Эксфорж® таблетки 5 мг/80 мг

Бір таблетканың құрамында: белсенді заттар:амлодипин (амлодипин бесилаты түрінде), 5 мг валсартан, 80 мг (5 мг/80 мг доза үшін) амлодипин (амлодипин бесилаты түрінде), 5 мг валсартан, 160 мг (5 мг/160 мг доза үшін) амлодипин (амлодипин бесилаты түрінде), 10 мг валсартан, 160 мг (10 мг/160 мг доза үшін) қосымша заттар: микрокристалды целлюлоза, кросповидон, магний стеараты, сусыз коллоидты кремнийдің қостотығы. Таблеткалар қабығы 5 мг/80 мг және 5 мг/160 мг: гипромеллоза (гидроксипропилметилцеллюлоза), титанның қостотығы (Е171), темірдің сары тотығы (E172), полиэтиленгликоль 4000 (макрогол 4000), тальк Таблетка қабығы 10 мг/160 мг: гипромеллоза (гидроксипропилметилцеллюлоза), титанның қостотығы (Е171), темірдің сары тотығы (E172), темірдің қызыл тотығы (E172), полиэтиленгликоль 4000 (макрогол 4000), тальк Сыртқы түрінің, иісінің, дәмінің сипаттамасы Дөңгелек пішінді, қою сары түсті үлбірлі қабықпен қапталған, таблетканың бір жағында «NVR», екінші жағында «NV» бедерлемесі бар таблеткалар, диаметрі шамамен 8.20 мм (5 мг/80 мг доза үшін). Сопақша пішінді, қою сары түсті үлбірлі қабықпен қапталған, таблетканың бір жағында «NVR», екінші жағында «ЕСЕ» бедерлемесі бар таблеткалар, ұзындығы шамамен 14.2 мм және ені шамамен 5.7 мм (5 мг/160 мг доза үшін). Сопақша пішінді, ашық сары түсті үлбірлі қабықпен қапталған таблетканың бір жағында «NVR», екінші жағында «UIC» бедерлемесі бар таблеткалар, ұзындығы шамамен 14.2 мм және ені шамамен 5.7 мм (10 мг/160 мг дозалау үшін)

Артериялық гипертензияны емдеу. Эксфорж дәрілік препараты артериялық қысымын (АҚ) амлодипинмен немесе валсартанмен монотерапияның көмегімен тиісті түрде бақылау мүмкін болмаған ересек пациенттерде қолданылады.

ATХ коды: C09DB01 Әсер ету механизмі Эксфорж құрамында эссенциальді гипертензиясы бар пациенттерде бір-бірін толықтыратын АҚ бақылау механизмі бар екі белсенді зат бар: амлодипин кальций блокаторлары класына, валсартан —ангиотензин II (АРБII) рецепторлары блокаторлары класына жатады. Осы компоненттердің біріктірілімі өзара толықтыратын гипотензиялық әсерге ие, бұл оларды жеке-жеке қолданумен салыстырғанда ақ анағұрлым айқын төмендеуіне әкеледі. Амлодипин/валсартан Амлодипин мен валсартанның біріктірілімі дозалардың емдік диапазонында аддитивті дозаға тәуелді АҚ төмендетеді. Амлодипин + валсартан біріктірілімінің бір дозасын қабылдаған кезде гипотензиялық әсер 24 сағат бойы сақталады. Плацебо-бақыланатын зерттеулер Артериялық гипертензиясы бар 1400-ден астам пациент күніне бір рет екі плацебо-бақыланатын зерттеулерде Эксфорж қолданды. Зерттеуде жеңіл немесе орташа дәрежедегі асқынбаған эссенциальді гипертензиясы бар пациенттерді зерттеді (отырған жағдайдағы орташа диастолалық қысым ≥95 және <110 мм с.б.). Жүрек-қантамыр бұзылуының жоғары қаупі бар пациенттер шығарылды: жүрек жеткіліксіздігі, 1 типті қант диабеті және нашар бақыланатын 2 типті қант диабеті, миокард инфарктісі немесе соңғы жылдағы инсульт. Монотерапияға жауапсыз пациенттердің қатысуымен белсенді бақыланатын зерттеулер Мульти-орталықты, рандомизацияланған, салыстырмалы жасырын, белсенді бақыланатын зерттеуде параллельді топтарда 160 мг дозада валсартан монотерапиясының көмегімен артериялық қысымы тиісті түрде бақыланбаған пациенттерде, атап айтқанда 10 мг/160 мг амлодипин/валсартан алған пациенттердің 75%-ында және 160 мг валсартан алған пациенттердің 53%-ымен салыстырғанда 5 мг/160 мг амлодипин/валсартан алған пациенттердің 62%-ында артериялық қысымды қалпына келуі (<90 мм с.б. диастолалық қысым орнатылғанға дейін) анықталған. 10 мг және 5 мг амлодипин қосу тек 160 мг валсартан қолданған пациенттермен салыстырғанда систолалық/диастолалық қысымның тиісінше 6,0/4,8 мм с.б. және 3,9/2,9 мм с.б. қосымша төмендеуіне әкелді. Мульти-орталықты, рандомизацияланған, салыстырмалы жасырын, белсенді бақыланатын зерттеуде параллельді топтарда 10 мг дозада амлодипин монотерапиясының көмегімен артериялық қысымы тиісті түрде бақыланбаған пациенттерде, атап айтқанда 10 мг/160 мг амлодипин/валсартан алған пациенттердің 78%-ында және 10 мг валсартан алған пациенттердің 67%-ымен салыстырғанда артериялық қысымды қалпына келуі (<90 мм с.б. диастолалық қысым орнатылғанға дейін) анықталған. 160 мг валсартан қосу тек 10 мг амлодипин қолданған пациенттермен салыстырғанда систолалық/диастолалық қысымның 2,9/2,1 мм с.б. қосымша төмендеуіне әкелді. Эксфорж отырған қалыптағы орташа диастолалық қысымы ≥110 мм с.б. және <120 мм с.б. эссенциальді гипертензиясы бар 130 пациенттің қатысуымен белсенді бақыланатын зерттеуде де зерттелді. Бұл зерттеуде (АҚ бастапқы деңгейі 171/113 мм с.б.) 5 мг/160 мг-ден 10 мг/160 мг-ға дейінгі Эксфоржды дозалау схемасы 10 мг/12,5 мг-ден 20 мг/12,5 мг дейінгі лизиноприл/гидрохлоротиазидті дозалау схемасын қолдану кезіндегі 32/28 мм с.б. салыстырғанда отырған қалыпта артериялық қысымды 36/29 мм с.б. төмендетті. Екі ұзақ мерзімді зерттеулерде Эксфорж әсері бір жылдан астам уақытқа созылатындығы дәлелденді. Эксфоржды кенеттен тоқтату артериялық қысымның тез жоғарылауына әкелмеді. Эксфоржды қолдану кезінде жасы, жынысы, нәсілі және дене салмағының индексі (≥30 кг/м2, <30 кг/м2) клиникалық жауапқа әсер етпеді. Эксфорждың әсері тек гипертензиясы бар пациенттер тобында зерттелген. Жүрек жеткіліксіздігі бар және инфаркттен кейінгі кезеңде валсартанға зерттеулер жүргізілді. Амлодипинге созылмалы тұрақты стенокардия, вазоспастикалық стенокардия және ангиографиялық тұрғыдан расталған жүректің ишемиялық ауруы бар пациенттердің қатысуымен зерттеулер жүргізілді. Амлодипин Эксфорж құрамындағы Амлодипин кальций иондарының жүрек пен қан тамырларының тегіс бұлшықеттеріне жарғақша арқылы енуін тежейді. Амлодипиннің гипертензияға қарсы әсер ету механизмі тамырлардың тегіс бұлшықеттеріне тікелей релаксациялық әсер етеді, бұл шеткері қан тамырларының кедергісінің төмендеуіне және артериялық қысымның төмендеуіне әкеледі. Эксперименттік деректер амлодипиннің дигидропиридинді және гидропиридинді емес байланыс орындары арқылы байланысатындығын растайды. Жүрек бұлшықетіндегі және тамырлардың тегіс бұлшықеттеріндегі жиырылу процестері жасушадан тыс кальцийдің жасушаларға спецификалық иондық өзекшелер арқылы өтуіне байланысты. Гипертензиясы бар пациенттерге емдік дозаларды енгізгеннен кейін амлодипин вазодилатацияны тудырады, бұл жатқан және тұрған қалыпта артериялық қысымның төмендеуіне әкеледі. Артериялық қысымның мұндай төмендеуі ұзақ дозалау кезінде жүрек жиырылу жылдамдығының немесе плазмадағы катехоламиндер деңгейінің елеулі өзгеруімен қатар жүрмейді. Әсер жас және егде жастағы пациенттерде плазмадағы концентрациямен өзара байланысты. Артериялық гипертензиясы және бүйректің қалыпты функциясы бар пациенттерде амлодипин емдік дозаларда бүйрек тамырларының резистенттілігінің төмендеуіне және шумақтық сүзіліс жылдамдығының және сүзілу фракциясын немесе протеинурияны өзгертпестен тиімді бүйректің плазма ағысының жоғарылауына әкеледі. Кальций өзекшелерінің басқа блокаторлары сияқты, амлодипинмен емделген қарыншалар функциясы қалыпты пациенттерде тыныштық кезінде және жүктеме кезінде (немесе жүру кезінде) жүрек функциясының гемодинамикасын өлшеу жалпы dP/dt-ге немесе соңғы диастолалық қысымға немесе сол жақ қарыншаның көлеміне айтарлықтай әсер етпестен жүрек индексінің шамалы жоғарылауын көрсетті. Гемодинамикалық зерттеулерде амлодипин сау жануарлар мен адамдарда емдік дозаларда қолданғанда, тіпті бета-блокаторлармен бірге адамдарға енгізгенде де теріс инотропты әсерін көрсеткен жоқ. Амлодипин сау жануарларда немесе адамдарда синус-жүрекшелік түйіннің немесе жүрекше-қарыншалық өткізгіштіктің функциясын өзгертпейді. Артериялық гипертензиясы немесе стенокардиясы бар пациенттерде амлодипинді бета-блокаторлармен біріктіріп қолданған клиникалық зерттеулерде электрокардиограмма көрсеткіштерінің өзгерістері байқалған жоқ. Гипертензиясы бар пациенттерде қолдану «Жүрек ұстамасының алдын алу үшін гипертензияға қарсы және гиполипидемиялық терапияны зерттеу» [Antihypertensive and Lipid-Lowering treatment to prevent Heart Attack Trial] (ALLHAT) атты рандомизацияланған, салыстырмалы жасырын, ауру мен өлімді зерттеу терапияның жаңа әдістерін салыстыру мақсатында жүргізілді: амлодипинді тәулігіне 2,5–10 мг дозада қолдану (кальций өзекшелерінің блокаторы) немесе жеңіл және орташа артериялық гипертензия кезінде тәулігіне 12,5-25 мг дозада хлорталидонның тиазидті диуретигін қолданумен салыстырғанда емнің бірінші желісі ретінде лизиноприлді 10-40 мг дозада қолдану (АӨФ тежегіші). Жалпы алғанда, 55 немесе одан жоғары жастағы артериялық гипертензиясы бар 33357 пациент рандомизацияланды, одан кейін қатысушыларды орта есеппен 4.9 жыл бойы бақылайды. Пациенттерде анамнезіндегі миокард инфарктісін немесе инсультті (зерттеуге қосқанға дейін> 6 ай) немесе атеросклероз белгілері бар жүрек-қантамыр жүйесінің басқа ауруын құжаттық растауды (барлығы 51,5%), 2 типті қант диабеті (36,1%), тығыздығы жоғары липопротеин холестеринінің концентрациясы <35 мг/дл немесе <0,906 ммоль/л (11,6%) қоса, жүректің ишемиялық ауруының кем дегенде бір қосымша қауіп факторы болған, оған электрокардиография немесе эхокардиография арқылы диагноз қойылған (20,9%), зерттеуге енгізілген сәттегі темекі шегу (21,9%). Бастапқы соңғы нүкте жүректің ишемиялық ауруы немесе өлімге әкелмейтін миокард инфарктісі жағдайларының біріктірілімі болды. Амлодипинмен және хлорталидонмен емдеуді салыстыру кезінде бастапқы соңғы нүктеде елеулі айырмашылықтар байқалған жоқ: қауіптер қатынасы (ҚҚ) 0,98, 95% СА (0,90–1,07), p = 0,65 құрады. Екіншілік соңғы нүктелер арасында жүрек жеткіліксіздігінің даму жағдайларының саны (жүрек-қантамыр жүйесіне әсер етудің композиттік соңғы нүктесінің компоненті) хлорталидонды қолдану тобымен салыстырғанда амлодипинді қолдану тобында едәуір көп болды (7,7%-бен салыстырғанда 10,2%, ҚҚ = 1,38, 95% СА (1,25-1,52), p <0,001). Алайда амлодипин мен хлорталидонды қолдану топтары арасында барлық себептер бойынша өлім көрсеткіші бойынша елеулі айырмашылықтар байқалмады, ҚҚ = 0,96, 95% СА [0,89–1,02], p = 0,20. Валсартан Валсартан - ішке қабылдауға арналған ангиотензин II рецепторларының белсенді, күшті және спецификалық блокаторы. Ол ангиотензин II әсеріне жауап беретін AT1 қосалқы типінің рецепторларына таңдамалы түрде әсер етеді. Қан плазмасындағы ангиотензин II деңгейінің жоғарылауы валсартанмен АТ1 рецепторларының блокадасына байланысты бос АТ2 рецепторларын көтермелеуі мүмкін, бұл АТ1 рецепторларының әсерін теңестіреді. Валсартанның АТ1 рецепторларына қатысты агонисттің ішінара белсенділігі жоқ және АТ1 рецепторларына қарағанда АТ2 рецепторларымен әлдеқайда көп (шамамен 20000 есе) байланысты. Валсартан ангиотензин I-ны ангиотензин II-ге айналдыратын және брадикининді бұзатын кининаза II деп аталатын АӨФ-ті тежемейді. АӨФ-ке және брадикинин белсенділігінің немесе Р субстанциясының потенциалдануына әсер етпейтіндіктен, ангиотензин II рецепторларының блокаторларын қолдану, әдетте, жөтелмен қатар жүрмейді. Валсартанды АӨФ тежегішімен салыстырған клиникалық зерттеулерде АӨФ тежегішін қабылдаған пациенттерге қарағанда валсартан алған пациенттерде құрғақ жөтелдің даму жиілігі едәуір төмен болды (р <0,05) (тиісінше 7,9%-бен салыстырғанда 2,6%). АӨФ тежегішімен емдеу аясында құрғақ жөтел дамыған пациенттерде валсартанмен емдеу кезінде бұл асқыну 19,5% жағдайда, ал тиазидті диуретикпен емдеу кезінде - 19,0% жағдайда, ал АӨФ тежегішімен ем қабылдаған науқастар тобында жөтел 68,5% жағдайда (р <0,05) байқалған. Валсартан өзара әрекеттеспейді және жүрек-қантамыр жүйесінің функцияларын реттеуде маңызды рөл атқаратын басқа гормондардың рецепторларын немесе иондық каналдарды бөгемейді. Препаратты артериялық гипертензиясы бар пациенттерге тағайындау пульс жиілігіне әсер етпестен артериялық қысымның төмендеуіне әкеледі. Препараттың бір реттік дозасын ішке тағайындағаннан кейін науқастардың көпшілігінде гипертензияға қарсы әсері 2 сағат шегінде байқалады, ал АҚ барынша төмендеуіне 4-6 сағат шегінде қол жеткізіледі. Гипертензияға қарсы әсер бір реттік дозаны қабылдағаннан кейін 24 сағаттан артық сақталады. Препаратты тұрақты қолданған кезде ең жоғары емдік әсерге әдетте 2-4 апта ішінде қол жеткізіледі және ұзақ емдеу барысында қол жеткізілген деңгейде сақталады. Валсартанды кенеттен тоқтату артериялық гипертензияны қалпына келтіруге немесе басқа да жағымсыз клиникалық құбылыстарға әкеп соқтырмайды. Басқалары: ренин-ангиотензин-альдостерон жүйесінің қосарлы блокадасы (РААЖ) Екі үлкен рандомизацияланған бақыланатын зерттеулерде (ONTARGET – телмисартанды монотерапия түрінде және рамиприлмен біріктіріп қолданғанда соңғы нүктелерді анықтау бойынша жалғастырылатын зерттеу [ONgoing Telmisartan Alone and in combination with Ramipril Global Endpoint Trial] және Va NEPHRON-d - Ардагерлер істері министрлігі демеушілігімен қант диабетіндегі нефропатияны зерттеу [The Veterans Affairs Nephropathy in Diabetes]) АӨФ және АРБ тежегішінің біріктірілімін қолдануды зерттеді. ONTARGET зерттеуі жүрек-қантамыр немесе цереброваскулярлық ауруы бар немесе анамнезінде нысана-ағзалардың зақымданғаны расталған 2 типті қант диабеті бар пациенттердің қатысуымен жүргізілді. VА NEPHRON-D зерттеуі 2 типті қант диабеті және диабеттік нефропатиясы бар пациенттердің қатысуымен жүргізілді. Бұл зерттеулер бүйрек және/немесе жүрек-қантамыр нәтижелері мен өлім жағдайына айтарлықтай оң әсерін көрсеткен жоқ, ал монотерапиямен салыстырғанда гиперкалиемия, бүйректің жедел зақымдануы және/немесе гипотония қаупінің жоғарылауы байқалды. Осындай фармакодинамикалық қасиеттерін ескере отырып, бұл нәтижелер басқа АӨФ және АРБ тежегіштері үшін де маңызды. Сондықтан, АӨФ тежегіштері мен ангиотензин рецепторларының блокаторлары диабеттік нефропатиясы бар пациенттерде бір мезгілде қолданылмауы тиіс (4.4 бөлімді қараңыз). ALTITUDE (2 типті қант диабетімен ауыратын науқастарда алискиренді қолдану кезінде жүрек-қантамыр және бүйрек ауруларының соңғы нүктелерін анықтау бойынша зерттеулер [Aliskiren Trial in Type 2 Diabetes Using Cardiovascular and Renal Disease Endpoints]) - 2 типті қант диабеті және созылмалы бүйрек ауруы, жүрек-қантамыр аурулары немесе екеуінің біріктірілімі бар пациенттерде АӨФ немесе АРБ тежегішімен стандартты емге алискиренді қосудың басымдықтарын анықтауға бағытталған зерттеу. Зерттеу емдеу асқынуларының туындау қаупінің жоғарылауына байланысты ерте кезеңде тоқтатылды. Жүрек-қантамыр патологиясы мен инсульт себебінен болатын өлім плацебо тобына қарағанда алискиренді қолдану тобында сан жағынан жиі болды, бұл ретте алискиренді қолдану тобында плацебо тобымен салыстырғанда жағымсыз құбылыстардың және күрделі жағымсыз құбылыстардың (гиперкалиемия, гипотензия және бүйрек функциясының бұзылуы) дамуы туралы жиі хабарланды.

Дозалау режимі 5 мг/80 мг Эксфорж АҚ монотерапия режимінде 5 мг амлодипин немесе 80 мг валсартан көмегімен тиісті түрде бақылау мүмкін емес пациенттерде қолданылуы мүмкін. 5 мг/160 мг Эксфорж АҚ монотерапия режимінде 5 мг амлодипин немесе 160 мг валсартан көмегімен тиісті түрде бақылау мүмкін емес пациенттерде қолданылуы мүмкін. 10 мг/160 мг Эксфорж АҚ монотерапия режимінде 10 мг амлодипин немесе 160 мг валсартан көмегімен не 5 мг/160 мг дозада Эксфорж препаратының көмегімен тиісті түрде бақылау мүмкін емес пациенттерде қолданылуы мүмкін. Екі компоненттің әрқайсысының дозасын жеке титрлеу (мысалы, амлодипин және валсартан) біріктірілген дозаның біріктіріліміне ауысу алдында ұсынылады. Клиникалық сәйкестікте монотерапиядан бекітілген біріктірілімге тікелей ауысу қарастырылуы мүмкін. Ыңғайлы болу үшін жеке таблетка/капсула түріндегі амлодипинмен және валсартанмен ем алатын пациенттер белсенді компоненттердің бірдей дозалары бар Эксфорж препаратымен емге ауыстырылуы мүмкін. Енгізу жолы және тәсілі Пероральді Қабылдау уақыты көрсетілген қолдану жиілігі Эксфорж препаратының ұсынылатын дозасы - тәулігіне бір таблетка. Эксфорж препаратын тамақпен немесе аш қарынға қабылдауға болады. Емдеу ұзақтығы Емдеуші дәрігер анықтайды Дәрілік препараттың бір немесе бірнеше дозасын жіберіп алған кезде қажетті шаралар Таблетканы қабылдауды өткізіп алған кезде пациент оны есіне алған бойда қабылдау керек. Келесі дозаны қалыпты уақытта қабылдау керек. Алайда, егер таблетканы өткізіп алған кезде келесі дозаның уақыты жақындаса, қабылданбаған дозаны өткізіп жіберу керек. Ұмытылған таблетканың орнын толтыру үшін препараттың қос дозасын қабылдауға болмайды. Тоқтату симптомдары қаупінің болуына нұсқау Эксфорж препаратымен емдеуді тоқтату сіздің ауруыңыздың өршуіне әкелуі мүмкін. Дәрігер сізге бұл туралы айтқанға дейін дәрі қабылдауды тоқтатпаңыз. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар Қолдану тәсілі туралы сұрақтар туындаған жағдайда емдеуші дәрігерге қаралу қажет.

- әсер етуші заттарға, сондай-ақ дигидропиридиннің басқа туындыларына немесе қосымша заттардың кез келгеніне аса жоғары сезімталдық - ауыр дәрежедегі бауыр функциясының бұзылуы, билиарлы цирроз және холестаз - Эксфорж препаратын қант диабеті бар пациенттерде немесе бүйрек функциясы бұзылған (ШСЖ <60 мл/мин / 1,73 м2) пациенттерде құрамында алискирен бар дәрілік препараттармен бір мезгілде қолдану - жүктіліктің екінші және үшінші триместрлері - ауыр гипотензия - шок (кардиогенді шокты қоса) - сол жақ қарыншаның шығару жолындағы қан ағымының обструкциясы (гипертониялық обструктивті кардиомиопатия немесе айқын аорта стенозы) - жедел миокард инфарктісінен кейінгі гемодинамикалық тұрақсыз жүрек жеткіліксіздігі

Жиі - назофарингит - тұмау - бас айналуы* - бас ауыруы** - ұйқышылдық* - жүрек қағысы* - ысыну* - іштегі жайсыздық, эпигастриядағы ауырсыну* - жүрек айнуы* - тобық буынының ісінуі* - астения - қажу** - беттің ісінуі - гиперемия, ысыну - ісіну** - шеткері ісіну - жұмсақ тіндердің ісінуі Жиі емес - гипонатриемия - депрессия* - ұйқысыздық/ұйқының бұзылуы* - көңіл-күйдің өзгеруі* - қимыл үйлесімінің бұзылуы - бас айналуы - постуральді бас айналу - дисгевзия* - парестезия** - ұйқышылдық - естен тану* - тремор* - гипестезия* - көрудің бұзылуы* - көру өткірлігінің төмендеуі** - құлақтың шыңылдауы* - вертиго**** - жүрек қағысы - тахикардия - гипотензия* - ортостаздық гипотензия - жөтел**** - ентігу* - фаринголарингеальді аймақтағы ауырсыну - ринит* - іштегі жайсыздық, эпигастриядағы ауырсыну**** - дефекация ырғағының өзгеруі* - іш қатуы, диарея**, ауыздың құрғауы**, диспепсия* - жүрек айнуы, құсу* - алопеция* - эритема - экзантема*, гипергидроз*, фотосезімталдық реакциясы*, қышыну*, пурпура*, бөртпе*, тері түсінің өзгеруі* - артралгия**, арқаның ауыруы**, буынның ісінуі, бұлшықет құрысулары*, миалгия* - несеп шығарудың бұзылуы*, ноктурия*, поллакиурия* - импотенция* - гинекомастия* - астения*, жайсыздық*, дімкәстік* - қажу*** - жүрекке байланысты емес кеудедегі ауырсыну* - ауырсыну* - салмақтың ұлғаюы* - салмақтың төмендеуі* Сирек - аса жоғары сезімталдық - үрей - сананың шатасуы* - көрудің бұзылуы - құлақтың шыңылдауы - естен тану - гипотензия* - экзантема - гипергидроз - қышыну - бұлшықет құрысуы - ауырлық сезімі - поллакиурия, полиурия - эректильді дисфункция Өте сирек - лейкопения* - тромбоцитопения, кейде пурпурамен* - аса жоғары сезімталдық* - гипергликемия* - гипертония* - шеткері нейропатия, нейропатия* - аритмиялар* (оның ішінде брадикардия, қарыншалық тахикардия, жүрекшелер фибрилляциясы), миокард инфарктісі* - васкулит* - жөтел* - гастрит*, қызыл иек гиперплазиясы*, панкреатит*, - қандағы билирубин деңгейінің жоғарылауын қоса, бауыр сынамаларының аномалиялық мәндері*1 - гепатит*, бауырішілік холестаз*, сарғаю* - ангионевроздық ісіну* - мультиформалы эритема* - есекжем және бөртпенің басқа түрлері*, эксфолиативті дерматит*, Стивенс-Джонсон синдромы*, Квинке ісінуі* - ішектің ангионевроздық ісінуі *** Белгісіз (қолда бар деректер негізінде бағалау мүмкін емес) - гемоглобин мен гематокрит деңгейінің төмендеуі***, нейтропения***, тромбоцитопения, кейде пурпурамен*** - аса жоғары сезімталдық*** - экстрапирамидалық симптомдар* - васкулит*** - қандағы билирубин деңгейінің жоғарылауын қоса, бауыр сынамаларының аномалиялық мәндері*** - ангионевроздық ісіну***, буллездік дерматит*** - қышыну***, бөртпе***, уытты эпидермальді некролиз* - миалгия*** - қандағы креатинин деңгейінің жоғарылауы***, бүйрек жеткіліксіздігі және бүйрек функциясының бұзылуы*** - қандағы калий деңгейінің жоғарылауы*** * - амлодипинді қолдану кезінде ** - Эксфорж дәрілік препаратын, амлодипинді қолданғанда *** - валсартанды қолдану кезінде **** - Эксфорж дәрілік препаратын, валсартанды қолданғанда 1 - негізінен холестазбен байланысты. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Эксфорж үшін артық дозалану жағдайлары туралы деректер жоқ. Валсартанмен артық дозалану кезінде АҚ айқын төмендеуі және бас айналудың дамуын күтуге болады. Амлодипиннің артық дозалануы шамадан тыс шеткері вазодиляцияға және ықтимал рефлекторлық тахикардияға әкелуі мүмкін. Сондай-ақ, амлодипинді қолдану кезінде АҚ айқын және ұзақ төмендеуінің пайда болуы, соның ішінде өліммен аяқталатын шоктың дамуы туралы хабарланды. Амлодипиннің артық дозалануының салдары ретінде кардиогенді емес өкпе ісінуі туралы сирек хабарланды, ол кешіктірілген басталуымен (қабылдағаннан кейін 24-48 сағаттан кейін) көрінуі мүмкін және ӨЖЖ қажет етеді. Перфузия мен жүректің лықсуын қамтамасыз ету үшін ерте реанимациялық шаралар (сұйықтықтың шамадан тыс жүктелуін қоса) қоздырғыш факторлар болуы мүмкін. Емі Егер препарат жақында қабылданса, құсу немесе асқазанды шаю тиімді болуы мүмкін. Белсендірілген көмірді дені сау еріктілерде бірден немесе амплодипинді қабылдағаннан кейін екі сағатқа дейінгі мерзімде қолдану амлодипин сіңірілуінің айқын төмендеуімен қатар жүрді. Эксфорждың артық дозалануы аясында АҚ клиникалық маңызды төмендеуі туындаған жағдайда аяқ-қолды көтеріп жатқызып, жүрек пен тыныс алу жүйесінің қызметін, айналымдағы қан көлемін (АҚК) және сұйықтық мөлшерін және диурезді тұрақты бақылауды қоса, жүрек-қантамыр жүйесінің қызметін демеу жөнінде белсенді шаралар қабылдау керек. Қарсы көрсетілімдер болмаған кезде тамырлардың қалыпты тонусын сақтау үшін вазопрессорлық препараттарды қолдануға болады. Кальций глюконатын кальций өзекшелері блокадасының әсерін жою үшін вена ішіне енгізуге болады. Валсартан мен амлодипинді шығаруға арналған гемодиализдің тиімділігі күмәнді.

Гипертониялық кризі бар пациенттерде амлодипиннің қауіпсіздігі мен тиімділігі анықталған жоқ. Жүктілік Ангиотензин II рецепторларының блокаторлары (АРБІІ) жүктілік кезінде қарсы көрсетілген. АРБІІ емін жалғастыру қажет болатын жағдайлардан басқа, жүктілікті жоспарлап жүрген пациенттерді жүктілік кезінде қолдануға арналған қауіпсіздік бейіні тексерілген альтернативті гипертензияға қарсы препараттарға ауыстыру қажет. АРБІІ препараттарымен емдеуді жүктілік басталғаннан кейін бірден тоқтату керек, қажет болғанда альтернативті терапия тағайындалады. Натрий және/немесе жасушааралық сұйықтық деңгейі төмендеген пациенттер Плацебо-бақыланатын зерттеулерде асқынбаған гипертензиясы бар, Эксфорж препаратын қабылдаған пациенттердің 0,4%-ында айқын гипотензия байқалды. Ангиотензин-рецепторлардың блокаторларын қабылдайтын ренин-ангиотензин жүйесі белсендірілген (құрамында натрий және/немесе көлемі төмен және диуретиктердің жоғары дозаларын алатын) пациенттерде симптоматикалық артериялық гипотензия дамуы мүмкін. Эксфорж препаратымен емдеуді бастар алдында осы жағдайға түзету жүргізген немесе терапияны мұқият медициналық бақылаумен бастаған жөн. Артериялық гипотензия дамыған жағдайда пациентті арқаға жатқызып, қажет болса вена ішіне натрий хлоридінің физиологиялық ерітіндісінің инфузиясын жүргізу керек. АҚ тұрақтанғаннан кейін емдеуді жалғастыруға болады. Гиперкалиемия Калий препараттарын, калий сақтайтын диуретиктерді, құрамында калий бар дәрілік заттарды немесе калий деңгейін жоғарылататын басқа да препараттарды (гепарин және т.б.) бір мезгілде тағайындағанда, қандағы калий деңгейіне сақ болу және бақылау керек. Бүйрек артериясының стенозы Бүйрек артериясының бір жақты немесе екі жақты стенозы немесе жалғыз бүйрек стенозы бар пациенттерде гипертензияны емдеу үшін Эксфоржды сақтықпен қолдану керек, өйткені оларда қан мочевинасы мен сарысу креатинині жоғарылауы мүмкін. Бүйрек трансплантациясы Жақында бүйрек трансплантациясын өткерген пациенттерде Эксфорж препаратын қауіпсіз қолдану тәжірибесі жоқ. Бауыр жеткіліксіздігі Валсартан негізінен, өтпен өзгермеген күйде шығарылады. Амлодипиннің жартылай шығарылу кезеңі ұзарады және бауыр функциясы бұзылған пациенттерде AUC көрсеткіші жоғары; дозалау бойынша нұсқаулар анықталмаған. Бауырдың жеңіл немесе орташа аурулары немесе өт жолдарының обструктивті аурулары бар пациенттерге Эксфорж препаратын тағайындау кезінде сақ болу керек. Холестаз белгілері жоқ бауырдың әлсіз немесе орташа айқын жеткіліксіздігі бар пациенттерде валсартанның ең жоғары ұсынылатын дозасы 80 мг аспауы тиіс. Бүйрек жеткіліксіздігі Бүйрек функциясының жеңіл және орташа бұзылулары (ШСЖ>30 мл/мин/1,73 м2) бар науқастарда препараттың дозасын түзету қажет емес. Бүйрек функциясы орташа бұзылған пациенттерде қандағы калий мен креатинин деңгейіне мониторинг жүргізу ұсынылады. Бастапқы гиперальдостеронизм Бастапқы гиперальдостеронизмі бар пациенттерді ангиотензин II блокаторы валсартанмен емдеуге болмайды, өйткені олардың ренин-ангиотензин жүйесі бастапқы аурумен зақымдалған. Ангионевроздық ісіну Валсартан қабылдайтын пациенттерде тыныс алу жолдарының және/немесе беттің, еріннің, жұтқыншақтың және/немесе тілдің ісінуіне әкелетін көмейдің және дауыс саңылауының ісінуін қамтитын ангионевроздық ісіну туралы хабарлар бар. Осы пациенттердің кейбіреулерінде анамнезде басқа препараттарды, оның ішінде АӨФ тежегіштерін қолдану аясында ангионевроздық ісінудің дамуына нұсқау бар. Эксфорж препаратын ангионевроздық ісіну дамитын пациенттерде дереу тоқтату керек және препаратты қайта тағайындамау керек. Ішектің ангионевроздық ісінуі Ангиотензин II рецепторларының антагонистерін, соның ішінде валсартанды қабылдаған пациенттерде ішектің ангионевроздық ісінуі туралы хабарланды («Қолдануға болмайтын жағдайлар» бөлімін қараңыз). Бұл пациенттерде іштің ауыруы, жүрек айнуы, құсу және диарея байқалды. Ангиотензин II рецепторларының антагонистері жойылғаннан кейін симптомдар жойылды. Егер ішектің ангионевроздық ісінуі диагнозы қойылса, валсартанды тоқтатып, симптомдар толығымен жойылғанша тиісті бақылауды бастау керек. Жүрек жеткіліксіздігі / Инфаркттен кейінгі жағдай Ренин-ангиотензин-альдостерон жүйесінің тежелуіне байланысты сезімтал адамдарда бүйрек функциясының өзгеруін күтуге болады. Бүйрек функциясы негізінен ренин-ангиотензин-альдостерон жүйесінің белсенділігіне тәуелді жүрек-қантамыр функциясы ауыр бұзылған пациенттерде АӨФ тежегіштерімен немесе ангиотензин II рецепторларының блокаторларымен емдеу олигурияны және/немесе үдемелі азотемияны немесе сирек жағдайларда жедел бүйрек жеткіліксіздігін тудыруы мүмкін. Валсартанды қолдану аясында ұқсас нәтижелер туралы хабарланды. Жүрек жеткіліксіздігі немесе инфаркттен кейінгі жағдайы бар пациенттердің жағдайын бағалау әрқашан бүйрек функциясының жағдайын бағалауды қамтуы тиіс. Ұзақ, плацебо-бақыланатын зерттеуде (PRAISE-2) ишемиялық емес сипаттағы ауыр жүрек жеткіліксіздігі (NYHA бойынша III және IV ФК) бар пациенттерде амлодипинді қолдану плацебоға қарағанда жүрек жеткіліксіздігінің нашарлау жиілігінде сенімді айырмашылықтың болмауына қарамастан өкпе ісінуінің даму жиілігінің артуымен астасқан. Амлодипинді қоса, кальций өзекшелерінің блокаторлары жүрек жеткіліксіздігі ауыр пациенттерде сақтықпен қолданылуы тиіс, себебі жүрек-қантамыр оқиғаларының даму қаупін және өлімді арттыруы мүмкін. Аорта және митральді клапан стенозы Басқа вазодилататорларды қолданғандағыдай ауыр емес аорталық немесе митральді стенозы бар пациенттерде ерекше сақтық танытуы қажет. Ренин-ангиотензин-альдостерон жүйесінің қосарлы блокадасы (РААЖ) АӨФ тежегіштерін, ангиотензин II немесе алискирен рецепторларының блокаторларын бір мезгілде қолдану гипотонияның, гиперкалиемияның даму және бүйрек функциясының төмендеуі (жедел бүйрек жеткіліксіздігін қоса) қаупін арттыратыны туралы деректер бар. Сондықтан АӨФ тежегіштерін, ангиотензин II немесе алискирен рецепторларының блокаторларын біріктіріп қолдану жолымен РААЖ қосарлы блокадасы ұсынылмайды. Егер қосарлы блокадамен емдеу өте қажет деп саналса, онда бұл тек маманның бақылауымен орын алуы және бүйрек функциясын, электролиттерді және артериялық қысымды жиі қадағаланып отыруы тиіс. АӨФ тежегіштері және ангиотензин II рецепторларының блокаторлары диабеттік нефропатиясы бар пациенттерде бір мезгілде қолданылмауы тиіс. Эксфорждың әсері тек гипертензиясы бар пациенттер тобында зерттелген. Арнайы ескертулер Балалар Балалар мен 18 жасқа дейінгі жасөспірімдерде Эксфорж дәрілік препаратының қауіпсіздігі мен тиімділігі анықталған жоқ. Деректер жоқ. Егде жастағы пациенттер Дәрілік препаратты егде жастағы (65 және одан жоғары жастағы) адамдарда қолданған кезде сақ болу қажет. Критерийлерді қанағаттандыратын гипертензиясы бар егде пациенттерді амлодипинге немесе Эксфоржға ауыстыру кезінде монотерапия режимінде амлодипиннің немесе тиісінше амлодипин компонентінің ең төмен рұқсат етілген дозасын пайдалану қажет. Бауыр жеткіліксіздігі бар пациенттер Эксфорж бауыр функциясы ауыр бұзылған пациенттерге қарсы көрсетілген. Бауыр аурулары немесе өт жолдарының обструктивті аурулары бар пациенттерге Эксфорж препаратын тағайындау кезінде сақ болу керек. Холестаз белгілері жоқ бауырдың әлсіз немесе орташа айқын жеткіліксіздігі бар пациенттерде валсартанның ең жоғары ұсынылатын дозасы 80 мг аспауы тиіс. Ауырлығы жеңіл және орташа дәрежедегі бауыр функциясы бұзылған пациенттерде амлодипинді дозалау жөніндегі нұсқаулар жоқ. Критерийлерді қанағаттандыратын гипертензиясы бар және бауыр функциясы бұзылған пациенттерді амлодипинге немесе Эксфоржға ауыстыру кезінде монотерапия немесе амлодипин компоненті режимінде амлодипиннің ең төмен рұқсат етілген дозасын пайдалану қажет. Бүйрек жеткіліксіздігі бар пациенттер Бүйрек функциясы ауыр бұзылған пациенттерде клиникалық деректер жоқ. Бүйрек функциясы жеңіл және орташа бұзылған науқастарда препараттың дозасын түзету қажет емес. Бүйрек функциясы орташа бұзылған пациенттерде қандағы калий мен креатинин деңгейіне мониторинг жүргізу ұсынылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Көлік құралдарын басқару немесе қауіптілігі зор механизмдермен жұмыс істеу кезінде Эксфорж препаратын қабылдаған пациенттерде бас айналуы немесе әлсіздік туындау мүмкіндігін ескеру керек. Амлодипин көлік құралдарын басқару және механизмдермен жұмыс істеу қабілетіне қалыпты әсер етеді. Егер пациенттер амлодипинді қолданған кезде бас айналуын, бас ауыруын, шаршауды немесе жүрек айнуын сезінсе, олардың жауап беру қабілеті бұзылуы мүмкін.

Амлодипин Амлодипиннің жүктілік кезіндегі қауіпсіздігі мен тиімділігі анықталған жоқ. Жүктілік кезінде қолдану қауіпсіз альтернативті препарат болмаған жағдайда және аурудың өзі ана мен эмбрионға үлкен қауіп төндірсе ғана ұсынылады. Валсартан Жүктіліктің бірінші триместрінде ангиотензин II рецепторларының блокаторларын қолдану ұсынылмайды. Ангиотензин II рецепторларының блокаторларын қолдану жүктіліктің екінші және үшінші триместрінде қарсы көрсетілген. Жүктіліктің бірінші триместрінде АӨФ тежегіштеріне әсер еткеннен кейін тератогенді қаупі туралы эпидемиологиялық деректер түпкілікті болған жоқ; алайда қауіптің аздап жоғарылауын жоққа шығаруға болмайды. Ангиотензин II рецепторларының блокаторларын қолдану кезінде қауіп туралы бақыланатын эпидемиологиялық деректердің болмауына қарамастан, ұқсас қауіптер осы препараттар класы үшін болуы мүмкін. АРБІІ емін жалғастыру қажет болатын жағдайлардан басқа, жүктілікті жоспарлап жүрген пациенттерді жүктілік кезінде қолдануға арналған қауіпсіздік бейіні тексерілген альтернативті гипертензияға қарсы препараттарға ауыстыру қажет. Жүктілік басталған кезде АРБІІ емдеуді дереу тоқтату керек және қажет болғанда альтернативті терапия басталуы керек. Екінші және үшінші триместрдегі АРБІІ-нің әсері фетоуыттылықты (бүйрек функциясының төмендеуі, қағанақ суының аздығы, бассүйек сүйектенуінің баяулауы) және неонатальді уыттылықты (бүйрек жеткіліксіздігі, артериялық гипотензия, гиперкалиемия) тудыратыны белгілі. Жүктіліктің екінші триместрінен АРБІІ қолданғанда бүйрек пен бассүйек функциясын УДЗ арқылы тексеру ұсынылады. Аналары АРБII қабылдаған сәбилер гипотонияға қатысты бақылануы тиіс. Амлодипин адамның емшек сүтімен шығарылады. Сәби алған аналық дозаның пайызы 3-7%, максимум 15% шегінде ауытқиды. Амлодипиннің сәбилерге әсері белгісіз. Емшек сүтімен емізу кезінде Эксфорж препаратын қолдану туралы ақпарат жоқ, сондықтан препаратты осы кезеңде қолдану ұсынылмайды және қауіпсіздік бейіндері ең жақсы альтернативті дәрілермен ем қолдану, әсіресе жаңа туған нәрестені немесе шала туылған нәрестені тамақтандыру кезінде ұсынылады. Фертильділік Эксфоржды қолдану кезінде фертильділікке әсер етуді бағалауға клиникалық зерттеулер жүргізілген жоқ. Амлодипин Кальций өзекшелерінің блокаторларын алған кейбір пациенттерде сперматозоидтардың басында қайтымды биохимиялық өзгерістер байқалды. Амлодипиннің фертильділікке әсері туралы клиникалық деректер жеткіліксіз.

Осы біріктірілімге тән басқа препараттармен өзара әрекеттесуі Эксфорж препараты мен басқа дәрілік препараттармен өзара әрекеттесулерге зерттеулер жүргізілмеген. Бір мезгілде қолдану кезінде ескеру керек Басқа гипертензияға қарсы дәрілер Жиі қолданылатын гипертензияға қарсы дәрілер (мысалы, альфа-блокаторлар, диуретиктер) және гипотензиялық жағымсыз әсерлердің дамуына әкелуі мүмкін өзге де дәрілік препараттар (мысалы, трициклді антидепрессанттар, қуықасты безінің қатерсіз гиперплазиясын емдеуге арналған альфа-блокаторлар) осы біріктірілімнің гипертензияға қарсы әсерін күшейтуі мүмкін. Амлодипинді қолданумен байланысты өзара әрекеттесулер Бір мезгілде қолдану ұсынылмайды Грейпфрут және грейпфрут шырыны Амлодипинді грейпфрут немесе грейпфрут шырынымен қолдану ұсынылмайды, өйткені кейбір пациенттерде амлодипиннің биоэквиваленттілігі артуы мүмкін, бұл АҚ төмендеуі әсерінің ұлғаюына әкеледі. Бір мезгілде қолданған кезде сақ болу қажет CYP3A4 тежегіштері Амлодипинді және күшті немесе орташа CYP3A4 тежегіштерін (протеаза тежегіштері, азольді фунгицидтер, макролидтер, мысалы, эритромицин немесе кларитромицин, верапамил немесе дилтиазем) бір мезгілде қолданғанда амлодипин әсерінің айтарлықтай артуы мүмкін. Егде жастағы пациенттерде фармакокинетикадағы бұл өзгерістердің анағұрлым айқын клиникалық мәні бар. Осыған байланысты клиникалық бақылау және дозаны түзету қажет болуы мүмкін. СУР3А4 индукторлары (құрысуға қарсы препараттар (мысалы, карбамазепин, фенобарбитал, фенитоин, фосфенитоин, примидон), рифамицин, құрамында шілтер жапырақты шайқурай бар өсімдік препараттары) Белгілі CYP3A4 индукторларын бір мезгілде қолданғанда қан плазмасындағы амлодипин концентрациясының өзгеруі мүмкін. Сонымен, CYP3A4 күшті тежегіштерін (мысалы, рифампицин, құрамында шілтер жапырақты шайқурай бар өсімдік препараттары) бір мезгілде қолдану кезінде және одан кейін АҚ бақылау және препараттың дозасын реттеу қажет. Симвастатин 10 мг дозада амлодипинді және 80 мг дозада симвастатинді бір мезгілде қайта қолдану симвастатинмен монотерапия кезінде симвастатинмен салыстырғанда симвастатиннің экспозициясын 77% арттырады. Амлодипин алатын пациенттерге симвастатинді тәулігіне 20 мг аспайтын дозада қолдану ұсынылады. Дантролен (в/і енгізу) Гиперкалиемияның даму қаупін ескере отырып, қатерлі гипертермияның дамуына бейім пациенттерде және қатерлі гипертермияны емдеу кезінде БКК, оның ішінде амлодипинді бір мезгілде қолданудан аулақ болу керек. Такролимус Амлодипинмен бір мезгілде қолданғанда қандағы такролимус концентрациясының жоғарылау қаупі бар. Амлодипинді қолданған кезде такролимустың уыттылығын болдырмау үшін такролимус қабылдаған пациентке қандағы такролимус концентрациясын үнемі бақылау және қажет болған жағдайда дозаны түзету қажет Бір мезгілде қолдану кезінде ескеру керек Басқалар Клиникалық өзара әрекеттесуді зерттеу барысында амлодипин аторвастатин, дигоксин, варфарин немесе циклоспорин фармакокинетикасына әсер еткен жоқ. Валсартанды қолданумен байланысты өзара әрекеттесулер Бір мезгілде қолдану ұсынылмайды Литий Литий мен ангиотензин өзгертуші фермент тежегіштерін немесе валсартанды қоса, ангиотензин II рецепторларының блокаторларын бір мезгілде қолдану кезінде қан сарысуындағы литий концентрациясының қайтымды жоғарылауы және уыттылығы туралы хабарланды. Сондықтан бір мезгілде қолданған кезде қан сарысуындағы литий деңгейін мұқият бақылау ұсынылады. Диуретиктер мен Эксфорж препаратын бір мезгілде қолданғанда литийдің уытты әсер ету қаупі артуы мүмкін. Калий сақтайтын диуретиктер, калий препараттары, құрамында калий бар тағамдық қоспалар және қан сарысуындағы калий мөлшерін арттыратын басқа заттар Валсартанды калий құрамына әсер ететін препараттармен бір мезгілде қолдану қажет болғанда қан плазмасындағы калий мөлшерін бақылау ұсынылады. Бір мезгілде қолданған кезде сақ болу қажет ҚҚСД, оның ішінде ЦОГ-2 селективті тежегіштері, тәулігіне 3 г астам дозада ацетилсалицил қышқылы және басқа селективті емес ҚҚСД Ангиотензин II және ҚҚСД рецепторларының блокаторларын бір мезгілде қолданғанда гипотензиялық әсердің бәсеңдеуі мүмкін. Сондай-ақ, бүйрек функциясының бұзылу қаупінің жоғарылауы және қан плазмасындағы калий мөлшерінің жоғарылауы мүмкін. Терапияның басында бүйрек функциясын бағалау, сондай-ақ су-электролит теңгерімінің бұзылуын түзету ұсынылады. Қармау транспортерінің (рифампицин, циклоспорин) немесе ағып шығу транспортерінің (ритонавир) тежегіштері Қармау транспортерінің тежегіштерін (рифампицин, циклоспорин) немесе эффлюкстік транспортерді (ритонавир) бір мезгілде тағайындағанда валсартанның жүйелі әсері ұлғаюы мүмкін. Ангиотензин II рецепторларының блокаторларын, АӨФ тежегіштерін немесе алискиренді қолданғанда РААЖ қосарлы блокадасы Клиникалық зерттеу нәтижелеріне сәйкес, ангиотензин II рецепторларының блокаторларын, АӨФ тежегіштерін немесе алискирен қолданған кезде РААЖ қосарлы блокадасы монотерапия режимінде РААЖ-ға әсер ететін препараттарды пайдаланумен салыстырғанда артериялық гипотензия, гиперкалиемия, бүйрек функциясының бұзылуы (жедел бүйрек жеткіліксіздігін қоса) жағдайларының туындау жиілігінің ұлғаюына әкеледі. Басқалар Валсартанмен монотерапия кезінде мынадай дәрілік заттармен: циметидинмен, варфаринмен, фуросемидпен, дигоксинмен, атенололмен, индометацинмен, ГХТЗ, амлодипинмен, глибенкламидпен клиникалық маңызды өзара әрекеттесудің болмағаны анықталды

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 30°С-ден аспайтын температурада, ылғалдан қорғалған жерде сақтау керек. Балалардың қолы жетпейтін жерде сақтау керек!