаболизмінің бұзылуы және метаболизмдік ацидоз пайда болуы мүмкін. Ауыр улану кезінде бауыр жеткіліксіздігі энцефалопатияға, комаға дейін үдеуі және өлімге әкелуі мүмкін. Өзекшелердің жедел некрозы бар жедел бүйрек жеткіліксіздігі бүйректің ауыр зақымдануы болмаса да дамуы мүмкін. Сондай-ақ жүрек аритмиясы да анықталған. Емі: артық дозаланғанда тіпті артық дозаланудың симптомдары болмаса да, жедел медициналық көмек қажет. Метионинді пероральді немесе ацетилцистеинді тағайындау артық дозаланғаннан кейін 48 сағат ішінде оң әсер етуі мүмкін. Сондай-ақ жалпы қолдау шараларын да қолдану қажет. Кофеинмен артық дозаланудың симптомдары: кофеиннің үлкен дозалары тыныс алудың жиілеуін, экстрасистоланы, бас айналуды, аффект жағдайын, эпигастрийдегі ауыруды, құсуды, диурезді, тахикардияны немесе жүрек аритмиясын, орталық жүйке жүйесін стимуляциялауды (ұйқысыздық, мазасыздық, қозу, үрейлену, бас ауыруы, тремор, құрысулар, күйгелектік және ашуланшақтық) тудыруы мүмкін. Кофеиннің артық дозалануының клиникалық маңызды симптомдары бауырдың парацетамолмен зақымдалуымен де байланысты. Емі: адренорецепторлардың антагонистерін қолдану сияқты қолдау шаралары кардиоуыттылық әсерлерді жеңілдетуі мүмкін. Арнайы антидот жоқ.

Ауыруды басатын дәрі ретінде қолдану ұзақтығы 5 күннен аспауы керек. Арнайы ескертулер Препаратты қолданар алдында емдеуші дәрігер кеңесіне жүгіну керек. Егер симптомдар жойылмаса немесе бас ауруы тұрақты болса, дәрігерге жүгіну керек. Бүйрек және бауыр функциялары бұзылған пациенттерге; жеңіл түрдегі артритте күн сайын анальгетиктер қабылдайтын пациенттерге; егер пациент варфаринді немесе антикоагулянттық әсері бар осыған ұқсас препараттарды қолданса, препаратты қолдану мүмкіндігі туралы дәрігер кеңесіне жүгіну керек. Препарат қандағы глюкоза мен несеп қышқылының құрамын зертханалық зерттеу нәтижелеріне әсер етуі мүмкін. Емдеу кезінде алкогольді ішуден бас тарту керек (асқазан-ішектен қан кету қаупінің жоғарылауы). Бауырдың алкогольдік зақымдануы бар науқастарда парацетамолдың гепатоуыттылық әсер ету қаупі артатынын ескеру қажет. Препаратты құрамында парацетамол бар басқа дәрілермен бірге қабылдауға болмайды. Бүйректің ауыр жеткіліксіздігі және сепсис сияқты ауыр аурулары бар пациенттерде пироглутаминді ацидоздың салдары ретінде немесе ұзақ уақыт бойы терапевтік дозада парацетамолмен немесе парацетамолдың флуклоксациллинмен біріктірілімімен емделген, тамақтануы жеткіліксіз болған немесе глутатион тапшылығының басқа көздері (мысалы, созылмалы алкоголизм) бар пациенттерде анион саңылауы жоғары болатын метаболизмдік ацидоз (HAGMA) жағдайлары туралы хабарланды. Егер пироглутаминді ацидоз нәтижесіндегі HAGMA күдік болса парацетамолды қолдануды дереу тоқтату және мұқият мониторинг жүргізу ұсынылады. Несептегі 5-оксопролин деңгейін өлшеу көптеген қауіп факторлары бар пациенттерде пироглутаминді ацидозды HAGMA негізгі себебі ретінде тану үшін пайдалы болуы мүмкін. Көрсетілген дозадан асырмау керек. Хирургиялық операцияларда (стоматологиялықты қоса) құрамында ацетилсалицил қышқылы бар препараттарды қолдану ацетилсалицил қышқылын қолданғаннан кейін біраз уақыт тромбоциттер агрегациясының бәсеңдеуіне байланысты қан кетудің пайда болуы/күшеюінің ықтималдығын арттыруы мүмкін. Пациент дәрігерге Цитрамон У препаратын қабылдағаны туралы алдын ала ескертуі тиіс. Аллергиялық асқынулары бар, оның ішінде бронх демікпесі, аллергиялық ринит, есекжем, терінің қышуы, шырышты қабықтың ісінуі және мұрын поллинозы бар пациенттерде, сондай-ақ оларды тыныс алу жолдарының созылмалы инфекцияларымен біріктіргенде және препаратпен емдеу кезінде қабынуға қарсы стероидты емес дәрілерге аса жоғары сезімталдығы бар науқастарда бронх түйілуі немесе бронх демікпесінің ұстамалары дамуы мүмкін. Бауыр аурулары бауырдың парацетамолмен зақымдану қаупін арттырады. Циррозсыз алкогольдік бауыр аурулары бар пациенттерде артық дозалану қаупі жоғары. Емдеу кезінде құрамында кофеин бар сусындарды (мысалы, кофе, шай) шамадан тыс мөлшерде тұтыну ұсынылмайды. Бұл ұйқы проблемаларын, тремор, жүрек қағуына байланысты төс сүйегі артындағы жайсыздықты сезінуді тудыруы мүмкін. Цитрамон У бауыр функциясының бұзылуы және бүйрек аурулары бар науқастарға бронх демікпесінде антикоагулянттармен (кумарин және гепарин) бір мезгілде емді ерекше сақтықпен тағайындайды. Хирургиялық араласымнан 5-7 тәулік бұрын препаратты қолдануды тоқтату керек (қан кетудің жоғарылау қаупін азайту үшін). Препаратты дәрігердің кеңесінсіз ауырсынуды басатын ретінде 5 күннен артық және ыстық түсіретін дәрі ретінде 3 күннен астам қолдану ұсынылмайды. Қанағыштық жоғарылауында немесе қабынуға қарсы емді бір мезгілде жүргізу кезінде сақтықпен қолданылады. Препараттың құрамына кіретін ацетилсалицил қышқылы, тіпті аздаған дозада болса да, несеп қышқылының организмнен шығарылуын азайтады, бұл сезімтал пациенттерде жедел подагра ұстамаларының себебі болуы мүмкін. Бүйрек пен бауыр функциясы бұзылғанда, қабылдау арасындағы аралық кем дегенде 8 сағат болуы керек. Емдеу кезінде алкогольді тұтынудан бас тарту керек. Ұзақ уақыт қолданғанда қанның ұю жүйесін және гемоглобин деңгейін бақылау қажет. Спортшылардың допинг-бақылау талдауының нәтижелерін өзгерте алады. Жедел абдоминальды ауырсыну синдромында диагноз қоюды қиындатады. Ацетилсалицил қышқылы. Анальгезиялық, қабынуға қарсы, ревматизмге қарсы дәрілерге аса жоғары сезімталдықта, қан айналымы бұзылған науқастарда (мысалы, бүйрек тамырларының патологиясы, іркілісті жүрек жеткіліксіздігі, гиповолемия, ауқымды операциялар, сепсис немесе қатты қан кетулер) антикоагулянттарды бір мезгілде қолданғанда сақтықпен қолданыңыз, өйткені ацетилсалицил қышқылы бүйрек функциясының бұзылуы мен жедел бүйрек жеткіліксіздігінің қаупін арттыруы мүмкін. Ибупрофен ацетилсалицил қышқылының тромбоциттер агрегациясын тежегіш әсерін азайтуы мүмкін. Ибупрофенді ауырсынуды басатын дәрі ретінде қабылдауды бастамас бұрын препаратты қолданған жағдайда пациент дәрігермен кеңесуі керек. Педиатрияда қолдану Препарат Рейе синдромы (құсу, энцефалопатия, бауырдың ұлғаюы) дамуының қаупі жоғары болуына байланысты 18 жасқа дейінгі жасөспірімдерге ауырсынуды басу үшін және 15 жасқа дейінгі балаларға ыстық түсіретін дәрі ретінде тағайындалмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың ең жоғары дозаларын қабылдау кезінде көлік құралдарын және қауіпті механизмдерді басқарудан бас тарту керек, себебі цитрамонның құрамына кіретін кофеин зейін қоюмен байланысты бұзылулар туғызуы мүмкін.

Препаратты жүктілік кезінде қолдануға болмайды. Ацетилсалицил қышқылы тератогендік әсер етеді; жүктіліктің I триместрінде қолданған кезде ақаулар дамуына әкеледі - таңдайдың айырылуы; III триместрде-босану барысының тежелуіне (простагландиндер синтезінің тежелуі), шаранадағы артериялық түтіктің жабылуына, бұл өкпе тамырларының гиперплазиясына және қан айналымының кіші шеңбері қан тамырларындағы гипертензияға әкеледі; бүйрек функциясының бұзылуы олигогидроамниозбен бүйрек жеткіліксіздігінің ықтимал кейінгі дамуымен; қан кету уақытын ұзарту мүмкіндігі, өте төмен дозаларды қолданғаннан кейін де пайда болуы мүмкін антиагрегаттық әсер. Кофеин өздігінен түсік түсіру қаупін арттырады. Емдеу кезеңінде бала емізуді тоқтату керек. Препарат емшек сүтіне енеді, бұл тромбоциттер функциясының бұзылуына байланысты балаларда қан кету туындау қаупін арттырады.

Парацетамол. Антидепрессанттар және басқа микросомалық тотығу стимуляторлары - бұл препараттар бауырдың функциясына әсер ететін гидроксилденген белсенді метаболиттердің өндірілуін арттырады, бұл препараттың аздаған артық дозалануында ауыр уыттану дамуына әкеледі. Парацетамолдың сіңу жылдамдығы метоклопрамидпен және домперидонмен бір мезгілде қолданғанда артуы және холестираминмен қолданғанда азаюы мүмкін. Парацетамол диуретиктердің тиімділігін төмендетеді. Парацетамолды ұзақ уақыт қолданған кезде кумарин (варфарин) туындылары қан кету қаупін арттырады. Парацетамолды флуклоксациллинмен бір мезгілде қолданғанда сақ болу керек, өйткені бір мезгілде қабылдау, әсіресе қауіп факторлары бар пациенттерде пироглутаминді ацидоздың салдары ретінде, метаболизмдік ацидоздың жоғары анионды алшақтығы болуымен астасады («Арнайы ескертулерді» қараңыз). Кофеин. Циметидин, гормондық контрацептивтер, изониазид кофеиннің әсерін күшейтеді. Кофеин апиынды анальгетиктердің, анксиолитиктердің, ұйықтататын және тыныштандыратын дәрілердің әсерін төмендетеді, наркозға және ОЖЖ бәсеңдететін басқа препараттарға арналған антагонис дәрі, ОЖЖ бәсеңдететін препараттардың бәсекелес антагонисі, аденозин, АТФ препараттарының бәсекелес антагонисі болып табылады. Эрготамин мен кофеинді бір мезгілде қолданғанда, ас қорыту жолынан эрготаминнің сіңуі жақсарады, тиреотропты дәрілермен тиреоидты әсері артады. Кофеин қандағы литий концентрациясын төмендетеді. Кофеинді МАО тежегіштерімен бір мезгілде қолдану артериялық қысымның қауіпті көтерілуін тудыруы мүмкін. Кофеин анальгетик-антипиретиктердің әсерін арттырады (биожетімділігін жақсартады), ксантин туындыларының, адреномиметиктердің, психостимуляторлар дәрілердің әсерін күшейтеді. Ацетилсалицил қышқылы. Метотрексатпен аптасына немесе одан да артыққа 15 мг дозада біріктірілімі қарсы көрсетілімде. Бензобромарон, пробенецид сияқты урикозуриялық препараттармен бір мезгілде қолдану несеп қышқылының шығарылу әсерін төмендетеді (бүйрек түтікшелерімен несеп қышқылының шығарылу бәсекелестігіне байланысты). Дигоксинмен бір мезгілде қолданғанда бүйректің экскрециясының төмендеуіне байланысты қан плазмасындағы соңғысының концентрациясы жоғарылайды. АӨФ тежегіштері ацетилсалицил қышқылының жоғары дозаларымен бірге вазодилататорлы простагландиндердің тежелуіне және гипотензивті әсердің төмендеуіне байланысты шумақтық сүзілудің төмендеуіне әкеледі. Серотонинді кері қармаудың селективті тежегіштері: синергиялық әсер ету мүмкіндігіне байланысты ас қорыту жолдарының жоғарғы бөліктерінен қан кету қаупі артады. Вальпрой қышқылымен бір мезгілде қолданғанда ацетилсалицил қышқылы оны қан плазмасы ақуыздарымен байланыстан ығыстырып, уыттылықты арттырады. Препарат қанның ұюын және тромбоциттердің агрегациясын, кортикостероидтардың, сульфонилмочевинаның, метотрексаттың жағымсыз әсерін төмендететін дәрілердің әсерін күшейтеді. Барбитураттармен, құрысуға қарсы дәрілермен, салицилаттармен, рифампицинмен, алкогольмен біріктіруден аулақ болу керек.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25 ºС-ден аспайтын температурада сақтау керек. Балалардың қолы жетпейтін жерде сақтау керек!