Цифран раствор 200мг/100мл

100 мл ерітіндінің құрамында белсенді зат – ципрофлоксацин 200 мг қосымша заттар: динатрий эдетаты, сүт қышқылы, натрий хлориді, натрий гидроксиді, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Түссізден бозаң-сары түске дейінгі мөлдір ерітінді.

Бактерияға қарсы дәрілерді тиісінше пайдалану жөніндегі ресми нұсқаулықтарды ескеру керек. Ересектер - грамтеріс бактериялардан туындаған төменгі тыныс жолдарының инфекцияларында - өкпенің обструктивті созылмалы ауруының өршуінде - муковисцидоз кезіндегі бронх-өкпе инфекцияларында немесе бронхоэктазияда - пневмонияда - созылмалы іріңді ортаңғы отитте - созылмалы синуситтің жедел өршуінде, әсіресе егер грамтеріс бактериялардан туындаған болса - несеп шығару жолдарының инфекцияларында (пиелонефрит, цистит, простатит, аднексит, эндометритті қоса) - жыныс ағзаларының және кіші жамбас ағзаларының инфекцияларында (Neisseria gonorrhoeae сезімталдығына байланысты жағдайларын қоса, созда, жұмсақ шанкр, простатит, аднексит, сальпингит, оофорит, эндометрит, тубулярлық абсцесс, пельвиоперитонит, хламидиоз) - құрсақ қуысының инфекцияларында: АІЖ, өт жолдарының бактериялық инфекциялары, перитонит, құрсақішілік абсцесс, сальмонеллез, іш сүзегі, кампилобактериоз, иерсиниоз, шигеллез, тырысқақ - тері және жұмсақ тіндердің инфекциялары, инфекция жұқтырған ойықжара, жаралар, күйіктерде (іріңдеген атерома, абцесс, фурункул) - қатерлі сыртқы отитте - сүйек пен буын инфекцияларында: остеомиелит, сепсистік артрит, сепсис - сібір ойық жарасының өкпедегі түрі (жанасудан кейінгі профилактика және емдік ем) Ципрофлоксацин бактериялық инфекциялардан туындағаны болжанған қызбасы бар нейтропениялық пациенттерді емдеуде қолданылуы мүмкін. Балалық және жасөспірімдік жас - Pseudomonas aeruginosa туындаған муковисцидоз кезіндегі бронх-өкпе инфекцияларында - несеп шығару жолдарының асқынған инфекцияларында және пиелонефритте - сібір ойық жарасының өкпедегі түрі (жанасудан кейінгі профилактика және емдік ем) Ципрофлоксацин сондай-ақ қажет саналған кезде балалар мен жасөспірімдердегі ауыр инфекцияларды емдеу үшін қолданылуы мүмкін. Емдеуді тек қана балалар мен жасөспірімдердегі муковисцидозды және/немесе ауыр инфекцияларды емдеуде тәжірибесі бар дәрігер бастауы тиіс.

Әсер ету механизмі Цифран – фторхинолондар тобына жататын әсер ету ауқымы кең микробқа қарсы препарат. Бактерицидті әсер етеді. Препарат бактериялардың ДНҚ-гираза ферментін тежейді, соның салдарынан бактериялардың ДНҚ репликациясы мен жасушалық ақуыздар синтезі бұзылады. Фармакодинамикалық әсерлері Тиімділігі көбіне ципрофлоксациннің сарысудағы ең жоғары концентрациясы (Сmax) мен ең төмен тежеу концентрациясының (MIC) арасындағы қатынасқа және қисық астындағы аудан (AUC) мен MIC арасындағы арақатынасқа байланысты. Клиникалық тиімділігі және қауіпсіздігі Ципрофлоксацинге төзімділік ДНҚ-гираза мен топоизомераза IV екеуінің сатылы мутациясы арқылы дамуы мүмкін. Ципрофлоксацин мен басқа фторхинолондар арасындағы айқаспалы төзімділік дәрежесі ауыспалы күйде болады. Дара мутациялар клиникалық төзімділікке әкелмеуі мүмкін, бірақ көптеген мутациялар әдетте көптеген белсенді заттарға клиникалық төзімділікке алып келеді. Микроорганизмдер — сезімтал — төзімді Enterobacteriaceae — S ≤ 0.5 мг/л — R > мг/л Pseudomonas spp. — S ≤ 0.5 мг/л — R > 1 мг/л Acinetobacter spp. — S ≤ 1 мг/л — R > 1 мг/л Staphylococcus spp.1 — S ≤ 1 мг/л — R > 1 мг/л Haemophilus influenzae және Moraxella catarrhalis — S ≤ 0.5 мг/л — R > 0.5 мг/л Neisseria gonorrhoeae — S ≤ 0.03 мг/л — R > 0.06 мг/л Neisseria meningitidis — S ≤ 0.03 мг/л — R > 0.06 мг/л Түрлік-спецификалық емес бақылау нүктелері * — S ≤ 0.5 мг/л — R > 1 мг/л 1 Staphylococcus spp. – ципрофлоксацин үшін бақылау нүктелері жоғары дозалармен емге қатысты болады. * түрлік-спецификалық емес бақылау нүктелері негізінен деректердің PK/PD негізінде белгіленген және нақты түрлер таралуының ЕТК-на байланысты емес. Олар сезімталдық тестісін өткізу ұсынылмайтын түрлер үшін емес, түрлік-спецификалық бақылау нүктесін бермеген түрлер үшін ғана пайдалануға арналған. Цифран микроорганизмдер штаммдарының көпшілігіне қатысты in vitro және in vivo белсенді: - аэробты грамоң микроорганизмдер: Bacillus anthracis; - аэробты грамтеріс микроорганизмдер: Aeromonas spp., Brucella spp., Citrobacter koseri, Francisella tularensis, Haemophilus ducreyi, Haemophilus influenzae*, Legionella spp., Moraxella catarrhalis*, Neisseria meningitides. Pasteurella spp., Salmonella spp.*, Shigella spp. *, Vibrio spp., Yersinia pestis; - анаэробты микроорганизмдер: Mobiluncus.; - басқа микроорганизмдер: Chlamydia trachomatis ($), Chlamydia pneumoniae ($), Mycoplasma hominis ($), Mycoplasma pneumoniae ($); Ципрофлоксацинге төзімді: - аэробты грамоң микроорганизмдер: Enterococcus faecalis ($), Staphylococcus spp. *, Actinomyces, Enteroccus faecium, Listeria monocytogenes; - аэробты грамтеріс микроорганизмдер: Acinetobacter baumannii+, Burkholderia cepacia +*, Campylobacter spp.+*, Citrobacter freundii*, Enterobacter aerogenes, Enterobacter cloacae *, Escherichia coli*, Klebsiella oxytoca, Klebsiella pneumoniae*, Morganella morganii*, Neisseria gonorrhoeae*, Proteus mirabilis*, Proteus vulgaris*, Providencia spp., Pseudomonas aeruginosa*, Pseudomonas fluorescens, Serratia marcescens*, Stenotrophomonas maltophilia - анаэробты микроорганизмдер: Peptostreptococcus spp., Propionibacterium acne.; - басқа микроорганизмдер: Mycoplasma genitalium, Ureaplasma urealitycum. * клиникалық тиімділігі бекітілген клиникалық көрсетілімдер бойынша сезімтал изоляттар үшін көріністелген + кедергі жылдамдығы ≥ 50% ($): жүре пайда болған төзімділік механизмінің болмауына табиғи аралық сезімталдық

Дозалау режимі Дозалануы инфекция ауырлығы мен орналасуын, ципрофлоксацинге сезімталдықты, қоздырғышты анықтауды, пациенттің бүйрек функциясын және дене салмағын ескерумен анықталады. Енгізу жолы және әдісі Цифранмен венаішілік ем басталған соң дәрігердің шешімімен емдеуді ішу арқылы емге ауыстыруға болады. Инфузияға арналған Цифран ерітіндісін пайдаланар алдында қарап тексеру керек. Ципрофлоксацин венаішілік инфузия арқылы енгізілу керек. Балалар үшін инфузия ұзақтығы 60 минутты құрайды. Ересек пациенттерде инфузия уақыты 400 мг Цифран ерітіндісі үшін 60 минут және 200 мг Цифран ерітіндісі үшін 30 минутқа созылады. Баяу инфузия жайсыздықты жоюға және венаның тітіркену қаупін азайтуға мүмкіндік береді. Емдеу ұзақтығы аурудың ауырлығына және клиникалық симптомдарға байланысты Кейбір бактериялардан (мысалы, Pseudomonas aeruginosa, Acinetobacter немесе Staphylococci) туындаған инфекцияларды емдеу үшін ципрофлоксациннің едәуір жоғары дозалары және бактерияға қарсы басқа сәйкесті дәрілерді бірге енгізу қажет болуы мүмкін. Кейбір инфекцияларды (мысалы, жамбас мүшелерінің қабыну аурулары, интраабдоминальді инфекция, нейтропениясы бар науқастардағы инфекциялар және сүйектер мен буындардың инфекциялары) емдеу патогенді микроорганизмдерге байланысты бактерияға қарсы басқа сәйкесті дәрілермен бірге енгізуді талап етуі мүмкін. Ересектер Көрсетілімдері — Тәуліктік доза мг — Жалпы емдеу ұзақтығы, соның ішінде ішу арқылы емдеуге ауысу Тыныс жолдарының төменгі бөлімдерінің инфекциялары — тәулігіне екі-үш рет 400 мг — 7-ден 14 күнге дейін Созылмалы синуситтің өршуі — тәулігіне екі-үш рет 400 мг — 7-ден 14 күнге дейін Созылмалы іріңді ортаңғы отит — тәулігіне екі-үш рет 400 мг — 7-ден 14 күнге дейін Асқынған сыртқы отит — тәулігіне екі-үш рет 400 мг — 28 күннен бастап 3 айға дейінгі уақытта Несеп шығару жолдарының инфекциялары және пиелонефрит — асқынған және асқынбаған пиелонефрит — тәулігіне екі-үш рет 400 мг — 7-ден 21 күнге дейін простатит — тәулігіне екі-үш рет 400 мг — 2-ден 4 аптаға дейін (жедел) жыныс ағзаларының инфекциялары — орхоэпидимит, кіші жамбас мүшелерінің қабыну аурулары — тәулігіне екі-үш рет 400 мг — 14 күнге дейін Асқазан-ішек жолының инфекциялары, интраабдоминальді инфекциялар — бактериялық патогендерден туындаған диарея, 1 типті шигелла дизентериясынан басқа Shigella SPP. және ауыр саяхатшылар диареясының эмпирикалық емін қоса — тәулігіне екі рет 400 мг — 1 күн 1 типті дизентерия Shigella туындаған диарея — тәулігіне екі рет 400 мг — 5 күн тырысқақ вибрионы туғызған диарея — тәулігіне екі рет 400 мг — 3 күн іш сүзегі — тәулігіне екі рет 400 мг — 7 күн грамтеріс бактериялар туғызған интраабдоминальді инфекциялар — тәулігіне екі рет 400 мг — 5-тен 14 күнге дейін Терінің және жұмсақ тіндердің инфекциялары — тәулігіне екі-үш рет 400 мг — 7-ден 14 күнге дейін Сүйектер мен буындардың инфекциялары — тәулігіне екі-үш рет 400 мг — ең көп дегенде 3 айдан бастап Иммунитеті төмендеген науқастардағы инфекциялар профилактикасы және емдеу, мысалы, иммунодепрессанттармен емдеуде және нейтропенияда — тәулігіне екі-үш рет 400 мг — емдеу нейтропенияның бүкіл кезеңі бойына жалғасуы тиіс Іш сүзегі — тәулігіне екі рет 400 мг — Bacillus anthracis exposure расталған сәттен бастапасталған кезеңі бойына жалғасуы тиісстыруға боладыуді бастау керекағымсыз әсерлер 60 күн Егде жастағы пациенттер Егде жастағы пациенттерге доза креатинин клиренсіне, инфекция ауырлығына сәйкес таңдалады. Бүйрек жеткіліксіздігі Бүйрек функциясы бұзылған пациенттерге ұсынылатын бастапқы және демеуші дозалары: Креатинин клиренсі [мл/мин/1,73 м2] — Сарысулық креатинин [мкмоль/л] — Венаішілік доза [мг] > 60 — < 124 — Әдеттегі доза 30-60 — 124-тен 168 дейін — 200-400 мг әр 12 сағатта < 30 — > 169 — 200-400 мг әр 12 сағатта Гемодиализде жүрген пациенттер — > 169 — 200-400 мг әр 24 сағатта (диализден соң) Перитонеальді диализде жүрген пациенттер — > 169 — 200-400 мг әр 24 сағатта Бауыр жеткіліксіздігі Бауыр функциясы бұзылған пациенттерде дозаны түзету қажет емес. Балаларда бүйрек және/немесе бауыр функциясының бұзылуы Бүйрек және/немесе бауыр функциясының бұзылуы бар балаларда дозалануы зерттелмеген. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Қолданар алында міндетті түрде емдеуші дәрігермен кеңесіңіз. Емдеуші дәрігерге қандай бір басқа препараттар қабылдап жүргеніңізді, аз уақыт бұрын қабылдағаныңызды немесе қабылдауды бастайтыныңызды хабарлаңыз.

- ципрофлоксацинге немесе хинолондар тобының басқа препараттарына немесе препараттың кез келген басқа компонентіне жоғары сезімталдық - тизанидинмен бір мезгілде қолдану - жүктілік және лактация кезеңі - балаларға және 18 жасқа дейінгі жасөспірімдерге - глюкоза-6-фосфатдегидрогеназа жеткіліксіздігі - жалғанжарғақшалы колит - бүйрек (КК<30 мл/мин) немесе бауырдың айқын жеткіліксіздігі

Төменде аталған жағымсыз реакциялар былайша жіктелген: «өте жиі» (>10), «жиі» (>1/100, <1/10), «жиі емес» (>1/1000, <1/100), «сирек» (>1/10 000, <1/1000), «өте сирек» (<10 000), «жиілігі белгісіз». Цифранның вена ішіне енгізілуіне ең көп жиі кездесетін жағымсыз реакциялар: жүрек айну, құсу, диарея, трансаминазалардың қысқа мерзімді жоғарылауы, бөртпе. Клиникалық зерттеулер және постмаркетингтік қадағалау нәтижесінде анықталған және жиілік санаттары бойынша ретке келтірілген жағымсыз реакциялар төменде тізбеленген. Жиі (≥ 1/100-ден <1/10 дейін) - жүрек айну, диарея Жиі емес (≥ 1/1000-нан <1/100 дейін) - зеңдік асқын инфекциялар - эозинофилия - тәбеттің төмендеуі - психомоторлық аса жоғары белсенділік / қозу - бас ауыру, бас айналу, ұйқының бұзылуы, ұйқы бұзылыстары - жүрек айну, іштің ауыруы, диспепсия, метеоризм - трансаминазалардың, билирубиннің жоғарылауы - бөрту, қышыну, есекжем - қаңқа-бұлшықет ауырулары (аяқ-қолдың, арқаның, кеуденің ауыруы), артралгиялар - бүйрек жеткіліксіздігі - астения, қызба - қанда сілтілі фосфатазаның жоғарылауы Сирек (≥ 1/10000-нан <1/1000 дейін) - лейкопения, анемия, нейтропения, лейкоцитоз, тромбоцитопения, тромбоцитемия - аллергиялық реакция, аллергиялық ісіну/ангионевроздық ісіну - гипергликемия, гипогликемия - сананың шатасуы және бағдардан жаңылу, мазасыздық, депрессия (суицидтік ойлар/суицид әрекеттері ықтималды шарықтау шегі болады), елестеулер - парестезиялар, дизестезиялар, гипостезиялар, тремор, құрысу ұстамалары (эпилепсиялық статусты қоса), бас айналу - көру қабілетінің бұзылуы (мысалы, диплопия) - құлақтың шыңылдауы, естудің нашарлауы, естімей қалу - тахикардия - қан тамырларының кеңеюі, гипотония, синкопе - ентігу, соның ішінде демікпелік - колит (өте сирек өліммен аяқталу мүмкіндігімен) - бауыр жеткіліксіздігі, холестаздық сарғаю, гепатит - жарыққа сезімталдық реакциялары - миалгиялар, артрит, бұлшықет тонусының көтерілуі және түйілулер - бүйрек жеткіліксіздігі, гематурия, кристаллурия, тубулоинтерстициальді нефрит - ісінулер, тершеңдік (гипергидроз) - амилазаның жоғарылауы Өте сирек (<1/10000) - гемолиздік анемия, агранулоцитоз, панцитопения (өмірге қауіпті), сүйек кеміктік депрессия (өмірге қатерлі) - анафилаксиялық реакция, анафилаксиялық шок, сарысу құю ауруы - психоздық реакциялар (суицидтік ойлар/суицид әрекеттері ықтималды шарықтау шегі болып табылады) - бас сақинасы, жүріс-тұрыс үйлесімінің бұзылуы, иіс сезу түйсігінің бұзылыстары, бассүйекішілік гипертензия - түс ажырату қабілетінің бұрмалануы - васкулит - панкреатит - бауыр некрозы (өте сирек өмірге қатерлі бауыр жеткіліксіздігіне дейін үдейді) - петехиялар, эритема, Стивенс-Джонсон синдромы, уытты эпидермалық некролиз (өмірге қауіп төндіретін) - бұлшықет әлсіздігі, тендинит, сіңірлердің үзілуі (көбінесе ахилл сіңірінің), миастения симптомдарының өршуі Белгісіз (қолда бар деректер бойынша жиілігін бағалау мүмкін емес) - маниялар, гипоманияны қоса - шеткері нейропатия және полинейропатиялар - қарыншалық аритмия, дірілдеу (көбінесе QT аралығы ұзаруының қауіп факторлары бар пациенттерде хабарланды) - жедел экзантематозды пустулез (AGEP), эозинофилиямен және жүйелі симптомдармен (DRESS) болатын дәрілік препаратқа реакция - К дәрумені антагонистерін қабылдаған пациенттерде халықаралық қалыптасқан қатынастың артуы, - антидиуретикалық гормонның жеткіліксіз секреция синдромы (SIADH)- гипогликемиялық кома * Қауіптің бұрын болған факторларына қарамастан, кейбір жағдайларда хинолондар мен фторхинолондарды қолдануға байланысты ағзалар мен сезім мүшелері (тендинит, сіңірдің жарылуы, артралгия, аяқ-қолдардың ауырсынуы, жүріс-тұрыстың бұзылуы, парестезиямен, депрессиямен, шаршаумен, есте сақтау қабілетінің бұзылуымен, ұйқының бұзылуымен және есту, көру, дәм сезу және иіс сезу бұзылыстарымен байланысты нейропатия) жүйесінің әртүрлі, кейде бірнеше кластарына әсер ететін ұзақ (айлар немесе жылдар бойы) мүгедектікке алып келетін және потенциалды қайтымсыз күрделі дәрілік заттарға реакциялардың өте сирек жағдайлары тіркелген. ** Кейде жарылуымен асқынған (оның ішінде өліммен аяқталған) аневризма мен қолқаның қатпарлану, сондай-ақ жүрек клапандарының кез келгенінің регургитация / жеткіліксіздік жағдайлары фторхинолондарды қабылдайтын пациенттерде тіркелген. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлері) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: жүрек айну, құсу, диарея, бас ауыру және бас айналу, ал одан ауыр жағдайларда сананың шатасуы, тремор, елестеулер және құрысулар, кристаллурия, гематурия, бүйрек және бауыр жеткіліксіздігі. Емі: симптоматикалық, сұйықтықтың жеткілікті түсуін және несептің қышқылдануын (кристалданудан сақтану үшін) қамтамасыз ету. Арнайы антидоты жоқ. Гемодиализ уыттану кезінде клиникалық әсер көрсетпейді.

Ауыр инфекциялар және грамоң және анаэробты патогендердің аралас инфекциялары Ципрофлоксацинмен монотерапия ауыр инфекцияларды және грамоң немесе анаэробты қоздырғыштар себебінен болатын инфекцияларды емдеуге жарамайды. Ондай жағдайларда ципрофлоксацин бактерияға қарсы басқа тиісті дәрілермен бірге енгізілуі тиіс. Стрептококкты инфекциялар (пневмококкты түрлерін қоса) Ципрофлоксацин, тиімділігінің жеткіліксіздігіне орай, стрептококкты инфекцияларды емдеуге ұсынылмайды. Жыныс ағзаларының инфекциялары Орхоэпидидимит және жамбастың қабыну ауруларын фторхинолонға төзімді гонококктар туындатуы мүмкін. Орхоэпидидимит пен кіші жамбас ағзаларының қабыну ауруларына ципрофлоксацинді эмпирикалық тұрғыда тек бактерияға қарсы сәйкес келетін басқа препаратпен біріктірілімде қарастыру керек. Егер 3 күн емделуден соң клиникалық жақсаруға қол жетпесе, емдеу қайта қаралуы тиіс. Несеп шығару жолдарының инфекциялары Несеп шығару жолдарының инфекцияларына қатысатын ең көп таралған патоген - ішек таяқшасының фторхинолондарға төзімділігі барлық елдерде өзгешеленеді. Кеңес берушілерге ішек таяқшасының фторхинолондарға төзімділігінің жергілікті таралуын ескеру ұсынылады. Интраабдоминальді инфекциялар Операциядан кейінгі интраабдоминальді инфекцияларды емдеуде ципрофлоксацин тиімділігі туралы деректер шектеулі. Саяхатшылар диареясы Ципрофлоксацинді таңдағанда сапарлап барған елдерде сәйкесті патогендердің ципрофлоксацинге төзімділігі туралы ақпаратты ескеру керек. Сүйектер мен буындар инфекциялары Микробиологиялық зерттеулер нәтижелеріне қарай, ципрофлоксацинді микробқа қарсы басқа агенттермен біріктіріп пайдалану керек. Ципрофлоксацин балалар мен жасөспірімдерде қолданылғанда нұсқаулықты ұстану керек. Ципрофлоксацинмен емдеуді балалар мен жасөспірімдерде муковисцидоз және/немесе ауыр инфекцияларды емдеу тәжірибесі мол дәрігерлер жүргізу керек. Цифранмен емдеу, буындармен және/немесе қоршаған тіндермен байланысты жағымсыз әсерлер болуы мүмкін екендіктен, пайда/қаупін мұқият бағалаудан кейін ғана басталу керек. Муковисцидоз кезіндегі бронх-өкпе инфекциялары Клиникалық сынақтарға 5-17 жас аралығындағы балалар мен жасөспірімдер қосылды. 1-ден 5 жасқа дейінгі балаларды емдеу тәжірибесі өте шектеулі. Несеп шығару жолдарының асқынған инфекциялары және пиелонефрит Басқа емдеу әдістері пайдаланылмаса, несеп шығару жолдарының инфекцияларын ципрофлоксацинмен емдеу қарастырылу керек және микробиологиялық зерттеулер нәтижелеріне негізделуі тиіс. Клиникалық сынақтарға 1-17 жас аралығындағы балалар мен жасөспірімдер қосылды. Басқа спецификалық ауыр инфекциялар Ресми нұсқаулыққа сәйкес немесе басқа емдеу әдістерін пайдалану мүмкін болмағанда пайдасы мен қаупін мұқият бағалаудан кейін, немесе әдеттегі емнен бас тартудан соң және микробиологиялық зерттеулер нәтижелері ципрофлоксацин қолдануды ақтаған кездегі басқа ауыр инфекциялар. Жоғарыда көрсетілгендерден ерекшеленетін нақты бір ауыр инфекциялар үшін ципрофлоксацин қолдану клиникалық сынақтарда бағаланбаған және клиникалық тәжірибе шектеулі. Демек, осы инфекциялармен науқастарды емдеуде сақтық таныту керек. Жоғары сезімталдық Анафилаксиялық шок пен анафилактоидты реакцияларды қоса, аса жоғары сезімталдық және аллергиялық реакциялар бір рет қабылдаудан кейін туындауы және өмірге қауіпті болуы мүмкін. Осындай реакция білінгенде ципрофлоксацинді тоқтатып, талапқа сай медициналық емді бастау керек. Сүйек-буын жүйесі Ципрофлоксацинді, әдетте, жарақаттары мен анамнезінде сіңір аурулары бар пациенттерде қолдануға болмайды. Дегенмен де, өте сирек жағдайларда, қоздырғыштың микробиологиялық зерттеуінен және «қауіп/пайда» теңгерімін бағалаудан соң ципрофлоксацинді, әсіресе, микробиологиялық деректер ципрофлоксацин қолдануды ақтайтын стандартты емнен бас тартқан жағдайда осы пациенттерге кейбір ауыр инфекцияларды емдеу үшін тағайындауға болады. Ципрофлоксацинмен емделу кезінде және енгізуден кейін алғашқы 48 сағат ішінде тендинит пен сіңірлердің (әсіресе, ахилл сіңірінің) кейде екі жақты үзілуі туындауы мүмкін. Ципрофлоксацинмен емді тоқтатудан кейін тіпті бірнеше ай бойы сіңірлердің қабынуы мен үзілуі болуы мүмкін. Егде жастағы пациенттерде немесе бір мезгілде кортикостероидтар қабылдаған пациенттерде тендинопатия қаупі артуы мүмкін. Тендиниттің кез келген симптомында (мысалы, ауырсынулы домбығу, қабыну), ципрофлоксацинмен емдеуді тоқтату керек. Сақтық шарасын және тыныштық күйін қадағалау керек. Ципрофлоксацин миастениясы бар пациенттерде абайлап пайдаланылу керек. Көру қабілетінің бұзылуы Егер көру қабілетінің кез келген нашарлауы білінсе, дереу окулистке көріну керек. Жарыққа сезімталдық Ципрофлоксацин қабылдайтын пациенттерге емделу кезінде тіке түсетін күн сәулесінің әсерінен немесе ауқымды немесе УК-сәулеленуден сақтануға кеңес беру керек. Орталық жүйке жүйесі (ОЖЖ) Ципрофлоксациннің, басқа да хинолондар сияқты, құрысуларды туындататыны немесе құрысу шегін төмендететіні белгілі. Эпилепсиялық статус жағдайлары байқалған. Ципрофлоксацин ОЖЖ бұзылулары бар науқастарда абайлап пайдалану керек. Психикалық реакциялар тіпті ципрофлоксацинді алғаш қабылдаудан кейін де туындауы мүмкін. Сирек жағдайларда, депрессия немесе психоз суицидтік ойлардың, суицид әрекеттерінің немесе суицидтің туындауына дейін үдеуі мүмкін. Осындай жағдайлар пайда болғанда ципрофлоксацин тоқтатылу керек. Ципрофлоксацин қабылдайтын пациенттерде полинейропатия жағдайлары (ауыру, ашыту, сенсорлы бұзылыстар немесе бұлшықет әлсіздігі сияқты неврологиялық симптомдар негізінде, жеке немесе біріктіріліп) тіркелген. Ауыру, ашыту, шаншу, ұю және/немесе әлсіреуді қоса, нейропатия симптомдарын сезінетін пациенттерде ципрофлоксацин қайтымсыз жай-күйдің дамуынан сақтану мақсатында тоқтатылу керек. Жүрек аурулары QT аралығының ұзаруымен белгілі қауіп факторлары бар пациенттерде, ципрофлоксацинді қоса, фторхинолондар пайдаланылғанда сақ болу керек, мысалы: - QT аралығының ұзару синдромы - QT аралығын ұзартуы белгілі препараттарды (мысалы, IA ​​және III класс антиаритмиялық, трициклді антидепрессанттар, макролидтер, нейролептиктер) бір мезгілде қолдану - гипокалиемия, гипомагниемия - жүрек-қантамыр аурулары (мысалы, жүрек жеткіліксіздігі, миокард инфарктісі, брадикардия) Егде жастағы пациенттер және әйелдер осы препараттарға сезімтал болуы мүмкін. Сондықтан осы қауымдарда, ципрофлоксацинді қоса, фторхинолондар пайдаланылғанда сақтық шарасын қадағалау керек. Гипогликемия Басқа хинолондар жағдайындағы сияқты, қант диабетімен науқастарда, негізінен егде жастағы адамдарда гипогликемия жиірек туындайды. Қант диабеті бар пациенттердің бәрінде қандағы глюкоза деңгейіне мұқият мониторинг қажет. Асқазан-ішек жолы Емделу кезінде немесе одан кейін (соның ішінде емдеуден кейін бірнеше аптадан соң) ауыр және тұрақты диареяның туындауы шұғыл емдеуді талап ететін антибиотикпен астасқан колитті (өліммен аяқталу мүмкіндігімен өмірге қатерлі) көрсетуі мүмкін. Ондай жағдайларда ципрофлоксацинді дереу тоқтатып, тиісті емді бастау керек. Осы жағдайда перистальтикаға қарсы препараттар қарсы көрсетілімді. Бүйрек және несеп шығару жүйесі Ципрофлоксацин қолданумен байланысты кристаллурия хабарланды. Ципрофлоксацинмен емделу кезеңінде кристаллурияның дамуынан сақтану үшін несептің сілтіленуінен сақтану керек. Қалыпты диурезді қадағалау үшін жеткілікті мөлшерде сұйықтық ішуді де (диурезді бақылаумен) қамтамасыз ету қажет. Гепатобилиарлы жүйе Ципрофлоксацинмен ем кезінде бауыр некрозы мен бауыр жеткіліксіздігінің өмірге қатерлі жағдайлары тіркелген. Бауыр ауруларының қандай да бір белгілері және симптомдары туындаған жағдайда (мысалы, анорексия, сарғаю, күңгірт несеп, қышыну) емдеуді тоқтату керек. Глюкоза-6-фосфат-дегидрогеназа Глюкоза-6-фосфатдегидрогеназа тапшылығы бар науқастарда ципрофлоксацинмен емделу кезінде гемолиздену реакциялары тіркелді. Осы пациенттерде егер ықтималды пайдасы болжамды қауіптен басым болатын жағдайда ғана ципрофлоксацинді қолдану керек. Бұл жағдайда гемолиздің туындау мүмкіндігін бақылап отыру керек. Төзімділік Ципрофлоксацинмен емдеу курсы кезінде және одан кейін кейбір бактериялар ципрофлоксацинге төзімділігін көріністейді, сондықтан емдеу ұзаққа созылып кеткенде және ауруханаішілік инфекцияларды және/немесе стафилококктар туғызған инфекцияларды емдеуде ципрофлоксацинге төзімді бактериялар үшін таңдау қаупі ерекше болуы мүмкін. P450 цитохромы Ципрофлоксацин CYP1A2-ні тежеп, осылайша, сарысудағы концентрацияның артуын туындатуы мүмкін. Осылайша, бұл заттарды ципрофлоксацинмен бір мезгілде қабылдайтын пациенттер артық дозаланудың клиникалық белгілерін қадағалауы тиіс, сондай-ақ қан сарысуында концентрацияны (мысалы, теофиллиннің) анықтау керек. Ципрофлоксацин мен тизанидинді бірге енгізу қарсы көрсетілімді. Метотрексат Ципрофлоксацинді метотрексатпен қатарлас қолдану ұсынылмайды. Натрий хлориді Іркілісті жүрек жеткіліксіздігі, бүйрек жеткіліксіздігі, нефроздық синдром және т.б. бар пациенттерде натрий хлориді мөлшерін бақылау керек. Арнайы ескертулер Фторхинолонды антибиотиктерді, әсіресе егде адамдарда, бүйрек аурулары бар пациенттерде; жүйелі кортикостероидтармен ем алатын пациенттерде; ағзалар трансплантациясынан кейінгі пациенттерде аса сақтықпен пайдалану керек. Бұл науқастарда фторхинолонды және хинолонды антибиотиктермен емдеу нәтижесінде туындауы ықтимал сіңір зақымдануының қаупі жоғары. Эпидемиологиялық зерттеулерде фторхинолондарды қолданғаннан кейін, әсіресе егде пациенттерде аневризма және қолқа қатпарлануының даму қаупі туралы хабарланған, әсіресе егде жастағы пациенттерде, сондай-ақ фторхинолондарды қабылдағаннан кейін қолқа және митралды клапанның регургитациясы. Кейде жарылуымен асқынған (оның ішінде өліммен аяқталған) аневризма мен қолқаның қатпарлану, сондай-ақ фторхинолондарды қабылдау кезінде жүрек клапандарының кез келгенінің регургитация / жеткіліксіздік жағдайлары тіркелген. Демек, фторхинолондарды пайда мен қауіп арақатынасын мұқият бағалағаннан кейін және аневризмаға немесе жүрек клапандарының туа біткен ақауына қатысты отбасылық ауыр анамнезі бар пациенттерде, аневризмасы және / немесе қолқаның қатпарлануы немесе анамнезінде жүрек клапандарының жеткіліксіздігі бар пациенттерде, сондай-ақ, аневризмада және қолқаның қатпарлануы кезінде екі жағдайда да басқа қауіп факторлары немесе алдын ала болжанатын жағдайлары болған кезде, сондай-ақ, жүрек клапандарының регургитациясы / жеткіліксіздігі кезінде (мысалы, Марфан синдромы немесе Элерс-Данло синдромы, Тернер синдромы, Бехчет ауруы, гипертензия, ревматоидты артрит сияқты дәнекер тінінің бұзылуы), сондай-ақ, аневризма және қолқаның қатпарлануы кезінде (мысалы, Такаясу артерииті немесе алып жасушалы артериит немесе белгілі атеросклероз немесе Шегрен синдромы сияқты қан тамырлары аурулары), сондай-ақ жүрек клапандарының регургитациясы / жеткіліксіздігі кезінде (мысалы, инфекциялық эндокардит) басқа емдік мүмкіндіктерді қарастырғаннан кейін ғана пайдалану керек. Жүйелі кортикостероидтармен бір мезгілде ем қабылдайтын пациенттерде аневризма және қолқаның қатпарлану, сондай-ақ жыртылу қаупінің артуы мүмкін. Іштің, кеуденің немесе арқаның кенеттен ауыруы кезінде пациенттерге шұғыл көмек алу үшін дереу дәрігерге бару ұсынылады. Пациенттерге қатты ентігу, алғаш рет кенеттен пайда болған жүректің жиі соғуы, сондай-ақ құрсақ қуысының немесе аяқтың ісінуі дамыған кезде дереу медициналық көмекке жүгінуге кеңес беру керек. Педиатрияда қолдану 18 жасқа дейінгі балалар мен жасөспірім жаста қолдануға болмайды.

Препаратты қабылдау қарсы көрсетілімде. Ципрофлоксацин организмнен ана сүтімен де шығарылады. Ықтималды қаупіне орай, емшекпен қоректену кезінде ципрофлоксацинді пайдалануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Цифранның автокөлікті басқару және механизмдермен жұмыс істеу қабілетіне болымсыз әсері болады. Әдеттегі дозаларда, әсіресе, емдеудің басында, дозаны арттырғанда және қатарлас алкоголь тұтынғанда реакция шапшаңдығына ықпал етуі мүмкін. Пациенттерге олардың автокөлік басқару немесе механизмдермен жұмыс істеу қабілетінің емдеу уақытында шектеулі болу мүмкіндігі ескертілуі тиіс.

Ципрофлоксацинді, басқа да фторхинолондар сияқты, QT аралығын ұзаруын туындатуға қабілетті препараттарды (мысалы, аритмияға қарсы IA және III класс дәрілері, трициклді антидепрессанттар, макролидтер, нейролептиктер) қабылдайтын пациенттерде сақтықпен пайдалану керек. Пробенецид ципрофлоксациннің бүйректік секрециясын бөгейді. Пробенецид пен ципрофлоксацинді бірге енгізу сарысуда ципрофлоксацин концентрациясын арттырады. Тизанидин Тизанидин гипотензиялық және тыныштандыру әсерінің күшеюіне байланысты ципрофлоксацинмен бірге енгізілмеуі тиіс («Қолдануға болмайтын жағдайлар» бөлімін қараңыз). Метотрексат Метотрексаттың тубулярлы тасымалдануы ципрофлоксацинді қатарлас енгізумен бөгелуі мүмкін, оның қан плазмасында метотрексат деңгейін жоғарылату және метотрексатпен астасқан уытты реакциялар қауіптерін арттыру ықтималдығы зор. Теофиллин Бір мезгілде ципрофлоксацин мен теофиллин енгізу сарысуда теофиллин концентрациясын қолайсыз арттыруы мүмкін. Бұл теофиллин индукциялаған жағымсыз әсерлерге әкелуі мүмкін. Біріктіру керек болғанда сарысуда теофиллин концентрациясы тексеріліп, қажеттілігіне қарай, теофиллин дозасы азайтылуы тиіс. Басқа ксантин туындылары Бір мезгілде ципрофлоксацин мен кофеин немесе пентоксифиллин қолданылғанда да осы ксантин туындыларының сарысудағы концентрациясын бақылау қажет. Фенитоин Бір мезгілде ципрофлоксацин мен фенитоин енгізу фенитоиннің сарысулық деңгей өлшемдерін арттыруы немесе азайтуы мүмкін. Осылайша, осы препараттар деңгейлеріне мониторинг өткізу ұсынылады. Циклоспорин Ципрофлоксацинді циклоспоринмен бір мезгілде тағайындау циклоспорин нефроуыттылығын арттырады. Сарысуда теофиллин мен циклоспорин концентрацияларына мониторинг өткізу (аптасына екі рет) ұсынылады. К дәрумені антагонистері Ципрофлоксацинді К дәрумені антагонистерімен бір мезгілде енгізу антикоагулянтты әсерлерін арттыруы мүмкін. Қауіп инфекция қоздырғышына, пациенттің жасына және жалпы жай-күйіне қарай өзгеруі мүмкін, демек ципрофлоксациннің ХҚҚ (халықаралық қалыптасқан қатынас) артуына қаншалықты ықпал ететінін бағалау қиын. Ципрофлоксацинді К дәрумені антагонисімен (мысалы, варфарин, аценокумарол немесе фенпрокумон) бірге енгізу кезінде және одан кейін ХҚҚ бақылануы тиіс. Дулоксетин Дулоксетинді флувоксамин сияқты CYP450 1А2 изоферментінің күшті тежегіштерімен қабылдайтын пациенттерде дулоксетин AUC және Cmax артуына алып келуі мүмкін. Ципрофлоксацинмен өзара әрекеттесу мүмкіндігі туралы клиникалық деректер болмаса да, осындай әсерлерді бір мезгілде енгізгенде күтуге болады. Ропинирол Ропиниролды CYP450 1A2 изоферменттерінің орташа тежегіші – ципрофлоксацинмен қолдану ропинирол Cmax және AUC, тиісінше, 60% және 84% артуына алып келеді. Ропиниролды ципрофлоксацинмен бірге енгізу кезінде және одан кейін қолданғанда жағымсыз әсерлеріне мониторинг өткізу ұсынылады. Лидокаин Лидокаинді CYP450 1A2 изоферменттерінің орташа тежегіші – ципрофлоксацинмен бір мезгілде қолдану венаішілік лидокаин клиренсін 22% азайтады. Лидокаинмен емдеуді науқастар жақсы көтерсе де, бір мезгілде енгізілгенде ципрофлоксацинмен өзара әрекеттесу мүмкіндігі жағымсыз әсерлердің туындауына әкелуі мүмкін. Клозапин Клозапинмен 250 мг ципрофлоксацинді 7 күн бойы бір мезгілде енгізуден кейін қан сарысуында клозапин мен N-десметилклозапин концентрациясы, тиісінше, 29% және 31% жоғарылады. Ципрофлоксацинмен бірге енгізу кезінде және одан кейін клиникалық қадағалау мен дозаны тиісінше түзету ұсынылады. Силденафил Бір мезгілде 50 мг силденафилді 500 мг ципрофлоксацинмен ішу арқылы қабылдаудан кейін силденафил Cmax және AUC шамамен екі есе ұлғайған, сондықтан, қаупі мен пайдасын ескеріп, ципрофлоксацинді силденафилмен бір мезгілде тағайындағанда сақ болу керек. Золпидема Ципрофлоксацинді бірге енгізу қандағы золпидемнің деңгейін арттыруы мүмкін, бір мезгілде пайдалану ұсынылмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25 С-ден аспайтын температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!