Эврисди® порошок 0.75 мг/мл

Бір құтының ішінде белсенді зат – 60 мг рисдиплам, қосымша заттар: маннитол, изомальт, құлпынай хош иістендіргіші, шарап қышқылы, натрий бензоаты, макрогол/полиэтиленгликоль 6000, сукралоза, аскорбин қышқылы, динатрий эдетаты дигидраты. Сыртқы түрінің, иісінің, дәмінің сипаттамасы Ашық сарыдан сұрғылт немесе жасылдау реңді сары немесе сарғыш реңді ашық жасыл түске дейінгі ұнтақ немесе түйіршіктері бар ұнтақ немесе түйіртпектелген ұнтақ. Қалпына келтірілген ерітінді: жасылдау-сарыдан сары түске дейінгі мөлдір ерітінді.

Эврисди® препараты жұлын бұлшықетінің атрофиясын емдеуге көрсетілген.

Әсер ету механизмі Рисдиплам SMN ақуызының жеткіліксіздігіне әкелетін 5q хромосомасындағы SMN1 генінің мутациясы себеп болатын жұлын бұлшықетінің атрофиясын (ЖБА) емдеу үшін жасалған ген - 2 қозғалыс нейрондарының тіршілік қабілеті (SMN2) генінің матрицалық рибонуклеин қышқылының ізашары (мРНҚ ізашары) - сплайсинг модификаторы түрінде болады. SMN функционалдық ауызының жеткіліксіздігі ЖБА патофизиологиялық даму механизмі болып табылады, ол қозғалыс нейрондарының үдемелі зақымдануын және бұлшықет әлсіздігін қамтиды. Рисдиплам SMN2 сплайсингін түзетеді, 7 экзонды жоққа шығарудан м-РНҚ транскриптісіне 7 экзонды қосуға дейін теңгерімін жылжыта отырып, SMN функционалдық және тұрақты ақуызы өнімінің көбеюіне әкеледі. Осылайша, рисдиплам SMN функционалдық ақуызы деңгейлерінің артуына және сақталуына ықпал етеді. Фармакодинамикалық әсерлері FIREFISH (зерттеуге қосылған сәтте 2-7 айлық жастағы пациенттер), SUNFISH (қосылған сәтте 2-25 жас аралығындағы пациенттер) және JEWELFISH зерттеулерінде (қосылған сәтте 1-60 жас аралығындағы пациенттер) ерте манифестацияланатын ЖБА және кешірек манифестацияланатын ЖБА бар пациенттерде рисдиплам қолдану, ЖБА типтерінің бәрін емдеуден кейін 4 апта ішіндегі бастапқы мәнімен салыстырғанда, SMN ақуызының медианалық деңгейінің 2 еседен көп артуына алып келді. Жоғарылауы бүкіл емдеу кезеңі бойына (24 айдан кем емес) сақталды. Кардиоэлектрофизиологиясы Рисдипламның QTc аралығына әсері дені сау 47 ересек субъектінің қатысуымен жүргізілген зерттеуде бағаланды. Рисдипламды емдік концентрацияларда қабылдау QTc аралығының ұзаруына алып келмеді. Клиникалық тиімділігі және қауіпсіздігі Сәби жастағы ЖБА манифестациясымен (1 типті ЖБА) пациенттерді және кешірек ЖБА манифестациясымен (2 және 3 типті ЖБА) пациенттерді емдеуге арналған Эврисди препаратының тиімділігі FIREFISH және SUNFISH 2 базалық клиникалық зерттеуінде бағаланды. Симптоматика алдындағы ЖБА түріне шалдыққан пациенттерді емдеу кезіндегі Эврисди тиімділігінің алдын ала деректері ұзаққа созылған клиникалық зерттеудің (RAINBOWFISH) 2-ші фазасының екінші соңғы нүктелерін аралық талдау шеңберінде бағаланды. Клиникалық зерттеулерге 4 типті ЖБА клиникалық диагнозы қойылған пациенттер қатыспады. Сәби жастағы ЖБА манифестациясы BP39056 зерттеуі (FIREFISH) – екі бөлімнен тұратын 1 типті симптоматикалық ЖБА бар пациенттерде Эврисди препаратының тиімділігін, қауіпсіздігін, фармакокинетикасын (ФК) және фармакодинамикасын (ФД) зерттеу мақсатында жүргізілген ашық зерттеу (пациенттердің бәрінде SMN2 генінің 2 көшірмесімен болатын ауру генетикалық тұрғыда расталған). FIREFISH зерттеуінің 1 бөлімі дозаны таңдауға арналған зерттеу бөлігі ретінде әзірленді. FIREFISH зерттеуінің растайтын 2 бөлімінде Эврисди препаратының тиімділігі бағаланды. 1 бөліміндегі пациенттер 2 бөліміне қатыспады. Тиімділігінің шешуші соңғы нүктесі 12 ай емделуден кейінгі Бейли сәбилердің даму шкаласының 3-ші басылымы (Bayley Scales of Infant and Toddler Development, BSID-III), ауқымды моторика шкаласының 22 тармағы бойынша өлшенген кемінде 5 тірексіз отыру қабілеті болды. FIREFISH зерттеуі, 2 бөлім FIREFISH зерттеуінің 2 бөліміне ЖБА 1 типімен 41 пациент қосылды. 1 типті ЖБА клиникалық белгілері мен симптомдары дамитын жас медианасы 1.5 ай болды (диапазон: 1.0 - 3.0 ай), пациенттердің 54%-ы әйел жынысты, 54%-ы еуропалық нәсіл, ал 34%-ы азиялық нәсіл өкілдері болды. Зерттеуге қосылу сәтіндегі жас медианасы 5.3 ай болды (диапазон: 2.2 - 6.9 ай), симптомдар дамуы мен бірінші дозасын қабылдау арасындағы уақыт медианасы 3.4 айға созылды (диапазон: 1.0 - 6.0 ай). Жаңа туған нәрестелердегі нейробұлшықеттік аурулар кезіндегі қозғалыс функцияларын бағалауға арналған Филадельфия балалар ауруханасы өткізген тест (Children’s Hospital of Philadelphia Infant Test of Neuromuscular Disorders, CHOP-INTEND) нәтижелері бойынша бастапқы деңгейдегі медиана 22 балл болды (диапазон: 8.0 - 37.0), ал Хаммерсмит шкаласы, 2 модуль бойынша сәбилерді неврологиялық бағалау нәтижелеріне қарай медиана (Module 2 of the Hammersmith Infant Neurological Examination, HINE-2) 1.0 құрады (диапазон: 0.0 - 5.0). Бастапқы соңғы нүкте 12 ай емделуден кейін кемінде 5 секунд тірексіз отыру қабілеті бар пациенттердің үлесі болды (BSID-III ауқымды моторика шкаласы, 22 тармақ). Эврисди препаратын қабылдаған пациенттердегі шешуші соңғы нүктелер 3 кестеде берілген. 3 кесте. 12 айдағы және 24 айдағы тиімділігінің шешуші нәтижелерінің түйіндемесі (FIREFISH зерттеуі, 2 бөлім) Тиімділігінің соңғы нүктелері — Пациенттер үлесі N=41 (90% СА) 12 ай — 24 ай Қозғалыс дамуын және жалпы дамуын бағалаудың негізгі критерийлері BSID-III: кемінде 5 секунд тірексіз отыру қабілеті — 29.3% (17.8%, 43.1%) p < 0.0001a — 61.0% (46.9%, 73.8%) CHOP-INTEND: 40 балл немесе одан жоғары — 56.1% (42.1%, 69.4%) — 75.6% (62.2%, 86.1%) CHOP-INTEND: бастапқы деңгейден ≥4 балл көтерілуі — 90.2% (79.1%, 96.6%) — 90.2% (79.1%, 96.6%) HINE-2: қозғалыс дамуын бағалау бойынша жауап беру критерийлеріне жеткендерb — 78.0% (64.8%, 88.0%) — 85.4% (73.2%, 93.4%) HINE-2: тірексіз отыру қабілетіc — 24.4% (13.9%, 37.9%) — 53.7% (39.8%, 67.1%) Тіршілік қабілеті және оқиғаларсыз тіршілік қабілеті Оқиғаларсыз тіршілік қабілетіd — 85.4% (73.4%, 92.2%) — 82.9% (70.5%, 90.4%) Тірі — 92.7% (82.2%, 97.1%) — 92.7% (82.2%, 97.1%) Тамақтандыру Ауыз арқылы ас ішу қабілетіe — 82.9% (70.3%, 91.7%) — 85.4% (73.2%, 93.4%) a Р мәні бір жақты нақты биномиальді критерийге негізделген. Нәтижесі 5% шектік шамасымен салыстырылады. b HINE-2 бойынша: тербелу қабілетіне тән ≥2 балл артуы [немесе ең жоғары көрсеткіш] НЕМЕСЕ қозғалыс дамуының негізгі критерийлері бойынша ≥1 балл көтерілуі: басты ұстау, аунау, отыру, еңбектеу, тұру немесе жүру қабілеті ЖӘНЕ осы талдауға жауап ретінде айқындалатын нашарлаумен салыстырғанда, моторлық дамуының негізгі критерийлер санаттарының көп саны бойынша жақсаруы. c Тірексіз отыру қабілеті HINE-2 бағалауы бойынша 24 айда «орнықты отыру қабілетіне» (24%, 10/41) және «аунау (тербелу) қабілетіне» (29%, 12/41) жеткен пациенттерді қамтиды. d Оқиға өкпені тұрақты желдетудің соңғы нүктесіне жету болып саналады (трахеостомия немесе тәулік ішінде ≥16 сағат өкпені инвазиялық емес желдету немесе жедел қайтымды құбылыс болмағанда немесе ол басылған соң >21 күн қатарынан интубациялау). Үш пациент зерттеуге қосылудан кейін алғашқы 3 айда қайтыс болды және 4 пациент 24 айға дейін өкпені тұрақты желдетудің соңғы нүктесіне жетті. Осы 4 пациент бастапқы деңгейден CHOP-INTEND шкаласы бойынша, кем дегенде, 4 балл көтерілуге қол жеткізді. e 24 айда тек пероральді қорек алған пациенттерді (барлығы 29 пациент) және энтеральді қоректенумен біріктірілімде пероральді қорек алған пациенттерді (барлығы 6 пациент) қамтиды. Пациенттердің 44%-ы 24 айда 30 секунд бойы тірексіз отыруға үйренді (BSID-III, 26 тармақ). Пациенттер HINE-2 бойынша бағаланған қосымша қозғалыс дағдыларына жетуді жалғастырды: пациенттердің 80.5%-на аунау мүмкін болды, ал пациенттердің 27%-ы тік тұру қабілетіне жетті (12% - салмақты ұстап, тұру, ал 15% - тірекпен тұру). Емдеуді қабылдамаған сәбилік жастағы ЖБА манифестациясымен пациенттер ешқашан тірексіз отыра алмайды, ал пациенттердің 25%-да ғана 14 айлық жасқа жеткен соң өкпені тұрақты желдетусіз тірі қалу мүмкін болуы күтіледі. 1 сурет. Оқиғасыз тіршілік қабілетінің Каплан-Мейер қисығы (FIREFISH зерттеуі, 1 бөлім және 2 бөлім) + Цензуралау: Зерттеудің 2 бөліміндегі екі пациент цензуралауға ұшырады, пациенттер 24 ай бұрын қаралуға келгендіктен, 1 бөлімдегі бір пациент 3.5 ай өткен соң емдеуді тоқтатудан кейін цензуралауға және өлімге ұшырады 2 сурет. Бастапқы деңгейге қатысты CHOP-INTEND шкаласы бойынша жалпы балл орташа өзгерісі (FIREFISH зерттеуі, 2 бөлім) FIREFISH зерттеуі, 1 бөлім ЖБА 1 типімен пациенттерде Эврисди препаратының тиімділігі FIREFISH зерттеуінің 1 бөлімінен алынған нәтижелермен де расталады. 1 бөлімдегі 21 пациент үшін бастапқы деңгейдегі сипаттамалар 1 типті симптоматикалық ЖБА бар пациенттердегісімен сәйкес болды. Зерттеуге қосылу сәтінде жас медианасы 6.7 ай болды (диапазон: 3.3-6.9 ай); симптомдар манифестациясы мен бірінші дозаны қабылдау арасындағы уақыт медианасы 4.0 айға созылды (диапазон: 2.0 - 5.8 ай). Жалпы жиынтығы, 17 пациент Эврисди препаратының емдік дозасын (2 бөлім үшін таңдалған доза) қабылдады. Пациенттердің 41%-на (7/17) 12 ай емделуден кейін, кем дегенде, 5 секунд тірексіз отыру мүмкін болды (BSID-III, 22 тармақ). Емдік дозасын алған тағы 3 пациентке 24 ай емделуден кейін, кем дегенде, 5 секунд тірексіз отыру мүмкін болды, оның нәтижесінде 10 (59%) пациент моторлық дамудың осы сатысына қол жеткізді. Пациенттердің 90%-ы (19/21) 12 ай емделуден кейін тірі және оқиғаларсыз (тұрақты желдетусіз) болды, әрі 15 айлық немесе одан үлкен жасқа жетті. Пациенттердің 81%-ы (17/21), кем дегенде, 33 ай емделуден кейін тірі және оқиғаларсыз болды, әрі 37 ай және одан үлкен жасқа жетті (медиана 41 ай; диапазон 37-ден 53 айға дейін), 1 суретті қараңыз. Үш пациент емдеу кезінде қайтыс болды, бір пациент емдеуді тоқтатудан кейін 3.5 ай өткен соң көз жұмды. Кешірек ЖБА манифестациясы BP39055 (SUNFISH) зерттеуі – екі бөлімнен тұратын 2-25 жас аралығындағы 2 типті және 3 типті ЖБА бар пациенттердегі Эврисди препаратының тиімділігін, қауіпсіздігін, фармакокинетикасын және фармакодинамикасын зерттеуге арналған көп орталықтық зерттеу. Ізденістік 1 бөлімінде дозаға таңдау жасалады, 2 бөлімі зерттеудің рандомизацияланған салыстырмалы жасырын плацебо-бақыланатын растау бөлімі түрінде болды. Зерттеудің 1 бөлімінің пациенттері 2 бөлімге қатыспады. Бастапқы соңғы нүкте бастапқы деңгейге қатысты 12 айдағы 32-қозғалыс функциясын бағалау шкаласы (Motor Function Measure-32, MFM32) бойынша жалпы индексінің өзгеруі болды. Жалпы MFM32 индексі ЖБА бар пациенттердің ауқымды диапазонында қозғалыс функцияларының кең тынысты өрісін бағалау мүмкіндігін берді. MFM32 бойынша жалпы индексі барынша мүмкін болатын мәндерінің пайыздық қатынасы түрінде (диапазон: 0-100) өрнектеледі, осы орайда, ең жоғары көрсеткіші үздік қозғалыс функциясын білдіреді. SUNFISH зерттеуі, 2 бөлім SUNFISH зерттеуінің 2 бөлімі – өз бетінше қозғалуға қабілетсіз ЖБА 2 типімен (71%) немесе 3 типімен (29%) 180 пациенттің қатысуымен жүргізілген SUNFISH зерттеуінің рандомизацияланған салыстырмалы жасырын плацебо-бақыланатын бөлімі. Пациенттер 2:1 арақатынасында Эврисди препаратын емдік дозада (4.2 бөлімін қараңыз) немесе плацебо қабылдауға рандомизацияланды. Рандомизация жас топтары бойынша стратификацияланды (2-5 жас, 6-11 жас, 12-17 жас және 18-25 жас). Емдеу басталған сәтте пациенттердің жас медианасы 9.0 жасты (2-25 жас) құрады, ЖБА бастапқы симптомдарының дебюті мен бірінші дозаны қабылдау арасындағы уақыт медианасы 102.6 (1-275) айға созылды. Жалпы, зерттеуге қосылған сәтте пациенттердің 30%-ы 2-ден 5 жасқа дейін, 32%-ы 6-дан 11 жасқа дейін, 26%-ы 12-ден 17 жасқа дейін және 12%-ы 18-ден 25 жасқа дейін болды. Зерттеуге қосылған 180 пациенттің 51%-ы әйел жынысты, 67%-ы еуропалық нәсіл және 19%-ы азиялық нәсіл өкілдері болды. Бастапқы деңгейде пациенттердің 67%-да сколиоз (32%-да сколиоздың ауыр түрі) анықталды. Бастапқы деңгейдегі MFM32 орташа индексі - 46.1, қол функциясын бағалаудың жаңартылған модулі (Revised Upper Limb Module, RULM) бойынша индексі - 20.1. Эврисди препараты мен плацебо топтары арасындағы пациенттердің демографиялық сипаттамалары бастапқы деңгейде, сколиозды қоспағанда, жақсы теңестірілген болды (Эврисди препараты тобындағы пациенттердің 63%-ы және плацебо тобындағы пациенттердің 73%-ы). SUNFISH зерттеуінің 2 бөлімінде бастапқы деңгейге қатысты 12 айда MFM32 жалпы индексі өзгерісінің алғашқы талдауы Эврисди препаратымен және плацебомен ем қабылдаған пациенттер арасында клиникалық және статистикалық мәнді айырмашылық барын көріністеді. Бастапқы талдау нәтижелері және шешуші екінші соңғы нүктелер 4 кесте мен 3 және 4 суреттерде ұсынылды. 4 кесте. Емдеудің 12 айындағы кешірек ЖБА манифестациясымен пациенттердегі тиімділік түйіндемесі (SUNFISH зерттеуі, 2 бөлім) Соңғы нүкте — Эврисди (N = 120) — Плацебо (N = 60) Бастапқы соңғы нүкте: MFM321 жалпы индексінің 12 айдағы бастапқы деңгейге қатысты өзгерісі LS орташа мәні (95%, СА) — 1.36 (0.61, 2.11) — -0.19 (-1.22, 0.84) Плацебомен салыстырмалы айырмасы Есептік мәні (95% СА) Р мәні2 — 1.55 (0.30, 2.81) 0.0156 Екінші соңғы нүкте: MFM321 жалпы индексінің 12 айдағы бастапқы деңгейге қатысты 3 немесе одан көп балл өзгерісімен пациенттер үлесі (95% СА) — 38.3% (28.9, 47.6) — 23.7% (12.0, 35.4) Жалпы жауап үшін мүмкіндіктер қатынасы (95% СА) P мәні3,4 түзетумен (түзетусіз) — 2.35 (1.01, 5.44) 0.0469 (0.0469) RULM5 жалпы индексінің 12 айдағы бастапқы деңгейге қатысты өзгерісі LS орташа мәні (95%, СА) — 1.61 (1.00, 2.22) — 0.02 (-0.83, 0.87) Плацебомен салыстырмалы айырмасы, есептік (95% СА) p мәні2,4 түзетумен (түзетусіз) — 1.59 (0.55, 2.62) 0.0469 (0.0028) LS, least squares – ең аз квадраттар • MFM32 үшін болмаған деректер қағидалары негізінде 6 пациент талдаудан шығарылды (Эврисди n=115; плацебо бойынша бақылау n=59). • Деректер бастапқы деңгейдегі жалпы индексімен, емделумен, қаралумен, жас тобымен, қаралуға емделумен, сондай-ақ қаралуға бастапқы деңгейімен қайталанатын өлшеудің аралас моделі көмегімен талдаудан өткізілді. • Деректер бастапқы деңгейдегі жалпы индексімен, емделумен және жас тобымен логистикалық регрессияны пайдаланумен талдаудан өткізілді. • Түзетілген Р мәні иерархиялық тестілеуге енгізілген соңғы нүктелер үшін алынды және иерархияның ағымдағы соңғы нүктеге дейін көтерілу ретімен соңғы нүктелер үшін алынған барлық Р мәндерінің негізінде ерекшеленді. • RULM индексіне тән болмайтын деректер қағидалары негізінде 3 пациент талдаудан шығарылды (Эврисди n=119; плацебо бойынша бақылау n=58). Емнің 12 ай аяқталған соң 117 пациент Эврисди препаратын қабылдауды жалғастырды. Эврисди препаратымен 24 ай бойы ем қабылдаған пациенттерде 24 айдан кейін жасалған талдауда, жалпы алғанда, 12 ай мен 24 ай арасында қозғалыс функциясы жақсаруының сақталуы байқалды. Бастапқы деңгейге қатысты MFM3 индексінің орташа өзгерісі – 1.83 (95% СА: 0.74, 2.92), RULM индексінің өзгерісі – 2.79 (95% СА: 1.94, 3.64). 3 сурет. SUNFISH зерттеуінің 2 бөліміндегі бастапқы деңгейге қатысты 12 ай ішіндегі MFM32 жалпы индексінің орташа мән өзгерісі1 1 MFM32 индексінің бастапқы деңгеймен салыстырмалы өзгерісіне тән ең аз квадраттарының орташа мәндер (LS) айырмасы [95% СА] 4 сурет. SUNFISH зерттеуінің 2 бөліміндегі бастапқы деңгейге қатысты 12 ай ішіндегі RULM жалпы индексінің орташа мән өзгерісі1 1 RULM индексінің бастапқы деңгеймен салыстырмалы өзгерісіне тән ең аз квадраттарының орташа мәндер (LS) айырмасы [95% СА] SUNFISH зерттеуі, 1 бөлім Кешірек ЖБА манифестациясымен пациенттердегі препарат тиімділігі 1 бөлім нәтижелерімен де расталды (дозаны таңдауға арналған SUNFISH зерттеуінің бөлімі). 1 бөлімде 2-25 жас аралығындағы 2 типті және 3 типті ЖБА бар 51 пациент (7 амбулаториялық пациентті қоса) қамтылды. 1 жыл емделуден кейін MFM32 индексінің өлшеуі бойынша қозғалыс функциясының клиникалық мәнді жақсаруы аталды, бастапқы деңгейге қатысты орташа өзгерісі 2.7 балл құрады (95% СА: 1.5, 3.8). Эврисди препаратымен емдеу кезінде MFM32 индексінің жақсаруы 2 жылға дейін сақталды (2.7 баллға орташа өзгеруі [95% СА: 1.2, 4.2]). Басқа ЖБА-модификацияланған препараттармен бұрын ем қабылдаған пациенттерде қолдану (JEWELFISH зерттеуі) BP39054 (JEWELFISH, n=174) зерттеуі – бұрын басқа мақұлданған (нусинерсен n=76, онасемноген абепарвовек n=14) немесе зерттелген ЖБА-модификацияланған препараттармен ем қабылдамаған сәбилік жастағы манифестациясымен және кешірек манифестациясымен ЖБА бар пациенттерде (медианалық жас – 14 жас [диапазон 1-60 жас]) Эврисди препаратының қаупсіздігін, жағымдылығын, ФК және ФД зерттеу мақсатындағы салыстырмалы емес ашық зерттеу. Зерттеуге қосылу сәтінде 2-60 жас аралығындағы 168 пациенттен пациенттердің 83%-да сколиоз болды, ал 63%-да Хаммерсмит функционалдық моторикасының кеңейтілген шкаласы (Hammersmith Functional Motor Scale Expanded, HFMSE) бойынша бағалауға сай индексі <10 балл құрады. MFM-32 жәнее RULM бағалауы бойынша емнің 24 айында жасалған талдау сәтінде 2-60 жас аралығындағы пациенттер қозғалыс функцияларының жалпы тұрақтануын көріністеді (тиісінше, n=137 және n=133). 2 жасқа толмаған пациенттер қозғалыс дағдыларының (басты ұстау, аунау және тірексіз отыру қабілеті) жақсаруын немесе сақталуын көріністеді. Барлық амбулаториялық пациенттер (5-46 жас аралығында, n=15) жүру қабілетін сақтады. Симптоматика алдындағы ЖБА түрі BN40703 (RAINBOWFISH) зерттеуі – генетикалық тестілеу нәтижелері негізінде ЖБА диагнозы қойылған, бірақ ауру симптомдары әлі пайда болмаған, туғаннан бастап 6 аптаға дейінгі жастағы сәбилерде Эврисди тиімділігін, қаупсіздігін, фармакокинетикасы мен фармакодинамикасын (бірінші дозасын алған күні) зерттеу мақсатында ұзаққа созылатын ашық салыстырмалы емес көп орталықтық клиникалық зерттеу. Аралық талдау жасалған сәтте симптоматика алдындағы ЖБА түріне шалдыққан, жалпы жиынтығы, 18 пациент RAINBOWFISH зерттеуіне қосылды. Алдын ала алынған тиімділік нәтижелері Эврисди препаратымен кемінде 12 ай ем қабылдаған, симптоматика алдындағы ЖБА түріне шалдыққан 7 пациентте бағаланды: төрт пациентте SMN2 генінің 2 көшірмесі болды, екі пациентте SMN2 генінің 3 көшірмесі болды, ал бір пациентте SMN2 генінің 4 немесе одан көп көшірмесі болды. 7 пациентте бірінші дозаны алған сәттегі жас медианасы 35 күн болды (диапазон: 16-40 күн), пациенттердің 71%-ы әйел жынысты сәбилер, 100%-ы еуропалық нәсіл өкілдері болды. Емнің 12 айына қарай SMN2 генінің 2 немесе 3 көшірмесі бар алты пациент HINE-2 бағалауы бойынша мынадай қозғалыс дағдыларына қол жеткізді: 6 пациентке отыру мүмкін болды (5 пациент бұрылу/аунауды меңгерді және 1 пациент орнықты отыруды игерді); 4 пациентке тұру мүмкін болды (3 пациент өз бетінше тұруды меңгерді және 1 пациент тірексіз тұруды игерді), 3 пациент өз бетінше жүру мүмкіндігіне ие болды. Пациенттердің бәрі 12 айда тірі болды, өкпенің тұрақты желдетілуін қажет етпеді және пероральді ауқаттана алатын болды.

Препаратты үнемі емдеуші дәрігер ұсынымдарымен қатаң сәйкестікте қабылдаңыз. Күмән пайда болса, дәрігермен кеңесіңіз. Препарат Сізге құтыдағы сұйықтық түрінде берілуі тиіс. Егер Сіз оны құтыдағы ұнтақ түрінде алсаңыз, Эврисди® препаратын қабылдамаңыз және медициналық қызметкерге хабарласыңыз. Дозалау режимі • Жасөспірімдер және ересектер: Эврисди® препаратының тәуліктік дозасы 5 мг (6.6 мл ерітінді) құрайды. • Сәбилер мен балалар: емдеуші дәрігер баланың жасы мен салмағына есептеп, Эврисди® препаратының дұрыс дозасын таңдап алады. Сіз немесе Сіздің балаңыз препаратты дәрігердің тағайындауларына сәйкес қабылдауға тиіссіз. Препарат дозасын дәрігермен келісусіз ауыстырмаңыз. • Эврисди® препаратының ерітіндісін медициналық қызметкер дайындауы тиіс. • Эврисди® препаратын күн сайын шамамен белгілі бір уақытта тәулігіне бір рет ас ішуден кейін қабылдау керек. Бұл Сізге препаратты қабылдау уақытын есте сақтауға көмектеседі. • Препаратты қабылдаудан кейін су ішу қажет. Препаратты сүтпен немесе сүт қоспаларымен араластырмаңыз. • Эврисди® препаратын оны пероральді шприцке жинап алған соң кідіріссіз енгізу немесе қабылдау керек. Егер препарат 5 минут ішінде қабылданбаса, пероральді шприцтегі ерітіндіні утилизациялау және жаңа дозасын жинап алу керек. • Егер Эврисди® препараты Сіздің теріңізге немесе Сіздің балаңыздың терісіне түсіп кетсе, осы бөлікті сабынды суымен жуып-шаю қажет. Енгізу жолы және тәсілі Препарат ішу арқылы немесе назогастральді әлде гастростомалық түтікше арқылы қабылданады. Емдеу ұзақтығы Сіздің емдеуші дәрігеріңіз Эврисди® препаратымен емдеу ұзақтығын белгілейді. Емдеуді дәрігер нұсқауынсыз тоқтатпаңыз. Дәрілік препараттың бір немесе бірнеше дозасын өткізіп алу кезіндегі қажетті шаралар • егер 6 сағаттан көп емес уақыт өтсе, Сізге препаратты бұл жөнінде еске түсірген бойда бірден қабылдау керек. • егер 6 сағаттан көп емес уақыт өтсе, келесі дозаны келесі күні әдеттегі уақытта қабылдау керек. Өткізіп алғанының орнын толықтыру үшін екі есе дозасын қабылдауға болмайды. Егер Эврисди® дозасын енгізуден кейін құсу дамыса, қосымша дозаны қабылдауға болмайды. Кейінгі дозаны келесі күні жоспарланған уақытта қабылдау керек. Егер Сіз Эврисди® препаратын төгіп алсаңыз, осы бөлікті құрғақ қағаз сүлгімен сүртіңіз және сабынды сумен жуып-шайыңыз. Қағаз сүлгіні қоқысқа тастап, қолыңызды сабынды сумен жақсылап жуу керек. Препаратты қолдану жөніндегі нұсқаулар Препаратты қабылдар алдында қолдану жөніндегі нұсқаулықтармен мұқият танысып шығу керек. Нұсқаулықтарда пероральді шприцті, гастростомалық түтікшені (G-түтікше) немесе назогастральді түтікшені (NG-түтікше) пайдаланумен Эврисди® препаратын қалай өлшеу және қабылдау керегіне қатысты ақпарат баяндалады. Препаратты қолдану жөнінде сұрақтар туындаған жағдайда медициналық қызметкермен кеңесіңіз. Эврисди® препараты Сізге ерітінді түрінде берілуі тиіс. Ішуге арналған ерітіндіні медициналық қызметкер дайындауы тиіс. Егер препарат құтыдағы ұнтақ түрінде болса, препаратты қабылдамаңыз, әрі бұл жағдайда медициналық қызметкерге хабарласыңыз. Эврисди® препараты туралы маңызды ақпарат • Медициналық қызметкерден Сіз пайдалануға тиісті дұрыс шприцті және тағайындалған тәуліктік дозаны қалай өлшеп алу керегін Сізге көрсетуді өтініңіз. • Сізге тағайындалған тәуліктік дозаны өлшеп алу үшін қаптамада жеткізілген көп реттік пероральді шприцтерді пайдаланыңыз. • Егер пероральді шприц (-тер) жоғалған немесе бүлінген болса, медициналық қызметкермен байланысыңыз, ол Сізге препарат қабылдауды қалай жалғастыруға болатыны жөнінде кеңес береді. • «Тағайындалған тәуліктік дозаны қабылдау үшін пероральді шприцті таңдау» қосалқы бөлімін қараңыз. Дұрыс пероральді шприц таңдап алу мәселелері туындаған жағдайда медициналық қызметкермен кеңесіңіз. • Егер құтыда құтыға арналған адаптер болмаса, Эврисди® препаратын қолданбаңыз және медициналық қызметкермен байланысыңыз. • Ішуге арналған ерітіндіні бөлме температурасында (40 ℃-ден төмен), жалпы жиынтығы, 120 сағаттан (5 күн) көп уақыт сақтауға болады. Тоңазытқыштан тыс (40 ℃-ден төмен температурада) болатын жалпы уақытты бақылап отыру керек. • Құтының заттаңбасында көрсетілген утилизациялануы тиіс күннен кейін немесе егер құты бөлме температурасында (40 °C-ден төмен), жалпы жиынтығы, 120 сағаттан (5 күн) көп уақыт сақталса, Эврисди® препаратын қолданбаңыз. Егер құтының заттаңбасында утилизациялануы тиіс күні болмаса, медициналық қызметкермен байланысыңыз. • Егер құты кез келген уақыт кезеңі бойына 40 °C-ден жоғары температурада сақталса, препаратты утилизациялаңыз. • Эврисди® препаратын сүтпен және сүт қоспаларымен араластырмаңыз. • Егер құты немесе пероральді шприцтер бүлінген болса, Эврисди® препаратын пайдаланбаңыз. • Эврисди® препаратын теріге тигізіп алмаңыз. Егер бұл орын алса, осы бөлікті сабынды сумен жуып-шайыңыз. • Егер Сіз Эврисди® препаратын төгіп алсаңыз, осы бөлікті құрғақ қағаз сүлгімен сүртіңіз және сабынды сумен жуып-шайыңыз. Қағаз сүлгіні қоқысқа тастап, қолыңызды сабынды сумен жақсылап жуу керек. • Егер құтыда препараттың тағайындалған тәуліктік дозаны қабылдауға жеткіліксіз мөлшері қалса, қалған препаратпен бірге құтыны және пайдаланылған пероральді шприцтерді жергілікті талаптарға сәйкес жойыңыз; тағайындалған дозаны қабылдау үшін Эврисди® препаратының жаңа құтысын пайдаланыңыз. Жаңа құтыдағы Эврисди® препаратын қазіргі сәтте пайдаланылған құтыдағы Эврисди® препаратымен араластырмаңыз. Эврисди® препаратының әрбір картон қорапшасының ішінде (А суретін қараңыз): Эврисди® препараты бар құты адаптерімен (ішуге арналған ерітіндіні дайындау кезінде құтының мойнына тиісті біліктілігі бар маман орнатады) және қақпағымен – 1 дана. Пероральді шприц 12 мл (пакетте) – 1 дана. Пероральді шприцтер 6 мл (пакетте) – 2 дана. Пероральді шприцтер 1 мл (пакетте) – 2 дана. Дәрілік препаратты медициналық қолдану жөніндегі нұсқаулық (суретте көрсетілмеген) – 1 дана. Препаратты қолдану жөніндегі нұсқаулық (суретте көрсетілмеген) – 1 дана. — А суреті А) Тағайындалған дозаны дайындау және таңдау Эврисди® препаратының тағайындалған дозасын қабылдау үшін дұрыс пероральді шприц қалай таңдалады Егер тәуліктік дозаның тағайындалған көлемі 0.3 мл-ден 1 мл дейін құраса, 1 мл пероральді шприцті (cары заттаңбасымен) пайдалану керек. Медициналық қызметкерден тәуліктік доза көлемін 0.1 мл жуық бөлінісіне дейін дөңгелектеуді өтініңіз. Егер тәуліктік дозаның тағайындалған көлемі 1 мл-ден 6 мл дейін құраса, 6 мл пероральді шприцті (cұр заттаңбасымен) пайдалану керек. Медициналық қызметкерден тәуліктік доза көлемін 0.1 мл жуық бөлінісіне дейін дөңгелектеуді өтініңіз. Егер тәуліктік дозаның тағайындалған көлемі 6 мл және одан жоғары құраса, 12 мл пероральді шприцті (қоңыр заттаңбасымен) пайдалану керек. Медициналық қызметкерден тәуліктік доза көлемін 0.2 мл жуық бөлінісіне дейін дөңгелектеуді өтініңіз. Эврисди® препараты дозасының тағайындалған көлемін қалай дайындау керек Б суреті — А1 қадам Қақпағын төмен қарай басып, ал одан соң солға қарай (сағат тіліне қарсы) бұрап, шешіп алыңыз (Б суретін қараңыз). Қақпағын тастамаңыз. В суреті — A2 қадам Пероральді шприц поршеніне ауасын шығарып жіберу үшін соңына дейін басыңыз (В суретін қараңыз). Г суреті — A3 қадам Құтыны тігінен ұстап, шприц ұшын құтыдағы адаптерге қойыңыз (Г суретін қараңыз). Д суреті — A4 қадам Ұшы адаптерге түбіне дейін енгізілген пероральді шприцпен бірге құтыны абайлап төңкеріңіз (Д суретін қараңыз). Е суреті — A5 қадам Эврисди® препараты дозасының тағайындалған көлемін жинап алу үшін поршенді баяу бері тартыңыз. Поршеннің қара түсті шектегішінің жоғарғы беткейі тәуліктік дозасының тағайындалған көлеміне сәйкес келетін пероральді шприцтегі бөлінісімен (мл) бір деңгейде болуы тиіс (Е суретін қараңыз). Доза дұрыс таңдалған соң поршенді орнында ұстап тұрыңыз және оны жылжытып алмаңыз. Ж суреті — A6 қадам Поршенді бір орында ұстап тұруды жалғастырыңыз және оны жылжытып алмаңыз. Пероральді шприцті адаптерде қалдырыңыз және құтыны мойнын жоғары қаратып тігінен бұраңыз. Құтыны тегіс беткейге қойыңыз. Пероральді шприцті тігінен жоғары қарай абайлап суырып, пероральді шприцті адаптерден шығарыңыз (Ж суретін қараңыз). З суреті — A7 қадам Пероральді шприцті оның ұшын жоғары қарай бағыттап, ұстап тұрыңыз. Шприцтегі препаратты тексеріңіз. Егер ерітіндіде ауа көпіршіктері көп болса (З суретін қараңыз) немесе егер Сіз Эврисди® препаратының дозасын дұрыс таңдамасаңыз, шприцтің ұшын құтыдағы адаптерге түбіне дейін салыңыз. Препаратты құтыға кері аудару үшін шприц поршенін түбіне дейін басыңыз және А4-А7 қадамдарын қайталаңыз. Эврисди® препаратын оны пероральді шприцке жинап алған соң кідіріссіз енгізіңіз немесе қабылдаңыз. Егер препарат 5 минут ішінде қабылданбаса, пероральді шприцтегі препарат ерітіндісін жою және жаңа дозасын таңдау керек. И суреті — A8 қадам Құтыға қақпағын кері кигізіңіз. Құтыны тығыз жабу үшін қақпағын оңға қарай (сағат тілі бойынша) бұрыңыз (И суретін қараңыз). Адаптерді құтыдан алып тастамаңыз. Егер Сіз Эврисди® препаратын ішке қабылдап жүрсеңіз, Эврисди® препаратын пероральді қабылдау Б) тармағын қараңыз. Егер Сіз Эврисди® препаратын гастростомалық түтікше арқылы енгізсеңіз, Эврисди® препаратын гастростомалық түтікше арқылы енгізу В) тармағын қараңыз. Егер Сіз Эврисди® препаратын назогастральді түтікше арқылы енгізсеңіз, Эврисди® препаратын назогастральді түтікше арқылы енгізу Г) тармағын қараңыз. Б) Эврисди® препаратын пероральді қабылдау Эврисди® препаратын пероральді қабылдау үшін тік отыру керек. К суреті — Б1 қадам Шприц ұшын кез келген ұртты бойлай орналастырып, пероральді шприцті ауызға салыңыз. Эврисди® препаратының толық дозасын енгізу үшін поршенге баяу басыңыз (К суретін қараңыз). Эврисди® препаратын тікелей тамаққа немесе тым тез енгізу тұншығуға әкелуі мүмкін. Л суреті — Б2 қадам Пероральді шприцте препарат қалып қоймағанына көз жеткізіңіз (Л суретін қараңыз). М суреті — Б3 қадам Эврисди® препаратын қабылдаудан кейін бірден су ішіңіз (М суретін қараңыз). Одан кейін шприцті тазалау жөнінде Д қадамын қараңыз. В) Эврисди® препаратын гастростомалық түтікше арқылы енгізу Егер Сіз Эврисди® препаратын гастростомалық түтікше арқылы енгізсеңіз, Эврисди® препаратын енгізер алдында гастростомалық түтікшені тексеруге қатысты медициналық қызметкермен кеңесіңіз. Н суреті — В1 қадам Пероральді шприц ұшын гастростомалық түтікшеге қойыңыз. Эврисди® препаратының толық дозасын енгізу үшін поршенге баяу басыңыз (Н суретін қараңыз). О суреті — В2 қадам Пероральді шприцте препарат қалып қоймағанына көз жеткізіңіз (О суретін қараңыз). П суреті — В3 қадам Эврисди® препаратын енгізуден кейін бірден 10-20 мл сумен гастростомалық түтікті жуып-шаю керек (П суретін қараңыз). Одан кейін шприцті тазалау жөнінде Д қадамын қараңыз. Г) Эврисди® препаратын назогастральді түтікше арқылы енгізу Егер Сіз Эврисди® препаратын назогастральді түтікше арқылы енгізсеңіз, Эврисди® препаратын енгізер алдында назогастральді түтікшені тексеруге қатысты медициналық қызметкермен кеңесіңіз. Р суреті — Г1 қадам Пероральді шприц ұшын назогастральді түтікшеге қойыңыз. Эврисди® препаратының толық дозасын енгізу үшін поршенге баяу басыңыз (Р суретін қараңыз). С суреті — Г2 қадам Пероральді шприцте препарат қалып қоймағанына көз жеткізіңіз (С суретін қараңыз). Т суреті — Г3 қадам Эврисди® препаратын енгізуден кейін бірден 10-20 мл сумен назогастральді түтікті жуып-шаю керек (Т суретін қараңыз). Одан кейін шприцті тазалау жөнінде Д қадамын қараңыз. Д) Пайдаланудан кейін пероральді шприцті тазалау У суреті — Д1 қадам Пероральді шприц поршенін алып тастаңыз. Шприц цилиндрін таза сумен жақсылап жуып-шайыңыз (У суретін қараңыз). Ф суреті — Д2 қадам Пероральді шприц поршенін таза сумен жақсылап жуып-шайыңыз (Ф суретін қараңыз). Х суреті — Д3 қадам Пероральді шприц цилиндрі мен поршенінің таза екеніне көз жеткізіңіз. Пероральді шприц цилиндрі мен поршенін құрғату үшін оларды қауіпсіз жердегі таза беткейге қойыңыз (Х суретін қараңыз). Қолыңызды жуыңыз. Цилиндр мен поршень құрғаған соң пероральді шприц цилиндріне поршенді салыңыз және препаратпен бірге одан әрі пайдалану үшін сақтаңыз.

• әсер етуші затқа немесе қосымша заттардың кез келгеніне аса жоғары сезімталдық • тұқым қуалайтын фруктоза жақпаушылығы

Барлық дәрілік препарат сияқты, аталған препарат жағымсыз реакциялар туғызуы мүмкін, алайда, олар бәрінде бірдей туындамайды. Өте жиі: 10 адамның 1-нен көбінде туындауы мүмкін • диарея • бөртпе • бас ауыру • дене температурасының көтерілуі Жиі: 10 адамның, көп дегенде, 1-де туындауы мүмкін • жүрек айну • ауыз қуысының ойық жаралары • қуық инфекциясы • буынның ауыруы Эврисди® препаратын қолдану кезінде келесі жағымсыз реакция байқалды, алайда туындау жиілігі анықталмаған: • көбінесе терінің зақымдануымен кіші қан тамырларының қабынуы (тері васкулиті) Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Егер Сіз немесе Сіздің балаңыз тағайындалуынан жоғары дозаны қабылдасаңыз, бұл жөнінде дәрігерге кідіріссіз мәлімдеңіз немесе медициналық жәрдемге жүгініңіз.

Препаратты қабылдар алдында қосымша парақты толық оқып шығыңыз, себебі онда Сіз үшін және Сіздің балаңыз үшін маңызды ақпарат баяндалған. • Қосымша парақты сақтаңыз. Сізге оны тағы бір рет оқып шығу қажет болуы мүмкін. • Егер Сізде қосымша сұрақтар туындаса, емдеуші дәрігерге немесе медбикеге хабарласыңыз. • Препарат Сізге немесе Сіздің балаңызға ғана тағайындалған. Оны басқа адамдарға бермеңіз. Ол, егер тіпті олардың ауру симптомдары Сіздегімен сәйкес болса да, оларға зиян тигізуі мүмкін. • Егер Сізде немесе Сіздің балаңызда қандай да бір жағымсыз реакциялар пайда болса, емдеуші дәрігерге немесе медбикеге хабарласыңыз. Осындай нұсқау кез келген болуы мүмкін, оның ішінде қосымша парақтың «Дәрілік препартты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар» бөлімінде атап көрсетілмеген жағымсыз реакцияларға да қатысты болады. Эврисди® препаратын қолданар алдында емдеуші дәрігермен немесе медбикемен кеңесіңіз. Эврисди® препаратымен емдеу Сіздің құрсағыңыздағы сәбиге зиян келтіруі немесе ерлердің ұрпақ өрбіту қабілетіне ықпалын тигізуі мүмкін. Қосымша ақпаратты «Жүктілік немесе лактация кезінде», «Ерлердегі ұрпақ өрбіту қабілеті» бөлімдерінен қараңыз. Контрацепция Әйелдер Сіз контрацепцияның сенімді әдістерін пайдалануға тиіссіз • емдеу кезінде • препараттың соңғы дозасын қабылдаудан кейін 1 ай бойы. Ерлер Егер Сіздің жұптас әйеліңізде ұрпақ өрбіту қабілеті бар болса, Сіз контрацепцияның сенімді әдістерін (мысалы, мүшеқаптар) пайдалануға тиіссіз: • емдеу кезінде • препараттың соңғы дозасын қабылдаудан кейін 4 ай бойы. Контрацепцияның сенімді әдісін таңдау жөнінде дәрігермен кеңесіңіз. Қосымша заттар Маннитол Эврисди® препараты ерітіндісінің 1 миллилитр құрамында 16.81 мг маннитол бар. Маннитол орташа іш жүргізу әсерін көрсетуі мүмкін. Натрий Эврисди® препаратының құрамында натрийдің аздаған мөлшері - ең жоғары 5 мг дозасына (6.6 мл ерітінді) 1 ммоль-ден аз натрий (23 мг) бар. Бұл препарат құрамында іс жүзінде натрий жоқ екенін білдіреді. Эврисди® препаратының 1 миллилитр құрамында 0.375 мг натрий бензоаты бар. Натрий бензоаты жаңа туған нәрестелерде (4 аптаға дейінгі жаста) сарғаюды (терінің және көздің ақ қабығының сарғайып кетуі) күшейтуі мүмкін. Изомальт Эврисди® препараты ерітіндісінің 1 миллилитр құрамында 2.97 мг изомальт бар. Препарат сирек тұқым қуалайтын фруктоза жақпаушылығы бар тұлғаларға қарсы көрсетілімді. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Эврисди® препараты көлік құралдарын және механизмдерді басқару қабілетіне әсер етпейді немесе мардымсыз әсер етеді.

• Егер Сіз жүкті болсаңыз, Эврисди® қабылдамаңыз. Аталған препарат Сіздің әлі тумаған балаңызға зиян келтіруі мүмкін. • Егер Сіз жүкті болсаңыз, Эврисди® препараты Сіздің әлі тумаған балаңызға зиян келтіруі мүмкін екендіктен, емдеуді бастар алдында Өз емдеуші дәрігеріңіз жүктілікке тест өткізуі тиіс. • Егер Сіз Эврисди® препаратымен емделу кезінде жүкті болып қалсаңыз, бұл жөнінде Өз дәрігеріңізге дереу мәлімдеңіз. Эврисди® препараты ана сүтіне өтуі және Сіздің сәбиіңізге зиян келтіруі мүмкін екендіктен, емделу кезінде бала емізбеңіз. Бала емізуді тоқтату немесе Эврисди® препаратымен емдеуді тоқтату мәселесін емдеуші дәрігермен талқылау керек. Ерлердегі ұрпақ өрбіту қабілеті Жануарларды зерттеу кезінде алынған қорытындыларға сай, Эврисди® препараты емделу кезінде және препараттың соңғы дозасын қабылдаудан кейін 4 ай бойы ерлердің ұрпақ өрбіту қабілетін төмендетуі мүмкін. Егер Сіз балалы болуды жоспарлап жүрсеңіз, дәрігермен кеңесіңіз. Сіз Эврисди® препаратымен емделу кезінде және оның соңғы дозасын қабылдаудан кейін 4 ай бойы шәуһет доноры болмауға тиіссіз.

Сіздің немесе Сіздің балаңыздың қандай да бір басқа препараттар қабылдап жүргені, таяуда қабылдағаны немесе қандай да бір басқа препараттар қабылдай бастауы мүмкін екені туралы емдеуші дәрігерге мәлімдеңіз. Атап айтқанда, егер Сіз немесе Сіздің балаңыз келесі препараттарды қабылдап жүрсе немесе таяуда қабылдаған болса, Өз дәрігеріңізге мәлімдеңіз: • метформин • ЖБА еміне арналған препараттар

Сақтау мерзімі 2 жыл; қалпына келтірілген ерітіндіні сақтау кезеңі – 64 күн. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 °С-ден аспайтын температурада сақтау керек. Дайындалған ерітіндіні 2-8 °С температурада тік қалыпта қақпағы тығыз жабылған түпнұсқалық құтыда 64 күн бойы сақтау керек. Қажет болса, пациент немесе пациентке күтім жасайтын тұлға ерітіндіні бөлме температурасында (40 °C-ден төмен), жалпы жиынтығы, 120 сағаттан (5 күн) асырмай сақтай алады. Құтыны бөлме температурасында сақтау қажеттілігі болмаған жағдайда ерітіндіні тоңазытқышқа қайта салу керек. Тоңазытқыштан тыс (40 °C-ден төмен) болатын жалпы уақытын бақылап отыру керек. Егер ол бөлме температурасында (40 °C-ден төмен), жалпы жиынтығы, 120 сағаттан (5 күн) көп уақыт немесе 40 °C-ден жоғары температурада кез келген уақыт кезеңі бойына сақталса, ерітіндіні утилизациялау керек. Балалардың қолы жетпейтін жерде сақтау керек!