Цифран ОД таблетки 500 мг

Бір таблетканың құрамында белсенді зат- 500.00 мг және 1000.00 мг ципрофлоксацин қосымша заттар: интрагранулят: натрий алгинаты, гипромеллоза, натрий бикарбонаты, кроспидон, магний стеараты; экстрагранулят: магний стеараты, тазартылған тальк, сусыз коллоидты кремнийдің қостотығы; қабық: опадрай 31В58910 ақ (гипромеллоза, лактоза моногидраты, титанның қостотығы (Е171), макрогол 400, гипромеллоза, тазартылған тальк; Opacode S-1-17823 (Black) сия: жылтыр шеллак, изопропил спирті, темірдің тотығы/темірдің қара тотығы (Е 172), бутил спирті, пропиленгликоль, 28% аммиак ерітіндісі. Сыртқы түрінің, иісінің, дәмінің сипаттамасы Сопақша пішінді, ақтан ақ дерлік түске дейінгі үлбірлі қабықпен қапталған бір жағында сиямен жазылған «Cifran OD 500 MG» жазуы бар таблеткалар. Ұзындығы 17.1 0.1 мм, ені 8.1 0.1 мм, қалыңдығы 5.6 0.3 мм (500 мг доза үшін). Сопақша пішінді, ақтан ақ дерлік түске дейінгі үлбірлі қабықпен қапталған бір жағында сиямен жазылған «Cifran OD 1000 MG» жазуы бар таблеткалар. Ұзындығы 21.2 0.1 мм, ені 10.6 0.1 мм, қалыңдығы 7.6 0.3 мм (1000 мг доза үшін).

Емдеуді бастамас бұрын ципрофлоксацинге резистенттілік туралы қолда бар ақпаратқа ерекше назар аудару керек. Антибиотиктерді дұрыс пайдалану жөніндегі ресми ұсынымдарды ескеру қажет. Цифран ОД келесі инфекцияларды емдеу үшін көрсетілген: Ересектер • Грам теріс бактериялар тудыратын төменгі тыныс алу жолдарының инфекциялары • Өкпенің созылмалы обструктивті ауруының (ӨСОА) асқынуы. ӨСОА асқынуы кезінде Цифран ОД осы инфекцияларды емдеу үшін әдетте ұсынылатын басқа антибиотиктер жарамсыз деп саналған жағдайда ғана қолданылуы керек. • муковисцидоз немесе бронхоэктаз кезіндегі бронх өкпе инфекциялары • Пневмония • Созылмалы іріңді ортаңғы отит • Созылмалы, әсіресе грамтеріс бактериялар туындататын синуситтің асқынуы. • Несеп шығару жолдарының инфекциясы • асқынбаған жедел цистит. Асқынбаған жедел цистит кезінде Цифран ОД осы инфекцияларды емдеу үшін әдетте ұсынылатын басқа антибиотиктер жарамсыз деп саналған жағдайда ғана қолданылуы керек. • жедел пиелонефрит • несеп шығару жолдарының асқынған инфекциялары • бактериялық простатит • Жыныс жолдарының инфекциясы • Сезімтал Neisseria gonorrhoeae тудыратын гонококкты уретрит және цервицит • Сезімтал Neisseria gonorrhoeae туындататын жағдайларды қоса, эпидидимоорхит • Сезімтал Neisseria gonorrhoeae туындаған жағдайларды қоса, кіші жамбас ағзаларының қабыну аурулары (КЖАҚА) • Асқазан-ішек жолдарының инфекциясы (мысалы, саяхатшылардың диареясы) • Құрсақішілік инфекциялар • Грам теріс бактериялардан туындаған тері мен жұмсақ тіндердің инфекциясы. • Қатерлі сыртқы отит • Сүйек пен буын инфекциясы • Neisseria meningitidis туындаған инвазиялық инфекциялардың профилактикасы. • Сібір жарасы қоздырғыштарын ингаляциялау (жанасудан кейінгі профилактика және емдік емдеу) Балалар мен жасөспірімдер • Муковисцидозы бар пациенттерде көкіріңді таяқшадан туындаған бронх өкпе инфекциялары • Несеп шығару жолдарының асқынған инфекциясы және жедел пиелонефрит. • Ингаляциялық сібір жарасы (жанасудан кейінгі профилактика және емдеу)

ATХ коды J01MA02 Әсер ету механизмі Фторхинолондар тобының әсері кең спектрлі микробқа қарсы препарат. Бактерицидтік әсер ДНҚ репликациясына, транскрипциясына, репарациясына және бактериялардың рекомбинациясына қажетті II типті топоизомеразаның (ДНҚ-гираза) және IV типті топоизомеразаның тежелуінің нәтижесі болып табылады. Фармакокинетиканың/фармакодинамиканың тәуелділігі Тиімділік негізінен қан сарысуындағы ең жоғары концентрация (Cmax) мен бактериялық патогендерге қатысты ципрофлоксациннің ең төмен тежегіш концентрациясы (ЕТК) арасындағы қатынасқа және қисық астындағы аудан (AUC) мен ЕТК арасындағы қатынасқа байланысты. Резистенттілік механизмі In vitro ципрофлоксацинге резистенттілік екі ДНҚ-гиразадағы және IV типті топоизомеразадағы кезең-кезеңмен мутация үдерісі нәтижесінде пайда болады. Ципрофлоксацин мен басқа фторхинолондар арасында айқаспалы резистенттілік бар. Жеке мутациялар клиникалық резистенттілікке әкелмеуі мүмкін, бірақ бірнеше гендік мутациялар нәтижесінде кластың көптеген белсенді субстанцияларына клиникалық резистенттілік қалыптасуы мүмкін. Жасушаның өткізбеушілігі немесе белсенді субстанцияның эффлюксі сияқты резистенттілік механизмдері фторхинолондарға сезімталдыққа әртүрлі әсер етуі мүмкін, бұл класс ішіндегі әртүрлі белсенді субстанциялардың физика-химиялық қасиеттеріне және әрбір белсенді субстанция үшін тасымалдау жүйелерінің аффинділігіне байланысты. In vitro резистенттіліктің барлық механизмдері клиникалық изоляттарда байқалды. Бөгеттерден өту (Pseudomonas aeruginosa үшін таралады) және эффлюкс механизм сияқты басқа антибиотиктердің белсінділігін жоятын резистенттілік механизмдері ципрофлоксацинге сезімталдыққа әсер етуі мүмкін. Бұл туралы деректер бар плазмид астасқан резистенттілік qnr-гендерімен кодталады. Бактерияға қарсы белсенділік спектрі Бақылау нүктелері сезімтал штаммдарды орташа сезімталдық штаммдарынан ажыратады, ал соңғыларын - төзімді штаммдардан: EUCAST ұсынымдары Микроорганизмдер — Сезімтал — Тұрақты Enterobacteriaceae — S 0.25 mg/L — R 0.5 mg/L Salmonella spp. — S 0.06 mg/L — R 0.06 mg/L Pseudomonas spp. — S 0.5 mg/L — R 0.5 mg/L Acinetobacter spp. — S 1 mg/L — R 1 mg/L Staphylococcus spp.1 — S 1 mg/L — R 1 mg/L Haemophilus influenzae — S 0.06 mg/L — R 0.06 mg/L Moraxella catarrhalis — S 0.125 mg/L — R 0.125 mg/L Neisseria gonorrhoeae — S 0.03 mg/L — R 0.06 mg/L Neisseria meningitidis — S 0.03 mg/L — R 0.03 mg/L Түрлермен байланысты емес бақылау нүктелері* — S 0.25 mg/L — R 0.5 mg/L 1 Staphylococcus spp. - ципрофлоксациннің бақылау нүктелері жоғары дозамен емдеумен байланысты. * Түрлерге байланысты емес бақылау нүктелері негізінен PK/PD деректері негізінде анықталды және нақты түрлердің MIC таралуына тәуелді емес. Олар сезімталдықты тестілеу ұсынылмайтын түрлерге емес, түрге тән бақылау нүктесі берілмеген түрлерге ғана арналған. Жүре пайда болған резистенттіліктің таралуы географиялық және уақыт өте келе жекелеген түрлер үшін өзгеруі мүмкін, сондықтан резистенттілік туралы жергілікті ақпарат қажет, әсіресе ауыр инфекцияларды емдеу кезінде. Қажет болса, резистенттіліктің жергілікті таралуы препараттың инфекциялардың кем дегенде кейбір түрлерінде тиімділігі күмәнді болған кезде сарапшыдан кеңес алу керек. Ципрофлоксацинге сезімталдыққа сәйкес тиісті түрлерді топтастыру (Streptococcus түрлері үшін 4.4 бөлімін қараңыз). ӘДЕТТЕ СЕЗІМТАЛ ТҮРЛЕР Аэробты грам оң микроорганизмдер Bacillus anthracis (1) Аэробты грам теріс микроорганизмдер Aeromonas spp. Brucella spp. Citrobacter koseri Francisella tularensis Haemophilus ducreyi Haemophilus influenzae* Legionella spp. Moraxella catarrhalis* Neisseria meningitidis Pasteurella spp. Salmonella spp.* Shigella spp.* Vibrio spp. Yersinia pestis Анаэробты микроорганизмдер Mobiluncus Басқа микроорганизмдер Chlamydia trachomatis ($) Chlamydia pneumoniae ($) Mycoplasma hominis ($) Mycoplasma pneumoniae ($) ЖҮРЕ ПАЙДА БОЛҒАН РЕЗИСТЕНТТІЛІК ПРОБЛЕМА БОЛУЫ МҮМКІН ТҮРЛЕР Аэробты грам оң микроорганизмдер Enterococcus faecalis ($) Staphylococcus spp.* (2) Аэробты грам теріс микроорганизмдер Acinetobacter baumannii+ Burkholderia cepacia+* Campylobacter spp.+* Citrobacter freundii* Enterobacter aerogenes Enterobacter cloacae* Escherichia coli* Klebsiella oxytoca Klebsiella pneumoniae* Morganella morganii* Neisseria gonorrhoeae* Proteus mirabilis* Proteus vulgaris* Providencia spp. Pseudomonas aeruginosa* Pseudomonas fluorescens Serratia marcescens* Анаэробты микроорганизмдер Peptostreptococcus spp. Propionibacterium acnes ТУА БІТКЕН РЕЗИСТЕНТТІ ОРГАНИЗМДЕР Аэробты грам оң микроорганизмдер Actinomyces Enteroccus faecium Listeria monocytogenes Аэробты грам теріс микроорганизмдер Stenotrophomonas maltophilia Анаэробты микроорганизмдер Жоғарыда аталғандарды қоспағанда Басқа микроорганизмдер Mycoplasma genitalium Ureaplasma urealitycum * Бекітілген клиникалық көрсеткіштерде сезімтал изоляттарда клиникалық тиімділік көрсетілді. + ЕО-ның бір немесе бірнеше елдеріндегі резистенттілік коэффициенті ≥ 50% ( $ ): Жүре пайда болған резистенттілік механизмі болмаған кезде табиғи аралық сезімталдық : Bacillus anthracis споралармен дем алудан туындаған эксперименттік жануарлардың инфекцияларына зерттеулер жүргізілді; бұл зерттеулер көрсеткендей, қоздырғыш әсер еткеннен кейін ерте басталған антибиотикалық терапия, егер емдеу инфекция жұқтыратын дозада организмдегі споралардың азаюына байланысты болса, аурудың пайда болуының алдын алады. Адамдарда ұсынылатын қолдану негізінен in vitro сезімталдыққа және жануарларға арналған эксперименттік деректерге, сондай-ақ шектеулі адам туралы деректерге негізделген. Ересектердің ципрофлоксацинді 500 мг дозада екі айлық қабылдауы адамдарда сібір жарасы инфекциясының профилактикасы үшін тиімді болып саналады. Емдеуші дәрігерлер сібір жарасын емдеуге қатысты ұлттық және/немесе халықаралық консенсус құжаттарын басшылыққа алуы тиіс. : Метициллинге резистентті S. aureus фторхинолондарға өте жиі резистентті болып табылады. Метициллинге резистенттілік деңгейі стафилококктардың барлық түрлерінің 20-50% құрайды және әдетте нозокомиальды изоляттар арасында жоғары.

Дозалау режимі Доза инфекцияның көрсетілімімен, ауырлығымен және орналасуымен, қоздырғыштың ципрофлоксацинге сезімталдығымен, бүйрек функциясымен және балалар мен жасөспірімдердегі пациенттің дене салмағымен анықталады. Емдеу ұзақтығы аурудың ауырлығына, сондай-ақ клиникалық және бактериологиялық ағымға байланысты Кейбір қоздырғыштар тудыратын инфекцияларды емдеу (мысалы, Pseudomonas aeruginosa, Acinetobacter немесе стафилококктар) ципрофлоксациннің едәуір жоғары дозаларын және басқа қолайлы бактерияға қарсы дәрілермен бір мезгілде қолдануды қажет етуі мүмкін. Кейбір инфекцияларды емдеу (мысалы, кіші жамбас ағзаларының қабыну аурулары (КЖАҚА), құрсақішілік инфекциялар, нейтропениясы бар пациенттерде инфекциялар және сүйек пен буын инфекциялары) қоздырғышқа байланысты басқа микробқа қарсы дәрілерді қосымша енгізуді қажет етуі мүмкін. Ересектер Қолдану саласы — Тәуліктік доза мг-де — Емдеу ұзақтығы Төменгі тыныс алу жолдарының инфекциясы — 1000 мг-1500 мг — 7-14 күн Жоғарғы тыныс алу жолдарының инфекциясы — Созылмалы синуситтің асқынуы — 1000 мг – 1500 мг — 7-14 күн Созылмалы іріңді ортаңғы отит — 1000 мг - 1500 мг — 7-14 күн Қатерлі сыртқы отит — 1500 мг — 28 күннен 3 айға дейін Несеп шығару жолдарының инфекциясы — Асқынбаған жедел цистит — 500 мг-1000 мг — 3 күн Климакс алдындағы жастағы әйелдерде 500 мг (бір реттік доза) Асқынған цистит, асқынбаған жедел пиелонефрит — 1000 мг — 7 күн Асқынған пиелонефрит — 1000 мг -1500 мг — кем дегенде 10 күн, кейбір ауыр инфекцияларда 21 күннен астам уақытқа созылуы мүмкін (мысалы абсцесс) Бактериялық простатит — 1000 мг –1500 мг — 2-4 апта (жедел) 4-6 апта (созылмалы) Жыныс жолдарының инфекциясы — Сезімтал Neisseria gonorrhoeae тудыратын гонококкты уретрит және цервицит — 500 мг (бір реттік доза) — 1 күн (бір реттік доза) Орхоэпидидимит және Neisseria gonorrhoeae сезімтал штамдарынан туындаған кіші жамбас ағзаларының қабыну аурулары — 1000 мг -1500 мг — кем дегенде 14 күн АІЖ инфекциясы және интраабдоминальді инфекциялар — Бактериялық патогендерден туындаған диарея, соның ішінде Shigella spp., 1 типті Shigella dysenteriae қоспағанда және саяхатшылардың ауыр дәрежелі диареясын эмпирикалық емдеу — 1000 мг — 1 күн 1 типті Shigella dysenteriae туындаған диарея — 1000 мг — 5 күн Vibrio cholerae туындаған диарея — 1000 мг — 3 күн Іш сүзегі — 1000 мг — 7 күн Грамтеріс бактериялар қоздыратын интраабдоминальді инфекциялар — 1000 мг -1500 мг — 5-14 күн Грам теріс бактериялардан туындаған тері мен жұмсақ тіндердің инфекциясы — 1000 мг -1500 мг — 7-14 күн Сүйек пен буын инфекциясы — 1000 мг -1500 мг — Ең көбі 3 ай Нейтропениялық науқастарда инфекцияларды емдеу немесе профилактика Ципрофлоксацинді ресми басқарушылық нұсқауларға сәйкес талапқа сай бактерияға қарсы дәрі(лер)мен бір мезгілде енгізу керек. — 1000 мг -1500 мг — Емді нейтропенияның барлық кезеңінде жалғастыру керек Neisseria meningitidis салдарынан инвазиялық инфекциялардың профилактикасы — 500 мг (бір реттік доза) — 1 күн (бір реттік доза) Сібір жарасының ингаляциялық түрінің жанасудан кейінгі профилактикасы және түбегейлі емдеу клиникалық тұрғыдан орынды болған кезде пероральді ем қабылдай алатын адамдар үшін. Препаратты енгізу әсерді күдіктенгеннен немесе растағаннан кейін мүмкіндігінше тезірек басталуы керек. — 1000 мг — Bacillus anthracis әсері расталғаннан кейін 60 күн Балалар мен жасөспірімдер Қолдану саласы — Тәуліктік доза мг-де — Емдеудің жалпы ұзақтығы Муковисцидоз — Күніне екі рет дене салмағының 20 мг/кг, ең жоғары бір реттік доза 750 мг. — 10-нан 14 күнге дейін Несеп шығару жолдарының асқынған инфекциясы және жедел пиелонефрит. — күніне екі рет дене салмағының 10 мг/кг-ден күніне екі рет дене салмағының 20 мг/кг-ге дейін, ең жоғары бір реттік доза 750 мг — 10-нан 21 күнге дейін Сібір жарасының қоздырғыштарымен дем алу - клиникалық қажеттілік кезінде пероральді емдеуге қабілетті адамдар үшін жанасудан кейінгі профилактика және емдік емдеу. Емдеуді болжамды немесе расталған инфекциядан кейін мүмкіндігінше тезірек бастау керек. — күніне екі рет дене салмағының 10 мг/кг-ден күніне екі рет дене салмағының 15 мг/кг-ге дейін, ең жоғары бір реттік дозасы 500 мг — Bacillus anthracis байланыс расталған сәттен бастап 60 күн. Басқа күрделі инфекциялар — Күніне екі рет дене салмағының 20 мг/кг, ең жоғары бір реттік доза 750 мг. — Инфекция типі бойынша Егде жастағы пациенттер Егде жастағы пациенттер инфекцияның ауырлығына және пациенттің креатинин клиренсіне байланысты таңдалған дозаны қабылдауы тиіс. Бүйрек және бауыр функциясының бұзылуы бар пациенттер Бүйрек функциясы бұзылған пациенттер үшін ұсынылатын бастапқы және демеуші дозалар: Креатинин клиренсі [ мл/мин/1,73 м2] — Креатинин сарысуы мкмоль/л] — Пероральді доза [мг] > 60 — < 124 — Кәдімгі дозаны қараңыз. 30-60 — 124-тен 168-ге дейін — Әр 12 сағат сайын 250-500 мг. <30 — > 169 — Әр 24 сағат сайын 250-500 мг. Гемодиализдегі пациенттер — > 169 — Әр 24 сағат сайын 250-500 мг (диализден кейін) Перитонеальді диализдегі пациенттер — > 169 — Әр 24 сағат сайын 250-500 мг. Бауыр функциясы бұзылған пациенттер үшін дозаны түзету қажет емес. Бүйрек және/немесе бауыр функциясы бұзылған балаларға арналған доза зерттелмеген. Енгізу әдісі және жолы Ішке қабылдауға арналған. Таблеткаларды сұйықтықты іше отырып, тұтастай жұту керек. Оларды тағамға қарамастан қабылдауға болады. Аш қарынға қабылдау белсенді ингредиенттің сіңірілуін тездетеді. Ципрофлоксацин таблеткаларын құрамында сүт өнімдері немесе минералдармен байытылған сусындар бар тамақтану кезінде қабылдауға болады. Алайда, ципрофлоксацин таблеткаларын сүт өнімдерімен (мысалы, сүт, йогурт) немесе минералдармен байытылған сусындармен (мысалы, кальциймен байытылған апельсин шырыны) бір мезгілде қабылдамаған жөн, егер бұл тағамдар немесе сусындар тағамнан бөлек және бөлек қабылданса. Сондықтан ципрофлоксацин таблеткаларын құрамында кальций бар дәрілік заттарға ұсынылғандай, бұл тағамдар мен сусындар бөлек және тағамнан бөлек қабылданса, сүт өнімдерін немесе минералдармен байытылған сусындарды қабылдаудан 1-2 сағат бұрын немесе кем дегенде 4 сағаттан кейін қабылдау керек. Ауыр жағдайларда немесе пациент таблетка қабылдай алмаған кезде (мысалы, энтеральды қоректенетін пациенттерде) емді пероральді қабылдауға ауысу мүмкін болғанша ципрофлоксацинді вена ішіне енгізуден бастаған жөн. Ципрофлоксацин таблеткаларын ұсақтауға болмайды, сондықтан олар таблеткаларды жұта алмайтын ересектер мен балаларды емдеуге жарамайды. Дәрілік препараттың бір немесе бірнеше дозасын өткізіп алу кезіндегі қажетті шаралар Дозаны өткізіп алған жағдайда оны кез келген уақытта, бірақ келесі кезекті дозаны қабылдағанға дейін 6 сағаттан кешіктірмей қабылдау керек. Егер келесі дозаны қабылдағанға дейін 6 сағаттан аз уақыт қалса, өткізіп алған дозаны қабылдауға болмайды және келесі әдеттегі дозамен емдеуді жалғастыру керек. Жіберіп алған дозаны өтеу үшін қосарлы дозаны қабылдамаған жөн. Тоқтату синдромы қаупінің болуына көрсетілім Қолда бар деректерге сүйене отырып, ципрофлоксацинді қолдану кезінде тоқтату синдромының болуы расталмаған. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Қолданар алдында міндетті түрде емдеуші дәрігермен кеңесіңіз. Емдеуші дәрігерге сіз қандай да бір басқа препараттарды қабылдап жүрсеңіз, жақында қабылдасаңыз немесе қабылдауды жоспарласаңыз, хабарлаңыз.

- ципрофлоксацинге немесе хинолон класының басқа бактерияға қарсы препараттарына немесе қосымша заттардың кез келгеніне жоғары сезімталдық - тизанидинмен, теофиллинмен бір мезгілде қабылдау - 18 жасқа дейінгі балалар мен жасөспірімдер - жүктілік және лактация кезеңі - эпилепсия, анамнездегі құрысулар ұстамалары, мидың органикалық зақымдануы - жалған жарғақшалы колит - глюкоза - 6-фосфат дегидрогеназа тапшылығы - тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорциясы бар адамдар

Жағымсыз құбылыстардың жиілігін анықтау келесідей жүргізіледі: "өте жиі" (>10), "жиі" (>1/100, <1/10), "жиі емес" (>1/1000, <1/100), "сирек" (>1/10 000, <1/1000), "өте сирек" (<10 000), "жиілігі белгісіз". Жиі - жүрек айнуы, диарея Жиі емес -микоздық асқын инфекция - эозинофилия -тәбеттің төмендеуі және қабылданатын тағам мөлшері - психомоторлы гипербелсенділік/ажитация - бас ауыруы, бас айналу, ұйқының бұзылуы, дәмнің бұзылуы - құсу, іштің ауыруы, диспепсия, метеоризм - "бауыр" трансаминазалары белсенділігінің жоғарылауы, билирубин концентрациясының жоғарылауы - бөртпе, қышыну, есекжем - артралгия - бүйрек функциясының бұзылуы - спецификалық емес этиологияның ауыру синдромы, жалпы дімкәстік, қызба - қандағы сілтілі фосфатаза белсенділігінің жоғарылауы Сирек - жалған жарғақшалы колит (өте сирек жағдайларда өліммен аяқталуы мүмкін) - лейкопения, анемия, нейтропения, лейкоцитоз, тромбоцитопения - аллергиялық реакциялар, аллергиялық ісіну / ангионевроздық ісіну - гипергликемия, гипогликемия - сананың шатасуы және бағдардан адасу, үрейлену, түс көрудің бұзылуы (шым-шытырық түстер), депрессия (суицидтік әрекеттер/ойлар сияқты өзіне зиян келтіру мінез-құлқының күшеюі, сондай-ақ суицидке әрекет жасау немесе сәтті суицид), елестеулер - парестезия және дизестезия, гипестезия, тремор, құрысулар (эпилепсия ұстамаларын қоса), вертиго - көру бұзылыстары, құлақтағы шуыл, есту қабілетінің жоғалуы - тахикардия, вазодилатация, артериялық қысымның төмендеуі, бетке қан "тебу" сезімі - тыныс алудың бұзылуы (бронх түйілуін қоса) - бауыр функциясының бұзылуы, сарғаю, гепатит (инфекциялық емес) - фотосенсибилизация, нақтыланбаған этиологияның күлдіреуіктерінің түзілуі - миалгия, артрит, бұлшықет тонусының жоғарылауы, бұлшықет құрысулары - бүйрек жеткіліксіздігі, гематурия, кристаллурия, тубулоинтерстициальды нефрит - ісіну, тершеңдік (гипергидроз) - протромбин концентрациясының өзгеруі, амилаза белсенділігінің жоғарылауы Өте сирек - гемолиздік анемия, агранулоцитоз, панцитопения (өмірге қауіп төндіретін), сүйек кемігінің бәсеңдеуі (өмірге қауіп төндіретін) - анафилаксиялық реакциялар, анафилаксиялық шок (өмірге қауіп төндіретін), сарысу ауруы - психоздық реакциялар (суицидтік әрекеттер /ойлар, сондай-ақ суицид әрекеті немесе сәтті суицид сияқты өзіне-өзі зиян келтіру мінез-құлқының күшеюі) - бас сақинасы, қозғалыс үйлестіруінің бұзылуы, иіс сезу қабілетінің бұзылуы, гиперестезия, бассүйекішілік гипертензия (мидың жалған тумороздық симптоматикасы) - түс қабылдаудың бұзылуы, есту қабілетінің бұзылуы - васкулит, панкреатит - бауыр тіндерінің некрозы (өте сирек жағдайларда өмірге қауіп төндіретін бауыр жеткіліксіздігіне дейін үдейтін) - петехия, кіші түрдегі мультиформалы эритема, түйіндік эритема, Стивенс Джонсон синдромы (қатерлі экссудативті эритема), оның ішінде өмірге қауіп төндіретін, Лайелл синдромы (уытты эпидермальды некролиз), оның ішінде өмірге қауіп төндіретін - бұлшықет әлсіздігі, тендинит, сіңірлердің үзілуі (негізінен ахилл), миастения симптомдарының асқынуы - жүрістің бұзылуы Жиілігі белгісіз - шеткері нейропатия және полинейропатия - QT аралығының ұзаруы, қарыншалық аритмия (оның ішінде "пируэт" типі) - Кунис синдромы - жедел жайылған пустулезді экзантема - Эозинофилиямен және жүйелік симптомдармен дәрілік реакция (DRESS) - ХҚҚ жоғарылауы (К дәруменінің антагонистерін қабылдайтын пациенттерде) - диурезге қарсы гормонның талапқа сай емес секреция синдромы (SIADH) - гипогликемиялық кома - Гипоманияны қоса, мания * Хинолондар мен фторхинолондарды қолдануға байланысты ағзалар мен сезім мүшелері (тендинит, сіңірдің үзілуі, артралгия, аяқ-қолдың ауыруы, жүрістің бұзылуы, парестезиямен, депрессиямен, шаршаумен, есте сақтау қабілетінің бұзылуымен, ұйқының бұзылуымен және есту, көру, дәм және иіс сезу бұзылуларымен байланысты нейропатияларды қоса) жүйесінің әртүрлі және кейде бірнеше кластарына әсер ететін ұзақ мерзімді (айлар немесе жылдар бойы) мүгедектікке әкелетін және потенциалды қайтымсыз күрделі дәрілік реакциялардың өте сирек жағдайлары бұрыннан бар қауіп факторларына қарамастан кейбір жағдайларда тіркелген. ** Аорта аневризмасы мен ажырауының жағдайлары, кейде үзілумен асқынған (соның ішінде өлімге әкелетін), сондай-ақ фторхинолондарды қабылдайтын пациенттерде жүрек клапандарының кез келгенінің регургитациясы/жеткіліксіздігі тіркелді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

12 г артық дозаланғанда уыттылықтың жеңіл симптомдары туралы хабарланды. 16 г жедел дозаланғанда жедел бүйрек жеткіліксіздігін туындатты. Артық дозалану симптомдарына мыналар жатады: ұйқышылдық, тремор, бас ауыруы, шаршау, құрысулар, елестеулер, сананың шатасуы, іштегі жайсыздық, бүйрек пен бауыр функциясының бұзылуы, сондай-ақ кристаллурия мен гематурия. Бүйректің қайтымды уыттылығы туралы хабарланды. Асқазанды босату және кейіннен белсендірілген көмірді енгізу сияқты әдеттегі шұғыл шаралардан басқа, несептің рН анықтауды қоса, бүйректің функциясын бақылау және қажет болған жағдайда кристаллурияны болдырмау үшін оның қышқылдануы ұсынылады. Сұйықтықты жеткілікті мөлшерде тұтынуды қамтамасыз ету қажет. Құрамында кальций немесе магний бар антацидтер теориялық тұрғыдан артық дозаланған жағдайда ципрофлоксациннің сіңірілуін төмендетуі мүмкін. Ципрофлоксациннің аз ғана мөлшері (<10%) гемодиализ немесе перитонеальді диализ көмегімен шығарылады. Артық дозаланған жағдайда симптоматикалық емдеуді бастау керек. QT аралығын ұзарту мүмкіндігіне байланысты ЭКГ-мониторинг жүргізу қажет.

Ципрофлоксацинді анамнезінде хинолондарды немесе құрамында фторхинолон бар дәрілік заттарды қолдануға күрделі жағымсыз реакциялары бар пациенттерде қолданудан аулақ болу керек («Қолдануға болмайтын жағдайлар» бөлімін қараңыз). Бұл пациенттерді ципрофлоксацинмен емдеуді емдеудің баламалы нұсқалары болмаған жағдайда және қауіп мен пайданы мұқият бағалау жүргізілген жағдайда ғана бастау керек. Грамоң және анаэробты қоздырғыштардан туындаған ауыр инфекциялар мен аралас инфекциялар. Ципрофлоксацинмен монотерапия күрделі инфекциялар мен грамоң немесе анаэробты қоздырғыштардан туындауы мүмкін инфекцияларды емдеуге жарамайды. Мұндай жағдайларда ципрофлоксацинді басқа тиісті бактерияға қарсы заттармен біріктіру қажет. Стрептококк инфекциясы (Streptococcus pneumoniae қоса) Тиімділіктің жеткіліксіздігіне байланысты ципрофлоксацин стрептококк инфекцияларын емдеу үшін ұсынылмайды. Жыныс жолдарының инфекциясы Гонореялық уретрит, цервицит, эпидидимоорхит және кіші жамбас ағзаларының қабыну аурулары (КЖАҚА) фторхинолонға төзімді Neisseria gonorrhoeae штамдарынан туындауы мүмкін. Осылайша, ципрофлоксацинді гонококкты уретритті немесе цервицитті емдеу үшін Neisseria gonorrhoeae ципрофлоксацинге төзімділігін жоққа шығаруға болатын жағдайда ғана пайдалану керек. Эпидидимоорхит және кіші жамбас ағзаларының қабыну аурулары кезінде, тек Neisseria gonorrhoeae ципрофлоксацинге төзімділігін жоққа шығаруға болатын жағдайларды қоспағанда ципрофлоксацинді басқа қолайлы антибиотикпен (мысалы, цефалоспоринмен) эмпирикалық түрде қарастыру керек. Егер емдеудің 3 күнінен кейін клиникалық жақсаруға қол жеткізілмесе, емде қайта қарау керек. Несеп шығару жолдарының инфекциясы Escherichia coli фторхинолондарға төзімділігі — несеп шығару жолдарының инфекциясын едәуір жиі тудыратын қоздырғыш, - Еуропалық Одақтың әртүрлі елдерінде ауытқиды. Препаратты тағайындайтын дәрігерлерге Escherichia coli фторхинолонға резистенттіліктің жергілікті таралуын ескеру ұсынылады. Менопаузаға дейінгі әйелдерде асқынбаған цистит кезінде пайдалануға болатын ципрофлоксациннің бір реттік дозасы ұзақ емдеу курстарына қарағанда тиімділігі төмен болады деп күтілуде. Бұл әсіресе Escherichia coli хинолондарға төзімділігінің артуын ескере отырып өте маңызды. Құрсақішілік инфекциялар Операциядан кейінгі құрсақішілік инфекцияларды емдеудің тиімділігі туралы деректер шектеулі. Саяхатшының диареясы Ципрофлоксацинді таңдағанда, тиісті қоздырғыштары бар елдердегі ципрофлоксацинге резистенттілік туралы ақпаратты ескеру қажет. Сүйек пен буын инфекциясы Микробиологиялық зерттеу нәтижелеріне байланысты ципрофлоксацинді басқа микробқа қарсы дәрілермен бірге тағайындау керек. Ингаляциялық сібір жарасы Адамдарда қолдану жөніндегі ұсынымдар негізінен in vitro сезімталдық сынақтарының нәтижелеріне және жануарлардағы деректерге, сондай-ақ адамдар туралы шектеулі деректерге негізделген. Емдеу сібір жарасын емдеуге қатысты тиісті ұлттық және/немесе халықаралық ұсыныстарды ескеруі тиіс. Балалар мен жасөспірімдер Ципрофлоксацинді тағайындау кезінде балалар мен жасөспірімдер ресми ұсынымдарды ескеруі керек. Ципрофлоксацинмен емдеуді балалар мен жасөспірімдерде муковисцидозды және/немесе күрделі инфекцияларды емдеуде тәжірибесі бар дәрігер ғана бастауы тиіс. Жануарларға жүргізілген тәжірибелер ципрофлоксациннің жас жануарлардың тірек буындарында артропатия тудыратынын көрсетті. Балалардағы (ципрофлоксацин: n = 335, орташа жас = 6,3 жас; бақылау тобы: n = 349, орташа жас = 6,2 жас; жас диапазоны = 1-ден 17 жасқа дейін) ципрофлоксациннің рандомизацияланған салыстырмалы жасырын клиникалық зерттеуінің қауіпсіздігі туралы деректер дәрілік артропатияға (клиникалық бірлескен қорытынды деректері бойынша) күдікпен күніне 7,2% және 4,6% +42 алынды. Бақылау бір жыл ішінде дәрілік заттардан туындаған артропатияның даму жиілігін 9,0% және 5,7% анықтады. Уақыт өте келе артропатияға күдік жағдайларының жиілігінің артуы екі топ арасында статистикалық елеулі болмады. Буындарға және/немесе буындарды қоршап тұрған тіндерге жағымсыз әсер етуі мүмкін болғандықтан, ципрофлоксацинді пайда мен қауіпті мұқият бағалағаннан кейін ғана қолдану керек. Муковисцидоз кезіндегі бронх өкпе инфекциялары Клиникалық зерттеулерге 5-тен 17 жас аралығындағы балалар мен жасөспірімдер қатысты. 1-ден 5 жасқа дейінгі балаларды емдеу тәжірибесі шектеулі. Несеп шығару жолдарының асқынған инфекциясы және пиелонефрит Несеп шығару жолдарының инфекцияларын ципрофлоксацинмен емдеу басқа емдеу әдістері мүмкін болмаған кезде және микробиологиялық зерттеулердің нәтижелері бойынша қарастырылуы керек. Клиникалық зерттеулерге 1-ден 17 жас аралығындағы балалар мен жасөспірімдер қатысты. Басқа спецификалық күрделі инфекциялар Ресми ұсынымдарға сәйкес немесе басқа емдеу мүмкін болмаған немесе дәстүрлі емдеу тиімсіз болған кезде пайда мен қауіпті мұқият бағалағаннан кейін басқа күрделі инфекциялар, сондай-ақ микробиологиялық зерттеулердің нәтижелері негізінде ципрофлоксацинді негізделген қолдану. Ципрофлоксацинді жоғарыда айтылғандардан басқа белгілі бір күрделі инфекциялар кезінде қолдану клиникалық зерттеулерде зерттелмеген және клиникалық тәжірибе шектеулі. Сондықтан осы инфекциялардан зардап шегетін пациенттерді емдеуде сақ болу керек. Аса жоғары сезімталдық Аса жоғары сезімталдық және анафилаксиялық және анафилактоидты реакцияларды қоса, аллергиялық реакциялар бір реттік қабылдаудан кейін пайда болуы мүмкін («Қолдануға болмайтын жағдайлар» бөлімін қараңыз) және өмірге қауіп төндіруі мүмкін. Мұндай жағдайларда ципрофлоксацинді қолдануды тоқтатып, тиісті емдеуді тағайындау керек. Сондай-ақ, аса жоғары сезімталдық реакциясының (Кунис синдромы) бөлігі ретінде миокард инфарктісімен немесе онсыз жедел миокард ишемиясының жағдайлары туралы хабарланды. Кунис синдромы дамыған жағдайда, ципрофлоксацинмен емдеу кезінде Цифран ОД препаратын қабылдауды дереу тоқтату керек. Тұрақты, өмір сапасын нашарлататын және потенциалды қайтымсыз күрделі жағымсыз әсерлер. Өте сирек жағдайларда хинолондар мен фторхинолондар қабылдаған пациенттерде жасына және қолда бар қауіп факторларына қарамастан организмнің әртүрлі (кейде көптеген) жүйелеріне (сүйке-бұлшықет, жүйке, психикалық және сезім мүшелері) әсер ететін тұрақты (айлар немесе жылдар), өмір сүру сапасын нашарлататын және потенциалды қайтымсыз күрделі жағымсыз реакциялар туралы хабарланды. Ципрофлоксацинді күрделі жағымсыз реакцияның алғашқы белгілері немесе симптомдары кезінде дереу тоқтату керек, ал пациенттерге емдеуші дәрігермен кеңесу керек. Тендинит және сіңірдің үзілуі Ципрофлоксацинді, әдетте, хинолондармен емдеуге байланысты сіңір аурулары/бұзылыстарының оң анамнезі бар пациенттерде қолданбаған жөн. Дегенмен, қоздырғышты микробиологиялық нақтылаудан және өте сирек жағдайларда қауіп пен пайданы мұқият бағалаудан кейін ципрофлоксацин бұл пациенттерге кейбір күрделі инфекцияларды емдеу үшін тағайындалуы мүмкін, әсіресе стандартты емнің тиімсіздігінен немесе микробиологиялық деректер ципрофлоксацинді пайдалану қажеттілігін растайтын бактериялық резистенттіліктің болуынан кейін. Тендинит және сіңірдің үзілуі (әсіресе ахилл сіңірі, басқалармен қатар) кейде екі жақты, хинолондар мен фторхинолондармен емдеуді бастағаннан кейінгі алғашқы 48 сағатта, сондай-ақ хабарланғандай емдеуді тоқтатқаннан кейін бірнеше айдан кейін пайда болуы мүмкін. Егде жастағы пациенттерде, бүйрек жеткіліксіздігі бар пациенттерде, қатты ағзаларды трансплантациялаған пациенттерде және кортикостероидтарды бір уақытта қабылдайтын пациенттерде тендинит пен сіңірдің жыртылу қаупі артады. Сондықтан кортикостероидтарды бір мезгілде қолданудан аулақ болу керек. Тендиниттің алғашқы белгілерінде (мысалы, ауырсынатын домбығу, қабыну) ципрофлоксацинмен емдеуді тоқтатып, баламалы емдеуді қарастыру керек. Зақымданған аяқ-қолдарды тиісті түрде (мысалы, иммобилизация) емдеу керек. Тендинопатия белгілері болған кезде кортикостероидтарды пайдаланбаған. Грависі миастениясымен ауыратын науқастар Ципрофлоксацинді гравис миастениясы бар пациенттерде сақтықпен қолдану керек, себебі симптомдар нашарлауы мүмкін. Аорта аневризмасы және аорта ажырауы, сондай-ақ жүрек клапанының регургитациясы/жеткіліксіздігі Эпидемиологиялық зерттеулер аорта аневризмасы мен оның ажырауының, әсіресе егде жастағы пациенттерде, фторхинолондарды қолданғаннан кейін аорта мен митральды клапанның регургитациясының жоғарылау қаупі туралы хабарлады. Аорта аневризмасы мен ажырауы, кейде жыртылуымен (соның ішінде өліммен аяқталатын), сондай-ақ фторхинолондар қабылдайтын пациенттерде жүрек клапандарының бірінің регургитациясы/жеткіліксіздігі жағдайлары туралы хабарланды. Осылайша, фторхинолондарды аневризманың оң отбасылық анамнезі немесе туа біткен жүрек клапанының ақаулары бар пациенттерде немесе диагностикаланған аорта аневризмасы және/немесе аорта ажырауы диагностикаланған пациенттерде немесе жүрек клапанының диагностикаланған ақауы немесе басқа қауіп факторларының немесе бейімділік факторларының болуы бар пациенттерде пайдасы мен қаупін мұқият бағалағаннан кейін және басқа емдік нұсқаларды қарастырғаннан кейін ғана қолдану керек. • аорта аневризмасында да, аорта ажырауында да, жүрек клапанының регургитациясында/жеткіліксіздігінде де (мысалы, марфан синдромы немесе Элерс-Данлос синдромы, Тернер синдромы, Бехчет ауруы, гипертония, ревматоидты артрит сияқты дәнекер тінінің аурулары) немесе қосымша • аорта аневризмасы мен аорта ажырауы кезінде (мысалы, Такаясу артеритті немесе алып жасушалы артериит немесе белгілі атеросклероз немесе Шегрен синдромы сияқты қантамыр аурулары) немесе қосымша • жүрек клапанының регургитациясы/жеткіліксіздігі кезінде (мысалы, инфекциялық эндокардит) Жүйелік кортикостероидтарды бір мезгілде қабылдайтын пациенттерде аорта аневризмасы, аортаның ажырауы және жыртылу қаупі жоғарылауы мүмкін. Егер іште, кеудеде немесе арқада кенеттен ауыру пайда болса, пациенттерге жедел жәрдем бөлімшесіне жедел медициналық көмекке жүгіну туралы нұсқау беру керек. Пациенттер ентігу, жаңа жүрек соғысы немесе іштің немесе аяқтың ісінуі пайда болған жағдайда дереу дәрігерге қаралуы керек. Көрудің бұзылуы Көру қабілеті нашарлаған немесе көзге қандай да бір әсер пайда болған кезде, дереу офтальмологқа жүгіну керек. Фотосенсибилизация Ципрофлоксацин фотосенсибилизацияны тудыратыны көрсетілген. Сондықтан ципрофлоксацин қабылдаған пациенттерге емдеу кезінде күн сәулесінің немесе ультракүлгін сәулеленудің ұзақ уақыт әсер етуінен аулақ болуды ұсыну керек. Құрысулар Ципрофлоксацин, басқа хинолондар сияқты, құрысуларды тудыратыны немесе құрысу шегін төмендететіні белгілі. Эпилепсиялық статус жағдайлары туралы хабарланды. Сондықтан ципрофлоксацинді ұстамаларға бейім орталық жүйке жүйесі бұзылған пациенттерде сақтықпен қолдану керек. Құрысулар пайда болған жағдайда ципрофлоксацинді қабылдауды дереу тоқтату керек. Шеткері нейропатия Хинолондар немесе фторхинолондар қабылдайтын пациенттерде парестезияға, гипестезияға, дизестезияға немесе әлсіздікке әкелетін сенсорлық немесе сенсомоторлы полинейропатия жағдайлары туралы хабарланды. Ципрофлоксацин қабылдаған пациенттерге потенциалды қайтымсыз жағдайдың дамуының алдын алу үшін ауыру, күйдіріп-ашу, шаншу, ұйып қалу немесе әлсіздік сияқты нейропатия симптомдарының пайда болуы туралы емдеуді жалғастырғанға дейін дәрігерге хабарлау ұсынылады. Психикалық реакциялар Психикалық реакциялар ципрофлоксацинді бірінші рет қолданғаннан кейін пайда болуы мүмкін. Сирек жағдайларда депрессия немесе психоз суицидтік ойларға дейін үдеуі мүмкін, бұл өзіне-өзі қол жұмсау әрекетімен немесе аяқталған суицидпен аяқталады. Депрессия, психоздық реакциялар, өзіне-өзі қол жұмсаумен байланысты ойлар немесе мінез-құлық пайда болған кезде, ципрофлоксацинді қабылдауды тоқтату керек. Жүрек-қантамыр аурулары QT аралығының ұзаруының белгілі қауіп факторлары бар пациенттерде ципрофлоксацинді қоса, фторхинолондарды қолданғанда сақ болу керек, төмендегідей: • QT аралығының туа біткен ұзару синдромы • QT аралығын ұзартатыны белгілі препараттарды бір мезгілде қабылдау (мысалы, ІА және III класты аритмияға қарсы дәрілер, үшциклді антидепрессанттар, макролидтер, нейролептиктер) • түзетілмеген электролиттік теңгерімсіздік (мысалы, гипокалиемия, гипомагниемия) • Жүрек аурулары (мысалы, жүрек жеткіліксіздігі, миокард инфарктісі, брадикардия) Егде жастағы пациенттер мен әйелдер QT аралығын ұзартатын препараттарға сезімтал болуы мүмкін. Сондықтан халықтың осы тобында ципрофлоксацинді қоса, фторхинолондарды пайдаланғанда сақ болу керек. Дисгликемия Басқа фторхинолондар сияқты, ципрофлоксацинді қолданған кезде гипо- және гипергликемияны қоса, қандағы глюкоза концентрациясының өзгеруі мүмкін. Ципрофлоксацинмен емдеу аясында дисгликемия гипогликемиялық пероральді препараттармен (мысалы, сульфонилмочевина препараттарымен) немесе инсулинмен қатарлас ем қабылдайтын егде жастағы пациенттерде және қант диабеті бар пациенттерде жиірек пайда болуы мүмкін. Гипогликемиялық кома жағдайлары туралы хабарланды. Диабет бар пациенттерге қандағы глюкоза деңгейін мұқият мониторингілеу ұсынылады. Асқазан-ішек жолы Емдеу кезінде немесе одан кейін ауыр және тұрақты диареяның пайда болуы (оның ішінде емдеуден кейін бірнеше аптадан кейін) дереу емдеуді қажет ететін антибиотик астасқан колитті (өмірге қауіп төндіруі мүмкін және өлімге әкелетін) көрсетуі мүмкін. Мұндай жағдайларда ципрофлоксацинді қолдануды дереу тоқтатып, тиісті емді бастау керек. Перистальтиканы бәсеңдететін препараттарды бұл жағдайда қолдануға болмайды. Бүйрек және несеп шығару жолдары Ципрофлоксацинді қолданумен байланысты кристаллурия туралы хабарланды. Ципрофлоксацин қабылдаған пациентте жеткілікті мөлшерде сұйықтық алып, несептің шамадан тыс сілтілігінен аулақ болу керек. Бүйрек функциясының бұзылуы Ципрофлоксацин негізінен бүйрек арқылы өзгермеген күйде шығарылатындықтан, ципрофлоксациннің жинақталуына байланысты жағымсыз реакциялар жиілігінің жоғарылауын болдырмау үшін бүйрек функциясы бұзылған пациенттерде дозаны түзету керек. Гепатобилиарлы жүйе Ципрофлоксацинді қолдану кезінде бауыр некрозы және өмірге қауіп төндіретін бауыр жеткіліксіздігі жағдайлары тіркелді. Бауыр ауруының белгілері мен симптомдары пайда болған кезде (тәбеттің жоғалуы, сарғаю, несептің қараюы, іштің қышынуы немесе ауыруы) емдеуді тоқтату керек. Глюкоза 6-фосфатдегидрогеназа тапшылығы Ципрофлоксацинмен емдеу кезінде гемолиздік реакциялар глюкоза 6-фосфатдегидрогеназа тапшылығы бар пациенттерде тіркелді. Потенциалды пайдасы қауіптен жоғары жағдайларды қоспағанда, бұл пациенттерде ципрофлоксацинді қолданудан аулақ болу керек. Мұндай жағдайларда гемолиздің потенциалды пайда болуын бақылау керек. Резистенттілік Ципрофлоксацинмен емдеу кезінде немесе одан кейін ципрофлоксацинге резистентті қоздырғыштар клиникалық айқын асқын инфекция жағдайында да, асқын инфекция болмаған жағдайда да бөлініп алынуы мүмкін. Ципрофлоксацинге төзімді қоздырғыштардың бөлінуінің ерекше қаупі ұзақ емдеу кезеңінде және/немесе ауруханаішілік инфекцияларда және/немесе Staphylococcus және Pseudomonas қоздырғыштарынан туындаған инфекцияларда болады. P450 цитохромы Ципрофлоксацин CYP 1A2 тежейді, сондықтан осы жүйе арқылы метаболизденетін бір мезгілде қабылданатын заттардың (мысалы, теофиллин, клозапин, оланзапин, ропинирол, тизанидин, дулоксетин, агомелатин) сарысудағы концентрациясының жоғарылауына әкелуі мүмкін. Сондықтан ципрофлоксацинмен бір мезгілде осы заттарды қабылдайтын пациенттерді артық дозалану белгілерінің мәніне мұқият бақылау керек және сарысудағы (мысалы, теофиллин) концентрацияны анықтау қажет болуы мүмкін. Ципрофлоксацин мен тизанидинді бірге қолдануға болмайды. Метотрексат Ципрофлоксацин мен метотрексатты бір мезгілде қолдану ұсынылмайды. Зертханалық тесттермен өзара әрекеттесуі Туберкулез микобактерияларына қатысты ципрофлоксациннің in vitro белсенділігі қазіргі уақытта Цифран ОД қабылдап жүрген пациенттердің үлгілерінде жалған теріс бактериологиялық нәтижелерге әкелуі мүмкін. Арнайы сақтандырулар Педиатрияда қолдану - 18 жасқа дейінгі балалар мен жасөспірімдерде қолдануға болмайды Жүктілік Жүкті әйелдерде ципрофлоксацинді қолдану бойынша қолда бар деректер шарана/неонаталдық кезең үшін ципрофлоксациннің даму ақауларының немесе уыттылығының бар екендігін көрсетпейді. Жануарларға жүргізілген зерттеулер репродуктивті уыттылық тұрғысынан тікелей немесе жанама зиянды әсерлерді анықтаған жоқ. Хинолонның жетілмеген шеміршекке әсері жас және туылмаған жануарларда байқалды. Сондықтан дәрілік зат баланың немесе жасөспірім организмінің/ұрықтың буын шеміршегін зақымдауы мүмкін екенін жоққа шығаруға болмайды. Сақтық шарасы ретінде жүктілік кезінде ципрофлоксацинді қолданудан аулақ болу керек. Лактация Ципрофлоксацин емшек сүтіне енеді. Буындардың зақымдану қаупіне байланысты ципрофлоксацинді бала емізу кезінде қабылдамаған жөн. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Неврологиялық әсеріне байланысты ципрофлоксацин реакция уақытына әсер етуі мүмкін. Осылайша, автомобильді немесе механизмдерді басқару қабілеті бұзылуы мүмкін.

Нұсқаулықта көрсетілмеген.

QT аралығының ұзаруын туындататын дәрілік препараттар Ципрофлоксацинді басқа фторхинолондар сияқты бір мезгілде қолданғанда QT аралығының ұзаруын (мысалы, ІА немесе ІІІ класының аритмияға қарсы препараттар, үшциклді антидепрессанттар, макролидтер, нейролептиктер) тудыратын дәрілік препараттарды қабылдайтын пациенттерге сақ болу керек. Хелатты қосылыстардың түзілуі Ципрофлоксациннің және құрамында катион бар препараттардың, құрамында кальций, магний, алюминий, темір, сукральфат, антацидтер, полимерлі фосфатты қосылыстар (севеламер, лантан карбонаты сияқты)және құрамында магний, алюминий немесе кальций бар үлкеніріл буферлік сыйымдылығы бар (диданозин таблеткалары сияқты) препараттардың таблеткаланған түрлерін бір мезгілде қабылдау ципрофлоксациннің сіңірілуін төмендетеді. Мұндай жағдайларда ципрофлоксацинді осы препараттарды қабылдаудан 1-2 сағат бұрын немесе 4 сағаттан кейін қабылдау керек. Бұл шектеу H2-гистаминдік рецепторлардың блокаторлары класына жататын дәрілік препараттарға жатпайды. Тамақтану және сүт өнімдері Тамақтану құрамындағы кальций ципрофлоксациннің (ішке қабылдаған кезде) сіңірілуіне елеусіз әсер етеді. Сондықтан ципрофлоксацин таблеткаларын құрамында сүт өнімдері немесе минералдармен байытылған сусындар бар тағам кезінде қабылдауға болады. Алайда, ципрофлоксацин таблеткаларын сүт өнімдерімен немесе минералдармен байытылған сусындармен (мысалы, сүт, йогурт, кальциймен байытылған апельсин шырыны) бір мезгілде қабылдау, бұл тағамдар немесе сусындар тағамнан бөлек қабылданса, ципрофлоксациннің сіңірілуін төмендетуі мүмкін. Сондықтан ципрофлоксацин таблеткалары бар тағамнан бөлек сүт өнімдерін немесе минералдармен байытылған сусындарды бір мезгілде қабылдаудан аулақ болу керек, ципрофлоксацин таблеткаларын құрамында кальций бар препараттар үшін ұсынылатындай сүт өнімдерін немесе минералды байытылған сусындарды қабылдаудан бөлек қабылдаудан 1-2 сағат бұрын немесе кем дегенде 4 сағаттан кейін қабылдау керек. Омепразол Ципрофлоксацинді және құрамында омепразол бар препараттарды бірге қолданғанда препараттың плазмадағы ең жоғары концентрациясының елеусіз төмендеуі және "концентрация-уақыт" фармакокинетикалық қисығы астындағы ауданның азаюы байқалуы мүмкін. Теофиллин Ципрофлоксацинді және құрамында теофиллин бар препараттарды бір мезгілде қолдану қан плазмасындағы теофиллин концентрациясының қажетсіз жоғарылауын және сәйкесінше теофиллин-индукцияланған жағымсыз құбылыстардың пайда болуын туындатуы мүмкін; өте сирек жағдайларда бұл жағымсыз құбылыстар пациенттің өміріне қауіп төндіруі мүмкін. Егер осы екі препаратты бір мезгілде қолдану сөзсіз болса, онда қан плазмасындағы теофиллин концентрациясын тұрақты бақылау және қажет болған жағдайда теофиллин дозасын төмендету ұсынылады. Ксантиннің басқа туындылары Ципрофлоксацин мен кофеинді немесе пентоксифиллинді (окспентифиллин) бір мезгілде қолдану қан сарысуындағы ксантин туындыларының концентрациясының жоғарылауына әкелуі мүмкін. Қабынуға қарсы стероидты емес препараттар Хинолондардың (ДНҚ-гираза тежегіштері) және кейбір қабынуға қарсы стероидты емес препараттардың (ацетилсалицил қышқылын қоспағанда) өте жоғары дозаларының үйлесуі құрысуларды тудыруы мүмкін. Циклоспорин Ципрофлоксацинді және құрамында циклоспорин бар препараттарды бір мезгілде қолданғанда қан плазмасындағы креатинин концентрациясының қысқа мерзімді өтпелі жоғарылауы байқалды. Мұндай жағдайларда аптасына екі рет қандағы креатинин концентрациясын анықтау қажет. Пероральді гипогликемиялық дәрілер Ципрофлоксацин мен пероральді гипогликемиялық дәрілерді, негізінен сульфанилмочевина препараттарын (мысалы, глибенкламид, глимепирид) бір мезгілде қолданғанда гипогликемияның дамуы пероральді гипогликемиялық дәрілердің әсерінің күшеюіне байланысты. Пробенецид Пробенецид ципрофлоксациннің бүйрек арқылы шығарылу жылдамдығын баяулатады. Ципрофлоксацин мен құрамында пробенецид бар препараттарды бір мезгілде қолдану қан плазмасындағы ципрофлоксацин концентрациясының жоғарылауына әкеледі. Метоклопрамид Метоклопрамид ципрофлоксациннің сіңірілуін тездетеді (ішке қабылдағанда), бұл қан плазмасындағы ең жоғары концентрацияға жету уақытын қысқартады. Ципрофлоксациннің биожетімділігіне ешқандай әсер байқалмады. Фенитоин Ципрофлоксацин мен фенитоинді бір мезгілде қолданғанда қан плазмасындағы фенитоин мөлшерінің өзгеруі (жоғарылауы немесе төмендеуі) байқалды. Концентрациясының төмендеуіне байланысты фенитоиннің құрысуға қарсы әсерінің әлсіреуін болдырмау үшін, сондай-ақ ципрофлоксацинді қабылдауды тоқтатқан кезде фенитоиннің артық дозалануына байланысты жағымсыз құбылыстардың алдын алу үшін ципрофлоксацинді қабылдауды тоқтатқан кезде екі препаратты да қабылдайтын пациенттерде фенитоинмен емді бақылауды, соның ішінде екі препаратты бір мезгілде қолданудың бүкіл кезеңінде және біріктірілген ем аяқталғаннан кейін қысқа уақыт ішінде қан плазмасындағы фенитоин мөлшерін анықтауды жүзеге асыру ұсынылады. Метотрексат Метотрексаттың бүйрек өзекшелері арқылы тасымалдануы ципрофлоксацинді бір мезгілде қолдану кезінде бәсеңдеуі мүмкін, бұл қан плазмасындағы метотрексат деңгейінің жоғарылауына және метотрексатпен байланысты уытты реакциялар қаупінің жоғарылауына потенциалды әкеледі. Бір мезгілде қолдану ұсынылмайды. Тизанидин Тизанидинді ципрофлоксацинмен бірге тағайындауға болмайды. Дені сау еріктілердің қатысуымен жүргізілген клиникалық зерттеу нәтижесінде ципрофлоксацин мен құрамында тизанидин бар препараттарды бір мезгілде қолданғанда қан сарысуындағы тизанидин концентрациясының жоғарылауы анықталды: ең жоғары концентрацияның (Сmax) 7 есе (4-тен 21 есеге дейін) артуы, AUC көрсеткішінің 10 есе (6-дан 24 есеге дейін) ("концентрация-уақыт" фармакокинетикалық қисығының астындағы аудан) артуы. Қан сарысуындағы тизанидин концентрациясының жоғарылауы гипотензиялық және седативті әсердің күшеюімен байланысты. Дулоксетин Клиникалық зерттеулерді жүргізу барысында дулоксетин мен CYP450 1A2 изоферментінің күшті тежегіштерін (флувоксамин сияқты) бір мезгілде қолдану AUC жоғарылауына және дулоксетин Сmax әкелуі мүмкін екендігі көрсетілді. Ципрофлоксацинмен ықтимал өзара әрекеттесу туралы клиникалық деректердің болмауына қарамастан, ципрофлоксацин мен дулоксетинді бір мезгілде қолданғанда мұндай өзара әрекеттесу ықтималдығын болжауға болады. Ропинирол CYP450 1A2 изоферментінің орташа тежегіші ропинирол мен ципрофлоксацинді бір мезгілде қолдану Сmах пен ропиниролдың AUC сәйкесінше 60 және 84% - ға артуына әкеледі. Ропиниролды ципрофлоксацинмен бірге қолдану кезінде және біріктірілген ем аяқталғаннан кейін қысқа уақыт ішінде оның жағымсыз әсерлерін бақылау керек. Лидокаин Дені сау еріктілерге жүргізілген зерттеуде құрамында лидокаин бар препараттарды және CYP450 1A2 изоферментінің орташа тежегіші ципрофлоксацинді бір мезгілде қолдану оны вена ішіне енгізгенде лидокаин клиренсінің 22% төмендеуіне әкелетіні анықталды. Ципрофлоксацинмен бір мезгілде қолданғанда лидокаиннің жақсы жағушылығына қарамастан, өзара әрекеттесу салдарынан жағымсыз әсерлердің күшеюі мүмкін. Клозапин 7 күн ішінде 250 мг дозада клозапин мен ципрофлоксацинді бір мезгілде қолданғанда клозапин мен N-десметилклозапиннің сарысу концентрациясының тиісінше 29% және 31% артуы байқалды. Пациенттің жағдайын бақылау керек және қажет болған жағдайда клозапинді ципрофлоксацинмен бірге қолдану кезінде және біріктірілген ем аяқталғаннан кейін қысқа уақыт ішінде дозалау режимін түзету қажет. Силденафил Дені сау еріктілерде 500 мг дозада ципрофлоксацинді және 50 мг дозада силденафилді бір мезгілде қолданғанда Сmах және AUC силденафилдің 2 есе артуы байқалды. Сондықтан ципрофлоксацинді силденафилмен бір мезгілде тағайындағанда, қауіптер мен пайданы ескере отырып, сақ болу керек. К дәруменінің антагонистері Ципрофлоксацин мен К дәруменінің антагонистерін (мысалы, варфарин, аценокумарол, фенпрокумон, флуиндон) бірге қолдану олардың антикоагулянттық әсерінің күшеюіне әкелуі мүмкін. Бұл әсердің шамасы қатарлас инфекцияларға, пациенттің жасына және жалпы жағдайына байланысты өзгеруі мүмкін, сондықтан ципрофлоксациннің ХҚҚ (халықаралық қалыптасқан қатынас) жоғарылауына әсерін бағалау қиын. Ципрофлоксацин мен К дәруменінің антагонистерін бірлесіп қолдану кезінде, сондай-ақ біріктірілген ем аяқталғаннан кейін қысқа уақыт ішінде ХҚҚ жиі бақылау керек. Агомелатин Клиникалық зерттеулерде флувоксамин CYP450 1A2 изоферментінің күшті тежегіші бола отырып, агомелатин метаболизмін айтарлықтай тежейтіні көрсетілді, бұл агомелатин экспозициясының 60 есе артуына әкеледі. Ципрофлоксацинмен, CYP450 1A2 орташа тежегішімен ықтимал өзара әрекеттесу туралы клиникалық деректер болмаса да, ұқсас әсерлерді агомелатинмен және ципрофлоксацинмен бір мезгілде қолдану кезінде күтуге болады. Золпидем Ципрофлоксацинді бір мезгілде қабылдау қандағы золпидем деңгейін жоғарылатуы мүмкін, бір мезгілде қолдану ұсынылмайды.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ жерде 25 °C-ден аспайтын температурада сақтау керек. Балалардың қолы жетпейтін жерде сақтау керек!