Дозалану режимі
Ұсынылатын дозалары:
Артериялық гипертензия
Ұсынылатын бастапқы дозасы - тәулігіне екі рет (таңертең және кешке) 25-50 мг.
1 немесе 2 рет қабылданатын тәулігіне 100-200 мг пациенттердің көпшілігіне қанағаттанарлық әсер береді. Бір реттік дозасы таңертең енгізіледі. Егер тәулігіне 200 мг қажетті әсер бермесе, дозаны қосымша арттыруға немесе Эгилокты гипертензияға қарсы басқа препараттармен, әсіресе диуретиктермен және дигидропиридин типті кальций антагонистерімен біріктіріп қолдануға болады.
Стенокардия
Ұсынылатын бастапқы дозасы - тәулігіне 2-3 рет 25-50 мг. Әдеттегі тәуліктік дозасы 2 рет қабылданатын тәулігіне 100-200 мг құрайды Клиникалық әсері жеткіліксіз болған жағдайда, дозаны арттыруға немесе Эгилок препаратын жүрек қыспасына қарсы басқа препараттармен біріктіріп қолдануға болады.
Миокард инфарктісінен кейінгі демеуші ем
Ұсынылатын дозасы тәулігіне екі рет (таңертең және кешке) 50-100 мг.
Жүрек ырғағының бұзылулары
Ұсынылатын бастапқы дозасы - тәулігіне 2-3 рет 25-50 мг. Әдеттегі тәуліктік дозасы 2-3 рет қабылданатын тәулігіне 100-200 мг құрайды және пациенттердің көпшілігінде қажетті әсер береді. Қажеттілігіне қарай, дозаны арттыруға болады
Жүрек қызметінің жүрек қағуын сезінумен қатар жүретін функционалдық бұзылулары
Ұсынылатын тәуліктік дозасы тәулігіне 2 рет (таңертең және кешке) 50 мг; қажет болған жағдайда оны біртіндеп тәулігіне 2 рет 100 мг дейін арттыруға болады.
Гипертиреоз
Дозаны жекелей таңдау керек. Ұсынылатын бастапқы доза тәулігіне 3-4 рет 50 мг. Егер бастапқы дозасымен емдеудің 3-4 күнінен кейін ЖСЖ минутына 75 реттен көп болса, дозаны тәулігіне 3-4 рет 100 мг дейін арттыруға болады.
Метопролол метаболизмі гипертиреоз кезінде біршама жоғарылайды, сондықтан әдеттегіден сәл жоғары доза қажет болуы мүмкін. Әдетте, метопролол емдеудің бастапқы кезеңінде адъювантты ем ретінде қолданылады.
Бас сақинасы ұстамаларының профилактикасы
Ұсынылатын дозасы тәулігіне екі рет (таңертең және кешке) 50 мг; қажет болған жағдайда оны тәулігіне екі рет 100 мг дейін арттыруға болады.
Пациенттердің ерекше топтары
Балалар
Препаратты балалар мен жасөспірімдерде қолданудың тәжірибесі шектеулі. Эгилок таблеталарын қолданудың тиімділігі мен қауіпсіздігі жөнінде деректер жоқ.
Бүйрек жеткіліксіздігі бар пациенттер
Бүйрек функциясының бұзылуы кезінде дозалау режимін өзгерту қажет емес.
Бауыр жеткіліксіздігі бар пациенттер
Бауыр циррозы бар пациенттерде метопрололдың қан плазмасы ақуыздарымен байланысуының төмендігіне (5-10%) байланысты, дозалау режимін түзету қажет емес.
Препаратты бауыр функциясының айқын бұзылулары бар пациенттерге (мысалы, циррозы бар, шунттау операциясын бастан өткерген пациенттерде) тағайындағанда, метопрололдың дозасын төмендету қажет болуы мүмкін.
Егде жастағы пациенттер
Егде жастағы пациенттерде дозасын түзету қажет емес.
Енгізу әдісі және жолы
Ішке қабылдауға арналған.
Таблеткаларды аш қарынға қабылдау керек.
Шамадан тыс брадикардияны болдырмау үшін, дозасын жекелей таңдайды.
Сызығы тең екі дозаға бөлуге емес, тек жұтуға оңай болуы үшін сындыруға арналған.
Дәрілік препараттың қолдану тәсілін түсіну үшін медицина қызметкерінен кеңес алуға бару жөніндегі нұсқаулар
Егер Сізде осы препаратты пайдалану жөнінде қосымша сұрақтар туындаса, дәрігеріңізге жүгініңіз.
Дәрілік препаратты ДП стандартты қолдану кезінде көрініс беретін жағымсыз реакциялардың сипаттамасы және осы жағдайда қабылдау керек шаралар
Қауіпсіздік бейінінің түйіндемесі
Әдетте, пациенттерде Эгилок препаратының жағымдылығы жақсы. Жағымсыз әсерлері әдетте өте әлсіз және қайтымды. Төменде атап келтірілген жағымсыз әсерлер клиникалық сынақтарда және метопрололды терапияда қолданғанда тіркелген. Кей жағдайларда жағымсыз реакцияның препаратты қолданумен байланыстылығы нақты анықталмаған.
Өте жиі
- қатты қажу
Жиі
- бас айналуы, бас ауыруы
– брадикардия, жүректің қатты соғуын сезіну
- ортостатикалық гипотензия (аса сирек жағдайларда синкопе жағдайлары болуы мүмкін), аяқ-қолдардың мұздауы
- дене жүктемесі кезінде ентігу (ширығудан болатын диспноэ)
- жүрек айнуы, іш ауыруы, диарея, іш қату
Жиі емес
- дене салмағының жоғарылауы
- ісіну, дене салмағының артуы
- депрессия, зейін қоюдың төмендеуі, ұйқышылдық немесе ұйқысыздық, шым-шытырық түстер көру
- парестезиялар, бұлшықет түйілулері
- жүрек жеткіліксіздігі симптомдарының күшеюі, миокард инфарктісі бар пациенттердегі кардиогендік шок*, I дәрежелі атриовентрикулярлық блокада, ісінулер, жүрек тұсының ауыруы
- бронх түйілуі (тіпті, өкпенің обструкциялық ауруы диагозы қойылмаса да);
- құсу
– тері бөртпесі (терінің уртикарлық, псориаз тәрізді және дистрофиялық өзгерістері), терінің аса жоғары сезімталдық реакциясы, тершеңдік
Сирек
- қатты қозу, үрейлену, потенцияның бұзылуы, сексуалдық функцияның бұзылуы
- көрудің бұзылуы, ксерофтальмия (құрғауы) және/немесе көздің тітіркенуі, конъюнктивит
– аритмиялар, өткізгіштіктің бұзылулары
- ауыздың құрғауы, дәмнің өзгеруі
– шаштың түсуі
– бауырдың функционалдық сынамаларының өзгеруі (трансаминазалар деңгейінің жоғарылауы)
• қайтымды либидоның бұзылуы
Өте сирек
– тромбоцитопения
– амнезия, жады бұзылуы, сананың шатасуы, елестеулер
– дәм сезудің бұзылуы.
- құлақтағы шуыл, естудің бұзылуы
- гангрена (шеткері қанайналымның ауыр бұзылулары бар пациенттерде).
- гепатит
- фотосенсибилизация, псориаз ағымының өршуі
- артралгия
Егер жоғарыда атап келтірілген әсерлердің қандай-да біреуі клиникалық тұрғыдан елеулі қарқындылыққа жетсе, ал оның себебін нақты анықтау мүмкін болмаса, Эгилок препаратын қабылдауды тоқтату керек.
Жиілігі белгісіз
• бұлшықеттер құрысулар
• конъюнктивит
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz