Эдермик® гель 0.1 %

1 г гельдің құрамында белсенді зат – диметинден малеаты 1 мг, қосымша заттар: динатрий эдетаты, карбомер, бензалконий хлориді, пропиленгликоль, натрий гидроксиді 30% ерітіндісі, тазартылған су. Сыртқы түрінің, иісінің, дәмінің сипаттамасы Біртекті, мөлдір немесе әлсіз бұлыңғырланумен түссіз гель.

- дерматоздар, есекжем және терінің басқа аллергиялық аурулары, жәндіктердің шағуы, күннен күйіктер, беткейлік күйіктер кезінде терінің қышынуын симптоматикалық емдеу.

Әсер ету механизмі Диметинден малеаты - фенинден туындысы, H1- рецепторлары деңгейінде гистаминнің антагонисті болып табылады. Аллергияға қарсы және қышынуға қарсы әсер етеді. Фармакодинамикалық әсерлері Эдермик препаратының құрамына кіретін белсенді зат - диметинден малеатының арқасында препаратты теріге жаққан кезде терінің аллергиялық реакцияларымен қатар жүретін қышыну мен тітіркену азаяды. Препарат сонымен қатар жергілікті ауыруды басатын қасиеттерге иеленген және жаққан кезде теріні салқындатады. Гельді жергілікті қолданған кезде, оның арнайы әзірленген негізінің арқасында белсенді зат теріге тез еніп, бірнеше минуттан кейін әсер ете бастайды. Ең жоғары әсеріне 1-4 сағаттан кейін қол жеткізіледі.

Дозалау режимі Ересектерге және 2 жастан асқан балаларға гельді терінің зақымданған аймақтарына тәулігіне 2-4 рет жағу керек. Қолданудың ең көп ұзақтығы: егер препаратты 7 күн пайдаланғаннан кейін жақсару байқалмаса, дәрігермен кеңесу керек. Өте қатты қышыну немесе ауқымды аумақтың зақымдануы жағдайында препаратты жергілікті қолданудан басқа, сондай-ақ препараттың пероральді түрлерін қолдану керек (Эдермик®, ішуге арналған тамшылар). Енгізу әдісі және жолы Сыртқа қолдануға арналған.

- диметинденге немесе қосымша заттардың кез келгеніне аса жоғары сезімталдық - улы жәндіктердің шаққанына аллергия (осы мақсатта жүйелі әсер ететін дәрілік препараттарды қолдану керек).

Жиі емес - терінің құрғауы - жаққан жердегі күйдіріп-ашыту сезімі Өте сирек - аллергиялық дерматит Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препараттың көп мөлшерін кездейсоқ жұтқан немесе жергілікті қолданған кезде, H1-гистаминді рецепторлардың блокаторларының артық дозалануына тән симптомдар байқалуы мүмкін. Симптомдары Ұйқышылдықпен орталық жүйке жүйесінің бәсеңдеуі (негізінен ересектерде), орталық жүйке жүйесін стимуляциялау және антимускариндік симптомдар (негізінен балаларда), олар қозу, атаксия, елестеулер, тонустық және клонустық құрысулар, қарашықтың кеңеюі, ауыздың құрғауы, беттің гиперемиясы, несеп шығарудың іркілуі, қызба арқылы көрінеді. Сондай-ақ гипотония байқалуы мүмкін. Емі Симптоматикалық ем. Қажет болған жағдайда дәрілік препаратты қолдану тәсілін түсіндіру үшін медицина қызметкерінен кеңес алу ұсынылады

Эдермик®, гель препаратын терінің үлкен аймақтарының зақымдануы кезінде, әсіресе балаларға немесе жасөспірімдерге қолданудан аулақ болу керек. Эдермик®, гель препаратымен емдеу кезінде терінің зақымданған жерлеріне күннің ұзақ уақыт әсер етуінен аулақ болу керек. Арнайы сақтандырулар Қосымша заттар туралы ақпарат Пропиленгликоль: терінің жергілікті тітіркенуін туындатуы мүмкін. Бензалконий хлориді: тітіркендіргіш дәрі болып табылады және терінің реакциясын туындатуы мүмкін. Жүктілік кезінде және бала емізу кезінде қолданған кезде анаға зиянды әсер күтілмейді, өйткені бензалконий хлориді тері арқылы аз мөлшерде сіңіріледі. Педиатрияда қолдану 2 жасқа дейінгі балаларда препаратты тек дәрігердің бақылауымен қолдану керек. Препаратты нәрестелер мен жас балалардағы терінің ауқымды жерлеріне, әсіресе ашық жаралар мен қабыну құбылыстары болған кезде қолданбаған жөн. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Автокөлікті және қауіптілігі зор механизмдерді басқару қабілетіне әсер етпейді.

Эдермик®, гель, жүктілік кезінде ана үшін пайдасы шарана үшін потенциалды қауіптен жоғары болған жағдайда ғана және дәрігердің бақылауымен ғана қолдануға болады. Эдермик®, гельді жүктілік кезінде терінің кең аймақтарында, әсіресе қабыну құбылыстары немесе ашық жаралар болған кезде қолданбаған жөн. Бала емізу кезінде терінің кең аймақтарында, әсіресе қабыну құбылыстары немесе ашық жаралар болған кезде қолдану ұсынылмайды. Бала емізетін аналарға Эдермик®, гельді сүт бездерінің емшек ұшына жақпаған жөн.

Өзара әрекеттесу бойынша зерттеулер жүргізілмеген, бірақ препаратты жергілікті қолдану кезінде диметинден малеатының төмен абсорбциясы салдарынан басқа дәрілік заттармен өзара әрекеттесу ықтималдығы аз.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 ºС-ден аспайтын температурада сақтау керек. Балалардың қолы жетпейтін жерде сақтау керек.